رواية اميرة في بيتنا الجزء الثالث الفصل الثالث 3 كاملة - زهرة الجبل
(في شقه حسن ٠)
داليا بفرح ٠٠ يعني إنت متأكد إن جدك مش هياخد باله
حسن ٠٠هي ارض مش كبيره وجدي يمكن نسيها واحد من كام سنه كاتب على نفسه شيكات وكان هيدخل السجن باع الارض لجدي عشان يسدد الشيكات وجدي نسي الموضوع
داليا بفرح ٠٠الله عليك أيوا كدا عاوزاك تبقي مفتح وذكي دا حقك وحق أولادك
حسن ٠٠ والله حاسس إن إللي بعمله ده حرام دي سرقه
داليا بحنان ٠٠ ياحبيبي دا حقك وإنت تعبان وربنا مش يرضي بالظلم لما تاخد زيك زي اخواتك إنت شايل الشغل علي دماغك وهما كل واحد شغله خاص وبعدين ليهم زيك مش يبقي حرام
حسن بعد تفكير ٠٠ ربنا يستر وجدي مايخدش باله
داليا ٠٠ربنا يسترها متقلقش
في غرفه أولاد صالح
عمر٠٠جوبيني بصراحة عشان اطمن
ولاء بضيق٠٠هموت واعرف مين إللي بيديكم رقمي
عمر٠٠ولاء متغيريش الموضوع جاوبي علي سؤالي آنتي بتحبي عاصم
ولاء٠٠اوووف هريحك أنا مش بحب عاصم
عمر بفرح٠٠الله يطمن قلبك
ولاء٠٠بس بحب واحد تآني
عمر٠٠بعصبيه. نعم يااختي واحد تآني يعني اية ومين دا واتعرفتي عليه ازاي وأمتي انطقي قولي
ولاء بزهول٠٠الله الله في أي
اي ده كله وايه يخصك هو مين أهو واحد وخلاص ومتتصلش عليا تآني خلاص سلام
وأغلقت الهاتف
حاول عمر الاتصال ولكن وجد الهاتف مغلق
دخل عاصم الغرفه وجد عمر في عالم آخر
عاصم ٠٠ مالك ياض سرحان كدا ليه
عمر بعصبيه ٠٠وانت مالك إيه دخلك غور نام وملكش دعوة بيا خالص
عاصم بدهشه ٠٠ اهدي يا منار في إيه أنا غلطان اقولك أنا سايبلك الاوضه كلها وخارج
وهو خارج
عمر٠٠ متتعبش نفسك إللي رايح ترن عليها تليفونها مقفول ومش هترد عليك تآني
عاصم بدهشه ٠٠وانت عرفت منين إني رايح أرن عليها وعرفت إزاي إن تليفونها مقفول وبعصبيه هو إنت بتكلمها وجبت رقمها إزاي إنت واحد واطي
عمر٠٠والله مافي اوطي منك مش أمل جابت الرقم ليك أنا بقا جربت الوطينه زيك
عاصم ٠٠ عمر أبعد عن ولاء
عمر ٠٠ الظاهر هنبعد إحنا آلأتنين
عاصم ٠٠ تقصد اية
(في غرفه بنات صالح)
منال بهدوء ٠٠ يانسمه افهميني والله ما كنت اعرفه
نسمه ببكاء شديد ٠٠ خلاص خلاص مش عايزه اسمع صوتك
وبعصبيه ليه عملتي فيا كده ليه أنا عملت فيكي ايه
منال ::وهي تحاول التماسك٠٠والله ماكنت أعرف
نسمه وهي تبكي ٠٠واهو عرفتي هتعملي اية يا صاحبه المبادئ يا محترمه
منال وعيونها كلها دموع٠٠متزودهاش عليا يا نسمه كفاية عليا إللي بيحصلي متبقيش آنتي والزمن عليا
نسمه بشخط٠٠خلاص يا منال من النهاردة آنتي في حالك وأنا في حالي
