رواية ابن الجيران الفصل الثالث 3
(انا سرها انا ابقي نقطة ضعفها انا الحاجة الي مخبيها عن الناس كلهااااااا
)من الصدمة محستش بدموعي الي ملت وشي كنت بسمعو ونفسي اجري ومسمعش الباقي ليه كده ليه ليه مكتوب عليك يا قلبي العذاب
● يا حبيبتي وانتي كمان وحشاني جدا بس انتي عارفة ظروف شغلي
سكت يسمعها وبعدين كمل
● منتي عارفة اني بعمل كل دا عشانك عشان
نتجوز
● حاضر في اقرب وقت هاجي واشوفك
● وانا كمان بحبك
بس بس لحد هنا وكفاية انا الي عملت في نفسي كده
نزلت جري وانا مش حاسة بنفسي ولا شفية قدامي من كتر دموعي بس تقريبا سمعت صوت ماما وسارة بيكلموني وهما مخضودين من منظري مركزتش بيقولو اي جريت علي اوضتي وقفلت الباب اترميت علي السرير وانا مش عارفة دموعي جاية منين ولا ريحة فين
نمت او هربت من وجع قلبي وتفكير عقلي وقهرة روحي هربت من احساس الضعف الي انا فيه
صحيت تاني يوم عيني وجعلني ودماغي مصدعة وديخة لقيت الباب بيخبط قومت وانا بسند علي اي حاجة لحد ما فتحت الباب لقيت سارة دخلة بتهزر كالعادة
_ صباح الصباح علي صوت صباح والشمس جت علي صوت شادية
☆ صباح الزفت
_ ليه بس كده يا سعدية حد يقول لمحمد الشربيني زفت هو صحيح اتجوز وحطم قلوب العزرا بس برضو الواد حلو
بس برضو الدكتور احلا
اول لما جابت اسمو حسيت قلبي عايز يخرج من بين ضلوعي ويسمع كل كلمة عنو بتركيز
غبي
☆ سارة انجزي وقولي عايزة اي علي الصبح انا مش نقصاكي
_ مالك يا غزل
☆ مفيش
_ عمل لقلبك اي تاني يا غزل
هنا مقدرش امسك نفسي
☆ هو مش شايف قلبي اصلا قلبي مين الي بتتكلمي عليه انا بدأت اشك اني سرااااب قدامو بعدي زي هوا طيف تقيل علي عينو وقلبو
قلبو الي ملك وحدة تانية وانا الغبية الي جريت من الفرحة لما عرفت انو مش خاطب اتري في انيل من كده
بيحب يا ساااااارة بيحب وقلبو بيدق لوحدة تانية سمعتو بودني ااااااااه وتقولي قلبي قلبي دا غبي وغاوي عذاب غاوي يجري عليه اول لما يشوفو قلبي وجعني اوووووي يا سارة اووووي
في يزن في قلب غزل بس عمر غزل ما قربت من قلب يزن ولا هتقرب
نزلت علي الارض من وجعني انا مقهورة منو ومن قلبي الي لسه لحد دلوقتي بيحبو ايوه بيحبو
سارة جت جنبي خدتني في حضنها وانا عيطت عيطت علي مشاعري الي بقت عبارة عن ازاز مكسور بيعورني كل لما اجي المو
_ طيب اهدي اهدي يا حبيبتي يمكن كل دا خير ليكي يا غزل واحنا منعرفش الخير فين
ايوه صح انا بعيط ليه اصلا هو دحك عليا وقالي انو بيحبني ولا كنا مع بعض وخاني دا ميعرفش اصلا اني بحبو يبقي ليه الدموع بقا كفاية بقا دموع كفاااية بقا وجع
مسحت دموعي وبعت عن سارة وسمعنا انا وهي صوت في البلكونة
راحت هي وجت بورقة في ايدها
_ دي ورقة مرمية ومفيش حد ظاهر
☆ مكتوب فيها اي
_ قلبي مغصوب علي حبك
☆ هه محمود دا رومنسي اوي
_ محمود مين
حكتلها من ساعة اول ورقة
☆ وانا الحمارة الي كنت فكراه هو الي بيبعتها
سارة حولت تخفف عني كالعادة
_ لا بس اوعي اي عم معجب بقا وورق سري وحركات وانا الي كنتي فكرتني هتفضلي في اربزي طلعتي مولعها
☆ تعرفي تتنيلي وتسكتي وخدي الورقة دي معاكي وانزلي هتلي علبة ايس كريم عائلي بالشوكولاتة
_ غزل انتي المفروض زعلانة
☆ الله عشان افوك
_ تفكي بس بعلبة عائلي امال لو هتفرفشي وتنعنشي هتكلي مصنع بحالو
☆ انجري يا بت هاتي الايس كريم وانتي ساكتة
ومتنسيش شوكولااااااتة
مكنتش مجبرة علي حبو هو مقليش احبو ولا انا كنت عايزة دا حبيتو كده كده بس
لو الحب بيبدأ بسبب مفيش سبب يخليني احبو كده ولو برضو بينتهي بسبب كان زماني بطلت اعيش حبو من زمان
بس لا انا لازم اقوي هفضل مدهولة كده لحد امتي كفاية يزن كفاية
وطريقة من طرق النسيان هي انك تشغل نفسك عن الشخص الي عايز تنساه بضحك على نفسي صح انسي مين
مكرونة بشمل جبت الطريقة وكررت اعملها
☆ ها اي رايك
_ اممممم مش بطلة
☆ الاخوات كلمة يا خاااال
.
