رواية ابن الجيران الفصل الرابع 4
الأمل كلانا محتاجين امل
امل في حياتنا
في العلاقات
حتي العلاقات الي مش مكتملة محتاجة امل عشان نقدر نحارب عشان تكمل بس لما ينقطع الامل كلو بيروح
زي املي في يزن الي راح اتقفلت من كل ناحية
الأمل ضاع بعد تاني مكلمة صدمتني فيه..
فلاش باااااااك
روحت وراه الأوضة كان عندي فضول اسمع اي الي غير تعبير وشو كده واتصدمت
● طيب منا عمال احب وادلع اهو اعمل اي تاني
كل شوية بحبك وحشتني وانا مش طيقها اصلا
كان يوم أسود يوم ما فكرت العب عليها
دي بت رزلة وملزقة وانا هموت واخلص منها عشان افضا للتانية المرمية بره دي
طيب هكلمك بليل نشوف هنعمل اي عشان انا مش هصبر اكتر من كده
بااااااااك
عرفين احساس الغباء مع الكسرة اهو انا اتكسرت بغباء كان خبر خطوبتو ارحم
كان يحب غيري اهون
لكن الي انا فيه دا وجع ما بعدو وجع
مهو مش سهل تحب بجد حب من غير سبب او تكليف حب العيوب قبل المميزات حب من غير معاد حب اتملك منك ويطلع بيتلعب بيك
حب كان لعبة قزرة في ايدو
كرهت قلبي وفي نفس الوقت صعبان عليا بس خلاص كفاية كده لازم اعدي الي انا فيه دا لاااازم
اسبوع مخرجتش من اوضتي رفضة اكل واشرب وحتي الكلام سعات سارة بتغصبني اكل وبس كده
بعد ما رجعت من عندو حكتلها كل حاجة بعدها اغمي عليا كانو هيجبوه تاني بس سارة قالت لهم بلاش لما فوقت قلت لهم ان وحدة صحبتي عملت حدثة خطيرة وانا زعلانة عليها بس والموضوع عدا بس الي جويا معداش
بس مش هينفع احبس نفسي كده كتير قررت انزل اتمشي شوية عرفت من سارة انو خلاص بدأ شغل في العيادة يعني لما انزل مش هشوفو
نزلت فضلت ماشية معرفش قد اي ولا رجلي خدتني فين محستش بنفسي غير وايد حد بتشدني جامد وعربية معادية من قدامي
بصيت للشخص الي شدني
☆ محمود
/ مش تحسبي يا غزل كان فاضل سنه والعربية تخبطك
☆ مخدتش بالي
بس انت بتعمل اي هنا
/ بصراحة يعني شوفتك وانتي خارجة سرحانة خوفت عليكي قولت همشي وراكي لحد ما اطمن انك كويسة او ريحة مكان معين وارجع تاني
سكت شوية وبعدين كمل بلهفة لما لاقني سكته
/بس واللهي ما كنت هقربلك ولا اكلمك الي لما لقيت العربية بتقرب منك وانتي متحركتيش من قدمها انا اسف
☆ متتاسفش يا استاذ محمود انا الي لازم اشكرك لولاك كنت مت
رد بسرعة
/ بعد الشر عليكي
ابتسمت ابتسامة مش عارفة طلعت منين
/ بس علي فكرة الاولة كانت احلا
☆ هي اي دي
/ محمود من غير استاذ
☆ انا اسفة مكنتش اقصد
/ غزل هو انتي نسيتي محمود بتاع زمان لما كنا بنلعب مع بعض وكنت بوصلك المدرسة وكمان اجيبك وبنذاكر مع بعض
ابتسمت لما افتكرت الذكريات دي
☆ اه ولما اتخنقت مع عمتك عشاني وشديت بنتها من شعرها عشان وقعت من ايدي المصاصة ههههه
/ ولما كنتي بتكسلي تكتبي الواجب وكنتي بتاخدي الواجب بتاعي
☆ وكنت بتتضرب بدلي هههههه
طيب فاكر لما كنت ديما اسألك في الفسحة انت لما تكبر هتتجوز بنت خالتك ولا بنت عمتك
