رواية اتعبتني ولكن (امل ويوسف ) الفصل الرابع عشر 14 بقلم يوتة
لحلقةة (14)
""
عند يوسف
بعد ما فات النهار وهوا برا الحوش بس لحت ما يتلاقا مع مروة روح في الليل
وهنا كانت المفاجأة مروة بايته عندهم.
"
"
يوسف كان مروح وجوه جميل بس بمجرد ما دخل للحوش وشاف مروة قعدة عندهم
جوه تلقائيا تعكر وقعد يشوف لأماني بمعني علاش ماقلتي إنه هالبنت قعدة ؟؟
مروة ،، اهلين حبيبي كيف حالك ؟؟ وينك اليوم كله وانا نستنا فيك معقولة هكي تطلع وماتروح لتوا وأنت عارف إني جاية عندكم ؟؟
يوسف ،، هوا الحق يعني لهيت مع صاحبي بوه تعب وهكي ف ما قدرتش إنسيبه بروحه هذا ليش .
مروة ،، امممم به ي روحي حصل خير ، لكن أنا زعلانه منك علاش معاش إدور فيا زي قبل ها قولي ؟؟
وهنا يوسف معاش عرف ما يرد عليها وأماني حست ب هالشئ ف ع طول إدخلت
أماني ،، أي يوسف تعشيت ولا نحطلك ؟؟
يوسف ،، والله ياريت إديري فيا معروف لأني جعان هلبه .
أماني ،، به معناها خلي نمشي نحطلك ونجي .
مروة ،، لحظه أماني خليك أنتي مرتاحة ’ توا نحطله أنا ونجي .
أماني ،، به ع راحتك .
ومشت مروة للمطبخ
يوسف ،، اووووف شكرا لانك أنقذتيني كان هذا راه معاش عرفت مانقول /
أماني ،، ههه حسيت عليك اصلا ’ إلا حق وينك لتوا ومن من اصحابك بوه تعبان ؟؟
يوسف ،، هههه صدقتي انتي قصدك ؟؟
أماني ،،، تبصر قصدك كله ذوة وخلاص ؟؟
يوسف ،، ايووووه بضبط ذوة وخلاص , المهم ما نتقابل معاها
بس ما خطرش علي بالي بتطلع داااهيا هكي وبتبات هنا ؟
أماني ،،، ههههه لا كذا أوفر الصراحة حالتك ماطمنش هاذي خطيبتك ي ولد ؟؟
يوسف ،، بلاش منها كان هكي , اسكتي اسكتي أهي جت //
أماني ،، هههههه امممم به .
مروة ،، شن في ؟؟
أماني ،، لا سلامتك مافي شئ غير يوسف قالي نكتة شوي عجبتني هلبه ،
مروة ،، اها حاااق يوسف ؟
يوسف ،، اهاا أي أي حق
هي هي هاتي خلي ناكل قريب نموت من الجوع.
مروة ،، بعيد السوء عليك روحي هي تفضل .
عند أمل
أمال ،، ماتقوليليش شن هالعبة لتلعبي فيها ي بنت ؟؟
أمال ،، خيرك أنتي شن في ؟؟ مافي شئ لا لعبة لا حاجة ؟؟
أمال ،، اووف منك ي أمل أووف يعني لعند أمته حتقعدي هكي ؟؟
أمل،، امال من لا خير فوتيني هالساعة ما عنديش خلوق نحكي بنقرأ هالرواية وبنرقد .
أمال ،، تي ماشي ي أمل بجوك بس صدقيني أنتي الخاسرة .
وطلعت وخلت أمل في حيرة من أمرها بين قلب يبي وعقل رافض ؟؟
أمل ،، اوووف طارة النية حت من الرواية توا شن بفوت ها لليل هي؟؟
أحسن شئ نفتح فيس بلكي يتغير مزاجي شوي .
