أخر الاخبار

رواية اتعبتني ولكن (امل ويوسف ) الفصل الخامس 5 بقلم يوتة

رواية اتعبتني ولكن (امل ويوسف ) الفصل الخامس 5 بقلم يوتة

 لحلقه (5)

،،
،،

وبينما هما يهدرزو كان محمد كيف وااصل للمستشفي وبمجرد ما نزل من السيارة طلع طووول للحجره
طق الباب وفتح بخووف ؟؟
وهنا كانت المفاجأة الاخري ؟؟؟

،،
،،
بمجرد ما دخل محمد للغرفه ع طوول جت عينه ع أخته لكانت متمددة ع سرير وفي يدها إبراة التغديه
وطبعا محمد بعد ما شااف هالمنظر تأثر وخااف هلبه ع أمل وبدون مايحس امشي يجري لعندهاا
• محمد وهوا ماسك ف يد امل ،، اموله حبيبتي اسم لله عليك خيرك اوخيتي كيف صار هكي ؟؟ وكيف حاسه توا طمنيني عليك ؟؟
• امل ،، لا ي غالي انا كويسه ماتخاف عليااا بعتالي العافن مايموتش ي غزالي انت هههه ولاشن راايك؟؟
• محمد ،، مجنونه انتي وحق الله خوفتيني عليك وبعيد السوء عليك ي قلب خوها انتي
• بس قولي الحق ب شن حاااسة توا يعني افضل ولا لسا في دووخه ؟؟
• امل ،، يحليلي منك ي محمد وحق الله انا بخير كوون مطمن .. بالله احكووو حاجة انتووو لانه مش راح يقتنع كل مني ...
• يووسف وهوا حاط يده ع كتف محمد ،، صح كيف ماااقتلك امل بضبط هيا كوويسه ومافي داعي للخوف والقلق ي محمد واهو توا بمجرد ماتم هالابراة راح تطلع بيها للحوش وتطمن عليها اكثر ...
• وان شاء الله ماتشوف شر يارب
• محمد ،،شكرا بارك الله فيك ياا.... ؟ ؟
• امل ،، اي حق ماعرفتك عليهم هذا يووسف استاذي واخ صديقتي .. وهذاا خوي محمد ي استاذ.

• محمد ،، اهااا اهلاا سهلا بيك يووسف تشرفناااا
• يوووسف ،، شكرا بارك الله فيك
• امل ،، اي وهاذي هيا.... !!!
• بسم الله وين مشت اماااني ؟؟؟
• يووسف ،، توا كانت هنا بس جتها مكالمه لذلك طلعت .
• امل ،، اهااا مش مشكله
• اماااني ،، كاني سمعت اسمي وله ؟؟ اعترفوو يلا ليش تقرموو فيا ؟؟
وهناااا محمد حس بأنه هالصووت وهالنبره مش غريبه عليه فتلفت بسرعة البرق ل اماااني
وبالفعل كااان هالاحساس ف محله وهالبنت كانت مش غريبه ع محمدد
وبينما محمد كان مصدووم ب امااني امل كسبت فرصه وجود اماني وعرفتها ع محمد ..

امل ،، تعالي تعالي امونه حرام عليك هوا من يسترجاا يذكرك الا بالخير ي روحي انتي
اماااني ،، سلمهالي ياارب
امل ،،اي محمد هاذي اماني واماني هذا محمد .
محمد واماني ،، تششرفنااا .

محمد في باله معقوله الدنيا صغيره لهدرجةةة ي سبحان الله فعلا هالدنيااا صغيرة وهلبه معقووله اماني وبعد كل هالسنين هناااااا .
يلا ان شاء الله خير وخلاص بس الباين ان اماني ماعرفتني ؟؟ معقوله لهدرجة انا متغير ؟؟
ي سبحان الله ع هالايااام ..
اما اماني مكانتش تملك قوة النباها لعند محمد هوا صح حست بأنها هالوجه مألوف بس مادارت اي اهميه للموضوع لذلك اكتفت بقووول تشرفنااا وخلاص .
• شن القصه وشن السر ليجمع بين محمد واااماني ؟؟
• تبوو تعرفوو صح؟؟
راح تعرفوووو اكيد بس لساا شوي صغيرةة !!!

"الايام وحدها التي تتفنن في إعطاء كل ذا حق حقه وبدون اي منازع "

وبعد ماتعرفوو الشباب ع بعض
اماني ويوسف روحووو ... ومحمد وامل استنو ورقة الخروج وروحو حت هما .

عند يووسف ..
وصل للحوش هوا واماني وكالعادة غيرو ملابسهم وتوضو وصلووو وتغدوو وكسدوو جنب امهم شوي وبعدهاا ع طوول للقيلوله..

