-->

رواية ابن السلطان الفصل الثاني 2 كاملة بقلم روما

رواية ابن السلطان الفصل الثاني 2 كاملة بقلم روما

    رواية ابن السلطان الفصل الثاني 2 كاملة 




    ابن السلطان
    الفصل الثاني

    فرح.. خير ياكرم مش كل شويه تتصل من رقم شكل

    كرم ببرود.. ماتهدى شويه بنت عمى وبطمن عليكى

    فرح منفعله.. لو  عاوز تطمن عليا يبقى عمى اللى يكلمنى مش انت قولت لك الكلام دا الف مره

    كرم بعصبيه.. هتفضلى راكبه دماغك لحد امته فاكره انك ممكن تستمرى فى العيشه عندك ولا القرشين اللى امك ورثتهم هيكملو معاكى سنه اخلصى ونتجوز و تاخدى ورثك

    فرح.. هشحت ياكرم واشتغل خدامه ولا انى اتجوزك

    ،،، قامت فرح باغلاق الخط فى وجهه قبل ان ينطق،،،

    فاديه.. برضو بيضايقك يافرح

    فرح. ولا يهمك ياست الكل دا دماغه فاضيه سيبك منه

    ،،،،،،،

    ولاء بدلال.. مالك يادودى

    خالد.. هاه بتقولى حاجه

    ولاء.. لااااا دا انت مش معايا خالص

    خالد.. بقولك ايه قومى اروحك

    ولاء.. لا لا انا ملحقتش اقعد معاك وبعدين المطعم دا عنده حلو يجنن

    ،،،  وقف خالد ووضع بعض المال على الطاوله،،،

    خالد.. حساب الحلو اهو حلى انتى سلام

    ،، تركها خالد وانصرف،،،

    ولاء لنفسها.. طول عمرك تقلب فى ثانيه

    \////////\///////////\////////////\//////////

     فى السكن الجامعى

    مريم.. يامروه طول اليوم ماسكه الفون ارحمى ودنك بقى

    مروه.. طب ثوانى هكلمك تانى،، وتغلق الهاتف،،
     اهو ياستى نعم

    مريم.. بتكلمى مين

    مروه..  تانى نفس السؤال بكلم احمد

    مريم..  انتى عمرك ما هتتغيرى يابنتى

    مروه.. مريم فوكك منى بقى مش كل يوم نفس الاسطوانه

    مريم.. اسطوانه الحلال والحرام اسطوانه يامروه

    مروه.. بصى انا بحبه واحمد بيحبنى وانا مش بقدر ابعد عنه حاولت كتير ومقدرتش

    مريم.. بصي ياحبيبتى قولت لك ان لما تكلمى شاب او تخرجى معاه دا حرام دا يعتبر زنا يامروه انت بنت خالتى واقرب حد ليا وانا خايفه عليكى ومش عاوزاكى ترتكبى كبائر افهمى بقى

    مروه.. طب اعمل ايه يامريم بحبه

    مريم.. بس مش بتحبى ربنا اكتر وربنا دا هو اللى قادر يجمعكم هتحبيه اكتر من ربنا تفتكرى ربنا هيسامحك

    مروه.. مش بقدر والله حاولت كتير

    مريم.. فكرى يامروه تانى ربنا يخليكى ويهديكى

    مروه. ربنا يقدم الخير

    .......

    سلمى.. حضرتك لسه واصل يا حضرة المدير ولا انا بقى اللى دلعتك زياده

    سلطان.. ههههههه انا اوصل بمزاجى لان عارف ان ورايا هنا اللى يسد ويمشي بدل الشركه عشره

    سلمى.. ياسلاااااام اومال مصمم ليه تجيب خالد يا بابا

    سلطان.. خالد مهما كان راجل ياسلمى اوعى تكونى فاكره انى مبسوط وانا شايفك كدا شغل ليل نهار ومش عايشه حياتك البنت يابنتى تتدلع وتعيش حياتها الشغل والشقا دا لينا

    سلمى.. بس انا مبسوطه كدا

    سلطان.. ما انا علشان كدا سايبك اهو  يلا يلا خلينا نشوف شغلنا

    ، ـــــــــــــ

    اتصال لفرح من خالد

    فرح : السلام عليكم

    خالد : فرح ممكن تطلعى المكتب

    فرح : اوك

    فرح طلعت لخالد مكتبه

    فرح خير يا استاذ خالد

    خالد : ولا حاجه بتطمن عليكي

    فرح : شكرا عن اذنك

    خالد..استنى بس مستعجله ليه

    فرح..انا مش شايفه داعى لوجودى

    خاالد بتردد: انا عازمك على الغدا النهارده على فكره

    قالها خالد بابتسامه كانه بيعطيها فرصة حياتها

    ودا ضايق فرح جدا

    فرح : لا شكر مش بتغدا برا مع حد غريب

    خالد : نعم حد غريب مين انا استاذك

    فرح : استاذى فى الكليه وبس برا الكليه انت واحد غريب

        وعلى فكره امسح رقمي م ن عندك بقى لان ملك كلمتني خلاص

    خالد :  انتى مستوعبه رفضك ولا انتي مجنونه

    فرح : عن اذنك علشان ماتشوفش جنانى

    ،، خرجت فرح مسرعه من امامه كان يظن خالد ان خجل فرح سيمنعها من رفض عرض الغداء معه ولكن هيهات فرح عند مس خلقها او دينها تظهر قوتها الحقيقيه،،،

