رواية ابن السلطان الفصل العاشر 10 كاملة بقلم روما
الفصل 10
ابن السلطان
جلست سلمى تزداد ضربات قلبها عيونها تتحرك يمينا ويسارا اكثر من سيناريو يدور بخاطرها عن ماذا حدث لعلى جلس والدها ايضا يتحدث قائلا.. ربنا يستر تلاقيه كان سايق شارب الولد دا متهور انا مش عارف بيعمل فى نفسه كدا ليه زكى غنى من عيله ليه بقى الشرب والبنات والقرف دا
لم تكن سلمى تستمع لوالدها توترها يزداد دموعها خانتها وهبطت لتقف سريعا.. بابا انا راحه لعلى
.. نعم تروحى لعلى ليه
.. انا اسفه لازم اطمن عليه
قالتها سلمى وهى تاخذ شنطتها وتنصرف سريعا
سلطان محدثا نفسه.. مفيش فايده مصممه على طريق الشوك
،،، ـــــــــ،،، ــــــــــ،،
وصل خالد للمشفى ذهب سريعا للاستقبال سأل عن غرفة على وصعد سريعا دخل لغرفة على ليجده نائما بجانبه طبيب يكتب التقرير المعلق بسريره ليقترب من الطبيب
خالد.. خير يادكتور على ماله
الطبيب.. حضرتك مين
خالد.. صاحبه اخوه المهم طمنى عليه
الطبيب.. اطمن كسر فى الرجل شرخ فى الدراع والوش كدمات زى ما انت شايف هيفضل معانا كام يوم بعد كدا تقدر تاخده
خالد.. طب هيفوق امته
الطبيب.. هو نايم عادى يعنى سيبه يرتاح شويه ويفوق عن اذنك
،، اقترب خالد من على وجلس على الكرسى المجاور لسريره،،
خالد.. كدا ياصاحبى اعمل انا ايه بس فى الدنيا من غيرك الله يسامحك ياعلى
،، على دون ان يلتفت له ومازال مغمض العينين.. دلوقت صاحبك ياابن سلطان
خالد مبتسما.. ايه دا انت عايش صحيح زى القطط بسبع ارواح
التفت له على ببطأ وبدأ فى فتح عينيه قليلا.. جوزهالى واوعدك هتغير
خالد.. يخرب عقلك ودا وقته انت عملت حادثه ازاى
على.. كنت سايق وبفكر فيها اتخيلت انها ممكن تبقى لغيرى وادى النتيجه
.. اتلم بقى دى اختى بدل ما اقوم افرمك
.. اكتر من كدا فرم يا ابو قلب حجر
،، دخلت سلمى الغرفة دون استئذان ودون النظر لأخيها.. على انت كويس طمنى عليك
على.. انا كويس كويس والله ماتقلقيش
خالد.. سلمى انتى ايه اللى جابك هنا
سلمى.. انا. انا كنت.. ابدا.. اصل
على مقاطعا.. جوزهالى ياخالد
سلمى.. بس انت كمان انت فى ايه ولا ايه
خالد.. امممم واضح فعلا ان فاتنى كتير سلمى على كويس اتفضلى انتى على البيت ولما ارجع نتكلم
على.. اسمعى كلامه انا كويس اطمنى
سلمى.. عن اذنكم
على.. جوزهالى بقى
خالد.. اتهد بقى لما تخرج هكلم لك سلطان نعملك خطوبه فترة اختبار اقسم بالله ياعلى لو ما ظبط معاها انا اللى هدخلك هنا تانى بس المره دى مش هيلاقو حته سليمه
على.. بجد ياخالد ربنا يسترك ويفرحك ربنا يكرمك ربنا يعلى مراتبك
خالد..انت هتشحت تعرف ياواد ياعلى ايه احلى حاجه فى حادثتك دى
.. ايه
.. انك جيت المستشفى الللى فيها مامة فرح
.. قوم روح ياخالد دا انت واطى
.. لا اروح ايه انا مرافق ليك طول ما انت هنا ودلوقت هسيبك ترتاح واقوم اطمن علي حماتى سلام
.. سلام ياخويا يارب تلاقيها نايمه
.. يارب والاقى بنتها صاحيه
،،، ـــــــــــ،،، ــــــــــــــ،،،
تعود سلمى لفيلا تصعد السلم لغرفتها لكن يوقفها صوت والدها
سلطان.. روحتيله
تهبط سلمى مرة اخرى وتتجه لوالدها
سلمى.. ايوه.. هو كويس الحمدلله اطمن
.. انا اطمنت عليه من خالد بس دلوقت عاوز اطمن على بنتى ايه اللى قلقها على على كدا ايه اللى خلاها تجرى تطمن عليه من غير اى اعتبار لحد
.. بابا على يعتبر اخ لخالد وطول عمره معانا هنا وفى الشركه طبيعى انى اقلق عليه
