-->

رواية معركة عشق الحيتان البارت الثاني 2 بقلم ديدي فتحي

رواية معركة عشق الحيتان البارت الثاني 2 بقلم ديدي فتحي

     

    رواية معركة عشق الحيتان البارت الثاني 2 بقلم ديدي فتحي  



    💞 قرأه ممتعة 💞
    فهد بغضب... وانا هعرفك مين هو إللي حيوان ولسة هيشدها من دراعها
    صقر مسكها و بمكر و رغبة... مش قبل ما اخد حقي منها واعرفها مين هو صقر سلطان الحسين
    فهد بغضب وثقة... لا لا خلي عنك لأن انا هعرفها ازاي تتطاول علي حيتان المخابرات
    وصقر بصلها و بشر و انتقام... خليكي واثقة من حاجة واحدة بس... اني مش هسيب حقي منك أبدا ولازم اندمك علي اليوم اللي انتي رفعتي ايدك القذرة دي عليه فيه
    همس بغضب و عنف.... وانت خليك واثق اني هدفعك التمن غالي اوي علي اللي انت عملته ده لأنى انا.. ولسه مكملتش... فهد شدها من دراعها وطلع بيها لبره
    وصقر رن علي الشاويش حسن و أمره انه ياخد الاربع بنات اللي لسة موجودين و يرميهم في الحجز
    و قعد علي كرسيه وشرد بذهنه... في شكل همس و جمالها و برغبة... ياااه يا فهد لو كنت اتأخرت شوية كنت دوقت طعم شفايفها ايه... اكيد شفايفها حلوة و شرسة زي صاحبتها و بمكر و خبث... بس اكيد هدوقها مهما حصل
    ✍️ فهد دخل بهمس مكتبه وقعد علي كرسية وباستفزاز... هااا يا حلوه كنتي بتقولي اية من شوية
    همس بغضب اكتر منه... اللي انا قولته هتشوفه بعدين و ده لأني انا متعودتش اتكلم كتير من غير فعل ودلوقتى انا لازم اخرج من هنا حالا
    فهد بمكر و استفزاز اكتر... ومين قالك انى هخرجك دا أنا هخليكي تحلفي بالوقت اللي هتقضيه معانا هنا
    همس بعنف وغضب و مسكت اللوحه الصغيره الخشب اللي مكتوب عليها اسمه وبتهديد....انت هتخرجني من هنا ولا هسيح دمك بأيدي واقول انك كنت بتتحاول تتهجم عليا
    فهد قام من علي كرسيه بمكر و خبث وبيبصلها نظرات ناريه وباستفزاز... طب ليه كنت بحاول... ما انفذ علي طول مع ان ده مش من طبيعتي بس لازم اعلمك الادب
    وقرب منها اكتر... و همس ثابتة في مكانها ولامه هدومها المتقطعة بايديها... وقرب منها اكتر ولسه هيلمس وشها
    همس زقته بعنف و غضب.... احترم نفسك و اوعي تفكر انك ممكن تقرب مني
    فهد بغضب... مع إنك متستهليش اني اقرب منك بس عادي اعمل كدا عشان اكسر أنفك اللي انتي رفعاها في السحاب دي... وقرب اكتر و لف ايديه حوالين وسطها
    وهمس بتزق فيه بس مش قادرة عليه أبدا وبعنف وغضب... ابعد عني يا حيوان ابعد
    فهد بمكر وخبث.... انا هبعد حاضر بس بعد ما أعلمك الادب و اخلي بصمة فهد يامن العمري تعلم عليكي
    *****************************
    ✍️عند رعد👇👇
    رعد راحت الجهاز هي و يامن و الكل قدملها احلى تحيه و دخلت مكتبها
    ويامن دخل وراها و قفل الباب... و رعد لسه رايحة تقعد علي كرسيها تبدأ شغلها... يامن شدها و قعد علي الكنبة و قعدها علي رجليه وبحب و عشق... اديني الاصطباحة عشان اعرف اشتغل لأنك نسيتي تديهالي في البيت
    رعد بحب... علي فكرة انت هتودينا في داهية ومش بعيد بعد العمر ده كله رئيس الجهاز يرفدني انا وانت
