رواية احفاد فرعون الجزء الثاني 2 كاملة بقلم اروي طاهر المسلاتي (بنوتة الشيخ)

رواية احفاد فرعون الجزء الثاني 2 كاملة بقلم اروي طاهر المسلاتي (بنوتة الشيخ)

    رواية احفاد فرعون الجزء الثاني 2 كاملة بقلم اروي طاهر المسلاتي (بنوتة الشيخ)


    رواية احفاد فرعون كاملة pdf - بنوتة الشيخ
    سنة1990:-

    سدره:كملت طريقي في الليل بين الحوايز نجري ودايره بالي على خطواتي كويس منبيش نطيح💔
    الولد في حضني مبطلش عياط 💔وحتى انا نبكي معاه كاسر خاطري
    مقهوره على حاله كيف ما عندهاش قلب مرت بوه وكانت تبي تقتله اول ما طلع من بطن ضرتها كيف💔💔
    كملت طريقي وانا مش عارفه شنو رح يصير في البيبي وكيف رح نتصرف بس الحاجه الوحيده يلي متأكده منها كويس ان تصرفي صح لما مخليتهاش تقتله💔

    وصلت للحوش سكرت الباب كويس وانا وجهي كله عرق واصفر من الخوف
    سبقتني رجليا بسرعه لي امي نبي نحكيلها شن صار بتفصيل!....حطيت البيبي ع الفراش وغطيته كويس وخشيت لغرفة امي ...كانت ممتده على السرير وفي عز مرضها
    سدره:تبكي ولونها مخطوف....ااممي امممي لو تعرفي شن صار انا اناا 💔💔انا الولد الولد ياامي
    هناء:بصوت تاعب...حاولت تقتله صح؟
    سدره:سكتت بصدمه...بلعت ريقها
    اي 😧كيف عرفتي
    هناء:احووو  اححححووو...الولد وين ؟قتلاته؟
    سدره:مسحت دموعها...لا الولد جبته معاي مستحيل كنت نخليها وربي منقدر البيبي عمره مسكرش حتى ساعه
    هناء:فايزه حتى هيا حامل وتبي تجيب الولد قبل ضرتها هاذا باش دارت اللعبه هاذي وتبي تقتله
    سدره:بس ضرتها كانت حامل بي توأم البنت متوفيه والولد عايش ....قالت ان مفيش حد يعلم انهم توأم طلعت البنت وقالت الجنين متوفي والولد روحت بيه انا ع اساس مفيش جنين تاني وهددتني لو حكيت بتقتلني انا وياك
    هناء:احوووو اححححوو....مش فايزه بس يلي لعبت
    على ضرتها وحاولت تقتل لا !
    في حتى شخص تاني ....يابنتي اللعبه هاذي كبيره هلبااااا كبيره
    ارتفع صوت عياط البيبي بدرجه كبيره
    سدره:الولد يبكي جعان كيف بنديرله
    هناء:تحكي بسيف وبتعب واضح ...بنعطيك اسم شخص ارفعيله الولد وقوليله ولد منو يكون وقوليله انتي بنت منو
    سدره:من هوا ....واستعدت بتوقف
    هناء:مسكت يد بنتها....قبل مانقولك في سر لازم تعرفيه وتحمليه من بعدي بعد ما نموت والسر هاذا خليه معاك لين تموتي
     لو اضطر الامر افضحيه لكن وقتها اعرفي ان لو حكيتي السر هاذا رح يكلفك حياتك
    سدره:سر شنو امي شنو تحكي؟؟
    هناء:......

