-->

رواية اتعبتني ولكن (امل ويوسف ) الفصل السابع عشر 17 بقلم يوتة

رواية اتعبتني ولكن (امل ويوسف ) الفصل السابع عشر 17 بقلم يوتة

    رواية اتعبتني ولكن (امل ويوسف ) الفصل السابع عشر 17 بقلم يوتة


    الحلقة 17

    عند أماني

    كانت تجهز فى العشاء وفجأة تسمع فى هاتفها يرن
    قامت الهاتف لقت المكالمة من محمد ع طول ردت
    محمد ،،،، أهلااااا حبيبتي
    أماني ،،، اهلا حبيبي كيف حالك توا
    محمد ،،، انا كويس لو انتي كويسة ي عمري
    اماني ،،، ما تخافش حبيبي انا كويسة الحمدلله
    محمد ،،، متاكدة امونتي حالك كويس ؟؟
    اماني ،،، طبعا ي غالي
    فى شوية حاجات هكي لكن تمشي بإذن الله ..
    محمد ،،، ان شاء الله
    اي شن دايرة والله بالي قعد عندك و نشغلت عليك هلبه 💔
    قعدة ما تبيش تقوليلي شن صاير معاك امونتي
    اماني ،،، ي حمودة ي حبيبي ما تشغلش بالك انا كويسة
    و حاضر راح نحكيلك حبيبي غير بس توا لاهيا فى العشاء انكمل ونشطب الحوسة ونكلمك ماشي حبيبي
    محمد ،،، به ي عيوني وما تنسي تاكلي حتى انتي باهي ي روحي
    اماني ،،، حاضر حبيبي هي نستأذنك توا
    محمد ،،،، نحبك ي طفلتي المدلاله 😍😘
    اماني عجبتها الكلمة ،،، ههههه حلوة ي قلبي
    وانا نموت فيك
    محمد ،،، ايوه كذا خليني نسمع هالضحكة ع طول ماشي امونتي
    اماني ،،، من عيوني ي روحي هي سلام
    محمد ،،،، سلام

    سكرت أماني وهيا جوها عشره ع عشره
    وتنهدت بكل مافيها من وجع وفرح وقالت الحمدلله لانه محمد معاي و بجنبي 😍😘

    اما محمد سكر الخط وحط الهاتف على صدره وقال ربي
    ما يوريني فيها شر هالغالية يارب

    عند امل
    بعد ما شافت محمد وهدرزة عليه شغل بالها سؤال محمد على اماني ف فكرت إنها تتصل بيها بعد شوي
    و يقطع تفكيرها امال اختها

    أمال ،،، تعالي امل نبيك شوي
    امل ،، حاضر هي هي اهو جيت
    أمال ،، جهزي السفرة و رتبي الصحون
    امل ،،، حاضر

    وهكي رتبت امل السفرة وحطوا العشاء و طبسوا يتعشوا

    اب امل وخوتها بروحهم ، وامل و عمتها وامها وامال بروحهم

    عمة امل ،،، غدوة عندك جامعة امل ؟؟
    امل ،،، اي ان شاء الله لكن انفكر ما نمشيش غدوة
    عمتهاا ،،، علاش ؟؟
    امل ،،، هوا الحق المحاضرة مش مهمه و بعثالي نبي نهدرز عليك 😘
    أمال على طول شافت ل اختها لانها عارفه إني امل ما تبيش تمشي لانه المحاضرة تبع يوسف ومش لانها مش مهمه كيف ما قالت .
    عمتهاا،،، لالاه امشي اقري قرايتك سلم بنت اوخي كله ولا دراستك
    و بعثالي انا قعدة ل بعد بعد العصر يعني تمشي و تجي وانا قعدة عندكم ،
    أمل ،،، مش عارفة انفكر
    سامية ( ام أمل ) ،،،، لا تفكري لاشي انتي ليك فترة اصلا فى هذا اليوم ما تمشيش امشي وتوكلي على ربي
    امل فى خاطرها مانبيش نمشي لحت ما نتلاقى مع يوسف
    ي امي افهميني ،،،،،، ان شاء الله خير توا نفكر
    وهي توا شبعت الحمد لله
    عمتها ،،، خيرك ألطف انتي شن كليتي 💔
    امال ،،، هذا حالها ي عمتي ، تعبنا معاها والله
    امل ،،، ناكل عادي ي عمتي راه زيني زي الناس غير امال مركزة زيادة
    عمتها ،،، لا ي امل كلام امال صح ميه بالميه و بعتالي هاذي صحتك مش لعبة عندك لازم تاكلي كويس باش ما تتعبيش
    امل ،،، ان شاء الله ان شاء الله هي انا بنمشي انكلم اماني توا شوي ونجيككم