    يامن و هو مازال مقعدها علي رجليه... ياريت نترفد عشان اخدك و نروح مكانا في الجزيرة اد سنتين تلاتة كدا
    رعد بضحك وحب... علي فكرة احنا كبرنا علي كدا سيب الكلام ده لعيالنا
    يامن بعشق... انا لغايه ما أموت هفضل احبك واعشقك زي أول مرة شفتك فيها يا رعد قلبي
    رعد بحب و عشق و بتملس علي وشه... بعد الشر عليك يا عمري و دنيتي انت
    يامن قرب منها و من غير كلام وهي مازالت علي رجليه وخطف شفايفها في بوسة شرسة و مجنونة زيه
    وبعد وقت طويل من وضعهم ده يامن سابها عشان تتنفس وقرب منها بحب وعشق و بتأكيد... مش قولتلك بحبك و بعشقك
    رعد بتاكيد اكتر منه... وانا كمان بحبك و بعشقك وبموت فيك ياحبيبي ويلا اخرج من هنا قبل ما نترفد احنا الاتنين
    يامن بابتسامة جذابه تزيد من وسامته... ماشي هخرج ونكمل لما نرجع بيتنا ان شاء الله
    رعد بحب ... ان شاء الله يا حبيبي
    ويامن باس جبينها بحب وعشق و خرج وبعد خروجه
    رعد قعدت تشتغل علي معلومات العملية اللي هيدخلوها
    *******************************
    ✍️عند ياسين في الشركة👇👇
    دي دي راحت مكتبها و هي حزينة و زعلانة من تصرفات مالك معاها مع انها بتحبه و بتعشقه بس هو ولا مرة بادلها الشعور ده ولا حسته منه
    ووافقت بالخطوبة منه علي أمل انه يبادلها نفس الشعور بس هي خلاص يأست منه و من افعاله و سهره كل يوم مع كل واحدة شكل و نزواته اللي مش بتخلص أبدا
    وهي مازالت سرحانة دخل عليها أدم ابن كرم و بابتسامة ساحرة زي عيونه وبحب...هااا يا دي دي عاملة اية و فينك مختفية من الصبح ليه... وقرب منها لما لقاها سرحانة و مغمضة عيونها وسمح لنفسه يملس بأيديه علي وشها
    و دي دي اول ما أدم حط ايده علي وشها فتحت عنيها وبعنف... انت ازاي تسمح لنفسك تعمل كدا هااا ا ازاي
    أدم بتوتر... انا معملتش حاجه انا كلمتك وانتي مردتيش
    دي دي بعنف اكتر... وعشان انا مردتش تسمح لنفسك تعمل كدا ياريت متديش لنفسك حق مش من حقوقك تاني
    أدم بزعل و حزن... انا اسف و مش هتتكرر تاني
    ولسه هيخرج من المكتب... دي دي قامت و قربت منه وبأسف... انا أسفه مقصدتش ازعلك انا بس اعصابي تعبانة و مضايقه فغصب عني طلعت ضيقتي فيك انت مع انك ملكش ذنب ابدا
    أدم بحب وعشق و تفهم... ولا يهمك اعملي فيا اللي انتي عايزاه أهم حاجة انك تكوني كويسة ومشوفش نظره الحزن دي في عيونك تاني
    دي دي بصتله بحزن... كان نفسها تسمع من مالك كدا ويقدر حبها ليه بس هو للأسف مشاعره و قلبه للكل ومش لها ابدا
    أدم بابتسامة... علي فكرة مش لايق عليكي الحزن ده لاني عارف دي دي الفرفوشة اللي بتملي الجو ضحك و لعب وفرفشة و بضحك... يلا بقا اخرجي من الدور ده عشان مش لايق عليكي و ارجعي دي دي اللي انا اعرفها وكلنا عرفينها
    دي دي بأبتسامة... والله عندك حق ايه رأيك نستأذن من ياسو ونخرج نتغدي بره في اي مكان
    أدم بضحك... وهي دي فيها رأي يلا بينا وحتي لو ياسو ما وافقش تقتليه و تخليه يوافق.
