رواية ابنتي ولكن الحلقة الثامنة 8 كاملة بقلم ياسمين علي
نسترجع اخر احداث الجزء اللي فات مع بعض
{وعد قامت مفجوعة .. الكابوس تاني بس المرة دي كان مرعب اكتر .. الست اللي كانت ف الحلم اختفت }
وعد خرجت من الاوضة تشوف عائشة دخلت الاوضة لقيتها سجدة
ابتسمت وراحت الحمام تغسل وشها وبتفكر ف الكابوس .. عديت ع اوضة عائشة تاني لقيتها لسه سجدة .. قلقت
وعد قربت ع عائشة : خالتو.. خالتو .. انتي بتصلي .. ردي عليا .. لااا خالتو ردي ردي .. متسبنييش ماليش غيرك رديي علياا ...
___________________________
*في فيلا كمال الهلالي*
فرح نايمة صحيت ع صوت موبايلها .. عمر بيرن عليها .. اتخضت وفرحت
فرح بلهفة : عمر عامل ايه .. انا كنت ....
عمر : فرح اسمعينيي .. الست عائشة ف ذمة الله
فرح : ايييه !!!!
_____________________________
نهلة : هتتأخر انهاردة يا كمال
كمال : اه يانهلة... عندي شغل كتير
نهلة : عملت ايه مع سالم
كمال : وافق انه يكون شريك معايا ف المشروع الجديد
نهلة : طيب كويس بردك .. انا كنت بفكر ف نادين
كمال : مالها نادين
فرح نازلة تجري بتعيط
كمال : مالك يابنتي.. ف ايه
فرح بعياط : دادة عائشة ماتت يابابا
كمال ونهلة : اييه
كمال : ان لله وان اليه راجعون .. دا حصل ازاي ومين قالك
فرح : عمر اتصل بيا دلوقتي .. يلا يابابا لازم نسافر اسكندرية بسرعة
نهلة : عمر رجع اتصل بيكي !!
فرح بعصبية : انا في ايه وانتي في ايييه
كمال: مش وقته الكلام دا يانهلة .. اطلعي يافرح صحي اخوكي وانا هحضر نفسي .. يلا
فرح : حاضر يابابا
_____________________________
ف اوضة سيف
سيف نايم ... فرح دخلت بتصحيه وهي منهارة
سيف : في ايه يافرح
فرح : دادة عائشة ماتت ياسيف .. قوم اللبس بسرعة
سيف : اييه .. طب وعد كويسة
فرح : مش عارفة حاجة .. اللبس علشان نروح نشوفها
سيف : حاضر اهو هلبس
___________________________
*في الجنازة*
وعد ولا بتعيط ولا بتتكلم و ماشية تايهه ..
كمال وفرح وسيف وصلوا .. فرح جريت علي وعد تعزيها .. وعد مكنتش حاسة بيها ولا حاسة بحد .. وسيف واقف بيبص لفرح وعاوز يروح يكلمها بس مالهوش عين
_وقت نزول عائشة القبر .. وعد واقفة بتبصلها وقعدت ع الارض
وعد بابتسامة : هتوحشيني
فرح قومتها من الارض ومسكتها .. ومستغربة ازاي مبتعيطش !
كمال واقف جنب سيف
كمال : هي وعد اتجوزت
سيف بتوتر : مش عارف
كمال : ازاي متعرفش انتو مش كنتو عايشين معاهم .. دي باينها حامل ف اخر شهور كمان
سيف : مش عارف يابابا
كمال : بس فين جوزها مش باين .. شاور ع عمر .. يمكن هو دا جوزها ..
سيف : مش عارف
كمال : البت دي صعبانة عليا اووي .. مبقالهاش حد .. من بعد عائشة .. ربنا معاها ...
