رواية معشوقة الاسد البارت الثاني 2 بقلم نادين صالح

لبارت الثاني)
دنيا بصدمه وخوف وهي تبتلع ريقها:ا ا سس اسد

نظر لها بنظرات غضب و توعد

كريمه:اه يا حبيبتي ده اسد ابن عمك انتي مرحبتيش بيه ولا ايه

اسد بسخريه: لا كيف دي رحبت زين جووي انشاء الله نرضهالها
نظرت له دنيا بخوف وتوتر

كريمه بعتاب:ايه يا دنيا هتفضلي واقفه كده يلا يا حبيبي تعالي ادخل

دخلت كريمه وتبعها اسد وقبل ان يدخل همس في اذن دنيا:تربيتك هتبقي علي يد الاسد يا بت عمي.. وتركها مصدومه ودخل جلس في الصالون مع مرات عمه
...................................
في الصعيد بالتحديد في غرفه ساره بالقصر كانت تجلس ومعاها الخادمه او بمعني اصح جاسوستها بالقصر

ساره بغضب:خلاص بت البندر هتاجي وتاخد اسد مني

الخادمه: وه يا ست ساره وانتي ايش عرفك انها هتخطفه الحاج الكبير طلبها علشان يشوفها واكيد يومين بالكتير وهتمشي

ساره:مهضمنهاش اكيد هتطمع في اسد وفلوسه واملاكه متنسيش انه ليه املاك كبيره خاصه بيه بعيد عن املاك العيله

الخادمه بسخريه:يعني هي هتجوزه علشان فلوسه وانتي علشان بتحبيه عاد

ساره بحقد وطمع:ايوه انا اللي هتجوزه انا بت عمه اللي هتصونه عايشه معاه حياتي كلها ده حقي حق عيشتي انا اللي مفروض ابقي ست البيت ده وست البلد كلها وانا همشي بت البندر دي

الخادمه بدهشه:هي لحقت جت يا ست ساره لما هتمشيها

ساره بغضب:مشي من اهنا انتي هتناقشيني كمان يلا انجري وانا لما اعوزك هندملك (هندهلك)

خرجت الخادمه وتركت ساره تخطط لامتلاك اسد وامواله

في غرفه الجد كان يستمع للطرف اخر من الهاتف

الجد:يعني هو ده اللي حوصل بس

الشخص:...................................

الجد:لا خلاص بس اي حاجه جديده توصلي يلا بالسلامه

دخل عليه ابنه يوسف

يوسف:كيفك دلوقتي يا بوي

الجد بضحك:ههههههه اباه عليك يا يوسف علي اساس انك مهتعرفش انها تمثيليه عاد

يوسف بصدمه:وه تمثيليله يعني كنت هتضحك علينا اياك والله صدقتك يا حاج

الجد بابتسامه فخر:علشان تعرف ابوك بس بيقدر علي اي شئ..المهم خليك معايا كان معايا تلفون وعرفت انه.............

يوسف بعدما استمع لحديث والده مع الشخص:طب هنعمل ايه يا بوي لازم ناخد حرسنا

الجد:متقلقش اكيد مفيش حاجه هتحصل
.....................................

في القاهره ببيت دنيا

كريمه: يعني انت عايز نسافر الصعيد يا اسد

اسد بهدوء: ايوه يا مرت عمي جدي طلب يشوف حفيدته وانا جدي امر وانا لازم انفذ

كريمه بتوتر: ا ايوه يا اسد ب بس انا مسافرتش هناك من ساعه....

قاطعها اسد: عارف من ساعه مرت عمي الله يرحمها بس دلوقتي هي ماتت وميجوزش عليها الا الرحمه

كريمه: الله يرحمها بس برضوا لازم اخد رأي دنيا ك........

قاطعها اسد بغضب (يا بني اتهد خلي الوليه تقول كلمتين علي بعض): رأي رأي ايه يا مرت عمي ومن متي الحريم بتقول رأي انتي ادري واحده بعويدنا

خرجت دنيا علي كلماته وهتفت بغضب: نعم يا اخ هو يعني ايه ماليش رأي كنت الجاريه اللي اشترتها ولا ايه

اسد بصرامه: انتي تخرسي خالص انا ساكتلك بس علشان مرت عمي لاكن اقسم بالله معنديش مانع اقوم اقصلك لسانك ده

دنيا: شوفتي بيكلم اذاي ليا حق بقي اقول هولاكوا ولا لا

كريمه: دنيا عييب كده اسد ميقصدش يا حبيبتي هو.....

