رواية احفاد فرعون الحلقة ١٧ السابعه عشر بقلم اروي طاهر المسلاتي (بنوتة الشيخ)
ساجده:شن تحكي انت بعد من عليا
مالك:رجع دفها بقوه لين ردها الحيط...لما نتكلمممممممم انا تجاوبيني
ساجده:سكرت عيونها ثواني من اثر الخبطه
مالك:يهز فيها بقوه...مروحه على خااااطره!!؟
نكلم فيكككككككك ردي
ساجده:بعداته بكل قوتها...مش مروحه عشان حدددد
ومش مشكلتي لو انت عندك فوبيا وتجارب قديمه تخص الخيانه مش كلنا زي بعض
مالك:سكت لي ثواني وهوا يشوفلها
ساجده:سكتت حتى هيا بس قاعد الخوف ماليها
مالك:شن قصده بي ان عاطيك مهله باش ترجعي؟
ساجده:هه تراقب في مكالماتي؟
مالك:اموري هاذي جاوبي وبس
ساجده؛لا انت مريض رسمي ...جت بتطلع من الغرفه بس مسكها من جديد
مالك:شنو قصده!
ساجده:قلبت عيونها بملل وخدت نفس ....مقصده شي ولا في شي اصلا
كل مشكلته مع احفاد فرعون وبس وميبيكمش تناسبو العيله عشان ميقعدش مضطر يحترمكم
ويبيني نطلق وتكمل القصه هيا وخلاص
مالك:رجع بخطوات صغيره للخلف كأنه اقتنع بي الكلام يلي قلاته
ساجده:ان شاء الله تكون ارتحت بس...وطلعت
مالك:ضرب يده ع الحيط بي اعصاب 🔥
___________________________
نهال:رر رهف😨!!
ياقوت:نزلت الوشاح على وجها...منو رهف 😅
نهال:ضحكت....ههههه شبهت عليك بي وحده نعرفها خلعتيني قلت شنو جابها في ها الليل سامحيني
ياقوت:اها😅عادي ولا يهمك انا جيت في وقت مش مناسب عارفه
نهال:لالا بلعكس عادي تفضلي
ياقوت؛مستعجله بابا برا ميبنيش نعطل ....هاذي حفاضه فيها تمر معجون مدايراته ام ساجده وحسبتكم فيه
نهال:صحيتي ❤️
ياقوت:سلمك....وين خوك احمد الطرف 🥺
نهال:نصدمت وضحكت.....فوق في داره
ياقوت:عيلتكم كلها هكي قنين والخشم في كوكب المشتري
نهال:😂😂😂😂😂ههههههههه اي للاسف
بيييييييب
ياقوت:وووه بوي صبره نفد يالله بسلامه
نهال:وانتي طالعه اشبحي فوق بالك تلقيه في الروشن
ياقوت:مقنينتك وانتي تساعدي فيا ان شاء الله تحصلي عريس معبي
نهال:ههههههه مش طبيعيه....وسكرت الباب
_____________________________
احمد:غسل وجها في الحمام هوا يحاول يذكر ويعصر دماغه
كل الصور يلي تجي في راسه فرعون يحكي هوا ومرته
شنو الكلام!؟
كأنه يخص جريمة قتل !
قتل مرا متزوجه والقصه قديمه
حاول يعصر دماغه من الحلم يلي شافه وللاسف مطلع معاه شي غير هاذا 💔
واخر لقطه طالع متكنطي بسبب يلي سمعه ويبي يحكي لي مالك بس بعدين صار الحادث🔥
نشف وجها من الميه وطلع مشروب طاقه ..وقف ع الروشن يتفرج ع المطر يلي كانت خيط واحد
مصدقش عيونه اول ماشاف ياقوت واقفه تحت المطر وشعرها المبلول طالع مبعثر على ضهرها
ياقوت:دارتله باي وبوسه من بعيد
احمد:لا رسمي البنت هيا جنيه مش بشر
ياقوت:نقزت في مكانها مفزوعه لما سمعت كلاكس بوها وطلعت تجري
احمد:ضحك...لكن سمحه
وهبله ربي يعين يلي بياخدها وخلاص
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
نجمه:احووو احوووو ...ماما رجاء صدري يوجع
رجاء:اششش ارقدي حبيبتي ارقدي مفيه شي
نجمه:احوووووو اححححححوووو
طق طق طق
رجاء:ادخل
سكينه:طلبتيني؟
رجاء:انتي شنو قصتك الايام هيا متغيره!؟
سكينه:بتوتر تساوي في الشاربه يلي على راسها...ااءء انا خيرني؟
رجاء:انا يلي بنسألك والله مش انتي معش ساعدتيني في شي
اتفقنا نديرو الف خطه عشان طلاق ساجده الكلبه هاذي مريتش منك اي مساعده
سكينه:ببرود....معمريش اتفقت انا وياك على حجات زي هادي
رجاء:ضحكت...تبصري صح!
سكينه:لا والله
رجاء:تلاشت الضحكه من على وجها وتغيرت ملامحها....شن قصدك انتي
سكينه:ولا شي بس انتي ممكن غالطه اتفقتي مع حد تاني وتسحابيه انا
رجاء:نزلت من السرير...انتي تبي تهبليني ولا كيف؟
لا ياماما مش انا يلي ينضحك عليا
الكلام هاذا صار وانتي وافقتي مقابل نعطيك فلوس
سكينه:لما تلقي شهود على الكلام هاذا تعالي كلميني ...يالله عن اذنك
وطلعت
رجاء:قعمزت على السرير...حلو حلو
الحوش كله عليااا بسيطه تو نشوفو منو يلي يفوز في الاخر
______________________________
نهال:حطت الحفاضه على الطاوله ....رغم ان الثمر مش وقته توا صقع
هاذي جابتها ام ساجده قالت خدماته وحسبتكم فيه
خيريه:نحي يابنت متاكليش منه
نهال:علاش
خيريه؛هادم ناس مش مضمونه مرات مدايرين فيه كتايب
ولا حاجه
نهال:ردت التمر مكانه وهيا خاطرها فيه💔
محمد:نزل بحركات تسهويك من الدروج وخذي عبيا تمر كلاه في مره وحده ....منين الحجات الزمنيه هيا
جميله:🤦🏻♀️🤦🏻♀️مشي الولد سلامتك في ياعمتي
خيريه:نححححي ياولد نحي طلعه من فمك
محمد:زمطه....خيرك ياحناي🙄
خيريه:بصوت تكشيخ...الولد هاذا ديمه عقله مش عليه يهز في راسه وخلاص بدون تفكير
محمد:ياودي بنطلع اهو باش تفتكو مني
خيريه:خذت نفس وهيا قاعده ناقره حواجبها
محمد:رجع بنضرات خبث....ممكن جطعه تانيه لان بنته حلوه وعجبني
خيريه:عطوني حاجه نحدفه بيها عطوووني
محمد:طلع بسرعه وهوا يضحك
ساجده:نزلت
نهال:سوجي تعالي شوفي امك بعتتلك مع ياقوت
ساجده؛ابتسمت .... ديمه حاسبتني امي في كل شي ❤️
خيريه:قوليلها تحسبك في اعشاب باش تحملي