" سيف بص ع وعد وهو مضايق.. انه مش جنبها "
كمال : بقولك ياسيف انا لازم ارجع علشان عندي شغل مهم .. خليك انت وفرح مع وعد وارجعوا بليل .. اه وشوف وعد لو محتاجة اي حاجة .. الست عائشة مسبتكمش ف غيابي وانا مش هسيب وعد من بعدها
سيف : حاضر
______________________________
*ف بيت عائشة*
سيف وفرح وصلوا وعد البيت .. ووعد مازالت ف عالم تاني ورغم انها مش بتعيط بس باين عليها حالتها وحشة.. فرح دخلتها الاوضة .. وطلعت لسيف
سيف : نامت !
فرح : لا صاحية .. انا خايفة عليها اوي .. دي منطقتش ولا حتي عيطت
سيف : الصدمة كانت كبيرة
فرح بصتله : صدمة .. ورا صدمة .. ربنا يصبرها والله ..
سيف : فرح ممكن اطلب منك طلب
فرح : خير ياسيف
سيف : ممكن تخليكي مع وعد هنا يومين .. لحد ما حالتها تتحسن
فرح : اكيد ياسيف .. انا كنت هعمل كدا
سيف : ماشي يافرح .. انا هرجع وكمان يومين هجيلك .. خليكي جنبها وحاولي تخليها تتكلم
فرح : حاضر ...سيف مشي
وفرح دخلت لوعد
وعد قعدة مبتتكلمش
فرح : وعد ياحبيبتي .. طمنيني عليكي ..
وعد : .....
فرح : لو سمحتي قولي اي حاجة عيطي اصرخي .. بلاش تفضلي كدا علشان اللي ف بطنك .. انا عارفة ان صعب عليكي بس ردي عليا
وعد :......
فرح : طيب انا هسيبك ترتاحي شوية .. لو حبيتي تتكلمي انا موجودة معاكي مش هسيبك ... فرح خرجت من الاوضة
ووعد قامت .. دخلت اوضة عائشة .. ومسكت صورة عائشة
وعد : ليه رجعتي ف كلامك .. انتي مش قولتيلي انك هتفضلي معايا وتربي بنتي .. ليه مشيتي وسبتيني .. بدءت تعيط .. انا قولتلك انا ماليش غيرك .. حتي انتي سبتيني .. انا كنت خلاص استقويت بيكي .. كنت فرحانة اننا هنربي بنتي سوا ... ليه مشيتي .. بقيت لوحدي .. مين هيقويني .. طب كنتي خديني معاكي . .. انا كنت عاوزكي معايا ... كل حاجة حلوة راحت معاكي .. مشيتي بدرري اووي ... اااه ياارب الحمل تقل علياا اووي ... ارحمني .. وقامت لسه بتخرج من الاوضة .. اغمي عليها
____________________________
فرح ف اوضتها عمالة تتصل ب عمر مبيردش ..
فرح : وبعدين معاك ياعمر .. هتفضل كدا لحد امتا .. حدفت الموبايل ع السرير .. وخرجت ... بتلف وشها لقيت وعد واقعة ع الارض .. جريت عليها
فرح : وعد ... وعد فوقييي .. وعد ياحبيبتي ردي عليا .. وعد !!!!
_________________________
سيف ف العربية .. نهلة اتصلت بيه
سيف : ايوة ياماما
نهلةة: انت فين انت واختك كل دا
سيف : فرح عند وعد وانا جاي ف الطريق اهو
نهلة : نعم .. وفرح مش معاك ليه
سيف : فضلت مع وعد علشان كان حالتها صعبة
نهلة : حالتها صعبة ولا بتستعبط قدامك
سيف : حرام عليكي ياماما .. وعد حالتها صعبة فعلا .. هي مكنتش حاسة بيا اصلا .. ثواني ياماما فرح بترن هشوفها وارجع اكلمك
نهلة : ماشي
سيف : ايوة يافرح
فرح : الحق وعد يااسيفف
سيف بخوف: حصل اييه .. مالها وعد
فرح بعياط : مش عارفة واقعة ع الارض ومبتردش عليا ... انا مش عارفة اتصرف ازاي
سيف : اهدي طب اتصلي بالاسعاف بسرعة .. وانا جيالك
____________________________
*ف بيت فاطمة*
فاطمةانا مش عارفة اللي حصل دا حصل ازاي .. دي كانت زي الفل
عمر : مكتوبلها ياامي .. وهو ربنا بيحبها كتبلها موتة حلوة
فاطمة : مش خسارة فيها والله عائشة مكنش فيه ف طيبتها وحنية قلبها .. بس وعد صعبانة عليا اوي يابني ..دي كانت روحها ف عائشة
عمر : ربنا يصبرها
جرس الباب عمال يرن
فاطمة : ياساتر في ايه
عمر : استني ياماما انا هشوف مين .. فتح لقي فرح
عمر : فرحح
فرح : الحقني ياعمرر.. وعد واقعة ف الارض وانا مش عارفة اعملها ايه
عمر جري هو وفاطمة لقوها مرمية
فاطمة : يلهوي دي باينها بتولد ..
