رواية احببتها بعد عذابها الفصل الرابع 4 بقلم منار رمضان
حببتها بعد عذابها 
البارت الرابع
صقر : عملت ايه يا حنين
مراد : وصلتها البيت واضطريت انى اكدب على مامتها إن كان عندها شغل فى اسكندرية عشان كده سافرت
صقر : مش عارف انت شاغل دماغك بيها ليه
مراد : انت مجنون يا صقر انت لحد دلوقتي مش مستوعب المصيبة حرام عليك والله بنت غلبانة زى دى تعمل فيها كده ليه عملتلك ايه يعنى
صقر : بزعيق انت مش عارف يعنى هى عملت ايه افتكر عملت ايه ادام الموظفين كلهم يا مراد
مراد : اممم عشان ضربتك بالقلم تروح تعمل فيها كده وتخربلها حياتها ومستقبلها بالشكل ده
صقر بزعيق وغرور : لو طولت اقتلها كنت قتلتها بس انت عارف وعدى انى مهما تتسلى بيهم مقتلش واحدة ست
مراد : يابنى فوق بقا حرام سنين حياتك اللى بضيعها على الماضى مش عشان حصلتلك حاجه تنتقم فى اى واحدة تقابلك يا صقر تخيل كده لو حور دى كانت مراتك كنت هتخلى حد ينتقم من حد تانى فيها أو يا اخى اتخيلها لينا اختك كنت هترضى بحاجة زى كده
صقر تفكيره وقف عند اتخيلها مراتك يااااه كان ممكن تبقى حور مراتى وكانت حبتنى وعايشة معايا وانا كنت حبيتها كمان كان ممكن نكون عايشين مبسوطين حور وهى فعلا حور بس ايه ازاى حد تانى غيرى يلمسها أو يجى جنبها ده انا اقتله لو كان هو مين انسفه من على وش الأرض مفقش من تفكيره غير على صوت مراد وهو بيقول
مراد بزعيق : انا هتجوزها يا صقر وهخليها تعيش معايا واحاول اعوضها عن
صقر مخلاش مراد يكمل كلامه وضربه بوكس فى وشه
مراد بألم : انت مجنووون ايه اللى انت عملته ده
صقر بزعيق : انت عايز تعمل ايه يا مراد تتجوز مين
مراد : هتجوز حور يا صقر حور اللى انت دمرتلها حياتها حور اللى خطفتها شهرين عشان تكسرها وهى كانت مستحيل أنها تسلملك نفسها زى اى واحدة تانية
صقر : ببرود تام : لا يا مراد
مراد عارف الهدوء ده قبل العاصفة : لا ايه
صقر : لا مش هتتجوزها
مراد حب يستفزوا وعرف أن خطته بدأت تنجح : لا هتجوزها يا صقر انت ملكش دعوه
صقر مسكه من ياقة قميصه : اقسم بالله لو عملت اللى فى دماغك ده لا هتكون صاحبى ولا اعرفك وهقتلها وهخلف وعدى
مراد : وانت زعلان ليه اتجوزها متجوزهاش انت ايه اللى مضايقك
صقر بصوت جهورى : عشان اللى ملك لصقر الشناوى مش ملك لحد تانى يا مراد
فى مكان تانى
ام حور : انتى كويسة يا حور
حور واترمت فى حضن امها اد ايه كان حضنها واحشها كان نفسها في الحضن ده فى اصعب وقت فى حياتها
ام حور : مالك يا حور فى ايه
حور : مفيش حاجه يا ماما بس انتى وحشتيينى اوى
ام حور: وانتى كمان وحشتيني اوي ده كنت هموت من قلقى وخوفى عليكى يا قلبى
حور وباست دماغ مامتها : بعد الشر عليكي يا امى
جرس الباب رن حور فتحت لقت ساره صاحبتها
سارة بصدمة : حوووور
حور بعياط : سارة وحشتيني اوي ابت
سارة بتتخقق من وشها : انتى انتى هنا بجد انتى كويسة صح
حور حضنتها : اه كويسة الحمدلله ادخلى تعالى
سارة : لا انا لازم اعرف ماما وبابا عشان قالبين الدنيا عليكى
حور : ماشى
سارة ساكنة فى الشقة اللى جانب حور فى العمارة راحت عند مامتها وباباها وعرفتهم أن حور رجعت وكلهم راحوا سلموا عليها وعرفوا هى كانت فين واطمنوا عليها ساره خدت حور ودخلوا اوضة حور
سارة : حور انا مش مستريحالك مالك يا بت انتى فى ايه
حور بتحاول تخبى : فى ايه يا بت ما انا كويسة اهو مالك انتى
سارة : حور انتى شكلك تعبان جدا وكمان بتقفى بالعافيه حور قولى فى ايه عشان خاطرى مالك
حور عارفة أن سارة هى صاحبتها الوحيدة وهى اللى هتفهمها : طيب بصى بلاش كلام هنا عندنا في البيت عشان ماما ومامتك مش عايزة حد يعرف حاجه
سارة بقلق وخوف : طيب البسى وتعالى نخرج نقعد فى اى حتة وقوليلى
حور : ماشى اطلعى انتى قولى لماما عقبال ما البس
سارة : ماشى انجزى بسرعة
