أخر الاخبار

رواية لا احد سواك الفصل العاشر 10 بقلم سمسم

 

رواية لا احد سواك الفصل العاشر 10 بقلم سمسم

البارت العاشر
هدأت قليلاً ذهبت الى الحمام قامت بغسل وجهها من اثر البكاء سمعت طرق على باب الاستراحة قامت بفتح الباب
سچى بدهشة......دكتور أكرم
أكرم......ممكن اتكلم معاكى شوية فى الجنينة
سچى....فى حاجة ولا ايه
أكرم......لاء بس حابب اتكلم معاكى شوية بخصوص الكلام اللى انتى سمعتيه واحنا كنا قاعدين جوا
خرجت سچى من الاستراحة وجلست على أحد الكراسى وجلس أكرم فى الكرسى المقابل لها
أكرم بتساؤل.....سچى انتى كنتى بتعيطى ولا ايه
سچى.... ها لاء ليه بتقول كده يعنى
أكرم.....باين على وشك انك كنتى بتعيطى وبتعيطى جامد كمان
سچى....لا ابدا مكنتش بعيط بس ده فى حاجة دخلت فى عينى فعينى دمعت بالشكل ده
أكرم.....سچى انتى عارفة انك بقيتى غالية علينا كلنا وانا قولتلك انا فى مقام اخوكى فلو فى حاجة مضيقاكى ممكن تقوليلى ومتخبيش عليا
سچى....ربنا يخليك يا دكتور أكرم بس انا كويسة الحمد لله مفيش حاجة كنت حضرتك عايزنى فى ايه
أكرم.....كنت عايز اعرفك يا سچى مين مايا وايه علاقتها بأخويا وايه اللى حصل لرائف
سچى.... وحضرتك تقولى ليه اظن كل واحد حر فى حياته الشخصية وحضرتك مش مضطر انك تشرحلى او تعرفنى حاجة عنهم
أكرم بمكر.... انا عارف الكلام ده بس حبيت اوضحلك الموضوع مش اكتر
سچى....حضرتك مش ملزم توضحلى حاجة وانا مش بدخل فى حاجة مليش فيها او متخصنيش
أكرم بمكر....انتى متأكده ان الموضوع ميخصكيش يا سچى
سچى....قصد حضرتك ايه
أكرم.... لا ابدا ولا حاجة بس خدينى على قد عقلى يا ستى وسبينى اتكلم
سچى بابتسامة.....اتفضل يا دكتور اكرم قول انا سمعاك اهو
أكرم....انتى زى ما سمعتى مايا كانت خطيبة رائف كلنا كنا مستغربين ايه سر ان رائف متمسك بيها بس كان بيقول انه بيحبها وبالرغم ان مافيش حد فينا كان موافق على الخطوبة دى بس سكتنا علشان رائف ميزعلش بس هى كانت بنت فى منتهى التفاهة اللى فى الدنيا ومدلعة وانانية ومبيهمهاش حد تانى غير نفسها لما رائف عمل الحادثة واحنا لحد دلوقتى مش عارفين ايه السبب فيها او ايه اللى حصل خلى العربية تخبط رائف بس فى اليوم ده رائف خرج من البيت على أساس انه رايح لمايا علشان يشوفها ولما أتأخر برا قلقنا عليه واتصلوا علينا من المستشفى وعرفنا أنه عمل حادثة وحصله اصابة فى العمود الفقري اثرت على رجله لما هى سيادتها طبعا عرفت كده بعدت عنه ومكلفتش نفسها حتى انها تطمن عليه او حتى تقف جمبه فى محنته لاء بعدت وسابته وهو رضى بالأمر الواقع وعرف ساعتها انها متستاهلوش وان كان اختياره ليها من البداية اختيار غلط بس الموضوع ده اثر فى نفسية رائف بقى كل اعتقاده دلوقتى ان مفيش واحدة ممكن تحبه او ترتبط بيه وهو بحالته دى
سچى....ليه يعنى دى حاجة بتاعة ربنا وهو ملوش يد فيها ثم ان اخوك عنده المميزات اللى تخلى اى بنت تتمنى ترتبط بيه متعلم وابن ناس محترمين واللى حصل ده ميعبوش ابدا
