رواية اتعبتني ولكن (امل ويوسف ) الفصل السادس عشر 16 بقلم يوتة
حلقة 16
عند امل
كان الكل قاعد يأكل و الجو حلو و عين الله عليهم
و فجأة طق الباب
طق طق
أم أمل ،، زعما من جاينا فى هالوقت !!
وكيف بتنوض أمال تفتح الباب ناضت أمل قبلها
امل ،، خليك امال توا نفتح أني .
و مشت أمل تفتح فى الباب
طق طق
أمل ،،، هي هي اهو جيت
وتفتح امل الباب و تعيط بأعلي صوتها من الصدمه
امال ،،، يا ساتر خيرها امل
الكل ،، إن شاء الله خير
و ناضوا يجروا الكل
بعد دقائق
امل ،،، وحق الله احلي مفاجأة فى الكون كله
لكن وله زعلانه منك ي عمتي معقولة هكي
خيرك معاش دورتينا بكل ، صراحه عليك حق ، وبعثالي علاش ما تصلتي وقلتي إنك روحتي لليبيا والله ما سمعنا بكل ؟؟؟
عمت أمل ،،،، هههههه قعدة زي ما أنتي وقت تنفعلي معاد حد يقدر عليك ي امولتي الحلوة انتي ، حبيت انديرها مفاجأة ليكم بس وحق الله توحشتكم مووووتوبعثالي ماليش هلبه مروحه امس بس كيف وصلنا وشفنا اهل
علي واليوم قتله نبي حوش خوي واهو جابني و بنبشرك بايته عندكم .
امل ،،، يس يس هذا أحلي خبر
عمة أمل ،،، توحشت كلامك ولهجتك وصوتك وكلك هلبه امولتي
أمل ع طول حضنت عمتها وقالت ،،، واني توحشتك مووووت ي روح قلب اموله انتي .
عمة امل ،، ربي ما يحرمني منك غلاي
قداش محلاوه و متغيرة
أمل ،،، سلمهالي عميمتي يارب
اي حق عمتي ماشاء الله عليهم صغارك يهبلوووا عكس مافى الصور ؟؟
عمت امل ،،، سلمها يارب نشوفها عندك إن شاء الله
امل ،،، بتشوفيها عند أمال قبل ههههه
عمة امل ،،، شن قصدك فى موضوع وأني ماعندي علم شكلة
امل ،،، ههههه فى زواج وانتي الصادقة
عمة امل ،،، تبصري امتي صار ؟؟
أمال ،،، اي ي عمتي كلام امل صح وحتى عرسي بعد شهر إن شاء الله ، وللعلم حتى محمد خطبناله
من فترة قصيرة
عمة أمل ،،، ماشاء الله به به مبروك ي روح عمتكم أنتم
صار حظي نحضر فرحكم بعون الله
أمل ،،، اها عمتي شن قصدك معاش بتولي للندن
عمة امل ،،، لالاه بنرجع بس واخده اجازة لمدة سنه كوني معاش رجعت لليبيا من خمسة سنين
أمل وهي فرحانه ،،،، يس يس هذا احلى خبر
وفات الوقت وقعدوا الكل يهدرز و ينكت وجو حلوو
تعالو نحكيلكم على عمة امل شوي
إسمها مها مواليد 81 خريجة طب بشري
متزوجة وعايشة حاليا فى لندن
طلعت من خمسة سنين تقرأ ، و معاش روحت لليبيا نهائي
خدت جنسية وبدأت تشتغل معاهم
واليوم رجعت لحت تشوف اهلها وناسها وترجع للندن كونها مرتبطة بعقد شغل وهكي ....؛
طبعا مها عندها توم بنات و ولد
فرح ومرح عمرهم 3س و محمد 4 س ♡
طبعا مها هي الام الثانيه ل امل تحبها هلبه هلبات و تحكيلها فى كل كبيره و صغيره في حياتها و متعلقة بيها هلبه
لدرجة يوم سافرت قعدة اسبوع كامل وهيا تبكي من شوقها ليها
عند يوسف
بعد تغدي دخل لداره و قعد هايم و سرحان فى كلام عبدو
يوسف ،،، لهدرجة كنت غبي ، معقولة ما عرفت إنميز بين الكدب والحق
اووووف استغفر الله يارب وخلاص ، عليك دوامه قعدة فيها زعما إنكلم أمل نشوفها علاش دارت هكي
وشن كان تفكيرها وقت قالت هالكلام !!!
يارب الصبر وخلاص مش عارف شن اندير ، احسن شي نرقد توا وبعد تنوض اماني ساهل ، و رقد يوسف وهوا يفكر وباله كله محصور فى امل .
وفات الوقت وجي الليل
يوسف ،،، اه راسي خلاص متكسر ، زعما الساعة كم توا
وقام الهاتف وشاف الساعة حييييي يعليك عمله معقولة الساعة ٧:٠٠ علاش ما حد نوضني فيهم
وناض يوسف وهوا متكسر من النوم دخل للحمام ( اكرمكم الله ) توضه وصله وطلع من داره
وقعد ينادي اماني أماني
أماني كانت قعدة فى الجنان هيا و امها وفجأة سمعت يوسف ينادي ،،،، نعم يوسف تعاله نحنا هنا
يوسف ،،، علاش ما نوضتيني عارفة نومة العشيه ما نحبها
اماني ،،، دخلت بنوضك لقيتك راقد من اعماقك تحشمت انوضك ---
يوسف ،، به حصل خير هي ادخلوا داخل الجو بارد كأنه
اماني ،، اي اهو داخلين ، هي نوضي ماما
و ناضوا دخلوو للحوش
عند امل
بعد ما حكوا وغيروا جوهم نسيبة وعبدو خلاص جي موعد مرواحتهم وصلتهم امل ع فم الباب ورجعت للحوش
وهيا داخله لقت دار باب محمد مفتوحه ف طقت الباب ودخلت
طق طق
محمد ،،، ادخلي امل
امل ،، خيرك مكسد بروحك هنا ، وبعثالي خيره جوك كانه فى شي صاير معاك ولا حاجة ؟؟
محمد ،،، لالاه مافي شي
امل ،،، به ع راحتك قلت نطمن بس هي نستأذنك توا
وكيف بتطلع أمل وقفها محمد
طبغا محمد خطر ع باله أنه أمل ممكن يكون عندها علم بخصوص الموضوع لمزعل أماني
محمد ،،، استني بنسألك أمل
أمل ،،، تفضل
محمد ،،، قتلك تعرفيش اماني خيرها ؟؟
امل ،،، علاش شن فى ، بكري شوفتها امورها كويسه علاش فى حاجة ؟
محمد ،، لا بس حسيتها مش تمام ، بعثالي امتي شوفتيها انتي؟
امل ،،، بكري تلاقينا صدفه فى الملاهي
محمد فى باله غريبه كيف ماشية للملاهي وجوها هكي ،،، يلا ان شاء الله خير به امل تقدري تمشي توا
أمل ،،، به وانتي تشغلش بالك على اماني بعون الله هيا كويسة
محمد ،،، إن شاء الله
طلعت أمل وتصل محمد ب أماني
محمد ،،،،،،
عند أماني
كانت تجهز فى العشاء وفجأة تسمع فى هاتفها يرن
قامت الهاتف لقت المكالمة من محمد ع طول ردت
محمد ،،،،
يتبع .............
