-->

رواية اتعبتني ولكن (امل ويوسف ) الفصل السادس 6 بقلم يوتة

رواية اتعبتني ولكن (امل ويوسف ) الفصل السادس 6 بقلم يوتة

    رواية اتعبتني ولكن (امل ويوسف ) الفصل السادس 6 بقلم يوتة

    ،،

    ،،
    وفات الوقت ووقع يوسف وطلع روح ب اماااني .
    طبعا يوسف سأل اماني ع امل وخيرها ما جت وهكي؟؟ واماني احكتله انها حست بنفسها تعبانه وانه اهلها خوفا عليها ماخلوهااش تجي ..
    يوسف ،،، ان شاء الله خير..
    اماني ،، قتلك يوسف عادي لو رفعتني ل امل ؟؟
    يوسف ،، هوا عادي بس انتي تعرفي وين تسكن ولا لا ؟؟
    اماني ،، هوا الحق ما نعرف وين بضبط !!
    بس عادي لو انت عادي ترفعني نتصل بيها ونسألها ؟؟
    يووسف ،، تمام معناها اتصلي بيها وخودي منها النعته بضبط وع س4 نعرفك ..
    اماني ،، به تمام بعون الله اول مانوصل للحوش نسألها ونقلك ونمشوو .
    يوسف ،، انا نقول شن رايك لو كلمتيها توا من تطمني عليها ومن تسأليها وتعطيها علم إنك جايه عندها اليووم ؟؟

    "" طبعا يوسف كان ف باله يطمن ع امل وبس هذا ليش اقترح ع اماني انها تتصل ب امل توا ..""

    امااني ،،، اممممم حت هذا رأي لحظه بس خلي نشوفها ؟؟
    اماني ،، ي والله عليك قصه !!
    يوسف ،، خيرك ؟؟
    اماني ،، الهاتف فاصل شاااحن.
    يوسف ،، وشن المشكله كلميها من هااتفي .
    اماني ،، لالاه توا نوصل للحوش ونكلمها من هاتفي وخلاص .
    يوسف ،، ديري رايك ؟؟
    لكن والله لعادي راه وشن فيها يعني هوا هاتفي هوا هاتفك المهم مكالمة وخلاص ولاشن رايك ؟؟
    اماني ،، اممممم به انت عندك رقمها ولا لا؟؟
    يوسف ،، لو ماعندي ماكنت عرضت عليك تتصلي من عندي ي فالحه ..
    اماني،، هههه والله حق
    به هات ترا خلي انشوووف ؟؟
    يوسف ،، ها شن صار ؟؟
    اماني،، شكلها مش حترد .
    يوسف ،، غير اصبري انتي .
    اماني ،، ا س ا سي اهي ردت .

    عند امل ..
    بعد ما امها منعتها من المشي للكليه
    جت وكسدت ع النت وخلاص..
    وفااات الوقت بعدها جي ع بالها ترقد ، وكيف سيبت الهاتف من يدها وغمضت عيونها لحت تنااام
    رن الهاااتف ؟؟
    امل،، بسم الله زعما مني !!
    وبمجرد ما قامت الهاتف طلع رقم مجهول ..
    لانها كانت حادفه الرقم عكس يوسف لكان حافظه
    ..وحطت امل الهاتف ورجعت تمددت ع سريرة وف بالها من زعما؟؟
    وبعدها جي ف بالها رقم يوسف لذلك قامت الهاتف وقالت هي نفتح وخلاص هوا ولا غيره.
    وفتحت امل الخط وسكتت ..

