رواية ولي العهد الفصل السادس عشر 16 بقلم نورهان نصار 

الفصل السادس عشر:

محمد هاتفياً بصدمه:بتقولي ايه يا إسعاد!!!
إسعاد بفرح:أميره حامل من يحي...بص بقي انزل جيبه من اسكندريه انت و شريف و هات المأذون و تعالي..
محمد سكت مش عارف يقول ايه..
إسعاد بجديه:محمد..ده ابنه و الصح أنه يتجوزها...
محمد اتنهد:هروح اجيبه و نجيلكم علي بكره الصبح نكتب الكتاب..و تطلع علي بيته..
إسعاد بفرح:بأذن الله يا اخويا...
قفل محمد مع إسعاد و فضل سرحان شويه..
محمد لنفسه:ورطت نفسك يا يحي ورطه سودا..
و قام اتصل علي شريف و عرفه انهم هيروحوا ليحي اسكندريه...

.....................

كان قاعد ف شقته ف اسكندريه لا بياكل و لا بيشرب..ساكت و خلاص..بيعيط من وقت للتاني..او الأصح بينهار...دقنه طولت و بقي مهمل ف نفسه...معالم الندم ظاهره عليه...و لما يتخنق بينام يهرب من الواقع حتي لو لساعات..و فاق علي صوت الجرس...استغرب شويه و قام فتح الباب لقي محمد و شريف..رجع لورا و محمد و شريف دخلوا...
محمد:ادخل تحلق دقنك و تلبس عشان تكتب علي أميره..
يحي:نعم!
محمد بصله و ببرود:أميره حامل!
و بتأنيب:شوفت بقي اول عيل هيجيلك هيكون جاي من الحرام...
شريف بجديه:عمي!!!
محمد بصله و بجديه:الحق ميزعلش..و هو عارف ده كويس..
يحي كان واقف مصدوم من اللي بيتقال و محمد فعلا عنده حق ف كل كلمه بيقولها...
شريف بهدوء:يلا يا يحي..لازم تصلح غلطتك..الولد او البنت اللي جاي ملوش ذنب ف ده..يلا ربنا يهديك..
يحي نزلت دمعه قهر من عيونه...و دخل علي اوضه عشان يغير هدومه و يحلق دقنه..و بعد شويه خرج و هو جاهز..شكله كان طبيعي اه بس مفيش ابتسامه..مطفي...و نزلوا ركبوا العربيه بتاعه شريف و طلعوا علي القاهره....

.....................

المأذون خلص خلاص و أميره سحبت ايديها بسرعه من ايد يحي..و بصت بعيد و باين علي ملامحها الحزن و الانكسار...و المأذون شريف حاسبه و نزل يوصله..
دولت حضنتها و بدموع:الف مبروك يا حبيبتي..
أميره مردتش عليها...و قامت إسعاد حضنتها و بفرح:الف مبروك يا ميرو..
أميره بصتلها و سكتت..
يحي بجديه:يلا يا أميره...
دولت:حاضر يبني تتغدوا بس معانا...
يحي:لا مفيش لزوم انا تعبان من السفر و عاوز ارتاح...
إسعاد غمزت لدولت بأنها تسكت:حاضر يا حبيبي..انزل يلا و احنا جايين وراك..
يحي بجمود:تمام..و قام نزل..
دولت:هقوم اجيب شنطتها اهو...
إسعاد بسعاده:هاتي يختي اهو تلبس فيهم لحد ما اخدها بكره و الا بعده اشتريلها لبس جديد...كل حاجه جديده لست الكل...
و باست أميره ف خدها..
و لمحمد:و الا ايه يا حاج..
محمد:اللي تشوفيه يا ام يحي...
و جابت دولت الشنطه و نزلوا كلهم و كان شريف وصل..و كانت عربيه يحي كمان وصلت بعد ما طلب من حد تبع الشركه يوصلهاله...كانت أميره هتركب مع شريف و إسعاد و أمها و محمد...بس إسعاد و دولت وقفوها...
دولت:لا يا حبيبتي ميصحش روحي اركبي جمب جوزك...
كان يحي وقتها واقف ادام عربيته مستني أميره ترجع تركب معاه...
إسعاد بابتسامه:يلا يبت...
و اخدت ايد أميره و ودتها لحد العربيه و يحي فتحلها الباب و ركبت..و قفل الباب..و لف ركب جمبها و دور العربيه..و طلعوا كلهم علي بيته...

