رواية غنوة الداغر الفصل الرابع 4 بقلم ميفو سلطان
الفصل الرابع4
بقلم ميفو السلطان
بدا جمال يخطط كيف يقترب من مريم ويجعلها توافق علي الزواج فهو شخص ليس بهين فهو زير نساء في السابق ولكنه وقع لتلك الجميله ليبدا في اقتحام اسوارها ليتعمد كل يوم ان يوصلها الي جامعتها ويعود لياخذها. في البدايه كانت تعترض لتشعر بعد ذلك بالقرب وانها تريد ذلك لتحس بعد ذلك بالسعاده كانا يثرثران في اي شئ وهو يفتح معها مواضيع ويحاول ان يزيل الرهبه بينهم ليجعلها تشعر باريحيه كانت تنتظره كل صباح حتي انها ادمنت رؤيته ليتطور الامر ويكلمها تليفونيا وهكذا حاصرها جمال في الصباح والمساء حتي شعرت انه يتملكها من الداخل وتشعر باريحيه شديده وتنتظر مكالمته بفارغ الصبر
لياتي يوم كانت تريد الخروج لتذهب الي صديقتها لتقرر ان تذهب الي صالون التجميل لتغير من شكلها وتفرح نفسها لتصفف شعرها لتخرج وتنتظر السائق كان السائق قد ذهب ليضع بنزينا وتعطلت العربه لتقف تنتظره لتجد شاابين ويبدا في مَعاكستها بوقاحه لتحاول ان تبتعد الا انهم لم يتركوها.. لتحس ان دموعها ستنهمر ليرن تليفونها وكان جمال ليسمع صوتها ليهتف بخوف.. مالك صوتك ماله..
لتهمس.. بانكسار مفيش.
ليصرخ.....ماتنطقي مالك.
لتحكي له ليصرخ انت فين انطقي.. لتخبره ليقول شايفه اي محل خشي اقعدي فيه انا جاي ليهب ويخطف مفاتيحه وينزل اليها ليصل اليها ويبحث عنها ليجدها ويصرخ هما فين..
لتقول.. خلاص بقه يلا نمشي..
ليمسك يدها بعنف انطقي ماتخلنيش اتغابي عليكي.. لتشير اليهم ليذهب اليهم كان بنيته قويه لينهال عليهم ضربا وهيا تقف مبهوته من عنفه لينتهي ويذهب اليها ويشدها ويدخلها العربه وينطلق بها مسرعا لتنكمش هيا ليقف اخيرا ويظل صامتا ليستدير اليها ويصرخ ما هو طول ما الهانم طالقه شعرها وبتبرق كلاب السكك هتتلم عليها.. ايه اللي عملاه في نفسك ده اتجننتي..
لتبهت وتغضب.. ايه عامله ايه مسرحه شعري وحش ..
ليصرخ زفت وقطران علي دماغك..
لتدمع عينها وتهتف انا شكلي زفت وقطران يا جمال.. لتهتف بحنق انت مالك انا غلطانه اني قلتلك ويلا بقه مع السلامه واستدارت ودموعها تتساقط لتفتح العربه الا انه لم يتركها ومسكها من يدها.. راحه فين انت..
لتصرخ اوعي مالكش دعوه ارحم نفسك من شكلي الزفت والقطران اوعي بقه ايدي..
ليشدها اليه واحتضنها و َهيا تبكي ليقول خلاص خلاص.. ليتنهد.. خلاص بقه بطلي والنبي مش متحمل..
لتدفعه وتنكمش بعيدا ودموعها تنهمر.. ليتنهد ويجلس يهدي من نفسه ليتنهد اخيرا.. ليقول بملاطفه.. زفت ايه بس دانت قمر والله وشكلك ياخد العقل انا كنت متغاظ عشان الزباله دول شافوكي وقربو وانت قمر ماحدش يقربله..
لتتنهد وتمسح دموعها وتصمت.. ليبتسم ويهتف والله قمر وشعره يهبل بطلي تسيبيه كده دا يخرم العين ويخلع القلب..
لنهتف ببراءه.. ما البنات كلها بتعمل كده تزعقلي ليه..
ليقترب منها ويضع يده حول كرسيها.. بقي مش عارفه ليه والع وبزعق..
لتبهت وتخجل وتتراجع.. لا مش عارفه..
ليقترب اكثر ويقول خالص خالص.. يا قلبك يا جمال ما حدش حاسس بيك كده..
لتحمر خجلا وتقول.. حاسس بايه..
