-->

رواية اتعبتني ولكن (امل ويوسف ) الفصل الثالث عشر 13 بقلم يوتة

رواية اتعبتني ولكن (امل ويوسف ) الفصل الثالث عشر 13 بقلم يوتة

    رواية اتعبتني ولكن (امل ويوسف ) الفصل الثالث عشر 13 بقلم يوتة

    حلقةة (13)

    "
    "
    يوسف ،، شن تقولي انتي صدقيني مش حنسيبك انتي بس ردي عليا وخلينا نرجعو زي قبل ودوم صداقتنا .
    امل ،، صعب ي يوسف صعب //
    يوسف ،،، ليش ؟
    امل ،، لأني......!!
    يوسف ،، لأنك شن ي أمل احكي خيرك إسكتي ؟؟
    أمل وبعد صمت ،، لأني انخطبت ي يوسف//
    يوسف بمجرد ما سمع هالكلمة ع طول سيب يد امل وقعد يشوفلها بصدمة وخلاص .
    وبعد دقيقة من الصمت والنظرات المتبادلة بينهم
    يوسف ،، شن تقولي انتي ي امل اكيد تبصري صح ؟؟
    أمل ،، لا ي يوسف انا فعلا انخطبت ل عبدو ولد خالتي //
    يوسف وهوا حاس بشئ مش طبيعي ،، تي كيف صارهكي ؟؟ وامته صار هالشئ ؟؟ وكيف انا ما عندي علم بهذا كله
    معقولة مكانتي عندك رخصت لهدرجة لحت ما يكون عندي علم ب هالموضوع , ي سبحان من غير الاحوال بعد ما كنت قريب ونعلم بكل شئ صرت غريب ومعالم بشئ //
    امل ،، ما عندك علم لانه هالموضوع صار امس بس وقاعد كلام وخلاص مزال ع الحاجات الثانيه ,
    وتوا ي يوسف بما انك عندك علم بكل شئ رجاء من اليوم انت في طريق وانا في طريق , ويكون افضل لو خليت حدود علاقتنا استاذ وطالبته فقط لا غير .
    يوسف ،، تي ليش بس ي امل ليش هذا كله بس ع خاطر شن .
    امل ،، رجاء يا يوسف الكلام تم بينا وخليني نمشي توا افضل ليا وليك لانه كثرة الكلام مش راح تجيب نتيجة ولا راح تخلي رأي يتغير من ناحيتك .
    يوسف ،، تعرفي شن انتي اصدمتيني ي امل يعني معقولة صداقتنا والايام الحلوة لكانت بينا كلها خلتيها ع جنب او الاصح انستيها بس ع خاطر عبدو , ليش من يكون ها لعبدو لحت يكسر كل شئ حلو كان بينا /
    أمل ،، يكون خطيبي يا يوسف تعرف شن يعني هالشئ ؟؟
    يعني الإخلاص والصدق في العلاقة هوا الأساس , وتوا اسمع بالله عليك لا عاد تتصل بيا ولا حت تحاول تكلمني لانه مانبي تصير مشاكل لا بيني ووبين عبدو ولا بينك وبين مروة ع خاطر شئ كان وفات .
    يوسف ،، فات عندك ي امل بس نوعدك مش راح يفوت عندي /
    امل ،، يا يوسف خلاص بالله عليك ماتكونش عنيد وحاول تقنع نفسك بيلي صار لانه هاذي سنة الحياة الله غالب
    مش كل شئ نبو نقدرو نملكو ؛
    ف خليني نمشي لانه الكلام مش راح يغير شئ بينا بلعكس راح يزيد المشاكل وخلاص ,
    وتأكد يوسف إني نتمنالك كل الخير وربي يعطيك ع قد نيتك ونتمني تسامحني بس هاذي الدنيا .

    "لكل منا ظروف تجرأنا ع العبث في قلوبنا دون أي رحمة منا "

    ومشت امل ودمعتها في عينها بينما يوسف بعد كلام امل اسكت وتعصب في الوقت نفسه .

