رواية تزوجت طفلة الفصل الثاني والعشرون 22 بقلم ريناد
وجت طفله الحلقه ٢٢
روبرت :سعديه شافت كل حاجه
جيسى :وات اوماى جد شت
جيسى طلعت تشوف سعديه جست النبض دى لسه عايش
روبرت :هنعمل ايه
جيسى :نهرب ناخد باسبورت ونسافر لو فاقت وقالت لياسر
هيقتلنا احنا الاتنين
روبرت :طيب نموتها وبكده مش يعرفو حاجه
جيسى :نو موت نو انا مش هدخل سجن ابدا
روبرت :مفيش سجن مش تخافى
جيسى :آى سيد نووو
شيلها معايا
وفعلا شالوها نيموها فى سريرها واخدو حاجتهم وطلعو
جرى على المطار
ياسر رن على جيسى بس قفلت تليفونها
صفاء روحت فى معاد مرواحها من الشغل دخلت البيت
بس ملقتش امها
صفاء :ماما ماما بيتى ماما فين
بيتى :انا مش لقيتو هنا من الصبح طلعت لقيتو نايم فى اوضته صحيتو مرضيش يصحى سبتو يمكن تعبان
صفاء :هى مش متعوده تنام وقت رجوعى هى اكيد تعبانه
وطلعت تجرى لفوق
صفاء :ماما سوسو مالك الجميل نايم ليه دلوقتى
سعديه مش بترد صفاء مسكت ايدها لقت ايدها متلجه
صفاء بتهز فى مامتها عشان تصحى مفيش فايده
صفاء ابتدت تترعش ودموعها نزلت وبدأت تصرخ
لااااا ماما فوقى قومى يلا
صفاء اتصلت بياسر ومكنتش عارفه تتكلم بس تعيط
وتقولو الحقنى الحقنى
ياسر اخد المفاتيح وطلع يجرى من غير مايفهم فيه ايه
ساق على اقصى سرعه
صفاء اتصلت بالدكتور وكلمت علا اللى جت بلمح البصر
هى وايمان صحبتها
الدكتور وصل وصفاء منهاره
الدكتور دخل كشف وبيشد الغطا على وشها شدته صفاء
لا لا لا لا لا متعملش الحركه دى هى مش ميته علفكره
انتا مبتعرفش حاجه هى بس مغمى عليها وهتفوق
ابتدت صفاء تعملها انعاش باديها وتنفس صناعى
ماما قومى ماما ماما اصحى دلوقتى يلا يلا بلاش هزار
علفكره هزار وحش انا عارفه انك سمعانى ماما
بتقرب من ودنها قومى بقا خلاص كفايه كده
الدكتور يافندم مينفعش كده حرام
صفاء صرخت فى وشه عشان يسكت
الدكتور سكت ورجع لورا
صفاء :يلا اخرجو يلا كلو بره يلا لو سمحتو انا هفوق ماما
انتو جايين تعيطو وتفولو عليها
صفاء زقت كل اللى فى الاوضه وطلعتهم وقفلت الباب
نامت جمب مامتها وحضنتها
صفاء :ياحبيبتى جسمك ساقع اوووى انتى مغمى عليكى
من البرد صح صفاء جابت بطانيه وغطت سعديه
ونامت جمبها وفضلت تدلك فى ايديها وصدرها لكن
مفيش فايده
صفاء :بصت لسعديه ودموعها نزلت بغزاره
علا وايمان بيخبطو على الباب بس صفاء مش بترد
ياسر بيرن على صفاء وهى مش بترد وهو هيموت عليها من
الخوف
وافتكر انه يرن على علا اللى اخد رقمها من صفاء بحكم انها
دايما معاها لو معرفش يوصلها
تليفون علا بيرن
علا :الو
ياسر :ايوه ياعلا انا ياسر فين صفاء ومالها ايه اللى بيحصل
علا :اصل اصل
ياسر :اتكلمى اصل ايه
علا :اصل ماما سعديه تتتعيش انتا
ياسر ضرب فرامل مره وحده
انتى بتقولى ايه انتى اتجننتى
علا :الحق صفاء ياياسر الحقها قافله على نفسها الباب مع
مامتها ومش راضيه تفتح انا خايفه عليها اووى