عند امل
فيش فرق بينها وبين يوسف واماني حت هياا توضت وصلت ورتااحت شوي وبعد صراااع مع بوها وامها
علي قلة لاكل وع هالحالة لهيا فيها قنعوها انها تتغده وبعدها نامت ع طووول؛؛
وفات الوقت وجت العشيه ونااضت امل صلت العصر وكاانت جدا مرهقه بس كانت تظاهر انها بخير وبصحه كوويسه لحت ماتشغل بال اهلها وتخوفهم عليها
لذلك طلعت من دارها وقعمزة مع اختها وامهاا ف الصاله ..
امال ،، اموله كيف حالك تووا ؟؟
امل وهي تكذب ،، لا الحمدلله افضل ان شاء الله ..
ام امل ،، غير ليش يس نايضه من مكانك ي امل مش عارفه انك مريضه ولازم ترتاحي ؟؟
امل ،، ي غالية انتي والله انا بخير وبعدين ي الغالية هوا في حد يلاقي زي هالجمعه ويرقد ؟؟ ابدا انتم دوااي والله
ام امل ،،، يمه منك ومن كلامك به ي بنيتي بما انك مرتاحه معنا خليك
امل ،، ا ي اي
وبعد صمت دااام لدقائق
امال ،، امي بنقلك ع حاجه صاارت معاي اليوم ونبي رايك فيهاا ؟؟
امل ،، ياعيني ياعيني هي احكي بسرعة فيش تستني ؟؟؟
امال ،،، هههه واك منك هذا قبل ماتسمعي الدوة استلمتيني منا كانت سمعتي وعرفتي الدوة شن يصير فيك ؟؟
امل ،،، هههه واطيه والنعمه طب يلا ااحكي ..
ام امل ،،امل خلاص ي بنيتي خلي اختك تحكي شن عندهااا
امال ،، هذا ي امي الصراحه ف دكتور ..................؟
امل ،،، هههه مش قتلك ياعيني ياعيتي
امااال ،،، انجيك راااه اسكتي خيرلك
ام امل ،، امل عيب ي بنت خلي اختك تحكي ..
امال ،، اي المهم ف دكتور معاي ف العيااده معجب بيا وحابب يتقدملي رسمي وانا حااايره هوا الصراحه واضح عليه ولد كويس وهكي لكن مش عااارفه انتم شن رااايكم ؟؟
امل ،،، ههههه ي جمااالووو
ام امل ،، هوا ي بنيتي توا الواحد مايعرف مايرد لكن انتي شن خاسره قوليله يتفضل وبعدين لكل حادث حديث ..
امل ،، كلام ماما ميه ف الميه ي امال توكلي ع الله اوخيتي ولي كاتبه ربي ي محلاااه
امااال ،، هكي راايكم انتم ؟؟؟
امل وام امل ،، هذااا الراي الصح والمناسب توكلي ع الله
امال ،، ع خير ان شاء الله

وفاات الوقت وهما يضحكو وينكتوو .. اما امل نوعا ما تحسنت بعد هالجمعه الحلووه ,
"" العائلةة ك شيئا من الدواء كلما تألمت كان جاهزا لتخفيف ما يؤلمك وبجداره ""

عند يوسف
ناض صله وجي كسد مع اماني وامه
وطبعا كالعادة امه استلماااته
ام يووسف ،، امته بنفرح بيك ي يووسف ؟؟ مش شاايف انه هالموضوع هذا وقته ؟؟
يوسف ،، ي امي بالله عليك هالموضوع مش وقته تواا خلينا حلوووين وي محلانا ماتعكريلي جوي ي غالية بالله عليك .
اماني ،، بس ي يوسف فعلا هالموضوع صار الوقت انه ينفتح من جديد .. يعني ل امته مثلا راح نسكتوو
؟؟ ع مااا اعتقد الموضوع مر عليه سنه حقك تنسا ي يوسف بجد ...
يووسف ،، انتم صعب تفهمووو لحاس فيه صدقواني مش وقته ...هوا صح مر عليه سنه بس الوجع قااعد نفسه ليش مااتفهمو صعب والله صعب ؟
ام يووسف ،، تمام ي يوسف مش راح نضغط عليك اكثر بس امنيتي انشوفك مرتااح ومتزوج ومتهني ف حياتك..
يوسف ،، الله غالب ي غاليةةة انتي عارفه لمر عليااا مش ساهل ونبي وقت لحت نقدر نتناسه ..
اماني ،، مااشي ي يوسف برااحتك اليوم بس انا وااثقة انه للحديث بقيه ...
يووسسف ،، ايووه شوووفو ماا احلاكم تواا ؟؟
• اماااني ،، به به ي يووسف