لينظر اليها ويلتهم وجهها بنظره حارقه.. بكتير والله كتير.. ليتنهد ويمد يده يمسح دموعها ويقول دموعك دي غاليه عليا..
لتتنهد وتلين.. انت السبب انت اللي زعقتلي..
ليبتسم ويمسك وجهها ويرفعه لتنظر اليه ليقول بحب لا ماليش حق دا القمر حد يقدر يزعله بس..
لتهمس اه انت..
ليقول.. دانا وحش وحاشه ليمسك يدها ويقبلها وينظر لعيونها.. طب نصالحه طيب وهو قمر كده وشعره يجنن لتبتسم ليقول يا صلاه النبي.. العيد جه وقلبي نور بابتسامه القمر..
لتهتف بجد يا جمي شعري حلو شكله حلو مش زفت..
ليضحك.. يا بنتي بقه دا حاجه تخبل وجيمي قلبه شاط. احلي جيمي دي والا ايه.. عسليه يا بنت الايه..
لتخجل وتقول.. طب وديني بقه لصحبتي..
ليبتسم ويقول طب مانلفلنا لفتين وانت قمر كده..
لتهمس بس بقه بطل وديني يلا..
ليتنهد ويهتف.. عيوني وفوق عيوني قلبي.. بس هرجع اخدك اياكي تتحركي ماشي لتبتسم اليه ويندفع بالعربه.. كان جمال رقيقا يعرف كيف يطوع قلب الانثي معسول الكلام لبق وجذاب لتذوب هيا فيه وتنساق اليه وترتبط به لا شعوريا وهو سعيد وادرك انها اصبحت له.
لياتي يوم ذهب لياخذها من جامعتها ليجدها تقف مع صديقها شريف ليشعر بالغيره فهيا كانت تضحك بشده وصوتها عالي لتذهب اليه ما ان لمحته.. حمدالله عالسلامه اتاخرت ليه كل ده.
ليهتف بغضب. يعني انت حسيتي اوي اني اتاخرت.
لتهتف مالك يا جمال بتكلمني كده ليه.
ليهتف مفيش يلا اما اروحك وذهب وتركها لتذهب وراءه وظل طول الطريق صامتا لتهتف مالك يابني فيه ايه قلي.
ليهتف مفيش واكمل الطريق ووصل للمنزل لتهتف ايه مش هتطلع.. ليهتف لا عندي شغل.. يلا سلام.
لتشعر بالحرج وتنزل مرتبكه وتصعد الي الاعلي ولا تعلم ما به لتنتظره ان يكلمها في الليل فلم يتكلم لتشعر بقلق. ايه هو مابيكلمنيش ليه هو زهق مني والا ايه.. لتجلس والهم يتلبسها.. ايه اكلمه.. لا هيقول ايه.. امال مابيتكلمش.. الا انها لم تحتمل واتصلت به ليرد بعد كده رد مقتطب لتسال.. ايه ماكلمتش.
ليهتف لا ابدا كنت َمضايق شويه.
لتهتف انا ملاحظه ممكن تقلي مش احنا اصحاب..
ليهتف مندفعا انت بينك وبين شريف حاجه..
لتهتف شريف.. لا مفيش ليه بتسال دا صديق عادي.
ليقول.. لا مش شايف اي عادي انا ايه ده..
لتضحك لتلطف الجو.. ايه يا جيمي هتعمل عقلك بعقل شريف انت قده..
لينفعل.. نعم ياختي ايه اده دي شايفاني كركوب وماسك عكاز.
لتبهت من عنفه ايه يا جمال مالك متنرفز ليه دا شري صاحبي عادي.
ليصرخ بطلي الكلمه دي بتعصبني مفيش حاجه اسمها صحوبيه..
لتبهت.. امال احنا ايه مش اصحاب..
ليصرخ لا مش زفت اصحاب..
لتبهت.. ايه مش زفت.. جمال انت بتقول ايه..
ليحاول ان يسيطر علي حرقته ليقول.. لا مش قصدي احنا اكتر من اصحاب طبعا احنا.. احنا..
لتقاطعه بمشاغبه.. ايه اخوات..
لينفعل.. انت مش راضيه تعدي المكالمه علي خير.
لينفذ صبرها.. مالك بقه الله بحاول اكلمك وانت والع فيه ايه شريف صاحبي وصديقي عامل قصه ليه.
ليهتف بانفعال وتهور.. والصديق تقفي وتضحكي كده وتقلي ادبك قدام الناس.فيه واحده صوتها كده ايه الرخص ده مش شايفه نفسك يا هانم .