اسد: لا اني اقصد

دنيا وهي تشاور عليه: شوفتي

كريمه وهي تقف: بصي يا دنيا جدك طلبك ولازم نسافرله وانا هخش اجهز الشنط ومفيش نقاش روحي هاتي حاجه لابن عمك يشربها عقبال ما اجهز وتركتهم ودخلت غرفتها

نظرت له دنيا بغضب: منورتناش يا اخ والله

اسد وهو يضع رجل فوق الاخره وتحدث بتكبر واستفزاز: طبعا عارف اني منورتش بس لا ده انا شرفتكوا كمان وابتسم باستفزاز

دنيا وهي تنفخ بغضب: اووووووف كائن الاستفزاز قاعد قدامي تطفح ايه

انتفضت اسد بعصبيه من كرسيه وكان مثل الوحش من كثره غضبه كانت سوف تجري خوفا من منظره الا انه كان اسرع منها وامسك ذراعها وضغط بقوه وهمس لها بحده: انتي اظاهر ماتربيتش زين بس انا بقي اللي هربيكي من اهنا ورايح يا بت عمي اظاهر ما تعرفيش مين هو اسد الدمنهوري ثم جز علي اسنانه وضغط علي ذراعها بقوه اكبر: انا الي اكبر شنب في البلد لما بيسمع اسمي بيتهز مش هتيجي واحده ذيك وتقف وطول لسانه لاااا اكون قاطعولها سامعه
وتركها ذهب انتظرهم في السياره

وبعد وقت كانوا في السياره متوجهين الي الصعيد وكل منهم شارد في حاله

كريمه لنفسها: يااااااااه هرجع الصعيد تاني بعد كل السنين دي الله يسمحك يا انعام خليتي بنتي تتربي بعيد عن اهلها بسببك لا وكمان بنتك هناك ربنا يسطر علي بنتي احفظهالي يارب

دنيا لنفسها: اذاي هروح اقعد مع ناس معرفهاش لا وفوق كل ده هعيش مع كائن التنين اه والله تنين كمان شويه هيطلع نار من ودانه ربنا يسطر من الايام الجايه

اسد لنفسه: اول مره اشوفها فيها تطول لسانها وبتقول عليا هولاكوا بس ما بقاش اسد الدمنهوري اما ربيتك يا بت عمي

وبعد وقت وصلوا الي قصر الدمنهوري وانبهرت دنيا من فخامته

وعندما دخلوا رحبوا جميعهم بهم بحب وترحاب شديد معاده ساره التي عاملتهم بجفاء شديد وحقد

ثم ذهبوا لتناول الطعام وجلس كل زوج بحانب زوجته فكان يجلس عمه وابيه علي كل جانب من جده فأضطر ان يجلس بجانب دنيا عندما رأته ساره غضبت بشده فهو لم يجلس بجانبها ولو مره واحده

ساره: انت هتعقد عنديك يا اسد

اسد بحده: هو انا مستني اخد رأيك يا ساره ولا ايه عاد قولتلك ميه مره حسبي علي كلامك

مثلت ساره البكاء وصعدت الي غرفتها بغضب كان الكل يعلم بأعمال ساره فتركوها

دنيا بسخريه: هو ايه الاوفر اللي في الاداء ده

فاطيمه بابتسامه:كلي يا حبيبتي ومتشغليش بالك هي ساره علطول اكده بتزعل من اي حاجه وخلاص

همس لها اسد: ياريت الاستاذه تخليها في حالها

دنيا بأستفزاز: وانا مسألتش ساعتك علشان تجاوبني

نظر لها اسد بغضب وامسك يدها من تحت المائده ونظر لهم وجدهم مشغولين بالطعام والحديث عن العمل فنظر لها واكمل

