رواية تزوجت طفلة الفصل الثالث والعشرون 23 بقلم ريناد
زوجت طفله حلقه ٢٣
فرد الامن اتصل بالاسعاف ياسر شال صفاء ودخل بيها الفيلا
وكان بيترعش وهو شايف الدم بينزل منها وبيحاول يوقف
النزيف بايده لكن مش بيوقف
ياسر :صفاء ارجوكى اوعى تسيبينى انتى الحاجه الحلوه
الوحيده اللى فحياتى
صفاء انا مقدرش اعيش من غير مش كفايه سعديه راحت
منى يعنى اخسركم انتو الاتنين مره وحده
ااااااه يارب خدنى انا وسيبها سيبها يارب تفرح بحياتها دى مشافتش غير شقا وحزن
الاسعاف وصلت وخدت صفاء
ياسر اتصل بعلا اللى جت هى وايمان على المستشفى
علا ايه اللى حصل مين عمل كده
ياسر :مش عارف مش عارف اااااااه وخبط بايده على الحيطه
علا وهى بتعيط :ياحبيبتى ياصفاء طول عمرك متعزبه
والنبى يارب اشفيها اشفيها يارب دى مشفتش حاجه حلوه
من الدنيا
ياسر :هتعيش وهتخف انا واثق ان ربنا مش هياخدها منى
علا :ياخدها منك انتا اصلا السبب فى كل الم صفاء دى
لو حصلها حاجه هيبقا ربنا ريحها من عذابك
ياسر :انا طب ليه
علا :قربت منه وبتشاور قدام وشه بصباعها ايوه انتا انتا
ضيعت طفولتها وضيعت اجمل ايام عمرها لما حبيت
وحده اجنبيه عشان بزنس ومن وسبتها واتخليت عن حبها
وهى صممت انها تبقا بزنس ومن عشان تعجبك واهملت
نفسها وحياتها الخاصه ودفنت اجمل ايامها وسط الشغل
ايمان شدت علا لورا
ياسر :ياعلا دا كان حب مراهقه واتنسى من زمان
اتنسا عندك انتا لكن هى بتتعذب من يوم ما سبتها لو كانت
نسيت مكنتش تجيب سيرتك ميت مره فى اليوم وكل يوم
لو كانت نسيتك مكنتش تصد اى حد يحاول يقربلها
وتقول انا مرات ياسر وبس لوكانت نسيتك مكنتش احتفظت
بكوفيتك وقزازه برفانك من يوم مسافرت لغايه دلوقتى
فى شنطه خروجها وتقول لما بحضنهم او بشمهم بحس ان
ياسر معايا طب هى مراهقه دلوقتى هاه رد عليا هى مش
كبيره ومسؤله عن قراراتها واختياراتها
حبتك واستنتك كتير وضحت كتير بحجات غاليه عشانك
طفولتها ومراهقتها وسعادتها وانتا اديتها ايه فى المقابل
اديتها ايه
ياسر بيسمع ومش مصدق معقوله صفاء لسه بتحبه معقوله
يكون حبها الطفولى اللى استهتر بيه حب حقيقى
يااااه ازاى مفهمهاش ومفهمش مشاعرها اد ايه هو غبى
ياسر :مكنش ينفع ياعلا وعلى كده مينفعش انتى عارفه انا
اكبر منها بكام سنه
علا :مش مبرر ولا مانع مجتمعنا فيه نسبه مهوله من بنات
بتتجوز رجاله قد ابهاتها وبتبقا مجبوره وبيتم الجواز وبينجح طب ليه ميكونش اختيارى طالما الحب موجود
الحب ميعرفش فروق ياياسر لافسن ولا مستوى ولا اى حاجه
الدكتور خرج
بعد فتره فى اوضه العمليات طلع الدكتور
ياسر جرى عليه زى المجنون
الدكتور :الحمد لله حالتها مستقره احنا طلعنا الرصاصه والحمد لله مأأصابتش اعضاء حيويه