لتبهت.. رخص انا يا جمال رخيصه.. اقل ادبي.. انا يا جمال بقل ادبي.. ليه عملت ايه عشان تقلي كده وكنت شفتني بقل ادبي فين يا سي جمال عموما انا اسفه اني كلمتك ماتبقاش تضايق كده من قله ادبي ورخصي كده .. يلا سلام ويا ريت تبطل تيجي توصلني ما تتعبش نفسك سلام وقفلت السكه في وجهه.
ليشعر بمدي خطاه وتهوره ليتصل بها مرات ومرات ولكنها لم ترد ليشعر بالجنون.ليلقي التليفون ويرزعه في الحائط.. غبي غبي انت طور حد يقول كده يا زفت اهي اتنيلت زعلت ولا هتعبرش امك عبوشكلك..
وهيا في المقابل تنتحب بشده وتشعر بوجع.. ايه ده هو بيقلي كده ليه اخص عليك يا جمال بعد دا كله تقول عليا كده عشان اتساهلت معاك وبكلمك تقول كده تشوفني قليله الادب.. ماشي يا جمال خلاص انا اللي غلطانه وهصلح غلطي.. لتمر الايام ومريم ترفض تماما ان تقابله او تركب معه لدرجه انها اتجهت لاخيها حتي يبعده عنها وجمال قد اصابه الجنون من بعدها وندم علي عصبيته وما تفوه به الا انها جرحت منه بشده وابتعدت عنه بالمشوار..
لتمر الايام والشهور ولا يشعر في البيت بارقه سعاده الا ميساء التي رات ذبول ضرتها وانزوائها فرحه قصوي. اما بقيه من بالبيت فتلبسهم الهَم فمريم تشعر بانشقاق في قلبها وانها ماتت في بعده لتدرك انها تحب جمال حبا قويا وتشعر بالقهر لما نعتها به رغم محاولاته المستميته ليقربها مره اخري الا انها قفلت علي نفسهاوبعدت عنه تماما.
في تلك الاثناء كانت غنوه قد تخرجت من كليتها وعدت السنه وقدمت في المصنع لعلها تجد عملا وفي نفس الوقت تستميت للوصول الي صديقتها التي نادرا ما ترد عليها لتعلم غنوه ان صديقتها تعيش بؤسا شديدا بسبب تلك العائله.
لتمر الايام وتبدا نسمه حالتها في سؤ فالحمل اتعبها واثقل عليها وشيئا فشيئا اصبح الوضع الصحي متدهورا لها ورغم ان داغر لا ينفك يراعيها ويعتني بها الا ان الحمل في نهايته اجهز علي البقيه الباقيه من تلك المسكينه لياتي يوم الولاده لتفجع غنوه في خبر موت صديقتها الوحيده.. فقد عانت نسمه في الولاده لتمر الولاده بصعوبه وخطر لتفقد تلك المسكينه روحها وتترك طفله جميله ملاك برئ تيتم من الصغر لتنهار غنوه بعد ان فقدت صديقتها الوحيده. رفيقه دربها وروحها .
لتمر الايام وينصب الصوان لتلك المسكينه التي عانت الكثير وياتي داغر والعائله ليقوما بتلقي العزاء وتاتي غنوه لتري ابنه صديقتها لتحملها بين يديها وتجهش بالبكاء لتهمس.. امك راحت وسابتني لوحدي راحت وماعادش ليا حد منهم لله اللي موتوكي ايوه موتوكي الجاحد اللي قهرك وخلي مراته تقهرك يا قلبي.. قلبي مولع نار اعمل ايه يا رب اروح فين.
ليمر اسبوع وغنوه ملتصقه بالطفله وسموها ملك وكانت ناديه تري مدي التصاق غنوه بالطفله وان الطفله لا تسكت الا في وجود غنوه لتدهش من تلك العلاقه ليمر الاسبوع وتشعر غنوه بالقهر انهَم سياخذون الطفله لتهتف.. والنبي يا طنط سيبيها انا هرعاها هشيلها في عيني دا بنت اختي لتجهش بالبكاء والنبي انت مش هتعرفو تراعوها.
لتهتف ناديه ازاي بس يا بنتي دا بيتها وابوها.
لتهتف غنوه. واحنا اهلها. هناك مرات ابوها مش هتشيلها انا عارفه كل حاجه ونسمه قالتلي ورحمه نسمه لتسيبوها هتعيش مقهوره زي امها سيبوها حرام عليكو ربنا هيحاسبكو زي ما هيحاسبكو علي نسمه..
لتهتف ام نسمه سيبوها شويه يا ناديه قلبي محروق حتي شهر البت لسه لحمه حمرا مين هيراعيها انت تعبانه ماهتقدريش سيبيها لاجل خاطر اختك المقهوره.
