أخر الاخبار

رواية عشق الاسياد الجزء الحادي عشر 11 بقلم رنا سليمان

رواية عشق الاسياد الجزء الحادي عشر 11  بقلم رنا سليمان


#عشق_الاسياد
الفصل الحادي عشر
بسم الله الرحمن الرحيم
رحيم شال زينب من على الارض وحاطها على السرير بتاعها وحاول يفوقها
كريم وداليا جم على زعيقه
كريم:بنتي
كريم جرا على زينب:ايه ال حصل يا رحيم
رحيم:معرفش انا بفتح الباب لاقيتها مرميه على الارض
داليا اخدت البرفان ال قدامها وجريت على رحيم اداتهوله:خد يا رحيم فوقها ب دا
رحيم اخد منها البرفان وحاول يفوق زينب بيه لحد ما فاقت
زينب بدأت تفتح عينيها ببطيء
رحيم: الحمد لله بدات تفوق
كريم مسك ايديها:انتي كويسه يا زينب يا حبيبتي
زينب هزيت راسها ب ااه
كريم:حاسه ب حاجه
اوديكي للدكتور
زينب: لا انا كويسه
داليا:الف سلامه عليكي يا زينب يا حبيبتي
كريم حبيبي يلا نسيبها لوحدها علشان ترتاح
يلا يا رحيم
رحيم كان هيقوم بس زينب مسكت في ايده
رحيم بصالها
زينب:رحيم ممكن تخليك شويه انا عايزه اتكلم معاك
رحيم: حاضر يا حبيبتي
كريم:طيب احنا هنسيبكم لوحدكم
لو حسيتي بحاجة يا حبيبتي اندهي عليا
زينب: حاضر
كريم وداليا خرجوا ورحيم فضل قاعد مع زينب
رحيم:ايه يا حبيبتي عايزه ايه
زينب بدات تعيط:خالد هو ال كان عايز يقتل مصطفى صح يا رحيم
رحيم:ايه الكلام الفارغ ال انتي بتقوله دا يا حبيبتي وهو خالد هيعمل كده ليه
زينب:انا سمعت كلامكم الصبح يا رحيم
انا مش مصدقه أن لو كان مصطفى جراله حاجه كنت هبقي السبب
انا عمري ما كنت اتخيل ان خالد يطلع وحش اوي كده
انا صدقت انه بيحبني وحبيته بس عمري ما كنت اتخيل انه يحاول يقتل اخويا
انا مش قادره اسامح نفسي اني حبيته ووثقت فيه يا رحيم
مش عارفه ازاي هقدر اتعامل مع مصطفى عادي بعد ال حصل دا
انا كنت هبقي السبب في موته يا رحيم
رحيم:زينب
ممكن تهدي وتبطلي عياط
انتي ملكيش ذنب في ال حصل دا
انتي مقولتيش ل قلبك يحب ال اسمه خالد دا ولا قولتي ل ال اسمه خالد دا انه يحاول يقتل اخوكي
انتي ملكيش ذنب في كل دا
بلاش تحملي نفسك غلط غيرك
انتي عمرك ما تفكري ف اذيه حد من اخواتك واحنا عارفين دا كويس ومصطفى اكتر واحد عارف دا ومش زعلان منك
اهم حاجه دلوقتي انك تحاولي تنسي ال اسمه خالد لانه مش بيحبك ولا عمره حبك
انا عارف انه صعب عليكي بس انا طالب منك انك تحاولي لانه مش مناسب ليكي وهيأذيكي
زينب هزيت راسها ب ماشي:اوعدك اني هنساه
رحيم ابتسم وحضنها:صدقيني يا زينب دا هيكون احسن ليكي
نور فضلت باصه علي التاكسي ال ركبته حياه لحد ما مشي وبعدين دخلت الكافية ل قدر
نور لاقيت قدر قاعد مكانه مبيتحركش وعينه متغرقه دموع
نور:في ايه يا قدر
حياه مشيت لي
ايه دا انت بتعيط يا قدر
قدر بصالها بيأس وحزن
نور قعدت قدامه بقلق:في ايه يا قدر متتكلم
قدر:انا حبيت حياه يا نور