    عند اماني
    كملت العشاء وتعشوا و دخلت تغسل فى المواعين
    اما يوسف كان فى الصالة مكسد هوا و امه
    وفجأة يرن هاتف اماني و بالصدفه كان جنب يوسف
    يوسف ،،، اماني تعالي هاتف يرن
    اماني ،،، شوف من انا لاهيا نغسل
    يوسف ،،،، به قام الهاتف و لقي المتصل امل
    عيونه ولوا قلوب قلوب 😍😍 وفى نفس الوقت كان فى شعور مش حلوو حاس بيه يوسف تجاه امل لسبب راح تعرفوا بعد شوي
    هاذي امل ي اماني
    اماني ،،، به رد عليها
    يوسف مش قادر يرد علي امل اكتفاء انه يقلب الهاتف وخلاص
    شوي و عاودت امل من جديد
    ترن ترن ترن
    وبعد تردد وتفكير ناض يوسف و تحول من جنب امه و رد علي امل بس ما قدرش يكلمها ولا حتى يقول ولا كلمه
    قعد ساكت ومتامل فى صوت امل من غير ولا كلمه .....

    امل ،،، الوووو وينك انتي ي بنت ساعة نتصل خيرك ما ترديش ؟؟؟
    الوووو وينك اماني ...... خيرها هاذي ما تردش
    الووووووو وبعدها طوط طوط
    سكر يوسف على امل الخط لانه ما قدرش يتكلم بكل
    كان فى شي غام على قلبه و منعه انه يرد

    عند امل
    امل ،،، خيرها زعما
    يلا براحتها توا وقت تبي تحكي اتكلمني ...
    ومشت امل للمطبخ تغسل فى المواعين وتساعد فى امال

    عند يوسف
    اماني ،،،، ها يوسف خيرها امل شن تبي
    يوسف كان سرحان وهايم و ماحسش ابدا على اماني
    اماني ،،، قربت من يوسف و اشرت بيدها
    هيييي وين سرحان
    يوسف ،،، لا اهو هنا قاعد
    اماني ،،، به قتلك شن تبي امل ؟؟
    يوسف ،،، ما نعرفش
    اماني ،،،، كيف ما تعرفش مش رديت عليها
    يوسف و بكذب ،،،،، كيف بنرد و تسكر الخط
    اماني ،،،، اها به مش مشكلة توا انكلمها انا
    يوسف ،،،، باهي

    مشت اماني لدارها و امها دخلت لدارها اما يوسف قعد مكسد على التلفاز و يفكر فى امل و خلاص