لتهتف ناديه.. حاضر يا حبيبتي هقول ايه لله الامر.
لتذهب الي داغر لتخبره اعترض في البدايه ولكنها ذكرت ان بنت عمها تراعيها وجدتها تحتاجها ليمتثل لها ليتركو البنت التي التصقت بها غنوه بشده كانت لا تذهب الي بيتها تقريبا احست غنوه ان ملك ابنتها وليست ابنه نسمه لتغدقها بالحنان كانت غنوه فقدت صديقتها وحنانها ففقدت رفقه الدنيا فليس لها احد يحن عليها لتجد تلك الطفله لتصب عليها الحنان صبا ليمر شهر اتنين وام نسمه تحاول مع ناديه ان تؤخر رحيل الطفله لينفذ صبر داغر بعد ثلاثه اشهر ويعود مره اخره لياخذ الطفله..حضر الجميع لياخذو الطفله حتي زوجه داغر اصرت ان تتواجد كانها الامره الناهيه لتاخذ ام نسمه البنت كانت غنوه تجلس معها في حجره نسمه ولم تخرج لتهتف غنوه يا طنط البنت مرتاحه هنا ليه بس جدتها محتجاها انتو مش هتعرفولها.
لتهتف ناديه.. ملك في قلبي يا حبيبتى والله شايفه انها مابتسكتش َالا معاكي بس نعمل ايه.
لتهتف بقهر ماتعمليش يا طنط.. خديها وعيشوها نفس اللي عاشته امها اعطتها البنت وهتفت ربنا مش هيسامحكو. وتركتها وخرجت والغضب ياكلها لتخرج وهيا مشتعله لا تعلم ماذا تفعل.. لتظل واقفه تحترق تراقبهم من بعيد وهما ياخذون الطفله لتري ناديه وهيا تاخذ الطفله ومعها مريم وامراءه اخري يبدو عليها السعاده وعدم الاهتمام لتعلم انها زوجه ذلك الحقير.. وكمان جايبها يرمي البت وجايب مراته تشمت فيها وتاخد البت دا حتي مابتبصش عليها شكل ابو قردان.. هيعذبوكي يا ملك اه يا حرقه قلبي يانا هموت لا مش قادره اختي ودنيتي ورفيقه عمري الواطي خدها لحم ورماها ميته الزباله اللي عذبها هو ومراته منك لله اشوفك والع. لتجدهم يرحلون وتنهمر دموعها لتظل واقفه تنتظر ذلك الحقير فلم يخرج من البيت لتشعر بنار داخلها لتندفع الي خلف البيت وتاخذ شيئا وتندفع بقوه تجري بعزم ما فيها كان الغل يقوي قلبها لتذهب الي الطريق كانت تجري وكلمات نسمه وقهرتها تنغرز بداخلها لتشعلها اكثر لتقف تنتظره بجانب احدي الاشجار.
ليمر الوقت كانت قد ربطت وجهها ليظهر عيونها فقط كان لا يظهر من راسها الا تلك العيون وتلك الندبه التي تزين عينها وتقف ومعها احد جراكن الجاز الذي اخذتهم من خلف البيت لتضعه جانبا لتجده اخيرا ياتي من بعيد ليمر الوقت لتندفع الي امام السياره ليبهت هو ويتوقف لتنهال علي الزجاج بقالب طوب كبير...
كان داغر يقود ليجد احد الاشخاص يقف امام العربه وينهال بقالب طوب كبير علي الزجاح يهشمه ليتوقف علي الفور ليجده ياتي بجركن ويلقيه علي العربه وسمع صوتا اخرج يا زباله من العربيه بدل ماحرقك جواها..
ليبهت اكثر فالصوت ليس قويا ليمد داغر يده الي التابلوه وياخذ مسدسه كان يظن انه سارق ليخرج من العربه هنا وقفت غنوه تنظر اليه بغل..
ايبهت انها انثي ليهتف.. ايه هما النسوان دلوقتي بقو يسرقو.. يلا يا شاطره بعيد بدل مااخلص عليكي ومالكيش ديه..
لتضحَك هيا بشده وتهتف ومين بقه اللي هيخلص عليا يا حيلتها.
ليبهت من قوتها.. ليقول.. ايه مش شايفه اللي في ايدي راجل واقف معاه مسدس مش خايفه.
لتقترب منه بهدوء وتهتف باستنكار راجل.. انا مش شايفه رجاله هما فين ماتشاور كده.
ليهتف بغضب اتلمي بدل ماخلص عليكي وتروحي فطيس..