ياسر سجد من كتر الفرحه
ياسر :علا صفاء هتعيش هتعيش احمدك يارب
ياسر دكتور ينفع اشوفها
الدكتور اه ينفع بس هى لسه متخدره هتفوق كمان ساعتين
تلاته ياسر دخل وقعد جمبها على الكرسى مسك ايدها وباسها وفضل ماسكها باديه الاتنين
وبيبص لصفاء اللى كأنه بيشوفها لاول مره وشاف اد ايه
هى جميله ورقيقه
ياسر فى سره انتى كتير عليا اوى ياصفاء انا مستهلش حبك ده
انتى تستحقى احسن حد فى الدنيا ياسر وعلا وايمان
قعدو فى الاوضه مستنيين تفوق وعينهم راحت فى النوم
صفاء ابتدت تفوق وحست بألم فى جمبها وحست بأيد
مسكاها بصت لقت ياسر ماسك ايدها وحاضنها وحاطط
دماغه على السرير جمبها ونايم
صفاء ابتسمت من قربه ده واتمنت لو يفضل حاضن ايدها
علطول
كحت فجأه ياسر سمعها وصحى ياسر بيبص لعنيها وبصوت
واطى اقرب للهمس :حمداله على السلامه وقعتى قلبى
وكنت هموت من الخوف عليكى
صفاء بصوت مبحوح بعد الشر عليك ياحبيبى
ياسر :حبيبك
صفاء :اه حبيبى وعمرى كله وهديتى اللى مستنياها من ربنا
ياسر بابتسامه لو كان حد ربنا كافئه بحد فى حياته فانا اللى
ربنا كافئنى بيكى
علا صحيت شافت صفاء مفتحه جريت عليها
صفاءعامله ايه ياعمرى مين عمل فيكى كده
صفاء مش عارفه ياعلا
ايمان صحيت وجريت تتطمن على صفاء
الدكتور دخل اطمن عليها وطمنهم انها ممكن تروح معاهم بعد
بكره
ياسر فرح جدا واطمن على صفاء
ياسر طلب من ايمان وعلا يروحو وهو بات مع صفاء
فضل قاعد جمبها يتكلمو كتيير واكتشف ان الكلام مع صفاء
مهما طال مش بيمل منه ابدا
صفاء سكتت مره وحده وحطت ايدها على الجرح وغمضت
ياسر اتألم جدا واتمنى لو هو اللى انضرب مكانها
ياسر حط ايده بحنان فوق ايدها على الجرح
ياسر :انا اسف انى مقدرتش احميكى واخد الرصاصه بدالك
صدقينى ياصفاء انا لو شفته مكنتش اترددت انى اعمل
كده ثانيه وحده
صفاء اتخضت :بعد الشر عنك دانا كنت موت فيها
وبعدين ياريتنى انضربت بالنار من زمان عشان تقرب منى كده
ياسر باس ايدها وباس جبينها وطلع نام جمبها على السرير
وحضنها ونامت صفاء فى حضنه مبسوطه مطمنه لاول
مره فى حياتها
النهار طلع وصفاء فتحت عنيها لقت نفسها لسه نايمه
فى حضن ياسر ابتسمت ودفنت دماغها فحضنه
وفضلت تشم ريحته وتتأمله كتييير وهى مبتسمه
الباب خبط ياسر فتح عنيه مخضوض
صفاء صباح الخير
ياسر عامله ايه دلوقتى
الدكتور فتح الباب ودخل اطمن على صفاء
وطمنهم ياسر طلب منه انهم يروحو البيت يكملو علاج هناك
ويبعت معاهم ممرضه
الدكتور وافق انه يخرجها اخر النهار
مشى الدكتور وجت ايمان وعلا يطمنو عليها
شويتين ودخل عليهم ضابط وعسكرى
الضابط :لو سمحتى عاوزين ناخد افادتك انتى اتصبتى
