رواية ابن السلطان الفصل التاسع 9 كاملة بقلم روما

ابن السلطان

وقف خالد منصدما مما سمع

الدكتور.. كدا خلاص هى مش هتحتاج عمليه

،، شعر خالد بخيبة أمل هل والدة فرح لا تحتاج عملية هل فرح الأن ليست بحاجه للمال وبالتالى ليست بحاجه له شعر بحالة حزن تكتسح قلبه وحاول كثيرا ايجاد مبرر لحزنه حاول عقله ان يعمل كثيرا لكنه لم ينجح واستولت عليه حالة الحزن تماما.. فى نفس الوقت كانت فرح تصعد السلم نعم لم تكن عند الطبيب وما سمعه خالد كانت حالة اخرى رأته فرح ابتسمت تلقائيا شعرت بباب الأمل يفتح أمامها من جديد أقنعت نفسها ان فرحتها بعودته لانها ستتمكن من عمل العمليه لوالدتها لكن لماذا القلب يعلن غير ذلك لكنها استغربت حالته لتقترب منه بحذر،،

فرح.. أستاذ خالد.. أستاذ خالد

،، نظر خالد لمصدر الصوت ونظر مرة أخرى لباب الطبيب ليفهم سريعا ان فرح ليست من بالداخل لينظر لها بابتسامه واسعه جعلتها تستغرب ولا تفهم

خالد .. فرح

فرح.. ايوه نعم فى ايه

خالد ضحك عاليا.. اصل انا افتكرت والدتك بقت كويسه

فرح.. نعم يعنى علشان مش كويسه لسه تضحك كدا مبسوط وهى تعبانه

،، أدرك خالد ما تفوه به ليعود سريعا لعقله.. لا لا مش قصدى طبعا اقصد افتكرتها خرجت من المستشفى اصل بابا هنا معايا

،، أدركت فرخ انه لم يقل الصدق لكنها لم تسأل آكثر

فرح .. ايه باباك طب هو فين

.. جوه عند والدتك تعالى ندخل لهم

،،بعد دخول فرح والسلام والترحيب،،

سلطان.. لا بس طلع معاك حق يا خالد عروستك زى القمر

خالد مبتسما لفرح.. أحلى من القمر يا بابا

حمرة الخجل احتلت وجه فرح ولا تعلم ماذا تقول.. شكرا

فادية.. فرح سلطان بيه طلب ايدك لخالد ابنه وبيقول انكم متفقين صحيح الكلام دا

،، شعرت فرح بالخجل من والدتها ليدرك ذلك خالد فأنقذها قائلا.. لا لا ياست الكل يمكن والدى خانه التعبير بس انا فاتحت فرح فى الموضوع بس هى طلبت موافقتك الاول

،، ابتسمت فرح لشعورها ان خالد دائما منقذها،،

فاديه.. خلاص يابنى يبقى أخرج من هنا الأول وبعدين أرد عليك

خالد.. طب نستأذن احنا

فاديه.. شرفتونا فرح معاهم وصليهم

،، بعد خروجهم وغلق الباب على فاديه،،

سلطان.. هسبقك تحت فرصه سعيده يافرح

فرح.. متشكره انا أسعد يا سلطان بيه

خالد.. اوك هحصلك

خالد.. هتعملى ايه دلوقت لازم تقوليلها على موضوع العمليه علشان نكتب كتابنا وهى هنا دلوقتى مفيش خوف فاتحيها فى الموضوع وعرفيها ان الفلوس معاكى

فرح.. تمام هفاتحها دلوقت

خالد.. بصى انا مش عارف اجيبهالك ازاى او اقولك ايه

فرح بقلق.. فى ايه اتكلم

خالد.. انا.. انا مبسوط رغم ان الموضوع تمثيل بس انا حاسس بفرحه

نظرت فرح للأرض لا تعلم ماتقول

خالد مبتسما.. طب همشي انا بقى وهكلمك فون اطمن

فرح مسرعه.. استنى انا متشكره جدا ليك و مش عارفه من غيرك كنت هعمل ايه

خالد.. اتعودى ان مفيش شكر بينا ولو حد هيشكر حد هيبقى أنا اللى أشكرك

فرح بعدم فهم.. تشكرنى انا ليه

خالد. هتفهمى بعدين سلام بقى علشان سلطان باشا هيعلقنى

ضحكت فرح ليقف قليلا ينظر لها لتلك الضحكه التى أسرت قلبه

فرح من بين ضحكتها.. سلام

،، انصرف خالد مبتسما ونزل لوالده والفرحه تملئ عيونه لينظر له سلطان ويبتسم قائلا.. الحب بهدله

