رواية الغدر قريب الفصل الثاني 2
الجزء الثاني
هي العقربه اللي عندك هطول كتيير
خالد : لا ياروحي هانت اهو كلها كام اسبوع ونسيب بعض
البنت : اخيرا يا قلبي هتبقى ليا
مع كل كلمه بينهم قلبي كان بيقطع مش قادره اصدق ان حب عمري بيكرهني الكره ده كله مسحت دموعي ومشيت دخلت الاوضه عملت نفسي نايمه لحد ما دخل ونام بعد كده قومت من غير ما يحس لميت هدومي ومشيت وسبت جواب وبعد كده وانا راكبه العربيه مش عارفه هاروح فين انا اهلي متوفيين اديلهم كتير وقفت العربية وقعدت على النيل قعدت اعيط واشكيلوا همومي
خالد صحي من النوم ملقاش ملك جنبه استغرب قام يدور عليها في البيت كله
لقى جواب من ملك بيقول
خالد أنا مشيت وياريت متدورش عليا انا عرفت كل حاجة وبجد انا اسفه لو كنت خدت وقت من حياتك انا كنت بحبك بس دلوقتي خلاص عشان انت جرحتني .
خالد قراه الجواب معرفش يعمل ايه نزل يدور على ملك
في الوقت اللي كان خالد بيدور عليها كانت هيا راحت شرم في البيت القديم بتاع باباها قعدت ورنيت على مريم صحبتها اللي هيا اقرب حد ليها
ملك بعياط : مريم تعالي بسرعه انا محتاجاكي ارجوكي تعالى
مريم : ايه يابنتي مالك بتعيطي كده ليه وانتي فين دلوقتي عشان اجيلك
ملك: في البيت القديم بتاع بابا
مريم : انا جيه حالا متخفيش واهدي كده
ملك: حاضر سلام
مريم : سلام
ملك قعدت تفكر في اللي حصل وازاي هي كانت هبله اوي كده فاقت ملك على صوت الجرس وهو بيرن فتحت لقيت مريم مقدرتش تمسك نفسها من العياط
ملك بصوت منبوح من العياط : خاني يا مريم الحيوان الواطي
مريم بخوف : اهدي بس يا ملك و احكيلي ايه اللي حصل
حكتلها اللي حصل كله *****
مريم : اه يا حبيبتي ده كله شيلاه جوه قلبك وساكته مقولتليش ليه وانا كنت هعلمه الادب استغل طيبتك الحيوان الندل
ملك بعياط : انا بكره الإنسان ده ومستحيل ارجعله تاني
مريم خليت ملك تنام بعد عياااط وحزن كتيير نامت
وقعدت مريم تفكر هتعمل ايه
وفي وسط اللي حصل ده كله كان خالد قاعد يدور علي ملك
خالد : طب يا ربي راحت في دي ملهاش غيري هتروح فين بس
راح خالد النيل المكان اللي ملك كانت بتيجي في وهيا زعلانه وقعد يفكر هي فين وبعدين افتكر الكلام الموجود في الجواب انها عرفت كل حاجة
خالد: اه شكلها سمعتني وانا بتكلم في الفون وشكلها عند مريم صحبتها
رن عليها خالد : الو ازيك يا مريم هي ملك عندك
مريم باستهبال :لا مش عندي ليه هو في حاجه
خالد : لا مافيش اصلها اتاخرت شويه عشان كده رنيت عليكي
مريم :اه تمام سلام انا
خالد : سلام
خالد :هتكون راحت في بس دي ملهاش غيري انا ومريم صحبتها وبعدين هي عملت كده ليه اه شكلها سمعت المكالمه اللي دارت بيني وبين سلمى ياربي والله انا مش بحب سلمى انا بحبها هيا هعمل ايه دلوقتي
وعند ملك
مريم : انا قلقانه على ملك اروح اشوفها بتعمل ايه
مريم دخلت لقيت ملك مغمى عليها مرميه في الأرض مريم خافت ورنيت على الإسعاف بسرعه راحت على المستشفى وملك دخلت اوضه العمليات ومريم كانت هتموت من الخوف على ملك ورنيت على خالد
يتبع.؟.....يتبع الجزء الاخير
