رواية اتعبتني ولكن (امل ويوسف ) الفصل الخامس عشر 15 بقلم يوتة
بمجرد ما وصلت قدام الباب وكيف بتفتح تنصدم بيلي تسمع فيه
مروة ،، شن بنحكيلك لنحكيلك ي ماما والله كل شئ ماشي تمام ويوسف وكل عيلته تحت السيطرة , بجد فرحانه هلبه
ع خاطر يوسف رجع يتعامل معاي كويس وحتي تعرفي شن صار اليوم!!
طلعني انا وأماني للملاهي وغيرنا جو هلبه وطول الوقت و هوا يشوفلي ويبتسم .
إم مروة ،، ماهو قتلك أنا من الأول أنتي غير أسمعي كلامي وشوفي كيف حياتك وحياتنا كيف راح تتغير .
مروة ،، اي والله ي ماما أنا صح كنت رافضه الموضوع كله بس كونه يوسف إرجعلي أنا مستعده ندير أي شئ ع خاطره حتي لو كان هالشئ راح يزعجه ويضره .
و في الوقت لكانت مروة وإمها يحكو فيه كانت أماني تسمع في حديثهم ومش مصدقه ابدا الكلام لقعدة تسمعه فيه
وهنا أماني خلاص حست وكأنه في حد سكب عليها ميه مصقعه , لاعاد عرفت تصدق ولا تكذب الكلام يلي تسمع فيه ومن كثر ما هيا خايفة ومش مصدقة حطة يدها ع قلبها وقربة أذنها ع الباب , ع أمل تسمع شئ يكذب أذانها ويطمن قلبها بس للأسف كل مالها تسمع في كلمة أحرف من ل قبلها .
أم مروة ،، به توا شن نفهم راح تكملي في هالعبه ولا قعدة مصره إنك بتحكي ل يوسف .
مروة ،، لالاه أنا هكي مرتاحة وراح نكمل في الخطة ومش راح نحكي شئ وراح ندير كل جهدي لحت يوسف يكون ليا .
أم مروة ،،، اي وما تنسي ورثته حتي هيا تكون ليك ولينا .
مروة ،، طبعا الورثه وكل شئ يخصه حيكون من ضمن خصوصياتي .
أم مروة ،، ي سلام ي سلام هاذي بنيتي الفالحه .
مروة ،، منا شن نعجبك ي إمي
لكن المهم عندي يوسف أنا يكون ليا وبسسس .
أم مروة ،، أنت غير خليك ماشية بكلامي واكيد يوسف لغيرك مش حيكون .
مروة ،، حاضر ي ماما
أم مروة ،، به شن توا ؟؟ حتي اليوم بتباتي ولا بتروحي ؟؟
مروة ،، لالاه بنروح حاسة نفسي قلقت هنا .
أم مروة ،، أنا نقول كان تقعد حتي هاليوم خير لكن علي راحتك.
مروة ،، لالاه نبي نروح نبيش إنحساسه إني ميته فيه, وبعثالي وراهم كلية هما شن بنقعد بروحي
أم مروة ،، اي حق معناها خلاص توا نبعثلك بوك .
مروة ،،، به تمام
أم مروة ،، لكن قوليلي شن الشئ لخلاك تغيري رأيك وما تحكي ل يوسف الموضوع ؟
مروة بكذب ،، كل القصة فكرت في كلامكم واقتنعت بيه هذا ليش ماا حكيت ل يوسف
وبصراحة خفت بعد يعرف الحقيقة يكرهني لذلك خليني هكي أفضل ..
ام مروة ،، متأكدة إنه مافي سبب غيرة ؟؟
مروة ،، ااااااااااكيد
هوا صح مروة خافت إنها تخسر يوسف نهائي وقت تحكيله بس السبب الحقيقي ل منعاها من الحكي هوا إحساسها بأنه في شئ مشترك بين يوسف وأمل .