اسد بهمس: هو انا مش قولت لسانك ده يقصر بدل ما اقصهولك

دنيا بغضب وهي تهمس ايضا: تطقع ايدك قبل ما تعملها

اسد بخبث: ومين قالك انه هيقي بأيدي (بلاش دماغكوا تروح شمال اكيد قصدوا بالمقص)

دنيا عندما رأت الخبث بعيونه:ا انت قليل الادب

اسد وهو يبتسم بسخريه وهو يسحب يديه من علي يديها:ومين قاك انه اللي في دماغك انا اقصد بالمقص هقصه بلمقص انتي اللي دماغك شمال (مش قولتلكوا الراجل ميقصدش)

نظرت له بحرج واكملت طعامها بصمت ثم اتجهوا الي حديقه القصر لشرب الشاي بعدما نزلت ساره وتصنعت الاعتزار وجلست معهم

نظر الجد لهم بخبث:و انتي يا دنيا عرفتي اسد اول ما جالك ولا لا

نظرت دنيا بتوتر لاسد الذي ينظر لها بسخريه ثم قالت بشجاعه وخبث لكي تستفزه امامهم وبالطبع لن يستطيع فعل شئ

دنيا بخبث: طبعا استقبلته استقبال يليق بيه يا جدو وضحكت بخبث

نظر لها اسد بوعيد ولكنها لم تبالي له

يوسف: بس بسم الله ماشاء الله يا عزيز بتك باقت عروسه و كيف القمر

عزيز: ربنا يخليك يا يوسف

دنيا بابتسامه لذلك الرجل الحنون الذي يشبه والدها

دنيا بمرح:والنبي انت اللي عسل يا جو

نظر لها اسد بصدمه لمرحها ودلعها لوالده

ساره بغيظ: ايه جله الحيا دي جو ايه المفروض اسمه عمي ولا ايه يا عمي

يوسف: لا انا مزعلتش من دنيا بالعكس انا افرح انها اخدت عليا بسرعه اكده وباقت كيف بتي ومهزعلش واصل

دنيا بابتسامه نصر: ربنا يخليك ليا يا جو

عزيز بمرح: الحقي يا ام اسد جوزك بيتعاكس قصادك

فاطيمه بضحك وغرور مصطنع: لا ولا يقدر يبص لغيري هو عارف الي هيحصله

دنيا بضحك وغمزه: ههههههه حلاوتك انت يا واثق من نفسك ده ايه العيله اللي كل ستتها واثقين دول ههههههه

كريمه بضحك وثقه:طبعا احنا مفيش ذينا يا بنتي

عزيز:ههههههه خلاص فاطيمه وكريمه هيرجعوا يتفقوا تاني مع بعض عوض الله عليا شكلي هنام جنب بنتي انهارده ههههه

يوسف بحسره مصطنعه:يا بختك يا سيدي هتنام جنب بنتك وانا بقي لما اعوز انام هنام فين جنب الواد اللي كيف الحيطه اللي بياخد السرير كله

ضحك الجميع علي مزحهم الذي لم يظهر الا بوجود دنيا

اسد:ليه وانت تبات بره اوضتك ليه يا حاج وانت عملت حاجه غلط

الجد بضحك استغرب له الجميع فهو لم يضحك هكذا منذ زمن:ههههههه اصل بعيد عنك مهتعرفش اللي هيحوصل لما مرت عمك وامك يتجمعوا بيبقوا كيف ريا وسكينه اكده

اسد ابتسم:لا اذا كان اكده ابقي تعالي يا بوي السرير كبير صعبت عليا والله

قالت دنيا بدون وعي وصدمه:ايه ده انت بتعرف تضحك

انفحر الجميع علي كلامها ومنظرها المصدوم معادا اسد

اسد بسخريه: ليه يعني شايفني معنديش اسنان علشان اضحك

دنيا:لا اصلك كنت شبه الاصنام لا بتضحك ولا حتي بتبتسم استغربت بس

ساره:ايه اسد طبعا بيعرف يضحك ده الكل بيتمني بسمه منه

اسد بخبث:تسلميلي يا ساره

ساره بخبث وضحكه:تسلم من كل شر يا ولد عمي

مالت دنيا علي عمها وقالت: هو جو العشق الممنوع ده هيخلص امتي لحسن هي مراره واحده الي عندي وشكلها هتفرقع