عند يوسف
بعد ماتعشه ونظم أمورة كسد جنب أماني ومروة شوي وبعدها ناض لداره
مروة ،، يوسف معقولة أنا هنا وبتدخل ترقد هكي عادي ؟؟
يوسف ،، والله نعسان وتعبان مروة معليشي إنعوضها ليك يوم أخر إن شاء الله
مروة ،، به ي غالي كان هكي معليشي ارقد ورتاح ونتلاقو غدوة إن شاء الله .
يوسف ،، ان شاء الله
أي اموون بالله غدوة نوضيي بكري وراي خدمة .
أماني ،، به حاضر
يوسف ،، هي تصبحو علي خير .
مروة واماني ،، سعيدة
ومشي يوسف لداره وتمدد ع سريره وفتح الفيس وعلي طول جت عينه ع أمل لفاتحة فيس
يوسف في باله زعما إنكلمها ؟؟ ولا لا ؟؟ لكن والله خاطري إنكلمها ونبي نطمن عليها اصلا
أي أي أحسن شئ إنكلمها وبالمرة نطمن عليها , بس بلكي ماردت عليا ؟؟
وبعد تفكير يوسف قرار إنه يكلمها
يوسف ،، ....؟
عند أمل
بينما هي كانت تتصفح علي فيس دخلت ع صفحة يوسف وفي باله الله لو نقدر إنكلمك او حت نسأل عليك.
وهي قعدة ما كملتش كلامها اوصلها مسج من يوسف
يوسف ،، أمل
وهنا أمل فرحت وترددت في الوقت نفسه , بس شوقها ل يوسف ما قدر يمنعها من عدم ردها عليه
وبعد دقائق ردت أمل
أمل ،، نعم يوسف
يوسف بفرح ،، الحمدلله إنك رديتي عليا
كيف حالك أمل طمنيني عليك ؟؟
أمل ،، الحمدلله كويسة .
يوسف ،، الحمدلله به شن صار مشيتي للعيادة درتي تحاليل ؟؟
أمل،، يوسف خيرك أنت علقت ع هالموضوع أنا كويسة مافيا شئ .
يوسف ،، وانا شن نبي أكثر من إنك تكون كويسة بس ي أمل انا حالك مش عاجبني بكل هذا ليش معلق ع هالموضوع
أمل،، إطمن أنا كويسة وتسلم ع سؤالك .
يوسف ،، ولوو ي أمل مش بيينا تسلم والجو هذا .
أمل،، به يوسف توا نستأذن منك
ورجاء ما تخليني نندم إني ما حدفت إضافتك معليشي يوسف معاش تكلمني بالله عليك لأنه مانبي نحطك ولانحط نفسي في موقف مش حلووو .
يوسف ،، به أمل براحتك نوعدك معاش نجي شورك بكل بس بشرط .
أمل،، شن هالشرط ؟؟
يوسف ،، شرطي ليك إنك تعتني بنفسك وتشوفي صحتك وتكوني بخير ع طول .
أمل وهي مبسوطه بكلام وخوف يوسف عليها ,, حاضر بإذن الله وحت أنت نفس الشئ .
يوسف ،، حاضر
تصبحي علي خير .
أمل،، تلاقي الخير سلام
يوسف ،، سلام
وبعد هالمحادثة القصيرة بين يوسف وأمل
سكر يووسف من أمل وهوا فرحان نوعا ما بس عشان تكلم مع أمل ، بينما أمل سكرت وهي زعلانه لأنه مش عارفة لعند وين حتوصل وهي هكي ؟؟
وبعد ها لمحادثة وإختلاف المشاعر بينهم كل واحد فيهم حط رأسه ع المخدة وحاول ينام بس التفكير كان سيد الموقف /
يوسف في باله ,, علاش هكي يصير معاي ؟؟ مش عارف ليش نكون إنسان أخر وقت نحكي مع أمل لهدرجة هي قريبة من قلبي هالبنت ولا شن القصة ؟؟ بجد أنا محتار ومستغرب في أمري ’ وفي نفس الوقت نتمني لو نقدر ندير شئ يخلينا ديما مع بعض هكي , بس شن بندير وليشب ندير هكي , ما البنت ماتبيش تحكي معاي أصلا ؟؟
اووووف ياربي أنا ليش لحت إنفكر فيها أصلاا ؟؟ انا عندي حياتي ومسؤوليتي أي وماننسا إني خاطب زمن المفرزض نهتم بخطيبتي ’ أي أي صح ليا فترة هامل مروة بس ع خاطر أمل وشن النتيجة الأنسة أمل بايعتني من أساسه
أي افضل قرار نطوي صفحة أمل ونخليها ع راحتها ’ أما مروة راح نحاول بكل ما نقدر نسعدها .
