رواية عودة ميت الفصل السادس عشر 16 بقلم عزيزة حامد

قمر:بابا انا عاوزاك في موضوع

شاهين:قمر مش فايقلك دلوقتي نتكلم وقت تاني

قمر:لا يا بابا لازم نتكلم دلوقتي

شاهين بعصبية:قلت مش عاوز كلام دلوقتي اطلعي اوضتك فوق

قمر:بس يا بابا.....

شاهين:مفيش بس قلت مش عاوز كلام دلوقتي اتفضلي علي اوضتك

قمر بحزن:حاضر يا بابا

وصعدت قمر الي غرفتها بحزن لعدم معرفة الحقيقة من ابيها

فقررت ان تسأل والدتها فمن الممكن ان تكون تعرف كل شئ فذهبت قمر الي غرفة والدتها فسمحت لها والدتها بالدلوف

قمر:ماما انا عاوزاكي في موضوع

إيمان:تعالي يا حبيبتي عاوزة اية

قمر:ماما انتي تعرفي اية عن اخوات بابا

إيمان بتوتر:اخوات ابوكي بس باباكي معندو......

قمر مقاطعة اياها:متكدبيش عليا يا ماما انا عرفت كل حاجة شفت المؤتمر اللي اللي ابن عمي عملة انهاردة وعرفت انة هو عايش هو واختة وعمتو كمان لية كدبتو عليا لية لية لية تخبوا عليا ان عندنا قرايب (واخذت تبكي)

جاءت والدتها لتحتضنها

قمر:لا ابعدي عني انتو كلكو كدبتو عليا ابعدي ابعدي

إيمان:اهدي يا حبيبتي اهدي يا قمر انا مليش ذنب يا بنتي ابوكي هو اللي خلاني اقلك كدة انا مكنتش اقصد صدقيني

قمر وهي تمسح دموعها:ولية بابا يخبي عليا ولية اصلا مادام ابن عمي عايش ممتش لية مجاش يقول لبابا ادام هو عمة

إيمان بتوتر:م مشش عارفة انا معرفش حاجة اسألي ابوكي مليش دعوة

قمر:لا يا ماما انتي عارفة كل حاجة بس مخبية لية يا ماما لية

إيمان:ارجوكي يا بنتي متضغطيش عليا اكتر من كدة ملكيش دعوة انتي بالحاجات دي يا بنتي ارجوكي

قمر:ازااي يا ماما ازاااااي دة عمي وعمتي وابن عمي من اول ماكبرت وانا بسألكوا انا لية معنديش قرايب زي كل الناس قلتولي انو كلهم ماتو وعرفتونيش ان. عندة اخوات وكانو عايشين كمان لية مقلتوليش يعني لية بابا يخبي عليا انو عندو اخوات لية اية السبب اللي يخلي اخ ينكر اخوة اية السبب قوليلي

إيمان وهي تبكي بانهيار:ارجوكي يا بنتي متساألنيش علي حاجة ارجوكي

قمر:ماشي يا ماما مش هسألك علي حاجة خلاص بس هعرف الحقبقة يعني هعرف انا هروح لآسر واعرف منة كل حاجة ادام اهلي مش عاوزين يقولولي

جاءت قمر لتذهب فامسكتها إيمان من ذراعها :لا يا قمر اوعي تعملي كدة ابوكي مش هيعديها علي خير لو عملتي كدة صدقيني يا بنتي انت خايفة عليكي

قمر:لية هو مش دة ابن عمي هااا اية اللي مخلي بابا يتعصب ولا يضايق اني كلمة اكيد في سر في الموضوع وانا لازم اعرفة ولو انتو مش عاوزين تقولو اكيد آسر هيقول

وغادرت الغرفة وهي في قمة غضبها من والديها فهم لم يخبروها بكل هذا من قبل ولا يريدو ايضا ان يوضحو لها ما سبب اخفاء كل هذة الامور عنها لكنها اقسمت في نفسها انها سوف تعرف ما هذا السر عاجلا او اجلا

ظلت ايمان تبكي في غرفتها وهي تتذكر ماضي زوجها الذي اخفاة علي ابنتة كي لا تكرهة كان تعتقد ان هذا السر دفن واصبح من الماضي ولكن الان صفحة الماضي تفتح مرة ثانية وهاهي ابنتها تريد ان تعرف كل شئ حدث بالماضي لكن ماذا سيحدث ان علمت بكل شئ فهي ستكرههم كثيرا اذا عرفت ماذا فعل اباها في الماضي لالاالا يجب الا تعرف كي لاتكرههم