    دي دي بضحك... تقتليه و تخليه يوافق شكلك فاهم يا نصة يلا بينا
    وخرجوا من مكتبها و راحوا مكتب ياسين إللي مازال بيتكلم مع ماندوا صديقه في ذكرايتهم سوا وخبطوا وبعد السماح لهم بالدخول
    دي دي بمكر و جريت علي ياسين تبوسه و تحضنه... وحشتني اوي اوي يا ياسو عامل إيه دلوقتي ياحبيبي
    ياسين خرجها من حضنه وبمكر اكتر منها... عليا انا الكلام ده يا بنت رعد عليا... روحي قولي الكلام ده لحد غيري... دا انتي لسه من ساعة قصفه جبهتي و طلعتي تجري واللي نقذك مني عمك ماندوا
    وبص لآدم ابن كرم... وانت يا مجنون انت كمان عايز ايه
    أدم بضحك... ولا اي حاجه يا ياسو عايز رضاك عني بس
    ياسين بمكر... بقا كداااا طب انا راضي عنكوا انتوا الاتنين اتفضلوا اخرجوا بره يلا
    أدم بمكر و ضحك... ايوه احنا عايزين رضاك وكل حاجة بس جنب رضاك ميمنعش اننا نطلب منك إن احنا نستأذن شويه بدري النهارده و نخرج نتغدى بره
    ياسين باستغراب حاول يداريه... ومتتغدوش هنا ليه يا اخوية هو الاكل في الشركة خلص و لا خلص و بص ل دي دي وبعدين متروحي تتغدي مع مالك خطيبك بدل ما تتغدي مع الواد المجنون ده ويجننك اكتر ماانتي مجنونه
    دي دي بحزن و الدموع لمعت في عيونها... لما مالك خطيبي يكون فاضيلي هبقا أروح اتغدي معاه
    ياسين فهم ان مالك مزعلها كعادته وهي بتحاول تخرج من اللي هي فيه بخروجها مع أدم
    وبجدية... علي العموم اخرجوا وانا هعرف ايه اللي حصل بطريقتي
    وبعد خروج دي دي وأدم... ياسين بغضب... انا مش عارف الواد ده هيعقل امتي ويقدر الجوهرة اللي في ايديه اللي لو ضيعها مستحيل يلاقي زيها تاني
    ماندوا بجدية... ان شاء الله ربنا هيهديه... وبضحك... هيكون طالع لمين مهو طالعلك
    ياسين بجديه... انا عمري ما عملت كدا مع وحدة سواء خطيبتي او مراتي ولا حتى مجرد معرفة عادية انا ليا في كل حاجه الا الحاجة دي و مبتعداش حدود الغلط ولا الحرام لكن هو محلل لنفسه كل شئ واي شي وغلبت معاه ابعده عن الطريق ده وهو مصمم في اللي هو فيه
    ماندوا بجدية... ان شاء الله ربنا يهديه انا هقوم اخلص الشغل اللي كنت خارج عشانه وكمان عشان جني متقلقش عليا لو اتأخرت اكتر من كدا
    ياسين بجدية... خلاص ماشي تمام بس لازم تيجي واشوفك تاني ومتخليش الشغل ياخدنا من بعض
    ماندوا بجديه وحب... ان شاء الله وسابه وخرج
    وبعد خروج ماندوا ياسين قام و خرج من مكتبه و راح لمالك و فتح الباب مرة واحدة ولقا مالك قاعد علي مكتبه بيخلص شغله
    ياسين بعنف وغضب... ممكن اعرف عملت اية مع دي دي تاني؟؟