لتهتف.. تصدق خوفتني وكشيت.. مانت َمتعود تخلص عالناس ومالهَش ديه.
ليصرخ انت عايزه ايه يا بت انت.
لتهتف بقوه وتقترب منه لتنظر في عينيه ليحس بقوه في عيونها وتلك الندبه شدت اهتمامه كانت عيونها تشع غضبا وعنفوان لتهتف عايزه احرق قلبك زي ما حرقت قلبي.. انت اللي زيك يستحق الموت بس للاسف ماليش في الدم.
ليصرخ انت يا بت مجنونه دم ايه وقتل ايه انا اعرفك. انا داغر سليمان انت عارفه بتكلمي مين.
لتهتف لا ماتعرفنيش وانا مش عايزه اعرفك وداغر سليمات في جزمتي.. طز والا اقلك طزين تلاته ايه قولك يابن سليمان.
ليهتف بغضب..اتلمي يا زباله.. انت شاربه حاجه يا بت انت بتضربي حاجه َجايه تطلعيهم علي الناس يلا من هنا عشان ماصورش قتيل ومش هحاسبك عالعربيه.
لتهتف لا كرم اخلاق عالي طبعا داغر بيه معروف عنه كده.. تصدق بالله انا لو طلت اشقك نصين كت عملت.. بص بقه عشان انا مش هسيبك الا اما اكون مريحه قلبي وراحه قلبي في حاجه وحده وهيا وهجمت عليه واطاحت بالمسدس بعيدا وركلته في بطنه بشده ليتاوه وينظر اليها مصعوقا ليشعر بغضب عارم ليهب ويهجم عليها لتبتعد وتدفعه بعيدا عنها وتخرج ولاعه من جيبها وترميها علي العربه لتشتعل التي ان بها وتستدير تنظر له بغل.. افرح ايه رايك بالمنظر حاجه تشرح القلب..كانت تقف والعربه تشتعل من ورائها وتنظر اليه بشماته.
ليهتف بغضب.. انت اللي جيبتيه لنفسك ابقي اقعدي نوحي بقه زي بقيت النسوان ان ماطلعت روحك مابقاش داغر.. ماعادش الا النسوان.. داغر هيعرفك انت مين يا زباله وهجم عليها ليشتبكا معا في قتال عنيف كانت ماهره تتفنن في ضربه كان هو يصد ضرباتها وهيا تهجم عليه ورغم َمهارتها الا ان بنيته كانت قويه الا انها لم تخاف ولم تتراجع كان قلبها يشتعل بفقدان حبيبتها وهيا تظن انه السبب في موتها وقهرها وكلما تذكرت كلمات صديقتها وقهرها تهتاح اكتر و. هو يصد كانت ملثمه لا يري الا عينها واثناء هجومها مسكها من راسها لينخلع غطاء راسها لينفلت شعرها ويظل اللثام فقط علي وجهها كانت شكلها يلهب القلب فتاه بعيون عسليه وشعر بني ذو حمره داكنه وهناك لثام علي وجهها وتقف مشتعله تصارعه بلا سبب لديه ليهجم عليها وياخذها ويمسك جسدها لتستدير وتضربه في رقبته ليتاوه بشده ليهتاح اكثر ليهجم عليها بكل قوته فهو ذو جسد ضخم وبنيه رياضيه وهجوم انثي عليه وضربها اغاظه بشده ليستجمع قوته ويهجم عليها مره اخري ويحتضنها لتحاول ان تنفلت وظلت تصارعه ليسقطا ارضا وظلا يتدحرجان حتي هبت وركبت فوق جسده واخرجت سكينا من جنبها ووضعته علي رقبته كان قلبه يدق بشده فهيا تجلس فوق جسده منحنيه بقرب وجهه و شعرها يتساقط علي وجهه وعيونها تحدقان فيه بقوه وغضب وهيا تنهح بشده كان منظرها ساحرا ليهدا من هول ما هو فيه فقد سهم في تلك الفرسه التي منظرها يخلع القلب ليسمعها تهتف.. ايوه اهدي بقه عشان ماغرزهاش في رقبتك.
ليهدء وصدره يعلو ويهبط ليهتف بسخريه طالما مش عايزه تقتليني عايزه ايه.
لتهتف عايزه اعلم عليك ده اللي هيريح قلبي ده اللي هيخليني اعرف اسكت وماقتلكش.
ليهتف وانت تعرفيني منين عملتلك ايه ايه اللي واجعك مني كده.