بطلق نارى
تعرفى مين عمل فيكى كده
صفاء :لا
الضابط :طب عندك عدائات مع حد
صفاء :برضو لا
الضابط :انتى سيده اعمال مشهوره واكيد ليكى منافسين
فيه حد منهم هددك مثلا
صفاء افتكرت صفوت بس مرضيتش تقول اسمه عشان
يمكن مش هو وهى متوقعتش انو ممكن توصل انه
يقتلها عشان صفقه ولا اتنين راحو منه
الضابط لياسر :انتا كنت معاها وقت الحادثه
ياسر :ايوه يافندم كنا راجعين من بره واول منزلنا من العربيه
اتنين بموتور ضربو نار علينا وجريو
الضابط :كان فيه حد غيركم فى المكان
ياسر :لا يافندم انا وصفاء والامن اللى على البوابه
الضابط :معنى كده انكم انتو المقصودين بالزات
الضابط :عندك عدائات مع حد
ياسر :مااظنش
الضابط :طيب تمام احنا هنعمل تحرياتنا ونبلغكم لو وصلنا
لاى جديد هنطلب فرد الامن وناخد اقواله
الضابط مشى وعلا الا هو مين ممكن يعمل كده
صفاء شاورت يعنى متعرفش
جيسى اتصلت بياسر اللى فضل قافل تليفونه وهو بيتغدى
مع صفاء وفضل ناسيه فتحه لقاها رانه فوق ال ١٠٠ مره
ياسر :ياخبر دانا نسيت اتصل بجيسى رن عليها
جيسى :وات ذا هيل حصل ايه انتا فين وازاى مش تقولى
او تتصل بيا
ياسر حكى لجيسى اللى حصل
جيسى :او ماى جود صفاء كويس
ياسر :اه الحمد لله هى بخير
جيسى الحمد لله ياسر
ياسر :ايوه
جيسى :احنا محتاجين الورق اللى كنت بتخلصه ومحتاجين
امضتك على حجات كتيير ومهندس الموقع كان عاوز
ياخد رأيك فى شويه حاجات
ياسر :لا طبعا انا مش هقدر اسيب صفاء فى الحاله دى
واسافر
جيسى :بس كده شغل يوقف
ياسر :مش مهم خليه يوقف الشغل وقفل السماعه
صفاء :فيه ايه ياياسر
ياسر :لا ابدا شويه شغل متعطلين بس مش مهم
صفاء :ازاى مش مهم انتا مشروعك لسه فأوله ومحتاج
كل وقتك
سافر انتا وانا هبقى كويسه وعلا وايمان معايا
ياسر رفض بشده وقرر انه هيفضل مع صفاء وكان
خايف عليها يسيبها لوحدها بعد اللى حصل
علا اقترحت اقتراح ان صفاء تسافر اسكندريه عن ياسر
اهو منها تفضل جمبه ومنها هو يشوف شغله وهى هنا
ممكن تحل محل صفاء فى الامضائات وكل حاجه
الكل وافق على الفكره دى
صفاء بس انا كنت عاوزه شنطتى فيها تليفونى وحاجتى
جوا عربيه ياسر وشويه غيارات
علا انا هطلع اجيب فطار نفطر وبعدين نروح على الفيلا
انا وياسر نجيب حاجتك
ياسر :لا خليكى انا هنزل اجيب فطار
وياسر نزل
علا :هاه عملتى ايه امبارح قولتيلو ولا لا
صفاء :اااه هو انا لحقت يابنتى بس قولتله بعد الحادثه
بعد مروحتو
علا :طب ورد فعله ايه
صفاء :ولا حاجه باس ايدى ونام جمبى على السرير وفضل
حاضنى طول الليل
ايمان ايوه بقا يااااجمالو
صفاء بحزن :بس يمكن عشان كان خايف عليا مرضيش
يزعلنى