سكت مكملتش ويارتني ما اتكلمت من الاول لاني لسه فكرة اجبتو عليا من واحنا صغيرين
/ اه فاكر كنت ديما إجابتي
☆ احم طيب يا استاذ محمود انا هروح انا بقا وشكرا مره تانية
جيت امشي وقف في طريقي
/ استني يا غزل انتي ليه بتهربي مني
☆ بهرب بهرب ازي يعني
/ ايوه بتهربي بتهربي من نظرتي من اي طريق بمشي فيه بتهربي من مشاعري يا غزل
☆ استاذ محمود
/ حتي دي استاذ دي الكلمة الي عملت حاجز بيني وبينك خلتني خايف اكلمك لتفهمني غلط او تضيقي مني وتفتكرني بتطفل عليكي وانتي عارفة كويس انتي بلنسبالي اي
كلمة استاذ دي زي سور انتي بنتيه في وشي يا غزل وانا عمل احول اطلع عليه زي الحرامي عشان يوصل لأكبر كنز في حياتو
ليه بتهربي ليه مش ميداني فرصة واللهي حولت ابطل تفكير فيكي حولت انجزب لاي وحدة معيا في الكلية او معيا في الشغل ومع انهم هما الي بيجو لحد عندي بس انا مش شايف غيرك واللهي مش شايف غيرك وانتي مش شافني حسي بيا بقاااااااااا
قال آخر كلمة بزعيق حسيت اني فعلا ظلمة وللاسف انا فعلا ظلمة لاني عارفة مشاعرو وبتجنبو بسببها
وزي ما يكون القدر بيردلي نفس الاحساس
بس لا انا مش يزن انا مش بضحك علي محمود ولا وعدتو بحاجة فوقت علي صوتو
/ ساكتة ليه
☆ ها ابدا بفكر في كلامك اول مره اشوفك عصبي كده
/ انا بجد اسف اني اتعصبت عليكي ارجوكي متزعليش مني انا بس بس انا اسف
ياااااااا هو الي بيعتذر علي ظلمي ليه هتفضل تصغرني قدام نفسي لحد امتي
☆ متعتذرش انا الي اسفة اني وصلتك للحالة دي
/ وانا مش عاوزك تعتزري انا عاوز فرصة
☆ انا مش عارفة بجد ارد عليك
/ خلاص انا هديكي فرصة تفكري تمام
☆ تمام بعد اذنك يا يا محمود
/ هعتبر محمود دي ضوء امل
يا ليت الأمل شئ ملموس حتي اسرق منه ما يكفيني ....
رجعت لحد العمارة بس لمحتو واقف قدام الصيدلة بيتكلم في الفون وبيضحك اوي اوي اكيد بيكلم البنت الغلابة الي بيضحك عليها بكلمتين بس لبسو مش هو دا مش استيلو
بت انتي مالك يلبس ميلبسش مليش فيه ..اي دا يا لهوي دا شافني اجري يا غزل اجري
طلعت بسرعة وانا ببص وريا زي الي بيجري ورها كلب
بليل أترددت اطلع علي السطوح بس مسمعتش صوت اغاني يبقا مش فوق
طلعت براحة يمكن فوق ومش مشغل حاجة اوووف الحمد لله مش هنا كان معيا الاسكتش بتاعي مفيش افكار في دماغي بس هحاول اطلع الكركبة الي جويا في لوحة
نسيت اقول لكم ان المكالمات وقفت وحتي الرسايل ودا زود حيرتي اكتر
معرفش عدي وقت قد اي وانا قعدة برسم وحطة الهاند فري في ودني ومش حاسة بالدنيا حسيت بخيال حد واقف قدامي
☆ جميلة
اترميت في حضنها وعيط عيط وكاني بعيط لسنة قدام فضلت ساكتة وهي بتبطب عليا
£ ها هديتي
هزيت راسي من سكات
☆ وحشتني كنتي فين
£ وانتي اكتر بابا كان مسافر شغل في إسكندرية فا روحت معاه عشان ازور عمتو
☆ اممممم تشوفي عمتو ولا تشوفي ابن عمتو
£ يا سبحان الله دي الي كان قلبها مناحة من شوية
☆ ملكيش في انا كده هروناتي بتتجدد كل شوية
