رواية مرة شوفت حلم الفصل الثاني 2 بقلم كوكي سامح
وكان فى ايدها كيس بلاستيك فيه...
.. سكت ليه يا استاذ مرتضى ياريت تكمل الحلم يمكن افيدك
.. خايف يا دكتور احمد الحلم يتحقق ده كابوس مش حلم
عارف لو كل واحد فينا مشى ورا الأحلام صدقنى كان زمان كل البشر عايشه فى كوابيس كمل كمل الحلم الكيس البلاستيك كان فى ايه. ؟؟
.. الكيس البلاستيك كان فيه خاتم طفل صغير وبالتحديد خاتم ولاد انا فاكر كويس بس الغريبه كان فيه حبوب او برشام وكان عددهم اتنين ولونهم غريب لون موڤ ومعرفش دول بتوع ايه؟ بس كانت تبص عليه وتشوفنى صاحى ولا نايم وتفتح الكيس وتاخد حبايه وتحطها فى المج بتاعى اللى بشرب فيه النسكافيه وتدوبها وتقولى قوم يا مرتضى انا عملت النسكافيه ولما احاول اتكلم معاها علشان اقولها ايه ده وبتحطى البرشام ده ليه فى النسكافيه ؟ اقوم من الحلم مخنوق ومعرفش باقى الأحداث انا بشرب النسكافيه ولا لأ
.. هو ده الحلم كله يا استاذ مرتضى عموما انا اعرف مفسر احلام كويس ممكن يفسرلك الحلم وترتاح ويمكن هواجس بس عارف انا من يوم ما طلقت مراتى من 4 سنين وانا مبقتش عندى اى ثقه لأى ست
مرتضى..الا مراتى؟!. تعرف انها وقفت جمبى لحد ما بقيت مهندس كبير وكنا متجوزين فى شقه صغيره اوضه وصاله ودلوقتى بقت ڤيلا..
دكتور احمد.. هههههه مع انى من هدومك اسف يعنى مش باين عليك بس بصراحه عربيتك فخمه
مرتضى.. الهدوم دى قديمه من وقت ما كنت فقير وبحبها اوى ومن فات قديمه تاه هى من ريحه ولدتى الله يرحمها وكانت على طول تقرأ عليهم القرأن علشان ربنا يكرمنى وفعلا كنت لما البسهم احس انهم وشهم وش السعد عليه
دكتور احمد... ههههه وانت اتعرفت عليه اهو
مرتضى.. ان شاء الله معرفه خير المهم ممكن اشوف المفسر ده وعموما ده رقمى يعنى لو تقدر تاخدنى عنده تبقى مشكور لأنى قلقان من الحلم ده
احمد.. المفسر موجود فى اى وقت ينفع النهارده ممكن اكلمك ع خمسه ونروح للمفسر
مرتضى.. النهارده عيد ميلاد ابنى ومش هينفع ممكن بكره
احمد.. عموما برحتك بس ممكن نروح للمفسر على الساعه 10 يعنى بعد ساعه ايه رأيك والله انا عاوز راحتك انا من اول ما شوفتك وحسيت انى ارتحتلك ومش سهل فى الزمن ده نرتاح لحد
مرتضى.. متشكر ع زوقك😍 عموما لو على عشره تمام هو قريب من هنا رد عليه احمد وقاله اه المفسر بيته بعد الصيدليه بتاعتى على طول عموما اجهز انت وانا هقوم اسبقك وابلغه علشان يجهز
مرتضى.. ماشى انت قولت الصيدليه اللى على أول الطريق خلاص انا هقف بالعربيه قصادها واتصل بيه لما تجهز وانا هجيلك على طول
.. وفعلا الدكتور أحمد مشى وراح للمفسر علشان يبلغه ان فى حد جاى عنده ومرتضى قام وركب عربيته وفضل واقف مستنى احمد وبعد تأخير نص ساعه وكانت الساعه داخله ع 11 تليفون مرتضى رن وكان احمد وقاله ان مفسر الاحلام مستعد لأستقباله وعرف انه بعد الصيدليه بكام شارع وركب عربيته وراح لحد بيت المفسر ولما وصل كان أحمد واقف ومستنى مرتضى ودخل الشقه معاه وكان مفسر قاعد ومعاه بنت شديده الجمال والمفسر قابل مرتضى بابتسامه وقاله اتفضل ويارب يكون خير شد الكرسى واقعد
مرتضى كان بيبص للبنت اوى لأنها جميله اوى والمفسر قال ده اختى وبتفهم فى تفسير الاحلام زى بس مرتضى اتحرج وقال للمفسر انا على طول بشوف حلم مزعج ان المدام بتقعد على السرير علشان ننام وانا فى الواقع بشرب نسكافيه قبل النوم وهى بتفتح شنطتها وبتشوفنى صاحى ولا نايم ولما تفتح الشنطه تطلع كيس بلاستيك وفيه خاتم طفل رضيع وحبوب او برشام ولونهم موڤ وعددهم اتنين رد المفسر وقاله مراتك اسمها ايه رد وقاله منى
.. تمام عموما انا هقولك تفسير الحلم الخاتم ده شوفتو قبل كده ومرتضى قال لا بس فى حاجه وهى بتطلع البرشام الخاتم بيقع ويتكسر وبسمع صوت رنته على الأرض رد المفسر وقاله بلاش تفسر يا ابنى رددت البنت وقالت بصوت عالى لأ قولوا حرام عليك قولوا ان مراته بتعمله مكيده ولازم يراقبها واحمد بص لمرتضى بذهول وقال مرتضى مالك