أكرم....حاولت كتير اقوله الكلام ده وافهمه انه ينسى ويحاول يبدأ من جديد بس رائف عنيد رافض انه يسمع الكلام
سچى....هو دارس ايه فى الجامعة
أكرم....هندسة ميكانيكا زى بابا بس هو حب انه يبقى ظابط فى الجيش
سچى.....طب ماهو عنده الفرصة انه يبتدى مثلا يشتغل بشهادته طالما ربنا مش رايد انه يكمل ظابط فى الجيش وزى ما انت بتقول تخصصه زى باباك ممكن يشتغل مع باباك
أكرم......قولتله الكلام ده بس زى ما قولتلك رائف فى المرحلة دى تحسى ان ثقته بكل حاجة بقت معدومة بقى عامل زى القنبلة الموقوتة اللى ممكن تنفجر فى اللى يقرب منه ولولا ان احنا اهله وهو عارف ان احنا بنحبه وهنفضل جمبه كان ممكن يكون تصرفاته معانا غير كده خالص
سچى.....انا برضه الصراحة يا دكتور أكرم مش فاهمة انا ايه علاقتى بالموضوع او ايه اللى ممكن اقدر اعمله
أكرم......انا يا سچى مش بطلب منك انك يكون ليكى علاقة بالموضوع او انك تعملى حاجة انا بس بفضفض معاكى حبيت تعرفى ايه سر تصرفات رائف علشان متحكميش عليه غلط او تتصورى حاجات مش صح ولا انتى اضايقتى من كلامى معاكى
عندما سمعت سچى كلام أكرم شعرت بتوتر فكلامه معها يدل على انه ربما يعرف انها تحب اخيه رائف والا لماذا يبرر لها تصرفاته ؟
سچى....لا ابدا ازاى تقول كده
أكرم....انا دلوقتى بتمنى ان يكون فى واحدة فى حياة رائف وتقدر تساعده انه يتخطى المحنة دى
سچى بتوتر....ربنا يوفقه ويرزقه بالبنت اللى تقدر تسعده
لو كان الأمر بيدها لكانت قدمت حياتها وروحها فداء لرائف ولكن ستقدمها بأى صفة فهى لن تكون فى يوم من اولويات حياته ستظل بعيدة تراه ولكن لا تستطيع الإقتراب منه
أكرم......صحيح الآنسة ريهام عاملة ايه
سچى....الحمد لله بس انت بتسأل عليها ليه فى حاجة ولا ايه
أكرم.....لا ابدا عادى هى يعنى كانت بتدرب عندنا فى المستشفى وكنت متعود اشوفها معاكى وطبيعى اسأل عليها يعنى
سچى بابتسامة....ااه طبيعى تسأل عليها يعنى
أكرم.....قصدك ايه يعنى بكلامك ده
سچى....ولا حاجة انا قولت حاجة يا دكتور
أكرم..... انتى عملتى ايه فى موضوع يوسف بخصوص ارتباطكم
سچى بهدوء....رفضت طلبه
أكرم بتساؤل.....ليه رفضتيه يا سچى ايه السبب
سچى....ملناش نصيب ان احنا نرتبط هو ده السبب
أكرم..... انتى متأكدة من الكلام ده ولا علشان فى حد تانى فى حياتك
سچى باحراج....لا تانى ولا تالت هو علشان رفضته لازم يكون فى حياتى حد تانى
أكرم....لاء انا بسأل بس عن السبب لان يوسف محترم وانا اعرفه كويس فمستغرب انتى رفضتيه ليه
سچى....عادى يعنى كل واحد بياخد نصيبه
أكرم .... فعلا كل واحد بياخد نصيبه هى ريهام فى حد فى حياتها
سچى....لاء مفيش حد فى حياتها بس ايه حكايتك بتسأل عن ريهام كتير ليه كده النهاردة
أكرم بصراحة....مش عارف انا بفكر فيها ليه يمكن اكون معجب بيها او مشدود ليها
سچى....ها وبعدين
أكرم..... وبعدين فى ايه
سچى....بعد الاعجاب ده يعنى هيحصل ايه انت ناوى على ايه
أكرم بضحك.....ناوى اتأهل ان شاء الله هههه
سچى....وهتتأهل امتى ان شاء الله بقى
أكرم....اكلم اهلى فى الموضوع بس عايزك انتى تسأليها الاول جايزك يكون عندها اعتراض عليا ولا حاجة