    ___________________________

    2016:-

    ساجده:من احفاد فرعون صح؟
    حافظ:اي اعود بالله منهم
    ساجده:سكتت شويه....هاذا مالك؟؟
    حافظ:هه مالك؟الله لا يوريك مالك...
    ساجده:اتتكت على الكرسي وضحكت بهزوه....علاش يعني في شنو يفرق عليهم
    حافظ:يسوق وعيونه في الطريق ...كلهم قاطعين يديهم من ربي يابنتي لكن الفرخ هاذا بزاااايد
    ساجده:منعرفهمش وكرهتهم من دوة الناس
    حافظ:وماعندك علاش تحبيهم
    ساجده:لاحضت يده مجبسه علاش؟
    حافظ:هاذم ديمه هكي تلقيه متعارك مع ولاد حرام زيه
    ساجده:سكتت وكملت تشوف لي الروشن
    حافظ:ربي يفكنا شرهم ان شاء الله ...ابتسملها
    هاشنو شايف الضحكه طويله عريضه على فمك ربي يدوم الفرحه
    ساجده:لا طبعا علاش بنفرح وعمتي امس بس متوفيه
    حافظ:بتقنعيني انك مكنتيش تاعبه وماله من القعده جنبها في الريف وبعيده ع المدينه متعك
    ساجده:عادي مهم اهتميت بيها لاخر رمق في حياتها
    حافظ:ضحك بصوت واطي وكمل طريقه

    __________________________

    احمد:فتح باب الحوش الضخممم تجاهل كل واحد مقعمز وسط الحوش ومردش السلام على حد
    ركب لي الدور التاني وفتح الباب...خش للغرفه طلع تيشرت اسود وبدي يبدل في حوايجه
    محمد:فتح الباب وخش...ع الاقل سكر الباب عليك مره تانيه
    احمد:ع الاقل انت طق الباب مره تانيه
    محمد:لوح روحه ع السرير ...جديات بتمشي بمنضرك هاذا ؟كيف طالعين من الحادث ليكم 3ايام بس!!
    احمد:يكمل في لبسه...تي عادي جت على كسرة يد يعني  التانيه تخدم !!
    محمد:مالك رجله مش قادر يوقف عليها ومسكر راسه
    احمد:بخ ريحته....فرصه زي هاذي تجي في العمر مره !..ومنقدروش نضيعوها
    محمد:وقف وهوا يتكسل....قبل عندي نيه نقعمز نهدرز لوطه شويه😅
    احمد:لوح عليه المفاتيح ويضحك....ابرا ياعيل ابراا
    محمد:مسك المفاتيح وضحك كأنه فهمه ع شنو يحكي !....المرسيدس ولا الكيا؟؟
    احمد؛بي ام جابها مالك امس مفيش داعي نطلعو بي سياره تخصنا
    محمد:اوكين ...وطلع

         
       🔥رِوَايـــــــــات بـــَـنـُـــووتِـــة الشـِــيـــْـخ🔥
         🔥أروى الــــطـــاهــــر المــســلاتــــي🔥

    ساجده:وصلت لي حوشنا ...سلمت على اختي وامي بدلت حوايجي وطلعت لي حوش جدي يلي كان مقابلتي ببضع خطوات بس!

    سلمت على العيله كلهم عزينا بعض وقعمزت بروحي نفكر في كم حاجه .
    عشت مع عمتي يلي اليوم عزاها لمدة 3سنين فتره طويله تعتبر !
    كيف بنرجع نتأقلم مع جو العيله وبنات عمي يلي حوشهم لاصق في حوشي!!
    هوا صح عندي عم واحد بس بناته هلبا من غير عماتي ...واااك دوشه ونفخ🤦🏻‍♀️
    كيف بنرجع لي كليتي هنايا بعد ما كنت خلاص تعودت على كليتي في المدينه التانيه الف حاجه لازم نديرها باش نرتب وضعي ...انخلعت لما قاطعني صوت بنت عمي
    ياقوت:وين سارحه 😊
    ساجده:ترتب في وشاحها...ولا شي السفر مأثر عليا شويه
    ياقوت:الله يعينك صراحه ...انتي اكتر وحده تعودتي على عمتي الله يرحمها قعدتي معاها سنين اكيد قلبك محروق عليها
    ساجده:اذكرت كيف كانت عمتي تعامل فيا!!
    ديمه مش عاجبها شي مهما درت وطيبت واعتنيت بيها تدعي عليا بي العاطل وكل ما نقرر نسيبها تقعد تهدد فيا انها تخبر بابا ان نحكي مع شباب..جديات انا فرحانه اني فتكيت منها!!بجد.. وواخده راحتي في غيابه.فقت ع روحي وجاوبت بنت عمي ....اي ربي يرحمها كانت حنونه شوي
    ياقوت:هههههه شوي صار😅😂....متخافيش عارفين البير وغطاه وانها كانت حقيره ووسخه الله يرحمها
    ساجده:انصدمت من جرأتها وضحكت بدون قصد...عيب تحشمي 😂
    ياقوت:خذت نفس....بس تعرفي
    مرات حياتك معاها قبل خير من هنايا بألف مره
    ساجده:ليش؟؟
    ياقوت:تو تفهمي مع الايام حجات متنحكاش !
    ساجده:ان شاء الله خير بلعكس متفائله
    ياقوت:كويس يلي جيتي نلقى حد يفوت معاي الكساد
    ساجده:علاش وين اختك يسرى؟
    ياقوت:مش قتلك تو تفهمي مع الايام !
    ساجده:بادلتها بي ابتسامه وسكتت
    فاتو لحضات وتبدلت ملامح ياقوت من ابتسامه لي خوف وذعر بعد ما قرت الرساله يلي وصلتها 😨...خذت تالفونها وناضت بسرعه تجري وخبطت في كم وحده كانت واقفه بدون قصد !💔
    لين وصلت للحمام سكرت عليها الباب كويس تراجع في الرساله ويدها على فمها مصدومه وعيونها تلمع بي دموعها يلي طول حياتها صعب ينزلو!
    ساجده:حسيت ان ياقوت صاير معاها شي بس مهتميتش الزحمه خلتني منفكر في شي وراسي مصدع