يوسف وهو يكتم ضحكته: لا متقلقيش هيخلص علطول اسد مش بيتحدت معاها كتير

دنيا براحه:طمنتني يا جو اللهي يطمنك يا شيخ علشان الضغط عندي بيعلي من المحن ده وبعدين هولاكوا بيضحك اول مره اشوف هولاكوا بيضحك

يوسف بصدمه واستغراب:هولاكوا مين ده يا دنيا

دنيا بلامبلاه:الاخ ابنك ده نسخه من هولاكوا

انفجر يوسف في الضحك والتفت له الجميع ينظرون له بأستغراب

يوسف بأنفاس متقطعه من الضحك:ههههههه.هولاكوا ههههه اسد بقي اسمه.....هولاكوا (فضحت البت ربنا يخدك )

نظر له الجميع بصدمه ونظرت دنيا بخجل لهم وما هي الا ثواني حتي انفجر جميعم بالضحك وتركهم اسد وصعد بغضب وتبتعته ساره

دخل اسد غرفته وغلق الباب بعنف

اسد: بقي حتت البت دي خلاتني مسخه للبيت والله لوريكي ثم ابتسم بتلقائيه عندما تذكر مزحها مع الجميع وضحكتها التي سحرته فاق علي صوت طرق علي بابه

عقد حاجبيه بأستغراب فمن سيأتي له الان وفتح الباب ونظر بأستغراب

اسد:انتي.........
#معشوقه_الأسد

(البارت التالت)

سمع اسد صوت طرق علي باب غرفته عقد حاجبيه بأستغراب وذهب لفتحه وجد دنيا

اسد بأستغراب: انتي

دنيا بحرج: احم ممكن تخرج اتكلم معاك دقيقه واحده

اسد بسخريه: ليه عايز تكملي المسخره بتاعت تحت عاد

دنيا بكسوف: ا انا مكنتش اقصد عمو هو اللي بسم الله مشاء مبيسترش احم علي العموم انا جايه اقولك اسفه علي اللي حصل تحت و.......

قاطعها صوت ساره الغاضب (الله يحرقك كانت هتعتزر ونخلص)

ساره بغضب: وه اسفه اسفه بس اكده ده انتي المفروض كمان تحبي علي يده هو اللي حوصل تحت ده قليل

دنيا ببرود: والله دي حاجه متخصكيش اعتزله ولا لا ميخصكيش

ساره بغضب من برودها: ماليش صالح كيف عاد ولد عمي ده ولا لا ده وادافع عنه علي الاقل بحترمه مش ذيك قله ربايه صحيح

دنيا بصوت عالي: لا بقي انتي زودتيها قله ربايه مين يا ماما انتي متعرفنيش مش علشان بكلمك بأحترام وادب ابقي هبله وعبيطه ومعرفش ارد لا صحصحي كده وفوقيلي ميغركيش عيني العسلي دي ولا وشي الطفولي لااااااا ده انا شوارعيه (ايوه بقي خرجيلها فتحيه المفتريه واديلها)

كان اسد ينظر بصدمه من منظرها وطريقه كلامها فلم يتخيل منظرها بتلك الطريقه وكتم ضحكته بصعوبه (هو انت مبتضحكش غير في المصايب)

ساره بصدمه: انتي بتكلميني انا اكده يا بت البندر ده انتي ليلتك سوده وكنت سوف تقوم بالهجوم عليها لو سماع صوت جدها الذي اوقفها بمكانها

الجد بحده: وه فيه ايه اللي بيوحصل اهنا

مثلت ساره البكاء وقالت: الحقني يا جدي بت عمي اللي لساتها وصله عايزه تضربني

يوسف: كلام ايه الي بتجوليه (بتقوليه) ده يا ساره

ردت دنيا بنرفزه: ايه يا محنو يا بت تمثيلك اوفر اوي عاملالي فيها غلبانه اومال مين اللي كان عامل سبع رجاله في بعض وعايز يضربني

عزيز: دنياااااا مش معقول كده خليني افهم اللي حصل ما ترد يا اسد انت اللي كنت واقف ايه الموضوع

اسد ببرود: واقول ايه يا عمي والحريم مكنوش محترمين ان فيه راجل واقف وعلوا صوتهم

غضبت دنيا منه فهو لا يهمه الاتهام المتوجه لها بالظلم ويهمه منظره ثم نطت عليه بنطه مفاجئه ومسكت مقدمه عبائته تحت نظرات الجميع المصدومه: ولااااااااا بقولك ايه مش وقت فخامتك وعظمتك انا والنعمه خلقي في مناخيري هتقولي الي حصل ولا ............

