أخر الاخبار

رواية عشق الاسياد الجزء التاسع 9 بقلم رنا سليمان

رواية عشق الاسياد الجزء التاسع 9 بقلم رنا سليمان 

بسم الله الرحمن الرحيم
قدر قرب منهم
مصطفى:بتسأل على حياه ليه مصطفى
رحيم:مفيش يا قدر اصل
قدر وهو باصص ل مصطفى:روح انت على اوضتك يا رحيم
انا عايز اتكلم مع اخوك شويه
رحيم بص ل قدر وبص ل مصطفى وبعدين خرج وقفل الباب
قدر:بتسأل عن حياه ليه يا مصطفى
مصطفى:وفيها ايه يعني
حياه واحده مننا واكيد لما مش هشوفها هسأل عليها
فيها ايه يعني
قدر:فيها اني فهمك كويس يا مصطفى
انت مش بتسأل على حياه لأنها واحده مننا وبس
مصطفى:اومال علشان ايه يا قدر
يمكن انت تعرف حاجه انا نفسي معرفهاش
قدر:بص يا مصطفى
بلاش تقرب من حياه او تأذيها
لان اهلها سابوها امانه عندنا وانا مش هسمحلك تلعب على حياه او تزعلها
حياه مش زي البنات ال انت تعرفها يا مصطفى
مصطفى شاور على نفسه ب استغراب:انا ازعل حياه
وبالنسبة لك انت يا بشمهندس بتعمل معاها ايه
بتعاملها زيها زي اخواتك يعني؟!
دا انت في الرايحه والجايه بتشتمها وتهزقها
لو كان في حد خان الامانه ال اهل حياه سبهوالنا فهو انت يا قدر مش انا
انت ال من ساعه ما حياه جات وانت مش بتطيقها وبتهزقها دايما
انا فعلا عمري ما هزعل حياه عارف ليه يا قدر
لاني بحبها وال بيحب حد عمره ما يزعله
انت اكيد مش هتفهم كلامي لانك عمرك ما حبيت وعمرك ما هتحس ب الكلام ال بقوله دا
قدر:وانت بقي ال تعرف معني الحب
بقي انت ال بتلعب على بنات الناس وكل يوم مع واحده شكل هتعرف معني الحب
مصطفى: على الأقل انا مش زيك
مش خاطب واحده ومفهمها اني بحبها و كل يوم بخونها مع واحده تانيه وهي متعرفش
قدر شده من هدومه بعصبية:قصدك ايه
مصطفى:قصدي انت فاهمه كويس يا قدر
تالا خطيبتك ال انت وهمها انك بتحبها وانت عايش حياتك مع ال اسمها حور دي
قدر:انت عرفت الكلام دا منين
مصطفى:مش مهم عرفته منين المهم اني عرفته وخلاص
انت مش ملاك يا قدر علشان تيجي تحسبني على ال انا بعمله
ملكش دعوه بيا انا حر في حياتي واعمل ال انا عايزه
محدش يقدر يقولي اعمل ايه ومعملش ايه فاهمني يا قدر
قدر:وانا مش هسيبك تلعب على حياه يا مصطفى
ابعد عن حياه احسنلك بدل ما اخليك تبعد عنها بطريقتي
عمري ما هسمحلك تقرب من حياه او تدمرها يا مصطفى
قدر سابه وخرج من الاوضه وقفل الباب وراه بعصبية
مصطفى: ماشي يا قدر براحتك
اعمل ال انت عايزه
بس انا مش هسيب حياه مهما تعمل فيا أو تحاول تبعدها عني
قدر راح على اوضته وفتح الباب لاقي نور قاعده على السرير وبتتكلم في التلفون
نور اول ما شفيته:طيب هكلمك بعدين سلام
قدر:بتكلمي مين
نور:دا دا
دا سليم زميلي في الشغل
كان بيسألني مروحتش المكتب ليه انهارده
قدر:طيب قومي غيري هدومك
نور ب استغراب:ليه
قدر: هنروح ل حياه
نور:حياه!!
واحنا هنروحلها ليه
حياه قالت كام يوم وترجع
ليه نروحلها يعني
قدر: نور
انا لازم أتكلم مع قدر في موضوع مهم
مش هينفع أجل الموضوع دا نهائي
لاني مش ضامن ايه ال يحصل لحد ما حياه هترجع
نور: موضوع ايه المهم دا يا قدر
قدر بصالها:لازم اقول ل حياه الاول كل ال انا عايز اقوله
ممكن تدخلي تغيري بقي يا نور لاني معرفش بيت عمها
نور ابتسمت:حاضر
نور راحت اوضتها تغير هدومها
قدر بدأ يكلم نفسه:غلطان يا مصطفى
انا عرفت معنى الحب مع حياه
انا بحب حياه ومش هسيبها ل اي حد يخدها مني حتي لو كان ال حد دا اخويا
قدر غير هدومه
عند حياه
حياه دخلت ل فاطيمه المطبخ وفاطيمه عملت نفسها مش واخده بالها
حياه:تحبي اساعدك في حاجة
فاطيمه:مش محتاجه مساعده من حد
حياه:انا عارفه انك بتكرهيني بعد ال حصل معاكي في الفيلا دا
وعلى فكره دا حقك
بس انا والله ما اعرف حاجه عن ال حصل دا
انا لا يمكن اعمل كده مع احلي
انا عمري ما شوفتك مرات عمي وبس انا طول عمري شايفاكي امي التانيه زي ما عمي الله يرحمه كان زي ابويا
انتو كنتو اقرب الناس ليا وانا عمري ما اعمل معاكم كده
انتي متعرفيش انا ايه ال بيحصلي في الفيلا دي