£ ماشي يختي ها اشجني اي مشقلب حالك
☆ يزن
اسمو بس كفيل يظهر كل الوجع الي جويا علي ملمحي اكتفيت اني انطق اسمو واسكت
£ هااااااا قولتي يزن وسكتي يزن ظابط يزن وكيل نيابة يزن دوا كوحة يزن سفاح شارع الجيش يزن الموسكي يزن وبعدين فين المشكلة المصيبة الكرسة فين الجملة
☆ ااااااااي راديو فتح اصبري بصي يا ستي
حكتلها كل حاجة كل تفصلية منا حافظة تفاصيل حياتي من ساعت ما ظهر فيها
£ لقد وقعتي في الحب يا صديقتي
☆ وقعت ومحدش سما عليا يختي
£ بس انتي ليه مش سالتيه يا غزل
☆ اسالو علي اي يا جميلة انتي كمان
£ مش يمكن فهمتي غلط زي موضوع الخطوبة
☆ الكلام دا تقوليه علي المكلمة لما كان بيحب في البنت ساعتها ممكن اقول اني فهمت غلط بس دا قال بعضمت لسانو بلعب عليها واخلص منها عشان افضا للمرمية بره ومكنش في غيري في الشقة اي يقصد الابجورة
£يعني طلع واطي
☆ دا زبالة وقزر وبكرهو
£ غزل
☆ يعني بكرهو نص نص
£ غززل
☆ بصي ربع ربع
£ غززززل
☆ يووووه بتنيل بحبو ومش عارفة اكرهو مش عارفة
£ طيب والعمل
☆ العمل في اي يعني هفضل كده لحد ما حبة يطلع من قلبي
£ يا سلاااااااام وهو لو بجد الحب يبقا اكيد مش هيطلع وطلما ناوي يلعب بيكي من الاول يبقا مش هيستسلم وهيحاول معاكي وانتي زي الحمار تحني المشكلة في الحب يا غزل
ان الي بيحب بيصرف نظر عن عيوب الشخص الي بيحبو بتبقا وضحة قدامو زي وضوح الشمس ويفضل القلب يزين فيها عشان يكتم جونا رغبة البعد عشان منتوجعش يعني قلبك عارف انو في يوم هيتوجع علي ايدو وبرضو دايس ومكمل في حبك ليه في لهفتك في مشاعرك المتبعترة وانتي بقا هتسيبي قلبك يوقع في شباك سي يزن وانتي وقفة تتفرجي تحت مسمى بحبو وظط في الخزوق الي جاي في الطريق
☆ خزوق يخربيتك فصلتيني ودفتني روح الي قدرة علي التحدي الي كانت علي وشك الظهور علي إيديك
£ لا يختي متدفنهاش وفوقي كده لنفسك فهمتي
☆ ايوه طبعا
£ جدعة
☆ ايوه يعني اعمل اي
£ يا الله منك ااااي يا شيخة مخك دا بابو مقفل ليه
☆ لا موارب هؤهؤهؤهوووووو
£ اه اه اه قلبي مش قادرة قلبي هيقف من كتر الضحك بت انا هروح احسن انتي جيباني تهزقيني هنا
☆ لا وحياتي خلاص واللهي هسمع كلامك كلو
£ محمود
☆ اشمعنا
£ غزل
☆ لا بجد مش فاهمة مالو
£ اديلو فرصة يا غزل
سكاااااات من نحيتي مهو هتكلم اقول اي مش شيفة حد.غيرو مش عارفة افكر في راجل غيرو برغم كل الي عرفتو قلبي متمرد عليا ومش قابل فكرت اني احب غيرو
£ سكتي ليه
☆ مش عارفة اقول اي
£ قولي هدي قلبو وقلبي فرصة جديدة يعيش يحب حد يستاهل كل الحب دا مش هتخسري حاجة
معها حق كل كلمة قلتها صح بس قلبي يفهم كده بس
وإن كان هناك فرصة ليفهم القلب لما عشق من البداية حتى النهاية 
●هتفضلي تهربي كتير
قفشني علي السلم
مردتش وجيت اكمل طريقي
● اقفي يا غزل يا اما هتشوفي تصرف مش هيعجبك
كلامو عصبني لفيت بنرفزة
☆ هتعمل اي يعني
● هعمل كتير لو مفهمتش هعمل كتير
☆ تفهم تفهم اي