    عند امل

    كملت تشطيب المطبخ و دخلت كسدة مع عمتها
    عمتها ،،، اي اموله شن جديدك مافيش حاجة هكي ولا هكي مع غمزة
    امل ،،،، ههههه حاجة زي شن ي عمتوو
    عمتها ،،، انتي عارفة شن قصدي حبيبتي
    أمل ،،، مافيش ولا جديد فى حياتي ي غاليتي كساد فى كساد وخلاص
    عمتها ،،،، أي صدقتك
    امل ،،، ههههه خيرك عليا ي عمتي قتلك مافيش ولا ولد فى حياتي
    عمتها ،،، معناها في هههه اطلع ي حق ربي
    امل ،،، عمتي بطلي عاد
    عمتها ،،، ماشي على راحتك ي قمر
    لكن إلا ما نعرف شي يوم 😍😘
    امل ،،،، ستني معناها ههههه
    دقيقة بس ي عمتي اماني على الخط
    عمتها ،،، اماني ولا حبيبي القلب ههههه
    امل ،،،، مع تفنيصه مزح عيب عاد عمتو
    عمتها ،،، ردي ردي على بنت هي و بعدها تعالي احكيلي
    امل ،،،، ماشي
    الووو اهلا اماني شن جوك
    اماني ،،، اهو الحمد لله بخير كيف حالك انت ي روحي
    امل ،،، كويسة
    وينك قبل شوي كلمتك فتحتي عليا الخط
    وقعدت انكلم فيك وانتي ما ترديش لين نسمع فى الخط طوط طوط
    اماني عرفت انه يوسف دار هالشي وانه حب يسمع صوت امل من غير ولا كلمة منه ضحكت وقالت ،،،،، هذا يوسف راه مش اني ل رديت
    امل ،،، شن تقولي انتي شن دخله يوسف
    اماني ،،،، ههههه هكي صار
    امل ،،،، ماشي ماشي فهمت عليك يلا ما علينا شن جوك انتي
    و خيره صوتك حاسة انك مش كويسة
    اماني ،،، تنهدت من اعماقها اااااااه ي امل قولي شن مافيا
    امل بخوف ،،،، شن فيك ي بنت بسم الله الرحمن الرحيم
    يوسف فيه حاجة عمتي فيها حاجة
    اماني ،،، امي مافيها شب بس يوسف ي امل 💔
    قلبي واجعني عليه
    امل وهيا خايفة ،،،،، خيره يوسف ي اماني تكلمي
    اماني ،،،، مش قادرة نتكلم ي امل مش قادرة الموضع كبير راه كبير هلبااااااا
    امل ،،،، ي اماني بالله عليك قلبي خلاص شن فيه يوسف
    اماني ،،،، الموضع و ما فيه يخص يوسف و مروة
    غدوة لو جاية للكلية نحكيلك شن في
    امل ،،، ايه علينا توا شن برقدني انا 💔
    اماني حست انه امل مهتمه هلبه ل امر يوسف ،،، علاش
    امل بمزح ،،،،،، علاش يعني فضووول
    اماني ،،، به ي امل
    معناها نتلاقوا غدوة و نحكيلك بلكي تقدري تساعديني
    😘
    امل ،،،، بعون الله
    هي تصبح علي خير حبيبتي وما تشغليش بالك باهي والله الامور راح تمشي كلها على خير ومهما كانت الشدة حتزول
    اماني ،،،، حاضر
    تلاقي الخير امولتي شكرا لانك في حياتي
    امل ،،،،، انتي حبيبتي ومرت خوي ي فالحه شن هالكلام هي أمشي ارقدي توا
    اي وقتلك طمني محمد عليك لانه مشغول عليك هلبا
    اماني ،،،، حاضر مع السلامة
    امل ،،،، سلام

    سكرت اماني الخط من امل وعلى طول اتصلت ب محمد
    لكان هايم ويفكر فيها 😍😘
    اما امل سكرت الخط من اماني وكلها خوف وتفكير فى موضوع يوسف 💔
    و ثواني و يقاطع تفكيرها عمتها مها لكانت جنبها وسمعت كل محادثها مع اماني
    مها ،،،، قتلك فى شي تعالي احكيلي شن فى و شن قصة يوسف ومن يكون 😍
    امل ،،،، ههههه عمتي انتي هنا
    مها ،،، للاسف اي هنا ويلا نسمع فيك
    امل ،،، واي منك ي عمتي ما يفوتك شي
    مها ،،، بس يس نعرف
    امل فى الاصل كانت راح تحكي ل عمتها كل شي يعني حتى لو ما سمعتها كانت راح تحكي لانه كيف ماقلت مها وامل قراب هلبا لبعض 😍😘