وبعد طول هالتقكير والأسئلة والحلول رقد يوسف وكله تعب ,
بينما أمل كانت ما تبعد هلبه ع حالة يوسف وكان في بالها هلبه كلام ,, ياارب ساعدني وأرشدني ع الطريق الصحيح ’يارب انا محتارة وضايعة ومش عارفة هل تصرفت لتصرفته صح ولا غلط ؟؟ يارب أنت ل زرعة كل هالشعور فيا فتكفل بيه يااارب لأني بجد تعبت تعبت هلبه ولكن رغم هالشئ أنا واثقة إنه كل شئ حيكون كويس , أي بإذن الله حتمشي كل الأمور علي خير ، أما توا أفضل شئ نرقد ونخلي كل شئ ع ربي .
"" قداش ما توجع وقت يكون عندك هلبه كلام مدسوس في خاطرك بس للأسف ما عندك من يفهمه أو حتي يسمعه ، وتقعد أنت بدورك تسأل وتجاوب في نفسك عسي ولا عله توصل لحل حتي لو مش نهائي بس علي الأقل يكون مؤقت "
وهكي مر الليل ع الكل شوي تفكير , شوي ألم , شوي خطط وماشية .
وبعد هاليوم المتعب جي يوم جديد ..
أماني ،، يووسف يوسف هي نوض مشي قتلي نوضيني بكري وراي شغل ؟؟
يوسف ،، اممممم خلاص معاش أخطرلي بنكسد معاك ومع مروة اليوم //
أماني وهي مستغربة ،، أنت متأكد ؟؟
يوسف ،، طبعا هي خلي نزيد ساعة أخري نوم ونوضيني باهي ؟؟
أماني ،،، امممم به لتشووفه .
طلعت أماني من يوسف وهي مستغربة ,, يعني أمس هارب من الحوش ع خاطرها واليوم يبي يقعد معاها شن هالجناان ده ؟؟ يلا خلي ينوض ونشوف أخرتها معاه .
عند أمل
أمل ،، صباح الخير ماميتي
سامية ،، صباح الفل عليك خيرك نايضة بكري قعدتي مرتاحة ؟؟
أمل،، لالاه هكي أفضل ليا اصلا شبعت منه النوم , قلت إنوض بكري بلكي نطلعو نغيرو جو.
سامية ،، اها به ع راحتك
إختك ناضت حت هي ولا شن ؟؟
أمل،، لالاه قعدة راقدة .
سامية ،، به نوضي افطري انتي ’ ولا بتستني الباقي ؟؟
أمل،،، امممم به شن رايك انجه الفطور أنا اليوم وانتي إرتاحي اليوم ي غالية ؟؟
سامية ،، اوووه ياريت هوا أنا نقدر نقول لا ؟؟
أمل،، هههه ام بهي لا إرتاحي أنتي ’ وانا خلي نجهز بشوي علي لين ينوضو الكل
سامية ،، به
عند يوسف
مروة ،، خيرة يوسف ما ناض لعند توا ’ مش ع أساس بنوض بكري ؟؟
أماني ،، غير رأيه قال بعد ساعة نوضيني , واهو بنمشي نوضه توا هوا هذاكه فاتت الساعة .
مروة ،، اممم به إمشيي أنتي نوضي وانا نجهزله الفطور .
أماني ،، به
ومشت أماني ل يوسف
أماني ،، يوسف ؟؟؟
يوسف ،، امممم
أماني ،، يوسف هي نوض فاتت الساعة راه ؟؟
يوسف ،، به حاضر
غير جهزيلي الفطور وانا شوي وجاي ؟
أماني ،، امم به
لكن نوض مش ترجع ترقد نهارك بعدين ؟؟
يوسف ،، ههه ام به اهو نضت .