    عند امل
    وهي راجعه من يوسف لصالة تتلاقا مع امال لكانت واقفة في الممر وسمعت كل الحديث لصار بين امل ويوسف :
    أمل ،، بسم الله خلعتيني ووقفتي قلبي خيرك انتي علاش واقفة هنا .
    امال ،، مبروووووك ؟؟
    امل ،، ع شن ؟؟
    امال،، ع شن صار ؟؟
    امل ع طول تنهدت وقامت راسها فوق ،، سمعتي الكلام لصار بينا يعني ؟
    امال ،، اي سمعت وياريتني ما سمعت ولاحت شوفت هالدموع والضعف لمسيطر عليك
    معقولة ي امل اخرتها تقولي هكي وعلاش ؟؟ بس ع خاطر تتجاهلي نفسك وكل شئ يخصك , اصدمتيني بصراحة !!
    توقعتكش تكوني ضعيفه لهدرجة //
    أمل ،، بالله ي امال شن لكان طالع بيدي وما درته ترا قوليلي؟؟ افهميني امال بالله عليك / /
    امال ،، اوف اوف منك ي امل ديما هكي انتي امته بتتغير مش عارفة ؟؟
    امل ،، تمشي الامور ي روحي ولا يهمك .

    شن صار ؟؟ وكيف صار ؟؟ وليش صار ؟؟ راح تعرفو كل شئ تدرجيا ؛

    امال ،، ان شاء الله تمشي ع خير بس.
    امل ،، بإذن الله
    وهي خلينا نشوفو الحلوين توا .
    امال ،، ربي يصبرني عليك وخلاص شن بنقول غير هكي ؟؟
    هي امشي قداامي //
    أمل ،، هههه ويصبرني ع روحي ي وخيتي هي .

    وفجأة
    أمال ،، لحظه أمل كأنه أنفك ينزف ؟؟
    أمل ع طول حطت يدها ع أنفها ولقت فعلا انفها دم ولأنه أمل إدوخ من الدم هوووووووووووووب تجي طايحه؛
    أمال ،، بسم الله أمل خيرك وتحاول تنوض فيها بس بلا جدوة لعند ما صوت وهرجة أمال وخوفها ع أمل بدت تزيد أكثر ف الكل سمع صوت أمال وجو يجرو بإستثناء يوسف لكن البرا هايمه وحاير في موضوعه مع امل .
    ام امل ،، وووك عليا بنتي خيرها سم الله عليها سم الله.
    محمد ،، بسم الله خيرها شن صار وشن هالدم ل في انفها ومالي وجها .
    اماني ،، يارب استر يارب خيرها شن صار ؟؟
    أمال ،، نبي ميه بسرعه البنت مغمي عليها بسرعة .
    اماني ،، به شوي ونجي هي
    ومشت أماني تجري للمطبخ تجيب في الميه ل أمل
    وع دخلت يوسف للحوش شاف اماني تجري و وجها ما يتفسر.
    يوسف وهوا مخلوع ،، شن في خيرك تجري شن صار وليش خايفة هكي ؟؟
    اماني ،، امل يا يوسف امل /
    يوسف وقلبه يفز بسرعة من خوفه ع امل ،، خيرها احكي شن صار ؟؟
    اماني ،، امل طاحة علينا وغارقة بدمها //
    يوسف ،، بعد هالكلام جن اجنونه وزاد خوفه ومشي يجري لصالة //
    وهوا مش فاهم شئ ؛
    وأول ماوصل ع طول طبس ع أمل وبدي يحرك فيها ويكلم فيها ع امل تنوض //
    يوسف ،، امل نوضي ردي عليا خيرك شن صار معاك ي امل بطلي عاد هي نوضي طولتي وانتي ب هالوضع //
    امال ،، ي حليلي شن صار مع اختي حت رشيت عليها الميه ماتبي تنوض ؛
    يوسف ،، لا امل كويسة وحتنوض مش صح امل هي نوضي وقعد يهز فيها لييين أوعت امل //
    امال ،، الحمدلله اهو شكلها بدت تنوض /
    وفعلا ناضت امل وحاسة بثقل مش طبيعي ف راسها
    ام يوسف فرح ورتاح بعد ما ناضت امل ، بس طبعا كان في ناس مش راضية ع تصروفات يوسف
    اكيد عرفتو من ؟؟
    مروة كانت تشوف ل يوسف كيف خايف ع امل وقلبها نار وحقد علي امل/