عمر شالها بسرعة و جروا ع المستشفي
___________________________
نهلة قعدة ف اوضتها بتفكر .. وقررت تتصل ب نادين
نادين كانت ف النادي بتجري .. استغربت من مكالمة نهلة ليها
نادين : ايوة ياطنط نهلة
نهلة : ازايك يانودي.. عاملة ايه
نادين : تمام الحمدالله .. هو ف حاجة !
نهلة : لا ياحبيبتي انا بطمن عليكي ... انا مش زي ماما ولا ايه
" نادين اتضايق لما قالت انها زي مامتها "
نهلة : الو .. نادين انتي معايا
نادين : اه معاكي
نهلة : قوليلي بقا بتعملي ايه.. لو فاضية تعالي اقعدي معايا .. دا حتي سيف زمانه ف السكة .. تعالي قضي اليوم معانا
نادين : سوري بس انا مش فاضية انهاردة خالص
نهلة : خلاص ياحبيبتي ولا يهمك بس لما تفضي ف اي وقت .. تبقا تيجي تقعدي معانا .. اصل انا بحب قعدتك اوي
نادين : ميرسي ياطنط .
نهلة : طب اسيبك بقا تكملي الي كنتي بتعملي .. سلام
نادين قفلت وهي مستغربة : مالها دي .. وكملت جري
"ياتري نهلة بتخطط لايه "
_____________________________
*ف المستشفي*
فرح وعمر وفاطمة واقفين .. وسيف جه
سيف : فين وعد .. حصلها ايه
فاطمة : ف اوضة العمليات بتولد
سيف : بتولد ازاي .. هي مش لسه مكملتش 9 شهور
فرح : تعبت جامد و هتولد ف السابع
سيف : انا مش قولتلك خليكي معاها كنتي فين لما حصلها كدا
فرح : والله كنت معاها بس سيبتها ترتاح معرفش ايه وداها اوضة دادة عائشة ...طلعت لقيتها مغمي عليها
عمر : ممكن تهدوا شوية
" صوت بيبي من اوضة العمليات ".. والممرضة خرجت
الكل : خير طمنينا
الممرضة : البنت نزلت سليمة الحمدالله بس هتدخل الحضانة
سيف : و الام
الممرضة : ادعولها
سيف : ماتت !!!!!!!
فرح : ايييه
_____________________________
*ف شركة ابو النجا*
سالم قاعد ع المكتب وماسك صوره وبيبصلها ويعيط ..
سالم : ياريت الزمن يرجع بيا تاني .. مكنتش عملت كدا
__________________________
الممرضة : لا طبعا مامتتش ...
سيف : اومال ايه ندعيلها دا
الممرضة: ادعولها علشان لسه مفاقتش وحالتها خطر .. بعد اذنكم
فاطمة : ربنا يقومك بالسلامة ياوعد
فرح : ياارب
فاطمة : عمر يابني خليك هنا انا هروح علشان اشوف اختك ..
عمر : ماشي ياماما .. فاطمة مشيت
سيف : انا هنزل اجيب حاجة وجاي
فرح : ماشي
فرح : عمر ممكن نتكلم
عمر : مش وقته يافرح
فرح : لا وقته ياعمر .. لازم نتكلم .. انت مبسوط وانت بعيد عني يعني
عمر : .......