ياسر :انتو اكيد غلطانين هى اكيد مماتتش
علا :الدكتور قال كده
ياسر :دكتور حمار انا هكلم دكتور يجيلها وفعلا كلم دكتور
ووصل قبل مياسر يوصل بدقايق
علا بتخبط على صفاء عشان تفتح للدكتور
صفاء فتحت
اكشف عليها وقول انها مماتتش اعمل اى حاجه عشان تصحى فاهمنى
الدكتور دخل كشف عليها وهيغطى وشها صفاء صرخت بكل صوتها لاااااااااا
ياسر :دخل لقاها وشها متغطى
ياسر :ايه السبب يادكتور
الدكتور :سكته قلبيه حد زعلها ولا حاجه
صفاء مين هيزعلها مين مين ااااااه يأمى
ياسر قرب من سعديه وكشف وشها والدموع نزلت من عنيه
زى المطر وقرب منها وباسها
كده برضو ياأمى تمشى من غير متسلمى عليا من غير متحضنينى اخر حضن
حضنها وبصوت عالى اااااااااه يأمى أااااااااه
صفاء قربت منها وبصت لها بقهر
دى حتى مستنتنيش انا لما تدينى اخر حضن وقعدت جمبها
وانهارت فى بكا هستيرى
ياسر داحنا فطرنا الصبح وكانت زى الفل ايه اللى حصل
علا وايمان اخدو صفاء المنهاره برا الاوضه وياسر
ابتدا يعمل اجراءات الدفن
جيسى وروبرت لسه نص ساعه على الطياره بتاعتهم
ياسر بيتصل بيها تليفونها مقفول بيرن على روبرت مبيردش
بعت رساله على تليفون روبرت ان سعديه ماتت
الرساله وصلت
روبرت قرا الرساله ووقف
جيسى :وات
روبرت :سعديه ماتت يلا نرجع
جيسى : دونت بى ادينت مش يمكن ماتت بعد ماقالت على
كل حاجه
روبرت طيب مش يمكن ماقلتش حاجه احنا لو مشينا وطلعت ماقالتش هنخسر كتير
بصى اتصلى بياسر واعرفى منه هى قالت حاجه او نوت
جيسى اتصلت بياسر
جيسى :هالوو ياسر
ياسر :انتى فين ومش بتردى على تليفونك ليه
جيسى :سورى كان مقفول وات هابند ياسر
ياسر : سعديه ماتت ياجيسى ماتت
جيسى :وات وات دو يو ساى امتى حصل كلام ده احنا مشينا انا وروبرت نتفسح وكانت جود
ياسر :صفاء رجعت لقتها ميته والدكتور قال سكته قلبيه
جيسى :اوووو ايام سو سورى هانى ايام كامينج ان ذا واى
جيسى قفلت التليفون روبرت سمع كل حاجه عشان السبيكر
كان مفتوح
روبرت : جود يبقا نرجع
جيسى :مش يمكن كدبه من ياسر عشان نرجع دماغ ياسر
سمارت كتير
روبرت :احنا نروح ونسأل من بعيد
جيسى راحت الفيلا ووقفت من بره هى وروبرت
ياسر شافها راح ناحيتها بسرعه وهى خافت جدا وكانت هتجرى
بس وقفت ياسر قرب منها وفجأه حضنها وعيط بصوت عالى
ياسر :سعديه ماتت ياجيسى امى ماتت ماتت احلى حاجه فى حياتى ضاعت
جيسى :ايام سورى حبيبى
وهنا روبرت وجيسى بلعو ريقهم وأتأكدو ان ياسر معرفش
وفرحو جدا انهم هيقدرو يكملو خطتهم
تمت المراسم وتم الدفن وياسر وصفاء روحو البيت
ياسر قرب من صفاء قوى اللى اترمت فى حضنه وعيطت بحرقه وهو كمان عيط وحزنه كان ميقلش عن حزنها
صفاء :امى ماتت ياياسر انا خلاص مليش حد انا بقيت
وحيده
ياسر :امال انا رحت فين انا جمبك ومش هسيبك
صفاء: بجد ياياسر مش هتسيبنى
ياسر ضمها اووووى وهى اتطمنت فى حضنه اووى وغمضت
عنيها