    يوسف ،، الحمدلله هكي خوفتيني عليك ؟؟
    مروة ،، إحم إحم مع تفنيصه |هههههه|
    يوسف ،، قصدي خوفتينا عليك ؟؟
    أمل ،، سامحوني شغلت بالكم عليا بس مش قصدي بمجرد ما شوفت الدم دارت بيا الدنيا طول ؟
    الكل ،، ولايهمك المهم انك بخير وكويسة ؟؟
    أمل ،، امال ساعديني خلي انوض
    امال ،، اي هاتي يدك
    امل ،، اوووف حاسة بدوخة مش طبيعيه.
    امال ،، اي لأنك فقدتي توازنك تعالي قعمزي هنا .
    محمد ،، كان هذا نرفعك للمستشفي امل ولا نروح بيك .
    امل ،، لالاه انا كويسة ولا يهم كانت كمل حفلتك اليوم يومك ي غالي .
    اماني ،، لا اموله صحتك اهم .
    امل ،، وحياتكم انا كويسة ما تخافو عليا .
    محمد ،، به براحتك //

    ورجعو الكل للحفله اما امل كانت امقعمزة وخلاص بينما يوسف يشوفلها من بعيد وكان خايف عليها هلبه ويتمني يكون جنبها ومعاها لانه كان حاس بأن امل صحتها مش كويسة .

    مروة،، يوسف مش كأنك بالغت في خوفك ع أمل حبيتين ؟؟
    يوسف ،، شن تقولي انتي ؟؟
    مروة ،، لا شئ سلامتك ومشت وخلاته //

    يوسف ،،، اووووف اووف ماهو انا ناقص يعني //

    وفاات الوقت بسرعة وجي موعد نهاية الحفلةة //

    اماني،، يعني هكي نقدر نقلك حبيبي وخطيبي وكل شئ؟؟
    محمد ،،، هههه اكيد امالا شن انتي خطيبتي وحياتي كلها ي نوارتي .
    اماني ،، سلمه يااربي ليا الغالي
    امال ،، احم معليشي بنقطع عليكم الرومانسية بس محمد هوا هذاكه هي انروحو /
    محمد ،، ههه اي هي جهزو نفسكم وانا البرا تلاقوني .
    امال ،، به .

    جهزو البنات نفسهم وسلمو علي اماني وامها وطلعوو
    وهما طالعين يوسف جبد امال ع تركينه .
    امال ،، بسم الله خيرك يوسف خلعتني .
    يوسف ،،سامحيني بس نبيك ضروري .
    امال،، ان شاء الله خير شن في .
    يوسف ،، امل //
    امال ،، خيرهاا ؟؟
    يوسف ،، امل ي امال مش عاجبتني ياريت لو تقنعيها تتعالج ودير تحاليل شامل لانه طول هالفترة وهي دايخة وهكي .
    امال ،، معاك حق بس تعبت معاها وهي شئ ماتبي تمشي /
    يوسف ،، وعلاش بس ؟؟
    يوسف ،، مشكلة بس المهم ديري جهدك بالله خليها تمشي وانا بعون الله مش حنقصر //
    امال ،، ان شاء الله تسلم يوسف , وتوا نستأذنك العيله تستنا .
    يوسف ،، اي تمام تفضلي واسفه مرة ثانيه .
    امال ،، ولايهمك وشكرا ليك يوسف //
    يوسف ,, ولووو امل مهمه بالنسبة ليا هلبه
    امال ,, يبارك فيك.