فرح : ساكت ليه .. رد
عمر : لا يافرح مش مبسوط .. بس مافيش حاحة هتتغير .. احنا الاتنين مش هننفع لبعض .. انتي حاجة وانا حاجة
فرح : انا حكيت لبابا .. وقالي انه موافق عليك
عمر : بجد ..
فرح : اه مش هو دا اللي كان بعدك عني
عمر : لا يافرح مش موافقة باباكي هي اللي هترجعني ..
فرح : عمر انت نستني صح !!
عمر ساكت
فرح بعياط : تمام فهمت
عمر مسكها : منستكيش يافرح والله مانسيتك ولسه بحبك وعاوزك .. بس غصب عني مش هينفع
فرح : ايه اللي مش هينفع فهمني .. انا بحبك وبابا موافق عاوز ايه تاني
عمر : انا مش هعرف اعيشك نفس العيشة بتاعتك
فرح : انا عاوزة اعيش عيشتك انت مش عيشتي انا ..
عمر : هتبقا صعبة عليكي .. انا مسئول عن امي واختي مش لوحدي
فرح : هستحمل ياعمر اوعدك .. انا مش عاوزة اي حاجة غيرك
عمر : طيب انا هتقدم لما اكون متوظف وليا شغل ثابت
فرح : سهلة اكلملك بابا يوظفك ف الشركة
عمر : لا يافرح معلش .. انا هشوف شغل بنفسي
فرح : ماشي ياعمر اللي تشوفوا
الدكتور طلع
الدكتور : الحمد الله الخطر زال
فرح : الحمدالله .. طب يدكتور نقدر نشوفها
الدكتور : حاليا مش هينفع هي لسه مفاقتش من البنج .. لما تفوق تقدروا تشوفوها
عمر : ماشي يادكتور شكرا
فرح : انا هتصل بسيف اطمنو
____________________________
" سيف راح الحضانة يشوف بنته .. واقف بيبصلها وهو فرحان ونفسه ياخدها ف حضنه " موبايله رن
سيف : ايوة يافرح ..
فرح : وعد بقيت كويسة ياسيف
سيف : بجد هي فاقت
فرح : لا لسه تحت تأثيرالبنج بس هتفوق ان شاءالله
سيف : طيب الحمدالله .. انا جايلكم
____________________________
فرح : حمدالله ع سلامتك ياوعد
وعد : .. فين بنتي
فرح : ف الحضانة
وعد : عاوزة اشوفها
فرح : قومي بس انتي بالسلامة وهتشوفيها.. المهم قوليلنا بقا هتسميها ايه
*وعد سرحت شوية*
وعد : هسميها عائشة
فرح بصيت لعمر : ربنا يصبرك ياحبيبتي .. موبايلها رن ..طيب انا هطلع اجيب حاجة واجي
فرح : سيف مدخلتش ليه
سيف : مش هينفع ادخل مش هعرف اواجهها
فرح : طيب انا هقعد معاها لو عاوز تسافر انت سافر
سيف : ماشي .. ابقي طمنيني عليها .. ومشي
___________________________
ف فيلا كمال
نهلة : شايف اللي عيالك بيعملوا .. تقدر تقولي مرجعوش لحد دلوقتي ليه
كمال : انا اللي قولت لسيف يشوف وعد لو محتاجة حاجة .. زمانهم ف السكة
نهلة : ابنك مكلمني من بدري وقالي انه جاي ومجاش لحد دلوقتي
كمال : ممكن يكون مع اصحابه .. كلميه شوفيه فين .. بدل مانتي بتأكلي ف نفسك كدا
نهلة: ماشي ياكمال ماشي هكلموا
_________________________
*ف العربية*
سيف : ايوة ياماما
نهلة : انت فين كل دا ياسيف
سيف : وعد تعبت رجعتلها
نهلة : وانت بيخش عليك الكلام دا .. دي بتستعبط
سيف : بتستعبط ايه ياماما .. وعد تعبت بجد وهي ف المستشفي دلوقتي .. دا غير انها ولدت وهي ف الشهر السابع
نهلة : طب ماتولد انت مالك
سيف : انتي بتقولي ايه وعد كانت مراتي ولازم اقف جنبها
نهلة: كانت بقا انت طلقتها خلاص
سيف : والطفل اللي بينا دا ايه نسيتيه
نهلة : احنا اتفقنا ع ايه ياسيف .. هو انت مش بعدت عن القرف دا كله .. بترجعلوا تاني ليه
سيف : قرف ! بقولك ايه سلام سلام
نهلة : ماشي ياوعد انا هوريكي
____________________________
(وعد خرجت من المستشفي هي وبنتها وبقوا كويسين .. وطلبت من فرح انها ترجع القاهرة .. هي بقيت كويسة ومش محتاجة حد معاها ..