    مالك وهو مازال باصص في الورق إللي في ايده و بهدوء وزهق... انا معملتش حاجه وبعدين ياريت تبطلوا الحصار اللي انتوا عاملينه عليا ده لاني انا كدا وهفضل طول عمري كدا مهما عملتوا او مهما هي اشتكت مني فريحوا نفسكم بقا وريحني معاكم لاني انا زهقت وجبت أخرى من الموضوع الزفت ده
    ياسين قرب منه و شده من دراعه بعنف وبغضب وصوت عالي... لما أكلمك تسيب اللي في ايدك و تسمعني وتتكلم معايا بأدب بدل ما قسما بالله يا مالك اعرفك شغلي معاك
    مالك و هو مازال علي هدؤه... انا معملتش حاجة لكل ده ولو موضوع دي دي ده هو إللي هيخلينا كل شوية في شد و جذب كدا بلاه خالص
    ياسين بغضب... يعني اية بلاه خالص انت اتجننت ولا اية و بغضب اكتر... اوعي تفتكر اني هخسر صديقة عمري عشان خاطر واحد تافه و أناني زيك
    مالك بغضب... وانت اوعي تفكر اني هتحملكوا كدا كتير و هفضل اسمع منكوا محاضرات و مواعظ زي العيل الصغير عشان انا كبرت و مبقتش مالك اللي كلكوا بتضغطوا عليه عشان يعمل اللي انتوا عايزينه عن اذنك
    وسابه وخرج و ياسين واقف هيتجنن من اللي ابنه بيعمله
    و مالك خرج و قرر انه يروح لرعد و يتكلم معاها بخصوص الموضوع ده ويعفي ابوه من الحرج فيه و ركب عربيته عشان يروحلها البيت وينهي موضوع خطوبته من دي دي
    ********************************
    ✍️في الجهاز👇👇
    رعد خلصت شغل علي المعلومات اللي كانت قدامها و رنت علي الشاويش علي وبجدية... شاويش علي روح للفريق بتاعي و بلغه يكون في قاعة الاجتماعات بعد ربع ساعة من دلوقتي
    الشاويش بطاعة... تحت امرك يا فندم و سابها وخرج يبلغ الكل
    ✍️عند فهد ✍️
    فهد قرب من همس و هي بتقاومه و بعنف وغضب... لو قربت مني هخليك تتحسر علي اليوم إللي انت اتولدت فيه فاهم
    فهد قرب اكتر و بمكر و استفزاز... لا مش فاهم وياريت تفهميني يا شرسة انتي وتحسريني علي اليوم اللي انا اتولدت فيه ولسه هيقرب اكتر
    همس سحبت مسدسه و شدت الاجزاء و زقته وبغضب... هتبعد عني ولا افرغ مسدسك في دماغك القذزه زيك دي
    فهد قرب منها وبسهولة شد المسدس ولوا دراعها وراء ظهرها...وبعنف... مش فهد العمري اللي حد يهدده وخصوصا لو من واحده متسواش زيك انتي
    همس بعنف وغضب... انت اللي متسواش في سوق الرجالة جنية واحد يابتاع إنت...إما همس ابراهيم عز الدين تساوي كتير و كتير اوي كمان بس اكيد حيوان زيك مش هيعرف قيمتها ايه
    فهد بغضب... عارفة لو انا مش قرفان منك كنت وريتك فعليا انا راجل ولا مش راجل بس انا هعرفك بطريقة تانيه وهرد علي اهانتك دي يا همس الليل انتي
    وبغضب اكتر شدها من دراعها ولسه هيخرج بيها
    همس بغضب... انا مش هخرج و هدومي متقطعة كدا
    فهد بغضب... وهي تفرق مع الاشكال اللي زيك ولا انتي مازلتي مصممة تعيشي دور العفيف عليه