أماني ،، أيوه شطور
ورجعت أماني ل مروة بينما يوسف ناض دخل للحمام | أكرمكم الله | توضه وصله ومشي ل أماني
يوسف ،، صباح الخير
ام يوسف ،، صباح النور عليك وليدي
يوسف ،، كيف حالك االيوم ي غالية .
ام يوسف ،، الحمدلله كويسة
أنت كيف حالك كأنك مش راقد كويس إمبارح ؟؟
يوسف ،، إبتسم ل أمه
وحس بشئ حلوو يعني وكأنه أمه بسؤالها هذا طبطبت عليه وقتله معليشي ي ولدي كله يهون .
أي كويس ي غالية ورقدت كويس امبارح اطمني ي حنينه أنتي
ام يوسف ،، به الحمدلله طمنتني ي غالي وهي توا نوض افطر اوينه أختك وخطيبتك في المطبخ
وبعد الفطور نبيك ترفعني لجارتنا بنهدرز عليها غير أنت عارف رجليا نقدرش نمشي كله هالمسافة ,
يوسف ،، حاضر ي غالية أنتي نرفعك برموشي مش خسارة فيك .
ام يوسف ،، الله يرضي عليك ي يوسف ويحفظك ليا ي غالي
يوسف ،، إن شاء الله ي وردتي انتي
وبعد هالحكي ناض يوسف دخل للمطبخ
عند أمل
أحمد ،، احلي فطور من أحلي اوخيه في الدنيا .
أمل،، صحه صحه عليك اوخي الغالي .
محمد ،، أي والله تسلم الأيادي
أمل،، هههه يسلمو خجلتوني ع فكرة.
محمد ،، إمي هي ما تبي شئ بنطلع .
سامية ،، نبي سلامتك ي غالي
أحمد ،، خودني في طريقك
محمد ،، هي
سامية ،، ربي يحفظكم ويرعاكم
محمد وأحمد ،، ان شاء الله ي غالية
أمل،، أحمد بالله جيبلي معاك كرت ليبيانا
أحمد ،، به إن شاءالله .
وطلعو محمد وأحمد وكسدت أمل مع أمها.
سامية ،، منا نوضي إختك خلي تفطر وبعدها شطبي المطبخ أنا بنمشي لجارتنا شوي ونجي .
أمل ،، به حاضر
سامية ،، اهي ناضت أختك هي نستأذنكم انا
أمال ،، وين بتمشي ي أمي .
سامية,, بنمشي لجارتنا زهرة بنسألها ع بنتها بعيد عنك مريضه مسكينه .
أمل،، حي أي وحدة منهم .
سامية ،، غفران طلع عندها سرطان حشاك .
أمل ،، ي روحي عليها إن ب شفاء عليها يارب .
سامية ،، إن شاء الله
وطلعت سامية بينما أمال جبدت الكرسي وقعمزة تفطر بدون ولا كلمة .
أمل ،، اموولة زعلانه مني ؟؟
أمال،، لا وعلاش أصلا أنا من لحت نزعل منك ؟؟
أمل ،،، حي عليا الحلوو زعلان , وحياتك ي عمري أمبارح كان جوي ملخبط وانتي عارفة مش قصدي ما نحكي معاك أو حت نعلي صوتي عليك , خلاص عاد سامحيني .
أمال ،، .................؟
أمل ،، ع فكرة نحبش نشوفك هكي
كلميني كشخي عليا بس ماتتجاهليني , خلاص عاد اموله قتلك حقك عليا .
أمال،، نسامحك لكن بشرط ؟
أمل،، وانا موافقة من قبل ما تشرطي .
أمال ،، متأكدة ؟؟
أمل ،، طبعا
أمال،، نبيك تعترفي ل يوسف بالحقيقة شن قلتي ؟
أمل ،، بس أمال أنتي فاهمه ليش أنا درت هكي ؟؟
أمال،، فاهمه بس مش حل إنك تكدبي وتظلمي ناس معاك .