انا كنت كل يوم بتمني اسيب الفيلا وارجعلكم بس مكنتش قادره اعمل كده علشان مزعلش عمو كريم مني
كنت مستحمله كره داليا ليا هي وولادها
بس انا تعبت وسيبت البيت من غير ما حد يعرف
انا مليش غيركم علشان كده جاتلكم
بس لو انتي عايزاني امشي انا ممكن امشي ومش هتشوفي وشي تاني
بس انتي لازم تعرفي اني مليش غيركم
حياه كانت هتخرج من المطبخ
فاطيمه:استني عندك
حياه وقفت ومسحت دموعها وبصاتلها:نعم
فاطميه قربت منها:انا طول عمري معتبراكي زي كامل ابني
انا طول عمري بحبك وبعتبرك بنتي يا حياه
وال حصل معانا انا وعمك عندكم هناك
قلبي كان حاسس ان مش انتي ال عمالتي كده
انا ااه زعلت منك اوي بسبب ال حصل دا
بس عمري ما كرهتك
لان مفيش ام تكره بنتها يا حياه
انا لما طردتك امبارح خوفت عليكي اوي وندمت على ال انا عمالته وكنت عايزه انزل ادور عليكي واطلب منك انك تسامحيني وكنت فعلا قايمه البس علشان انزل ادور عليكي بس كامل جابك وجاه
انا اسفه يا حياه
سامحيني على ال عمالته امبارح معاكي وعلي كل ال عمالته معاكي
انا مسمعتش منك ال حصل ودا كان غلط
انتي بنتي يا حياه وانا مش عايزه بنتي تزعل مني
سامحيني
حياه حضنتها: انا ال عايزاكي تسامحيني
انا مش عارفه داليا عملت كده ليه
بس صدقيني انا لو كنت اعرف عمري ما كنت قاعده في البيت لحظه واحده بعد كده
الباب خبط
فاطيمه بعدت عن حياه وابتسمت
تلفون حياه رن
فاطيمه:ردي انتي علي التلفون وانا هروح افتح الباب
حياه: ماشي
فاطميه خرجت من المطبخ علشان تفتح الباب وحياه بصيت في تلفونها وكان ادهم ال بيرن
حياه ردت علي ادهم
ادهم:الو
ازيك يا حياه
حياه: الحمد لله يا دكتور وحضرتك عامل ايه
ادهم:انا الحمد لله كويس
حياه؛انا اسفه جدا يا دكتور ادهم على ال حصل امبارح
ادهم:انا ال اسف
انا شكلي سببتلك مشكله كبيره
حياه:لا ابدا مشكله ايه بس
انا بس هستاذن من حضرتك تخلي الكراسه بتاعتي مع حضرتك كام يوم كده لاني مسافره ومش عارفه هرجع امتي
ادهم:تمام ماشي
انا بس قولت اطمن عليكي
ترجعي بالسلامة
حياه:شكرا جدا لحضرتك يا دكتور
ادهم: على ايه
اسيبك انا بقي
مع السلامه
حياه: سلام يا دكتور
حياه قفلت مع ادهم وخرجت ل فاطيمه
حياه وهي خارجه سمعت صوت فاطيمه بتقول
فاطيمه: فينك يا ساره يا حبيبتي
بقالك مده مش باينه وحشاني
ساره:وانتي كمان وحشاني اوي يا طنط
معلش اصلي كنت مسافره برا مصر فتره كده
حياه:سلام عليكم
حياه اول ما شافت ساره اتصدمت وفضلت باصه عليها
حياه بصدمه:ساره
ساره بصاتلها:حياه
فاطيمه:ايه دا انتو تعرفوا بعض
حياه:طبعا يا مرات عمي اعرفها عز المعرفة دي الانسه ساره كانت خطيبه قدر بيه زمان  وسابوا بعض
ساره وهي باصه في الارض:ازيك يا حياه عامله ايه
و وقدر عامل ايه
اقصد يعني كل ال في البيت عاملين ايه
حياه:قدر!!
هو انتي لسه فاكره قدر بعد ال انتي عمالتيه دا
يهمك اوي اخباره
فاطيمه:في ايه يا حياه
متفهميني ايه ال بيحصل
حياه:مفيش حاجه يا مرات عمي
دا كان سواء تفاهم وخلاص خلص
الباب خبط
حياه راحت تفتح وكان قدر ونور
حياه بصاتلهم بصدمه وبعدين بصيت ل ساره
عند مصطفى في أوضته كان بيتكلم في التلفون
مصطفى:حضرتك انسه حور
حور:ايوه انا مين حضرتك
مصطفى:قدر المنشاوي ال مفهمك انه بيحبك بيكدب عليكي وعمره ما حبك
هو بيمثل عليكي الحب علشان يمضي معاكي الصفقة ال كنتي هتمضيها مع شركه الهواري
حور:ايه الكلام الفارغ ال انت بتقوله دا
انت مين اصلا
مصطفى:لو مش مصدقاني روحي على العنوان ال هبعتهولك في رساله وهتلاقي حبيب القلب مع حبيبته ال بيجبها
ساعتها هتعرفي اني كنت عايز مصلحتك
مصطفى قفل في وش حور السكه وابتسم
مصطفى ساق عربيته وبعد عن المكان ال كان فيه
حور: الو الو
حور بصيت للتلفون بصدمه:معقول يكون بيتكلم بجد
معقول قدر يكون بيضحك عليا
اكيد الشخص دا بيكدب
قدر قالي انه بيحبني انا وانه خطب تالا علشان شغله وبس
لكن أنا
قدر بيحبني انا
حور اتبعتلها رساله فيها العنوان
حور غيرت هدومها بسرعه وراحت على العنوان
تعليقات



حجم الخط
+
16
-
تباعد السطور
+
2
-
close