رواية لحظات انوثة الفصل الرابع 4
لحظات أنوثة 💞الفصل الرابع
(جميلة وجاسر)
ذهبت جميلة الي غرفة الملابس ولم تلاحظ تلك التي تستشيط غضبا وغيظا منها
نورهان لما نشوف حتعملي ايه دلؤتي في المصيبة اللي محضرهالك وبصت علي الفستان بتاع جميلة
خرجت جميلة بعد ارتداء الفستان
جميلة ازاي اوضة زي دي مرايتها صغيرة اوي كده ومكسورة كمان ولبست الفستان وخرجت وطلعت علي المسرح بعدها بدأ ينقطع الفستان بالكامل وهي بتتحرك ووقع من عليها ظهرت كل مفاتنها
جري جاسر علي المسرح خلع جاكيته وغطا بيه جميلة
جميلة ببكاء طلعت تجري علي الغرفة تغير الملابس ملقتش هدومها ملقتهاش اعدت علي الكرسي وبدأت في البكاء
جاسر ممكن ادخل هزت راسها اتفضل
جاسر انتي زعلانة عشان الفستان
جميلة انا زعلانة علي الفضيحة وشكلي ادام الناس
جاسر تعالي معايا
جميلة حنروح فين
جاسر تعالي معايا بس وخرج ماسك ايديها ادام الجميع التصوير خلص ياجماعة حنكمل بكرة سلام
ركب سيارته وبعد شوية دخل اتيليه
جميلة احنا رايحين فين
جاسر اللي انقطع كان فستان العرض انا حجيبلك احسن منه ادخلي
جميلة حدخل ازاي الفستان مقطع من كل حته
جاسر اقفلي الجاكيت كويس وبعدين الجاكيت عليكي كانه فستان تعالي هاتي ايدك
جميلة بتوتر مسكت ايده شدد علي مسك ايديها اكتر ادخلي
جاسر مدام نوال عايز اشيك فساتين عندك عشان الآنسة جميلة
نوال انتي عارضة أزياء جسمك حلو جدا بيتهيالي التشكيلة دي تليق علي جسمك ادخلي قيسي
جميلة خدت الفساتين ودخلت تقيس وخرجت لجاسر ايه رايك
جاسر وهو مندهش من جمالها وجمال قوامها واكتر شئ من مركز عليه جمال عيونها تجنني حلوين اوي حناخدهم كلهم
جميلة بدهشة ايه
جاسر حناخدهم كلهم يامدام
جميلة بس دول كتير اوي
جاسر خليهم دين لما تتشهري ابقي رجعي حقهم اتعشيتي
جميلة بكسفة لا لسة
جاسر يبقي حنتعشي سوي يلا
جميلة وهي مش مصدقة أن حلمها تتحقق أنها حتبقي موديل و حلمها الأكبر هو حبها لجاسر
جاسر انتي مش عايزة تتعشي معايا ولا ايه
جميلة بعدم تصديق وصوت غير مسموع موافقة
جاسر ايه مش سامع
جميلة موافقة
جاسر طيب يلا اركبي العربية
جميلة عايزة اتمشي من غير عربية
جاسر مش حينفع لو نزلت من غير عربية
جميلة متخافش انا معاك
جاسر طيب بس مش حنتاخر حنكمل السهرة بالعربية
جميلة من كتر الفرحة هزت راسها
جاسر ايدك لقاها بصتله عشان حنعدي الشارع يلا هاتي ايدك
جميلة أعطته ايديها بتوتر
جاسر مسك ايديها الناعمة وشدد علي مسكها
جميلة بكسفة من تصرفاته
""""
بعد شوية
جاسر انا بقالي كتير مامشيتش في الشارع
جميلة فاتك حاجات كتير اوي اسكندرية جميلة اوي
جاسر بس مش في جمالك
جميلة بتلعثم ايه حناكل ايه
جاسر غيرتي الموضوع ليه اتكسفتي
جميلة اه بصراحة
جاسر اول مرة اشوف بنت بتتكسف اوي كده
جميلة عضت علي شفتيها من الكسوف وهي لاتعلم أن هذا يثيره
جاسر هامسا لوعضيتي علي شفايفك تاني حتشوفي تصرف من حيعجبك
جميلة باندهاش من تصرفاته
جاسر يلا عشان منتاخرش عشان اوصلك
جميلة بابتسامة عريضة حاضر
(كارمن وادم)في الشركة عند ادم
ادم انت مبتفهمش بوظت الشغل كله انت صحيح لسة مبتداء بس لازم تكون فاهم اكتر من كده
كارمن ببكاء حصلحه وخرجت برة المكتب ودخلت الحمام
ادم ماله ده في ايه وخرج برة المكتب
ادم فين استاذ امجد
سهام خرج من الحمام وبعدها خرج من الشركة
ادم تمام ودخل المكتب بص في الأوراق شنطة كارمن محطوطة علي مكتبه
ادم لم يهتم واكمل باقي عمله
"""""'
رجعت كارمن علي البيت بعد ماان خلعت باروكتها وتخلص من ملابسها في اسانسير أحد العمارات
دخلت منزلها لقت احمد بن خالتها وراءها
احمد ايه ياكرم مالك زعلان ليه
كارمن فتحت باب الشقة ودخلت ادخل يااحمد
احمد بسخرية مالك ياكرم في ايه مش عاجبني
كارمن اقتربت من أحمد عدة خطوات انت بتقول ايه
احمد بقول مالك ياكرم تعبان
كارمن صفعته علي وجهه انا كارمن بنت خالتك واختم الكبيرة ومسكته من رقبته كنت بتقول ايه بقي