أم مروة ،، به تمام هي نتلاقو
مروة ،، سلام
بمجرد ما سكرت مروة من إمها ع طول بدأت تجهز في نفسها بينما أماني خشت في عالم ثاني قعدة واقفة ومصدومه لاهي عارفة تدخل ولا ترجع تحكي ولا تسكت تبكي ولا تضحك بالمختصر جمدت في مكانها ومعاد عرفت كيف تتصرف .
وفي الوقت نفسه كان يوسف كيف داخل للحوش وشاف أماني واقفة ع باب من غير ولا سبب ف إستغرب وقعد ينادي عليها بس أماني لاحياة لمن تنادي وهنا يوسف زاد إستغرب أكثر ومشي ل أماني
يوسف وهوا ماسك يدها ،، هيييي أماني وين سارحة ليا ساعة نادي فيك .
أماني بمجرد ما مسك يوسف يدها إنخلعت وقعدة تشوفله وخلاص
يوسف ،، بسم الله خيرك أنتي شن في ؟؟
أماني في بالها شن مافي ي خوي شن مافي ي روحي أنت ؟؟
ربي يصبرك ع مجاك ي وخي كيف بنقلك لصار كيف بنحيلك بس وبعدها إستجمعت كل قوتها وقالت ،، لالاه قعده هنا غير سرحت شوي .
يوسف ،،، ههه اصلا واضح من خلعتك كان نعرف لعند وين وصلتي بس مع غمزة .
أماني ،، هههه خزو يا بارد .
طبعا مروة سمعت صوت دوشة طلعت
مروة ،، اووو أمونه ويوسف هنا خيركم ما دخلتو علاش واقفين .
أماني وكلها حقد عليها ،، قلت أكيد تحكي مع إمها ليش لحت نزعج فيها يعني مع نظرة كره .
مروة قلبها وقف للحظه وجها بدي مايتفسر ،، اها قصدك أنتم من بكري هنا ؟
يوسف ،، وخيرك نخلعت ميرو ؟؟
أماني ،، شكلها داسه علينا شئ ي يوسف شوفت وله هههه
مروة خشت في بعضها وطلعت ومعاش فهمت شئ ،، لالاه شن بندس مثلا غير قلت غريبه كيف ما سمعتكم لو أنتم من بكري هنا؟؟
أماني ،، إطمني كيف جينا ي حنه . .
مروة وبراحة،، حاق به كويس .
يوسف ،، صوت سيارة خلي نطلع نشوف من .
مروة،، مافيش داعي تطلع يوسف هذا بابا .
يوسف ،، قصدك بتروحي توا ..
مروة ،، اي علاش ؟؟
يوسف ،، لا شئ غير توقعتك تروحي في الليل .
مروة ،، ماهو ضروري إنروح باش تستاحشني .
يوسف ،، به براحتك حبيبه .
مروة ،، هوا هذا لكن يوسف قبلها بالله عليك معاش تتجاهل اتصالاتي ودورني مره مره مش أنا حبيبتك وهكي ؟
يوسف وهوا متحشم لأنه أماني كانت بجنبهم ،، إن شاء الله بعون الله .
مروة ،، هي مع سلامة أمونتي وسلميلي ع عمتي وقت تروح وإن شاء نتلاقو ع خير .
أماني في خاطرها إن شاء الله روحه بلا رجعة و ابتسمت وقالت ,, سلامتك حبيبتي خودي راحتك وسلمي ع مامتك هلبه .
مروة ،، يوصل حبيبتي هي مع السلامة
وبمجرد ما طلعت مروة
أماني ومن غير وعي منها ،، درب يسد ما يرد إن شاء الله .
يوسف ،، بسم الله خيرك ؟؟
أماني ،، ما خيرنيش .
يوسف ،، بلا جو خيرك علاش تصرفتي هكي أكيد في سبب ، مستحيل تقولي هالكلام من دون سبب .
أماني ،، مافي شئ يوسف خيرك اووف لازم ادقق يعني ؟؟
يوسف ،، به ي أماني حاليا راح نخليك ع راحتك بس بعدها راح تحكيلي شن داسة عليا ااهو قتلك .