خالد.. بتقول حاجه يا باشا

سلطان.. لا ابدا

،، دخلت فرح غرفة والدتها سريعا لتنظر من النافذه فتبتسم والدتها اما فرح ظلت عيونها عليه الى أن اختفى بسيارته لتبتسم وتتنهد براحه

فاديه.. واضح ان اجابتك على طلبهم باينه

فرح.. ها

فاديه.. دا انتى مش معايا بقى

فرح.. ست الكل فى موضوع مهم لازم افاتحك فيه

فاديه خير يارب

.. فى عمليه مهمه انتى لازم تعمليها مش هينفع تخرجى من هنا قبل مانعملها العمليه دى هتكون فى القلب بس اطمنى نسبة نجاحها مضمونه جدا طبعا دا كلام الدكاتره لكن كله بايد ربنا وانا واثقه ان ربنا بيحبنا وان شاءالله هتقومى منها بألف خير

فاديه.. وتكلفة العمليه دى كام

فرح.. دى مجانا فى دكتور هنا بيعملها مجانا

فاديه.. خلاص يابنتى ربنا يقدم اللى فيه الخير بس انا مش هعمل العمليه غير لما اطمن عليكى الاول انتى موافقه على خالد

فرح.. ايوه موافقه يا حبيبتى خالد شاب كويس واستاذ جامعى ومحترم وخلوق وفيه مواصفات الشاب اللى بتمناه

... ـــــــــ،،، ـــــــــــ،،

مروه.. انتى كدابه احمد مين اللى يطلب منك الجواز

مريم.. انا كدابه وانا من امته كدبت عليكى يامروه

.. انتى عاوزه تبعدينى عنه باى طريقه علشان كدا بتقولى انه بيقربلك بس كدبتك باينه اوى انتى فاكره انك لما تقولى كدا هبعد عنه علشان خاطرك

مريم.. انا مش بكدب انتى عارفه من الاول انى مش حابه العلاقه دى وبعدين

.. ولا بعدين ولا قبلين احمد بيحبنى وانا بحبه وعمره ماهيبص لواحده زيك فوقى وبصى على لبسك وستايلك وبعدين اتكلمى

.. انا لما بلبس بلبس اللى يرضى ربنا مش اللى يرضيكى انتى او اى حد

.. تمام اوى خليكى بقى فى دور الشيخه بتاعك دا وابعدى عن حياتى

.. ماشى يامروه خلينى اشوف اخرتها معاكى

،، خرجت مريم وتركتها لتشعر مروه بالضيق والتوتر لانها لا تثق فى حب احمد لها وتعلم جيدا ان مريم لا تكذب اتصلت بأحمد

مروه.. ايوه يا أحمد

أحمد.. مروتى فينك ياقلبى

ابتسمت مروه وشعرت بارتياح.. احمد اراد ان يطمأنها بالكلام انه مازال يحبها خوفا من ان تكون مريم حكت لها ماحدث

مروه.. موجوده انت فين

.. حاسس انى اخر مره زعلتك بس هعوضهالك معلش كنت مضايق شويه

.. ولا يهمك

،، بعد مكالمه طويله اغلق احمد الهاتف ووضعه جانبا

على.. انت ممثل بارع

احمد.. اشمعنه

.. يعنى الصبح تقول لصاحبتها عاوز اتجوزك ودلوقت تكلم دى كلام كله حب ورومانسيه واوعى تخرجى لوحدك اخاف عليكى وبلاش الطقم دا بفير عليكى و هبعت لك غدا علشان صحتك دا انا كنت هعيط منك