.. اخ لخالد بس يعنى مش اخ ليكى
.. حضرتك عاوز توصل لايه
.. فكرتى فى العريس اللى متقدم لك
.. بابا لو سمحت نأجل كلامنا للصبح انا عاوزه ارتاح
.. اطلعى ارتاحى ياسلمى بس لازم تفهمى ان على لاء والف لاء فاهمه
سلمى بانكسار وقلة حيلة.. فاهمه عن اذنك
،، صعدت سلمى لتدخل غرفتها وجدت غرفة نعمة مضيئه علمت انها مستيقظه
سلمى.. ممكن ادخل
نعمة.. اهلا تعالى يابنتى
.. صاحيه ليه لدلوقت
.. كنت بقرأ جزء قرآن كنت هنام وأنساه
.. ينفع أقعد معاكى شويه مخنوقه
.. ياسلام تعالى اوى اوى
.. انا مش عارفه اتكلم اقول ايه ولا ايه بس انا مخنوقه
.. ليه يابنتى أضاعت جنتك أم بشرتى بعدم القبول
.. يعنى ايه ياتيته
.. يعنى اصعب حاجه ان الجنه ماتبقاش موجوده الجايزه اللى هتاخديها فى الاخر تضيع او انك تبقى مش من اهل الجنه انتى لسه صغيره وحلوه وبصحتك والحمد لله عقلك فيكى ارمى كل للهموم وراكى واعرفى انك قويه بقربك من ربك ولو حطوكى فى سجن وعليكى الف حارس اعرفى انك احسن بعقلك وضميرك الصاحى اهم حاجه يابنتى اوعى تظلمى حد نامى على مخدتك مظلومه مش ظالمه واعرفى ان الدنيا فانيه ممكن تجرى عمرك كله تحققى حاجه ويوم ماتتحقق يجى أجلك ولا تلحقى تفرحى بيها احسن حاجه تخليكى مرتاحه صلاتك وذكرك لربك فى كل أمر .. قومى ياحبيبتى اتوضى وصلى وسيبيها لله
.. الله ياتيته كلامك حلو اوى ربنا يخليكى ليا
.. قومى بقى اطلعى برا وانتى كلامك كتير كدا عاوزه انام بكرا هقعد اقرأ ل جوليا كتاب
.. اااااه طب ياحبيبتى تصبحي على خير
،،، ـــــــــــ،،، ــــــــــــــ،،،
خالد.. طمنينى عليكى عامله ايه
فاديه.. بخير ياحبيبى الحمد لله انت عامل ايه ووالدك عامل ايه
خالد.. بخير والله الحمد لله.. ازيك يافرح
،، تفاجأت فرح به أمامها لم تكف عن التفكير به لحظه منذ أخر لقاء أصبحت لا تشعر بالطمأنينة الا بجواره ،،
فرح بخجل الحمدلله
فاديه.. حبايبى سيبونى بقى انام وانتو اقعدو برا شويه يعنى اتعرفو على بعض انتو خلاص فرحكم قرب لازم على الأقل تتكلمو فى تفاصيل كتير ولا انتو اتكلمتو من ورايا ولا ايه
فرح.. لا لا ياماما
خالد.. عين العقل ياست الكل فرح تسمحيلى نشرب حاجه تحت
فاديه. قومى معاه ياحبيبتى
فرح.. حاضر اتفضل
،،، فى كافتيريا المشفى،،،
خالد.. احم احم عامله ايه
فرح بخجل .. يعنى زهقت وماما زهقت من القاعده هنا بس الحمدلله على كل شىء.. انت ايه اللى جابك متأخر كدا
،، كانت تود لو ينطق انها اشتاق اليها،،
خالد.. ابدا واحد صاحبى عمل حادثه وجيت اشوفه
.. الف سلامه عليه هو كويس يعنى
.. اه الحمدلله جت سليمه
.. الحمد لله
.. اممممم تشربى ايه
.. اى حاجه
.. اوك هجيب عصير
،، قام خالد ليحضر عصير كانت فرح تلتقط انفاسها سريعا وحاولت ان تهدأ حتى لا يلاحظ توترها،،
.. جبت ليمون
.. تمام شكرا
.. الف هنا.. فرح انتى كنتى مرتبطه قبل كدا
.. لا لا مفيش الكلام دا عندى
.. ليه ماله الكلام دا
.. مش حابه ارتبط علشان حرام اى علاقه بين ولد وبنت من غير ارتباط شرعى مش حابه ارتبط علشان ثقة اهلى فيا مش حابه ارتبط علشان زوجى يبقى اول شخص فى حياتى مش حابه ارتبط علشان ابنى مفيش فى يوم حد يشاور عليه ويقول مامته كانت مرتبطه بيا
.. مش ملاحظه انك محبكاها شويه
.. يعنى انت لما تيجى ترتبط بواحده تحب تبقى اول شخص ولا تانى او تالت
خالد مندفعا.. اول طبعا.