حبيتها ولما اعترافتلها سابتني وقالتلي انها مبتحبنيش
انا كنت طول الوقت فاكر
انها
انها بتحبني زي ما بحبها
نور: ايوه يا قدر بس حياه فعلا بتحبك من زمان
قدر:قالتلي انها مش بتحبني يا نور
نور:لا لحظه واحده
حياه كانت بتتمني انك تقولها كلمه حلوه بس مش تقولها بحبك
مش معقول يعني اول ما انت تقولها كده وتيجلها لحد عندها وترفضك
انت اكيد قولتلها حاجه زعلتها
قدر فضل باصصلها شويه وبعدين لف وشه وسكت
نور:قولتلها ايه يا قدر
قدر بص في الارض:هي سألتني هتعمل ايه في علاقتك مع تالا
نور:وانت اكيد قولتلها هتسيبها صح
قدر:لا قولتلها بعد ما اخلص الشغل ال بيني وبين اهلها هسيبها
نور:ازاي يا قدر تقولها كده
مكانش ينفع تقولها كده
انت كده اكدتلها انك مش بتحبها
انت لو بتحب حياه فعلا كنت تسيب تالا علشان خاطرها ويولع الشغل
انت كده عمرك ما حبيت حياه يا قدر
قدر:لا يا نور
انا بحب حياه والله
بحبها اكتر من اي حاجه في الدنيا
نور:مش باين يا قدر
مش باين انك بتحبها
لو انت بتحب حياه بجد هتسيب الدنيا دي كلها علشانها
قدر بصالها وسكت
نور مسكت ايده:صدقني يا قدر شغلك مع اهل تالا دا مش هيكسبك حاجه بالعكس دا هيخسرك اهم حاجه حصلت عليها في حياتك
هيخسرك حب ل حياه
بكره هيجيلك شغل احسن من الشغل دا الف مره بس مش هتلاقي الحب مع واحده تانيه غير حياه يا قدر
قدر فضل باصصلها وساكت
نور ابتسمتله وضغطت على ايده
تلفونه رن
قدر مسك التلفون وكانت تالا
قدر:دي تالا
نور:رد عليها يا قدر
رد عليها وخد قرارك دلوقتي
متسبش حياه تروح من ايدك
قدر اتنهد ورد علي تالا
قدر:الو يا تالا
تالا بحزن:ازيك يا قدر
قدر: الحمد لله
مالك يا تالا انتي كويسه
تالا:لا يا قدر انا مش كويسه وعايزه اتكلم معاكي في موضوع مهم
لو سمحت يا قدر اسمعني للاخر
قدر انا حبيتك اوي
حبيتك اكتر من اي حاجه في حياتي
يمكن اكون حبيتك اكتر من اهلي
بس بعد خطوبتنا يا قدر اكتشفت اننا مننفعش ل بعض
انا وانت مختلفين جدا عن بعض يا قدر
في الأول قولت ممكن نكون بنكمل بعض وهنقدر نعيش حياتنا مع بعض
بس للاسف دا محصلش
كل يوم كنت بكتشف اني غلطت لما حبيتك واختارتك لاننا مش مناسبين لبعض
بس انا دلوقتي اخدت قراري
انا اسفه يا قدر انا مش هقدر اكمل معاك
انا بقولك الكلام دا في التلفون لاني مش هقدر اقولهولك وانا باصه في وشك
انت تستاهل واحده احسن مني يا قدر
اتمني انك تلاقي الانسانه المناسبه ليك في اقرب فرصه
ااه على فكره شغلك مع اهلي ملوش اي علاقه ب انفصالنا متقلقش
تالا قفلت في وشه السكه من قبل ما يرد
قدر:الو
تالا
الو تالا انتي سامعاني الو
قدر بص في التلفون لاقي تالا قفلت
نور:في ايه يا قدر
قدر:مش عارف
تالا قالتلي كلام غريب كده واننا مش هننفع نكمل مع بعض وكلام غريب كده
نور ابتسمت:انت لسه هتستغرب يلا بسرعه روح ل حياه بسرعه وقولها ال حصل
قدر: عندك حق
