رواية تزوجت طفلة الفصل الرابع والعشرون 24 بقلم ريناد
تزوجت طفله الحلقه ٢٤
بناء على طلب القراء حلقه تانى اهى اوعو حد يقولحلقه كمان
ياسر وصفاء اول ماشافو جيسى اتخضو وقعدو صفاء
كانت مستعده لو جيسى اتكلمت انها هتهجم عليها
وتخلص منها كل السنين اللى حرمتها فيها من ياسر
ياسر باصص لجيسى ومستنى رده فعلها
جيسى ابتسمت ابتسامه عريضه
جيسى :جود مورنينج
ياسر بص لصفاء وصفاء بصتله ومردوش عليها
جيشى :قومو خدو شاور وهكون حضرت بريك فاست
ومشيت وهى مبتسمه
صفاء وهى مبلمه ايه اللى حصل دلوقتى
ياسر مبلم برضو :مش عارف
قامو الاتنين ياسر دخل ياخد شاور الاول واول ماخرج
دخلت صفاء
ياسر قعد فى الصاله وشايف جيسى وهى بتحضر
الفطار بسعاده
ياسر قرب منها وهى غرزت الشوكه فى حته جبنه ومدتهاله
عند بوقه
ياسر بعد عنها بدماغه جيسى ضحكت وفهمت قصده وراحت
اكلتها هى
جيسى :مش تخاف اكل مش مسموم
ياسر بيبصلها باستغراب
جيسى :بتبصلى كده ليه
ياسر :بصراحه مستغربك
جيسى :واى لانى منفعلتش لما شوفتك مع صفاء فى السرير
ياسر :دى اقل حاجه تعملها وحده شافت جوزها فى الوضع
ده انها تنفعل
جيسى :اى وحده غبيه لكن انا مش غبيه وانا فاهمه انتا
عملت كده ليه وبجد دى ذكاء منك حبيبى
ياسر بصلها باستغراب :عارفه ايه
جيسى :عارفه انك عملت كده عشان فلوس بتاع صفاء كلو
يبقا ليك وليا
ياسر :مش مستوعب بتقولى ايه
جيسى :بقول ان جوزى زكى كتييير واى لف يو سوووو ماتش
جيسى قربت منه تبوسه بس ياسر بعد عنها
ياسر :بس انا معملتش كده عشان الفلوس انا عملت كده عشان
جيسى قاطعته بضحك اوعا تقول بتحب صفاء طيب
امته وازاى وظهر فجأه حب ده بعد حادثه
ولا انتا خفت تخسر صفاء لما شفت ثروتها وخفت حد تانى
ياخدها بكل فلوس دى فعملت كده خصوصا انها كانت
هتموت فى حادثه اللى حصلت
انا فاهم انتا ياسر وسعيده بزكاء انتا كتير
ياسر :انتى فاهمه انى عملت كده عشان الفلوس
جيسى :اكيد اى حد يعمل اى حاجه عشان فلوس وخصوصا
فلوس زى بتاعت صفاء هانى (فلوس اهم حاجه فى الدنيا)
بعد مقالت الجمله دى افتكر هنيه لما قالتله الجمله دى
واتهيأتله جيسى فى شكل هنيه بعد لورا خطوتين
جيسى :مالك ياسو انتا كنت فاكر انى مش هفهمك
ياسر :لاااا دانا اللى اكتشفت انى مكنتش فاهمك
صفاء خرجت من الحمام بالبرنس وكانت رايحه تلبس
جيسى كم صفاء اكل هيبرد غير هدوم بعدين
صفاء قعدت مزبهله وبتبص للاكل وتبص لياسر
ياسر شاورلها يعنى اوكى اخد شوكه اكل من طبق صفاء
واكلها بأيده صفاء اتوترت وبتبص لجيسى
جيسى :اوووو هاو سويت
خلصو فطار وصفاء دخلت الاوضه وياسر دخل وراها
وجيسى خرجت راحت الشغل تانى
ياسر اول مدخل صفاء وقفت ايه ده ممكن تفهمنى
ياسر ولا حاجه اصل جيسى امريكيه يعنى تفكيرها مش
مقفول وبعدين هى عارفه انك مراتى وده عادى
صفاء :يعنى مش بتغير عليك
ياسر :الامريكان غيرتهم مش بتبان
صفاء قربت منه :بس المصريين غيرتهم بتبان ووحشه
جداااا وصعبه جدااااا ولو شافو حبيبهم مع حد تانى
ممكن يقتلوه ويقتلو نفسهم
كانت بتقول الكلام ده بدلع وياسر مبتسم ومستمتع
ياسر :انتى هتقوليلى دانتى كنتى عيله وولعتى الدنيا
صفاء ضحكت :تخيل بقا وانا كبيره
ياسر بيقرب منها : انا مش هتخيل ولا هفكر فى اى حاجه
الا انك معايا وبين اديا وهنسى الدنيا دى كلها وقرب من
بوقها و.........