جميله:نفخت بضيق...بمعنى انها مش راضيه على الكلام يلي ينقال لي ساجده على الطالعه والنازله 💔
نهال:تشوف بتوتر عارفه الكلام هاذا يجرح هلبا
ساجده:ابتسمت....مزال شوي نبي نجمه تشد حيلها شويه بعدين ساهل حتى نجيب نكون متريحه
نهال:شافت لي امها وابتسمت بخبث
خيريه:هاذا مش عذر ....وعندك من هني لي شهرين تانيات متحمليش بنشوف عروسه لي مالك
رجاء:طالعه من الممر وسمعت كلامهم....وانا موافقه مستحيل نرفض عشان نجمه
خيريه:قلت عروسه انا مش هيدوقه
رجاء:وجها تغير ومشتها بضحكه ع اساس ان خيريه تبصر
نهال وساجده ماسكين ضحكتهم بسيف
جميله:وين نجمه مش باينه؟
رجاء:راقده فوق لعبت هلبا اليوم
خيريه:شافت لي الساعه.....نوضي انتي وياها ياسر ليل كل وحده لي غرفتها ارقدو
نهال:ناضت وهيا تخبط مزال خاطرها تسهر
رجاء:تصبحي على خير عمتي عندك حق حتى انا بديت نبي نرقد بكري مليح هلبا عنده فوائد
خيريه:قارنه حواجبها وتشوفلها
ساجده:تصبحو ع خير...وناضت
خيريه؛لا انتي خليك نبيك في كم حاجه
رجاء:امالا حتى انا خلي نقعد ونركبو مع بعض
خيريه:حد منكم يقيمها من قدامي خير ما نعطها على حموم سعدها
جميله:اركبي يارجاء فكينا
رجاء:افففف به....طلعت وقعدت واقفه جنب الممر تحاول تسمع كلمه ولا اثنين
خيريه:تشوف لي جميله
جميله:فهمت ان تبيها تنوض....خلي نشوف سكينه لازم تبي حد واقف على راسها باش تكمل بكري
خيريه:مدام قعدنا بروحنا بنعطيك كلمتين باهيات حطيهم في ودنك كويس
ساجده:سرحت وتتكلم داخلها....قداش تشبهي عمتي الله لايرحمها
نفس النضره متع الشر ونفس الكلام
خيريه:مالك هاذي ثالث علاقه ليه ومنبيهاش تفشل
الاولى خطبها وخلاته
والثانيه كانت علاقتها بيه سيئ وماتت الله لا تردها وتوا الدور عليك
نبي ولدي يتهنى
ساجده:ولدك؟
خيريه:اي مالك وخوته ولادي مش احفادي قطعه مني ومانرضى فيهم حاجه
ساجده:خدت نفس ويديها مشبكات في بعض بتوتر....شنو المطلوب مني بزبط ياعمتي ؟
خيريه:تتكلم بصوت واطي....الرجاله كلهم زي بعض
كلهم زي العيل مفيش حد مختلف على التاني
حتى من فرعون يلي تشوفي فيه توا شامخ وهيبه
داخل عيل صغير
ساجده:انفتحو عيونها على وسعهم وهيا تسمع
خيريه:يبي مرا اداريه تصونه تحافظ عليه وتدلع عليه مره مره
حببيه فيك بكلامك معاه وديمه كوني ليه الوساده يلي يرتاح فيها من هم الزمان
ساجده:اذكرت لما مالك يرقد في حضنها تكلمت داخلها وساده طبيه احسن مني والله ما لاقي وحده تتحمله بي الرزن هاذا غيري😂
خيريه:وبعد ما تكملي المراحل هاذي كلها جيبيله العيل يلي يفرح قلبه ويخليه يقرب منك اكتر
ساجده:هزت راسها بمعنى تمام
خيريه:انا لاحضتك مغيرتيه شويه من ناحية بنته وبدي متقبلها وهاذا كويس معناها عندك تأثير قوي عليه
ساجده:ابتسمت
خيريه:يالله توا نوضي الهي بي راجلك اليوم فات عليه يوم طويل ومتعب نوضي ريحيه
ساجده:بي ابتسامه.....حاضر عمتي وصحيتي على النصايح هاذي بي ادن الله نطبقهم❤️
تصبحي ع خير
خيريه:تلاقي الخير
ساجده:عطتها بي الضهر وتحكي داخلها...خرا عليك انتي وفرعون واحفادك ال3
خيريه:سرحت شويه وهيا تفكر في ساجده بعدين ناضت
____________________________
نهال:كانت ماله من الكساد
مش جايها نوم وتتصفح في النت ...خطر عليها شي
دارت بحت بي اسم انس مختار
وبدو يطلعولها حسابات تانيه لين دق قلبها بقوه لما طلعلها حساب انس اخ ساجده
خشت لي صفحته وبدت تتفرج على صوره ومناشيره يلي كانت كلها تافها واضحك ...ونصدمت لما شافت خوها محمد يعلقله بصور اتفه من المنشور نفسه😂
كيف يعني؟😨هما صحاب ولا شنو؟؟
مش خوتها واحفاد مختار مايتحابوش؟شن صاير!!
وهيا تتفرج دارت لايك بلغلط ومن الخلعه سكرت النت ورقدت😂
___________________________
فايزه:منقدروش نطلعو واختك في العده ريحي روحك
ياقوت:اي ماهو ديمه مكاني في المطبخ بس طاولة اكل انا؟؟غسالة اماعين انا؟؟
فايزه:سكري فمك وقعمزي عاد صدعتيلي راسي
ياقوت:قامت يديها....يااااارب نتزوج حفيد فرعون نخليه هكي ميت فيا ونقوله تعالا دمر ام المطبخ متاعنا
يسرى:نحت البطانيه من على راسها....دعوتك كان فاتت حواجبك مازيك حد
ياقوت:انتي ضمي فمك المرا يلي في العده متتكلمش وتناشب خواتها
يسرى😂😂😂
ضحكت يسرى متعلمش ان باب العرش مرات مفتوح!!
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
ساجده:رجعت لي غرفة النوم شافت مالك يمسح في شعره من الميه ....نحت بدلة الصلاة يلي نزلت بيها وقعمزت ع الصالون تتصفح في تالفونها
مالك:نحى خاتمه وحطه ع الطاوله....شن اديري!
ساجده:فاتحه النت....مراقبه حتى هوا؟هه
مالك:مردش عليها وكمل يقلب في قناوات التلفزيون
ضرب رعد قوي برا خلا ساجده تنخلع وتنوض من مكانها
وقفت سكرت الروشن كويس ودارت عليه الستار
مالك:عيونه في التلفزيون
ساجده:قعدت ماشيه جايه وفي قلبها هلبا كلام تبي تقوله والف سؤال تبي تسأله
ليش مشي لي رهف!!؟ليش وهوا قبل ما يطلع باسني على راسي وكانت امورنا تمام !!
رقدت ع السرير وعطاته بضهر ...كان في داخلها تراجي فيه يقوللها اي كلمه عشان تفتح الموضوع وتفرغ قلبها لكن!!!!