أماني ،، إن شاء الله
وكيف بتدخل أماني لدار
يوسف ،،، أماني ستني نبيك في موضوع
عند أمل
كانت راقدة ومش حاسة ب ولا حاجة بينما أمال و نسيبة كانوا في المطبخ و يجهزوا في الغداء
أمال ،، تعرفي ي نسيبة ؟
نسيبة ،، نعم
أمال ،، أمل حاسة وضعها مش تمام , نحسها تغيرت بكل , حتي صحتها كل يوم أسوء من االيوم ل قبله
والمشكلة مش هنا بس ؟؟ المشكلة الأكبر مش راضية تقتنع بأنه صحته مهمة وإنه لازم تهتم بنفسها .
نسيبة،، تعرفي حتي أنا حاسة بنفس إحساسك
مش عارفة؟؟ حاسة بتغر ملحوظ ف أمل , وحتي حكيت ل عبدو قلت بلكي أنا نتخايل وولا حاجة
طلع حتي هوا حاس بوضع أمل هذا ليش قرر إنه نطلعو اليوم صراحتا معاش فهمت شئ أنا ؟؟
وحتي وقت نجي نسألها خيرك وشن تحسي ؟؟ تقول ما فيا شئ واموري تمام نسكت أنا بعدها نقول ليش نشغل فيها ..
أمال ،،، اوووف منها وخلاص وحق ربي بتجنني معاها , علي قد ما درت فيها تمشي دير كشف وتحاليل لحت نطمن بس وهي شئ ماتبي تسمع الكلام , لكن تعرفي وله ؟؟ بنزيد نكلمها في الموضع يعني إنه تمشي دير تحاليل وهكي
ولو ما اقتنعت بكلامي , راح نحكي ل بابا وهوا يتصرف معاها , لانه مش حل الصراحة نشوفها هكي ونقعد ساكتا !!
نسيبة ،، اي أفضل شئ وربي يستر ان شاء الله , بعون الله حيكون كل شئ تمام .
أمال ،، يارب وانا شن نبي أكثر هكي .
نسيبه ،، إن شاء الله , وتوا خلي نمشي نشوفها بلكي ناضت ونرجعلك .
أمال ،، به تمام نستناا فيك .
عند يووسف
أماني ،، نعم يوسف شن في ؟
يوسف ،، عندك علم ب أمل ولا لا ؟؟
أماني ،، شن قصدك ؟
يووسف ،، قصدي ............................؟
وفجأة يطق الباب
أماني ،، غير استنا نشوف من وبعدها نحكو /
ومشت أماني فتحت الباب
أماني ،، امي جيتي من جابك ؟؟
أم يوسف ،، جيت مع علي ولد جارتنا عفاف وهوا طالع قتله حطني .
أماني ،،أها به مليح بكل كيف حالها عمتي عفاف ؟؟
أم يوسف ،، كويسة تسأل عليك وع قرايتك .
أماني ،، سلمها يارب .
يوسف ،، جيتي ي غالية
أم يوسف ،، اي جيت لقيت علي طالع جيت معاه قلت علاش نتعب فيك معاي , والحق توقعتكم قعدينا البرا قلت خلي نروح .
يوسف ،، تعبك راحة ي غالية أنا الحق توقعتك بطولي في الهدرزة كان هذا روحت بيك من وقت جبت البنات لكن حصل خير .
أم يوسف ،، سلم وليدي الغالي يارب ,
لكن امته روحتو ؟؟و وين مروة مش باينه ؟؟
أماني وهي مش عجبها الحديث ع مروة ،، روحت ملا فكه .
ام يوسف ،، بسم الله خيرك أماني شن في ؟ علاش تدوي هكي ع خطيبة خوك وبنت عمك قبل كل شئ ؟
أماني ،، عادي ي امي بجو بس ما تحطي في بالك .
ام يوسف ،، متأكدة ي أماني ؟؟ ماهو أنا نعرفه الجو هذا احكي شن في صار شئ بينك وبين مروة ولا شن ؟؟
أمااني ،،،.............................. ولا أي رد .......