لتصرخ انا ماعرفكش ولا عايزه اعرفك ولا اعرف اشكالك.. انما عملتلي لا ماعملتليشبس حرقت قلبي و عملت للغلبانه اللي خدتها من هنا بت تشرح القلب ورجعتها جثه دا اللي عملته يا داغر بيه.. رجعت نسمه ميته قهرتوها وذلتوها وماتت بسببكو والاخر تاخدو بنتها برضه عشان تذلوها نفسي اغرز السكينه دي في قلبك يا كافر منك لله.
ليهتف طب ممكن تهدي لانك نازله هبد َمفيش حاجه من دي حصلت.
لتقترب من وجهه وتصرخ بطل كذب ماشبعتش كذب..بس لا انت مش هتسكت الا اما اعلم علي صنفك ومدت السكين وشرطت مكان قلبه ليتالم لتهتف عشان تفتكر كل اما تحط ايدك علي قلبك كسره قلب المسكينه يا ظالم يللي ماعندكش رحمه.. كانت مشتعله وعيونها تلمع من الدموع.
لينظر الي عيونها رغم المه الا انه سحر بهم ليهتف مسحورا.. عيونك حلوه اوي.. هو فيه جمال كده.
لتبهت وترتبك وتهتز قليلا لم تتوقع ما فعل ليتنهز الفرصه ويقلبها بسرعه ويزيح السكين ويلقي بجسده عليها ليبتسم ويهتف نهدي بقه كده عشان تكري من الاول انت بتغلي كده ليه والجسم القمر ده بيتنفض ليه من غير سبب لتحاول ان تدفعه لينام بجسده باكلمه ويثبت يديها ليهتف اهدي يا وحش خلاص جيم اوفر كان صدرها يعلو ويهبط تحت صدره وهو كذلك ولكنه اصبح مشتعلا من تلك الجريئه التي هجمت عليه اهلكته ليسيطر عليها اخيرا.
ليهتف.. ماشفتش حد كده انت جايبه القوه دي منين يخربيتك هبطيتي.. انت قد الضربه دي انت عارفه انا مين واللي يهوب ناحيتي اعمل فيه ايه دانا داغر سليمان اللي اسمه بيخوف بلد انت دخلتي سكه مش سكته والتشريطه دي هاخد حقها تالت ومتلت انت فاكره اني هسيبك.
لتصرخ.. قوم من عليا لاطين عيشتك يا زباله.
ليهتف.. ماتلمي لسانك بقه ماتخلنيش اتغابي عليكي.
لتصرخ.. اعمل ما بدالك ماهيهمنيش وعلمت عليك اقتلني لو عايز انا ماعنديش مشكله كانت تقاومه.
ليهتف يا بت انت تحت درسي ماتهمدي بقه انت فاكره اني هسيبك.. دانت هتتنفخي ايه القوه دي مانتش خايفه.. انت يابت مش عارفه انا مين.
لتهتف.. مايهمنيش.. ايه هتحبسني مايهمنيش بس علمت عليك ولو طلت كنت شقيت صدرك انت تستحق تموت.
ليهتف.. ومين بقه اللي فهمك كل الهبد ده هاه وقلبك القلبه الجاز دي وجايه تهجمي عليا.
لتصرخ انتو السبب انتو اللي موتو البت انت اللي قهرتها انا قلبي نار وهموت واهجم عليك واطلع روحك بايدي.
ليضحك.. طب ماتهجني مانا اهوه داحتي اخدك في حضني ساعتها وانبسط.. انت مين سمم دماغك يا بنتي الحرق اللي مولع فيكي ده مالوش اساس.
لتتململ.. قوم من عليا انا لو فلت هخلص عليك وسلمني للحكومه قوم مش طيقه قربك يا اخي ايه القرف ده.
ليبتسم بهدوء... والله دا حاجه جميله انت هبله يا بنتي قرب مين اللي مش طيقاه ماعدش الا كده كمان و تتطاولي علي اسيادك طب عموما هنشوف قربي ده بعدين ليمد يده الي الوشاح ويهتف.. طب نشوف بقه ايه اللي تحت العيون القمر دول وانت عيونك بتطلع نار وجسمك بيطلع نارين يخربيت كده ماشفتش..
لتشيح بوجهها و الوشاح بقوه وهو يحاول ان ينزعه.. ليضحك.. يا بنتي بقه بطلي فرك تحت جتتي انت هبله كده غلط عليك يا قط... داغر سليمان مش هيعتق ابو عيون نار الا اما يشوف ويعاين..
لتصرخ.. انت واحد قليل الادب والله لو ما قمت لاجيب اجلك.. واولع فيك..