احمد خلاص بتخنق حموت ياكرم
كارمن ايه
احمد قصدي كارمن انا اسف انا اسف
كارمن لما تيجي هنا تيجي بإذن بعد كده احنا
ثلاثة اخوات بنات ميصحش انك تيجي ولا انت عايز تنكدر يلا برة
احمد تنكدر ايه يابنتي اسلوب التكاتك ده
كارمن برة يلا برة وراحت قفلت الباب عيل سايس وهي صحيح
""""""
نزل احمد علي الدرج لقي فاتن طالعة علي السلم احمد انسة فاتن عاملة ايه وعدل هيئته وملابسة
فاتن اهلا استاذ احمد
احمد كويس انك لسة فاكرة اسمي
فاتن اه طبعا ازاي انسي يوم ماساعدتني وصلحتلي العربية بتاعتي
احمد خليكي شوية ياانسة فاتن
فاتن بابتسامة عايز ايه مني يااستاذ احمد
احمد بلاش استاذ دي خليها احمد بس
فاتن خلاص احمد بس وانا كمان قولي يافاتن
احمد انتي وفرتي عليا كتير اوي بصراحة بصراحة ومسك يده بتوتر انا انا معجب بيكي
فاتن بصدمة معجب بيا انا
احمد أيوة انتي انتي مؤدبة وجميلة وكلك أنوثة بس المشكلة فيا انا
فاتن ازاي مش فاهمة انتي حتوافقي علي واحد زي معندهوش وظيفة صايع زي
فاتن خلاص ولا كلمة انا حديك الكارت ده ده مصنع بابا عايز موظفين جداد انت خريج ايه جميلة قالتلي انك خريج هندسة
احمد أيوة بس انتي مهتمة تعرفي ليه انا خريج ايه سالتي جميلة ليه
فاتن باحراج وورجعت شعرها ورا اذنها وبللت شفاهها بطرف لسانها انا حطلع بقي عشان ميتفعش نقف كده
احمد أيوة صح انا اسف الكلام خدني ونسيت اتفضل اطلعي
فاتن عن اذنك وطلعت علي الدرج بخطوات سريعة وهي مرتبكة ومتوترة رمت الجرس الباب فتحت كارمن
كارمن تعالي ادخلي يافاتن صاحبتك سرحانة زي الهبلة وبصة في السقف من ساعة ماجت دخلت عليها الاضة لقتها بتضحك لواخدها هو حصل حاجة
فاتن لا ابدا ياكارمن مفيش انا حدخلها
كارمن طيب يااختي ادخلي لما نشوف اخرتها معاكم ايه
"""""
(سلمي وقصي)
قصي كنتي بتعملي ايه هناك
سلمي عايز مني ايه وقامت من مكانها
قصي انتي لسة تعبانة ااعدي حتباتي هنا مع انك حتوسخي الاوضة
سلمي انت ايه علي طول وقح كده
قصي اقترب منها انا وقح نصيحة مني متخلنيش اوريكي الوقاحة بجد
سلمي انا مبخفش من حد وخصوصا منك انت
قصي ليه بقي عشان خارقة وانا معرفش
سلمي لا انا دكتورة سلمي محدش يقدر عليا متخلقش الراجل اللي يوريني لسة فجأة رن هاتف قصي رد
قصي أيوة يانجوان أيوة انا مستنيكي اهلا وسهلا طبعا عشان بكرة الحفلة بتاعت رأس السنة تنوري وبص لسلمي وبعدها قفل
سلمي انا خارجة عن اذنك بقي
قصي ايه مالك ماكان لسانك اد كده ايه اللي حصل
سلمي انا خارجة حنام في الاسطبل
قصي لا انتي حتنامي هنا النهاردة اه في بكرة حفلة رأس السنة انا عازمك بس ياريت تحضري بحاجة احسن من كده وغمزلها وخرج
""""'''
في صباح اليوم التالي أمام بيت ادم اخدت نفس عميق وزفرت بقوة انتي قوية ومحدش حيقدر عليكي مش حتة راجل حيخليكي تعيطي انتي محتاجة المرتب عشان تعيشي انتي واخواتك محدش حيبصلكم ولا حيسال فيكم الحياة قاسية اوي بس انتي قدها متخافيش اجمد كده
دخلت كارمن الي البيت وحطت المفتاح علي الترببزة تفاجات بادم عاري الصدر ببنطلون رياضي رمادي وقطرات العرق من الرياضة التي كان يمارسها تملؤه
ادم اهلا اخيرا جيت تعال ادخل
كارمن كنت تعبان امبارح عشان كده روحت
ادم اه يعني فاكر أن الشركة بتاعتك تدخل وتخرج وقت ماتحب والبيت كمان
كارمن انا ممكن امشي لوحبيت
ادم انا مبحبش اقطع عيش حد ادخل ااعد ياامجد
كارمن البس حاجة انت أعد كده ليه مبتسقعش الجو ثلج برة
ادم لا الجو حلو واعطاها ظهرة
كارمن وهي تنظر إلي عضلات ظهره
المرسومة ببراعة وكأنه يشبه نجوم المجلات وعارضين الازياء سرحت لحظة وبعدها فاقت من شرودها هامسه لنفسها مش راجل اللي يعمل فيكي كده اهدي اهدي
ادم مالك ياامجد انت كويس
كارمن اه انا تمام وزفرت بقوة انا حدخل المطبخ عشان اشرب
ادم براحتك اتفضل
دخلت كارمن المطبخ وزفرت بقوة وبعدين بقي في الشغلانة والرجل ده حعمل ايه
ادم امجد انت بتكلم نفسك
الفصل الخامس من هنا