لكن مالك كان بااااارد يتفرج ع الفيلم ولا كأنه صار شي ابدا
______________________________
محمد:يرك في الارقيله....انا وياك صايرلنا زي الشاب والبنت اول ما يتعرفو ع بعض ويبدو يتلاقو بسر
انس:بيبي امتى بتخطبني
محمد:نجيك ياحبي من غضوا وكلمة تريس خوديها مني 😂
انس:لا نبي نكمل قرايتي😂😂
محمد:ارقدي انتي وقرايتك تو ناخد بنت خالي 😂
انس:يرقق في صوته....حكير واتي عشمتني فيك حسبي الله ونعم الوكيل تلقاه في خواتك
محمد:غير بشويه وانت عجبك الدور😂😂😂😂
انس:😂😂
محمد:خدي نفس عميق....امتى بتكمل القضيه هيا
انس:ينضمو امورهم ياحبيبي مهم انا ميحشوني في شي
محمد:تنهد....مبكري جدي قال كلمته
بسيف لازم يطلعو ولاد رمزي من البلاد
انس:تي لا سيف لا موس خضراء حتى وهما قاعدين والله ميقدرو يديرو حاجه ره كله وهم
راس كلاشن ومسدس تركي فرحانين بيهم
محمد:حسيت حتى انا
انس:قولي
محمد:يساوي في الجمرات...ها
انس:في القصر عندكم كليو بترا مع فرعون😂😂
محمد:اي وعمي توت عنخامون😂😂والاهرامات في دولاب المطبخ
انس:ومجوهرات ولؤلؤ وياقوت وجواري
محمد:جواري؟جدي فرعون مش ابو لهب 😂
انس:فشل بضحك
محمد:وانت في قصركم...امتى بيشنقو جدك المختار
انس:كانا مداروهاش هما بنديرها انا ...ومرحب بي الجنه جت ادنا😂😂😂
محمد:اقسم بالله حبيبي لنم انت وين كنت بس😂
انس:وربي انت اقوى يافرعون الصغير
انس:😂😂😂😂(ضحك بدون سبب)
محمد:😂😂😂😂(ضحك بدون سبب)
___________________________
ساجده:معش تحملت وناضت قعمزت
مالك:عيونه في التلفزيون
ساجده:بتوتر....الموضوع لازم نحكو فيه
مالك:شرب من ردبول يلي جنبه....اي موضوع
ساجده:علاش مخليتنيش نطلق!!
مالك:ساكت
ساجده:رد عليا
مالك:انتي هاذا سؤالك ولا في سؤال تاني تبي تقوليه ومش قادره!
ساجده:سكتت شويه وقامت عيونها...علاش مشيتلها!؟
مالك:شبحلها اخيرا....من هيا؟
ساجده:انت عارف كويس ع منو نحكي....رهف
مالك:بنبره جافه....اموري
ساجده:نصدمت من كلامه وطريقته!..مالك مكانش هكي شن تغير؟....شن قصدك؟
مالك:كلامي واضح قتلك اموري نمشيلها منمشيلهاش شي يخصني
ساجده:عيونها بدو يلمعو...مدام امورك وشي يخصك ومشيتلها علاش روحت بيا بعد ما المده كملت؟
علاش تبيني معاك!!
مالك:شافلها بنضره اول مره تشوفها منه.....المده يلي حطوها هما كملت!
مش المده متعي انا
ساجده:مده متعك؟
مالك:حط حكة المشروب ع الكميدينو...متخافيش
بتطلقي بس لين نكمل يلي في راسي ونكمل مصلحتي
ساجده:كانت تشوفله بذهول💔...قبل يوم بس كان محسسها ان في ذرة حب بينهم ويبي يكمل معاها!
معقوله هاذا وجها الثاني ؟؟
قعدت معلقه فيه عيونها يلي تعبو دموع وبدو يلمعو في الضلام واضحات وتذكر في كلام امها
سلوى:خوانين يابنتي وماعندهمش لاصاحب ولا قلب ربي يباعدهم علينا
مالك:في شي؟؟
ساجده:نزلت عيونها وهيا نحاول تخفي وجها ...لا شي بنشوف نجمه وين
مالك:حاولي متعلقيهاش فيك البنت منبيهاش تتعود عليك
ساجده:تلفتت تشوفله وتحكي داخلها....متأكد انت مالك💔
مالك:تمام!؟
ساجده:عطاته بي الضهر وهيا قايمه راسها وتمسح في عيونها بطرف صبعها...ولا يهمك متشيلش هك
طق طق طق طق
ساجده:فتحت الباب
رجاء:دفتها بيدها...ترا بعدي هكي
مالك نجمه ياروحي عليها ناض عليها صدرها ومفقتش بيها الا توا بالله بسرعه نوض
مالك:ناض بسرعه جبد مفاتيحه بخوف وطلع عكس زمان لما كان يرقد من اثر الشرب ويقوللها شوفي حد من خوتي يرفعها
طلع مالك وسكر الباب وراه ونهارت ساجده تبكي وتضرب في اي شي قدامها💔
تبكي بهستيريا حست ان انضحك عليها💔💔💔
كيف قدر في لحضات يحسسها ان هيا الكل في الكل ويرمي في نفسه عليها بتعب ❤️ويبي يكمل حياته معاها
وتوا كشف خطته ليها ووجها الثاني يلي كله جفاف ومصالح!
بس خلاص لعند هنايا وبس ساجده بترجع نفس قبل 🔥
____________________________
رهف:اهلي بكرا جايين
عمار:كويس
رهف:حتى قدامهم هكي بتقعد متكلمش فيا!؟
عمار:مش طايق حتى نسمع صوتك ياريت تسكتي
رهف:بلعت ريقها وسكرت عيونها ثواني وهيا تحاول تهدا وتراجع نفسها ع الغلط يلي ارتكباته
متقدرش تلوم راجلها لان طلعت قدامه خاينه 💔
حاولت تغير الحوار بينهم
رهف:شن صار اليوم؟
خلاص بيطلعو من البلاد
عمار:ارتاحي حبيبك مش حيطلع من هنايا
رهف:رغم انه تتسمى وقاحه بس داخلها حست بي فرحه وتحشمت حتى بينها وبين نفسها ان تحس هكي !
عمار:الباين ان حبيب القلب مش رح يطلع من هنايا
خاطره يموت ويندفن هنايا وقريب ان شاء الله
رهف:بلعت ريقها بخوف من الكلام يلي سمعاته
عمار:انا مروح متبي شي!
رهف:بتروح وتخليني؟
عمار:اي
رهف:سكتت وفهمت ان بجد راجلها كرها
عمار:تصبحي ....وطلع وسكر الباب
___________________________________
مالك:نزل يجري من السياره ماسك بنته بين يديه يلي كانت شبه متتنفسش خشو بيها قسم الاسعاف وطبعا كلنا عارفين مستشفياتنا كل شب مفيش ومعندهمش
حولها الدكتور علي اقرب قسم عندهم فيه انبوبة اكسحين وكان القسم هاذا قسم الولاده
قاد مالك برا لان تالفونه شريين وخشت رجاء مع نجمه
مالك:ايوا
احمد:شن صار في البنت وين انت؟
مالك:كيف وصلت بيها المشفى...نفس القصه عندها جرعه نكملها ومروح
احمد:به مليح متبي شي؟!
مالك:لالا الامور تمام
احمد:ماشي هي ....وسكر الخط
محمد:فتح الباب بشويه ونخلع لما شاف احمد نايض
احمد:بنضرة كشفتك....شنو يافالح؟
ع اساس بتلقاني راقد وبترقد في داري زي كل يوم؟
محمد:اصلا هنايا يبان فيك عرق النخوه والاخوه
ترضى؟ترضى خوك يتجمد من الصقع؟
امك مانعه علينا الدفايات لان حوش جارتها اسمهان حوشها انحرق بسبب الدفايه سنة1996
ومفيش الا المكيفات هنايا ومكيفي فاسد والاسطى يلي جبته بيصلحولي قصير ويخاف يركب ع الكرسي
احمد:كملت؟
محمد:مزال بنحكيلك على الفوبيا من البطاطين
احمد:اطلع محمد
محمد:ماهو م....