    اماني ،، هههه خيرك ساكته اموولتي ؟؟
    امل ،، مابردك هوا انتي ؟؟
    اماني،، هههه ومن توقعتي يعني؟؟ لكن صحه ليك زبطي الصوت . لنقنك داهيه ي بنت //
    امل،، هههه خزي عليك ي بنت بس قوليلي هذا رقم مني؟؟
    اماني وهي متلفته ل يوسف ،، اهاااا قصدك ماعندكش رقم يوسف ,,
    امل ،، هوا الحق حدفته قلت شن بندير بيه؟؟ ماتوقعتك تتصلي بيه ي حنه !!
    اماني،، اهاااااا تي به كويس
    لكن قوليلي كيف حالك توا ؟؟
    امل ،، الحمدلله شوية دوخه تمشي وتجي وخلاص .
    اماني،، اها وماعرفتي شن سببها ؟؟
    ولانقلك مانعطلش عليك اهو العشيه جاايتك واحكيلي بتفاصيل ..
    امل،، تحكي جد ولا تبصري انتي ؟؟
    حاااق بتجي عندنا ؟؟
    اماني ،، ههه حق امالا شن ؟؟ قداش عندي اموله انااا ؟؟
    امل،، اووووووه عليك خبريه جميلةةة ..
    اماني ،، هههه ب هبه غير اسمعي اعطيني نعتت حوشكم عاااد ؟؟
    امل ،، اي اكيد هذا ي حنه تسكنو ف ........""
    اماني ،، تبي الحق مافهمت شئ هاااكي يوسف وتفاهمي معاه ..
    وحطت الهاتف ع اذن يوووسف
    امل ،، تي لالا اهو توا انعاود نشرحلك ؟؟
    يوسف ،، هههه شن ماتبي تحكي معاي قصدك ؟؟
    امل ،، لا غير بس قلت ليش اهو نفهمها هيا وخلاص ..
    يوووسف ،، امممم تي ماشي ماشي
    قوليلي كيف حالك ؟؟
    امل،، لا الحمدلله انا بخير كيف حالك انت ؟؟؟
    يوسف ،، وانا كويس
    اي المهم احكيلي وين حوشكم ؟؟
    امل ،، اها حوشنا اي تلاقي في ...................؟
    وصلت الخريطه ؟؟
    يوسف ،، اي تمام امنوره ع 4 تكون عندكم ,
    امل ،، ف الانتضار
    هي مع السلامه ،،،
    يوسف ،، سلام \\

    سكر يوسف من امل وهوا نص فرحان ونص مضايق ليش وكيف ماايعرف السبب ؟؟

    بينما امل سكرت الخط وهيا قمة ف السعادة
    ربما ع خاطر صديقتها بتجي عندها وهكي ؟؟ او ربما ع خاطر شئ ثااني ؟؟
    المهم مشت امل وقالت ل امها ان اماني بتجي عندهم وهكي
    وطبعا الام فرحة ع خاطر بنتها وجها نور من جديدومن فرحتها دخلت تجهز ف ضيافه ل اماني ..

    ااما اماني ويوسف وصلو للحوش
    واماني عطت علم ل امها انها بتمشي ل صديقتها والام وافقة .
    وبعدها دخلت اتنظم ف امورها ..

    عند امال
    كانت خايفه ومتردده هلبه
    كيف ؟؟وشن بتقول ل علي ؟؟
    وفي وسط خوفها وتردده يدخل عليها _ علي _
    طبعا علي طبيب يشتغل مع امال ف المختبر وهوا من مواليد86 حب امال ورتاح ليها وفتح معاها موضوع الزواج
    وامال قتله انشاور اهلي ونرد عليك ..

    علي ،، السلام عليكم امال
    كيف حالك؟؟
    امل ،، الحمدلله بخير دكتور وانت كيف حالك؟؟
    علي ،، الحمدلله
    شن ي امال مافي شئ حابه تقولي ليا ؟؟
    امال وقلبها قريب يطير منها ،، اها مش عارفه ؟؟
    قصدي قلت ل اهلي وامي قالت يتفضلوو وان شاء الله يصير خير.
    علي ،، به وانتي ي امال
    شن رايك فيا ؟؟
    امال وهيا مرتبكه،، مش عارفه قصدي انا ع اهلي لو وافقو راح انوافق .
    علي ،، ولوو قالو لا ورفضوني ؟؟
    امال وليش لحت يرفضو شخص زيك انسان راقي وكل بنت تتمناه.
    علي ،، هههه يعني لازم انلف وندور لحت تقولي الكلام الحلوو
    وهنا امال انتبهت لنفسها وع طول تحشمت وكيف بتطلع ..
    علي ،، اصبري ي امال مش بنتفقو ع يوم نجيكم فيه ؟؟ ولا كيف يصير ؟؟
    امال ،، اهو رقم خوي محمد وتفاهم معاه وهي سلام انا بنروح ..
    علي ،، اوووكي وربي يحفظك وتكوني من نصيبي يارب
    امال وهيا ف قمة الحجل وبدون ولا كلمةةة طلعت من الحجره ومشت لمحمد