    همس مردتش عليه و دورت بعنيها في مكتبه علي اي حاجه تغطي الجزء العلوي منها لانه كان نوعا ما مكشوف و عنيها وقعت علي الجاكيت بتاعه وشدت نفسها منه واخدته لبسته
    فهد بغضب... اقلعي الجاكيت بتاعي عشان ميتوسخش من قذارتك
    همس بغضب... اعمل اللي تعمله بس علي جثتي اقلعه و أبين جسمي للحيوانات اللي زيك
    فهد بمكر... تمام ماشي علي العموم مش انا اللي هقلعهولك اللي هوديكي عندهم هما اللي هيقلعهولك و يخلوكي تحلفي باليوم ده ويفضل في ذاكرتك طول العمر
    وشدها من دراعها وخرج بيها و راح للحجز وأمر الحرس اللي عليه يفتحوله الباب وفتحوه
    وقبل ما يدخل الحجز و بغضب...من هنا ورايح انا هكون سجانك يا همس الليل ياشرسه انتي ياللي لسانك أطول منك و رماها بعنف وهمس وقعت علي الارض
    وشاور ل اتنين ستات شكلهم يغني عن السؤال وبمكر و خبث و بيبص لهمس وباستفزاز... البت دي مش متربية وانا عايزكوا تربوها وتخلوها تيجيلي عند رجلي وتطلب السماح مني هاااا هتعرفوا ولا اربيكوا انااا؟؟؟
    الستات بخوف منه...عنينا ليك يا باشا متقلقش إحنا هنربيهالك
    فهد بص لهمس اللي مازالت علي الأرض وبمكر... اتمني ان طريقتي في الرد على اهانتك تعجبك سلام يا همس الليل سلام و سابها ومشي
    والستات بصوا لهمس بشر و وعيد وبتريقه... يعني ملقتيش غير الباشا يا حلوة و تقعي معاه بس متقلقيش احنا هنتوبك وهنخليكي تروحيله و تقوليه حقك برقبتي يا فهد باشا ارجوك سامحني
    وقربوا منها وو........
    ******************************
    ✍️عند رعد👇👇
    الشاويش علي بلغ عدي و كرم و يامن و ادهم و مؤمن ودينا و أسر وكنزي و فهد... ورعد اجتمعت بيهم وناقشتهم في المهمة الخطيرة اللي هما ناوين عليها
    وبجدية و ثقة للكل... انا عايزة في خلال 72 ساعة كل المعلومات الناقصة تجمعوها ومش عايزة أي اخطاء ولازم السرية التامة في كل حاجة بتعملوها عشان نقدر نقبض على العصابة دي لان رفعت المنشاوي مش اي حد... وأي خطاء من حد فيكوا مش مسموح بيه مفهوم؟
    الكل في نفس واحد... مفهوم يا فندم
    أسر بجدية و ثبات... ممكن يا سيادة اللواء رعد تستبعدي المقدم كنزي من المهمة دي ؟؟؟
    رعد لسة هترد قاطعتها كنزي بعنف وغضب و هجوم... مقدم أسر انا حذرتك قبل كدا انك متدخلش في اللي يخصني سواء بالايجاب او السلب... وقدام كل الموجودين ده اخر تحذير ليك و ابعد عن طريقي احسنلك فاهم يأما بعد كدا هفهمك بطريقة تانيه خالص بس أتأكد إن طريقتي المره الجايه مش هتعجبك وحطت المسدس بتاعها قدامه
    وأسر بغضب اكتر منها... وانا قولتلك اني خايف عليكي لأنك اصغر وحدة فينا و مش عايز اعرض حياتك للخطر انتي ليه مش فاهمه كدا و هتفهمي امتي بقا
    كنزي قامت ولسه هتمشي أسر شدها من ايديها ووقفها و بغضب انا لسه مخلصتش كلا...