زعما شن هالموضوع لمأثر ع يوسف ومخليه رافض فكرة الزواج والحكي عليه بكل ؟؟
اكيد خاطر عليكم هالسؤال وحاابين تعرفوو السبب؟؟
رااح تعرفوو بس ف الحلقات الجاااية ان شاء الله

\\\\\\ وبعد هالنقااش الطووويل \\\\\\

يووسف ،، غير اسمعي كلمتي امل ؟؟
اماني ،، ليش؟؟
يوسف ،، مصحك شن ليش ؟؟ البنت خليناها ف المستشفي ع ما اظن ماب ردك خيرك ما كلمتيها ؟؟
اماااني ،، هههه وانت خيرك حاايس ع ماا اظن هاذي صااحبتي مش صااحبتك ؟؟
يووسف ،، شن شن ع اساس حرجتي مني يعني وماتبي تقولي كيف حالها وله ،،
اماااني ،، نوعا ماااا ...
يووسف بالبصاره،، امشي ملحي تووا انكلمهااا بروحي اصلا عندي رقمها واقعدي فيها هي ::

وناااض يووسف طلع من الحوش وف باله يطلع يغير جووو ويرجع

اماني بعد طلع يوسف ،، ههههه اصلا هذا لنبيه انك تكلمها انت ..
ام اماني ،،، خيركم انتم وخيره خوك طلع وخيرها امل كنت مركزة ع التلفااز مانتبهتش لحديثكم ؟؟
اماني ،، هذا ي حنه اليوم .......................؟؟ وحكت اماني ل امها كل شئ
وزعلت الام ع امل وطلبت من امل انها تحكي معاااها
وبالفعل اتصلت اماني ب امل وهدرزة عليهااا وبعدها عطت الهاتف ل امها وحكت حت هيا مع امل شوي
وبعدهااا سكرووو الخط ..

عند يووسف
طلع غير جوو ف القهوة وروح
وهوا مروح خطر ع باله كلامه امبكري انه راح يتصل ب امل وهكي
بس صراااع بين يتصل او مايتصل قرار انه مايتصل
وفكر انه راح بشوفها غدوة ف الكلية وراح يحكي معاها ويطمن عليها ااكيد ...

وفااات الوقت وجي الليل وف هاليل كان محمد حيراان وباله مشغوول هلبه بخصوص قصته بس بعد تفكير قرار انه يخلي كل شئ للايام هي بس الكفيله ف ترتيب كل هالفوضه ل في داخله .

اما امل نفس الشئ كانت تفكر بس تفكيرها كان عام ومش خااص زي محمد ..

اما يوسف وامااني لهذااا عنده خصوصيه يقكر فيهاااا ..

وب هالطريقة فاات الليل ع الكل ..

وبعده جي نهااار جديد مليئ بكل شئ مختلف ..
عند اماني
نااضت توضت وصلت وسااعدة امها ف الفطور ونوضت يووسف
وفطروو الكل وبعدها غيرة ملابسهااا ورتبت الفوضه وطلعووو لجاامعه ..

عند امل
نااضت توضت وصلت ولبست وبعدها جت لحت تفطرحست بدوخه من جديد
لذلك امها اصرت عليها انها تغيب هاليوم ومش لازم تمشي
وبعد نقااش اقنعت امل وقعدة ف الحووش
ف اول شئ خطر ع بالها تبعث مسج ل اماني تحكيلها في انها مش جااايه وفعلا بعثت هالمسج بس اماني شاافت هالمسج بعد ماوصلت لجامعه ..
بينما محمد وامال طلعووو لشغلهم وكل حد فيهم ف راسه شئ مختلف من التفكير ..

عند اماني
كانت ماله كونها قعدة بروحها بدون امل ومن حسن حظها الدكتور كان عنده ظرف وماجاش لذلك
ع طوول اتصلت ب يووسف وقتله هكي وهكي وانه امل ماجت وماتقدر تقعد بروحها ف الكلية ..
يووسف قلهاا اوكي اهوو شوي نوقع ونروحو مره وحده ,
طبعا يووسف كان ف باله يبي يحكي مع امل بس بعد ماقتله اماني انه امل مش جاايه اندم انه ماكلمها وهكي انشغل باله عليها اكثر .

وفات الوقت وقع يوسف وطلع روح ب اماااني .
طبعا يوسف سال اماني ع امل وخيرها ماجت وهكي واماني احكتله انها حست بنفسها تعبانه وانه اهلها خوفا عليها ماخلوهااش تجي ..
يوسف ،،، ان شاء الله خير
اماني ،، قتلك يوسف عادي لو رفعتني ل امل ؟؟
يوسف ،،,,,,,,,,,,,,,,,,,,,,,,,,,,,,,,,,,,,,,,,,يتبع

تعليقات



حجم الخط
+
16
-
تباعد السطور
+
2
-
close