قدر خرج بسرعه من الكافية ونروح خرجت وراه وركبوا العربية
حياه حاسبت التاكسي ودخلت الشقه وهي مش فاهمه حاجه
حياه:خير يا مصطفى بيه
ايه ال جابك حضرتك هنا
فاطيمه:عيب يا حياه تتكلمي مع مصطفى بيه بالطريقة دي
دا ضيفنا بردو
حياه:هو انا قولت حاجه غلط يا مرات عمي
انا بس بسأل مصطفى بيه بيعمل ايه هنا
مصطفى:كده بردو يا حياه
دي مقابله تقابليني بيها وانا جاي لحد عندك علشان اسأل عليكي
حياه: وحضرتك جاي تسأل عليا وبس
ولا جاي عايز حاجه تانيه
مصطفى: بصراحه انا مش جاي علشان اسأل عليكي بس يا حياه
انا جاي علشان حاجه تانيه
حياه:وايه هي
مصطفى قعد قدام فاطيمه
مصطفى:انا جاي ل حضرتك يا طنط
فاطيمه:جايلي انا يا ابني
خير اؤمرني
مصطفى:انا كنت جاي اطلب ايد حياه منك
فاطيمه بصدمه:ايد حياه!
حضرتك عايز تتجوز حياه
مصطفى:وفيها ايه
انا بحب حياه وعايز اتجوزها وجيت اطلب ايديها منك ايه المانع في كده
فاطيمه:مفيش مانع يا ابني بس
حياه وهي واقفة ومربعه ايديها: بس الكلام دا مينفعش كده يا مصطفى بيه
مصطفى وفاطيمه بصولها وهما مش فاهمين حاجه
مصطفى:يعني ايه الكلام دا مينفعش كده يا حياه
حياه:يعني مينفعش حضرتك تيجي تطلب ايدي لوحدك من غير معاد اصلا
حضرتك المفروض تجيب اهلك وتاخد مننا معاد وتيجي في المعاد دا وتكلم مرات عمي واخويا
مصطفى بفرحه:يعني انتي موافقة يا حياه
حياه: والله اجابتي على سؤالك دي هتكون في المعاد ال هتحدده مع اخويا ومرات عمي
غير كده
انا اسفه مش هقدر اجوبك
ولا انا بتكلم غلط يا مرات عمي
فاطميه قامت وقفت:بالعكس يا حياه يا بنتي
ال انتي قولتيه دا عين العقل
بصيت ل مصطفى:احنا اسفين يا ابني بس دي الاصول والاصول متزعلش
مصطفى:طبعا يا طنط حياه عندها حق
انا هروح اقول ل بابا وماما واخد منهم معاد وابلغ حياه بيه
فاطيمه:تشرفونا في أي وقت يا ابني
مصطفى:طيب عن اذنكم
فاطميه:اتفضل يا ابني
وصلي مصطفى بيه يا حياه
حياه:اتفضل يا مصطفى بيه
مصطفى مشي قدام حياه وحياه وصلت لحد برا البيت
قدر كان سايق بسرعه
نور: بالراحه يا قدر
متخافش حياه مش هتطير منك
هتلاقيها قاعده في البيت
قدر:انا خايف ترفضني بردو يا نور
نور بصيت قدامها: متخافش
إن شاء الله
نور سكتت لما شافت مصطفى قدامها واقف مع حياه
قدر فرمل العربية بسرعه وفضل باصص عليهم بصدمه
في حد خبط على ازاز العربيه
قدر بص على الشخص دا بحزن وشاف حور
قدر بصالها وبعدين رجع بص ل مصطفى وحياه تاني
عند تالا بعد ما قفلت مع قدر رميت تلفونها على السرير وضحكت
تالا:افرح بكلامي شويه يا قدر
وعيش حياتك كام يوم
لاني ناويه ادمرلك حياتك انت وحبيبه القلب بتاعتك
عند خالد الباب كان بيخبط جامد
خالد راح يفتح: حاضر
براحه يالي بتخبط الدنيا مش هتطير
خالد فتح الباب ولاقي زينب في وشه
خالد بصدمه:زينب

تعليقات



حجم الخط
+
16
-
تباعد السطور
+
2
-
close