    ومشت امال لسيارة بينما يوسف دخل لداره طوول
    امل ,, وينك انتي مش طلعتي معاي خيرك عطلتي
    امال ،، اهو جيت غير انسيت شنطي ورجعتلها
    امل ،، امممم به

    وهكي روحوو اهل امل وامال طول الطريق تفكر في كلام يوسف وكمية الخوف لعنده تجاه امل .

    امل ،، اوووووه واخيرا اوصلنا ع خير الحق انا نعسانه وتعبانه ي ذووبك نغير دبشي ونرقد ع طول
    امال ،، هههه الكل زيك امولتي هي تعالي نستعجلو باش نرقدو بكري
    امل ،، اي هي لكن تعرفي احلي شئ جمعة يعني راحة .
    امال ،، اي والله
    امل ،، الا وين نسيبة مش ع اساس بتبات عندنا ؟؟
    امال ،، اها اي قالت بنروح ونجي غدوة الصبح لانه عندها ما دير في حوشها .
    امل ،، به

    عند اماني
    اول ماروحو اهل محمد ع طول غيرت دبشها وجت تنظم في الحوسة بعدها قالت هي نرقد ونكمل غدوة وخلاص
    بعدها وهي ماشية لدارها لقت ضي دار يوسف يشعل ف مشت طقت ع الباب ودخلت
    طق طق
    اماني،، قصدك قاعد نايض توقعتك رااقد ؟؟
    يوسف ،، مايبي يجي النوم شن بنديرله
    اماني ،، هدرز ع مروة لين يجي معناها
    يوسف ،، مالقيتي ماتنصحيني يعني غير ب مروة
    اماني،، هههه تي خيركم شن في بينكم حت هي حسيتها مش ع بعضها المدة هاذي كله
    يوسف ،، تعرفي اماني
    حاس وكأني غلطت وقت رجعت ل مروة مش عارف مش مرتاااح وكأنه في شئ غام ع قلبي
    اماني ،، ان شاء الله خير
    هوا تبي الحق يوسف هالشئ واضح عليك
    يوسف ،، تتوقعي مانحبها وحبي ليها كله وهم وخلاص
    اماني ،، وين نعرف يوسف
    وبعتالي شن خطر ع بالك هذا كله
    يوسف ،، والله مانعرف
    يلا امشي انتي ارقدي اكيد تعبتي اليوم وغدوة لنا تقعميزة مليحه
    اماني ،، ههه اي واصلا حت خبيطي يتصل
    يوسف ،، هههه اتحشم واطلعي ي بنت
    اماني ،، ههههه هي تصبح
    يوسف ،، سعيدة.

    طلعت اماني ل دارها تكلم في محمد بينما يوسف قعد يفكر وخلاص
    اما مروة كانت تتصل ب يوسف بس يوسف ولا ع باله مروة واتصالها كان يشوف للهاتف ومش مهتم اصلا.

    // وهكي فات الليل بكل حلو ومر فيه وجي نهار جديد //
    اماني ،، صباحوو ماميتي هي غسلي وتعالي افطري
    ام اماني ،، حويته ع بنيتي نشاط وحيوية من الصبح
    اماني ،، سلمك ربي ليا ي الغالية هي امشي بسرعة وانا خلي انوض يوسف ونجي
    اه اهو ناض هي غسل وتعاله .
    يوسف ،، صباح الخير
    به هي شوي ونجي .

    عند امل
    امال ،، هي اموله نوضي طولت في نومك حت من نسيبة جت راه ..
    امل ،، اممممممممممممممم صباح الخير
    امال ونسيبه ،، صباح النور ي كسولة
    امل ،، وحق الله نحس بتعب مش طبيعي .
    امال ،، ماهو قتلك امشي حللي تريحينا وتريحي روحك .
    امل ،، واااك خلاص انسي اني قلت تعبانه اصلا
    خلي انوض توا نتوضا ونصلي خير من هالدوة .