.. يابنى هما البنات بيحبو كدا غير عليها واخنقها غيره اهتم بيها وشاركها تفاصيلها بس هى تقنع نفسها انك خايف عليها مش شايف غيرها تلاقيها هى بتجرى وراك وكل فتره هديه حلوه وخلصت

.. طب انت مش حاسس بالذنب انك بتعلقها بيك وشويه وهتسيبها

.. وانت مش بتحس بالذنب ليه وانت كل يوم مع بنت شكل

.. انا من اول يوم بعرفهم ان الموضوع صحوبيه مش اكتر وجواز لاء

.. هو نفس الذنب ياحبيبى فى الاخر بتخرج وتكلم بنت برضو سيبك سيبك مش دا المهم

.. اومال ايه المهم

.. المهم دلوقت مريم دى قولى على حل معاها

.. تعرف تبعد عنى انا عاوز اللى يشوف لى حل

،،، ــــــــــــ،،، ــــــــــــــــ،،

صباح الخير ياسلمى

سلمى .. مش معقوووووول ميار

ميار.. وحشتينى يابنتى فينك

.. انا اللى فينى برضو انا اللى اتجوزت من هنا واختفيت

.. ادينى ياستى اطلقت ورجعتلك

.. ايه دا بجد ليه

.. دا موال طووووويل المهم دلوقت جيالك فى موضوع مهم

.. وانا اللى قولت صاحبتى ووحشتها اتاريها مصلحه

.. ههههههههه المصلحه دى هتخلينى جنبك طول العمر

.. يارب خير

.. الشركه عندكم طالبه موظفين وانا جايه اعمل انترفيو

.. احنا نطول ان انتى تشتغلى معانا اعتبريه حصل

..طبعا طبعا مبروك عليكم انا

.. ههههههه لسه زى ما انتى تعرفى انتى جيتى فى الوقت المناسب انا محتجالك اوى

.. خير ياقلبى

،،، ــــــــــــــ،، ــــــــــــ،،

فاديه.. تكتبو كتابكم وانا هنا يابنى علشان ابقى مطمنه عليها

خالد.. تحت امرك ياست الكل هكلم والدى ونيجى نكتبه هنا

فاديه.. لا هخرج لو يوم واحد يتكتب كتابها فى بيت ابوها وارجع تانى وعيلتها تحضر ويعرفو

خالد.. طبعا حقك هى فين فرح

.. راحت الجامعه شويه وراجعه

،،، ـــــــــــ،، ــــــــــــــ،،،

فى الليل بفيلا سلطان

نعمة.. انتو لسه جايين ياسلطان انت وولادك

سلطان.. الحمد لله عمتى فايقه تعالو نقعد معاها نلحق قبل ما ترجع لحالتها

خالد.. ازيك ياست الكل

نعمة.. اهلا ياحبيبى

سلمى.. تيتة حبيبتى وحشتينى

نعمة.. صليتى النهارده

سلمى.. الحمد لله فاضل بس صلاة العشاء

نعمة.. شاطره اممممم وانت ياخالد

خالد.. انا ايه ياتيته

نعمة.. تصلى

.. ان شاءالله

نعمة.. فى حكيم زمان قال كفى بالتجارب تأديبا وبتقلب الأيام عظة وبالدهر مؤدبا وبالعقل مرشدا