ودخلت أمل وهي تنفخ في كفيها
امل٠٠الجو ساقعة آوي بره ما صدقت الفيلم خلص
نظرت إليهم وجدت ملامحهم جامده وظاهر عليها الحزن
امل٠٠مالكم ساكتين كده ليه
نسمه بعصبيه ٠٠مسمعش صوتك وغوري نامي خليني انام
أمل ٠٠ الله في إيه مالك والعه ليه كده
نسمه ٠٠ محدش ليه دعوه بيا خالص
منال ٠٠ خلاص يا أمل قومي نامي أحسن
أمل ٠٠انا مستنيه جيمي يرن عليا
منال ٠٠استني وإنتي ساكته
ورن هاتف أمل وخرجت بره الغرفه
منال بهدوء ٠٠نسمه
نسمه٠٠خلاص يا منال مش عاوزة اسمع كلام تآني
منال ٠٠انا هسيبك تهدي
تصبحي علي خير
(في غرفه عاصم وعمر)
عاصم ٠٠ تقصد إيه
عمر بضيق٠٠ولاء قالتلي إنها بتحب واحد تآني
عاصم بصدمه٠٠حبيب تآني إزاي
عمر ٠٠ سألتها بتحبي عاصم قالت لا وسألتها بتحبيني قالت لا
واعترفت إنها بتحب واحد تاني
عاصم ٠٠بعصبيه. والله أروح فيها في داهيه دا أنا أموتها واموته قال بتحب حد تآني قال
وخرج مسرعا إلي السطح وحاول الاتصال بولاء ولكن خطها غير متاح ظل طوال الليل مستيقظ حتى غلبه النوم
(في شقة يوسف)
احضرت أميره العشا
أميره ٠٠يلا يا حبيبي العشا جاهز
يوسف ٠٠ كلمه حبيبي بتعفرتني وبعدين لسه فاكره العشا الساعة داخله علي ١١
وكده هتقلبظي
أميره بضيق٠٠هو أنا تخينه ومش عاجباك صح
يوسف ٠٠ هههههه تخينه دا آنتي والله عسل وغمز ليها وعجباني اوووووي
أميره احم٠٠ماشي بعدين بلاش سيرة العفاريت دي
يوسف ٠٠ والله كانت احلي أيام بسبب خوفك كنت بأخد احلي أحضان انما دلوقتي بشوف الاحضان كل فين وفين تقوليش صياد سمك ومش عجبك الريحة بتاعته
اقتربت منه وبدلع
اميرة ::أنا بحب السمك وبموت في ريحه السمك
يوسف بتهته٠٠اميره الاكل هيبرد
أميره بدلع٠٠نسخنه
ورن جرس الباب
يوسف ٠٠ سيبك من الباب خالص ولا كأن حد موجود
أميره بجدية ٠٠دي أكيد منال وهي في ازمه وومينفعش نسبها لوحدها لازم نقف جمبها عن اذنك ولبست الاسدال وفتحت الباب
يوسف بهمس ٠٠والله أنا إللي في ازمه
أميره ٠٠ تعالي يا منوله دا حماتك بتحبك
منال وواضح عليها الحزن٠٠لا معلش أنا كلت من بدري بس مضايقه شويه من البيت قلت اجي أبات هنا لو مش عندكم مانع
أميره ببتسامه ٠٠اكيد مفيش مانع يلا عشان خاطري كلي معانا وأنا هنام معاكي وهنحكي للصبح
منال٠٠لا معلش أنا كلت مع الولاد عن اذنكم
أميره بحزن ٠٠يلا يا جو ناكل عشان ادخل لمنال واشوف مالها
يوسف ٠٠ طيب ما تسبيها لوحدها عشان تروق
أميره ٠٠ لا لازم أنام معاها
يوسف ٠٠ يعني هنام لوحدي
أميره ٠٠ معلش يا حبيبي وضع مؤقت
يوسف ٠٠ ربنا يصبرني