    وقبل مايكمل... رعد قامت وقفت والكل قام وقف وبغضب وعنف... وخبطت بايديها علي طربيزة الاجتماعات وبصوت زي اسمها وبعنف وغضب اكتر ... أول و اخر مرة تتكلموا قدامي كدا قسما بالله لو انتم ولا اي حد تانى عمل الموقف ده تاني هيكون ليا تصرف تاني خالص هيرعب الكل منه فاهمين؟؟؟
    الكل بصوت واحد... فاهمين يا فندم فاهمين
    ورعد سابتهم و خرجت وهي مضايقة من تصرفهم الهمجي والغير حضاري ولا يليق برتب بتشتغل في المخابرات
    مؤمن بجدية... أسر تعالا ورايا مكتبي.. والكل بدا يمشي
    يامن بغيظ... الله يخربيتكوا عكرتوا مزاج رعد قلبي
    كرم بضحك... والله انت ملكش حل الدنيا مولعة حواليك وانت كل اللي هامك مزاج رعد قلبك عشان خاطر الكلمتين بتوعك
    يامن بضحك و بيبص لفهد اللي بيجهز عشان يمشي... مش كفاية العالم الغتتة اللي معكرة دمها علي طول بتصرفاتها الغتتة زيها
    كرم بص لفهد وبضحك... انا بقول تسكت احسن بدل ما الدنيا تولع اكتر و اكتر
    يامن بضحك... اه والله عندك حق
    فهد بصلهم هما الاتنين و سابهم و مشي
    كرم بضحك...شوفت الواد والله عيال اخر زمن العيال خلاص اتجننوا
    وبص لعدي و بمكر... هاا يا دودو ايه اخبارك انت و زوزتك المجنونة
    عدي بضحك... والله مجنناني كنت بقول لما تكبر هتعقل اتاريها كل ما بتكبر بتجنن اكتر و اكتر
    كرم بضحك... والله انت ظالمها ده حتي زوزو اكتر وحدة فرفوشة بين مراتتنا كلنا
    عدي بغيظ... اه يا اخويا فرفوشة حتي بدليل امبارح بقولها مصحتنيش للشغل ليه يا زوزو قربت مني وقالتلي كان شكلك تعبان ونايم علي نفسك يا دودي ومهنش عليا اصحيك قولت اسيبك نايم ومش مهم شغل النهاردة
    كرم بضحك... شوفت خايفة عليك وعلي صحتك ازاي
    عدي بغيظ اكتر... اه يا اخويا خايفه و خوفها ده هيرفدني قريب ان شاء الله... و قولت اعاقبها شوية عشان متعملش كدا تاني و متودنيش في داهيه المره الجايه واتجنبتها شويه و مرضتش اكلمها
    لقيتها مرة واحدة اختفت حوالي ساعتين كدا و دورت عليها في البيت كله و اتصلت بمراتتكوا وبكل اصحابها وملقتهاش... واخر ما زهقت قولت البس و انزل ادور عليها روحت البس لقيتها في الدولاب و مغمي عليها
    كرم بدهشة وخضه... يخربيتك عملت فيها ايه طب اغمي عليها من ايه أكيد من قلة الاكسجين في الدولاب
    عدي بغيظ... مهو ده اللي انا افتكرته وشلتها و حطيتها علي السرير وجبتلها برفان عشان افوقها ومفقتش خوفت عليها و جبتلها الدكتور... وعدي سكت🤭
    وكرم ويامن في نفس واحد... طمنا الدكتور قالك ايه
    عدي بغيظ اكتر... قالي انها نايمة و في سابع نومة
    كرم و يامن بصوا لبعض ومره واحده اتفتحوا في الضحك😂😂😂 ومقدروش يمسكوا نفسهم وضحكوا بصوتهم كله
    و عدي بغيظ منهم... اضحكوا اضحكوا يا ولاد المحظوظه ما هو مفيش واحد منكوا متجوز وحدة مجنونة زي زوزو مراتي
    كرم و هو ميت من الضحك😂... والله دي عسل
    يامن وهو كمان ميت من الضحك😂... همشي أنا بقا أروح اشوف رعد قلبي و اروقلها دمها
    كرم بضحك😂... خدني معاك أكمل شغلي
    و مشيوا و راحوا مكاتبهم يخلصوا شغلهم
    إلا يامن اللي راح لرعد قلبه وخبط و دخل... و قرب من رعد اللي قاعدة على كرسيها و بحب وعشق... ممكن اعرف رعد قلبي زعلانة ليه ؟؟ علي فكرة مفيش حاجه مستاهلة زعلك ابدا
    رعد بغضب... ازاي مفيش حاجة مستاهلة المفروض انهم كبار و مينفعش يعملوا كدا أبدا
    يامن بحب... معلش يا حبيبتي انتي عارفه انهم دايما عاملين زي القط والفار و خصوصا ان أسر فاهم ان كنزي تبقا خالته وخايف عليها ومينفعش ان احنا نقولهم الحقيقه ونفتح علي دنيا س وج
    رعد بجدية... بس هي مش خالته وحتي لو هي خالته المفروض يكون في احترام اكتر من كدا بينهم
    يامن بحب و مشاكسة... ربنا يهديهم يا حبيبتي يلا بقا عشان نروح لاني فصلت وحاسس إن دماغي هتنفجر من كتر الصداع