سارة طلعت برة
سارة : بقولكوا ايه
ام حور : ايه
ام سارة : فى ايه يا مجنونة
سارة : بالصلاة على النبي كده انا هاخد المزة اللى جوة دى هخطفها نصاية ونرجع على طول
ام حور :وليه يا سارة ما انتوا قاعدين اهو
ام ساره : بلاش النهارده حور شكلها تعبان
حور طلعت : لا يا طنط انا مش تعبانة ولا حاجه وبعدين انا اللى قولتلها انى عايزة أخرج شوية
ام حور : طيب بس متتاخروش
البنات : حااااضر
سارة اخدت حور وقعدوا فى كافيه على النيل سارة حالتها المادية كويسة جدا عن حور
حور : ليه بس جبتينا هنا
سارة : عشان نبقى براحتنا ومفيش حد سامعنا يلا مالك فى ايه
حور : بصى فاكرة المصنع اللى روحت اشتغلت فيه
سارة : اه انتى قبل ما تختفى كان بقالك يومين بس بتشتغلى
حور : اول يوم
Flash back
مدير المصنع : يا جماعه رئيس المصنع جاى النهارده عشان فى تفتيش حد ناقص
بنت : تقريبا حور لسة مجتش
.... يبقى متدخلش المصنع تانى
كلهم انتبه لقوا رئيس المصنع صقر الشناوى وشريكه مراد الشاذلى
المدير : اهلا اهلا استاذ صقر اهلا استاذ مراد
صقر بزعيق : هو انت مش معرف مواظفينك أن فى مواعيد محددة وانا مش بكره فى حياتى اد اللى يتأخر عن ميعاد شغله
المدير بخوف : اصل حور لسة تانى يوم ليها النهارده عشان
حور دخلت طريقه كوميدية وهى بتقدم رجل وطلع دماغها ادام عشان عرفت أن فى تفتيش بس الساعه 12 دلوقتي الساعه 8 الصبح
حور : لنفسها بس بصوت عالي ومش واخدة بالها من أن كل اللى فى المصنع شايفها : هييييح الحمدلله محدش شكله هنا بس هو انا كده جيت بدرى ولا متاخر يلا مش مشكله ادينى جيت قبل ابو قردان رئيس المصنع ده يجى لحسن الناس كلها عملاله الف حساب يااارب ابو قردان ده ميجيش أو كوتش العربية بتاعه يفرقع ومش يلاقى استبن عشان يغيروا أو يخبط فى شجرة ودماغه تتفتح ويخيط 60 غورزة ياااااااه ده ايه كمية الشر اللى فيا ده انا
.... انتى بتقولى ايه يا بت انتى
حور بتحاول تبلع ريقها وتلف وراها : ينهاراسوح ابو قردان جه بدرى
صقر بزعيق : انا بكلمك تبصيلى
حور لقتله
صقر انتبه اد ايه هى جميلة جدا وصغيرة اوى بس رجع تانى
حور بصعبانية : مقولتش حاجه
صقر بيقرب منها : انا ابو قردان
حور بترجع لورا تحت نظرات كل اللى فى المصنع وكمان مراد
صقر بزعيق : ردى عليا
حور مدت أيدها ادامها عشان تمنعه أنه يقرب : لاااا مين قال كده انت ابو قردان ازاى يا عسل
صقر : لا ده انتى لسانك طويل اوى
حور : لسانى طويل عشان بقولك يا عسل بردوا ده كلام يعنى
صقر لزقها فى الحيطة : اومال مين هو أبو قردان
حور غمضت عيونها : انا شوفته
صقر استغرب ورجع شويه : شوفتى ايه
حور فتحت عيونها بسرعة : ابو قردان كان على العربية برة هى عربيتك بس ده شحورها خالص وكمان كان بيعمل بيبى عليها ينفع كده يااا هو انت اسمك ايه
صقر بزعيق : انتى كمان متعرفيش أسمى ايه انا صقر الشناوى صاحب اكبر
حور : يعنى مفرقتش كتير صقر من ابو قردان وفاجاة حطت ايديها على بوؤها تقفله
صقر : لا بقا ده انتى مش متربية خالص انتى لو كان ليكى أهل كانوا عرفوا يربوكى كويس وانتى بتتكلمى مع اسيادك يا زبالة
حور انصدمت من كلامه هى بتضحك وبتهزر وكلامها بيطلع تلقائيا كده ولحظة
حور ضربته بالقلم ادام المصنع كله وصدمتهم : انت متجبش سيرة أعلى على لسانك ده تانى انت فاهم انا أعلى اشرف منك مليون مرة وانا مش جارية عندك عشان انت تبقى السيد بتاعى وكمان انا مش زبالة انت اللى زبالة انت فاااهم
زقته وجت تخرج
صقر مسك ايديها وضربها بالقلم وخلاه الحراس تطلعها برة وتستناه
صقر زعق فى كل اللى كانوا وكمان رفد المدير بسبب تعينه الزبالة دى من وجهة نظره
وطلع برة
مراد : أهدى يا صقر
صقر : أهدى ايه يا مراد انا محدش قدر يرفع عينيه فيا دى ترفع ايديها عليا ودينى لندمها على اليوم اللى اتولدت فيه
يتبع .....