أمل ،، صح بس أمال أنا تعبت ونبي نرتاح ومافيش حل غير هكي ؟؟
أمال ،، به براحتك أمل بس أمانه عليك فكري في كلامي .
أمل ،، ححاضر نوعدك نفكر في كلامك وناخده بعين الإعتبار .
أمال |،، ايوه توا أنتي أختي ل نعرفهاا
أمل،، لحظه لحظه نسيبة تتصل ..
أمال ،، به ردي .
أمل،، أي به
نسيبة ،، اهلااااا
أمل ،،.......؟
عند يوسف
يوسف ،،، صباحوو
مروة ،، صباح الورد كيف حالك اليوم ؟؟
يوسف ،، كويس الحمدلله انتي كيف حالك ؟؟
مروة،، وانا بخير , هي تعاله أفطر و أماني أهو تجهز في القهوة .
يوسف ،، أي هي هاتي نفطر وجهزو نفسكم عندنا مشوار .
أماني ،، وين ؟؟
يوسف ،، سبرايز .
مروة ،، غير قول وين بنمشو .
يوسف ،، يلا عاد إمشي جهزي نفسك أنتي وهيا أهو بنكمل إفطوري وبنرفع إمي لجيران ونجي نرفعكم , وتوا تعرفو وين ؟؟
أماني ،، يلا مروة وإحنا شن خاسرين يعني ؟؟
مروة ،، هههه ااي والله هي
ومشو البنات يجهزو في نفسهم بينما يوسف فطر ورفع إمه وين ما تبي .
عند أمل
أمل،، اهلا نسوبتي شن الجو ؟
نسيبة ،، مليح شن جوكم انتم ؟
أمل ،، به الحمدلله
نسيبة ،، اسمعي شن رايك نطلعو اليوم؟
أمل،، وين ؟
نسيبة ،، للمنتزه والملاهي .
أمل،، تبصري ّ!!
نسيبة ،، والله نحكي جد واهو عمر يستنا في موافقتك كان هذا شوي نكونو عندكم ؟
أمل،، اممممم به عادي لكن أمال بتقعد بروحها !
نسيبة ،، علاش وين خالتي ؟
أمل ،، طالعة
نسيبة ،، به تمشي معنا شن المشكلة ؟
أمل،، شن اموله تمشي معنا للملاهي
أمال ،، تبصري انتي اكيد نمشي وليش لا ؟
أمل،، هههه به تم نسيبة نستنو فيكم
نسيبة ،، به حلووو هي سلام توا
أمل ،، سلام
عند يوسف
مروة ،، غير وين رافعنا يوسف تبيش تقول ؟
أماني ،، أي والله حت أنا شوقتني نعرف ؟
يوسف ،،، واااااك عليك حصلة اهو قريب نوصلو وتعرفي أنتي وهيا .
مروة وأماني ،، به هي امتي بنوصلو ؟؟
يوسف ،،، هههههه شن قصتكم أنتم ؟نرجع راه .
مروة وأماني ،، لالاه اهو سكتنا خلاص ..
يوسف ،، ايوه هكي أنتم عيني .
عند أمل
أمل ،،، اووووه جت في وقتها ها الطلعة .
نسيبة ،،، باش تعرفي قداش نفهم .
أمال،، هههه هوا الحق كلنا نبوها هالطلعة .
أمل،، سلم عبدو يااربي .
نسيبة و أمال ،، احم احم نحنو هنا ؟؟
أمل،، ما بسلكم أنتي وهي .
عبدو ،، هي هي اوصلنا هي إنزلي أنتي وهي .
أمل،، يس وأخيرا
نسيبة ،، هههه وحق ربي ل طفلة هالبنت .
أمل ،، إنزلي بلا جو أنتي وهي ع أساس أنتم مش أطفال .
عبدو ،،، هههه تي به هي من أي لعبة تحبو نبدو
أمل،،، اممممم من هاذي.
عبدو ،، متأكدة ؟
أمل ،، يس وبقوة .