وفرح رجعت وبقيت بتتكلم هي وعمر ومابينهم اتفاق انه هيتقدملها لما يتوظف )
__________________________
*ف الكافية*
احمد : ايه ياسيف كنت مختفي فين الفترة دي
سيف : كان فيه شوية مشاكل كدا.. دا غير ان دادة عائشة ماتت
احمد : ياحول الله دا حصل امتا
سيف : من اسبوعين
احمد : طب ووعد عاملة ايه .. هي ليها حد غير دادة عائشة
سيف : لا مالهاش حد غيرها
احمد : ربنا يصبرها
سيف: يارب .. اومال خالد فين
احمد : معرفش هو كمان بقالوا فترة مختفي
سيف بهزار : تفتكر اتجوز
احمد : لا دا ماافتكرش انه يتجوز
سيف : ليه يعني
احمد : اصل خالد مش من النوع اللي بيتحمل مسئولية بيت وخلفة كدا فاهمني .. هو غيري انا وانت
سيف : اه .. اه فاهمك
احمد : وبعدين دا مبيشبعش بنات مش هيكتفي بواحدة .. فكك منه المهم انت قولي كنت عاوز تحكيلي حاجة
سيف : لا انا كنت جاي اقعد معاك بس
(سيف كان هيحكي لاحمد فعلا عن كل حاجة عملها وياخد رأيه بس من غير مايحكي هو عرف رأي احمد)
___________________________
*بعد شهرين*
*ف شركة ابو النجا*
سالم : ادخل
السكرتيرة : سالم بيه ف اخبار جديدة عن الست اللي عايشة ف اسكندرية
سالم بلهفة : اخبار ايه قولي
السكرتيرة : الست اتوفيت من حوالي شهرين
سالم : اييه .. انتي متأكدة من الكلام دا !!
السكرتيرة : ايوة يافندم متأكدة
سالم : طب خليهم يجهزوا العربية بسرعة .. والغي كل الاجتماعات
السكرتيرة : حاضر يافندم
__________________________
*ف اسكندرية*
فاطمة : وعد عاملة ايه يابنتي
وعد : ابلة فاطمة انا كويسة الحمدالله .. تعالي اتفضلي
فاطمة : لا ياحبيبتي مش هعطلك شكلك نازلة
وعد : اه كنت رايحة اشتري حاجة لعائشة وجاية
فاطمة : ربنا يخليهالك .. لو احتاجتي حاجة قوليلي
وعد : شكرا ربنا يخليكي .. بعد اذنك
فاطمة : اتفضلي يابنتي
عمر : بتكلمي مين ع الباب ياماما
فاطمة : كنت بكلم وعد .. احضرلك تأكل
عمر : لا شكرا مش جعان
فاطمة بتفكر : عمر كنت عاوزة اقولك حاجة .. ولا بلاش خلاص
عمر بقلق : خير ياماما قولي
فاطمة : عمر انا عاوزك تتجوز وعد
__________________________
*ف العربية*
سالم ماسك الصورة ف ايده وبيبصلها ومدمع وبيفتكر اللي حصل من 20 سنة
*فلاش باك*
*ف فيلا كمال الهلالي*
كمال: اهلا ياسالم نورتنا ..وحشني والله هو اللي بيتجوز بيختفي كدا
سالم : بنورك ياكمال .. والله لسه راجع من السفر
نهلة : مبروك ع الجواز ياسالم ..