* لا يا غزل حلوة اوي يا بنتي
امي دي سكر محلي محطوط علي كريمة
* بقولك ما تنزلي تدوقي طنطك كوثر
امي دي عايزة تجبلي شلل رعاش
☆ ليه يا ماما هو انا عملها صدقة
* بنت عيب الست مش مقصرة وديما كريمة معنا
☆ خلاص خلي سارة تنزل
سارة فين سارة هربت الجزمة
* يلا يا غزل
☆ يا ماما
* بنت
☆ اوووووف طيب
اهدي يا غزل انتي قررتي انتي عقلة يا غزل وتقديري تسيطري علي مشاعرك
^ حاضر حاضر جاية
^ غزل يا اهلا بست البنات اتفضلي
☆ ازيك يا طنط لا ملوش داعي
^ واللهي ابدا مش هتعملي زي المره الي فاتت
دخلت بتهم حلو اوي وشيك كده
☆ كنت جربت اعمل مكرونة بشمل انهاردة وقولت اجاي وادوق حضرتك وتقوللي انفع ولا لا
انتي بتثبتني الولية يا غزل
^ الله دي حلوة يا بنتي متأكدة انك اول مره تعمليها
☆ اه واللهي
^ لا بس باين عليكي ست بيت شاطرة زي منتي شاطرة في شغلك
☆ شغلي وانتي عرفتي شغلي منين يا طنط
^ ما يزن ابني قالي انك انتي الي هتجهزي الشقة الي هيعمل فيها العيادة بتاعتو
بدبسني يا ابن كوثر
☆ اها بس انا ليه مش عارفة هقدر ولا لا يا طنط بيتهبقلي يشوفلو مهندش ديكور احسن علي الاقل عندو خبرة وزوقو احسن
● بس انا شيفك انتي احسن
اخطف قلبي كمان اخطف
☆ بس يا دكتور
^ مفيش بس يا غزل يا بنتي انا وثقة انك قدها وقدود
● هترفضي طلب كوثر
☆ مقدرش
● يبقا اتفقنا يلا بينا عشان نعرف محتجين أي عشان نشترية
☆ دلوقتي
● عندك حاجة اهم
هل خلق في الدنيا اهم منك
☆ لا
● طيب يلا
يا ليتني اسير معك باقي خطواتنا في الحياة لتكون سندي واكون ظلك
الرسم بلنسبالي حياة بطلع فيها كل طاقتي حزن فرح حتي الجوع
تقدر تعبر عن اي احساس بشخبطة في نظر الناس هبل في نظرك مشاعر علي هيأة خطوط متشابكة زي حياتك
☆ هنعمل الحيطة دي اوف ويت وحيطان أوضة الكشف الوان هادية مع ورد وشوية بارويز دي عليا عندي كام رسمة هيعجبوك اوي
● مين قالك
☆ قالي اي
● انهم هيعجبوني
☆ لو مش عجبوك عادي تقدر تجيب غيرهم
● يعني مش وثقة في رسمك
☆ اكيد وثقة
● امال
بندفاع زي عدتي
☆ بس مش وثقة فيك
أطردني حققك تطردني سكت شوية وبعدين ابتسم بس حستها بهتة
● اكتبي كل الي عيزاه في ورقة وانا هنزل اجيبو
سابني ومشي سبني بقلب مش موجود مهو سبني معاه قلبي اتربط بيك يا يزن وماشي وراك فين ما تروح
تاني يوم كنت مخنوقة صحيت علي صوت مبقتش بستغربو رسالة الشباك
( نفسي تسمعي الي جويا )
كنت مخنوقة صراع جويا يزن الي مش عارفة ابطل احبو دا خلاص بقا زي كوبية نسكافيه بلنسبالي وانتو متعرفوش النسكافية بلنسبالي اي
ومحمود هو ممكن يكون بيحبني بجد بدأت احس بيه منا في نفس الدومة قلبي تمرد عليا وسبني وخلع