احمد:اطلللللع
محمد:قول انك ارتبطت وعندك نيه تهدرز وترك معاها الجو متبي حد معاك والله نحشي في وداني حبات زيتون
احمد:اطططططططلع
محمد:بلاش....وطلع
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
مالك:سكر التالفون وخش معش فهم نجمه وين!؟
الموضفه يلي واقفه على الريسبشن عجبها مالك من بعيد نادت عليه...تفضل خوي
مالك:جبت بنتي هنايا عندها جرعة اكسجين
الموضفه:خيبات الامل على وجها....وحده من الغرف الاخيرات ع يدك اليمين ....هوا ممنوع دخول الرجال بس اسعاف عادي
مالك:تمام منوره
الموضفه:جمالك❤️❤️
مالك:كمل الممر وفتح الباب وخش
رهف:مالك😨😧😧
مالك:جمد في مكانه لما شافها
ليش القدر مصر يجمعهم الاثنين ويستغل في الفرص هكي!؟
رهف:قعمزت بصعوبه...جيش عشاني صح🥺
مالك:بلع ريقه....مخربط في الغرفه لا اكتر
رهف:لا انا متأكده جيت ع خاطري
مالك:طلع وسكر الباب
_________________________
سيرين:الحمد الله البيبي زي العسل وهلبا ناس قالو فيه شبه منك
اختي عاد مش برانيه
ساجده:ضحكت بتعب...كويس ❤️😅
شن حال راجلك وشن اموره معاك
سيرين:الحمد الله تمام الايام هاذي خدمه منشوفش فيه هلبا
انتي طمنيني ع وضعك عند اهل فرعون
ساجده:كويس الحمد الله لا جديد
سيرين:في شي؟
ساجده:لا ليش؟
سيرين:منعرفش حسيت يعني متصله بيا في ها الوقت صايره حاجه بتحكيهالي؟
ساجده:كانت خلاص بتبدا تحكي بعدين تراجعت في اخر لحضه ...لالا شي غير استاحشتك من يوم سبوعك معش كلمتك هاذا وين عبيت رصيد
سيرين:ياعمررري❤️❤️والله انا اكتر اول ما نربعن نديرو جمعه في حوش بري ولا تعالي هدرزي عليا في حوشي
ساجده:ان شاء الله غزالتي ...هي تصبحي ع خير سلميلي على بو نسيب
سيرين:سلمك يوصل
_________________________
كانت رجاء تتململ يتوتر ...مش قادره تاخد وتعطي مع مالك شي
هوا عقله في عالم تاني حتى تكلم فيه ميردش عليها ولا يشوفلها
خدي بنته في حضنه وركب بيها لي غرفت رجاء اول ما خش للغرفه شم ريحة المعطر يلي كانت قويه هلبا ومخطرتش في باله لحضه ان يكون هاذا كله مقصود!
مالك:شنو هاذا؟
الف مره قلت الدار هيا ميخشلهاش لا معطر ولا صابون ولا بخور
رجاء:هاذي سكينه الله يسامحها تسحابه نجمه بترقد عند ساجده ديمه
مالك:رجع قام بنته من على السرير وكانت راقده
رجاء:استنى خليك متطلعش
مالك:بعد من قدامي البنت راقده
رجاء:بنضرات واطيه....حطها ع السرير تو نفتح الروشن
مالك:مش سكران ره اقلبي من قدامي ....ودف الباب برجله وطلع
رجاء:سكرت الباب وراه بقوووه....مفهمتش علاش كل شي نخططله ميجيش كيف ما نبي
____________________________
خش مالك لي غرفة النوم حط بنته ع السرير وغطاها
شاف ساجده راقده ع الكنبه وحاضنه التالفون...غطاها وجبد التالفون منها بدون ما تحس
شاف اخر المكالمات كانت اختها
حط التالفون ع الطاوله وطلع للبلاكونا يدخن في عز الصقع
شن يلي يصير معاه؟وشنو كمية الضياع يلي يحس بيها !مش مفهومه
اول مره مش عارف نفسه شنو يبي وشنو ميبيش!!
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
ثاني يوم⛅️⛅️⛅️
انس:ياكل وكلهم منتبهين لي كلامه....والله هوا هكي قالي بي الاحرف قالي برا وصل للعيله
ساجده منبيش نطلقها معش خطرله قصة الشهر ما شهر هاذي
حافظ:انا بوها مفروض قالي ها الكلام
حسن:ع اساس هما متعودين يقدرو حد ياعمي؟!
عبدو:وانت تهز راسك وفرحان اختك عنده!
انس:اختي مرته وحلاله ...خير من يلي خواتهم مزردين فيهم
حيدر:اعرف شنو اطلع من فمك
انس:يمضغ...كلمات واحاديث
شنو بيطلع غير هكى
حسن:هاذا ياجدي يبو نهدو عليهم مره وحده
مختار:وهوا سارح...امس طول الليل مارقدش وانا نفكر
حافظ:شن في يابوي
مصطفى:ان شاء الله خير يابوي
نصر:صاير شي؟؟
مختار:امس وصلني خبر فرعون شري ارض السريع كلها ....وهكي معناها بدت نص البلاد ليه
عبدو:ضرب رجله ع الارض كنت مخططلها الارض هيا
خزززي ع العكس
مختار:اولاد رمزي قاعدين يلعبو في رزقهم ويصرفو فيه ع الفاضي ومتأكد نهايتهم بتكون الفلس
نصر:والمعنى شنو يابوي
حسن:جدي مخطط لي شي؟
مختار:لازم نكسبوهم ونشدوهم من يدهم يلي توجعهم زي مادارو معانا وخدو ساجده
عبدو:كيف مفهمتش؟!
مختار:اناسبوهم وناخدو منهم
حسن:وانا جاهز ياجدي مستعد نتزوج منهم عشانك
انس:ادكر لي اختهم يلي شافها وفتح عيونه بصدمه......
________________________
مالك:لاحض ان ساجده متبيش حتى تشوف لي وجها طول الوقت مهتمه بي نجمه وبس❤️
ساجده:متتكلميش ارتاحي
نجمه:سوجي نكبر يبدا شعري حلو زيك
ساجده:ابتسمت....اي
مالك:يبطم في سوريته انتبه على شعر ساجده
قايماته كعكه فوق بس من كثر نعومته في كم خصله نازله عليها❤️
نجمه:بابا وين تمشي
مالك:كان داخله فرحان ان نجمه صبحت كويسه...الخدمه ...ويجهز في نفسه
نجمه؛نحبك❤️
مالك:تلفتلها بسرعه ..فاجأته الكلمه هاذي منها❤️
قرب عليها وباسها على راسها ....اقعدي في السرير اليوم متلعبيش ارتاحي وبكرا العبي
نجمه:هزت راسها بمعنى تمام
مالك:ناض بيطلع
نجمه:باااابا
مالك:شنو
نجمه:وسووجي عطيها
مالك:قرن حواجبه مش فاهم
نجمه:حطت يدها ع راسها....بوسه بوسه حتى هيا تحبنا
مالك:ابتسم ع جنب وقرب ع ساجده
ساجده:ترتب في مكياجها وتشوف للارض
قرب مالك باسها ع راسها بجفاف
نجمه:احووواحووو بابا مخريه لا به
مالك:ضحك...به حاضر
___________________________
نهال:سكينه تالفونك يرن
سكينه:مسحت يديها من امية الماعين وطلعت
مسكت التالفون ونخطف لونها لما شافت اسم رهف يتصل
_____________________________
مالك:رجع وهوا ناسي مفاتيحه
ساجده:رجعت لبست تب التوته بسرعه
مالك:دار روحه مشاف شي وكمل يدور ع مفاتيحه لي لقاهم طايحات جنب السرير
خداهم ولما ناض لمح شي من بعيد ...يتبع
لايك يابنات ع خاطر سحب الايفون8بلاس
الفصل الثامن عشر من هنا
مالك:رجع دفها بقوه لين ردها الحيط...لما نتكلمممممممم انا تجاوبيني
ساجده:سكرت عيونها ثواني من اثر الخبطه
مالك:يهز فيها بقوه...مروحه على خااااطره!!؟
نكلم فيكككككككك ردي
ساجده:بعداته بكل قوتها...مش مروحه عشان حدددد
ومش مشكلتي لو انت عندك فوبيا وتجارب قديمه تخص الخيانه مش كلنا زي بعض
مالك:سكت لي ثواني وهوا يشوفلها
ساجده:سكتت حتى هيا بس قاعد الخوف ماليها
مالك:شن قصده بي ان عاطيك مهله باش ترجعي؟
ساجده:هه تراقب في مكالماتي؟
مالك:اموري هاذي جاوبي وبس
ساجده؛لا انت مريض رسمي ...جت بتطلع من الغرفه بس مسكها من جديد
مالك:شنو قصده!