ام يوسف ،، احكي نسأل فيك ماتبيش تحكي ماهو ؟؟ شن في ي يوسف إحكي أنت ؟؟
يوسف ،،، والله علمي علمك ي أمي حتي أنا مش فاهم شئ من دوتها, وقدامي ما صار شئ يذل إنهم متخاصمين
او حاجة !!
أماني وع لحظة ضعف جت بتحكي كل شئ بس بعدها فكرة بعقلها وسكتت وتصرفت مع الموضوع ببصارة
أماني ،،، هههه خيركم أنتم صدقتو قصدكم والله إلا جو بس لا أكثر ولا أقل كل القصة نعساااانه و وراي قراية لو مروة هنا كننت راح نلها معاها وننسي اشيائي , لذلك ماتحطو في بالكم راه ما في شي
ام يوسف ،، به كان غير هكي معليشي , وفي جديد ي أماني هاذي حتكون مرة خوك عيب هالكلام بالبصارة ولاجد ي بنيتي .
أماني ،، حاضر.
يوسف ومش مطمئن لكلام أماني ،، ما دوري شئ ي أمي بعون الله مافي شئ ي غالية .
أم يوسف ،، إن شاء الله ي وليدي وانا شن نببي أكثر من هكي ؟؟ غير السلام بينهم .
يوسف،، به أنا جعان ي غالية ما تبيش إديري ل ولدك حاجة يا كلها ولا شن ؟؟
أم يوسف ،، حيي شن ي أماني ما درتي شئ لخوك يا عطك السلامه وخلاص ي بنيتي .
أماني ،، تي كيف روحنا ي أمي بعدها هوا ما قال نبي نأكل أصلا
يوسف ،، أصلا نبيه منك ي أمي الغداء أماني تعرفش أطيب ههههه
أماني ،،، شن شن نعرفش نطيب صار باهي ي يوسف به , كان مزال درتلك حاجة ؟؟
أم يوسف ،،،، هههه لا عاد مش هكي ي يوسف أهو بنمشي نحط الغداء وانت خليك هنا مش تطلع باهي .
يوسف ،،، بعون الله ي غالية .
ومشت ام يوسف للمطبخ وع طول طاحت أماني في يوسف
أماني ،،، صار ما نعرفش انطيب أها به به يوسف توا مزال أذوق مني حاجة .
يوسف ،، تي غير لا مش هكي يدعوة إنبصر أنا راه
أولا فعلا جاي في خاطري طبخ امي وثانيا نبي نحكي معاك بخصوص أمل ..
عند أمل
نسيبة ،، أمول حبيبتي هي نوضي عاد سادك نوم ؟؟
أمل ،،، اممممممم هي الساعة كم توا ؟
نسيبة ،، س 2
أمل ،، حي قصدك رقدت هلبه أنا ؟؟ والله ما حسيت ع روحي تعرفي .
نسيبة،، نوم العوافي ي قلبي , حصل خير وهي توا نوضي صلي وتعالي نتغدو جميع .
أمل ،، به حاضر
نسيبة ،، اي هي مش ترجعي ترقدي عاد أهو نستنا فيك , تلاقيني في المطبخ مع أمال .
أمل ،، به إن شاء الله
وكيف بتطلع نسيبة
أمل ،، اسمعي نسيبة عبدو معاش رجع هنا ؟
نسيبة ،، لالاه معاش رجع , أهو بنكلمه توا نقوله يجي يتغذا /
أمل ،، لالاه إمشي أنتي توا نكلمه أنا
نسيبة ،، به تمام
مشت نسيبة للمطبخ بينما أمل خدت الهاتف واتصلت ب عبدو
عند نسيبة
وهي داخله للمطبخ تخبط في أحمد
نسيبة ،، أيييييييييييييييييي يدي وين عيونك أنت ؟؟
أحمد ،، أنا وين عيوني ولا أنتي أبصر وين كنت لاهيا ؟؟
نسيبة ،، وااااي منك أنت محلا الحوش من غيرك ’ غير شن جيبك توا بس إستنيت روحت وبعدها جيت ؟؟
أحمد ،، بالله شن هذا ما ناقص والله ههههه عليك حالة .