نسيبة ،، تم معناها هي .
وبدو البنات يلعبو من لعبة للعبة وصوت الضجك مالي المكان بينما عمر مكتفي بنظر ل أمل وخلاص .
عند يوسف
مروة ،،، هههه تبصر قصدك من جدك جايبنا هنا ؟
أماني ،، ي سلاااااام جت في وقتها هالجية والله لنفش غلي فيهم كلهم .
مروة ،، ههههه تي به هي من وين نبدو
يوسف ،، ع راحتكم من وين ما تحبو أنا حاضر
مروة ،، من هاذي
أماني ،، حي شوفو من هنا ؟؟
يوسف ،، من ؟
أماني ،، امولتي .
يوسف ،، وينها ؟
مروة في بالها شن هالحصلة في كل مكان منتشرة زي الخبزة اليابسة .
أماني ،، شوفها اهي هنا ومعاها عبدو وامال
يوسف شاف بكل لهفة ل أمل وفي باله محلاك وأنتي فرحانة ومبسوطة هكي ماتوقعتش تكون فرحانة ل هدرجة مع عبدو ممكن كان معاها حق وقت قتلي أطلع من حياتي .
اماني ،، نبي نمشيلها
يوسف ،، به براحتك
أماني ،، وحتي أنتم تعالو
مروة ،، قصدي إحنا مش ع أساس بنبدو من هنا ؟
أماني ،، شن فيها غير تعالي نسلمو عليهم ونرجعو شن االمشكلة ؟
يوسف ،، به هي لكن مانبي نعطل راه ..
أماني ،، به
ومشت أماني ومعاها مروة ويوسف
عند أمل
أمل ،،، وحق ربي فرحة من قلبي ب هالطلعة ي خرب بيتك ي عبدو ع هالفكرة .
عبدو ،، ولو قداش عندنا أمل إحنا
نسيبة ،، طبعا وحدة
عبدو ،، هههه وانتي صنعتك تدخلي ع الخط وخلاص وله .
الكل ،، ههههه
أمال ،، حي شوفو من جي
أمل ،، من ؟؟
أمال ،، أماني
أمل ،، بجد وينها ؟؟؟
أمال ،، شوفي وراك
وبمجرد ماتتلفت أمل جت عينها في عين يووسف وفي هالحظه أمل تلخبطت مشاعرها من جهة فرحت ومن جهة انصدمت وإكتفت بالصمت وخلاص لعند ما بدت أماني بالحديث
أماني ،،، ي جمالها من صدفة حلوة اهلا اهلا بالحلوين /
أمال ،، أي والله شوفتي كيف لو امخططينا ما كنا تلاقينا .
أماني ،، أي والله
أمل ،، كيف حالك امونه .
أماني ،، كويسة الحمدلله وانتي أموله
أمل ،، كويسة ي قلبي
نسيبة ،، كيف حالك امونة ومروة
مروة واماني ،، الحمدلله بخير
أمل ،،أي عبدو هذا يوسف اخ أماني نعرفش لو كنت شوفته ف البيان أو لا .
عبدو ،، أي نعرفه كيف لا أاهلا يوسف كيف حالك
يوسف ،، كويس الحمد لله
أمل ،، أي هي تعالو نكملو لعب أو نشربو شئ ..
الكل ،، أي هي
أمل ،، أي عبدو نبي غزل البنات قبلها .
عبدو ،، من عيوني .
وهنا يوسف خلاص معاش شاف شئ قدامه من الغيرة وكان ماسك نفسه بسيف .
عبدو ،، به من عيوني
لكن امشو أنتم ألعبو وأنا و يوسف حلي نكسدو هنا .
الكل ،، به
ومشو البنات يلعبو بينما عبدو ويوسف جو في تركينه وبدو يحكو .
يوسف ... شكلك تحبها هلبه ؟؟
عبدو ،،نكذب عليك لو نقلك لا .