ساجده:قلبت عيونها بملل وخدت نفس ....مقصده شي ولا في شي اصلا
كل مشكلته مع احفاد فرعون وبس وميبيكمش تناسبو العيله عشان ميقعدش مضطر يحترمكم
ويبيني نطلق وتكمل القصه هيا وخلاص
مالك:رجع بخطوات صغيره للخلف كأنه اقتنع بي الكلام يلي قلاته
ساجده:ان شاء الله تكون ارتحت بس...وطلعت
مالك:ضرب يده ع الحيط بي اعصاب 🔥
___________________________
نهال:رر رهف😨!!
ياقوت:نزلت الوشاح على وجها...منو رهف 😅
نهال:ضحكت....ههههه شبهت عليك بي وحده نعرفها خلعتيني قلت شنو جابها في ها الليل سامحيني
ياقوت:اها😅عادي ولا يهمك انا جيت في وقت مش مناسب عارفه
نهال:لالا بلعكس عادي تفضلي
ياقوت؛مستعجله بابا برا ميبنيش نعطل ....هاذي حفاضه فيها تمر معجون مدايراته ام ساجده وحسبتكم فيه
نهال:صحيتي ❤️
ياقوت:سلمك....وين خوك احمد الطرف 🥺
نهال:نصدمت وضحكت.....فوق في داره
ياقوت:عيلتكم كلها هكي قنين والخشم في كوكب المشتري
نهال:😂😂😂😂😂ههههههههه اي للاسف
بيييييييب
ياقوت:وووه بوي صبره نفد يالله بسلامه
نهال:وانتي طالعه اشبحي فوق بالك تلقيه في الروشن
ياقوت:مقنينتك وانتي تساعدي فيا ان شاء الله تحصلي عريس معبي
نهال:ههههههه مش طبيعيه....وسكرت الباب
_____________________________
احمد:غسل وجها في الحمام هوا يحاول يذكر ويعصر دماغه
كل الصور يلي تجي في راسه فرعون يحكي هوا ومرته
شنو الكلام!؟
كأنه يخص جريمة قتل !
قتل مرا متزوجه والقصه قديمه
حاول يعصر دماغه من الحلم يلي شافه وللاسف مطلع معاه شي غير هاذا 💔
واخر لقطه طالع متكنطي بسبب يلي سمعه ويبي يحكي لي مالك بس بعدين صار الحادث🔥
نشف وجها من الميه وطلع مشروب طاقه ..وقف ع الروشن يتفرج ع المطر يلي كانت خيط واحد
مصدقش عيونه اول ماشاف ياقوت واقفه تحت المطر وشعرها المبلول طالع مبعثر على ضهرها
ياقوت:دارتله باي وبوسه من بعيد
احمد:لا رسمي البنت هيا جنيه مش بشر
ياقوت:نقزت في مكانها مفزوعه لما سمعت كلاكس بوها وطلعت تجري
احمد:ضحك...لكن سمحه
وهبله ربي يعين يلي بياخدها وخلاص
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
نجمه:احووو احوووو ...ماما رجاء صدري يوجع
رجاء:اششش ارقدي حبيبتي ارقدي مفيه شي
نجمه:احوووووو اححححححوووو
طق طق طق
رجاء:ادخل
سكينه:طلبتيني؟
رجاء:انتي شنو قصتك الايام هيا متغيره!؟
سكينه:بتوتر تساوي في الشاربه يلي على راسها...ااءء انا خيرني؟
رجاء:انا يلي بنسألك والله مش انتي معش ساعدتيني في شي
اتفقنا نديرو الف خطه عشان طلاق ساجده الكلبه هاذي مريتش منك اي مساعده
سكينه:ببرود....معمريش اتفقت انا وياك على حجات زي هادي
رجاء:ضحكت...تبصري صح!
سكينه:لا والله
رجاء:تلاشت الضحكه من على وجها وتغيرت ملامحها....شن قصدك انتي
سكينه:ولا شي بس انتي ممكن غالطه اتفقتي مع حد تاني وتسحابيه انا
رجاء:نزلت من السرير...انتي تبي تهبليني ولا كيف؟
لا ياماما مش انا يلي ينضحك عليا
الكلام هاذا صار وانتي وافقتي مقابل نعطيك فلوس
سكينه:لما تلقي شهود على الكلام هاذا تعالي كلميني ...يالله عن اذنك
وطلعت
رجاء:قعمزت على السرير...حلو حلو
الحوش كله عليااا بسيطه تو نشوفو منو يلي يفوز في الاخر
______________________________
نهال:حطت الحفاضه على الطاوله ....رغم ان الثمر مش وقته توا صقع
هاذي جابتها ام ساجده قالت خدماته وحسبتكم فيه
خيريه:نحي يابنت متاكليش منه
نهال:علاش
خيريه؛هادم ناس مش مضمونه مرات مدايرين فيه كتايب
ولا حاجه
نهال:ردت التمر مكانه وهيا خاطرها فيه💔
محمد:نزل بحركات تسهويك من الدروج وخذي عبيا تمر كلاه في مره وحده ....منين الحجات الزمنيه هيا
جميله:🤦🏻♀️🤦🏻♀️مشي الولد سلامتك في ياعمتي
خيريه:نححححي ياولد نحي طلعه من فمك
محمد:زمطه....خيرك ياحناي🙄
خيريه:بصوت تكشيخ...الولد هاذا ديمه عقله مش عليه يهز في راسه وخلاص بدون تفكير
محمد:ياودي بنطلع اهو باش تفتكو مني
خيريه:خذت نفس وهيا قاعده ناقره حواجبها
محمد:رجع بنضرات خبث....ممكن جطعه تانيه لان بنته حلوه وعجبني
خيريه:عطوني حاجه نحدفه بيها عطوووني
محمد:طلع بسرعه وهوا يضحك
ساجده:نزلت
نهال:سوجي تعالي شوفي امك بعتتلك مع ياقوت
ساجده؛ابتسمت .... ديمه حاسبتني امي في كل شي ❤️
خيريه:قوليلها تحسبك في اعشاب باش تحملي
جميله:نفخت بضيق...بمعنى انها مش راضيه على الكلام يلي ينقال لي ساجده على الطالعه والنازله 💔
نهال:تشوف بتوتر عارفه الكلام هاذا يجرح هلبا
ساجده:ابتسمت....مزال شوي نبي نجمه تشد حيلها شويه بعدين ساهل حتى نجيب نكون متريحه
نهال:شافت لي امها وابتسمت بخبث
خيريه:هاذا مش عذر ....وعندك من هني لي شهرين تانيات متحمليش بنشوف عروسه لي مالك