اسد وهو يبعدها بغضب وقال بصوت جهوري اخاف الجميع فهو الان في اكثر حالات غضبه: ولا ااييييه يا محترمه يا متربيه انا من ساعت ما شوفتك وانتي مش مبطله تريقه وحديت ماسخ وانا بسكت واعدي علشان عمي لكن لحد اهنا وتفرميلي مش اسد الدمنهوري الي يتمسك اكده ده اتخن راجل معرفش مش ميعرفش كمان ميستجراش حتي يعملها وانتي تعمليها اقطعلك ايديكي فاهمه

اخافت دنيا منه ولكنها جمعت شجاعتها وقالت بصوت مخنوق ودموع متحجره: لا مش فاهمه ومش عايزه افهم انا غلطانه اصلا اني عملتلك قيمه وجيت علشان اعتزر وخليت واحده حربايه ذي دي و اشارت علي ساره: تطلعني اني ظالمه وحشه انا فعلا كان عندي حق لما قولت لبابا مره انا مينفعش اقعد هنا وانت اثبت ده وكانت سوف تذهب ولكنها وقفت وقالت له:واه مش اسفه علي للي حصل دلوقتي او اللي حصل في الجنينه وتركتهم وذهبت بدموع شديده

الجد بصرامه:اسد ويوسف و عزيز علي المكتب تحت يلا ورايا وذهب الي مكتبه واتجه الثلاثه خلفه

في غرفه دنيا كانت تبكي بشده فعندما حاولت الاعتذار اتهمت بأنها حاولت ضرب ابنه عمها والاخر لم يتكلم ولا بحرف ويدافع عنها واصبحت امام الجميع هي الخاطئه دخلت كريمه وفاطيمه عليهم

جلست فاطيمه تربت علي شعرها وتهدئها

فاطيمه: اهدي يا بتي بس دموعك دي مش هتفيد بحاجه واصل احكيلي اللي حوصل

كريمه بدموع: انا مصدقاكي يا دنيا

رفعت دنيا ونظرت لها بصدمه: ايه

جلست كريمه بجوارها واخذتها بأحضانها: اللي بيحصلك ده حصلي زمان وعارفه انك مضربتهاش وانها هي اللي كانت عايزه تضربك عارفه كل حاجه يا حبيبتي

نظرت دنيا لها بدون فهم:يعني ايه كان بيحصلك زمان

فاطيمه:امك زمان كان فيه مشاكل بينها وبين مرت عمك اللي هي ام ساره الله يرحمها وكانت كيف بتها اكده تعيط وتتمسكن وتخلي الكل يصدقها وساره طالعلها

دنيا:وهي كانت بتكرهك ليه يا ماما

كريمه بابتسامه:هتعرفي كل حاجه في وقتها يا حبيبتي المهم دلوقتي بلاش دموعك

فاطيمه محاوله مضاحكتها:نفسي اعرف بتعيطي كيف ده انتي كنتي هتموتي ابني في ايديكي جيبتي القوه دي كلها منين يا بت نطيتي نطه كنتي كيف القرد

ضحكت كريمه وقالت:ههههههههه صح يا بت يا دنيا عملتي كده اذاي ده انا مستغربه ان اسد مرمكيش من البلكونه

دنيا:ده واحد بارد شايف البت الملونه دي بتتبلي عليا ومش راظي يتكلم مع انه حاضر الحوار من اوله ويقولك مش محترميني انت كنتي بترضعيه ايه يا بطه وهو صغير برود

فاطيمه:ههههههه يخرب عقلك يا دنيا لا يا حبيبتي كان بيرضع ذي البني أدمين والله هههههه