سچى بهمس....اعتراض! ريهام تعترض عليك دى فاضل شوية وتيجى هى تتطلبك للجواز
أكرم..... انتى بتقولى حاجة يا سچى ولا ايه
سچى....لا ابدا ميكنش عندك فكر انا هكلمهالك واشوف رأيها ايه وبعد كده انت تقول لاهلك وان شاء الله خير ومبروك مقدماً
أكرم.... الله يبارك فيكى و عقبالك ان شاء الله لما تنولى اللى بتتمنيه
سچى....شكرا يا دكتور اكرم
أكرم....ايه يابنتى دكتور اكرم دكتور أكرم قوليلى أكرم عادى كده خلاص ملهاش لزوم كلمة يا دكتور دى
سجى بابتسامة....ماشى يا أكرم متتنرفزش يا عريس صحتك
أكرم.... ههههه يسمع منك ربنا ان شاء الله
سچى....انت معجب بيها اوى كده
أكرم....جدا وخصوصا جنانها وكلامها تحسى كأنها طفلة فى تصرفاتها مع انها بسم الله ماشاء الله عليها لسان متبرى منها
سچى....اه انت هتقولى دى ريهام ست المجانين بس محترمة ومؤدبة ومش هتلاقى زيها ابدا
أكرم بابتسامة.....عارف لان واحدة فى اخلاقك مش هتصاحب اى حد علشان متاكد ان ريهام محترمة ومؤدبة
سچى....شكرا على ذوقك يا أكرم
اثناء كلامهم وهزارهم لمح أكرم وسچى خروج رائف اليهم فأستغرب من حالتهم فهم يضحكون فياترى عن ماذا يتحدثون ؟ وما الذى يجعلها تضحك وتبتسم بهذا الشكل؟
أكرم.....تعالى يا رائف اقعد
رائف بتساؤل....خير بتضحكوا على ايه كده
سچى....عن اذنكم وتصبحوا على خير
هبت سچى واقفة تريد الذهاب فهى لا تريد تعذيب نفسها برؤيته ففضلت ان تذهب الى غرفتها وتظل وحيدة مع افكارها التى اصبح هو محورها
رائف.....هو انا جيت علشان انتى تقومى تمشى
سچى....لا ابدا بس ورايا تدريب الصبح وكمان عايزة اذاكر شوية عن اذنكم
قالت ذلك وذهبت حتى قبل ان يرد على كلامها نظر الى اخيه يريد أن يعرف عن ماذا كانوا يتحدثون؟
رائف بغيرة.....انتوا كنتوا بتتكلموا فى ايه يا اكرم وبتضحكوا على ايه
لاحظ اكرم نبرة الغيرة الواضحة فى صوت أخيه فاراد ان يستفزه قليلا عله ينطق بما فى قلبه ويكف عن تعذيب نفسه
أكرم.....كنت بعرف سچى قالت إيه ليوسف فى موضوع الجواز
رائف بلهفة.....ها قالتله ايه يا أكرم ما تقول بقى
أكرم..... وانت مالك يا رائف يا حبيبى ملهوف اوى تعرف ليه كده
رائف.... ها ولا ملهوف ولا حاجة انا بس بسأل عادى ومش عايز تقول ما تقولش عادى يا حبيبى
أكرم....لاء عادى هقولك ما انت كده كده هتعرف مفيش حاجة بتستخبى على طول
رائف..... قصدك انها هى وافقت يعنى
أكرم.....ايوة وافقت على جوازها من يوسف وهو الصراحة يوسف عريس ميترفضش
رائف بعصبية شديدة....ليه يعنى هو اللى خلقه مخلقش غيره فيه ايه زيادة عن غيره هو راجل زى اى راجل يعنى
أكرم.....اهدى اهدى بس ايه العصبية دى كلها اهدى يا رائف يا حبيبى
رائف.....تصدق الكلام معاك هو اللى بيعصبنى يا أكرم
أكرم....دا انت الغيرة مولعة ومشعللة فى قلبك اوى يا اخويا
رائف....غيرة ايه وزفت ايه مفيش حاجة من الكلام ده انت لسه بتفكر فى اوهامك الغريبة دى
أكرم.....على اكرم حبيبك برضه دا انا عاجنك وخابزك يا اخويا
رائف....طب اخرص بقى ومتنساش انى انا اخوك الكبير واحترم نفسك