رجاء:طالعه من الممر وسمعت كلامهم....وانا موافقه مستحيل نرفض عشان نجمه
خيريه:قلت عروسه انا مش هيدوقه
رجاء:وجها تغير ومشتها بضحكه ع اساس ان خيريه تبصر
نهال وساجده ماسكين ضحكتهم بسيف
جميله:وين نجمه مش باينه؟
رجاء:راقده فوق لعبت هلبا اليوم
خيريه:شافت لي الساعه.....نوضي انتي وياها ياسر ليل كل وحده لي غرفتها ارقدو
نهال:ناضت وهيا تخبط مزال خاطرها تسهر
رجاء:تصبحي على خير عمتي عندك حق حتى انا بديت نبي نرقد بكري مليح هلبا عنده فوائد
خيريه:قارنه حواجبها وتشوفلها
ساجده:تصبحو ع خير...وناضت
خيريه؛لا انتي خليك نبيك في كم حاجه
رجاء:امالا حتى انا خلي نقعد ونركبو مع بعض
خيريه:حد منكم يقيمها من قدامي خير ما نعطها على حموم سعدها
جميله:اركبي يارجاء فكينا
رجاء:افففف به....طلعت وقعدت واقفه جنب الممر تحاول تسمع كلمه ولا اثنين
خيريه:تشوف لي جميله
جميله:فهمت ان تبيها تنوض....خلي نشوف سكينه لازم تبي حد واقف على راسها باش تكمل بكري
خيريه:مدام قعدنا بروحنا بنعطيك كلمتين باهيات حطيهم في ودنك كويس
ساجده:سرحت وتتكلم داخلها....قداش تشبهي عمتي الله لايرحمها
نفس النضره متع الشر ونفس الكلام
خيريه:مالك هاذي ثالث علاقه ليه ومنبيهاش تفشل
الاولى خطبها وخلاته
والثانيه كانت علاقتها بيه سيئ وماتت الله لا تردها وتوا الدور عليك
نبي ولدي يتهنى
ساجده:ولدك؟
خيريه:اي مالك وخوته ولادي مش احفادي قطعه مني ومانرضى فيهم حاجه
ساجده:خدت نفس ويديها مشبكات في بعض بتوتر....شنو المطلوب مني بزبط ياعمتي ؟
خيريه:تتكلم بصوت واطي....الرجاله كلهم زي بعض
كلهم زي العيل مفيش حد مختلف على التاني
حتى من فرعون يلي تشوفي فيه توا شامخ وهيبه
داخل عيل صغير
ساجده:انفتحو عيونها على وسعهم وهيا تسمع
خيريه:يبي مرا اداريه تصونه تحافظ عليه وتدلع عليه مره مره
حببيه فيك بكلامك معاه وديمه كوني ليه الوساده يلي يرتاح فيها من هم الزمان
ساجده:اذكرت لما مالك يرقد في حضنها تكلمت داخلها وساده طبيه احسن مني والله ما لاقي وحده تتحمله بي الرزن هاذا غيري😂
خيريه:وبعد ما تكملي المراحل هاذي كلها جيبيله العيل يلي يفرح قلبه ويخليه يقرب منك اكتر
ساجده:هزت راسها بمعنى تمام
خيريه:انا لاحضتك مغيرتيه شويه من ناحية بنته وبدي متقبلها وهاذا كويس معناها عندك تأثير قوي عليه
ساجده:ابتسمت
خيريه:يالله توا نوضي الهي بي راجلك اليوم فات عليه يوم طويل ومتعب نوضي ريحيه
ساجده:بي ابتسامه.....حاضر عمتي وصحيتي على النصايح هاذي بي ادن الله نطبقهم❤️
تصبحي ع خير
خيريه:تلاقي الخير
ساجده:عطتها بي الضهر وتحكي داخلها...خرا عليك انتي وفرعون واحفادك ال3
خيريه:سرحت شويه وهيا تفكر في ساجده بعدين ناضت
____________________________
نهال:كانت ماله من الكساد
مش جايها نوم وتتصفح في النت ...خطر عليها شي
دارت بحت بي اسم انس مختار
وبدو يطلعولها حسابات تانيه لين دق قلبها بقوه لما طلعلها حساب انس اخ ساجده
خشت لي صفحته وبدت تتفرج على صوره ومناشيره يلي كانت كلها تافها واضحك ...ونصدمت لما شافت خوها محمد يعلقله بصور اتفه من المنشور نفسه😂
كيف يعني؟😨هما صحاب ولا شنو؟؟
مش خوتها واحفاد مختار مايتحابوش؟شن صاير!!
وهيا تتفرج دارت لايك بلغلط ومن الخلعه سكرت النت ورقدت😂
___________________________
فايزه:منقدروش نطلعو واختك في العده ريحي روحك
ياقوت:اي ماهو ديمه مكاني في المطبخ بس طاولة اكل انا؟؟غسالة اماعين انا؟؟
فايزه:سكري فمك وقعمزي عاد صدعتيلي راسي
ياقوت:قامت يديها....يااااارب نتزوج حفيد فرعون نخليه هكي ميت فيا ونقوله تعالا دمر ام المطبخ متاعنا
يسرى:نحت البطانيه من على راسها....دعوتك كان فاتت حواجبك مازيك حد
ياقوت:انتي ضمي فمك المرا يلي في العده متتكلمش وتناشب خواتها
يسرى😂😂😂
ضحكت يسرى متعلمش ان باب العرش مرات مفتوح!!
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
ساجده:رجعت لي غرفة النوم شافت مالك يمسح في شعره من الميه ....نحت بدلة الصلاة يلي نزلت بيها وقعمزت ع الصالون تتصفح في تالفونها
مالك:نحى خاتمه وحطه ع الطاوله....شن اديري!
ساجده:فاتحه النت....مراقبه حتى هوا؟هه
مالك:مردش عليها وكمل يقلب في قناوات التلفزيون
ضرب رعد قوي برا خلا ساجده تنخلع وتنوض من مكانها
وقفت سكرت الروشن كويس ودارت عليه الستار
مالك:عيونه في التلفزيون
ساجده:قعدت ماشيه جايه وفي قلبها هلبا كلام تبي تقوله والف سؤال تبي تسأله
ليش مشي لي رهف!!؟ليش وهوا قبل ما يطلع باسني على راسي وكانت امورنا تمام !!
رقدت ع السرير وعطاته بضهر ...كان في داخلها تراجي فيه يقوللها اي كلمه عشان تفتح الموضوع وتفرغ قلبها لكن!!!!