دنيا:بني أدمين ايه يس يا بطه قولي غيلان تيران حاجه ذي كده بني ادمين غريبه دي

فاطيمه:ههههههه والله انتي مشكله

كريمه وهي تضرب دنيا عي مقدمه رأسها :بطلي لماضه قوليلي بس هو ايه اللي حصل

سردت لهم دنيا ما حدث

كرميه بصدمه: يعني انتي كنتي راحه تعتذرلي الاسد

فاطيمه مكمله:وهو وقف الاول يتكلم معاكي اكده عادي

دنيا بأستغراب:اه عادي اومال كنتي عايزاه يخدني بالاحضان والبوس

كريمه:اتلمي يا قليله الادب يلا نامي دلوقتي وبكره نبقي نشوف اللي هيحصل

دنيا:انا لسه هستني لبكره انا عاوزه اسافر

فاطيمه:اخس عليكي يا دنيا عاوزه تسبيني ده انا حتي حبيتك

دنيا:والله وانا كمان يا فاطوم بس ربنا يسامحه اللي كان السبب انا مش هعرف اقعد مع هولاكوا والبت اللي شبه الساحره الشريره دي في بيت واحد

كريمه:ربنا يحلها يلا تصبحي علي خير وتركهم وخرحوا وذهبوا لغرفه كريمه وكل واحده شارده

كريمه:معقول دنيا كانت راحه تعتذر دي عمرها ما عملتها

فاطيمه:واسد وقف اتحدت معاها اكده من غير ما يتعصب ولا حاجه كيف اكده

ثم نظروا لبعضهم وضحكوا بخبث (دلوقتي عرفت الرجاله بتخاف ليه لما تجمعوا مع بعض)

كريمه:ممكن يكون اللي في بالي

فاطيمه بخبث:ممكن يا خيتي المهم دلوق هنعمل ايه

كريمه:انا هكلم اكرم ابن اختي فاكراه ده اللي هو اخو دنيا في الرضاعه

فاطيمه:وده هتعوزيه في ايه يا كريمه

كريمه بخبث:هقولك.....................

وبعدما سردت لها خطتهم

كريمه:بس وبكده هنشوف اللي هيحصل

فاطيمه:موافقه ومش هقول لاسد او ساره انو اخوها

في المكتب بلاسفل

اسد بعصبيه وهو يقف من علي مقعده:اعتذر اعتذر يا جدي هو مين فينا اللي غلطان

الجد بحده:لما تتحدت معاي تتحدت بأدب يا بن الدمنهوري وبعدين ايوه هتعتذر انت اللي غلطان انت مجولتش علي الحقيقه من الاوحا وقفت ساكت كأنك بتتفرج علي مسرحيه اياك

اسد بسخريه:لااااااه وهي لسمح الله وقفه ساكته دي كانت عاوزه تضربني اتخبلت في نفوخها عاد

عزيز بهدوء:اسد انا عارف انك زعلان من دنيا مش زعلان بس لا ده انت مضايق كمان علشان موضوع بتاع هولاكوا وكده يعني وكتم ضحكته وهو ويوسف ونظروا لبعضهم

يوسف:هي كانت بضحك مكنتش تقصد يا ولدي وكمان طلعت علشان تعتذر خلاص بقي

اسد بعند و عصبيه وهو يتجه خارج المكتب:لو اطربقت السما علي الارض ما هعتزرش مش اسد الدمنهوري اللي يعتذر

ثم نظروا جميعهم لبعض وانفجروا بالضحك علي لقب اسد (هولاكوا)