ليضغط علي جسدها بمكر.. لا من جهه ولعتي فيا العيون دي ولعت عن حق امال بقيت القمر هيعمل ايه.. ليحاول ان يزيح الوشاح الا انها لم تمكنه من ذلك ليحاول ان يثبت يدها كان في حاله من الجنون هو يريد ان يري تلك المتوحشه وهيا لا تريده ان يعرفها ليثبت يدها بيديه وينزل بشفتيه يزيح ذلك الوشاح لتحرك وجهها بعنف كان قلبها سيخرج من مكانه لتظهر امامه شفتينا المكتنظتين حمراوتين يضجان حيويه وجسدها يتحرك من تحته وعيونها تشعله ليحس بشئ خارج عنه لم يستطع ان يمنع نفسه لينزل عليها يلتهم شفتيها بقوه وعنف وهيا مصعوقه مما فعل اما هو احس بالجنون ليلتهم تلك الشفتين وياكلها بقوه وهيا تتململ بعنف و هو يسقط عليها بجسده ويضغط عليها.. احست انها ستموت بين يديه فهو يلتهم شفتيها بعنفوان ويتعمق فيهما كان قد اصيب بمس لا يستطيع ان يبعد شفتيه عن شفتيها انشا واحدا كأن تلك الشفتين خلقت له ظل ينهل من شفتيها حتي هلك قلبه وهيا تان من قوته.. ليبتعد غير مصدق ما هو فيه وقلبه سينشق من مكانه ليهتف.. ايه ده فيه ايه يخربيتك انت ازاي كده..
لترفع راسها وتخبطه ليتأوه ولكنه لم يتحرك انشا لتصرخ قوم يا زباله يا واطي يا قليل الادب اخص علي صنفك..
ليضحك تصدقي اول مره اشوف غلايه بعيون قمر وشفايف تهبل انت يا بت ايه فرسه طايحه ايه نار بتغلي..
لتهتف نار لما تولع في جتتك يا بعيد..
ليضغط عليها ويهتف.. لا من جهه تولع ولعت عالاخر والمز شفايفه نار.... ها هتسيبيني اشيل الوشاح والا اكمل لما تفطسي في ايدي..
لترفع راسها تخبطه مره اخري. ليضحك ليقول لا شكلك هتفطسي وهفطس معاكي والصراحه انا هموت وافطس يخربيت جمال شفايفك النار دي.. لينزل عليها يكمل ما كان يفعله وهيا قد اشتعلت بزياده ولكنه كان يمسك يدها بقوه كانها ملكته تماما وانهال عليها بعنفوان ولكنه احس بشى داخله يتحرك من جراء ملامسته لها ورغم جوازه مرين لم يحس بهكذا مشاعر.. كان هناك شئ يداعب داخله ويلهبه لتنساب مشاعره ويبدا في تحسسها بقوه لتنتهز ارتخاء جسده وتدفعه بعيدا وتهب كالفرسه تجري علي اخر جهدها تاركه ذلك الذي اصابه مس خدره لينام لفتره علي الارض ينهج بشده مما دخل فيه ويحاول ان يسيطر علي جسده ليمر الوقت يحاول ان يستوعب ما حدث..
ليضع يده علي راسه يشدد علي شعره وقلبه سينفجر.. ليهتف.. ايه ده يخربيت كده.. حريقه يا بنت الايه.. مين دي دانا قلبي هيقف. ايه القوه دي دا فرسه طايحه مالها دي وتعرف نسمه منين.. وايه قوتها دي وعيونها دي وجمالهم وايه الشفايف النار دي يخربيت كده طحنتني وجرت طب ايه هعمل ايه.ليتذكر جمال وتلك الشراره التي اصابته.ايه يا داغر فيه ايه. لا البت دي لازم اعرف هيا مين.. اهدي يا داغر اهدي انت ولعت في لحظه ماحسيتش بحالك الا وشفايفها بين شفايفك ولعت فيك.البت قلبت حالي يخربيتها بعيونها وشعرها النار ده ليغمض عينه ويضع يده علي سفتاه ويبتسم.. دول حلوين يخربيتها فظاع حاجه تاخد العقل لا شفت ولا هشوف.. .. ظل فتره نائما مخدرا ليهب مره واحده . البت دي لازم اجيبها اعرف مين وساعتها يمين بالله ماهعتقها..مش داغر اللي يتعمل فيه كده.فرسه اه بس لا مش داغر خالص.. .دانا هعلم علي وش امها بس اعرف هيا مين.. داغر سليمان حته بت تعمل فيه كده.. طب يا وحش ان ما مرمغت وشك في الارض مابقاش انا داغر عشان تتربي اهدي.. داغر جايلك يا وحش بشفايفك النار دي.. وقوم شوف البت دي مين.. ليقوم ويحاول ان يهندم حاله ويعود ادراجه الي البلده.