أكرم بضحك..... حاضر يا ابيه هحترم نفسى
رائف بنرفزة.....يووووووووه انا هقوم ادخل اوضتى ياريتنى ما خرجت اقعد معاك دا انت رخم وغتت يا أكرم
أكرم.....طب اهدى اهدى مش كده على فكرة كنت بهزر معاك يا رائف
رائف.....بتهزر فى اي موضوع بالظبط
أكرم....فى موضوع موافقة سچى على يوسف
رائف.... يعنى ايه مش فاهم
أكرم.....يعنى سچى رفضت يوسف يا رائف فهمت يارب تكون فهمت علشان انا تعبت والله
رائف....يعنى كنت بترخم عليا وبتستظرف دمك يا أكرم
أكرم....حبيت اشوف رد فعلك ايه لو عرفت ان سچى ممكن تتجوز واحد تانى
رائف....ماتتجوز اعملها ايه يعنى هى حرة فى نفسها
أكرم.... حرة فى نفسها ! والله دا انت من شوية كنت هتفرقع من الغيرة ولو كنت طولت كنت ضربتنى دلوقتى بتقول ما تتجوز يا برودك يا اخى
رائف....هو انت مش لاقى حد تتسلى عليه غيرى ما تتجوز يا أكرم يمكن تحل عنى وتسيبنى فى حالى
أكرم.... انت بتقول فيها انا شكلى هعملها قريب اوى
رائف باهتمام.....ومين بقى دى سعيدة الحظ اللى هتبليها بذاتك المصون
أكرم....سچى
رائف بصدمة.....نعم يا اخويا بتقول مين
أكرم....انت فهمت ايه اصبر عليا ومتتهورش ومتمدش ايدك عليا انا قصدى صاحبة سچى اسمها ريهام
رائف....اه بحسب قول كده بقى
أكرم.....بتحسب ايه طالما كده ما تلحق بقى قبل ما حد ييجى يخطفها منك وانت تغنى ظلموه
رائف.....بس ياض انت اسكت وخليك فى حالك
أكرم.....دا انا ملقتش فى برودك يا اخى يا ساتر يارب اعصابك دى ايه تلاجة
رائف.....ما تحترم نفسك ياض انت وبطل غلط ايه قلة ادبك دى
اكرم....احترم نفسى ايه بس دا انا تعبتلك سلف يا اخى ربنا يصبرها عليك
رائف....هى مين دى اللى ربنا يصبرها عليها
أكرم....اللى هتكون من نصيبك ان شاء الله واللى انا بدعيلها ان ربنا يديها القوة والصبر عليك
رائف....امشى ياض غور روح نام يلا
أكرم....قوم يلا ندخل
رائف....لاء هقعد هنا شوية
أكرم....ليه هتقعد تعد النجوم
رائف....هو مفيش حاجة اضربك بيها يا أكرم
أكرم بمزاح...خلاص اقعد تصبح على سچى ان شاء الله
رائف....غور يا اكرم احسن اقوملك وانت عارف اللى هيجرالك
أنصرف أكرم وهو يضحك على رد فعل أخيه بينما ظل رائف جالسا مكانه يفكر هل يمكن ان يأتى يوم وتصبح سچى من نصيبه؟
******
فى مستشفى حكومى
قابلت سچى ريهام فى مستشفى التدريب ارادت اخبارها بما قاله أكرم فقررت الانتظار حتى يحين موعد الراحة حتى تستطيع ان تتكلم معها بحرية
ريهام بتعب....ياااه دا الواحد النهاردة طلع عينه خالص ومش حاسس بنفسه
سچى....تعبتى اوى كده يا ريهام
ريهام....تعبت وجوعت كمان ما تيجى نجيب حاجة ناكلها
سچى.... هنبقى نشترى حاجة ناكلها بس اللى يقولك على خبر ينسيكى التعب ده تعملى ايه
ريهام.....خبر إيه ده اللى هينسينى تعبى
سچى.... أكرم يا ريهام
ريهام....ماله اكرم اوعى تقوليلى انه هيخطب دا انا اطب ساكتة فيها يا سچى
سچى....هو فعلا ناوى يخطب ياريهام
ريهام....مين دى يا سچى اللى عايز يتجوزها دى واسمها ايه وبنت مين دى
سچى.... دى واحدة كده شافها واعجب بيها وناوى يرتبط بيها