.. اومال شايفنى محبكاها ازاى ولا علشان تبرر لنفسك
.. تقصدى ايه
.. يعنى انك كل شويه كنت مع بنت
.. اممممم دا انتى متابعه بقى
.. لا لا لا والله مش متابعه بس كنت بشوف صدفه وسمعت البنات بتقول اكتر من مره عن ارتباطك الكتير
.. طيب طيب اهدى عادى انا فعلا ارتبطت كتير وفى حياتى بنات كتير
،، انتظرت فرح ان يكمل حديثه انه نادم او سيخرجهم من حياته.. ود خالد لو يعطيها وعد انه سيخرجهم من حياته وانه يريد بدا حياه جديده معها ود لو يبدى اعجابه التام برأيها عن الارتباط او يظهر فرحته انه سيكون اول شخص بحياتها لكنه خاف ان يفشل فى البعد عن حياته القديمه فيجرحها دون ذنب لها كان،،
فرح.. ربنا يقدم لك اللى فيه الخير
.. يارب ايه رايك نكتب الكتاب الخميس الجاى.
.. مفيش مشكله
.. مالك هو انا قولت حاجه زعلتك
.. لا ابدا ممكن اسالك سؤال
.. اكيد
.. انت عاوز تتجوزنى ليه ارجوك قول الصراحه
.. حاضر
.. مش هكدب عليكى نفسى ابعد عن الحياه اللى عايشها نفسي اتجوز بس خايف اشتاق للحياه دى تانى احن لبنت اعرفها او سهره حلوه او خروج وسفر مع اصحابى او حتى احن ان ابقى لوحدى ساعتها هقول لمراتى ايه
.. امممم لكن انا علشان زواج مؤقت قولت تجرب لو طلع عادى تروح بقى تتجوز بجد ولو لقيت الموضوع بايخ نطلق بعد فتره
.. دا بجانب فعلا انى محتاج اخد فلوسي من والدى
،، شعرت فرح بضيق شديد ودت لو يذكرها بأى كلمه فى حديثه عنها لماذا لم يقل شئ عنها لماذا يراها جماد هل هو هكذا مع كل من عرفهم،،
.. اوك انا كمان علشان عملية والدتى
،، ود خالد لو تذكر شئ عنه لو تقل على الاقل انها تطمئن له،،
.. عاوز اعرفك على اختى الصبح هجيبها تشوفك
.. اوك اتشرف بيها طبعا
،، ظل الاثنين يتحدثون عن تفاصيل كتب الكتاب بكلام يحمل الجديه ثم انصرف كل منهم الى غرفة المرافق الخاصه به،،
،، ـــــــــــــ،، ـــــــــــــ،،
هاتف مريم 
مريم.. السلام عليكم
.. عليكم السلام ورحمة الله وبركاته
.مريم.. مين معايا
.. انا احمد
.. انا مش قولت لك مفيش كلام بينا يابنى انت ايه مش بتفهم
.. اسمعينى يامريم ارجوكى بجد والله مش بهزر عاوز اتجوزك
.. اغلقت مريم الخط ثم اغلقت الهاتف
،،، ــــــــــــ،،، ــــــــــــــ،،،
صباح يوم جديد
خالد.. عامل ايه دلوقت
على.. لا والله لسه قايم تفتكر
خالد.. والله يابنى بالليل كنت نايم
على.. طالع لى بعد خمس ساعات ما اكيد نمت
خالد.. ما خلاص بقى ما انت كنت مع فرح
على.. اصيل يا خلوده
خالد.. طول عمرى المهم هروح اجيب فرح عاوزه تطمن عليك تلم نفسك قدامها واكتر من كويس وشكرا ما تنطقش عارف لو هزرت معاها هنجبس باقى جسمك