    امل ،،، هذا ي حنه

    عند محمد
    كان مكسد وهايم و يستنا فى اماني
    وفى وسط تفكيره تتصل اماني
    محمد ،، اهلا امونه كيف حالك توا
    اماني ،، كوبسة ي روحي كيف حالك انت ي غالي
    محمد ،، الحق كويس غير بالي عندك احكيلي اماني شن في
    والله قلبي خلاص عليك
    اماني ،، حاضر
    القصة ومافيها ي محمد مروة خطيبة يوسف طلعت تكدب على خوي وكل كلامها ووعودها كدب فى كدب كانت بس تتلصق فى خوي لغرض الفلوس والجاه ليها ول اهلها
    محمد بصدمه ،، معقولة فى ناس هكي
    اماني ، للأسف فيه ومن ضمنهم بنت عمي من لحمي ودمي وفوقها خطيبة خوي 💔
    محمد ،،،، به من قلك انتي متاكدة من هالكلام
    اماني ،،، متاكدة ي محمد سمعتها بكل حواسي تتكلم مع امها
    محمد ،،، لاحول ولا قوة إلا بالله به ويوسف شن وضعه
    اماني ،،، ،، يوسف اخ ياربي وخلاص ماعنده علم ومش قادرة نحكيله خايفة من ردت فعله
    محمد ،،،، لازم تحكيله ي اماني
    اماني ،، يستر الله ي محمد هالحمل كبير وان شاء الله خير
    محمد ،،، الموضع صعب صح بس ولايهمك ي قلبي انا معاك وراح تمشي الامور للاحسن بعون الله
    اماني ،،، نحبك ي كياني
    محمد ، نموت فيك

    وهكي محمد واماني كملوا حديثهم
    بين حب و ود وقوة 😍😘
    محمد بالنسبة ل اماني شي كبير هلبه شب صعب وصفه
    و نفس الشي اماني محمد يعنيلها هلبه وعندها وجوده بالدنيا

    (حلو هلبه وقت تلاقي الشخص ليفهمك ويكون معاك يحبك ويخاف عليك يصونك فى غيابك قبل حضورك
    يكون راجل ليك مش عليك حلو هلبه بجد هالاشخاص ل وجودهم معنا بروحه فرحه وسعادة😍😍😍😘 )

    عند امل
    امل ،،،،، هذا ي حنه يكون اخ اماني وفى نفس الوقت كان صديقى وهوا استاذي فى الاصل 😍
    عمتها ،،،، اي علاش كان صديقك وتوا شن صار ؟؟
    امل ،، لأنه خطب ف انا انسحبت من حياته
    عمتها ،،،،، كيف قدرتي تطلعي من حياته بكل سهوله
    امل ،،،،، مش بسهولة ي عمتي هالشي كلفني هلبه
    واليوم فى نظر يوسف انا مخطوبه ل عبدو طبعا هالدوة مهناش منها بكل وهالشي اتفقت عليه انا وعبدو وبس
    حتقولي علاش وعارفة انك انصدمتي بس ي عمتي يوسف
    معاش خلالي مجل ثاني إلا اني نكذب عليه
    وانا مانبيش نتعلق بحاجة مش ليا هذا ليش قلت هكي 💔
    عارفة غلط و عارفة حيجي يوم ويعرف وحيكون موقفي مش حلو بس لوقتها نكون انا تعودت على غيابه وهوا تعود عليا 💔

    (طبعا اكيد عرفتوا شن السر لبين عبدو وامل ويوسف وحتى امال واماني
    حطوبة امل من عبدو كانت كذبة كذبتها امل بس لحت تعود يوسف علي بعدها
    اما عبدو وقت شاف امل بهذه الحالة قرار منه ليه انه يحكي ل يوسف و توا يوسف عنده علم بكل شي و للاسف امل ماعندهاش علم انه يوسف يعرف )

    مها ،،،،، اصدمتيني الصراحه ي امل
    غلط هالشي ي عمتي بإمكانك لغيت وجوده وخلاص من غير ما تكدبي وتعشمي عبدو فيك 💔
    امل ،،، بس ي عمتي يوسف معاش بطل من الاتصالات والمسجات تخيلي يبيني انكلمه وهوا خاطب
    شن منظري ي عمتي ترا قوليلي للاسف مالقيتش الا هذا الحل
    وعبدو عارفة شعوره تجاهي بس الله غالب هوا حلي الواحيد وفعلا كان معاي راجل لعند اليوم😘
    مها ،،،،، مش عارفة شن نقولك ي امل

    عند يوسف كان قاعد فى داره وهايم وسرحان في كل حرف قاله له عبدو ويفكر بين وبين نفسه علاش امل كذبت عليا وقالت انها انخطبت هذا كله باش ماتبي تكلمني ياربي قلبي مش قادر يسامحها علة هالشي 💔
    ياريتها لمحت او حتي عبرت ياريتها دارت اي شي
    ليش بش اختارت انها تكذب عليا ب هالشكل 💔