يوسف،، وحتي هي الباين إنها تحبك هلبه ؟
عبدو ،، شن قصتك يوسف شادها أسئلة ؟
يوسف ،، لا شئ غير هكي مجرد سؤال ؟
عبدو ،، به نقلك شئ ؟
يوسف ،، شن ؟؟
عبدو ،،، من لا خير..............................؟
يوسف ،، متأكد من كلامك هذا ؟
عبدو ،، متأكد ي يوسف .
يوسف ،، به ليش تصرفت هكي معاي وأنت مش راغب هالشئ ؟
عبدو ،،، مش ع خاطرك درت هكي ع خاطري .
يوسف ،، مش عارف شن بنقلك ي عبدو قصدي أنت حطيتني في حيرة من أمري .
عبدو ،، أنا جبتها ليك من لاخير وتوا دورك أنت تكمل المشوار .
يوسف ،، معاك حق شكرا ليك
عبدو ،، الشكر مش بينا ي يوسف لانه غرضنا واحد .
يوسف ،، معاك حق
عبدو ،، به هي توا نستأذنك خلي نرفع ل أمل الغزل البنات عطلت عليها .
يوسف ،، به
عند البنات
كان الكل يلعب ومبسوط بستثناء أمل كان بالها كله عند يوسف وعبدو والاسئلة تمشي وتجي في بالها
وما رتاحت لين جي عبدو ومشتله تجري
أمل ،، أنت كويس؟؟
عبدو ،، أي كويس
أمل ،، به خيرك طولت مع يوسف شن كنتو تحكو ؟
عبدو ،، ولا شئ هدرزة عامه
أمل ،، متأكد
عبدو ،، أي
أمل ،، به هي نروحو
عبدو ،، ع راحتك تبي نروحو نروحو .
أمل ،، أي هي اصلا حاسة بنفسي دخت شوي
عبدو ،، سلامتك امولتي به هي كلمي البنات وانا في سيارة نستنا .
ومشي عبدو ل يوسف بينما أمل كلمت البنات وسلمت ع أمل ومشت ل سيارة
عند يوسف
كان مقعمز ويشوف ل أمل وعبدو وعيونه شرارة وكان يفكر ومحتار هلبه في كلام عبدو
وقاطع تفكيرة صوت عبدو
عبدو ،، يوسف بالله خلي لكلام بينا
يوسف ،، تم كون مطمن
عبدو ،، ماشي هي سلام
يوسف ،، سلام
وبعد هالحكي روحت أمل بينما يوسف حت هوا روح وفي عقلة مية سؤال وجواب ؟
عند يوسف
أماني ،، اوه واخيرا اوصلنا الحق تعبت هلبه اليوم
مروة ،، حت انا زيك تعرفي أفضل شئ إنكلم إمي تبعثلي خوي بنروح
أماني ،، خيرك مزال بكري كملي هاليوم عندنا
مروة ،، لالاه هوا هذاكه
أماني ،، به براحتك
ومشت مروة دخلت ل دار وكلمت امها بينما أماني جي في بالها تتصل ب محمد ف تفكرت إنه الهاتف قعد عند مروة ف مشت لحت تأخدة منها .
عند أمل
بمجرد ما وصلت للحوش حست بروحها مش كويسة ودايخة هلبه
نسيبة ،، خيرك أموشة حسك مش ع بعضك
أمل،، لالاه غير تعبانه شوي بس
نسيبة ،،نجيبلك دواء ولا نقول ل عبدو يرفعك للعيادة .
أمل،، لالاه توا شوي ثانية ونبدأ كويسة
نسيبة ،، به ع راحتك
خلي نوض نشوف أمال شن إدير أنا
أمل ،، به
اسمعي نسيبة عبدو قاعد ولا طلع
نسيبة ،، لالاه طلع قال عنده مشوار مهم علاش تبيه
أمل ،، لالاه نسأل بس
ومشت نسيبة ل أمال بينما أمل ع طول حطت راسها ع مخدة وراحت في سابع نومه
عند أماني
بمجرد ما وصلت قدام الباب وجت بتفتح تنصدم بيلي تسمع فيه
مروة ،، ............................؟؟
....................................يتبع