    وبعد شوي وصل محمد وامال للحوش
    ولقووا لام وامل حايسين .
    امال ،، شن في خيركم حايسين هكي وشن كل هالحلويات والضيافة الحلووه من جاي عندنا ؟؟
    امل ،، بجونا ضيوف .
    امال ،، عارفه ضيوف بس من ؟؟
    الام،، صديقة امل جايه عندنا
    وهنا محمد طوول عيونه ولوو قلوب قلووب ..
    محمد ،، من هيااا؟؟
    امل ،، ههههه ومن امته تسأل ي حمودي ؟؟
    امال ،، اي حق من هيا نعرفوها احنا ولا لا؟؟
    امل ،، اماني ماتعرفوها بس بعد شوي راح تتعرفو عليها
    وهي امشي نظمي امورك وتعالي معانا.
    امال،، اوكي ان شاء الله
    بينما محمد وقت سمع بإنه اماني لجايه ع طوول سرح ومش عارفه لعند وين وصل ؟؟
    امل ،، هييي وين سرحت يلا حت انت امشي غير وتعاله بنتغدووو
    محمد ،، تمام

    وبعد شوي تغدو العيله الكل وفات الوقت وجي موعد استقبال اماني
    طبعا محمد قعد ف الحوش ومايبي يطلع ف باله شئ بديره ؟؟
    • شن الشئ ؟؟ راح تعرفووو بعد شوي

    • عند اماني
    لبست وجهزت نفسها وركبت ف السيارة
    يوسف ،، ياااسلام فرحانه عاد من زيك
    بتمشي لصاحبتك .
    اماني ،، ههههه والله هلبه
    تعرف يووسف ؟؟
    يوسف ،، شن ؟؟
    اماني ،، صح ماليش فترة طويله نعرف امل الا انها بنت طيوبه وتدخل للقلب بسرعة
    يعني ع قد ما كنت مش حابه التحويل من كليتي ع خاطر صديقاتي وهكي
    إلا ان امل عوضتني ع كل شئ بجد بجد وجودها ف حياتي نعمةةة من ربي ..
    يوسف ،، لهدرجة يعني قدرت تتسلل لقلبك ؟؟
    اماني ،، هههه وانت الصادق اتسللت لكل حوااسي
    يوسف ،، هههه
    به ربي يدوووم الرفقة ي حلوة
    اماني ،، ياارب
    تعرف بصدق يااحظ الانسان لبتكون من نصيبه ..
    يوسف ،، به كويس وانتي علقتي اهو قريب نوصلو للحب ديالك .
    اماني،،هههه شن غرت يعني ذا انت الحب كلووو والنعمه
    اي يوسف نبي ناخدلها بوكي ورد ل امل
    يوسف ،، ههه به حاضر
    اماني ،، اي وعاد مانوصيكش نبيه جميل هلبه هلبه
    يوسف ،، حااضر
    اي اوامر ثانيه؟؟
    اماني ،، نجك ليا وخلاااص ي قلبي

    ونزل يوسف وخدي بوكي ورد ع كيف كيفه وكان جميل هلبه
    وعجب اماني هلبه
    وبعد شوي وصلو لحوش امل
    نزلت اماني وف يدها بوكي الورد وشوكولاته
    اما يوسف ع طوول حط اماني ودور
    اماني وهيا ماشيه كانت لاهيا ف الشنطه ادور ف الهاتف لحت تكلم امل
    بينما محمد كان كيف طالع من الحوش
    وهووب يخبط ف اماني ..
    وهنا عاد محمد عيونه قلوووب قلوب
    بينما اماني ارتبكت وتحشمة هلبه
    اماني ،، معليشي كنت حايسه اندور ف الهاتف هذا ليش ما إنتبهت انت كويس ؟؟
    محمد ،، ولايهمك المهم انتي بخير وامورك كويسه ؟؟
    اماني ،، الحمدلله .
    محمد ،، عرفتيني انا من اماني ،،
    اماني ،، اكيده
    محمد بفرح ،، من ؟؟
    اماني ،، هههه محمد اخ امل وله ؟؟
    محمد ،، اي هي تفضلي وصلتي
    ودخلت اماني

    بينما محمد طلع وهوا مضاايق
    لانه اماني ماقدرت تتعرف عليه وطلع شكه ف محله ..

