أخر الاخبار

رواية ابن السلطان الفصل الثالث 3 كاملة بقلم روما

رواية ابن السلطان الفصل الثالث 3 كاملة بقلم روما








بن السلطان

الفصل الثالث
كرم.. الله ماتهدى مرات عمى وجاى اطمن عليها مالك

فاديه بقلة حيله.. خلاص يابنتى انا كويسه ياكرم

كرم.. حمدالله على سلامتك يامرات عمى الا مين الاستاذ

،،، نظرات كرم لخالد كانت نظرات استنكار منه ولكن نظرة خالد له كانت نظرة ثقه وقوه كأن كل منهم يوجه رساله للأخر بلغة العيون،،

فرح بنفاذ صبر.. استاذ خالد يبقى....

قاطعتها فاديه.. خطيب فرح ياكرم سلم عليه ياابنى

،،، صدمة ألجمت كلا من خالد وفرح مما تفوهت به فاديه لماذا نطقت بهذا،،،

كرم.. نععععم خطيب مين ياحلوه

،، مازال خالد فى صدمته وملامح الدهشه تعتلى وجهه،،

فاديه.. يا ابنى الراجل اتقدم وانا وافقت

فرح.. كرم لو سمحت امشي دلوقت

كرم.. امشى فين انتى مش قولتى مش هتجوز هكمل تعليم انتى بتستغفلينى دا انا اهد الدنيا

،، كان كرم على وشك ان يمسك فرح من ذراعها بغضب لكن كانت هناك يد تسبقه،،

ـ،،،،، ـ،،،،،،، ــ،،،،،، ــ،،،،،،

،، فى شركة سلطان لتوزيع المواد الغذائية،،

سلطان.. فهمت ياعلى

على.. خلاص يا سلطان بيه اعتبر كله تمام هنزل انا مصنع العاشر من رمضان واشوف الوضع هناك

سلمى.. وانا هروح لشركة الاعلانات انا اظبط الوضع معاهم

على.. لا طبعا

سلمى.. افندم

على.. اقصد يعنى بلاش انتى تروحى هناك انا هخلص واروح خليكى هنا وسيبى شغل برا ليا انا

سلمى بتحدى.. لا انا اللى هروح

على.. بس

سلطان مقاطعا.. خلاص ياعلى هى عارفه شغلها اتفضلو على مكاتبكم

،، انصرفت سلمى ليلحق بها على ويدخل مكتبها قبل ان تغلق الباب،،

سلمى.. ايه يا على فى ايه

على.. انتى بتستهبلى شركة اعلانات ايه اللى عاوزه تروحيها عاوزه تروحى عند شريف الملاح

سلمى.. اظبط كلامك ياعلى انا راحه اخلص شغل الشركه مش راحه اقابل واحد

على.. انتى عارفه انى مش بحب الواد دا وسبق وعرض عليكى الجواز

سلمى..اولا شريف شخص محترم جدا وعرض الجواز وانا رفضت وهو تقبل دا جدا بكل تفهم و شغلنا ماشى زى ما هو ثانيا انت مفيش ليك اى وجه حق انك تدخل فى حاجه زى كدا

على..سلمى بلاش طريقتك دى

سلمى..اطلع برا ياعلى

على..انتى عارفه انى بحبك بلاش تسوقى فيها وتتحدينى بالشكل دا

سلمى..حب ايييييه ياعلى فوووووق انت عاوز تخرج كل ليله سهر للصبح كل يوم مع بنت شكل وكل خروجه مع بنت وتقولى حب

على..انتى عارفه انت دول حاجه وانتى حاجه اوعى تقارنى نفسك بيهم

سلمى..انت اللى اوعى تفتكر انى ممكن اكوم ليك يا على وانت حياتك كدا انا مفيش راجل لحد دلوقت قدر حتى يتخطا معايا حدود فى الكلام مش اخرج معاه عاوز انت بقى تخرج وتتبسط وتعيش حياتك بس احب واتجوز سلمى صح وسلمى حاسه بايه مش مهم

على.. قولى قولى ياعلى سيب كل دا قولى ياعلى انا بحبك مش عاوزاك تكلم دى ولا دى اتكلمى يا سلمى

سلمى..لا ياعلى انا مليش صفه اتكلم بيها وانت لو مش هتتغير من نفسك يبقى بلاش التغيير اصلا

،،تركها على وانصرف لتجلس على مكتبها وتدع دموعها تهبط لتخفف عن ما بداخلها،،

،،، ـــــــ،،،، ــــــــ،،، ــــــــ

خالد.. ايدك جنبك

كرم.. اه انت بقى هتعمل راجل وحاميهم والجو دا

،، لف خالد ذراع كرم خلف ظهره وبيده الثانيه كتم فمه،،
خالد.. لولا ان احنا فى مستشفى كنت فعصتك بس اوعدك لو اتكرر تانى كلامك دا او اتعرضت لهم مش هعمل اعتبار لمكان ولا بشر