    ________________________

    فايزه:هيا ماتت ارتاحت وريحت
    سلوى:اي والله
    فايزه:ع الاقل بنتك توا قدامك مش معقوله 3سنين بعيده عليك توا سلم سلفتي ربيها كويس وديري بالك عليها خليها زي بناتنا هنايا باش محدش يحكي عليك
    سلوى:قامت حاجبها....مفهمتش؟؟
    فايزه:ياحنى انتي عارفه بنتك جدها منو يكون راهي حفيدة مختار حاكم البلاد كلها ايواااه
    وبعد مختار حفيده هوا يلي بيشد مكانه يعني وليدي انا
    ف لازم تعلميها عاداتنا وتقاليد بنات العيله باش متحشمناش
    سلوى:سكتت وهيا داخلها تردد....في اي موضوع لااااازم تجيب سيرة ولدها الوحيد يلي طلعت بيه من الدنيا وجباته بعد زوز بنات وفرحانه بيه بتموت ولازم تجيب سيرة ان هوا بيشد مكان جده🤦🏻‍♀️🤦🏻‍♀️
    اخخخخ قرفت خلاص من السيره هاذي بجدد حفضتها ....لو جابت ضرتها  ولد بسسسس كانت هيا توا زي الكلبه متقدرش تتكلم

    _____________________________

    في السياره:-
    محمد:امي قالبه الحوش منتدى نسائي كل يوم جايبه اربعه خمس بنات
    احمد:زابط الجو يلي ادير فيه غير مداير الحوله
    محمد:المشكله مفهمتش شنو يديرو بزبط امس فايت من جنب الصاله نسمع فيهم يتكلمو على السياسه النساوين كل حاجه حاشيين راسهم فيها
    احمد:اتكى ع الكرسي وشاف لي محمد بنضرة خبث
    محمد:شني؟
    احمد:ادوي بدون لف ادوي
    محمد:ربع يديه وشاف لي الروشن....بنت مصطفى الزح
    فرخه عيله لكن صاروخ لنم
    احمد:وعطيتها رقمك وكلمتها!؟
    محمد:تي لااااا
    احمد:كلمتها؟؟
    محمد:لا
    احمد:كلمتها يا محمد
    محمد:مكلمتهاش
    احمد:قام حاجبه
    محمد:تحدثت معها😅
    احمد:ضرب يده ع راسه....علااااااااش الزفت علاش
    انت عارف مصطفى يخدم مع جدك غلط ادير هكي تولي على فيتك بعدين
    محمد:ولع دخانه....ترا ريحني انا مدرت شي هيا تحرشت بيا
    احمد:الصبررر....ورقد ع الكرسي
    محمد:اقسم بالله انا خاش في امان ربي جت عيني في عينها دارت لقطه متع كلمني شكرا