علا :مظنش ياسر زكى وكان هيطلع من الموضوع بذكاء
صفاء سكتت
وياسر دخل عليهم بعد شويه بالفطار فطرو كلهم
وياسر وعلا مشيو يجيبو حاجه صفاء
علا دخلت الفيلا بتحضر شنطه صفاء
وياسر فتح العربيه يجيب الشنطه ملقهاش
امن البوابه :بتدور على حاجه يافندم
ياسر :اه شنطت الهانم كانت فى العربيه مش لاقيها
الامن :لا ياباشا انا لقيتها على الارض بعد ماالاسعاف خدت
الهانم ودخلتها الفيلا
ياسر دخل يجيبها لقاها على الكنبه مسكها وقعد على الكنبه
كان حابب يفتحها بس كان متردد وخايف
اخير فتحها وقلبه دق بسرعه لما لقى كوفيته وقزازه
برفانه ومسكهم وقربهم عليه وشمهم
علا نازله على السلم :هاه صدقتنى
لسه هيتكلم :بس علا قاطعته صفاء ليها حق كبير عليك
ولازم تديهولها
ياسر :مقدرش ومينفعش
علا :لازم تقدر ولازم ينفع حرام عليك اهى كانت هتضيع
فى لحظه خليها تحس بشويه سعاده بئا
ياسر :اسكتى ياعلا انتى مش فاهمه اى حاجه ومشى
ركبو العربيه وراحو المستشفى
وقعدو طول النهار معاها
ياسر :علفكره انا هسرق منك ايمان شويه
صفاء :اشمعنا
ياسر :تمسكلى حسابات الشركه
صفاء :شفلك حد غيرها انا مش بستغنى عنها
ايمان :انا ممكن امسك حسابات الشركتين علفكره وابقا
بين هنا وهناك بس هاتولى عربيه وافتحولى حساب
فى البنك وعريس
ياسر بضحك :ايه حيلك حيلك كل ده نقدر عليه بس العريس
ده مستحيل
ايمان بتكشيره :يعنى مفيش امل
ياسر :بيهز دماغه لا
ايمان عملت بتعيط وكله فضل يضحك
فى اسكندريه جيسى مشغوله فى المشروع جدا ومتابعه كل
كبيره وصغيره لدرجه انها كانت احيانا تبات فى الشركه
هى والموظفين اللى كانت ضغطاهم فى الشكل بطريقه
فظيعه
روبرت مابين سهر والشركه خصوصا بعد ماجيسى بقت
دايما مشغوله عنه
روبرت فى بار سهران بيشرب بص لقى بنت جميله جدا
بتشاورلو روبرت رفع الكاس حياها وراح قعد معاها
هاى انا روبرت
هى :هاى انا منار وبيدلعونى مونى
روبرت :هاى مونى ومسك ايدها باسها
مونى :انتا باين عليك مش مصرى
روبرت :انا امريكى
مونى ؛امممممم ويلكم
مونى :بتشتغل ايه
روبرت :مدير تنفيذى لاكبر شركه مقاولات إن كايرو
مونى :واااو دانتا ربنا بعتك ليا بئا
روبرت :اشمعنا
مونى :اصلى كنت بدور على شغل ومالت عليه ممكن اشتغل
سكرتيرتك وافضل جمبك علطول وبعرف اعمل كل حاجه
روبرت فحص جسمها ومسك شعرها اوكى
روبرت :عندك شهادات خبره
مونى كتيير :تعالا معايا البيت اوريهوملك
روبرت :هما ايه
مونى :بتضحك شهادات الخبره
روبرت ابتسم :اوووووووووكى
ياسر وعلا وايمان بيستعدو علشان يخرجو من المستشفى
بس صفاء اول ما قوموها حست بألم وقعدت تانى
ياسر :انتى مش هتستحملى سفر انا رائيى نفضل هنا
علا :لا انا عندى فكره احنا نطلب عربيه ليموزين تسافر فيها