ذهبت إيمان بسرعة الي غرفة زوجها كي تحدثة بشأن هذا الشئ

إيمان وهي تدخل الي مكتب شاهين بدون استئذان

شاهين:انتي اتجننتي يا ايمان انتي ازااي تدخلي كدة عليا المكتب من غير متستأذني

إيمان:كارثة يا شاهين كارثة

شاهين بعصبية:كارثة اية تاني انا ناقص كوارث

إيمان:بنتك بنتك عاوزا تعرف كل حاجة حصلت زمان عاوزا تعف لية خبينا عنها ان عندها قرايب وعايزة تروح تكلم آسر ابن جمال

شاهين:اية لا لا لا قمر لا يمكن تعرف بأي حاجة لازم تمنعيها من الخروج فاهمة انا مش ناقص مشاكل دلوقتي انا لازم اشوف حل لاسر اللي طلعلي فجأة دة هو وحنين

إيمان:ايوة صح ازااي هما عايشين وازاي حنين رجعت مصر انت مش قلت انها مش هترجع تاني

شاهين وهو يجلس علي الكرسي:انا عارف اية النصايب اللي حلت علي دماغي دية لا والكارثة الكبيرة ان ابن جمال هو نفس الظابط اللي مصمم يجيب اجلي يعني دلوقتي بقا معاة قوة اكبر من الاول كمان لا وهيمسك الشركات بتاعة ابوة كمان اللي بقالي عشر سنين بحاول اتحكم فيها وكنت خلاص قربت امتلكها لكن هو اللي كان بيسند حسن ووقف معاة عشان كدة مقدرتش اعملة اي حاجة بس هيشوف شاهين النجار هيعملة اية

إيمان:بلاش يا شاهين بلاش قمر لو عرفت هتكرهنا كلنا وكمان آسر لو عارف انك انت اللي قتلت ابوة وامة هيدمرنا كلنا ومش بعيد ينتقم منك في بنتك ابعد عن السكة دي يا شاهين احنا عندنا بنت ولازم نخاف عليها

شاهين:انا لا يمكن اسيب ابن النجار يعمل اللي هو عاوزة

انا لازم اتحرك قبل مهو يعمل حاجة بس تعرفي انا حاسس انو عارف كل حاجة عني عشان كدة مجاش وقالي انة عايش وممتش يبقا اكيد عارف كل حاجة انا ماشي دلوقتي اوعي تخرجي قمر من البيت مفهمووم

إيمان:ماشي

خرج شاهين من المكتب وذهب الي احد الاشخاص

*********

ذهب شاهين الي منطقة جبلية خالية من الاشخاص ووقف بسيارتة في انتظار احد الاشخاص

جاءت سيارة من بعيد يبدو عليها الفخامة ونزل منها شخص في الاربعينات ولكن يبدو علية غير ذلك يبدو علية الغني والاناقة

شاهين وهو يحدث هذا الشخص:آسر النحار طلع عايش هعمل اية دلوقتي

الشخص:احنا لازم نخلص منة بأي طريقة اتصرف يا شاهين الواد دة هيعملنا مشاكل والشحنة الجديدة جاية ولازم نتصرف فيها مفهوووم دة هيبقا الاخبار بتاعك عشان نشوف انت بقيت كارت محروق ولا لسة لو منجحتش ف المهمة دي هتتنفي مفهوووم

شاهين بخوف:بس يا باشا

الشخص:مفيش بس انا قلت اللي عندي انت شكلك كبرت وخرفت عشان مقدرتش تنفذ المهمة اللي عملتها من عشر سنين ودلوقتي نتايج غبائك ظهرت وهتدمرلنا كل حاجة لو مقدرتش تنفذها يبقا اشوف حد غيرك

شاهين:لا طبعاا يا باشا انا اللي هنفذها وقريب اووي كمان

الشخص:هنشوف يا شاهين الشحنة هتيجي الاسبوع الجاي يعني خلص شغلك بسرعة مفهوم

شاهين:مفهوم يا باشا

********

في منزل آسر

كان يجلس آسر مع والدة في المكتب يتحدثوا بشأن ما ينوي آسر علي فعلة بعد الكشف عن هويتة الحقيقية

أحمد:ناوي علي اية با آسر اول مرة متقليش علي اللي في دماغك انت مش واثتدق فيا ولا اية

آسر :اية اللي انت بتقولة دة بس يا بابا لا طبعا مش قصدي بس انا لسة بفكر هعمل اية ومش عاوز اتعب حضرتك معايا بس

أحمد:دة انا يا ابني اساعدك لو بروحي تقولي خايف تتعبني قلي بس علي اللي في راسك وانا هساعدك انت مستقل بيا ولا اية يا حضرة الظابط

آسر:وانا اقدر بردة يا سيادة اللوا

آسر:انا هقلك اللي في دماغي يا بابا بص انا ناوي علي ...........