.......................

كانت فريده ف بيتها و امها رجعت البيت تشوف كام حاجه و أنور ف شغله..و هي واقفه بتحضر الغدا...و سمعت صوت الجرس...ف راحت تفتح الباب علي أساس أنها امها بس لقت يحي و أميره و إسعاد و دولت ف وشها..و اول ما إسعاد شافتها زرغطت...
إسعاد بفرح:لولولولولي...لولولولولي...
و زقت فريده و دخلت....
دولت بفرح: يلا أميره خشي برجلك اليمين يا حبيبتي...
فريده كانت واقفه بتحاول تستوعب...و يحي دخل و قفل الباب...و راح قعد على كنبه...
فريده بحده:ايه ده فيه ايه..هي زريبه...
يحي بجمود:صوتك ميعلاش!
فريده بصوت عالي:هو انت يبني معندكش دم..قولي..ايه اللي جابك اومال لو مكنتش كرشاك اخر مره...
إسعاد بحده راحتلها:ده بيت ابني يا حبيبتي..عاوزه تمشي انتي غوري و الباب يفوت فيل مش جمل...
فريده بجديه:طبعا اقول ايه..ست بجحه و قتاله قتله...
يحي وقتها قام و راح لها و مسكها من دراعها و بصوت عالي:لسانك ميطولش...
فريده شدت دراعها و زقته:اووعي كده..
و لأميره بسخريه:للدرجادي قذره و زباله انك تتجوزي واحد متجوز...
أميره بحده:احترمي نفسك...
و عيطت..
فريده مشت ناحيه أميره و بسخرية:لا بقولك ايه هتعمليلي فيها خضره الشريفه...
و بدأت تضرب ف أميره...
إسعاد اول واحده جرت و زقت فريده بعيد عن أميره..و دولت جرت علي بنتها تحضنها...و يحي راح لفريده شدها و بحده:انتي مجنونه...
دولت:منك لله يا شيخه بنتي حامل مش قدك...
فريده اول ما سمعت كده أتعصبت اكتر و زقت يحي..
و كانت لسه هتهجم علي أميره تاني بس إسعاد وقفت ف طريقها ف زقتها...يحي لما شاف فريده بتزق أمه اتعصب و بقي زي التور الهايج...ف راح جايب فريده من شعرها و بصوت عالي مميت:لا ده انتي عاوزه اللي يردلك عقلك...و شدها طلع بيها علي اوضتهم و هي بتزعق و تضرب فيه و تصوت...

...................

شريف: هما غابوا ليه كده!
محمد اتنهد:ما انت عارف مرات عمك و أم أميره..
شريف:عندك حق..
و طلع سيجاره و ولعها....

.....................