وهتروح طول الطريق نايمه
ياسر :والله فكره
وفعلا عملو كده وسافرو وهما فى الطريق صفاء حكتلهم
على مشكله صفوت نبيل صاحب الشركه المنافسه
ياسر طب ليه مقولتيش للبوليص
صفاء :خفت اظلمه ويكون مش هو اللى ورا الموضوع ده
ياسر :ده شغل البوليص وهو هيعرف بطريقته
علا :استنى استنى انتى مش مركبه كاميرات على البوابه
صفاء :اه على البوابه وجوا البيت وفى كل طرقه جوا الفيلا
فيه كاميرا
ياسر :ليه كل ده
صفاء :كنت بخاف على ماما اوى وانا مسافره وكنت مطمنه
ان لو فيه حاجه حصلت هشوفها فى الكاميرات
علا :اهى ممكن الكاميرات تكون سجلت لقطه للمجرم ده
البوليص يقدر يعرف هو مين ونجيبه ونعرف مين وراه
ياسر :تمام اول منوصل هبلغ الضابط بالكلام ده
وصلو الشقه لقو جيسى فى استقبالهم بعد مياسر بلغها
ورحبت بيهم ومشيت على الشغل
ياسر. دخل صفاء اوضتها عشان ترتاح وعلا استأذنت تروح
تسلم على ناس قرايبها ساكنين هنا وتبات معاهم والصبح
تسافر
ياسر اتصل بالضابط وقله على كل حاجه
الضابط :تمام لو وصلت لحاجه هبلغكم
صفاء نامت وصحيت تانى يوم الصبح حاولت تقوم عشان
تاخد شاور بس اتألمت
ياسر سمعها ودخل الاوضه بسرعه
ياسر :مالك ياصاصا
صفاء :ابدا بس كنت عاوزه اخد شاور وتعبت ياسر ساعدها
توصل للحمام وعلى ماخدت شاور كان محضر فطار
صفاء طلعت بالبرنس ودخلت تلبس فى الاوضه
صفاء فتحت الشنطه وطلعت الهدوم يخرب بييييتك ياعلا
اتصلت على علا :ايه يابنتى ده فين الهدوم دى كلاها هوت
شورتس وحجات عريانه وقصيره ايه ده
علا :دى الهدوم اللى هتلبسيها طول مانتى مع ياسر فى
شقته
صفاء :لا طبعا مقدرش اتكسف
علا :بطلى عبط ده جوزك وبعدين استخدمى اسلحت
الدمار الشامل عشان توصلى للمطلوب ياغبيه
صفاء قفلت ولبست كاش مايوه قصير وكت وشيك جدا
وكانت فيه فوق الوصف
فتحت الباب وطلعت ياسر بصلها وبيبص قدامه وراح
راجع تانى بسرعه يبص عليها تانى كان اول مره يشوفها
بالهدوم دى فضل باصصلها ومتكلمش وهى بتقرب
بكسوف وخطوات بطيئه واول ماقربت من ياسر
صفاء :بتعمل ايه
ياسر تايه :هاه بعملنبعملك بعملنا فطار
صفاء ضحكت بدلع طب يلا عشان جعانه
وراحت قعدت على الكنبه ورفعت رجليها فوق الكنبه وفتحت
التى فى ياسر بيتأملها واتنهد وقرب عليها بالفطار
وقعد جمبها يأكلها باديه وصفاء مبسوطه جدا
خلصو فطار وياسر قال لصفاء انه خارج يخلص شويه شغل
وراجع تانى بسرعه
صفاء :متتأخرش عليا
ياسر :حاضر
وهو على الباب صفاء:ياسر
ياسر :هاه
صفاء :لا اله الا الله
ياسر :ابتسم :محمدا رسول الله
ياسر نزل :وكان حاسس بأطمئنا ن وسعاده كبيره
خلص الشغل ورجع تانى البيت اول مادخل صفاء
اتأخرت على فكره