    ويقاطع تفكيره اتصال من مروة
    شافه برع عين وما عدلش عليه اكتفاء انه يحط هاتفه على الصامت وحاول انه يرقد

    ^^^ فى كذا اشياء تنفرض علينا
    تكون غلط بس فى نفس الوقت يكون هالفرض انسب شي لينا زي مصار ل امل بضبط فكرة وجود يوسف وبعده عليها فجاة خلتها تخطي هالخطوة باش ما تتعب فى حياتها
    فكرت فى مصلحتها وهذا حقها صح الطريقة غلط بس تفكيرها كان صح وهذا الشي ل ماقدر يوسف يفهمه ^^

    عند امل وعمتها
    امل ،،،، ولا انا عارفة روحي شن اندير
    مها ،،،،تحبيه امل😍???
    أمل ،،،،............؟؟؟
    مها ،،،، ان شاء الله خير
    هي نرقدوا توا وللحديث بقية غدوة وراك جامعة انتي
    امل ،،،، اي هي خلي نشوف امال وين بس
    مها ،، خليها اكيد تكلم فى علي
    امل ،،،، به

    شن جواب امل يا ترا ؟؟؟؟
    راح تعرفوا راح تعرفوا بس لكل شي حين معين 😍

    وهكي فاتت هالليلة على الكل
    كل حد فيهم كان فى شي فى قلبه ومش عارف كيف يتخلص منه 💔

    ^^في قلب كل واحد فينا شي معين شاغله وهايم بيه 💔
    بس مافكرتش انه لزرع هالشعور قادر انه ينزعه 💓
    كل حد فينا ما يفكرش انه الحزن فاني وانه المشاكل سيورها تنحل
    للأسف كل البشر فيها طبع شين بكل 😑😑
    وهوا انهم يكبدوا بكل حواسهم ويعيشوا اجواء الحزن بكل مافيه😏
    وفى الوقت نفسه حارمين نفسهم من كل لحظة فرح موجودة فى حياتهم ^^^

    وبعد نهار طويل جي يوم جديد يوم كله أحداث و كلام كبير ومشاعر اكبر 💔

    عند امل
    ناضت وكله تفكير وتبي توصل باقصى سرعه للكلية باش تعرف شن فيه يوسف وشن الموضع الكبير لشاغل بال اماني لهدرجة
    فطرت وصلت ولبست وطلعت على السريع 🚶‍♀️🚶‍♀️🚶‍♀️

    عند اماني
    ناصت فطرت هي ويوسف وطلعوا على طول للجامعة
    🏃‍♂️🏃‍♂️🏃‍♂️🚶‍♀️🚶‍♀️

    شوي هكي وصلت امل لجامعة وبعدها بدقائق وصلت اماني ويوسف
    اماني ،،،، يوسف اهي امل انا بنمشيلها شن تمشي معاي
    يوسف وخاطره يمشي بس قلبه مانعه ،،،، لالاه
    وراي شغل امشي انتي ونتلاقوا فى المحاضرة
    اماني ،،، تمام هي سلام
    ومشت اماني ل امل اما يوسف مشي على حاله
    اماني ،،،، هييييي وين سارحه انتي صباح الورد
    امل كانت لاهيا فى الهاتف وما حستش بوجود اماني ويوسف إلا وقت جتها اماني
    اهلا امونتي كيف حالك ؟؟؟
    اماني ،،، كويسة كيف حالك انتي
    امل ،،،، كويسة و ادور بعيونها على يوسف
    اماني ،،،، على من ادري بزبط
    امل ،،،، ههههه شن قصدك
    اماني ،،،، عيونك مش معاي بكل
    امل بعفوية ،،،، يوسف وين
    اماني ،،،، دخل للادارة قال عندي خدمة
    امل ،، ،،، باهي
    احكيلي شن فى خيره يوسف وخيرها مروة
    اماني ،،،، مروة تكدب على يوسف
    امل ،،، شن قصدك بتكدب على يوسف
    اماني ،،،، مروة كل همها الفلوس مش خوي ي امل و كل قصصها كانت كدب فى كدب وخلاص
    يعني ضحكت علينا كلنا 💔
    امل ،،، به ويوسف شن وضعه عنده علم بكل هالشي
    اماني ،،، لا ماقدرتش نحكيله ي امل وخصوصا هوا مايحبش الكدب بكل مش عارفة شن بنقوله وكيف بنقوله موضوع زي هكي 💔💔
    امل وقت قالت اماني هالكلمة وجوها على طول بدي معاش يتفسر وعلى طول اماني حست عليها
    اماني ،،،، امل ما تخافيش فى فرق كبير بينك وبين مروة
    انتي كدبتي كدبه بيضه بنيه صافيه بس هيا شوفيها كيف 💔
    امل ،،، يستر الله ي اماني خوفتيني الحق
    اماني ،،، ما تخافيش ي امل نبيك فى خدمة
    امل ،،، شن
    اماني ،،،،، عادي لو احكيتي انتي ل يوسف هذا الموضوع
    امل ،،،،،، بصراحه ي امل مش عارفة لكن حاضر
    راح انكلمه وتقوله بس تتوقعي يصدقني
    اماني ،،،،، اصدقك وعلاش لا
    غير هي توا وقت على المحاضرة توا نحكوا فى هذا الموضوع بعدين
    امل ،،، به
    هي

