رواية دكتور افقدني اغلي ما املك البارت الثالث 3 بقلم اسماء حسن
دكتور_افقدنى_اغلى_ما_املك
اسف جدا جدا علي التأخير
الجزء_الثالث
سارة : ترفع رأسها وتنهال بالبكاء 
ملك ومجدى : ماالك ياسارة فيكي ايه حد مزعلك
ملك : هو انا زعلتك ياسارة في حاجه بتعيطي ليه
مجدى : بطلي عياط ياسارة عايز افهم مالك
سارة : روحوني البيت ، انا عايزة اروح من فضلكم
مجدى : طيب طيب يلا هاجيب تاكسي
ملك : اسندى عليا ياسارة وحده وحده لحد ما مجدى يرجع
ساره : مش قادره ياملك
ملك : طيب اهدى ياساره وقوليلي مالك عشان خطرى
مجدي : يلا ياساره التاكسي برا
ملك : هاتي ايدك يلا
ساره : مش قادرة تقوم من وجعها
ملك : طيب اسندى علينا انا ومجدى
سارة قامت معاهم ودموعها المحرقه تسيل من شدة الوجع
دخلو التاكسي
مجدى : على اقرب مستشفي ياسطا
ساره : بصراخ وسط بكاء لااااأ روحوني عالبيت مش عايزة اروح مستشفى
ملك : طيب نوصلها عالبيت يامجدى ونعملها اللى هى عاوزاه
وصلو بالتاكسي لبيت سارة ونزلو من التاكسي
مجدى : تحبو اطلع معاكم عشان اسندها
سارة : لأ يا مجدى ماتطلعش معايا اهلي مايعرفوش عنك حاجه سلام انت
ملك : خلاص يامجدى انا هاطلع اوصلها امشي انت
مجدى : لأ انا هستناكي هنا حتي لو ساعه
ملك : طيب هاطلعها واطمن عليها واجيلك
ملك : خبطت عالباب وكريمه فتحت الباب
كريمه : سارة مالك يابنتي
سارة : بكاء لا ينتهي
ملك : ماعرفش ياطنط هي من وقت ما جت الصبح وهي تعبانه بس من شوية تعبت اكتر
كريمه : اه يابنتي اصلي درسها كان وجعها وهابقى اويها للدكتور بليل
سارة : دخليني ياملك على السرير بتاعى من فضلك
كريمه : ادخلي يا ملك انا هاجبلها مسكن وجيالكم
كريمه : دخلت غرفتها وبكت للحظات وجابت المسكن ورجعت لغرفة بنتها وعطيتها الدوا واعدت جنبها لحد ما بطلت عياط وبقت كويسه
سارة : ملك متشكرة جدا خلاص روحي انتي عشان ماتغبيش عن ولدتك
ملك فهمت ان مجدى مستنيها تحت
ملك : اوك ياسارة سلام ياحببتي
كريمه: سلام يا ملك ومتشكرة يابنتي لتعبك
ملك مافيش تعب ولا حاجه سارة اختي وهي عارفه وانا هاتصل اطمن عليها بليل عالساعه 10 تكون رجعت من عند دكتور السنان
كريمه : ماشي يابنتي في امان الله
مجدى : هااا طمنيني في ايه وبتعيط ليه
ملك : ممتها قالت ان درسها بيوجعها
مجدى : طب ماقلتلناش ليه كنا ودناها للدكتور
ملك : خلاص ممتها معاها احسن وانا هاطمن عليها بليل
مجدى : انا مش هاعرف اتصل علي سارة ،لما تكلميها بليل طمنيني
ملك : اوك انا رايحه عالكليه الحق المحاضرة انت جاى معايا
مجدى : طيب يلا بينا
دخلت كريمه على اوضة سارة وقالتلها موضوع التعب دا مش مطمني ولازم نكشف النهاردا بليل
سارة : قولتلك لأ ياماما
كريمه : ماتقعنيش وماترفضيش هانروح للدكتور النهاردا بليل وهاقول لابوكي لما يرجع ومااتكلميش قدام زمايلك في حاجه لحد مانعرف فيكي ايه
سارة : بخزلان ماشي ياماما انا كمان عايزة ارتاح من المي دا بقا
كريمه : يبقي تحضرى نفسك عالساعه 6 وننزل نكشف عليكى و نشوف وفى دكتور خاص انا اعرفه وكويس
سارة : مابلاش دكتور ياماما وخليها دكتورة
كريمه : لأ دكتورة
هما الستات دول ماينفعوش غير في البيت والطبيخ وبس لاكن طب لأ يابنتي دكتور احسن
سارة : طيب يا امي ال انتي شايفاه صح انا معاكي فيه بس استريح
كريمه : تتغدى
سارة : ماليش نفس سبيني انام يمكن اهرب من القلق ال انا عايشه فيه
كريمه :نامي ياساره وان شاء الله بسيطه ومايكونش في حاجه
سارة : يارب ،،،، اقفلي الباب وراكي
كريمه : حاضر ، وتخرج من غرفتها وتتصل ب اختها منى
الوووووو
ايوة يامنى عامله ايه
منى : اهلا ياكريمه عاش من سمع صوتك بقالك اسبوع ماتصلتيش
كريمه : الدنيا تلاهي يامنى واخدانا شوية والعيال
منى : ربنا يخليلك مالك وسارة عاملين ايه وعقبال ماتفرحى بيهم