ياسر :دول ساعتين
صفاء ؛كتيييير جدا
ياسر ضحك وقرب منها اسف
صفاء ابتسمت سامحتك خلاص
ياسر وصفاء بيقضو وقت طويل مع بعض فضلو اسبوع تقريبا مش بيفترقو
صفاء اتحسنت شويه وابتدت تقوم وتتحرك طبيعى
بقت تصحى الصبح بدرى تحضر الفطار لياسر
وياسر كان مبسوط جدا لانه من يوم ماتجوز جيسى ميفتكرش انهم فطرو مع بعض الا كام مره وكانت مواعيدهم
مختلفه على الاكل ياسر حب جدا مشاركته لصفاء الفطار
والرغى معاها قبل ماينزل الشغل
رجع من الشغل لقاها طبخاله كل الاكل اللى كان بيحبه
قعدو اتغدو وجيسى دايما بره البيت وصفاء كانت
ست بيت بمعنى الكلمه
قعدو بالليل يتفرجو على فيلم رومانسى وصفاء قعدت تعيط
لما جت لقطه حزينه ياسر بصلها وابتسم وافتكر جيسى
اللى لما كان بيتأثر مع فيلم تضحك وتقوله
دا مجرد تمثيل انتا تافه يايسو
حس ان التفاهه اللى هى شيفاها مشاعر واحاسيس حلوه
ياسر قرب من صفاء مسح دموعها وحضنها
صفاء قامت من حضنه وبصتله ياسر حس فى اللحظه دى
ان صفاء قواها كميه حب وشوق رهيبه وعايزه تديهمله
فى اللحظه دى وهو كان محتاج ده اوووووى
ياسر قرب منها بشويش وقرب من شفايفها وباسها
بوسه طويله وهى تجاوبت بشوق كل السنين اللى فاتو
وفضلو فعالم تانى لحد ما سمعو الباب بيتفتح بعدو عن
بعض
دخلت جيسى واخدت اوراق وهتمشى
ياسر رايحه فين جيسى
جيسى اخدت اوراق حبيبى ونازله ويمكن ابات فى الشركه
ياسر :متضغطيش نفسك كده ياجيسى
جيسى :دا اول واكبر منتجع تبنيه شركتنا ولازم يكون سبيشيل لان دا هيكون الصوره بتاعت شركتنا لكل الناس
جيسى ماشيه وصلت الباب ورجعت تانى قعدت على رجل
ياسر
حبيبى انتا وحشتنى جدا بس سامحنى مشغوله عنك بس
اوعدك يخلص المشروع وافضالك واعوضك وباسته
بس ياسر اول مره يحس انه بوست جيسى ملهاش طعم
مش بتسرى فى روحه زى بوسه صفاء
صفاء اتضايقت جدا ودخلت اوضتها بسرعه
ياسر دخل الاوضه بعد ما مشيت جيسى
ياسر :صفاء ..............
صفاء حطت ايدها على بوقه سكتته متقولش حاجه ياياسر
دا العادى يعنى
صفاء خدت البرنس ودخلت الحمام ومن غير ماتقصد
فتحت الميه السخنه بس وصرخت ياسر جرى على الحمام
فتح الباب مره وحده صفاء مالك
صفاء بكسوف فتحت الميه السخنه واتلسعت ياسر
اتفحص جسمها
ياسر :مفيش حاجه ياسر انتبه انها من غير هدوم
قرب منها وباسها وشالها وهى استسلمت جدا
ودخل بيها الاوضه وعاشو ليله حبهم ليله ولا فى الاحلام
ياسر كان حاسس احساس عمره ماحسه مع جيسى ابدا
وندم على كل لحظه قضاها بعيد عن صفاء واتحرم من
الحب ده
حضنو بعض ونامو نوم عميق
مصحاهمش الا نور الشمس اللى جه على وشهم مره وحده
وبصو لقو جيسى مربعه ايديها وواقفه جمب السرير
قامو مخضوضين