**********

في غرفة مريم

كانت تحلس مريم وهي ممسكة بألبوم الصور الذي اعطاها اياة اسر وتقلب في الألبوم وهي تبكي

دخلت عليها حنين فوجدتها تبكي

حنين:مريم حبيبتي مالك فية اية بتعيطي لية

وما ان وقعت عيناها علي الصور ادركت ان مريم عرفت كل شئ وان اسر ايضا يعلم بانها تعرف لان هذا الالبوم كان مع آسر

حنين وهي تحتضن مريم:انا عارفة انك هتقليلي دلوقتي اني انا مش مامتك الحقيقية بس يا مريم انا بحبك جداااا وربيتك كأني امك بالظبط ومقصرتش في حقك انتي وآسر طب قليلي انتي انتي عمرك حسيتي اني انا مش امك تعرفي ان انا اخت باباكي الحقيقي يعني انا عمتك بردة وكنت بحب ابوكي جداا وزعلت اووي لما مات(وهي تبكي)

بس لما انتي واسر عيشتوا معايا عوضتوا فقدان مامتكوا وباباكوا كانوا طيبين اوي وبيحبوا كل الناس كان نفسي اشفهم قبل ما يموتو بس للأسف وصلت متأخر

مريم حبيبتي انتي لسة بتعتبريني ذي مامتك ولا لا

مريم وهي تخرج من احضان حنين:انتي ماما اللي انا اعرفها وانا بحبك اوووي وعمر مهقلك غير ماما انتي اة مش مامتي الحقيقية بس انتي اللي ربيتيني وكبرتيني ومن غيرك كان زماني انا وابية اسر في الشارع دلوقتي انا بحبك اوووي يا ماما متسبنيش ذي ما ماما التانية سابتني من غير ما اشوفها حتي

حنين:متخافيش يا حبيبتي انا عمري مهسيبك ابدااا انتي اغلي حاجة عندي انتي وآسر يا مريم انا امووت لو جرالكوا حاجة

مريم وهي تضع يدها علي فم حنين لتمنعها من استكمال حديثها:لا اوعي تحيبي سيرة الموت ارجوكي

حنين وهي تقبل يدها:خلاص يا حبيبتي مش هقول كدة تاني خلاص متعيطيش بقا عشان مزعلش منك

مريم وهي تمسح دموعها بطفولة:خلاص مش هعيط تاني اهة وانتي كمان متعيطيش

حنين:يلا بقا عشان تاكلي انتي من الصبح وحبسة نفسك في الاوضة ومكلتيش حاجة

مريم:حاضر يا ماما

حنين:طب انا هنزل تجبلك الاكل عشان تاكلي تخلصية كلة اتفقنا

مريم:اتفقنا يا احلي ماما في الدنيا

حنين وهي تمسك خدود مريم:ماشي يا احلي مريم في الدنيا كلهايخلااصي علي العسسل يا ناس ولادي الاتنين قمرات كدة جااين من امريكا يا عيال ولا اية انتي واسر ماشاء الله عليكو تحسكوا استيراد بردة كدة

مريم:مش جايبينو من برة علي فكرة

حنين:ماشي يا شقية يلا عشان احبلك الاكل بقا واشوف آسر واحمد عاوزين حاجة ولا لا

مريم:ماشي يا ماما روحي لبابا روحي انتي اصلا بتتحججي عشان تروحيلة مش كدة

حنين واحمرت وجنتيها:بقا انتي يا قردة يا صغننة يطلع منك الكلام دة 

مريم:انا كبيرة اهة حتي شوفي بقيت اد اية

ووقفت مريم لتريها طولها

حنين وهي تضحك:ههههههه اقعدي احسن اللي يشوفك يقول في اولي ابتدائي اصلاا يلا يا اوزعة من هنا

مريم:انا مش اوزعة انتو اللي كبار

حنين:خلاص يا حبيبتي احنا اللي كبار انتي مش اوزعة

مريم:روحي يا ماما زمان بابا بيناديلك روحي

حنين وهي تغادر:ماشية يختي اهة

مريم :ربنا يخليكي لياا يا احلي ماما

*********

انتهت الحلقة

ياتري مين الشخص اللي كان شاهين بيتكلم معاة واية الخطة اللي هيعملها آسر وياتري شاهين هيقدر ينفذ اللي اطلب منة ولا لا