    رعد قامت و بخضة و خوف عليه... مالك يا حبيبي حاسس بي ايه
    يامن قرب منها و لف ايديه حوالين وسطها وبحب و عشق و مشاكسة... معقوله اللواء رعد وحشنا المقنع الجميل خايفة عليا اوي كدا
    رعد رمت نفسها في حضنه وبحب وعشق... اللواء رعد دي مع الكل الا مع مينو حبيبي و جوزي و ابو ولادي... انا معاك انت ببقا طفله صغيره لسه بتتعلم الكلام.. ببقا معاك مراهقه لسه بترسم طريق للحب والعشق والغرام... ببقا معاك عاشقه ودايبه في بحور حبيبها وعشقيها ليه ومبفكرش غير في حاجة واحده بس ان انا حبيبتك و رعد قلبك
    يامن بعشق و جنون... عارفة لو احنا مش في الجهاز دلوقتي كنت قولتلك بالفعل احلي واجمل كلمتين وكنت عزفتهم علي اوتار قلبك يا رعد قلبي
    رعد بحب وعشق... ربنا يخليك ليا يا حبيبي وميحرمنيش منك ابدا
    يامن بعشق... ولا يحرمني منك يا احلي واجمل حاجه حصلت لي في حياتي هااا يلا بينا؟؟
    رعد بحب... يلا بينا يا حبيبي
    ********************************
    ✍️في مكتب أسر👇👇
    قاعد يفكر بينه و بين نفسه معقولة يا أسر معقوله كل المشاعر والحب ده يكون لوحدة و تكون خالتك...
    معقوله من بين الدنيا دي كلها احب خالتي معقوله يا كنزي يكون في قلبي ليكي كل الحب و الخوف ده كله وتكون خالتي طب ليه يا ربي ليه انا بحبها و بعشقها كل الحب ده ليه كل العذاب و الوجع ده يكون من نصيبي ليه
    ومعقولة هتحب غيري و هتتجوزي غيري ياكنزي معقولة حد غيري هيكون شريك حياتك معقوله
    عقله رد عليه وبيانبه... مش معقولة ليه انت ابن اختها عارف يعني ايه ابن اختها يعني محرمة عليك و فوق يا أسر فوق حرام عليك كدا و تفكيرك فيها حرام و بتشيل ذنب كبير عليه فوق قبل ما تلاقي نفسك غرقان في علاقة محرمة و مستحيلة فوق
    وهو مازال علي تفكيره قاطعه دخول كنزي اللي خبطت كتير ولما أسر مردش اضطرت تدخل و قربت منه وهو سرحان وبجديه و صوت عالي عشان تنبه لوجودها... أسر أسر
    أسر اخد باله من وجودها وبصلها بحزن و وجع و حاول يداري دمعة هاربة من عيونه
    وكنزي بوجع وحزن تداريه... بعد ما لاحظت الدمعة الهاربة من عيونه و بشبه جديه وبعد ماعاطفتها اتغلبت عليها... أسر في ايه مالك طمني عليك
    أسر بوجع و حزن... لا أبدا مفيش حاجه انتي كنتي جاية ليه في حاجة اقدر اساعدك فيها
    كنزي بجدية... الحاجة إللي انا جيالك فيها هقولهالك بعدين بس قولي الاول مالك وانا هساعدك فيها مهما يكون و بعدين متنساش اني خالتك وانت ابن اختي و اقدر اسا... ولسه مكملتش
    أسر مسكها من دراعها الاتنين بعنف و غضب... لا انتي مش خالتي مش خالتي لأنك حبيبتي... حبيبتي انا و بس و بحالة توهان وبيقرب منها ونفسه يرمي نفسه في حضنها ويعيط بكل اللي جواه... وبوجع والله انتي حبيبتي مش خالتي مش خالتي ولسه بيقرب اكتر
    كنزي ضربته بالقلم و بعنف وغضب... انت اكيد اتجننت اكيد... معقولة يكون تفكيرك فيا بالشكل القذر ده معقوله أمال لو مكنتش خالتك وانت ابن اختي كنت عملت ايه هاااا... انا فعلا غلطانة اني جيتلك عشان اعتذرلك عن الأسلوب اللي كلمتك بيه في قاعه الاجتماعات...بس انت مستحيل تكون بعقلك مستحيل و سابته و خرجت و هي موجوعه من اللي هما فيه... ودخلت مكتبها... وبدموع لنفسها يارب ارحمنا يارب... يارب وجهني للصح انا مش عارفه اعمل ايه اقوله واحطمه نفسيا ومعنويا ولا افضل ساكته وقلبي وقلبه هما اللي يتحطموا... وفضلت تفكر ودموعها نازله زي الشلال علي وشها
    وأسر قعد حط دماغه بين ايديه وقلبه و عقله بيأنبوه علي غباءه و تسرعه مع كنزي لانها زي ما قالتله هي خالته و هو ابن اختها و مكنش ينفع ابدأ يعمل اللي عمله ده أبدا
    أسر بحزن و وجع لنفسه... يارب سامحني علي اخطائي يارب ارحمني و طلع حبها من قلبي يارب ارحمني و اغفر لي ذنبي.