كانت غنوه تعدو علي اخر جهدها لتتوقف اخيرا وتزيح وشاح وجهها وتغطي شعرها وتقف قليلا ترتاح والتوتر يغزوها.. وقفت وظلت تمسح شفتيها بقهر لتزيل اثر شفتيه التي احرقتها.. لتهتف اه يا زباله ماقدرتش عليك منك لله يا رب انا قلبي موجوع انتقم منه واحرق قلبه اللي زي دول مابيحسوش كل همه نفسهم وفلوسهم وبس يا رب برد قلبي واستدارت حتي دخلت بيتها لتقف كجملات.. ايه كل يوم هتخشي علينا بغم خلاص البيت بقي محزنه.
لتقترب غنوه منها لتهتف بفحيح.. لو عايزه ملامح وشك تروح افتحي بقك انا جوايا نار هطلع عليكي غلبي وتركتها وذهبت.
ليدخل عليها حازم.. ايه يا حبيبتي خلاص قدر ربنا.
لتندفع الي احضانه وتجهش بالبكاد مقهوره يا حازم هموت هموت جوايا نار منهم لله خدوها ورجعوها جثه الكفره فرحت وقعدت تقلي دا راجل زي الافلام ويشرح القلب ولما راحت مراته ذلتها وهو سابها تخيل اول يوم دخلتها يسيبها ويروح لمراته والتانيه تقلها انت اللي زيك يفرحو بدخولهم مكان زي ده واعتبروها كرسي مالهاش كلمه واخرتها البت ماتردش عليا شهور ماعرفش عنها حاجه تلاقيهم منعوها تتكلم شهور ماسمعش صوتها واخرتها اسمع موتها وخبرها.. قهروها منهم لله.
ليهتف ادعيلها حبيبتي ادعيلها هيا محتاجه كده.
لتهتف طب وملك هتعيش كده مذلوله الوليه مراته هتذلها دا ماشيه زي الطاوس نافشه ريشها ولازقه في المحروق جوزها كانها جايه تخلص من امها ولا بتبص عالبت البت في حضني ساكته كانها حاسه ان ماحدش هيحن عليها انا هموت عالبت حاساها بنتي قلبي هينشق..
ليهتف حازم طب اهدي حبيبتي وسيبيها لله وقولي يا رب.. لتتنهد وتظل تدعي لصديقتها لعل قلبها يرتاح.
في مكان اخر وصل داغر لفيلته ليمكث فيها جلس يخاول ان يستجمع نفسه لا يعرف ماذا اصابه ليغمض عينيه ليحس بملمس شفتيها ليبتسم رغما عنه ويضع يده علي شفتيه ثم علي تلك التشريطه التي تركتها.. ليهمس ايه ده فيه ايه.. انا جرالي ايه داغر سليمان قلبه هينط من مكانه انا زي ما اكون اتلبست بشفايفها وعيونها والا شعرها وايه ندبتها دي حاجه تاخد العقل .. .. ليظل فتره جسده يشعر بانسيابيه لا يريد ان يخرج مما هو فيه ليهمس انا اتهبلت والا ايه.. عيونه قمر وشفايفه قمر وشعره قمر بس مين القمر مين ليستجمع نفسه ليستدعي غفير الفيلا ليهتف.. بقلك تعرف واحده في الكفر صاحبه نسمه شعرها احمر وعنيها عسلي وعندها ندبه كده علي عنيها اليمين.
ليهتف الغفير.. اه دي غنوه العوره تعرفها منين يا باشا.
ديبهت داغر عوره ايه يا اهبل البت عنيها سليمه.
لهتف الرجل لا ماهي بتشوف بعين واحده.
ليقطب جبينه ويقول.. داغر يعني تعرفها.
ليضحك الغفير ومين في البلد مايعرفهاش.. دا وحش طايح ماحدش بيقدر يقربلها.
ليهتف داغر طب تقعد كده وتحكيلي كل حاجه وماتسيبش كلمه.. اما اشوف اخرها ايه ست المتوحشه دي.
وانخرط الرجل يحكي كل صغيره وكبيره عن تلك الجميله وكلما حكي احس داغر بدهشه وغرابه تلك الشخصيه وما ان انتهي الرجل حتي سهم لبعض الوقت يدور الكلام في راسه ليبتسم بخبث ليهب مره واحده و..