بعد شويه ياسر انا هنزل اعمل حاجه واجى
صفاء :لا خليك جمبى النهارده
ياسر :هجيلك حالا بس دى حاجه مهمه جدا
صفاء :اهم منى
ياسر :مفيش حاجه فى العالم اهم منك انتى باسها وجرى
قبل مايضعف وميقدرش ينزل
صفاء كانت فرحانه اوووى وطلعت على السرير وقعدت
تتنطط بفرحه طفله صغيره
ياسر راح الشركه وهو داخل شاف وحده شكل لبسها اوفر
اوى ومش محترم وقاعده على مكتب
ياسر : انتى مين
منار :انا منار مونى وانا هنا سكرتيره مستر روبرت وقربت
منه بس حضرتك لو عاوزنى اعملك شغل عادى
ياسر :روبرت روبرت مين قلك عين سكرتيره
روبرت:انا محتاج سيستنت معايا انتى ايه البروبلم عندك
ياسر :البروبلم فى اختيارك روبرت
روبرت :لا اختيارى دا يخصنى انا اعرف كويس مين ينفع
يشتغل معايا
ياسر :انا مش فاضى دلوقتى بس لينا كلام تانى
روبرت :نتكلم انى تايم انا جاهز
ياسر سابه ومشى ودخل المكتب عند علا اللى اول ماشافته
وقفت
ياسر :ورايا
وعمل كده مع ايمان الاتنين راحو وراه مكتبه وهما بيبصو
لبعض ومش فاهمين فيه ايه
ياسر بصو انتو الاتنين اوف من الشغل النهارده وهتيجو معايا
علا بصت لايمان على فين يامستر
ياسر :هكتب كتابى على صفاء رسمى الاتنين بصو لبعض
والطلاق امته
ياسر :مفيش طلاق صفاء مراتى وهتفضل مراتى طول العمر
علا وايمان بصو لبعض وحضنو بعض وفضلو يتنططو زى
العيال وياسر بيبصلهم ويضحك وافتكر صحابه
اللى كان بيتجنن معاهم كده واتصل بيهم كلهم وعزمهم
يجو بالليل
ياسر روح :صفاء اول ما الباب فتح ولمحت ياسر جريت
عليه واتعلقت برقابته وفضلت تبوسه من كل حته فوشه
ياسر بيضحك وشالها وفضل يلف بيها وهى تضحك
ياسر نزلها وحضنها انا ليه كنت حارم نفسى من السعاده دى
صفاء نفسك بس وحارمنى انا كمان
ياسر :انا اسف وهعوضك عن كل ثانيه قضيتها بعيد عنك
ياسر :صفاء عاوز اطلب منك طلب ممكن
صفا ء :انتا مش تطلب انتا تؤمر
ياسر : العربيه اللى اشتريتهالى هكتبها بأسمك او بأسم الشركه والشركه هبقا موظف فيها بمرتبى بس
صفاء بزعل :طب ليه هو فيه فرق بين فلوسى وفلوسك
ياسر :صفاء صفاء صفاء مفيش مناقشه دا قرارى الاخير
واول طلب اطلبه منك
صفاء :وانا مش هناقشك ولا هرفض طلبك اكيد ليك اسبابك
اللى هحترمها طبعا ومش هسألك هى ايه
ياسر باس دماغها :انتى كبيره اوى ياصفاء
صفاء انا اتربيت على ايديك لازم اكون كده
ياسر :طب بصى البسى عشان عاملك مفاجئه
صفاء :مفاجئه ايه انا عمر ماحد عملى مفاجئات
ياسر :من هنا ورايح هغرقك مفاجأت
صفاء لبست ونزلو راحو للمأزون وكتبو كتابهم وصفاء
كانت فرحانه اوى وياسر كان بيردد ورا المأذون وكل كلمه
طالعه من قلبه وعنيه على صفاء وبيتأملها
خلصو كتب الكتاب و مشيو بالعربيه وصفاء هنروح فين
ياسر مفاجأه
صفاء :تانى
ياسر :مش قولتلك هغرقك مفاجأت
ياسر دخل بصفاء بيوتى سنتر كبير جدا واول ما دخلت
لقيت علا وايمان مستنينها وجريو عليها وحضنوها وباركولها
وشدوها لجوه وياسر مغمى عنيها بأديه وشالهم
واول مافتحت شافت فستان ابيض تحفه
كان فستان الاحلام بتاعها وكأنه قرا افكارها بصت للفستان
وبصت لياسر وحضنته انا بحبك اوووى اووووووى
ياسر :وانا بعييييش فيكى وهعيش ليكى
صفاء لبست الفستان وكانت زى الحوريه بالفستان الابيض