،، دفعه خالد خارج الغرفه قائلا بابتسامه صفراء.. فرصه مش سعيده ثم اغلق الباب،،

فرح.. انا اسفه اسفه اوى بجد انا مش عارفه اقولك ايه

خالد. اهدى اهدى حصل خير

فاديه.. انا اسفه يابنى على اللى قولته

فرح.. اسفه ايه يا ماما انتى ازاى تقولى كدا بس ليه

فاديه.. ما سألتيش نفسك كرم عرف منين انى هنا يافرح طبعا من الناس اللى مقعدهم قدام البيت راصدين حركتنا واكيد بلغوه ان راجل جه وجاب الاسعاف تاخدنى تقدرى تقوليلى كنت اقوله مين الراجل دا

فرح.. قولى الحقيقه

فاديه.. وهما هيصدقو ولا عاوزاهم يقولو انى معرفتش اربى يافرح وانى اخدت بنتى وسيبتهم علشان اعيش على راحتى وبنتى تصاحب رجاله.. لامؤاخذه يابنى بس دى الحقيقه

خالد.. والله انا مش عارف اقول ايه بس انا عن نفسى مش زعلان من اللى حصل وحمدالله على سلامة حضرتك

،، انصرف خالد لتخرج فرح خلف بعد ان اغلقت باب الغرفة على والدتها،،

فرح.. متشكره جدا واسفه جدا

خالد. خلاص بقى طول اليوم شكر واسف

الدكتور.. ممكن تتفضلو معايا

خالد.. خير يادكتور

الدكتور.. مش انتو اهل المريضه اللى جوا

فرح.. ايوه فى ايه

الدكتور.. نتكلم فى مكتبى اتفضلو

،، انصرف الطبيب لتلحق به فرح ويتبعها خالد لتقف فرح على باب الطبيب،

فرح.. استاذ خالد انا تعبتك معايا اتفضل انت بقى لحد كدا كفايه

خالد.. هشوف معاكى الدكتور عاوز ايه وامشى،

،، قبل ان تجيبه سبقها ودخل للطبيب،،

خالد.. خير يادكتور

الدكتور.. فى الحقيقه بعد الاشاعات ورسم القلب اتضح ان الست فاديه محتاجه عملية قلب مفتوح

،، شهقت فرح لينظر لها خالد
خالد.. ممكن تهدى.. اتفضل كمل يادكتور

الدكتور.. هى مريضة سكر علشان كدا العمليه لازم دكتور كويس يعملها لها وانا برجح لكم دكتور اسمه ألبرت بيجى من المانيا كل اربع شهور يقعد شهر ويرجع دا احسن حد ممكن يعملها لها

فرح بدموع.. هتتكلف كام

الدكتور..ما يعادل مصرى 250الف

فرح بصدمه.. ايه

خالد.. طب ممكن تحدد لنا معاه ميعاد

فرح.. ايه اللى انت بتقوله دا

خالد .. طب عن اذنك احنا يادكتور وهتواصل مع حضرتك.

،، خرج خالد وفرح من عند الطبيب..

خالد.. تعالى نشرب حاجه تحت

،، انصرفت فرح معه دون ان تنطق،،

خالد. اشربى الليمون دا وبطلى عياط بقى ارجوكى

فرح.. ممكن اطلب منك طلب

خالد.. من غير ماتقولى يافرح انا هتكفل بالعمليه

فرح.. لا لا لا انت فهمت غلط انا مش ممكن اقبل بكدا

. انا عاوزاك تيجى معايا ل كرم وتقوله انك مش خطيبى وتحكى له الحقيقه ارجوك

،، شعور غريب بداخل خالد كيف فى هذه المحنه وتفكر بكرم هل تحبه ام ماذا ولماذا اشعر بالغيره من هذا الشخص ولماذا دموعها المتساقطه كأنها جمرات تحرق قلبى ولماذا اشعر اننى لا استطيع ان اتركها،،

خالد. منفعلا.. كرم ايه دا وقت كرم بتاعك دا

فرح.. ارجوك دا حل مشكلتى

خالد.. ازاى يعنى

فرح.. جدى الله يرحمه كان موصى علشان اخد ورثى من بابا يبقى اتجوز كرم علشان الارض ما تخرجش لحد غريب بس انا رفضت وماما رفضت عمى طردنا وقال علشان ارجع البيت واخد حقى يبقى اتجوز كرم.. ارجوك يا استاذ خالد تعالى معايا نصلح الموقف علشان كرم يتجوزنى واخد ورثى اعمل لماما العمليه ارجوك

خالد.. هو انتى بتحبيه

فرح.. انا ممكن اعمل اى حاجه علشان ماما ارجوك

خالد.. انا هدفع انا الفلوس دى بدل كرم

فرح.. انا مش هقبل منك صدقه

خالد.. دى مش صدقه دا مهرك





الرابع من هنا


تعليقات



حجم الخط
+
16
-
تباعد السطور
+
2
-
close