ريهام....يادى بختى المنيل بستين نيلة
لاحظت سچى ان ريهام على وشك البكاء فعيونها اصبحت تهدد بسقوط دموعها
سچى....انتى حبتيه اوى كده يا ريهام
ريهام....ايوة بس خلاص مليش حظ ضاع من ايدى ابن الحلال
سچى....محدش عارف الخير فين يا ريهام
ريهام.....ربنا يوفقه ويسعده يا سچى
سچى....انتى بتتمنيله التوفيق والسعادة وانتى عارفة انه هيخطب
ريهام....مش معنى انه مش هيكون من نصيبى انى احقد عليه او اكره او حتى ادعى عليه
سچى.... حبيبة قلبى طب اقوله ييجى امتى بقى
ريهام بعدم فهم..... هو مين ده وييجى فين
سچى.... اقول لأكرم ييجى امتى يخطبك يا ريهام
ريهام بصدمة....انتى قولتى ايه ييجى بخطبنى انا
سچى....ايوة يا اذكى اخواتك العروسة هى انتى مش واحدة تانية
ريهام بتوهان....انتى بتتكلمى جد ولا بتشتغلينى يا سچى
سچى....دا موضوع ينفع فيه الهزار يعنى يا ريهام
ريهام بفرحة عارمة....بجد والنبى اكرم عايز يخطبنى انا
سچى....ايوة يا ستى وهو طلب منى اسالك رأيك ايه ها رأيك ايه بقى واقوله ايه
ريهام....انتى لسه بتسألى طبعا موافقة بالتلاتة
سچى.... هههههه اتقلى يابت كده ومتبينيش انك مدلوقة كده على طول عززى نفسك
ريهام....حاضر هتقل واعزز نفسى بس عيزاكى تحكيلى اللى حصل بالتفصيل الممل ما تسبيش حرف ماشى يلا قولى بقى
سچى.... اولا هو طلب يتكلم معايا وبعدين سألنى عنك و
لم تدعها ريهام تكمل كلامها فقطعت كلامها بفرحة عارمة
ريهام....بصى يا سچى من الاول ها من الاول ماشى
سچى....ما انا بقولك اهو انه هو....
ريهام بمقاطعة....من الاول يا سجى يا حبيبتى علشان انا بحب اسمع التفاصيل ها
سچى....انتى هتسكتى وتسيبينى اتكلم ولا لاء متبقيش عاملة زى محمد هنيدى فى فيلم امير البحار لما قالها من الاول ها من الاول عايز اسمع القصيدة من اولها اخرصى بقى خلينى اتكلم فى يومك ده احسن مش هحكيلك حاجة خالص واسيبك بنارك وفضولك ده
ريهام....حاضر هسكت اهو والله بس قولى بقى
روت لها سچى كل شئ من بداية توضيح اكرم لعلاقة رائف بخطيبته السابقة إلى نيته فى الزواج منها
ريهام....هو رائف كان خاطب قبل كده
سچى....ايوة وبعد الحادثة سابته ودلوقتى اتخطبت لواحد تانى
ريهام....وهو عمل إيه لما عرف انها اتخطبت لواحد تانى
سچى بحزن....فضل طول النهار فى اوضته ومخرجش الا وانا قاعدة انا واكرم بنتكلم شكله بيحبها أوى يا ريهام
ريهام....بس بتقولى أكرم قالك انه عرف انها متستاهلوش بعد ما سابته وان بسبب الحادثة هو فقد ثقته فى كل حاجة
سچى....طب ليه لما عرف اضايق اوى كده وحبس نفسه فى اوضته انا مجرد ما عرفت انه كان بيحب واحدة تانية حسيت بنار فى قلبى يا ريهام مش قادرة اتخيل ان ممكن يكون قلبه ده دق لواحدة تانية انه يكون قالها انا بحبك انه اتمناها تبقى مراته وشريكة عمره انا من كتر الافكار دى شكلى هتجنن
ريهام.....متزعليش يا سچى
سچى....انا قولتلك قبل كده يا ريهام رائف مش هيبقى من نصيبى شكلى هفضل بوجع قلبى كده على طول
ريهام.....انتى حبتيه للدرجة دى يا سچى