في صباح اليوم التالي كانوا جميعمهم متجمعين في بهو القصر

الجد:اكده يا دنيا عاوزه تزعليني منيكي تمشي كيف يا بتي وانتي لساتك جايه امبارح

دنيا:معلش يا جدو هبقي اجيلك تاني والله

عزيز:يا دنيا حبيبتي كده هتزعلي جدو منك يومين كمان ونرجع يا قلبي

كريمه:خلاص بقي يا دودو متزعليش جدو وبعدين ده فيه مفاجئه

دنيا:مفاجئه ايه

وفاجأه صمعوا صوت طرق علي

دخلت الخادمه:في واحد بره يا بيه ييقول انه عاوز ست كريمه
الجد:واحد مين

ثم دخل الشخص

اكرم:سمو عليكوا يا اهل الدار

نطت دنيا من مقعدها وقفزت بأحضانه كالطفل:كرومي

احتضنها اكرم بحب اخوي:وحشتيني يا دودي
استوووووووووب
(اكرم محمود:شاب يبلغ من العمر 25عاما طويل ذات جسد رياضي وعيون زرقاء لديه شركه ديكور صغيره ولكنه بأجتهاده سوف تكون من اكبر الشركات مرح جدا ويحب اخته دنيا بشده وهما الاثين سر بعضهم)

عزيز:يا بت اوعي كده خليني اسلم علي الواد

دنيا بطفوله وهي متعلقه في رقبه اكرم: لا كرومتي وحشني

كريمه: يا دي النيله مش هعرف اسلم علي الواد تعالي يا اكرم سلم علي الناس اللي قاعده وسيبك من بنت المجنونه دي

قام اسد ووقف بعصبيه: ايه قله الحيا دي ما تحترمي الرجاله اللي قاعدين واقفه متشعلقه فيه اكده ولا حد مالي عينك

دنياالتفتت ليه وقالت بعصييه:دي حاجه متخصكش انا من هنا لغايه ما امشي مش عايزه اي كلام بيني وبينك

اكرم محاول تهدئه الموقف:اهدوا يا جماعه وانت يا استاذ انا ابقي ا.....

قاطعه اسد وخرج وقال
اسد وهو يخرج من القصر:انا خارج بدل حرقه الدم دي

ساره وهي تتجه للدرج:ما بقاش في حيا ولا خشا

دنيا بصوت عالي:سبنهولك يا محترمه يا بلسم

اكرم:بااااس مركبه ميكرفون احم سلامو عليكوا كلاكيت تاني مره معلش يا جماعه

الجد بابتسامه:نورت يا ابني اتفضل اقعد معلش علي الي حوصل ده

اكرم بابتسامه:حصل خير يا حاج

الجد:لا حاج ايه بقي انت تقولي يا جدي خلاص

اكرم :جدي ايه بس ده انت حتي لسه صغير وحليوه بص ليكي عندي عروسه حاجه ايه لوز اللوز

دنيا وهي تضربه بكوعها في بطنه:تعرف تلم شويع

اكرم :اااااااه ربنا علي المفتري الحق عليا بخدم الرجال

يوسف :ههههههه باين عليك مصيبه انت كمان

اكرم :اومال مش اخو ذقرده اللي قاعده جنبي دي

نظرت له دنيا بشرار:ذقرده مين ياض

اكرم:يااض مين يا بت شكلك وحشك التعليق بتاع زمان

دنيا ببرأه:ليه بس يا كرومي ده انت حتي منورنا والله

اكرم بثقه :ايوه كده جيبي وره ناس ما بتجيش غير بالعين الحمره

دنيابمرح:او زرقه ذي بتاعتك كده يا عسليه انتي

اكرم :الحقي بنتك يا كريمه بتعاكسني وكده سمعتي تروح والواد مننا مالهوش غير سمعته

انفجر الجميع بالضحك علي هذا المشاكس

ثم ذهب جميعهم لتناول الطعام فجلست ساره امام اكرم دون ان ترفع عينناها به وكانت دنيا تجلس بجانبه

مال اكرم علي دنيا:هي مين الاخت اللي مش طيقاني من ساعه ما دخلت دي

دنيا بهمس:دي ساره بنت عمي التاني حاجه كده شبه ريا وسكينه بعيد عنك

اكرم وهو ينظر باتجاه ساره:ريا وسكينه ده ملاك يا بنتي

دنيا بغيظ:ملاك بلاش اقولك ملاك ده مين علشان متزعلش وكل وانت ساكت

اكرم:والله لاكل الاول علشان هفتان وبعد كده هقوم اشلوحك

واكملوا طعامهم ثم اتي تلفون للجد جعله ينتفض بفزع

الجد:ايه بتقول ايه ...