سالم : متأخرة بس ماشي الله يبارك فيكي
عائشة : الولاد ناموا ياهانم .. تأمريني بحاجة تانية
نهلة : لا شوفي البيه يشرب ايه
عائشة : حاضر .. حضرتك تش... واقفت بلمت وسالم بصلها
نهلة وكمال : مالك ياعائشة
عائشة : لا مافيش
نهلة : انتو تعرفوا بعض
عائشة : لا معرفهوش ..عن اذنكم
نهلة وكمال اتوتروا : منورنا
سالم : شكرا
عائشة واقفة برا الفيلا بتعيط.. سالم وهو خارج شافها
سالم : عائشة
عائشة شافتوا مشيت
سالم جري وراها : استني .. انتي بتعملي ايه هنا
عائشة : زي مانت شايف
سالم : انتي شغالة هنا ليه
عائشة : وانت مالك .. ابعد عن طريقي
سالم : انا اسف ع اللي عملتوا فيكي .. انا ندمت
عائشة : اسف ! ع انك كسرتني ولا ع انك رمتني انا وبنتك وسافرت
سالم بفرحة : بنتي .. انتي جبتي بنت .. هي فين .. انا عاوز اشوفها
عائشة : بعينك .. ولا عمرك هتطولها .. انت رمتها وهي ف بطني .. متجيش بعد ٣ سنين تسأل عنها
سالم : بس انا من حقي اشوفها هي بنتي زي ماهي بنتك
عائشة بعصبية : مش من حقك حااجةة خالص .. مالكش حق عليها .. ايااك ياسالم تحاول تقرب لبنتي اياك .. ارجع لسفرك ولمراتك ولحياتك وانساني وانساها
سالم : عائشة انا محبتش غيرك .. انا اتجوزت علشان ارضي ابويا بس .. انا اسف اني سيبتك .. ارجوكي خليني اشوف بنتي
عائشة : مش هتشوفها ياسالم مش هتشوفها
سالم : هاخدها بالقانون
عائشة ضحكت : مش هتعرف .. عارف ليه علشان انا مكتبتهاش باسمك
سالم : انتي بتقولي ايه
عائشة : زي ماسمعت .. انا كتبتها باسم اختي وجوزها
سالم : انتي ازاي تعملي كدا ازاي
عائشة : علشان احميها .. مش هتقدر تاخدها مني ..
سالم : طب ارجوكي خليني اشوفها
عائشة : هخليك تشوفها بس مش هي
سالم : اومال ايه !!
عائشة اديته صورتها
عائشة : دي صورتها ومتطلبش مني حاجة تانية .. عن اذنك
----------
سالم باصص للصورة : انا جايلك يابنتي .. انا جايلك ياحبيبيتي ...
بسرعة شوية
السواق : حاضر يابيه
{ فهمتوا حاجة ؟ }
____________________________
عمر : انتي بتقولي ايه مينفعش
فاطمة : مينفعش ليه ياعمر .. مالها وعد بنت كويسة ومتربية وسطينا مش هتلقي احسن منها .. ولا انت مش عاوزها علشان كانت متجوزه
عمر: لا ياماما بس وعد دي زي سندوس بنسبالي .. انا متربي معاها استحالة
فاطمة : يابني البنت محتاجة حد جنبها
عمر: احنا جنبها من غير حاجة .. واكيد وعد كمان لو سمعت الكلام دا هتقول اني اخوها
فاطمة: هجرب اسألها واشوف
عمر : لا ياماما اوعي تعملي كدا .. وبعدين انا رجعت لفرح
__________________________
وعد رجعت البيت .. نيمت عائشة وخرجت من الاوضة ..وراحت ع اوضة خالتها .. فتحت الدرج علشان تطلع صور عائشة .. مسكت صورتها
وعد: وحشتيني اوي ياخالتو مش هنساكي ابدا
"بتدخل الصورة شافت ورقة.. مسكتها باستغراب وبتفتحها "
*الجرس رن*.. سابتها وخرجت تشوف مين .. فتحت