نسيبة ،،، مزعج زيك ماريت الصراحة ..
أحمد ،، تلميذك طبعا .
أمال ،،، هههههه عمركم ما راح تكبرو ولا راح تتغيرو أنتم ولا شن ؟
نسيبة وأحمد ،،، هو/ي لبدي/ت الأول
أمال ،،، هههه وحق الله الصغار خير منكم , أمتي بتعقلو مش عارفة ؟؟
نسيبة ،، أاااح يدي قريب نكسرت في جرت خوك .
أحمد ،،، أحسن
أمال ،،، ههههه وبعدين عاد
نسيبة ،، خلاص أهو سكتت أنا
أمال ،، به وانت أحمد نادي ع امي وبابا وأنا ونسيبة خلي نجهز السفرة .
أحمد ،، به
عند أمل
أمل ،، الووو عبدو أنـت وين ؟؟
عبدو ،، أهو قريب نوصل حو شكم , خير إن شاء الله في حاجة ؟؟
أمل ،، لالاه خير إن شاء الله , غير بنقلك راهو الغذاء جاهز .
عبدو ،، تمام وأهو أنا قريب نوصل للحوش دقائق بس .
أمل ،،، به نستنا فيك , سلام
عبدو ،، سلام
سكرت أمل من يوسف وناضت ع حالها
عند يوسف
أماني ،، خير إن شاء الله خيرها أمل
يوسف ،، أمل ....
أماني ،، لحظة يوسف محمد يتصل نشوفه وبعدها نكملو الموضوع .
يوسف ،،، اوووف به إمشي هي .
مشت أماني لدارها بينما يوسف قعمز وحط يده ع رأسه وهوا حاس بنفسه مش تمام بكل , وحيران هلبه
ومش عارف كيف راح يتصرف
وموضوع أمل زاد شتت أفكاره بزيادة ’ والأسئلة تمشي وتجي في باله ومش عارف كيف يجاوب عليها أو حتي
يقنع نفسه بشي مؤقت يخلي يغلي ها لتفكير شوي من رأسه .
عند أماني
محمد ،، هلا أمونتي تي كيف حالك ؟؟
أماني بمجرد ماسمعت صوت محمد انهارت بالبكاء
محمد ،، بسم الله خيرك أماني شن في ؟؟ احكيلي علاش تبكي ؟؟ من مزعلك ؟؟
أماني ،، ولا رد تبكي وخلاص
محمد بخوف ،، بالله عليك أماني احكي شن في راه قلبي خلاص بيوقف تي شن في ؟؟
أماني ،، تعرف ي محمد وحق الله في ناس ما تستاهل أصلا يكونوا من البشر , معقولة هكي لهدرجة توصل بيهم خلاص الفلوس وسخ الدنيا عموا عيونهم لدرجة معاش يخلوهم يعرفوا الصح من الغلط ؟؟
^ ورجعت تبكي بكل مافيها من وجع ^
( ما حرها كمية الوجع والخيانة ل تجيك من أقرب الناس ليك , والأحر منها وقت تكون أنت بس لعندك علم
يعني من جهة واجعك الموضوع ومن جهة ثانية خايف من يلي جاي ، خايف من كل ردة فعل حتكون خايف من كل ضعف حيصير بالمختصر عارف إنك ح تخسر هلبه قدام ها لوجع )
هذا بضبط كان إحساس أماني , خوف ع وجع ع خيانة ع إحساس ما ليشي راحة نهائي
لو حكت راح تخسر هلبه ولو سكتت راح يقتلها الوجع .
بالفعل كان صراع لا يحسد عليه !!!
محمد ،، شن في أماني احكيلي وبطلي بكاء خلاص , والله مانقدر نشوفك وأنت هكي
أماني ،، مش قادرة ي محمد والله هالوضع أكبر مني .
محمد ،، به احكيلي بلكي نقدر نساعدك ؟؟
أماني ،، مش قادرة نحكي ي محمد معليشي حبيبي والله الحمل ل عليا مش هين بكل تحملني هالفترة وانا وعد راح نحكيلك كل شئ بس لحت نحس بنفسي جاهزة .