    خالد لنفسه..غبى اخدتها قفش كانت محتاجه تليين شويه بس ملحوقه وراها وراها

                             

    نزلت فرح لمريم ومروه ووهي بتعيط

    مريم ومروه قعدو يسالوها
    حكت  فرح الى حصل وهى منهاره

    مريم  : طب انتى زعلانه ليه دلوقت

    فرح : كلمني بطريقه بنت شمال المفروض تفرح بعرضه

    مروه : خلاص ولا يهمك هو اه الواد قمر وصعب يترفض بس جدعه

    مريم ومروه ضحكو وكالعاده خرجو فرح من اللى هى فيه

    ، ــــــــــــ، ـــــــــــــ،

    على.. ماقولت لك بطل تسرع

    خالد.. تعرف ياعلى حسيت انى مش عاوزها تسيب المكتب وتخرج قولت لها بسرعه علشان اخرج معاها وكنت عاوز اى حجه افضل معاها بيها

    على.. انت حبيتها ولا ايه

    خالد.. لا لا لا حب ايه بس معجب بيها

    على.. ماهى بتبدا كدا يا اخويا

    خالد.  انت عارف انه مستحيل

    على.. خالد انت اكتر من اخويا فوكك من حوار عقدة الجواز دا  ولو هى كويسه بجد خد خطوه

    خالد.. طب ما تنصح نفسك يا اخويا

    على.. هانت  ياعم ونعملها سوا

    خالد.. اما نشوف بقولك ايه هتصل اعتذر لها

    على.. ههههههه واقع واقع

    ،،، ـــــــ،،، ـــــــــــ،،،

    ،،، فتحت فرح باب شقتها لتجد امها واقعة ارضا،،،

    فرح.. ماما مااااااماااااا ردى عليا

    ،، تخرج هاتفها لتطلب اسعاف لتجد اتصال من خالد تغلق الخط يتصل مرة اخرى تغلق ولكنه يعاود الاتصال،،،

    فرح.. اقفل مش وقتك

    خالد بلهفه وخوف عليها من سماع صوتها خائف مختلط بدموع.. ايع دا فى ايه

    فرح ببكاء هستيرى.. مامت بتروح منى

    خالد.. اهدى اهدى قولى انتى فين

    ،، اعطته فرح عنوانها فان كانت خائفه منه خوفها على والدتها كان اشد،،

    ،،صعد خالد سلم منزلهم ركدا فتحت فرح بلهفه

    خالد..فى ايه

    فرح ببكاء  : ماما رجعت لقيتها واقعه مش بترد عليا

    خالد : اهدي الاسعاف جااي

    وصل الاسعاف اتنقلت المستشفى مع مامتها وخالد وراهم بعربيته

    الدكتور طمنهم عليها وقال غيبوبة سكر وعدت على خير
    دخلت فرح لمامتها وهى منهاره وبتبوس ايديها وتحضنها اوى
    خالد فهم ان العلاقه بينهم قويه اوى وان مامتها كل اللى يهمها انها تطمنها انها بخير

    فضل واقف على الباب فرح نادت عليه يدخل دخل خالد

    فرح : ماما دا استاذ خالد

    فاديه : اهلا وسهلا يابني متشكره اوي دي تاني مره تقف مع فرح

    هى حكت لى عن اول مشكله

    خالد : لقى نفسه بيقولها فرح فى عيني

    فرح غيرت نظرتها له لانه وقف معاها  وانقذ مامتها اللى روحها فيه

     فرح : متشكره اوى ياا استاذ خالد بجد

    ،،،يفتح باب الغرفة فجأه،،

    فرح..ايه دا انت ازاى تدخل من غير ما تخبط

    كرم..الله ماتهدى مرات عمى وجاى اطمن عليها..مين الاستاذ



    الفصل الثالث من هنا

    إرسال تعليق

    جميع الروايات والقصص المنشورة علي الموقع هي روايات مجانية أخذنا إذن بنشرها من أصحابها إذا وجدت أي رواية لها حقوق ملكية فكرية أو تُريد إزالتها من الموقع اتصل بنا ، ونقوم بحذفها فوراً .