    ***********************************
    ✍️عند الحوت فهد والشرسه همس👇👇
    فهد طلب من الشاويش اللي علي مكتبه انه يروح الحجز ويجيب همس منه والشاويش نفذ اوامره و راح جابها و للأسف همس كان شكلها يغني عن السؤال
    و دخلت المكتب بتعب ظاهر و بتبص لفهد بنظرات شرسة و قاتلة
    وفهد قام من علي كرسيه وبمكر و استفزاز... واضح انهم قامو بالواجب معاكي في الحجز بس تصدقي برافوا عليهم إنهم عملوا فيكي كدا وكسروا انفك اللي مرفوع في السما السابعه دي علي الفاضي
    همس بتعب تداريه... اظن انا من حقي استعمل التليفون
    فهد بمكر وخبث... اه من حقك تستعمليه بس للأسف بقا الحقوق عندي كلها ضايعة هااا هتعتذري عن اللي انتي عملتيه و قولتيه ولا اكمل اللي انا بدائته ولسه مخلص
    وبمكر وخبث وبفحيح كفاحيح التعابين... بس المرة دي مش هوديكي الحجز لاني انا هختارلك عقاب تاني يليق بيكي ياهمس الليل انتي
    همس مسكته من لياقة قميصه و بعنف و غضب و تعب... دا نجوم السما اقربلك من إنك تقرب مني وتلمسني فاهم
    فهد نزل ايديها وبمكر و خبث اكتر... أكيد مش انا اللي المس واحدة متسواش زيك... بس انتي لو اعتزرتي مني هنسى العقاب اللي انا محضرهولك و الموضوع هيخلص علي كدا هاااا
    همس بغضب اكتر... مش همس ابراهيم عز الدين اللي تعتذر لواحد وخصوصا لو كان حيوان و حقير زيك وبيستغل منصبه لأغراضه الدنيئه زيه
    فهد بعنف وغضب ومسكها من شعرها... طيب وحياة امك ووحياه طوله لسانك دي لعاقبك عقاب يخليكي تندمي علي اللي انتي قولتيه ده و محدش هيرحمك مني ابدا
    وشدها من شعرها رغم مقاومة همس الضعيفة ليه لأنها من كتر الضرب اللي اتعرضت له في الحجز مش قادرة حتي تقف علي رجليها
    وهو مازال شاددها من شعرها بقوة وعنف... اخدها و راح بيها لاوضة موجوده في الجهاز ... العقاب الموجود فيها... الموت اهون منه لان الموت ارحم بكتير من اللي همس هتشوفه في الاوضه دي

    إرسال تعليق

    جميع الروايات والقصص المنشورة علي الموقع هي روايات مجانية أخذنا إذن بنشرها من أصحابها إذا وجدت أي رواية لها حقوق ملكية فكرية أو تُريد إزالتها من الموقع اتصل بنا ، ونقوم بحذفها فوراً .