أخر الاخبار

رواية احببتها بعد عذابها الفصل الثالث 3 بقلم منار رمضان


رواية احببتها بعد عذابها الفصل الثالث 3 بقلم منار رمضان 


البارت الثالث 💔 💔
مراد : حور قولتى ايه
حور : ليه
مراد : هو ايه اللي ليه
حور : ليه انت اللى تتجوزنى انت مغلطش معايا بالعكس انت كنت بتقف جانبى طول الوقت ليه مش هو اللى غلط يصلح غلطته ولا خايف
مراد : بصى يا حور انا عاذرك وفاهم احساسك كويس جدا بس صقر بصراحه مش هيقدر يعمل كده هو عمره ما فكر أنه يتربط بحد صقر طول عمره ببكره الستات بسبب حاجه حصلت معاه زمان وهو متعقد منها وانا عشان مخونش صاحبى فى سره مقدرش اقولك ايه السبب ده
حور بدموع : مهما كانت اسبابه مينفعش يعمل كده فى بنات الناس وحد غيره يشيل مكانه انا كده بظلمك معايا
مراد : صقر لما يكون مع واحده بيكون بمزاجها وبارادتها انتى اول واحده تتغصب على حاجه وانا مش مظلوم ولا حاجه انا فعلا لما شوفتك اول مرة فى المصنع عجبتينى وكنت عايز اتقدملك مع انى مكنتش بفكر فى الجواز خالص بس لما شوفتك قررت انى اتقدملك وميهمنيش مستواكى المادى والكلام ده انا عايزك عشان انتى حور وبس
حور بعياط : انا خايفة تندم أو تعايرنى بحاجة غصب عني مش بأرادتى
مراد قاطعها : حور بلاش دموع عشان خاطري انا فعلا عايز اتجوزك وصدقينى هحميكى من اى حد حتى لو صقر
حور سكتت ومردتش ومن جواها بتتعذب ومش عارفه هى بتعمل ايه ولا ايه اللى بيحصل معاها وبتفكر هى عملت ايه في حياتها عشان يحصل فيها كده
قاطع تفكيرها دخول الدكتور
الدكتور : أستاذة حور عاملة ايه دلوقتي
حور بدموع : الحمدلله
الدكتور : الحمدلله ممكن تخرجى النهارده لو عايزة
حور : ماشى شكرا
مراد : شكرا يا دكتور
الدكتور : العفو
وسابهم ومشى
مراد : هتطلعى معايا
حور : هطلع معاك اروح فين
مراد : على قصرى انتى من النهارده مسؤلة منى
حور : لا مينفعش طبعا
مراد بتفكير : طيب ايه رايك اروحك لمامتك
حور : عشان تموت صح
مراد : تموت ليه محدش هيقولها حاجه
حور : يعنى ايه محدش هيقولها عايزنى اخبى حاجه زى كده
مراد : أيوة تخبى انا هرجعلك لمامتك وهاجى اتقدملك رسمى ادامها وادام الناس كلها
حور : قول انك بتهرب من دلوقتي خلاص مش فارقة انت بس خرجنى من هنا وانا هتصرف
مراد : انتى مجنونة لا طبعا لازم تثقى فيا انا مش هحرمك من حاجه هاجر اتقدملك واعملك فرح فى احلى قاعة في مصر وهتلبسى احلى فستان كمان انتى مش اقل من اى بنت
حور بدموع : انا مش عارفه من غيرك كنت هعمل ايه
مراد مسك ايديها بالراحة: مش عايزك تعملى حاجه غير انك تثقى فيا
حور : وانا بثق فيك وحاسة انك هتقدر تحمينى وتحافظ عليا
مراد بابتسامة وسيمة : هحافظ عليكى جوة قلبى وعيونى كمان يلا نخرج ونروح عند مامتك واحنا أن شاء الله فى خلال شهر هنكون متجوزين
حور : أن شاء الله بس هقول ايه لانى انا بقالى شهرين برة البيت زمانها قلبت الدنيا كلها عليا
مراد : سيبى موضوع مامتك عليا متقلقيش
حور ابتسمت
فى قصر صقر الشناوى
صقر : خلاص يا خالتى كلت والله كفاية
احلام وهى بتاكله : لا لسة شوية انت خسيت جامد اوي يا حبيبي
لينا بتضحك : خس ايه بس يا خالتو ده عامل زى درفة الدولاب اهو بعضلاته دى
احلام : ما هو نأك ده اللى جايبه لورا
صقر : قوليلها يا لى لى انى مش بتأثر انا صقر الشناوى
لينا بتصقف : ايوووة يااا جاااااامد
كلهم ضحكوا عليها
فى المستشفى
مراد : جاهزة يا حور