قررت اخرج من الدوامة دي واروح لبير اسراري التاني الاول هو سارة الي متستهلش اصلا بس يلا زي اختي برضو والتاني جميلة my bestfriend
بقالي كتير مشوفتهاش
ونفسي احكلها
/ صباح الخير
☆ صباح النور يا استاذ محمود
/ عملة اي يا غزل
☆ الحمد لله بخير وحضرتك
/ بخير طول منتي بخير
ونبي بلاش جو الربابا دا مبحبوش
ابتسمت
☆ احم طيب بعد اذنك
/ حسبي
☆ في اي
وطي شال طوبة كانت قدامي
/ كان ممكن توقعك
ابتسامتي زادت هو في كده واللهي لو اقدر احبك مكنتش هتاخر
●غززل
☆ سلاما قولا من ربنا رحيم في اي
● احم ازيك
☆ زي الزفت
● نعم
☆ قصدي كويسة
● امممم ازيك يا يا باش مهندس
يا سلااام باش مهندس ودكتور حظي مع كليات القمة عنب
/ بخير يا دكتور وحضرتك
● تمام
فيلم جاري الحبيب دا هيخلص امتي
☆ طيب بعد اذنكم
/● ريحة فين
هما كانو متفقين يقولها مع بعض ولا دي صدفة
/ قصدي يعني كنت عايزك في موضوع
☆ معلش وقت تاني يا استاذ محمود
● مش كنا هنبدا شغل في الشقة انهاردة
☆ انا مقولتش هبدا امتي بس علي العموم بكره يا دكتور
اي دا اي دا هي عيون بتقلب كده ليه متركزيش عشان متهيسيش
☆ يلا سلام
مش عارفة كنت بجري ولا بمشي
☆ انتي فين
£ مسافرة
☆ نعم
£ اي يا بنتي في اي
☆ في اني في الطريق لبيتك انتي ازي متقوليليش انك مسافر
£ السفر جه بسرعة وبعدين وانا إيش عرفني انك جاية منتي بقالك شهر معبرتنيش
☆ به غوري يا به
£ استني بس كنت عايزة حاجة مهمة ولا عملتي مصيبة
☆ لا مصبتين
£ حلاوتك لا دنا اول ما ارجع هجيلك عشان تشجني
☆ متتاخريش عشان انا بضييييييع يا وديع
£ تمام سلام
☆ رجعت وانا قفيا يامر عيش
روحت اتغديت وقررت اطلع علي السطح ويا رب ما يكون فوق
طلعت والحمد لله مكنش فوق
كوبية نسكافيه نجوم ملهاش عدد قمر مبتسم شبه ابتسمتو يووووه انا بشبة ابتسامة القمر بيه مش العكس
صوت نسمة محجوب بيعتبني
(حبي ليك عين الغلط متاكدة عقلي بيسال قلبي ليه بعمل كده )
)سرحت مين غيرو يتسرح فيه حقيقي انا ادمنتو كل تفصيلة فيه شعرو السايح النايح
وشو الي الخشن زي صوتو من عدتي مبحبش الرجالة الي بخدود معرفش ليه وهو جه يكبر الموضوع في قلبي اكتر هو ملوش خدود
ابتسمتو الي صعب تترسم بس انا رسمها حفر كده علي قلبي
عندو شبة ندبة كده علي جنب شفيفو مش بتبان اوي بس انا ملحظة اصغر تفصيلة فيه
بعشق استيل لبسو بيحب يلعب كورة بيشجع برشلونة متستغربوش
ديما بشوفو رايح يلعب في النادي الي في الشارع الي ورنا وكنت معادية من قدام الصيدلة مره كان بتفرج علي ماتش برشلونة ومتعصب وبيشتم لعيبة الفريق التاني
● السرحان دا سرحان قلب
(انت الوجع الي انا مستحلياااه انت الي مش ممكن اعيش لو مش معااااه....)