عدى شهرين على موت سعديه وصفاء فى حاله اكتئاب ولا
بتاكل ولا بتشرب ولا ليها نفس للشغل
علا جتلها البيت
علا :صفاء انا عارفه انك حزينه وخسارتك كبيره اوى بس
بلاش الخساره تبقى من كل النواحى الشغل مش ماشى كويس ياصفاء وانا مش قادره لوحدى وحجات كتير
اوى متعطله خساره تعب السنين يروح كده
ياسر كمان حزنه كان يمكن اكتر من حزنها بس اتكلم
ياسر :علفكره علا بتتكلم صح نفوق بقا ياصفاء
صفاء مش قادره غصب عنى
ياسر :مفيش غير الشغل اللى هخفف عنك شويه من بكره
تنزلى تشوفى شغلك وانا كمان هشوف المشروع بتاعى
صفاء :هحاول
تانى يوم صفاء نزلت الشغل ومكنش ليها نفس تشتغل
قعدت شويه فى الشركه وروحت دخلت اوضه مامتها
ونامت على سريرها
ياسر سافر اسكندريه يشوف شغله وابتدا يجهز لمشروعه
واشترى كام حته ارض وابتدا بنا فيهم
صفاء شويه شويه رجعت لشغلها وانتبهت للشغل من تانى
جيسى وروبرت شغالين فى المشروع مع ياسر
وكل واحد ليه مكتب مدير تنفيذى
********************************
فى بنايه ضخمه فى مكان راقى مقر شركه SN جروب
قاعد راجل فى الخمسين من عمره فى مكتب فخم
الباب خبط
ادخل
دخل موظف شايل ملف سعاده الباشا
صفوت :فيه ايه ياوجيه عملت ايه
وجيه :للاسف يافندم الشركه المستورده رفضت تتعامل
معانا تانى وقالت انها تعاقدت مع شركه تانيه اسعارها
اقل ومنتجاتها افضل
صفوت :شركه مين دى
وجيه فتح الدوسيه شركه صوفى جروب
صفوت :تانى البنت دى تالت صفقه تخسرهانى الشهرين دول
وبعددددين كده حالنا هيوقف
انا لازم اوقفها عند حدها
صفوت قام وخد وجيه واتنين بودى جارد معاه وراحو الشركه لصفاء
صفوت داخل الشركه من غير ميوقف والموظفين
حضرتك عاوز مين حضرتك بتدور على حاجه وهو مش بيرد
وصل عند موظف فين مكتب صاحبه الشركه
الموظف المكتب اهو ثانيه اديها خبر مين حضرتك
صفوت فتح الباب ودخل علطول
الموظف يافندم مينفعش كده لكن البودى جارد سبتوه
صفاء :فيه ايه انتا مين وازاى تدخل كده
صفوت :انا صفوت نبيل صاحب شركه SN للتصدير
صفاء دا برضو ميديكش الحق تدخل بالهمجيه دى
صفوت قعد وحط رجل على رجل
بقولك ايه اللى بتعمليه ده مينفعش ولا يرضى حد انتى
بتخربى بيتى وبيوت كتير
صفاء :ليه وانا عملت ايه
صفوت :عملتى انك بتبيعى باقل سعر فى السوق ودا مخلى
الشركات كلها تتعاقد معاكى
صفاء :طيب متقللو السعر وانتو تبيعو
صفوت :مينفعش ياامى انتى بتزرعى كل حاجه بنفسك
واحنا بنشتريها يعنى علبال متوصل عندنا تمنها بيتضاعف
واحنا لازم نبيع بالسعر ده والا هنفلس وندفع من جيوبنا
صفاء :لا مش صحيح فيه ربح وربح كبير لو بعتو بنفس
اسعارى انا متابعه كل حاجه بس انتو طماعين وهدفكم
الاول الربح السريع
صفوت طيب نعمل شراكه وندمج الشركتين مع بعض
صفاء :انا مبحبش الشراكه وبعدين شركتى منفذ لمنتجاتى
صفوت انتى ايه انتى غبيه فيه حد يرفض ملايين سنويا
عشان كلام فاضى
صفاء :انتا شايفه كلام فاضى بس انا شيفاه مبدا ومش
