رواية عودة ميت الفصل الخامس عشر 15 بقلم عزيزة حامد
ل الخامس عشر
عندما سمع شاهين بهذة الاخبار جن جنونة وقام بتكسير كل ما يقابل يدة في المكتب
شاهين:اززاااااي ازاااي ابن جمال عايش انا متأكد ان كلهم ماتو ازاي كدة اززاااي وولاد ال...... اللي قالولي انهم ماتو حسينننن يا حسييين انت يا زفت
دخل حسين برعب الي شاهين:نعم يا باشا
شاهين:ابعتلي حالا للواد حسن واحمد
حسين:بس حضرتك قلت...
شاهين:مش عاوز اي اعتراااض انا قلت جبهملي يعني تجيبهم مفهوووم مترجعش الا وهما معاااك
حسين :حاضر يا باشا حاضر
ذهب حسين مهرولا لرؤيتة شاهين بهذة الحالة التي لم يراة عليها من قبل
شاهين:انا لازم اتصرف بسرعة قبل ميتمكن من كل حاجة وكمان قبل ما يكشف كل حاجة ابن النجار لا وكمان يطلع هو الظابط اللي بيحفر ورايا وكنت عاوز اتخلص منة بس للأسف مقدرتش بس نهايتك قربت يا ابن النجااار قربت اووووي وهوريك اية اللي هيحصلك انت وعيلتك الجديدة لا وكمان حنين رجعت هي كمان وتبقي مرات اللوا احمد لا دول بقاا عصابة بقا واتففوا كلهم عليااا بس ازاااي انا هوريهم كلهم ازاي يعملو كدة ويضحكوا عليا بقاا انا شاهين النجار يضحك عليا من واد زي دة والوقت دة كلة ومعرفش انة عايش ومسخبيلي ابن جمال انا هورية وشي الحقيقي بقا وهموتة زي ابوة
**********
عند قمر
كانت قمر تقلب في التلفاز فرأت آسر في التلفاز فاخذت تشاهد ما يقول وصدمت عندما عرفت انة يكون ابن عمها ولكن كيف وكان اباها يقول انة توفي مع والدية في الحريق كيف ذلك هي قابلتة كثيرا ولم تعرفة ادركت لماذا صدموا عندما عرفوا انها ابنة شاهين النجار
ولكن لماذا لم يخبروا اباها بانهم علي قيد الحياة فهم عم آسر لماذا اخفي علية بانة نجا من الحريق هل يوجد شئ لا تعرفة ما يجعل آسر يخفي علي ابيها انة علي قيد الحياة
قمر:انا لازم اعرف لية آشر خبي علي بابا انة عايش اكيد فية سر
**********
عند آسر في المنزل
عاد اسر بسرعة الي المنزل ليطمئن علي عائلتة
حنين اول ما آسر دلف الي المنزل
حنين:آسر حبيبي انت كويس حد عملك حاجة
آسر :متقلقيش يا ماما انا كويس انتو كويسين
حنين :اة يا حبيبي كويسين
آسر:امال فين روما
حنين:قعدة في اوضتها مش راضية تنزل
آسر:طب انا هطلع اشوفها
صعد آسر الي غرفة مريم ليراها
دق آسر علي غرفتها ولكن لم يلقي اي جواب فاعتقد انها نائمة فدلف الي الغرفة ليطمئن عليها
عندما دلف الي الغرفة فوجئ بها تبكي علي الفراش بصمت
آسر وهو يركض اليها بخوف:روما حبيبتي انتي بتعيطي لية
مريم كانت تبكي ولا ترد
آسر:مريم ردي عليا يا حبيبتي متوجعيش قلبي قليلي طيب حد زعلك
وجد آسر بيدها الهاتف والفيديو الخاص بة الذي كان يتحدث بة علي هاتفها
آسر بعدما ادرك انها علمت بكل شئ:مريم حبيبتي اسمعيني بس اللي شفتية دة هو اللي كنت عاوز اقلهولك من زمان بس كنت مستني انك تكبري وتدركي كل حاجة عشان تقدري تفهميني بصيلي يا مريم انا مليش حد غيرك في الدنيا بعد ماما وبابا انتي اللي فضلتيلي انا عملت كل دة عشانك انتي عشان اأمنلك حياة هادية من غير اي خوف انا اعمل اي حاجة عشان انتي وبس يا مريم ارجوكي بصيلي كدة يا مريم طب انا ماشي وعايز منك حاجة واحدة بس انك تقدري تسامحيني
جاء آسر ليغادر فأمسكت مريم بيدة
مريم ببكاء:استني يا ابية
آسر وهو يجلس بجانبها:قولي اللي انتي عاوزاة كلة قولي اللي كتماة في قلبك
مريم :هو بابا وماما الحقيقين ماتوا بجد يا ابية
آسر وبدأت عيناة تدمع:ايوة يا مريم ماتوا ماتوا من عشر سنين
مريم وهي تمسح دموعة:متعيطش يا ابية انت قوتي يا ابية بس انا عوزة اعرف كل حاجة ممكن يا ابية
آسر:اكيد يا قلبي هقلك كل حاجة كل اللي انتي عاوزة تعرفية بس اسمعيني وافهميني كويس ماشي
مريم وهي تمسح دموعها :ماشي يا ابية بس ممكن طلب الأول
آسر:اطلبي اي حاجة انتي عاوزاها
مريم:عاوزة اشوف صورة بابا وماما
آسر:ماشي يا مريم ثانية واحدة
وخرج آسر من الغرفة وذهب الي غرفتة وفتح الخزنة خاصتة الذي يخفيها عن الجميع فهو يحتفظ بها بأشياءة الخاصة التي تذكرة بأبواة
فتح آسر الخزنة وأخرج مابها
ثم ذهب الي غرفة مريم
آسر وهو يمد يدة بشنطة صغيرة يبدو عليها انها لطفل صغير:فكرة الشنطة دي دي شنطتك وانتي صغيرة دي الحاجة اللي عرفت اخرج بيها من يوم الحادثة ولحقت حطيت فيها شوية الحاجات دي
وقام بفتحها واخرج منها البوم صور للعائلة ليريها اياة
قلبت مريم في الألبوم وهي تشاهد صورها وهي صغيرة مع والدتها ووالدها وآسر فأدمعت عيناها عندما رأت صور والديها واحتضنت الصورة فاحتضنعا آسر وناموا معا وهم محتضنين صور والديهم
*********
انتهت الحلقة