سچى بدموع.....اااه يا ريهام من حبه اللى ملك قلبى وكيانى دا تحسى انه خطف قلبى منى بقى ملكه هو مش ملكى انا وخايفة يكون انه لسه بيفكر في اللى اسمها مايا دى و زعلان عليها انها اتخطبت لحد تانى
عندما تذكرت ذلك فرت الدموع من عينيها حزنت ريهام على حال صديقتها
ريهام....خلاص يا سچى اهدى يا حبيبتى محدش عارف نصيبه فين مش جايز يكون رائف من نصيبك
سچى....وده هيحصل ازاى
ريهام....محدش عارف الغيب فيه ايه وربنا هو اللى بيسبب الاسباب
سچى... ونعم بالله المهم دلوقتى انا هقول لاكرم ان انتى قولتيلى ادينى يومين افكر ماشى
ريهام بهزار....ماشى انا هاخد منوم وانام اليومين دول على ما يعدوا
سچى....دا انتى واقعة اوى يا ريهام
ريهام....دا انا واقعة من فوق برج القاهرة
سچى...ربنا يسعدكم يا حبيبتى
ريهام....ويسعدك انتى كمان ويرزقك باللى بتتمنيه
أصبحت سچى لا تتمنى شئ فى حياتها الآن سوى رائف فمتى سيكون رائفها ؟
******
فى الورشة
كان يجلس حامد واضعا رأسه بين يديه ويعتصرها لعله يجد حل لتلك المشكلة الواقع فيها فمن سيوافق على اقراضه المبلغ المطلوب لانقاذ ورشته وبيته من الخراب
افاق من افكاره على صوت احد اصحاب الورش المجاورة له ويدعى المعلم صبحى
صبحى....ايه يا حامد مالك اليومين دول كده مهموم ومش على بعضك
حامد....اتفضل اقعد يا صبحى تشرب ايه
صبحى....ولا حاجة بس انا شايفك اليومين دول مشغول ومهموم اوى خير فى ايه
حامد....الصراحة واقع فى مشكلة كبيرة ومحتاج فلوس علشان احل المشكلة دى
صبحى....ليه خير ايه اللى حصل
اخبر حامد صبحى بكل شئ وانه يتعرض لضائقة مالية حاليا وانه يحتاج الى مبلغ من المال حتى يستطيع انقاذ نفسه من الخراب
صبحى.... بس كده اؤمر يا حامد رقبتى سدادة اللى انت عاوزه
حامد....تسلم يا صبحى طول عمرك شهم وجدع
صبحى....انا بتكلم جد يا حامد بس انا عندى طلب صغير
حامد باستغراب.....طلب ايه ده يا صبحى
صبحى....انا طالب ايد بنتك الدكتورة سچى عايز اتجوزها
حامد بصدمة.....انت بتقول ايه يا صبحى
صبحى....انا بطلب حاجة حرام لا سمح الله انا عايز اتجوزها على سنة الله ورسوله
حامد....دى فى سن ولادك
صبحى....انا راجل جيبى مليان ومقتدر وهعيشها فى عز وهنا
ولو وافقت الفلوس اللى انت عايزها تحت امرك وهسيبك برضه تفكر وترد عليا عن اذنك
قال صبحى ذلك وغادر الورشة بعد ان ترك حامد فى حالة ذهول من طلبه الزواج من ابنته
عندما عاد الى المنزل وهو تقريبا فى حالة توهان غريبة مما سمعه من صبحى لاحظت فادية ذلك واستغربت حالته
فادية....مالك يا راجل انت تايه كده ليه فى ايه
حامد....المعلم صبحى
فادية....ماله المعلم صبحى جراله ايه
حامد....طالب ايد سچى بنتى
فادية بدهشة....انت بتقول ايه يا راجل انت
حامد....زى ما بقولك كده وكمان عارض عليا يدينى الفلوس اللى عايزها علشان الورشة
فادية....هو قالك كده يعنى
حامد..... ايوة وبيقولى الفلوس اللي انت عايزها انا رقبتى سدادة
فادية.....طب كويس يا حامد
حامد.....هو ايه ده اللى كويس يا ولية
فادية....يعنى الراجل شاريك انت وبنتك عايز ايه تانى
حامد.....انتى عيزانى اوافق يا فادية على جواز سچى من المعلم صبحى