هتخلى عن مبادئى
صفوت: انتى الظاهر الزوق مش هينفع معاكى
صفاء :انا مبتهددش وعلفكره حوارك معايا متسجل صوت
وصوره وهبلغ عنك البوليص عشان تتربى
صفوت بص للكاميرات وابتسم وطقطق بصوابعه الاتنين
البودى جارد راحو غرفه الكنترول وجابو شرايط الكاميرات
وادوها لصفوت باشا
صفوت ضحك ابقى سلميلى على مبادئك يا....صوفى
وسابها ومشى
صفاء :ايه الناس دى عالم مؤرفه
عدى على الكلام ده اسبوع
ياسر بيتكلم فى التليفون
ياسر :الوووو صاصا اخبارك
صفاء :ياسو اخبارك انتا
ياسر :انا جى فى الطريق هخلص ورق هعدى عليكى اخدك
فى سكتى
صفاء :اوكى وطلعت علبه مكياج صغيره من شنطتها وظبطت وشها وبلمسات خفيفه بقت زى القمر
علا دخلت :ايه الحلاوه دى هو ياسر جه ولا ايه
صفاء جاى فى الطريق
علا :اه منا اخدت بالى منتى مش بتبصى فى المرايه الا
وهو ياسر موجود
ايمان داخله وسمعتهم :هى اصلا أمر ومش محتاجه اى
مريات
ايمان كانت عارفه بحكايه صفاء وياسر واتكلمو قدامها
علا واخرتها
صفاء :اخرت ايه
علا :اخرتها معاكى ومع واحد مش حاسس بيكى اصلا
وانتى بتضيعى اجمل ايام حياتك فى وهم
صفاء ادايقت ياعلا
علا :انا عارفه انك كلامى هيدايقك بس بوصى كده كفايه
اعترفيله انك بتحبيه ولو تقبل يتجوزك رسمى متقبلش
يبقا تشوفى حالك بئا
صفاء سكتت
ايمان :علفكره علا عندها حق مهو يااه يالاأ
صفاء :هشوف هعمل ايه فصلتونى منكم للاه بعد مكنت فرحانه
ياسر كلم صفاء بعد ساعتين من المكالمه الاولنيه ونزلتلو
ياسر مشى بالعربيه
صفاء :رايح فين مش دى طريق البيت
ياسر :انا مش رايح البيت احنا هنتغدى بره انا وانتى
صفاء فرحت والله النفسيه كانت طالبه خروج ياياسر
ياسر :انا عارف بحس بيكى
صفاء ابتسمت وغمضت عنيها تشم برفانه واتمنت لو تقدر تحضنه وتشبع منه
اتغدو مع بعض وهما مروحين ياسر وقف صفاء وقفت ليه
ياسر شاور بدماغه على محل الايس كريم لسه بتحبيه
صفاء ابتسمت لسه فاكر
ياسر :طبعا وانا اقدر انسى
صفاء : طيب عايزه
ياسر :ايس كريم بكل النكهات فى حله
صفاء ضحكت هى وياسر وياسر راح يشتريلها الايس كريم
صفاء بتراقب ياسر وهو بيبعد وكانت حاسه بسعاده كبيره
صفاء بهمس خلاص ياياسر انا مش هستحمل تبعد عنى اكتر
من كده انا هعترفلك النهارده بحبى وهاخد حقى فيك
اللى اتحرمت منه كتير
ياسر رجع بالايس كريم وادهولها بابتسامه
صفاء اكلت الايس كريم ووصلو
نازلين من العربيه
فجأه لقو حد بيضرب عليهم نار وجرى ياسر جرى وراه هو
وفرد الامن اللى على البوابه بس ملحقوهوش كان راكب
موتور ياسر رجع
ياسر :هرب ابن الكلب
بيبص لصفاء اللى لقاها ماسكه جمبها وبتوقع بالبطيئ
ياسر جرى وحضن صفاء وهو مرعوب
ياسر : صفاء صفاء صفاء
صفاء بصوت مخنوق انا بحبك ياياسر بحبك اووووى
وكان نفسى اكمل عمرى كله معاك وكان نفسى تبقا بتاعى
انا وبس
وغابت عن الوعى
ياسر :لا صفاااااااااااء اسعااااااااف بسرعه صفاااااااااااء