ياسر اخدها هى وعلا وايمان ودخلو قاعه ضخمه واول
ما وصلو لقو كل الاستف بتاع الشركه وستف شركه ياسر
وامين وحازم اصحاب ياسر
صفاء كانت الفرحه مش سايعاها وقضت اجمل ليله
صفاء بترقص سلو مع ياسر والكل بيصفرو ويهيصو
صفاء بتبص لياسر وياسر غرقان فى عيون صفاء اللى
عامله زى البحر
صفاء :بحبك ياعمرى كله
ياسر سكت
صفاء ايه مش تقول وانا كمان بحبك
ياسر :لا اصل كلمه بحبك دى صغيره اوووووى على اللى
حاسه دلوقتى
صفاء ابتسمت ودفنت دماغها فحضنه وياسر شالها من وسطها باديه الاتنين وفضل يلف بيها الاستيدج كله
حازم :اه يابن المحظوظه ياياسر طول عمره بيضالو فى القفص متجوز امريكانيه وراح كمان اتجوز وحده
تانيه زى البدر المصور ومعاها فلوس لو قعدت فوقيها
تشوف الدنيا كلها حظووووووظ
امين :منتا مراتك حلوه مالك فيه ايه
حازم :مراتى حلوه امال صفاء تبقا ايه اسكت اسكت والنبى
وسيبنى متنيل
صفاء وياسر روحو الشقه بعد ماقضو ليله ولا الف ليله وليله
النهار طلع وياسر صحى على تليفون
ياسر :الوووو ايوه يابشمهندس محمد
محمد :ايوه ياسر باشا لو سمحت كنت عاوز اشوف سيادتك
عشان فيه شويه حاجات كده نظبطها
ياسر :متخلصها مع اى حد من عندك
محمد :لا يافندم لازم حضرتك شخصيا
صفاء :فيه ايه
ياسر :حاجه كده فى الشغل هظبطها واجيلك بسرعه ياقلبى
التليفون رن
ياسر :الوو معايا ياسر عبد الهادى
ياسر :ايوه يافندم
انا الضابط المكلف بقضيه مدام صفاء احنا راجعنا الشرايط
بتاعت مدخل الفيلا والمجرمين كانو لابسين خوزات
وللاسف مقدرناش نعرفهم ولا الموتوسيكل كان عليه ارقام
ياسر :يعنى ايه
الضابط :اسف بس مطرين نقيد القضيه ضد مجهول
بس محتاجين مدام صفاء عشان نقفل القضيه
ياسر :حاضر يومين كده ونكون عندك احنا فى اسكندريه
دلوقتى
صفاء :فيه ايه يايسو
ياسر :ابدا دا الظابط كان عاوزك عشان يقفل المحضر ويقيد
القضيه ضد مجهول وانا قلتله يومين كده
صفاء :لا انا هسافر النهارده عشان فيه شويه مشاكل فى الشركه
ياسر :طب تمام سافرى انتى وانا هخلص شغلى واسافرلك
صفاء :تمام ياقلبى
صفاء سافرت وراحت القسم ومضت على اقولها والقضيه
اتقفلت
الظابط وهى ماشيه يامدام خدى نسخه الشريط دى معاكى
ملهاش لزمه معانا تانى
صفاء خدتها وروحت
صفاء دخلت البيت وريحت على الكنبه شويه وبعدين حست
بملل قامت طلعت الشريط وحطته فى المشغل
واستغربت جدا لما لقت جيسى وروبرت خارجين يجرو
ومرتبكين
صفاء سرحت شويه فى تصرفهم ده وقامت بسرعه جابت
شرايط الكاميرات بتاعت البيت كله وفضلت تتفرج عليهم
لغايه موصلت لشريط الطرقه اللى فيها اوضه جيسى
وشافت بالتفصيل اللى حصل صفاء حطت ايدها على بوقها
وقعدت على الارض ومسكت التليفون وهى بتترعش
ورنت على ياسر
ياسر :ايوه ياحبى وحشتينى كنت لس
صفاء :بتبكى وبصوت مش مفهوم ياسر الحقنى تعالا بسرعه
ياسر قلبه وقع فى رجليه وقفل التليفون وطلع ركب العربيه
وساق زى المجنون على اعلى سرعه
صفاء وهى قاعده بتعيط تليفونها رن فتحت مين
* : انا البعبع اتمنى انك تكونى عقلتى دى كانت قرصه ودن
متلعبش بالنار ياشاطره عشان المره الجايه مش هتقومى
منها
صفاء عرفت الصوت وقفلت السماعه وفضلت تعيط
وتصرخ ماماااااا اااااااااه يااااااامى
ياترى ياسر هيعمل ايه