كريمة :الحمد لله كويسين ، يارب ،، بقولك ايه يامنى هو الدكتور ال بنتك مروة ولدت عنده كنتي بتقولى انه شاطر اوى وممتاز
منى : ايوة ياكريمه دا اسمه دكتور امجد دكتور محترم جدا وممتاز وكفايه وشو البشوش وعلى كدا لسا صغير عنده 30 سنه بس ربنا مباركلو فى كل العمليات وبتبقة ناجحه والكل بيحبو
كريمه : طب كويس ممكن تديني عنوان العيادة
مني : ليه يا كريمه في ايه يا اختي فيكي حاجه
كريمه : حاجة بسيطة لما ارجع هابقى اطمنك
منى : العنوان اهو وابقى طمنيني لما ترجعي
كريمه طيب ،،،سلام يامنى
الباب خبط وكريمه فتحت اهلا ياصابر نورت بيتك
صابر : عاملين ايه وسارة عامله ايه
كريمة : سارة نايمه جوا
صابر : انتي سيباها نايمه من الصبح
كريمه : لأ صحت بس
صابر : بس ايه انطقي في ايه تعبت تاني
كريمه : ايوة ياصابر تعبت الصبح بعد مانزلت رحت شغلك واديتها مسكن وراقت وبعدها صممت تروح الكليه وماكنتش راضيه انزلها بس صممت وقالت عندها محاضرة مهمه
صابر : ازاى صممت وراحت الكليه وايه عرفني انها راحت الكليه وايه التعب ال جالها دا شوفي بنتك فيهاايه ياكريمه ولا عملت في نفسها ايه ولا مين جه جنبها
كريمه : عيب عليك ياصابر الكلام دا تقوله على بنتك ،،بنتنا زى الفل ومش صغيرة وبنتي متربيه احسن تربيه
صابر : اومال ايه تعب بنتك دا وازاى تصمم وتمشي كلمتها عليكي انها تنزل انا قلقان منها بعد ماصممت تنزل
كريمه :بلاش الكلام دا على بنتي استغفر ربك وماتغلطش بالكلام عليها وبنتي كانت في الكليه وتعبت في الكليه وال جابتهالي ملك صحبتها
صابر : طب والعمل
كريمة : انا هاوديها لدكتور كويس
صابر :نعم نعم دكتور مش دكتورة اهو دا اللي ناقص ،طبعآ لأ ماترحش لدكتور
كريمة : الدكتور كويس ياصابر ودا ال ولدت عنده مروة بنت اختي وانا شفته وممتاز جدا ودول حالفين يمين علي شغلتهم وانا هاكون معاها
صابر : بلاش كلامك الفاضي دا ،احنا صعايده انتي عايزة اخواتي ياكلو وشي انا هاكلم اخويا ياخدها لابنه احمد وخلينا نخلص من الفضايح ال عايزة تعملهلنا
كريمة : بتسمي الكشف والعلاج فضيحه ،انا ماليش دعوة بيك وباخواتك بنتي اهم حاجه عندى واحمد ابن اخوك ربنا يباركله مافهوش عيب بس بنتي تخف وتبقي كويسه وهي ال توافق عليه ،واعمل حسابك انا رايحه ببنتي عند الدكتور يعني رايحه وعايز تيجي معانا تطمن على بنتك تعالى ولو مش عايز براحتك
صابر : لا مش هاروح معاكم روحو انتو
كريمه : ذهبت علي غرفة سارة تطمن عليها عامله ايه ياسارة ،ايه يابنتي انتي تعبتي تاني ولا ايه بتعيطي ليه
سارة : انا كويسه يا امي بس سمعت حديثكم انتي وبابا ،بابا ظلمني بكلامه الجارح
كريمه: ماتزعليش يابنتي انتي ست البنات وواثقه فيكي وحضنتها واعدت مع سارة في الاوضه وغضبت من صابر
كريمه : سارة انتي نمتي ياحبيبتي قومي يلا الساعه خامسه ولازم تتغدى عشان نلبس وننزل عند الدكتور
سارة :ماليش نفس
كريمه : مش عايزة اسمع الكلمه دى انتي ماكلتيش حاجه طول النهار ولازم تاكلي ولو ماكلتيش انا كمان مش هاكل
سارة :طيب ياماما هاكل معاكي لقمه
كريمه : طيب انا هاقوم اجيب طبقين انا وانتي وناكل هنا سوا
سارة : طيب يا امي
كريمه راحت تسخن الاكل وحطت لصابر طبق الرز والخضار عالسفرة ودخلت الاوضه وقالتله اكلك عالسفرة
صابر : هاتاكلو معايا
كريمه : لا كل لوحدك انا وبنتي هاناكل مع بعض
صابر : بالسلامه
كريمه : سبلي فلوس عشان هانتغدى وهاننزل للدكتور
صابر : حاضر هاسبهملك عالكمدينو
كريمه : يلا ياسارة ياست البنات ناكل
سارة بأبتسامه انا فعلآ جعانه وشكل الاكل يشهى
كريمه بالصحه والعافيه ياقلب ماما
كريمه : كلى ياسارة انتي مش بتاكلي كويس
سارة : انا باكل اهو ياماما
كريمه : ماتقلقيش ياسارة هانطمن وان شاء الله خير....