)● تنحتي ليه
☆ طالع ليه
● انزل
بسرعة
☆ مش قصدي
ابتسم ابتسمتو عصبتني حسيت اني مكشوفة اني مشاعر ضعيفة قدامة ودا شئ مش حباه
☆ ممكن اعرف اي الي بيخليك تتبستم اوي كده لما تشوفني هو انا ارجوز قدامك
● انتي متعصبة ليه
☆ مش متعصبة
● في اي
☆ اي
● مالك مش طيقلي كلمة وكاني عدوك
عدوي بعد.كل دا وعدوي ثانية كل دا الي هو اي كل دا الي هو جواكي الي ميعرفش عنو حاجة الي ميعرفش عنك حاجة الي ميعرفكيش اصلا
☆ مش فاهمة حضرتك بيني وبينك اي عشان تقولي كده يا دكتور
وشو قلب
وعينو نسيت اهم تفصيلة عينو رومادي بتقلب سعات زي دلوقتي كده قلبت رومادي غامق اوووي
● انتي مش ملاحظة أنك بقتي بتقولي دكتور دي كتير
☆ امال اقولك اي
● مظنش ان اسمي وحش
☆ الالقاب محفوظة يا دكتور
● القاب وفين بقا الالقاب دي مع محمود
☆ اولا مش فاهمة اي الحوار دا اصلا بس اظن انك سمعتني وانا بقولو الصبح استاذ محمود
● ايوه بس بتوقلي محمود اسمي انا مالو بقا
كان بيتكلم بعصبية زيادة مكنتش فهماه
☆ انا مش فاهمة بجد حصل اي لكل دا فيها اي لما اقولو استاذ او محمود بس
● غززززززززززل
دا مش صوت برق او رعد دا صوتو صوتو الي اول مره بدل ما يريحني ويطمني خوفني انا خايفة من يزن
☆ في اي انت مالك بكل دا اصلا
● في ان انتي اختي وانا بخاف عليكي وحسك بتعملني برسمية
اختك الناس خبتها السبت والحد وانا خبتي بقيت ايام الاسبوع
اخرتها اختك
☆ اختك ايوه صح اختك طيب عن اذنك اختك عايزة تنام تصبح علي خير يا دكتور
غمض عينو واتنهد
● غزل
☆ نغم
سكت شوية
● وانتي من اهلو اشوفك بكره عشان نبدا شغل في الشقة
بتقلب في السرير زي المكوك وكلمة اختي لزقة في موخي
☆ اخوتك يا بنت انشراح قصدي كوثر دي اخرتها ماشي ماااااشي
صوت فوني طلعني من تفكيري
لقيتو رقم غريب مردتيش اول مرتين بس آخر ما زهقت رديت
☆ الو ...... الو مين .......مين ......الو
مفيش صوت لسه هقفل سمعت صوت بس مكنش صوت حد دا صوت اغنية ايوه اغنية عارفها كويس ( يا جميلتي يا اميرتي 
)
)الأغنية اشتعلت من اولها لاخرها وقفل
_ وبعدين بقا في جو السسبنس دا محمود برضو
☆ مش عارفة
_ معجبينك كتروو يا جميل
☆ بس يا كوز انتي اما انزل اشوف ابن كوثر بتاع اختي دي لو اتاخرت اعرفي انو جبلي جلتة
_ ولو جيتي بدري
☆ يبقي قتلتو وريحت البشرية من حلتو
شهر عدي شهر بروح فيه اتباع ديكور الشقة بحاول علي قد ما اقدر اتجنبو بس ازي اتجب قلبي الي بقا عايش بيه شهر مبقتش بنام غير لما الرقم السري يتصل مكنتش بسمع غير اغنية
(يا جميلتي يا اميرتي )
مبقتش بنام غير عليها
واصحي علي رسالة الصبح
آخر يوم اروح فيه الشقة خلاص خلصت كل حاجة خد مل لوحات الديكور من عندي مكنش بيقول علي حاجة وحشة كنت مبسوطة ان زوقي عجبو شهادتو وسام علي صدري واللهي
طلعت كان فوق بيتكلم في الفون اول لما لمحني قفل بس سمعت آخر كلمة..
● طيب سلام دلوقتي يا حبيبتي عشان عندي شغل
● صباح الخير
☆ صباح النور
● اعملك نسكايفة معيا
☆ مش عايزة
● معقول
☆ اي
● دنتي مبتحبيش في حياتك قد النسكافية
☆ مش ديما الحاجة الي بنحبها تستاهل حبنا ومش ديما الي بنحبو بيحبنا وساعات لازم نبطل نحبو
● مش فاهم
☆ مش مهم
تلفونو رن تاني
في العادة لما فونو بيرن وهو معيا مش بيرد بس المرادي
● طيب عن اذنك هرد واجي.
☆ برحتك
دخل اوضة الكشف فضولي اتغلب عليا ورحت وراه وسمعت تاني مكلمة وجعتني صدمتني طريت آخر ذرة تفكير في عقلي محستش بنفسي غير وانا بفتح الباب بعصبية
☆ انت احقر بني ادم شوفتو في حياتي
● غزل
☆ اخرس مش عايزةاسمع صوتك واسمي ميجيش علي لسانك مش عايزة اعرفك تاني اصلا انا هخرج من هنا ومش جاية هنا تاني وابعد عن طريقي خاااالص وانسي وحدة اسمها غزل لاني ميشرفنيش انك تبقي عرفني