حور : أيوة بس انا مش عندى هدوم
مراد ابتسم : متقلقيش انا جايبلك هدوم فى الحمام ادخلى غيرى وانا هستناكى هنا
حور : حاضر
حور راحت تغير هدومها
صقر اتصل بمراد
مراد : أيوة يا صقر
صقر : عملت ايه مع البنت دى
مراد بضيق منه : مفيش هروحها البيت
صقر : معرفتش مقالتش للظابط عليا ليه
مراد : قالتلى يعنى انا لما اعترف عليه ايه اللي هيحصله مش هيتاثر وكده
صقر : طيب اخلص منها وتعالى عايزك عشان الصفقة الجديدة
مراد : هخلص منها حاضر هوديها لأهلها
صقر : مش لازم انت توديها اديها فلوس أو ركبها تاكسى وخلاص
مراد : هوصلها انا اهو نكون عملنا فيها جميلة عشان متفتحش بوؤها بحاجة
وقفل معاه مراد بص وراه لقى حور بتبصله بدموع
مراد راح عندها : والله العظيم انا مقصدش
حور بعياط : ابعد عنى كلكم زى بعض انا غلط لما وقفت فيك
مراد مسكها من كتفها : والله العظيم انا بقوله كده عشان عايز أبعده عنك وميعرفش عنك حاجه والله ده صاحبى وانا عارفه بيفكر ازاى
حور : يعنى انت هتتخلى عنى
مراد : والله عمرى ما اتخلى عنك ابدا اتخلى عن الدنيا كلها ومتخلاش عنك انتى وانا لسة عند وعدى ليكى مش هسيبك ابدا يلا بينا
حور : يلا
فى منطقة شعبية وصل مراد وحور
مراد : هنا
حور : اه البيت ده
مراد : طيب يلا
حور : هتنزل معايا
مراد : طبعا لازم اطلع معاكى
طلعوا شقة حور فى عمارة بسيطه جدا وخبطوا على الباب ومامتها فتحت
ام حور بدموع : حوووور بنتيي
حور اترمت فى حضن امها : وحشتيني اوي يا ماما
ام حور : كنتى فين ده احنا قلبنا عليكى الدنيا كلها
مراد من ورا حور : السلام عليكم
ام حور : وعليكم السلام يا بنى انت مين
مراد : طيب هتفضل واقفين على الباب كده
ام حور: لامؤاخذة يا بنى اتفضل
مراد : انا مراد الشاذلى الرئيس التنفيذي لشركات الصقر المعمار ورئيس حور فى الشغل
ام حور : اهلا وسهلا يا بنى بس انتى كنتى فين يا حور طول المده دى وشكلك تعبان اوي
مراد : معلش يا حاجة بس حصلت ظروف فى الشغل واضطرينا أننا نسافر اسكندريه الشهرين دول عشان بندرب الناس الجداد زى حور وكده وكمان عشان بنعمل مصنع جديد
ام حور : طيب ليه معرفتنيش
حور : والله يا ماما تليفونى ضاع منى وانا فى المصنع ومعرفتش اكلمك والله ماتزعليش منى
مراد : مش حور لوحدها اللى حصل معاها كده ده كل زمايلها فى الشغل بردوا كان ممنوع الموبايلات خالص فى الشغل انا بس حبيت اجى معاها لأنها كانت قلقانة وخائفة عليكى وحبيت اوضحلك بردوا اكتر منها الموقف اللى حصل
ام حور اطمنت : طيب يا بنى ربنا يطمنك ويطمن قلبك ده انا كنت هموت عليها بس الحمدلله جت سليمة
حور ومراد : الحمدلله
مراد : وده موبايل جديد ليكى يا حور بدل اللى ضاع منك
ام حور : ليه بس غلبت نفسك
مراد : لا ولا غلبت ولا حاجه ده مش لحور بس ده كمان لكل زمايلها اللى كانوا معاها اتعوضوا بردو
حور باحراج : بس
مراد : خلاص يا حور مفيش حاجه اسمها بس هدى الموبايل ومبروك عليكى استأذن انا
ام حور : خليك معانا اتغدى
مراد بص لحور عشان يطمنها أنه جاى : معلش عندى شغل مرة جاية اوعدك اني اجى واتغدى معاكوا وهعرف حور قبلها
ام حور : طيب يا بنى مع السلامه
مراد طمن حور ومشى
صقر بيكلم نفسه ازاى يعنى هو اللى يوصلها وفكرة أن حور هتكون مع مراد لوحدها هتجننه وهو مش عارف ليه مش عايزة تطلع من دماغه
يتبع ......
تعليقات



حجم الخط
+
16
-
تباعد السطور
+
2
-
close