    وناضت امل للحمام <اكرمكم الله>
    امال ،، اووف مش عارفه هالبنت كيف بنتفاهم معاها صحتها كل يوم للخلف وهي شئ ماتبي المستشفي
    نسيبه ،، ماهو انتي تعرفي امل ماتحب لا مستشفي ولا ريحتها
    امال ،، هاذي صحتها ي نسيبة مش لعبه
    نسيبة ،، ان شاء الله خير

    عند يوسف
    بعد الفطور جي وكسد مع اماني
    يوسف ،، اي شن جوو وضعك الجديد <قصده ع الخطوبة >
    اماني ،، هوا الحق قعدين ف البداية بس مرتااااااحة هلبه ما خيرش من نكهة الحلال ي وخي
    يوسف ،، اي والله ربي يسعدك حبيبتي
    اماني ،، ويسعدك ي غالي ويفرحني بيك .
    يوسف ،، ا ن شا الله
    اماني ،، به يوسف نسألك سؤال ؟؟
    يوسف ،، اكيد تفضلي
    اماني ،، انت مرتاح مع مروة
    يوسف ،، بعد صمت
    مش عارف ي اماني في البداية اتقبلتها بس يوم عن يوم بديت نحس بوجودها عبئ عليا
    وفي نفس الوقت مضايق من هالشعور هلبه وحيراان اكثر .
    اماني ،، اممممم يعني شن حاس بأنك معاش تحبها ؟؟
    يوسف ،، مش عارف ومش فاهم بس حاس وكانه في شئ انكسر شئ غير قبل
    كيف بنشرحلك مش فاهم ؟؟
    اماني ،، يعني تحس مروة تغيرت
    يوسف ،، ممكن انا لنكون تغيرت مش هي , تعرف شن خلينا نسكرو ع هالموضوع توا
    وانا نبي نسألك توا .
    اماني ،، شن ؟؟
    يوسف ،، علاش ما قلتيلي إنه امل إنخطبت ؟؟
    اماني ،، شننننننننننننننني ؟؟
    تي كيف صار ؟ وشن تقول انت ؟؟ امته صار هالكلام ؟
    يوسف انصدم من عدم معرفة اماني بالموضوع وخصوصا انها صديقتها ,, هي قتلي امبارح انخطبت وطلبت مني حت معاش نتواصل معاها .
    اماني ،، معقووولة ؟؟
    من مني نخطبت به وزعما علاش ما قتلي ؟؟
    يوسف ،، من ولد خالتها ..
    اماني ،، من قصدك عبدو ؟؟
    يوسف ،، اي
    اماني ،، بس ع حد علمي تقدم ل امل من ايام فاتو وقعدين ما ردو عليه .
    يوسف ،، اي ماهو حت هي قالت امس تم الموضوع كله ، والحق توقعتك عارفه بس طلعتي زي حالاتي اخر من يعلم /
    اماني ،، مش عارفة : وفجأة تتصل امل :
    غير لحظه اهي تتصل خلي انشوفها .

    عند أمل
    كانت تفطر وتهدرز ع نسيبة بعدها خبطت ع راسها وشهقة
    امال ،، بسم الله خيرك ي دعوة
    امل ،، مديلي هاتفي بسرعة بنكمل اماني
    امال ،،علاش ؟؟
    امل ،، هاتي وبطلي أسئلة
    امال ،، هاااك ي لطيف منك .

