رواية مرة شوفت حلم كاملة بقلم كوكي سامح
فى يوم قمت من النوم على حلم مخيف واليوم ده كان عيد ميلاد ابنى الصغير إياد
ومن عادتى عندما أرى حلماً يطاردنى اذهب للصيد
فتحت الدولاب وأخذت ملابسى القديمه جداً وكانت عندى منذ زمن من قبل زواجى بسنين وذهبت الى الحمام وغسلت وشى بالماء والصابون وعندما ارى وجهى فالمرآه اتذكر الحلم بكل تفاصيله..
.. دخلت على زوجتى منى دون استأذان وقالت مرتضى النهارده عيد ميلاد إياد والقت نظره على وجهى وقالت شكلك تعبان
.. صباح الخير يا منى!..
.. اسفه صباح الخير يا حبيبى بس غصب عنى انا شايفه انك تعبان ووشك مرهق خالص
.. ايوه انا حاسس بالمرض بيدخل جسمى
.. مرض ايه يا مرتضى لقدر الله واوعى تقول شوفت حلم كالعاده وفى الاخر يطلع هواجس
.. انا مش مجنون يا منى الحلم ده بيتكرر معايا كل يوم تقريباً
.. ياريت تقولى يا مرتضى حلم ايه بس؟
.. مش دلوقتى وياريت تسبينى انا هلبس واروح اصطاد...
.. تصطاد؟ نعم... انت عارف ان النهارده عيد ميلاد ابننا إياد دلوعه البيت
.. عارف وان شاء الله هكون هنا قبل الساعه 6 بالليل متقلقيش هحضر العيد ميلاد انا مقدرش اتأخر على إياد ده حبيبى ربنا يحفظه ويبارك فيه..
.. يارب يا حبيبى عارف النهارده هيكون عنده 3 سنين بس برضه مش عاوزه تنسى اخواته البنات كيان وكاريمان أجمل تؤام ربنا يبارك فيهم عاوزين نعمل لهم أجمل عيد ميلاد انت عارف ان عيد ميلادهم بعد اسبوعين ان شاء الله فى أغسطس
.. سبحان الله هما فى نفس الشهر أغسطس زى إياد وكذا مره قولتلك يا منى نعمل العيد ميلاد مع بعض وتبقى ليله واحده
.. خلاص بقى يا حبيبى انا هنزل احضر الفطار
.. لأ يا منى بلاش الساعه 8 دلوقتى يا دوب الحق اروح البحر علشان اصطاد بدرى وانا هفطر هناك ان شاء الله يلا اطلعى من الحمام كذا مره اقولك حرام الكلام فالحمام
..ومنى خرجت من الحمام وقالت انا هخرج دلوقتى لأن عندى كذا مشوار والولاد مع الداده يا مرتضى بس مش كل لما تحلم تروح تصطاد؟
رد مرتضى من داخل الحمام وقال انا هتوضأ وصلى ركعتين الصبح وهنزل وهبقى اكلمك اطمن عليكى..
وقال بصوت واطى ما انا كل لما اكون مضايق لازم اروح اصطاد بحس لما بقعد لوحدى انى بكون مرتاح
.. ومرتضى اتوضأ وخد المصليه وصلى ركعتين الصبح وفضل يدعى لأولاده ومراته ومن ضمن دعواته قال يارب ابعد عنى ما يضرنى انا تعبت من الاحلام والكوابيس يارب وخلص صلاه وقام لبس ملابسه القديمه وخرج بيها ولما البواب شافه استغرب وقال صباح الخير يا مرتضى بيه
.. صباح النور يا عم مسعد انا رايح اصطاد ابقى خلى بالك من البوابه
.. تصطاد يا بيه ده النهارده عيد ميلاد سى إياد بيه الصغير
.. انا ماشى يا عم مسعد وركب عربيته ونزل منها بس المره دى مكانش لوحده وقال اول مره الصبح اشوف حد قاعد بيصطاد غيرى وكمان ده قاعد فى نفس مكانى
.. ومرتضى قرب من البحر وراح قعد فى مكان تانى وطلع شنطته والطعم وظبط الصناره ومسك الصناره ورماها فى البحر وفجأه مرتضى راح فالنوم ومحسش وغير بصوت بيقولوا انت نمت وانت بتصطاد ومرتضى اتخض وقال كابوس ده مش حلم والراجل طلع من جيبه حبايه مهدئه وقال خد اشرب، دى متقلقش انا دكتور صيدلى ودى حبايه مهدئه رد مرتضى وقال انا اسف انا مش باخد مهدء واخاف اتعود عليه
.. عموما برحتك يا استاذ..؟
.. انا مرتضى أسمى مرتضى
.. وانا الدكتور أحمد وعندى صيدليه على أول الطريق
.. مرتضى ياااه على أول الطريق انا بعدى عليك كتير وانا جاى اصطاد ورد الدكتور احمد وقاله انت نمت ع نفسك وده عموما غلط ياريت تخلى بالك من نفسك
.. والله يا دكتور انا تعبان وفى الفتره الأخيره بشوف احلام كتيره وكلها بتتلخص فى حلم واحد رد الدكتور أحمد وقاله حلم ايه
.. مرتضى قال بصوت واطى انا خايف احكيه علشان سمعت ان اللى بيحكى الحلم بيتحقق رد الدكتور أحمد وقال قول متخافش رد مرتضى وقال انا كل يوم بحلم انى قاعد على السرير والمدام قاعده جمبى وانا بحاول اغمض عينى وانام وهى بتفتح درج الكومود اللى جمب السرير وبيكون فيه شنطتها وتطلع الشنطه وتفتحها وتجيب منها كيس بلاستيك صغير فيه....
