أخر الاخبار

رواية اتهام اعمي الجزء الثاني 2 كاملة بقلم حسناء نادر

رواية اتهام اعمي الجزء الثاني 2 كاملة بقلم حسناء نادر







🌸🌸🌸🌸

في فيلا أمير،،،

تقرأ علياء الخبر في التلفاز فتهرول إلى المستشفى لتتعرف على جثة ابنتها وعندما ذهبت إلى المستشفى ورأت الجثه ادمعت عينيها ولكن مسحت دموعها سريعا،،، فهي قاسيه بطبعها.

دقائق واستيقظ أمير في المستشفى وسرعان ما استوعب الوضع وذهب لاكمال إجراءات الدفن جسد بلا روح.

موت أبيه مازال يؤثر عليه فهو كان طيبا عكس والدته وجاء موت أخته وزوجها هو لم يعد يتحمل وفوق كل هذا الطفله الصغيره التي وجب عليه رعايتها.

رفع رأسه إلى السماءوقال:يا رررب.

وجلس منكسا رأسه بين يديه إلى أن أتت يارا وقالت: ماما فين يا خالو؟

عجز أمير عن الرد ولكن ربت على شعرها وقال بحزن وهو يرجع خصلاتها الشقراء للوراء: ماما سافرت ومش هترجع تاني يايارا.

يارا ببرائه:ليه هو أنا زعلتها في حاجه!!

أمير بحزن شديد عليها: لا يحببتي مزعلتهاش بس هي لازم تروح هناك.. يلا علشان نروح سوا ننام والصبح نتكلم.

وبعد دقائق كان أمير يحمل يارا ويصعد بها الدرج إلى غرفته ووضعها على سريره برفق تام وجلس هو بجواره يتأملها ويحدث نفسه:ما ذنب هذه الطفله البريئه،كيف ستعيش بدون أبويها، بم سيجيبها حينما تسأل عن والدتها ولكنه أقسم أنه سينتقم ممن فعل هذه الفعله فهو قد عرف مؤخرا أنها لم تكن حادثه عاديه وإنما بفعل فاعل وغفا أمير بجانبها وهو غارق في أفكاره.

🌸🌸🌸🌸

في غرفة علياء،،،

بتتكلم في التليفون بصوت عالي :ازاي هي اللي تعمل كده وهدفها ايه طب هي مالها ومال بنتي بص أنا عايزاك تعرفلي هي لي عملت كده.

المجهول :يافندم اللي عرفته ان هي عايزه تنتقم من أمير باشا.

علياءباستغراب: أمير!! طيب عايزاك ترابها خطوه بخطوه عايزه تحركاته كلها حتى النفس بيروح فين وبزعيق: مفهوم.

المجهول :تمام يا فندم.

علياء وهي تفكر في سبب العداوه بينه وبين ندي فهي تعرف أنها تحب أمير:وهي ايه اللي يخليها تعمل حاجه زي كده وأصلا أمير عمره مأذاها.

وظلت على هذا الحال كثيرا إلى أن أرهقها التفكير وتناست تماما احتمال معرفة ندي لحقيقة قتل والدها فهي خبأت كل الأدله التي تدينها،،،،

🌸🌸🌸🌸

في السابعه صباحا 🌻🌻

استيقظ أمير ويبدو عليه الإرهاق الشديد نظر إلى ساعته فوجدها السابعه ونظر بجواره فوجد يارا مازالت مستغرقه بالنوم لم يرد إزعاجها فقام من جوارها وأخذ ملابسه وخرج من الغرفه ليتسحم في الغرفه المجاوره حتى لا يوقظها فهو مشتت تماما ولا يعرف بما سيجيبها عندما تسأله عن والدتها وبعد ربع
ساعه نزل في بهو الفيلا فوجد البيت كله على قدم وساق وكأن لم يكن عزاء،،، لم يعيرهم أمير اهتمامه ودخل إلى المطبخ ليري ماذا هناك ليعده لتلك الصغيره،أخذ أمير كوب من الحليب وبعض الخبز وذهب إلى غرفته،،،

أمير وهويمسح على شعر يارا:يارا ياراقومي يلا عشان تفطري.

يارابصوت ناعس:اممممم خمس دقايق بس يا ماما.

أمير بعد أن سمع تلك الجمله شعر بنغز في قلبه وهنا أقسم أنها سيعتبرها أكثر من ابنته سيحميها من الجميع وأولهم غضبه سيعوضها غياب أبيها وأمها،،،

أمير بعد تنهيده طويله وصوت مرح بعض الشئ:رورو لو قومتي هخدك نروح الملاهي.

يارافتحت عينيها بطفوله وقالت:بجد يا خالو هاااااااي أنا بحبك أوي.

أمير:الأول اشربي اللبن علشان
أحبك ومن هنا ورايح هتقوليلي بابا اتفقنا.

يارا: اتفقنا.

🌸🌸🌸🌸

في الساعه الخامسه مساء في غرفة ناهد،،،

ندي بحزن بائن في نبرة صوتها:ايه يا ماما انتي مش هترجع تقومي تاني وتكلميني وتزعقيلي وتجري ورايا في الشقه ونعمل الهبل اللي كنا بنعمله.

ناهد:لا رد.......

ندي بوعيد لأمها:والله ياماما لاخد حقك من كل واحد كان السبب في اللي انت فيه هحرق قلب ولاده واحد واحد.

ناهدوهي تحاول التحدث:ااااعب اااا.

ندي تنهيده :متتعبيش نفسك يا ماما وأنا هنتقم لموت بابا.