    طلعت امل وتصلت ب اماني
    امل ،، الووو ب مرة خوي
    اماني ،،، هههه مش كأنك مستعجلة حبيتين
    امل ،، لا مستعجله لا شئ هوا هذاكه .
    اماني ،، به ع راحتك
    امل ،، حق بنقلك ...........................................................؟
    اماني ،، وعلاش هذا كله ي بنت ؟؟؟
    امل ،، مش كان تبطلي اسئلة ي بنت خير /
    اماني ،، هههه الصبر منك وخلاص
    به ي ستي
    اي حق مبروووووك وان شاء الله ربي يتمملك ع خير ي قلبي .
    امل ،،، هههه الله يبارك فيك هكي انتي عيني
    اماني ،، به هي طيري
    امل ،، سلاموو
    اماني ،، سلام

    سكرت امل من اماني ورجعت كسدة مع البنات بينما اماني كملت حكي مع يوسف

    عند اماني
    يوسف ،، صار طلع صح الكلام ؟؟
    اماني ،، اي كلام ؟
    يوسف ،، الخطبه خيرك ؟؟
    اماني،، اها الخطبه اي طلع حق الكلام
    يوسف ،، به ربي يتمم ع خير
    اماني ،، علاش حاسة كانها مش من قلبك ؟؟
    يوسف ،، لا من قلبي بس قصة معاش بنحكي معاها موضوع الصراحة انا حكم تعلقت بيها
    اماني ،،، واو شن هالكلام يوسف راك خاطب
    يوسف ،، به شن بنكدب عليك مثلا فعلا امل كانت شئ مهمه وقعدة هكي
    اماني ،، هوا الصراحه واضح انها شئ مهم من خوفك عليها امبارح هههه انا نسيت انه امل طايحه وقعدة مركزة معاك هسترت الصراحه هلبه
    يوسف ،، والله ماندري ع روحي خوفت عليها هلبه للحظه حسيتا ني معاش بنشوفها بكل
    اماني ،، زعما شن يطلع هذا كله
    يوسف ،، عادي صديق خاف ع صديقته شن فيها
    اماني ،، احم ومن المفروض اانا نصدق يعني
    يوسف ،، نجيك راه
    اماني ،،، هههه تي ماشي خلي انوض ع حالي توا وقت ع الغدي واهل خطيبتك قريب يجوو .
    يوسف ،، ووواك ماتقوليهاش
    اماني ،، قلتها وفات .
    يوسف ،، معناهاا خلي انوض نهرب من توا , مش ناقص لأني .
    اماني ،، ننصحك هكي الصراحه .
    يوسف ،، هي منا خلي اندوش ونطلع .
    اماني ،، تمام .

    عند امل
    كانت مكسدة بعدها سمعت صوت عبدو
    دارت قهوة ومشتله .
    امل ،، سلاموو كيف حالك عبدو .
    عبدو ،، اهلا اموله كويس شن جوك انتي.
    امل ،، كويسة
    تفضل اشرب معاي القهوة .
    عبدو،، هاتي بما انها منك مانقول لا .
    امل ،، تسلملي يارب.
    به عبدو نطلب منك طلب ؟؟
    عبدو،، اكيد تفضلي .
    امل ،، هوا الحق نبي ..................................................؟
    شن قلت عادي او لا ؟؟
    عبدو ،، هوا صعب ي امل بس لعيونك ي سمحه كلووو يهون.
    امل ،، تسلملي ياارب.
    معناها خلي نمشي انا توا ونتلاقوو بعدين

    وهكي فات النهار وجي الليل

    عند يوسف
    بعد ما فات النهار وهوا برا الحوش بس لحت ما يتلاقا مع مروة روح في الليل
    هنا كانت المفاجأة مروة بايته عندهم ....................................يتبع
    شن صار ؟؟ وشن طلبت امل من عبدو ؟؟ وشن احساس يوسف ؟؟ وشن السر لبين اماني وامل ؟؟
    هذا كله راح تعرفو قريبا ؟؟

    |عارفة طولت ولكن دراستي اهم من موهبتي |
    قراءة ممتعه أحبائي ,,


    إرسال تعليق

    جميع الروايات والقصص المنشورة علي الموقع هي روايات مجانية أخذنا إذن بنشرها من أصحابها إذا وجدت أي رواية لها حقوق ملكية فكرية أو تُريد إزالتها من الموقع اتصل بنا ، ونقوم بحذفها فوراً .