    ومشوا البنات للمحاضرة وكان يوسف فى القاعة وكيف بيبدا شرح
    مجرد ما دخلت اماني وامل على طول يوسف علق عيونه على امل وجي فى خاطره يمشي ويسالها علاش دارت هكي فيه
    بس يوسف اكتفاء انه يتجاهل امل ويكمل الشرح
    اما امل كل المحاضرة كان بالها مع يوسف
    وهكي فاتت ساعة ونص بكل مافيها من نظرات بين يوسف وامل
    وبعد تمت المحاضرة قعد يوسف ارتب فى اغراضه بينما الطلبه طلعوا الكل باستثناء امل ل قالت ل اماني اطلعي وسكري وراك الباب
    وفعلا طلعت اماني وقعدت امل و يوسف بس فى القاعة
    يوسف ،، خيرك ي طالبه فى شي تفضلي اطلعي حتى انتي
    امل وكلها استغراب من نبرة صوت يوسف معاها ،،،، نبيك فى موضوع يوسف
    يوسف ،،، بس انا مانبيش نحكي ي امل
    امل ،،،، لا لازم تسمعني لانه فى موضوع يخصك ولازم تسمعه مني
    يوسف كان خاطره يقعد ويسمع امل بس كبرياء منعه
    و من غير ولا كلمه جي بيطلع و يخلي امل
    بس امل فى اخر لحظه مسكت يوسف من يده وشافتله بعيون كلها براءة وهنا يوسف خلاص حس بضعف قدامها
    امل ،،،،، رجاء خليك شوي اسمع مني وبعدها اطلع
    يوسف ،،،،، باهي ي امل احكي بس بسرعة رجاء
    امل ،،،، ماشي بس خلينا نمشوا للمكتبة احسن
    يوسف ،،،،، ماشي هي

    طلعوا يوسف وامل للمكتبةة
    امل ،،، يوسف بنقلك موضوع ممكن يكون كبير عليك بس لازم تسمعني على اخير
    يوسف بخوف ،،،،، ان شاء الله خير تفضلي
    امل ،،،،، مروة ي يوسف
    يوسف ،،،،،، خيرها ؟؟؟
    امل ،،،، تكدب عليك 💔💔💔
    يوسف ،،،،، شن قصدم انتي
    امل ،،، مروة كدبت عليك هيا واهلها بس على خاطر تتقرب منك ومن فلوسك وعشان يكون ليها اصل فى الورثة
    والله ي يوسف زي ما قتلك مروة ما تحبكش مروة بس طمعانه فيك وفى املاكم وانا قتلك هالكلام بعد تفكير كبير مني 😶
    وهلبااا تفاصيل مش قادرة نحكيها ليك بس والله مروة كذابة
    وانت وراحتك تصدقني او لا
    يوسف ،،،،، ................... يتبع

    إرسال تعليق

    جميع الروايات والقصص المنشورة علي الموقع هي روايات مجانية أخذنا إذن بنشرها من أصحابها إذا وجدت أي رواية لها حقوق ملكية فكرية أو تُريد إزالتها من الموقع اتصل بنا ، ونقوم بحذفها فوراً .