انت لسه فى شبابك اغتنم الفرص يابنى

.. حاضر ياتيته

سلطان.. طب عن اذنك ياعمتى هرد على تليفون

.. اذنك معاك ياحبيبى

سلمى.. اتعشيتى ياتيته

نعمة.. لا لسه منتظراكم

سلمى.. طب هوصيهم يحضرو لنا العشا عن اذنكم

نعمة.. عامل ايه ياخالد

.. الحمد لله بخير والله انتي اللي عامله ايه يا حبيبتي مرتاحه معانا

.. يعنى مش اوى بس انتو ارحم من غيركم

... ليه بس ايه اللى مضايقك هنا

.. بيتكم بارد مفيش فيه دفا العيله

.. اممممم طب اقولك خبر يفرحك

سلمى.. استنى ياخالد انا جايه

خالد. تعالى احضرى انتى كمان الخبر

سلمى قول ياسيدى

خالد.. انت هكتب كتابى خلاص

سلمى.. بجد الف مبروك ياخالد ربنا يفرحك

خالد.. الله يبارك فيكى عقبالك

ايه ياتيته الخبر مش حلو ولا ايه مش هتباركيلى

نعمة.. سلمى انتى شوفتى عروسة اخوكى

سلمى.. لا لسه

نعمة.. هتشوفيها امته يوم كتب الكتاب وانت يا خالد حكيت لاختك عنها عرفتها هى ان ليك اختك اصلا ايه اللى انتو فيه دا

سلمى.. تيته كل واحد حر فى حياته

خالد.. انا بس عارف ان سلمى مشغوله بس هى عارفه انى بحبها

نعمة.. بجد كتر خيرك انتو ازاى اخوات من غير ما كل واحد يبقى عارف حاجه عن التانى من غير ماتقفو جنب بعض كان المفروض جيت حكيت لاختك كل حاجه وفرحتها معاك من الاول

سلمى.. تيته ماتكبريش الموضوع احنا طول عمرنا كدا ومش بنزعل

نعمة.. طول عمركم ايه اخوات بالاسم تعرف ايه عن سلمى ياخالد

خالد.. انا اعرف عنها كل حاجه

نعمة.. زى ايه شغلها مكان قوضتها مكان مكتبها فى الشركه لكن بتحب ايه بتكره ايه مين بيحبها هى بتحب مين بتشاركها فرحها بتطبطب عليها فى حزنها كل دا انت فين منه جاى تبلغنا خبر كتب كتابك وخلاص

، شعر خالد وسلمى ان كلامها مس قلب كلا منهم وتذكر كلا منهم دور الاخر فى حياته لكنه لم يجد... ابتسم خالد لسلمى قائلا. تيجى معايا بكرا نشوفها

سلمى مبتسمه.. اوك

نعمة.. أعرابى قال زمان اذا أردت أن تعرف وفاء الرجل ودوام عهده فأنظر إلى حنينه الى أوطانه وشوقه إلى إخوانه وبكائه على ما مضى من زمانه.. خلى بالك من أختك يابنى تصبحو على خير

سلطان.. ايه دا اسف على التأخير راحه فين كدا

.. هسيبكم بقى واطلع ارتاح

سلمى .. مش هتتعشى معانا حضرتك ما أكلتيش

نعمة.. لاء اتعشيت او اتغديت مش فاكره المهم انى شبعانه

خالد.. بابا هى عمتك متعلمه انا كنت حاسس انى قاعد مع حكيمه

سلطان.. متعلمه ايه دى احسن من أى متعلم دى ثقافة الدنيا دى مكتبه متنقله هى عقلها راح من شويه

سلمى.. ازاى يابابا

سلطان.. زماااان ايام ابوها اللى هو جدى الله يرحمه اتجوز على جدتى واحده فرنسيه الفرنسيه دى حبت تدخل فى الاسلام وتعرف اكتر عن مصر وتاريخها كان طبعا الطريقه الوحيده انها تقرأ بس خافت من الكتب الاجنبيه تكون بتخفى حقائق كتير بقت تجيب كتب عربيه بس كانت مابتعرفش تقرأ عربى بقت عمتى تقرأ لها كل يوم تقعد تقرأ لها لحد ما عمتى ما شاء الله اتثقفت جدا وكان نفسها تكمل تعليم بس جدى مات والفرنسيه رجعت بلدها وحلمها راح بس فضلت طول عمرها تقرأ

هاتف خالد 

خالد.. الوو

.......

ايوه انا

......

حادثة ايه طب هو فين

سلطان.. ايه يابنى خير

خالد.. انا جاى حالا

.. على يابابا عامل حادثه

شهقت سلمى.. ايه ازاى

خالد.. انا رايح له هبقى أطمنكم سلام

الفصل العاشر من هنا