● اي الي حصل في العيادة دا
☆ بيتهيقلي الي حصل انت اكتر واحد عرفو فبلاش تعمل مش فاهم
زعق مره واحدة
● لا منا بجد مش فاهم انتي مالك كل شوية بحالة لما جننتني كل لما اقول فهمتها خلاص يظهرلي وش تاني منك يلغبطني اكتر وكأنك قصدة تجنيني
☆ هه سلامتك من الجنان يا دكتور دا حتي عيب علي الخمس الي درستهم
● غزززل بلاش استفزاز
☆ انا لا عايزة استفزك ولا اتكلم معاك ولا اشوفك حتي وانا كل الكلام الي عندي قولتو في العيادة بعد اذنك يا يا دكتور
نزلت جري خايفة يجي وريا نزلت لقيت محمود في وشي
/ صباح الخير
☆ بلاش
/ نعم
☆ بلاش صباح الخير خليها صباح تاني
/ طيب يا صباح الورد والفل والياسمين والجوري و
☆ بس خلاااص انت شيفني شجرة قدامك هههههه
/ ايوه كده اضحكي خلي الشمس تطلع
ابتسمت
☆ صباح النور يا اس
مكملتش الكلمة لما لقيت يزن جاي علينا
☆ صباح النور يا محمود
/ احلا صباح دا ولا اي
ضحكت
● الله محنا بنضحك اهو وضحكتنا جايبة آخر الشارع ومحمود اجبلكم اتنين لمون وشمسية
☆ لا بحب المنجا
● وحيات خالتك
/ احم صباح الخير يا دكتور
سلم عليه
● انت كمان هو انا اسمي فيه حاجة غلط
هو انت فيك غير اسمك .....وصوتك...... وعينك وضحكتك....و ابتسمتك...... وشعرك بس بس بس ما صوباع رجلو بالمرة
/ مش فاهم
● واللهي ولا انا
☆ ولا انا
بصولي هما الإتنين
☆ الله اشمعنا انتو تقولو وانا لا
/ هههههه عمرك ما هتتغيري يا غزل
● وانت حفاظها بقا علي كده
/ كل تفصيلة فيها احنا مع بعض ومن واحنا عيال
● مع بعض ازي يعني
/ احم قصدي متربين مع بعض
● اهاااا طيب غزل كنت عايزك في موضوع
☆ اسفة بتكلم مع محمود في موضوع مهم
/ احلفي
يا حماااااار
☆ ايه يا محمود انت نسيت الموضوع بتاع إمبارح
● امبارح
/ اها قصدك لما اتكلمنا بره
● وكمان بره
☆ انت مالك مندهش كده ليه
● ها وانا هندهش ليه انا ماشي
مشي خطوتين و بعدين وقف لما محمود اتكلم
/ انتي بجد فكرتي في موضوع امبارح يا غزل
☆ اها يا محمود فكرت وموفقة
/ بجد يعني يعني اقدر اجاي اتقدملك
هنا يزن لف بسرعة وكان متنح
☆ ايوه يا محمود تقدر
/ طيب امتي
☆ في اي وقت تحبو عن اذنك بقا عشان عندي مشوار
سبت محمود ومشيت عديت من قدامو وانا ببصلو بكل تحدي وهو بيبصلي بصدمة زي ما يكون مكنش متخيل انو يسمع حاجة زي دي في يوم نظرتو مفهمتش اذا كانت صدمة غضب او انو خسر اللعبة الي كان بيخطط يلعب بيها
بس خلاص انا قررت مهو يوم ما قلبي يختار غلط ويرفض يرجع عن قرارو لازم العقل ياخد خطوة يصلح بيها قرار اتاخد في لحظة ضعف وانا قلبي اختار يزن بكل ما فيه اخترو وتبت فيه وهنا عقلي اتحرك واختار محمود بكل حسابات المنطق محمود الامثل ويبدأ الصراع بين العقل والقلب مين الي هيكسب في الاخر مهو الإتنين ابن الجيران
● غزززل
صوتو كان هاااااادي بارد بس هدوء يخوف لفت بصتلو عينو كانت قلبت رومادي غامق بيقرب ببطء مني نظرتو حستها زي بحر وانا بغرق فيه وفجأة
الخامس من هنا