    ترن ترن ترن
    احمد:ترا اسكت خير ما نصفيك
    محمد:قلب عيونه وكمل دخانه
    احمد:ها شني؟
    مالك:يمضغ في المستكه والمنضار في عيونه 🔥...واقف على بعد مليح ونشوف في الجمجمه متعه قدامي
    احمد:تقدر تصوب؟
    مالك:يركب في القناصه...ضحك ع جنب....تي عيب ياعبيد
    احمد:تم احشيهالا بين عيونه وتلقى السياره مدرسه قدام البوابه
    مالك:تم
    احمد:عارفك تهني تمها لنهايه وشوف فرحة جدي منوصيكش
    مالك:..سكر في وجها لان معروف ميحبش كثر الدوا حتى لو كان مع خوه

    _______________________

    محمد:شن قال
    احمد:لحضات ونسمعو خبر جدهم الكلاب هادم وتو نشوفو بعدين منو يحكم
    محمد:اخخخخ امتى بس يشفى غليلي
    احمد:غليلي انا يلي بيشفى لما نحرقك انت وبنت الحرام يلي تكلم فيها
    محمد:الحسد الحسد 😌😌😌↗️
    احمد:حرك راسه بي هزوا ورجع رقد ع الكرسي

         
        🔥رِوَايـــــــــات بـــَـنـُـــووتِـــة الشـِــيـــْـخ🔥
          🔥أروى الــــطـــاهــــر المــســلاتــــي🔥

    ساجده :اضايقت من العزي والجو المكتئب!!
    لو يعرفو بس قداش انا فرحانه ونبي ندير عرس بدل العزي هاذ!...طلعت من حوش جدي نتمشي لين شفت ولد عمي واقف بروحه
    عبدو:ابتسم....اهلا سجوده
    ساجده:ابتسمت....اهلين عبدو
    عبدو:شن اخبارك
    ساجده:بخير الحمد الله
    عبدو:قام راسه بعد ما سمع في حد ينادي عليه ....جايك هي ....وطلع
    ساجده:هاذا يلي امه فرحانه بيه ؟دحناس!!🤮...قعدت نتفحص في حياش عمي وعماتي يلي جنب بعض جت عيني على برج صغير جنبنا موجود من زمان ❤️كنا نلعبو فيه
    ركبت بدون تفكير قلت نغير جوي فوق شويه وننزل

    ________________________

    مالك:لوح طرف المستكه يلي في فمه وخدي طرف تاني
    المستكه هاذي كانت الشي الوحيد يلي يقلل التوتر والغضب عند مالك ...سكر عين وحده والعين التانيه في القناصه وهوا يحدد في الهدف بزبط
    الناس هلبا وزحمه لكن من بينهم كان مالك مركز على واحد شباني واضح انه كبير العيله وجنبه ولاده الزوز
    الشباني هاذا مختار🔥صاحب العيله وكبيره كل شويه ينوض يسلم ع الناس يلي تعزي فيه ويقعمز
    استنى مالك لين خلاص فضت الزحمه قدامه وقعد مختار مقعمز بروحه وعيونه في سبحته ❤️
    مالك:مركز كويس وصبعه على الزناد ولما قرر يطلق
    طاح ع الارض

    مالك:وقف وهوا يشوف للوجه الخايف يلي دفه من على القناصه
    ساجده:انت شنو ادير منو بتقتتتتتل ليش موجه السلاح هاذا ع خيمة العزي
    مالك:نفض كتفه ورجع للقناصه بدون ما يهتم ليها
    ساجده:حاولت ادفع بس المره هاذي بي يد وحده طيحها ع الارض ....رجع شاف من المنضر لقي مكان مختار خلاص فاضي والخطه فشلت 💔
    لوح مالك المنضار واعصابه محروقه
    ساجده:حاولت توقف ......وربي لما نفضحك مجرم حقيرررر .....رفعت صوتها بقوه وبدت تنادي على بوها وصغار عمها
    مالك:ضربها ع وجها لين خشمها نزف ومسكها من ملابسها كأن يبي يفش فيها غله بسسب فشل خطته يلي حضرلها طول ها الفتره .....يتبع

    إرسال تعليق

    جميع الروايات والقصص المنشورة علي الموقع هي روايات مجانية أخذنا إذن بنشرها من أصحابها إذا وجدت أي رواية لها حقوق ملكية فكرية أو تُريد إزالتها من الموقع اتصل بنا ، ونقوم بحذفها فوراً .