وبعد خروج ندي من الغرفه نظرت ناهد في فراغ ابنتها بيأس وحدثت نفسها:اه لو تعرفي ان عبد الله ملوش ذنب وهو كمان اتغدر بيه زي أبوكي وكله بسبب علياء،،،، ثم رفعت عينيها للسماء ودعت ربها:يارب يهديكي ياندي وتعرفي الحقيقه ويسامحك على اللي عملتيه في آيه والحقيقه تنكشف قبل اما تضيعي بغبائك وتخسري حب أمير ليكي.

🌸🌸🌸🌸

في شقة آدم & ساره

ساره في محاوله منها لتهدئة طفلها:خلاص بقا يا مسلم أنا منمتش من ساعة منت اتولد اعمل ايه أنا يا ربي أشد في شعري والله زهقت كان مالي الخلفه.

آدم وهو يضحك علي كلام زوجته وغيظها من صغيرها الذي لايكف عن البكاء.. فضحك رغم حزنه على صديقه فهي زوجته المجنونه التي يعشقها:ايه ياساره هو كده مش هينام براحه شويه على حبيب قلب بابا.

ساره بغيظ:بقا كده طب خد حبيب قلب بابا وسكته عما أنام ساعتين ساعتين بس إلهي يسترك يا دومي😂😂😂

آدم بضحك من طريقة حديثها:ايه يابنتي حيلك حيلك هو انت تربية شوراع وأنا معرفش ده أنا أربي الواد لوحدي أحسن ما يطلع شمحطي.

ساره :مبروك عليك تصبحون على خير.

آدم:هو انت خليتي فيها تصبحون على خير نامي ياساره نامي ربنا يهديكي🙏🙏

وبعد ماساره ومسلم نامو آدم بيرن على أمير،،،
آدم:ازيك يا أمير.

أمير:الحمدلله.

آدم:بقيت أحسن؟

أمير:اه الحمد لله بحاول علشان خاطر يارا عايز أعوضها يا آدم حاسس انها مسؤليه كبيره أوي مش عارف حاسس اني تايه أوي.

آدم:ان شاء الله هتتحل ياصحبي وانت قدها وأدود وده مهما من كان اختبار من ربنا وابتلاء لازم نصبر عليه.. وبنبره مضحكة يقصدها آدم يلا ياصاحبي لاحسن ابني ممكن يصحى وان مصدقت ياختي انه نام سلام سلام 😂😂😂.

أمير بضحكه خفيفه:سلام ياآدم.

🌸🌸🌸🌸

في غرفة أمير،،،

يقلب في تليفونه ويجد ثلاث مكالمات من ندي ولسه هيرن ندي كانت بتتصل،،
ندي :البقاء لله يا أمير.

أمير:الدوام لله.

ندي بكذب :أنا حولت أرن عليك كتير بس تليفونك كان مقفول.

أمير بتهكم:أولا هم تلات مرات اللي انتي رنيتهم، ثانياً تليفوني كان فصل شحن ومقعدش غير نص ساعه بيشحن.

ندي بتبرير:أمير أناااا... أمير مقاطع لها:سلام يا ندى أنا مش حمل خناق وكلام دلوقتي.

أمير لنفسه بعد أن أغلق الخط :ايه يا أمير مش دي اللي انت بتحبها وعايز تتجوزها ايه زهقت لالا أزهق ايه هي مشكله ونحلها ان شاءالله،،،

أمير وهو ممدد على الأريكه رافعا رأسه إلى سقف الغرفه يتذكر والده وأخته وكم كانا حنونين عليه في صغره وكبره ولكن جاءت يارا وجلست بجواره :ايه يا بابا مالك!!

أمير مبتسما علي كلمة بابا:مفيش ياقلب بابا اتعشيتي؟

يارا وهي تهز رأسها :اه.

أمير :يلا بقا نطفي النور علشان يارا الشطوره تنام.

يارا بتذمر طفولي :لا أنا مش عايزه أنام دلوقتي أنا عايزه أروح الملاهي زي مانت قلتلي.

أمير :يارا مينفعش دلوقتي أما أكون فاضي هوديكي وعد والله.

يارا وهي تمط شفتيها :لا دلوقتي.

أمير بحزم:قولت دقتي مينفعش.

يارابخوف:حاضر حاضر هنام أهو مش عايزه أروح في حته.

أمير بندم وقلة حيله:ياحبيبتي هوديكي والله بس مش النهارده الوقت اتأخر. وببعض الحماس ايه رأيك ننزل نتمش في الجنينه.

يارا بابتسامه عريضه وحماس كبير فهي تحب تلك الجنينه من صغرها مثل أمها تماما:يلا.

🌸🌸🌸🌸

بعد مرور شهر كانت حالة أمير النفسيه قد تحسنت كثيرا واعتاد على وجود يارا في حياته وشعر معها بمشاعر الأبوه،، أما من ناحية ندي فقد تم تحديد موعد عقد القران بعد ثلاثة أشهر فهو مهما حدث يعشقها،،، أما محمد فاعترف بحبه لإسراء،،، أما ندي فقد كان كل يوم ترى حالة أمها يزيد كرهها لعبدالله وتقسم على الإنتقام من عائلته،،،،
🌸🌸🌸

تنبيه بسيط،،،
آيه هي أخت أمير وزوجها اسمه كرم،،،
إسراء :فتاه تبلغ من العمر ٢٢عاما ذات بشره بيضاء وعيون بنيه فاتحه وملامح بريئه وتمتلك قلب طيب جدا وتعمل في نفس المستشفى التي يعمل بها أمير ومحمد،،،



تعليقات



حجم الخط
+
16
-
تباعد السطور
+
2
-
close