على.. ايه دا انتى بتغيري يابيضه
خالد.. جرب حظك وانت تشوف
على.. خلاص ياعم روح جيبها عيب عليك ياض دى مرات اخويا
اما نشوف
،، فى غرفة فاديه،،
فرح.. بس ياستى دا كل اللى حصل
مريم.. طب انتى زعلانه انه واضح معاكى مش احسن ما كان قالك كلمتين يثبتك بيهم وخلاص
فرح.. كلمتين ايه وانا كنت هسمح له لاء طبعا
مريم.. هتجنينى معاكى
فرح.. مش عارفه بقى يامريم وبعدين وطى صوتك بقولك ماما بتاخد شاور ممكن تسمعنا
مريم.. ماانتى اللى كلامك مش مفهوم بصى يافرح خالد اول راجل يدخل حياتك ايا ماكانت الطريقه اللى دخل بيها المهم دخل وقف معاكى وبيقدم لك اللى ينقذ والدتك زائد انه شاب وسيم خلينى اعطى الراجل حقه وسيم جداااا طبيعى انك تنجذبى له
فرح.. بس دا غلط
مريم.. هو غلط وممكن بعد فتره يبقى صح لانه هيبقى جوزك
فرح.. بقولك اتفقنا جواز على ورق وقدام الناس بس وهو يقولى تجربه
قطع كلامهم خبط الباب لتفتح فرح
خالد.. صباح الخير
فرح.. صباح النور اعرفك مريم
اهلا وسهلا
اهلا بحضرتك استاذ خالد
.. اتفضلى معايا على صاحى كنت عاوزه تشوفيه
.. اه تمام ممكن اجيب مريم معايا
.. اه طبعا
.. طب اتفضل انت وانا هنتظر ماما تخرج ونحصلك
تمام احنا غرفه 207 عن اذنك
مريم.. منك لله بتدبسينى ليه اروح معاكى ليه انا
.. علشان خاطرى يامريم محرجه منهم
.. ماشى
،،، بعد قليل فى غرفة على،،،
فرح ومريم.. السلام عليكم
خالد وعلى.. عليكم السلام ورحمة الله وبركاته
فرح.. حمدلله على سلامتك يا استاذ على
على.. الله ييسلمك ايه استاذ على دى على بس
،، ضغط خالد على ذراعه،،
على.. ااااه دراعى
خالد.. سلامتك ياحبيبى مااخدتش بالى
على.. اتفضلى اقعدى واقفه ليه مش تعرفينى بالقمر
فرح.. مريم صاحبتى
مريم.. حمدلله على السلامة
على.. الله يسلمك ويحفظك والله ياجماعه انا بقيت كويس لما شفتكم
،. ضغط خالد على ذراعه.،،
على... اااه دا انت قاصد بقى
،، اقترب خالد منه هامسا.. اتلم بدل ما المك
على.. هامسا.. جوزنى سلمى وانا اسكت
خالد.. قولت لك هكلم بابا اتكتم
فرح.. طب نستأذن احنا بقى
،، فتح الباب سريعا،،
أحمد.. علللللى حبيبى مالك ياابو الصحاب كان بدرى عليك
على.. حاسب دراعى يامتخلف
احمد.. ياريت كان خالد وانت لاء
خالد.. منك لله يارب اخلص منكم انتو الاتنين فى ساعه واحده
احمد.. اهون عليك يا لود لودى
،، انتبه احمد لمن يقف بجوار خالد ليغلف عينه ويفتحها مرة أخرى بصدمهو.. ايه دا مريم
الفصل الحادي عشر من هنا
الفصل الحادي عشر من هنا
