-->

رواية عشقتها ولكن الفصل الثاني 2 بقلم دينا دخيل

رواية عشقتها ولكن الفصل الثاني 2 بقلم دينا دخيل

    رواية عشقتها ولكن الفصل الثاني 2 بقلم دينا دخيل





    إسراء وامل صحيوا علي صوت موبايل امل وهو بيرن


    امل بنوم : الو
    _ الو.... انتي لسه نايمه ي كسلانه

    امل : عبدالرحمن عامل اي
    _ انا بخير الحمد لله..... قلت اصحيكوا بما ان رايحين تشوفوا الشغل النهارده وعارف انكم مش هتقوموا ع المنبه

    امل بتذكر : ااااه دا احنا كدا هنتاخر
    اسرااااااااااء اسرااااااااااء قومي هنتأخر

    ماشي ي بودي هقفل بقا عشان يدوب نلحق
    شكرا يسطااا
    وقفلت امل مع اخوها

    اسراء وهي بتبص في الساعه ياااربي دا احنا يدوب نلبس ونمشي

    امل : اه يالااا
    ولبست امل فستان تركواز وعليه خمار كحلي
    واسراء لبست فستان موف غامق وعليه خمار ونقاب اسود
    وركبوا تاكسي للشركه

    وصلت امل واسراء علي عنوان الشركه اللي انبهروا من جمالها ودقه تصميمها

    اسراء : الله جميله اوووووووي الشركه دي

    امل : اه جدااا وما شاء الله كبيره اووي
    يارب نتقبل فيها

    اسراء : يارب
    وطلعت امل واسراء وقابلوا السكرتيره
    هناء: تمام ي انسات ممكن تتفضلوا هنا مع باقي اللي مقدمين لحد ما يوصل المدير ويعمل الانترفيو مع حضراتكم

    اسراء : تمام شكرا لحضرتك
    وقعدت امل واسراء مع باقي البنات
    واللي كانوا معظمهم لبسهم يظهر أكثر ما يستر من جسدهم

    اسراء : احنا وقعنا في كباريه ولا ايه يا امل

    امل : هههههههههههه تقريبا كدا
    تقريبا كمان طالعين من عند نقاش علي هنا ع طول

    اسراء : طب بس بقا عشان ما ياخدوش حسنات علي قفانا احنا

    امل : اهم حاجه بس نتقبل انا اصلا خايفه

    اسراء : أن شاء الله خير

    ودخل ريان ومالك الشركه بهيبتهم المعتادة
    واللي اول ما دخلوا التفتوا ليهم كل البنات وبداؤا يتهامسوا ما بينهم
    شوفي قمرات ازاي
    يالهوي علي الهيبه بتاعتهم
    مزز اووي
    شامه ريحه البرفيوم فظيعه

    واسراء وامل استغربوا منهم لأن صوتهم كان عالي واللي اكيد وصل لريان ومالك وأنهم ازاي مش مكسوفين من كلامهم

    مالك وريان لما دخلوا سمعوا همسات البنات بس لفت نظرهم اسراء وامل لأنهم كانوا هما بس اللي يعتبر مش بيبصوا عليهم وكمان لبسهم مختلف عن باقي الموجودين

    هناء : صباح الخير مستر ريان
    صباح الخير مستر مالك

    مالك : صباح الخير ي هناء مين البنات دول

    هناء : دول اللي مقدمين ع الوظيفه حضرتك

    ريان : تمام ي هناء ربع ساعة وهنبدا الانترفيو

    هناء: اوك مستر ريان

    ودخل ريان المكتب ومعاه مالك

    مالك : اي يعم البنات اللي هناء. جيباهم دول شكلهم مش شغل اصلا

    ريان :ليه يعني بتقول كدا

    مالك : لييييه .... انت بتسال دا اللي ماسكه المرايه واللي ماسكه مبرد ضوافر وشكلهم جايين يتجوزوا
    ما عدا كام واحده

    ريان : هههههههههههه ما يمكن الكام واحده دول ينفعوا دلوقتي نشوف مش هنحدد من مظهرهم

    مالك : ماشي

    وبدأ الانترفيو
    وجه دور أمل

    مالك : اتفضلي ي انسه امل

    امل : شكرا لحضرتك

    ريان : ممكن السي في بتاعك

    امل وهي بتدي السي في لريان : اتفضل
    وقعد ريان يسأل امل كام حاجه لحد ما خلص الانترفيو