لكن مالك كان بااااارد يتفرج ع الفيلم ولا كأنه صار شي ابدا
______________________________
محمد:يرك في الارقيله....انا وياك صايرلنا زي الشاب والبنت اول ما يتعرفو ع بعض ويبدو يتلاقو بسر
انس:بيبي امتى بتخطبني
محمد:نجيك ياحبي من غضوا وكلمة تريس خوديها مني 😂
انس:لا نبي نكمل قرايتي😂😂
محمد:ارقدي انتي وقرايتك تو ناخد بنت خالي 😂
انس:يرقق في صوته....حكير واتي عشمتني فيك حسبي الله ونعم الوكيل تلقاه في خواتك
محمد:غير بشويه وانت عجبك الدور😂😂😂😂
انس:😂😂
محمد:خدي نفس عميق....امتى بتكمل القضيه هيا
انس:ينضمو امورهم ياحبيبي مهم انا ميحشوني في شي
محمد:تنهد....مبكري جدي قال كلمته
بسيف لازم يطلعو ولاد رمزي من البلاد
انس:تي لا سيف لا موس خضراء حتى وهما قاعدين والله ميقدرو يديرو حاجه ره كله وهم
راس كلاشن ومسدس تركي فرحانين بيهم
محمد:حسيت حتى انا
انس:قولي
محمد:يساوي في الجمرات...ها
انس:في القصر عندكم كليو بترا مع فرعون😂😂
محمد:اي وعمي توت عنخامون😂😂والاهرامات في دولاب المطبخ
انس:ومجوهرات ولؤلؤ وياقوت وجواري
محمد:جواري؟جدي فرعون مش ابو لهب 😂
انس:فشل بضحك
محمد:وانت في قصركم...امتى بيشنقو جدك المختار
انس:كانا مداروهاش هما بنديرها انا ...ومرحب بي الجنه جت ادنا😂😂😂
محمد:اقسم بالله حبيبي لنم انت وين كنت بس😂
انس:وربي انت اقوى يافرعون الصغير
انس:😂😂😂😂(ضحك بدون سبب)
محمد:😂😂😂😂(ضحك بدون سبب)
___________________________
ساجده:معش تحملت وناضت قعمزت
مالك:عيونه في التلفزيون
ساجده:بتوتر....الموضوع لازم نحكو فيه
مالك:شرب من ردبول يلي جنبه....اي موضوع
ساجده:علاش مخليتنيش نطلق!!
مالك:ساكت
ساجده:رد عليا
مالك:انتي هاذا سؤالك ولا في سؤال تاني تبي تقوليه ومش قادره!
ساجده:سكتت شويه وقامت عيونها...علاش مشيتلها!؟
مالك:شبحلها اخيرا....من هيا؟
ساجده:انت عارف كويس ع منو نحكي....رهف
مالك:بنبره جافه....اموري
ساجده:نصدمت من كلامه وطريقته!..مالك مكانش هكي شن تغير؟....شن قصدك؟
مالك:كلامي واضح قتلك اموري نمشيلها منمشيلهاش شي يخصني
ساجده:عيونها بدو يلمعو...مدام امورك وشي يخصك ومشيتلها علاش روحت بيا بعد ما المده كملت؟
علاش تبيني معاك!!
مالك:شافلها بنضره اول مره تشوفها منه.....المده يلي حطوها هما كملت!
مش المده متعي انا
ساجده:مده متعك؟
مالك:حط حكة المشروب ع الكميدينو...متخافيش
بتطلقي بس لين نكمل يلي في راسي ونكمل مصلحتي
ساجده:كانت تشوفله بذهول💔...قبل يوم بس كان محسسها ان في ذرة حب بينهم ويبي يكمل معاها!
معقوله هاذا وجها الثاني ؟؟
قعدت معلقه فيه عيونها يلي تعبو دموع وبدو يلمعو في الضلام واضحات وتذكر في كلام امها
سلوى:خوانين يابنتي وماعندهمش لاصاحب ولا قلب ربي يباعدهم علينا
مالك:في شي؟؟
ساجده:نزلت عيونها وهيا نحاول تخفي وجها ...لا شي بنشوف نجمه وين
مالك:حاولي متعلقيهاش فيك البنت منبيهاش تتعود عليك
ساجده:تلفتت تشوفله وتحكي داخلها....متأكد انت مالك💔
مالك:تمام!؟
ساجده:عطاته بي الضهر وهيا قايمه راسها وتمسح في عيونها بطرف صبعها...ولا يهمك متشيلش هك
طق طق طق طق
ساجده:فتحت الباب
رجاء:دفتها بيدها...ترا بعدي هكي
مالك نجمه ياروحي عليها ناض عليها صدرها ومفقتش بيها الا توا بالله بسرعه نوض
مالك:ناض بسرعه جبد مفاتيحه بخوف وطلع عكس زمان لما كان يرقد من اثر الشرب ويقوللها شوفي حد من خوتي يرفعها
طلع مالك وسكر الباب وراه ونهارت ساجده تبكي وتضرب في اي شي قدامها💔
تبكي بهستيريا حست ان انضحك عليها💔💔💔
كيف قدر في لحضات يحسسها ان هيا الكل في الكل ويرمي في نفسه عليها بتعب ❤️ويبي يكمل حياته معاها
وتوا كشف خطته ليها ووجها الثاني يلي كله جفاف ومصالح!
بس خلاص لعند هنايا وبس ساجده بترجع نفس قبل 🔥
____________________________
رهف:اهلي بكرا جايين
عمار:كويس
رهف:حتى قدامهم هكي بتقعد متكلمش فيا!؟
عمار:مش طايق حتى نسمع صوتك ياريت تسكتي
رهف:بلعت ريقها وسكرت عيونها ثواني وهيا تحاول تهدا وتراجع نفسها ع الغلط يلي ارتكباته
متقدرش تلوم راجلها لان طلعت قدامه خاينه 💔
حاولت تغير الحوار بينهم
رهف:شن صار اليوم؟
خلاص بيطلعو من البلاد
عمار:ارتاحي حبيبك مش حيطلع من هنايا
رهف:رغم انه تتسمى وقاحه بس داخلها حست بي فرحه وتحشمت حتى بينها وبين نفسها ان تحس هكي !
عمار:الباين ان حبيب القلب مش رح يطلع من هنايا
خاطره يموت ويندفن هنايا وقريب ان شاء الله
رهف:بلعت ريقها بخوف من الكلام يلي سمعاته
عمار:انا مروح متبي شي!
رهف:بتروح وتخليني؟
عمار:اي
رهف:سكتت وفهمت ان بجد راجلها كرها
عمار:تصبحي ....وطلع وسكر الباب
___________________________________
مالك:نزل يجري من السياره ماسك بنته بين يديه يلي كانت شبه متتنفسش خشو بيها قسم الاسعاف وطبعا كلنا عارفين مستشفياتنا كل شب مفيش ومعندهمش
حولها الدكتور علي اقرب قسم عندهم فيه انبوبة اكسحين وكان القسم هاذا قسم الولاده
قاد مالك برا لان تالفونه شريين وخشت رجاء مع نجمه
مالك:ايوا
احمد:شن صار في البنت وين انت؟
مالك:كيف وصلت بيها المشفى...نفس القصه عندها جرعه نكملها ومروح
احمد:به مليح متبي شي؟!
مالك:لالا الامور تمام
احمد:ماشي هي ....وسكر الخط
محمد:فتح الباب بشويه ونخلع لما شاف احمد نايض
احمد:بنضرة كشفتك....شنو يافالح؟
ع اساس بتلقاني راقد وبترقد في داري زي كل يوم؟
محمد:اصلا هنايا يبان فيك عرق النخوه والاخوه
ترضى؟ترضى خوك يتجمد من الصقع؟
امك مانعه علينا الدفايات لان حوش جارتها اسمهان حوشها انحرق بسبب الدفايه سنة1996
ومفيش الا المكيفات هنايا ومكيفي فاسد والاسطى يلي جبته بيصلحولي قصير ويخاف يركب ع الكرسي
احمد:كملت؟
محمد:مزال بنحكيلك على الفوبيا من البطاطين
احمد:اطلع محمد
محمد:ماهو م....