كانوا واقفين بيتسنطوا من ورا الباب..و سامعين صريخ فريده من جوا...
فريده بصراخ:ااااه..حد يلحقني يا ناس....اااااه...
و سمعوا صوت حاجه بتتكسر...
يحي بحده:ده انا هكسر عضمك علي اللي عملتيه...و مفيش حد هيعرف يشيلك من تحت ايدي...
فريده:ااااااه
دولت بخوف:الحقي الحقي يا إسعاد ابنك هيموت البت..ده ابوها يوديه ف داهيه..
إسعاد رفعت ايديها للسماء:ياارب يختي يموتها عشان ارتاح منها...
و سمعوا صوت فازه تانيه بتتكسر....
فريده بصوت عالي:اووعي بقييي ابعد عنيييي...
يحي بحده:مش قبل ما اربيكي الاول علي كل حاجه عملتيها...و سمعوا صوت الضرب من جوا...
دولت بتوتر:يالهوووي..هيموتها و الله يا إسعاد..ده حتي قافل الباب مش هتعرف ندخل..
إسعاد بصتلها و بعدين بصت للباب و بفخر: سبع يولاا..
صوت فريده سكت و سمعوا صوت المفتاح و فتح يحي الباب و خرج و قفله تاني وراه...
يحي بصوت عالي و عصبيه: اللي هيحاول بس يكلمها يبقي حفر قبره بايده..خليها زي الكلبه...
و نزل لتحت و كانت أميره قاعده علي السلم و بتعيط...يحي نزل و قعد جمبها...
و بهدوء: أيا كان اللي حصل ف انتي خلاص بقيتي أم ابني..و أم ابني جزمتها علي دماغ الكل و كرامتها من كرامتي...
و رفع وشها ليه بأيده و بجديه:انتي مرات يحي صباح و أم ابنه..يعني ترفعي رأسك و متعيطيش...
و بندم:خلينا نبدأ صفحه جديده..
أميره بصت ليحي و سكتت شويه و بعدين ابتسمت له و يحي هو كمان ابتسم لها و اخدها ف حضنه...
و طبعا كل ده كان بيراقبه إسعاد و دولت و هما فرحانين..
إسعاد بفرح:ربنا يهدي سرهم..و يبعد عنهم كل شر..
دولت بخفوت: أمين..

....................

كان محمد و شريف قاعدين ف العربيه..و لقوا عربيه وقفت و نزلت منها مروه...شريف بص لمحمد بقلق...
محمد بلع ريقه و بدعاء:ربنا يستر...

.....................

دخلت مروه و رنت الجرس...و جوا..كان يحي لسه قاعد مع أميره و هي ف حضنه...و لما سمع صوت الجرس..قام هو و فتح الباب....و لقي مروه...
مروه اول ما شافته استغربت....
يحي بهدوء:ايه يا حماتي..مستغربه انك شايفاني ف بيتي...
مروه حمحمت:احم...لا طبعا..ايه هتفضل سايبني علي الباب كده كتير..
يحي بعد عن الباب:اتفضلي..
دخلت مروه و لقت أميره قاعده و إسعاد و دولت ف بلعت ريقها و بقلق:اومال فريده فين؟!
يحي بجمود:محبوسه!!
مروه بفزع:ايه؟!!!!
يحي هز رأسه ب أه كتأكيد...و راح قعد علي كرسي...
مروه بصوت عالي:حراام عليك يا يحي...كفايه البهدله اللي انت بهدلتهالها...
يحي ببرود:مراتي و غلطت و تتربي...
مروه بسخريه:و انت مغلطتش..
إسعاد بجديه:ابني مغلطش ف حاجه...مش عيب أنه يتجوز عشان يجيبله عيل..
مروه بجديه:ماشي هو معاه حق..و انا بنتي من حقها تطلق...و أبوها لما يعرف مش هيسيب حقها...
يحي ضحك بسخريه:اما يجي بقي...
مروه بصوت عالي:اطلع هاتلي بنتي..
يحي ببرود: مراتي!!و مش هتطلع من البيت...
مروه بجديه:يحي انا بعتبرك ابني اللي مخلفتهوش متخليش النهايه بينا بالشكل ده...
يحي:علي دماغي ده كله..بس بنتك غلطت ف أمي و حماتي و مراتي أم ابني...
مروه عرفت أن فيه حاجات كتير فاتتها و بجديه:عاوزه البنت بدل ما و اقسم بالله هتدخل ف مشاكل انت مش قدها..و لما ابوها يجي...
يحي بجديه:انا بقي مستني لما ابوها يجي...
إسعاد بصوت عالي:ما تأخذنيش يا أم فريده يختي..بس أميره تعبانه بسبب الحمل بقي و كده..و لسه جايين و عاوزه ترتاح..
مروه بصت لإسعاد بحده علي كرشها ليها...و ليحي بجمود:هتندم..

الفصل السابع عشر من هنا

تعديل المقال