    ريان ل مالك
    مالك.... ماااالك

    مالك : احم.... نعم

    ريان : ف ايه انت سرحان

    مالك : لا مفيش حاجه أنا مركز اهوو
    تمام ي انسه امل استني تليفون مننا بخصوص الانترفيو
    وبيمد مالك ايده يسلم عليها وهو بيديها السي في بتاعها

    امل : احم اسفه مش بسلم علي رجاله
    تمام هستني تليفون من الشركه واخدت امل الورق بتاعها وقالت :عن اذنكم و طلعت

    ريان : لا والله يعني طول المقابله دي سرحان و بيقلد صوت مالك
    استني تليفون مننا بخصوص الانترفيو وبتسلم عليها كمان
    يحنييييييين

    مالك : ايه يبني مفيش حاجه عادي يعني كنت هعمل كدا مع اي حد

    ريان : اممممم أصل قبل البنت دي كان في بنات كتير محصلش كدا لي

    مالك : عادي يريان ف ايه
    يالا نكمل الباقي بلاش لكك كتير

    ريان : يالااا

    ودخلت اسراء وقدمت السي في بتاعها
    وكانت الوحيدة المنتقبه بين البنات

    مالك : السي في بتاعك تمام ي انسه اسراء

    اسراء : يعني في امل ان أتقبل

    مالك : أن شاء الله بس النقاب....

    اسراء : ماله .... هو في مشكله

    مالك : يعني احنا مشتغلش معانا قبل كدا منتقبات ف قلقان أنه يبقي عائق في الشغل

    اسراء : عائق !!
    معتقدش حضرتك أنه كدا وانا شغلي ماليش اي علاقه بالنقاب وان شاء الله لو اشتغلت مع الشركه هبقي قد المسؤولية بس لازم تبقوا عارفين أن مش هقلعه حتي لو مش هتقبلوني

    ريان اتفاجأ من كلامها بس الاكيد أنه عجبه طريقه كلامها

    ريان : خلاص ي مالك
    تمام ي انسه اسراء لو اتقبلتي هتتقبلي بيه ومش هيبقي عائق واستني تليفون من الشركه

    اسراء : شكرا جدا لحضرتك ي مستر ريان
    عن اذنكم وخرجت اسراء لأمل اللي ركبوا تاكسي ورجعوا البيت

    اسراء : كنت خايفه من حته النقاب دي اووي

    امل : الحمد لله انهم قالوا عادي
    بس يارب نتقبل
    انا خايفه اوي

    اسراء : وانا والله ربنا يستر

    عند ريان ومالك

    مالك : أخيرا خلصنا الواحد تعب
    اوووف

    ريان : ومين سمعك يبني .... أصلا نص البنات دي ملزقه وزي ما انت قلت مش جاين لشغل

    مالك : الا من رحم ربي منهم
    انت قررت هتقبل مين ؟

    ريان : اه ....بص هتلاقيهم في الكشف هنا راجع كدا وقولي

    مالك مسك الورق وبيبص فيه
    تمام اووي هخلي هناء تكلمهم بقا ويبداؤ من بكره

    ريان : تمام

    اسراء : موبايلي بيرن

    امل : طب ما تردي

    اسراء : دا رقم غريب..... اممم اما ارد اشوف

    وردت اسراء وكانت هناء بتبلغها أنها اتقبلت في الشغل ومن بكره تيجي الشركه تستلم شغلها مع مستر ريان

    اسراء : عاااااااااا اتقبلت ي موله اتقبلت 💃

    امل بفرحه : بجد كويس جدا مبروووك يحبيبتي
    وامل لقت موبايلها بيرن وكانت هناء بتعرفها انها اتقبلت وهتشتغل من بكرا مع مستر مالك

    اتقبلت انا كمان ي سوسووو 💃💃

    اسراء: الحمد لله
    يالا نصلي نشكر ربنا

    امل : اه يالا
    وصلت اسراء وامل وحمدوا ربهم علي الشغل
    وناموا عشان يقوموا بدري للشغل

    وكل واحده كانت سرحانه في مستقبلها وشغلها
    اسراء وشغلها مع ريان اللي لاحظت أنه جادي جدا وشكله شديد في شغله

    وامل وشغلها مع مالك اللي ارتاحت ليه بس بردو قلقانه لأنها أول مره تشتغل في شركه كبيره كدا

    إرسال تعليق

    جميع الروايات والقصص المنشورة علي الموقع هي روايات مجانية أخذنا إذن بنشرها من أصحابها إذا وجدت أي رواية لها حقوق ملكية فكرية أو تُريد إزالتها من الموقع اتصل بنا ، ونقوم بحذفها فوراً .