بعد العشا ذهبت أميره إلي الغرفه الموجودة فيها منا وجدتها تبكي بشده
أميره بقهر٠٠زعلانه و سرحانه في إيه
منال وهي تمسح دموعها٠٠زعلانه علي حالي و سرحانه في المستقبل
أميره بحنان ٠٠كل حاجه هتتصلح خليها على الله
منال ٠٠ سيباها
أميره ٠٠ الله إيه العروسة دي
منال ٠٠دي عروسة عملاها لاميره الصغيرة
أميره ٠٠ آنتي إللي عملاها
منال ٠٠ايوا أنا إللي عملاها أصلي تربية فنية وبحب أعمل الحاجات دي
أميره ٠٠ما تفتحي محل صغير وتعملي وتبيعي
منال ٠٠ومين هيرضي كلهم هيرفضو
أميره ٠٠ خلي الموضوع ده عليا ويلا ننام
منال ٠٠ تصبحي علي خير
أميره ٠٠ وإنتي من أهل الخير. داخل منزل حسين
في غرفه البنات
رحمه بدهشه٠٠الله يخرب بيت عقلك يا هبله في واحد تقول علي نفسها كدا
ولاء٠٠الله مش عشان يحلو عني
رحمة ٠٠هيقولو عليكي إيه دلوقتي
هيقولو عليكي مقضياها
تقولي لصهر أختك بحب واحد
ولاء٠٠اهو إللي جه في دماغي
رحمه ٠٠ ابسطها اعمليلو بلوك
ولاء٠٠هيتصل من رقم تآني
رحمه ٠٠بت آنتي بتحبي مين فيهم
ولاء٠٠احب
رحمه ٠٠طيب معجبه بمين فيهم
ولاء٠٠رحمه افهمي دول أخوات وأنا مش عايزة يخسرو بعض بسببي
رحمة ٠٠شكلك هتوافقي علي العريس المتقدم
ولاء٠٠بفكر اوافق
رحمه ٠٠ هتوافقي علي واحد مش بتحبيه وتضيعي من أيدك إللي بيحبك ويمكن آنتي كمان بتحبيه
ولاء٠٠نامي نامى أحسن فاطمة تسمعك
رحمه ٠٠ هتقيم علينا الحد
هي فين رحاب
ولاء بنعاس٠٠بتكلم الاهبل إبن خالتك
(داخل غرفه حسين)
فاطمه٠٠انت متأكد يا أبو محمود
حسين بحزن شديد ٠٠واحد شافه وقالي علي مكانه وحلفته ميقولش لحد
فاطمة ٠٠والعمل يا أبو محمود
حسين ٠٠هروح أتأكد
فاطمه٠٠ولو طلع الكلام مظبوط هتعمل إيه
حسين ٠٠ في الأول والاخر دا أخويا هسلمه للحكومة وهي تتصرف معاه
فاطمة ٠٠ياابو محمود لو عرفو إنك عرفت مكانه وسلمته للحكومة هيقلبو علي أميره وهيحصل مشاكل وهيقولو إنك بتداري علي اخوك
حسين ٠٠ أنا لو معملتش كدا البلد هتولع هما هيقتلو وإحنا هنعوز التار ونفضل نقتل واحد ورا واحد والحكايه مش هتخلص
فاطمة ٠٠ خلاص قفل علي الموضوع وكأنك معرفتش
حسين بعد تفكير ٠٠اقابله الأول واشوف هنعمل اية
في شقة يوسف
في الصباح
رن جرس الباب ذهب يوسف ليفتح الباب
يوسف ٠٠اهلا وسهلا البيت نور أميره هتفرح لما تشوفك
محمود ٠٠اسف علي الازعاج كنت معدي من هنا قولت اسلم
يوسف ٠٠ أسف علي إيه دا بيتك أتفضل
دخل محمود وجلس في الصاله
محمود ٠٠امال أميره فين
يوسف ٠٠ نايمه طالما مصحتهاش مش هتصحى وخصوصا منال نامت معاها وفضلوا طول الليل يرغو