    "" قد يأتينا كل ما نريد ولكن ليس تلقائيا ،ربما يحتاج إلي فترة من الزمن لكي يأتي فأصبر لعل في كل تأخير خيرا وفير ""

    دخلت اماني لعند امل وفرحو الاثنين ببعض
    وفرحة امل بالورد هلبه هلبااات وعرفت اماني ع امها واختها
    واماني حبت اهل امل واهل امل حبو اماني وفرحو بيها هلبه ..
    اماني ،، ما شاء الله ع اهلك ي امل يهبلووو ربي يخليكم ويحفظكم حبيبتي
    امل ،، سلمها يااارب
    اماني ،، قتلك توا انتم 2 بنات ولد وله ؟؟
    امل ،، لالاه احنا 2 بنات و2 اولاد .
    اماني ،، ماشاء الله
    في منهم المتزوج ولا زي حالتنا ..
    امل ،، هههه ياريت والله
    احمد مزال شوي بس محمد اهو يبني ويشطب
    اماني ،، اها حلووو من المفروض خاطب صار
    امل ،، هوا الحق هالموضوع مسكره غير اهو يساير ف امي وبوي وخلاص .
    اماني ،،، وعلاش ؟؟
    امل ،، قصه طووويله ||
    اماني ،، نبي نسمعهاااا
    امل ،، ههه خيرك علقتي ي بنت
    اماني ،، فضووولي هي احكي
    امل ،، هذا ي حنه
    قبل كان معجب ب بنت المهم هالبنت شكلها كانت رافضه العلاقة وهكي
    وطبعا محمد كان شاد ف هالموضوع هلبه وكان يبيها رسمي بس للاسف هيا رفضت محمد علاش وكيف مانعرف ؟؟
    اماني ،، اووف معقوله ع خاطر هالشئ مش قابل موضوع الزواج ؟؟
    امل،، هوا مش قصة رافض بس زي ماتقولي حب البنت هلبه ومزال عنده امل فيها .
    اماني ،، هيا البنت قريبتكم ؟؟ ولاكيف ؟؟
    امل ،، لالاه هالبنت متعرف عليها ف الكلية تقريبا وقت كان يقرا
    اماني ،، والله قصدك ليها فترة هالقصه ؟؟
    امل ،، اي سنتين تقريبا
    اماني ،، هههه والله خوك هذا مافيش منه الباين .
    امل ،، ههههه وله
    تخيلي من سنتين معاد شافها ولاسمع عليها اي شئ ..
    اماني ،، هههه هذا مرض فيها مش غير معجب بيها ي بنت
    امل ،، بالله وشن الفايده
    اماني ،،، تعرفي قصة خوك .
    مش غريبه عليا حاسه إني نعرف هالتفاصيل من قبل .
    امل ،، شن قصدك ؟؟
    اماني ،، قصدي إنه تفكرت شئ صار معاي قبل سنتين
    كان تقريبا شابيه من لصار مع محمد , قبل ستين وقت كنت نقرا ف الكليةة الاولي
    كان ف شاب معجب بيا . وكان مستعد ادير اي شئ ع خاطري
    وما نكذب عليك حت انا حبيته بس للأسف جي في الوقت الغلط , وقتها كان بابا ماليشي شهر متوفي
    ووقت فاتحني محمد بالموضوع سكرته ع طوول
    ومن يومها معاد شوفته شكله تحول ولا شن صار فيه الله اعلم ؟؟
    أمل ،، ي روحي عليك ي حلوة
    اماني ،، يلا عادي ربي يهنيه .
    اماني ،، شن ؟؟
    امل ،،كأني سمعت اسم محمد ولا انا نتخايل ؟؟
    اماني ،، اي كان اسمه محمد وم90.
    امل ،، والغريب إنه اسم البنت ليحبها محمد كان
    أماني ّّّّ
    اماني ،، شن قصدك ؟؟
    امل ،، قصدي واااضح !!
    اماني ،، بلا جوو
    ؟؟
    امل ،، واضح ي اماني انتي هيا نفس البنت ومحمد هوا نفس الولد لحبيتي .
    اماني ،، بس انا شوفت محمد كان هذا كنت عرفته .
    امل ،، عشان محمد طول شعره ممكن هذا ليش ماعرفتي ؟؟
    اماني ،، به كيف بنتأكد انا
    امل ،، مش عارفه بس انا واثقه انه نفسه .
    اماني ،، لحظه لحظه عرفت كيف ,
    امل ،، كيف ؟؟؟
    اماني ... ,,,,,,,,,,,,,,,,,,,,,,,,,,,,,,يتبع
    تأليفي يووووونةة

    إرسال تعليق

    جميع الروايات والقصص المنشورة علي الموقع هي روايات مجانية أخذنا إذن بنشرها من أصحابها إذا وجدت أي رواية لها حقوق ملكية فكرية أو تُريد إزالتها من الموقع اتصل بنا ، ونقوم بحذفها فوراً .