فادية....ومتوافقش ليه يعنى دى فرصة متتعوضش
حامد....دا راجل كبير عن بنتى وعنده عيال فى سنها ويمكن اكبر منها كمان
فادية....وفيها ايه يعنى الراجل ميعبوش غير جيبه يا حامد وهو شكله شاريها
حاولت فادية اقناع حامد بالموافقة على طلب صبحى وظلت تقنعه بالموافقة حتى وافق فعلا على زواج سچى من المعلم صبحى واخذ قراره بالذهاب الى سچى واخبارها بما حدث ولمعرفة رأيها بخصوص هذا الموضوع
******
فى منزل ماهر زيدان
كانوا جالسين في الجنينة عندما حضرت الخادمة لاخبارهم بأن والد سچى يريد مقابلتها
ام سيد......ماهر بيه فى واحد برا بيقول انه ابو الانسة سچى
ماهر....خليه يتفضل
دخل حامد وجدهم جميعا مجتمعين وسچى ايضا تجلس معهم ففكرت سچى فى سر زيارة والدها لها فهى منذ ان انتقلت للعيش هنا وهو لم يزرها مرة واحدة او فكر ان يسأل عنها
حامد.....سلام عليكم
جميعهم.....وعليكم السلام ورحمه الله وبركاته
حامد....انا اسف ان جيت فى وقت مش مناسب
ماهر....لا ابدا متقولش كده انت تنور فى اى وقت يا ابو سچى اتفضل
حامد....تشكر يا ماهر بيه
صفية....اتفضل يا ابو سچى اقعد واقف ليه
حامد....تسلمى يا ست صفية انا بس كنت عايز سچى فى كلمتين على انفراد ضرورى
صفية....اه طبعا اتفضل خديه يا سچى على جوا علشان تتكلموا براحتكم
سچى....اتفضل معايا يا بابا
دخلت سچى وحامد الى الاستراحة فظل يجيل نظره فى المكان فالمكان فخم جدا
حامد....انتى عاملة ايه يا سچى دلوقتى
سچى ببرود... الحمد لله تمام نحمد ربنا على كل حال
حامد....وهم عاملين ايه معاكى بيعاملوكى كويس ولا تعبينك
سچى.... بقوا اهلى واكتر كمان ومشفتش حد فى حنيتهم عليا واهتمامهم ورعايتهم ليا بعد موت امى الله يرحمها
حامد....انتى مرتاحة فى القعدة هنا يعنى
سچى....ايوة بس حضرتك بتسأل الأسئلة دى كلها ليه دلوقتى فى ايه
حامد....بطمن عليكى بلاش يعنى اطمن على بنتى
سچى....غريبة انك جاى تطمن عليا بعد العمر ده كله بس ما علينا حضرتك كنت عايزنى فى ايه
حامد بتوتر....كنت عايزك فى موضوع يخصك
سچى....موضوع ايه ده اللى يخصني اتفضل قول
حامد.... الصراحة هو فى عريس طالب ايدك
سچى بانفعال....ومين قالك انى عايزة اتجوز دلوقتى انا مخلصتش دراسة ثم مش اى عريس هيتقدملى هوافق على طول لازم اكون مرتاحة للموضوع علشان اوافق غير كده لاء
حامد.....هو عريس مقتدر ومبسوط وهيعيشك عيشة حلوة اوى يا سچى
سچى....وهو مين العريس ده بقى ان شاء الله
حامد....المعلم صبحى
سچى بصدمة.....المعلم صبحى ! اللى هو ورشته جمب ورشتك ده
حامد.... ايوة هو ده يا سچى
سچى بتوهان....حضرتك عارف بتقول ايه وبتطلب منى ايه
حامد....سچى صدقينى الجوازة دى لازم تتم ضرورى
سچى....ليه بقى ان شاء الله لازم تتم ضرورى هتستفاد ايه من وراها
حامد....انا محتاج فلوس وهو هيدفعلى الفلوس مقابل الجواز منك
سچى بذهول....حضرتك مستوعب انت بتقول ايه عايز تجوزنى راجل فى سنك وكمان هتجوزنى مقابل انك تأخد فلوس منه يعنى عايز تبعنى قصاد مصلحتك
حامد....انتى بنتى ولازم تقفى جمبى وتسمعى كلامى