احمد:اطلللللع
محمد:قول انك ارتبطت وعندك نيه تهدرز وترك معاها الجو متبي حد معاك والله نحشي في وداني حبات زيتون
احمد:اطططططططلع
محمد:بلاش....وطلع
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
مالك:سكر التالفون وخش معش فهم نجمه وين!؟
الموضفه يلي واقفه على الريسبشن عجبها مالك من بعيد نادت عليه...تفضل خوي
مالك:جبت بنتي هنايا عندها جرعة اكسجين
الموضفه:خيبات الامل على وجها....وحده من الغرف الاخيرات ع يدك اليمين ....هوا ممنوع دخول الرجال بس اسعاف عادي
مالك:تمام منوره
الموضفه:جمالك❤️❤️
مالك:كمل الممر وفتح الباب وخش
رهف:مالك😨😧😧
مالك:جمد في مكانه لما شافها
ليش القدر مصر يجمعهم الاثنين ويستغل في الفرص هكي!؟
رهف:قعمزت بصعوبه...جيش عشاني صح🥺
مالك:بلع ريقه....مخربط في الغرفه لا اكتر
رهف:لا انا متأكده جيت ع خاطري
مالك:طلع وسكر الباب
_________________________
سيرين:الحمد الله البيبي زي العسل وهلبا ناس قالو فيه شبه منك
اختي عاد مش برانيه
ساجده:ضحكت بتعب...كويس ❤️😅
شن حال راجلك وشن اموره معاك
سيرين:الحمد الله تمام الايام هاذي خدمه منشوفش فيه هلبا
انتي طمنيني ع وضعك عند اهل فرعون
ساجده:كويس الحمد الله لا جديد
سيرين:في شي؟
ساجده:لا ليش؟
سيرين:منعرفش حسيت يعني متصله بيا في ها الوقت صايره حاجه بتحكيهالي؟
ساجده:كانت خلاص بتبدا تحكي بعدين تراجعت في اخر لحضه ...لالا شي غير استاحشتك من يوم سبوعك معش كلمتك هاذا وين عبيت رصيد
سيرين:ياعمررري❤️❤️والله انا اكتر اول ما نربعن نديرو جمعه في حوش بري ولا تعالي هدرزي عليا في حوشي
ساجده:ان شاء الله غزالتي ...هي تصبحي ع خير سلميلي على بو نسيب
سيرين:سلمك يوصل
_________________________
كانت رجاء تتململ يتوتر ...مش قادره تاخد وتعطي مع مالك شي
هوا عقله في عالم تاني حتى تكلم فيه ميردش عليها ولا يشوفلها
خدي بنته في حضنه وركب بيها لي غرفت رجاء اول ما خش للغرفه شم ريحة المعطر يلي كانت قويه هلبا ومخطرتش في باله لحضه ان يكون هاذا كله مقصود!
مالك:شنو هاذا؟
الف مره قلت الدار هيا ميخشلهاش لا معطر ولا صابون ولا بخور
رجاء:هاذي سكينه الله يسامحها تسحابه نجمه بترقد عند ساجده ديمه
مالك:رجع قام بنته من على السرير وكانت راقده
رجاء:استنى خليك متطلعش
مالك:بعد من قدامي البنت راقده
رجاء:بنضرات واطيه....حطها ع السرير تو نفتح الروشن
مالك:مش سكران ره اقلبي من قدامي ....ودف الباب برجله وطلع
رجاء:سكرت الباب وراه بقوووه....مفهمتش علاش كل شي نخططله ميجيش كيف ما نبي
____________________________
خش مالك لي غرفة النوم حط بنته ع السرير وغطاها
شاف ساجده راقده ع الكنبه وحاضنه التالفون...غطاها وجبد التالفون منها بدون ما تحس
شاف اخر المكالمات كانت اختها
حط التالفون ع الطاوله وطلع للبلاكونا يدخن في عز الصقع
شن يلي يصير معاه؟وشنو كمية الضياع يلي يحس بيها !مش مفهومه
اول مره مش عارف نفسه شنو يبي وشنو ميبيش!!
🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
ثاني يوم⛅️⛅️⛅️
انس:ياكل وكلهم منتبهين لي كلامه....والله هوا هكي قالي بي الاحرف قالي برا وصل للعيله
ساجده منبيش نطلقها معش خطرله قصة الشهر ما شهر هاذي
حافظ:انا بوها مفروض قالي ها الكلام
حسن:ع اساس هما متعودين يقدرو حد ياعمي؟!
عبدو:وانت تهز راسك وفرحان اختك عنده!
انس:اختي مرته وحلاله ...خير من يلي خواتهم مزردين فيهم
حيدر:اعرف شنو اطلع من فمك
انس:يمضغ...كلمات واحاديث
شنو بيطلع غير هكى
حسن:هاذا ياجدي يبو نهدو عليهم مره وحده
مختار:وهوا سارح...امس طول الليل مارقدش وانا نفكر
حافظ:شن في يابوي
مصطفى:ان شاء الله خير يابوي
نصر:صاير شي؟؟
مختار:امس وصلني خبر فرعون شري ارض السريع كلها ....وهكي معناها بدت نص البلاد ليه
عبدو:ضرب رجله ع الارض كنت مخططلها الارض هيا
خزززي ع العكس
مختار:اولاد رمزي قاعدين يلعبو في رزقهم ويصرفو فيه ع الفاضي ومتأكد نهايتهم بتكون الفلس
نصر:والمعنى شنو يابوي
حسن:جدي مخطط لي شي؟
مختار:لازم نكسبوهم ونشدوهم من يدهم يلي توجعهم زي مادارو معانا وخدو ساجده
عبدو:كيف مفهمتش؟!
مختار:اناسبوهم وناخدو منهم
حسن:وانا جاهز ياجدي مستعد نتزوج منهم عشانك
انس:ادكر لي اختهم يلي شافها وفتح عيونه بصدمه......
________________________
مالك:لاحض ان ساجده متبيش حتى تشوف لي وجها طول الوقت مهتمه بي نجمه وبس❤️
ساجده:متتكلميش ارتاحي
نجمه:سوجي نكبر يبدا شعري حلو زيك
ساجده:ابتسمت....اي
مالك:يبطم في سوريته انتبه على شعر ساجده
قايماته كعكه فوق بس من كثر نعومته في كم خصله نازله عليها❤️
نجمه:بابا وين تمشي
مالك:كان داخله فرحان ان نجمه صبحت كويسه...الخدمه ...ويجهز في نفسه
نجمه؛نحبك❤️
مالك:تلفتلها بسرعه ..فاجأته الكلمه هاذي منها❤️
قرب عليها وباسها على راسها ....اقعدي في السرير اليوم متلعبيش ارتاحي وبكرا العبي
نجمه:هزت راسها بمعنى تمام
مالك:ناض بيطلع
نجمه:باااابا
مالك:شنو
نجمه:وسووجي عطيها
مالك:قرن حواجبه مش فاهم
نجمه:حطت يدها ع راسها....بوسه بوسه حتى هيا تحبنا
مالك:ابتسم ع جنب وقرب ع ساجده
ساجده:ترتب في مكياجها وتشوف للارض
قرب مالك باسها ع راسها بجفاف
نجمه:احووواحووو بابا مخريه لا به
مالك:ضحك...به حاضر
___________________________
نهال:سكينه تالفونك يرن
سكينه:مسحت يديها من امية الماعين وطلعت
مسكت التالفون ونخطف لونها لما شافت اسم رهف يتصل
_____________________________
مالك:رجع وهوا ناسي مفاتيحه
ساجده:رجعت لبست تب التوته بسرعه
مالك:دار روحه مشاف شي وكمل يدور ع مفاتيحه لي لقاهم طايحات جنب السرير
خداهم ولما ناض لمح شي من بعيد ...يتبع
لايك يابنات ع خاطر سحب الايفون8بلاس
الفصل الثامن عشر من هنا