محمد ،، بالرغم إني مش مطمن ومش متقبل فكرة إنك ماتبي تحكي لكن حاضر أنا معاك وحتي بدون مانعرف شن فيك راح نهون عليك حبيبتي ومش حنخليك بروحك ابدا
أماني ،، ربي يخليك ليا ي حمودة عارفة والله إنك ولد أصل ومافي منك
محمد ،، خليهالي ياربي
خلاص حبيبتي أنتي توا ارتاحي ومعاش تفكري في شئ وتأكدي إنه ربي معاك وأنا معاك وبعون الله كل شئ حيكون تمام
باهي حبيبتي.
أماني ،، حاضر ي غالي
ربي ما يغيبك عليا محمد
محمد ،، ياااارب\
أماني ،، به توا انا تعبانه ونبي نرقد أول مانوض نكلم حبيبي
محمد ،، بعون الله ونوم العوافي حبيبتي ورد بالك من نفسك ومعاش تفكري وحياتك كله ح يهون وح تمشي وح تنحل وح يصير كل الخير بعون الله
أماني ،، ياااارب
نحبك ي أحلي واحد في العالم هذا كله
محمد ،، نموووت فيك ي قلبي انتي
أماني ،،، به هي مع السلامة توا
محمد ،، مع السلامة
سكر محمد من أماني بينما أماني حطت رأسه ع الوسادة وهي نوعا ما مرتاحة بعد ما كلمت محمد
وحاولت ما تفكر وسكرت عيونها وغمت نفسها ورقدت .
عند أمل
بعد ما صلت نزلت للبنات
نسيبة ،، واااك منه أحمد ابدا مش راح يتغير من طول عمره داير رأسه من رأسي تقولي جايه ع رأسه مش هكي
أمال ،، هههههه ي حرام ع أساس أنتي مسكينة يعني هههه
نسيبة ،، ههه خزووو والله هوا ينرفز فيا كان هذا أنتي تعرفيني نحبش المشاكل بكل
ع جيت أمل ولقطت كلامهم
أمل ،،، أنا لنعرفك ههههه حشاها الباهيا
أمال ،،، ههههه مش هكي ي أمولة
أمل ،، والله مانحكيلك
نسيبة ،، ي باسلة أنتي وهي ع أساس أحمد ملاك ي عني
ع جيت أحمد
أحمد ،، شن شن كأني سمعت أسمي
نسيبة ،، اها لا سلامتك قلت أحمد ولد خالتي سامية مافيش زيه بكل .
أحمد ،،، صدقتك
نسيبة ،، والله نحكي جد مش حاق ي بنات هذا لصار
أمل وامال ،،، هههههه فزعين الصراحة انتم
أمال ،، هي هي قدامي خلي نكلوا لانه العصر قريب يشيع واحنا قعدين ما تغدينا .
أمل ،، اي والله هي
عند يوسف
ام يوسف ،، هي تعاله سلم ولدي ونادي إختك خلي نكلوا
يوسف ،، حاضر
ومشي يوسف ل أماني طق الباب بس مافي ولا رد قتح الباب قرب منها لقاها راقده طلع وسكر الباب
يوسف ،، أماني راقدة ي امي تعالي نكلوا انا وانتي
ام يوسف ،، حاق غريبة بس يلا توا وقت تنوض تأكل
عند أمل
كان الكل قاعد يأكل والجو حلو وعين الله عليهم وفجأة
,,,,,,,,,,,,,,,,,,,,,,,,,,,,,,,,,,,,,,,,,,,يتبع
نصيحة :
عمرك ما تخلي شي يكسرك ورد بالك تضعف قدام أي ظرف كان كبير صغير مش مهم حجمه
الأهم خليك ع مبدأ واحد بس
"" إنه المر ح يحلو , والحزن ح يمر ،، والهم ح يزول ،، والكسر ح يتعوض ""
وقتها بس حتكون قوي بذاتك , ومهما كان ظرفك ح تكون قده .
،
،
،