سچى....اقف جمبك واسمع كلامك وده من امتى انت طول عمرك رامينى انا وامى ومبتسألش فينا وسبتنا فى الدنيا دى لوحدينا دلوقتى افتكرت انى بنتك وعايزنى اقف جمبك
حامد....احنا مش هنتكلم فى اللى فات يا سچى احنا فى دلوقتى
سچى....وانا حضرتك مش موافقة انا مش هضحى بنفسى علشان حد هو اصلا مفتكرنيش الا علشان مصلحته وبس
حامد....بس لازم تتجوزيه يا سچى يعنى ترضى ابوكى ينخرب بيته والراجل شاريكى ومستعد لكل طلباتك
سچى....علشان بيتك ما يخربش تضحى بيا وبمستقبلى وبحياتى وعايز تدينى لراجل فى سن ابويا وكمان كل شوية يتجوز ويطلق
حامد....انا قولتلك الراجل شاريكى وهو مش هيمنعك من التعليم وهيعيشك احسن عيشة وانا هسيبك تفكرى بس لازم توافقى يا سچى
ألقى حامد كلامه وتركها وذهب بعد ان هدم كل احلامها بكلامه فهو لا يخيرها بالزواج ولكنه يجبرها فماذا تفعل فى هذه المصيبة فهى كانت اخذت قرارها ان لم يكن رائف من نصيبها فهى لن تتزوج ابدا فظلت تبكى بشدة حتى صار صوت بكاءها مسموعا
استبد بهم القلق على سچى وخصوصا ان والدها خرج سريعا بعد ان القى عليهم التحية وانصرف سريعا رافضا الجلوس معهم فارادوا معرفة سبب عدم خروج سچى اليهم مرة ثانية فذهبت صفية وهدى وماهر للاطمئنان عليها لان من غير المسموح لأولادهم الدخول الى الاستراحة طالما سچى موجودة فيها
صفية بقلق....مالك يا سچى بتعيطى ليه
سچى بدموع....بابا عايز يجوزنى يا تيتة
ماهر....وده يخليكى تعيطى يا بنتى كل بنت مسيرها تتجوز ودى حاجة طبيعية
سچى....حضرتك دا عايز يجوزنى لراجل كبير فى السن وكمان متجوز ومخلف يمكن ولاده اكبر منى
هدى....يا خبر ابيض ازاى باباكى يفكر فى حاجة زى دى وازاى يوافق على حاجة زى دى اصلا
ماهر....طب ليه باباكى عايز يجوزك الراجل ده يا سچى
سچى....انا كل اللى فهمته منه ان جوازى قصاد ان الراجل ده يساعده بفلوس هو محتاجها وانا مش عارفة اعمل ايه وانا مستحيل اتجوز الراجل ده او اوافق على حاجة زى كده
صفية....اهدى يا حبيبتى ومتعيطيش ومفيش حاجة هتحصل غصب عنك
سچى ببكاء شديد....انا مش عارفة اعمل ايه وشكل بابا مصمم على الجوازة دى
هدى.....محدش يقدر يغصبك على حاجة قومى اغسلى وشك وان شاء الله مفيش حاجة هتحصل ضد رغبتك
ماهر....ايوة اطمنى يا سچى احنا مش هنخلى حاجة زى دى تحصل وتضايقى
ذهبت سچى الى الحمام لغسل وجهها من اثر البكاء ففكروا كيف يخرجوا سچى من هذا المأزق
ماهر....احنا لازم نشوف حل فى الموضوع ده
هدى....هنعمل ايه دلوقتى يا ماهر البنت حالتها صعبة اوى
صفية بهدوء....يبقى احنا اللى نجوز سچى قبل ما ابوها هو اللى يجوزها الراجل ده
ماهر....نجوزها ازاى يعنى
صفية....يعنى احنا اللى نختارلها عريس كويس ومناسب ليها يتجوزها وبكده نضمن ان باباها ميقدرش يجوزها الراجل اللى بيقول عليه ده لانها ساعتها هتبقى فى عصمة راجل
هدى.....طب نجوزها مين دلوقتى مين العريس ده اللى هنجوزه لسچى
صفية..... أكرم هو العريس


الفصل الحادي عشر من هنا

تعليقات



حجم الخط
+
16
-
تباعد السطور
+
2
-
close