رواية حدود القدر الجزء الثالث عشر 13 كاملة بقلم شيماء عبدالحميد
-يعني اي ياملك؟
-يعني انا مش هقعد هنا دقيقة واحده
دخلت اوضتها غيرت هدومها وخدت شنطتها وخرجت ،مسكت منها ود الشنطه ونزلت دموعها
-مش هتمشي ياملك😭
-سبيني ياود مش هفضل دقيقة تاني
وقف قدامها أحمد
-مش أنتي اللي المفروض تمشي ياملك
-اومال اي هتمشي انت؟
-ولا انا هقدر امشي
-يعني أي؟
وطي صوته وقرب منها
-خليكي ياملك ووعد مني مفيش اي حاجه من دي هتحصل بس خليكي لأن ود محتجالك وأنا كمان محتاجلك في كام حاجه هعملها.
بصت لود وكانت منهارة من العياط ،حست بجد انها محتجالها فقررت تستنى عشانها وعشان وعد أحمد ليها
-طيب يا أحمد
**
تاني يوم فالشركة ، كان قاعد فمكتبه مخنوق ،بيحاول يفهم اي اللي بيحصل وليه أحمد اتغير كدا ،دق الباب وكانت مدام اميرة
-استاذ علي
-نعم يامدام أميرة
-الاستاذ أحمد برة ومعاه بنت وبيستأذن حضرتك يدخل
-أحمد مين؟
-ابن عمك يافندم
-ومن امتي ابن عمي بيستأذن عشان يدخل مكتبه ،دخليه فورا
خرجت وطلبت منه يدخل ، دخل وهو مكسوف ومش عارف يقول اي
بس علي كان متعصب علي الأخر
-من امتي بتستأذن عشان تدخل شركتك ولا مكتبك يا استاذ أحمد ولا اقولك يا آدم؟
-أهدي واسمعني ياعلي
-اسمع اي بس يا أحمد دا انا من امبارح هتجنن لدرجه اني كل شوية اسأل نفسي ياترى اللي شوفته كان احمد بجد ولا واحد تاني وبجري علي صورتك عشان أتأكد
-طيب اهدأ
بدأ أحمد يحكيله كل حاجه حصلت بالتفصيل
-انت اتجننت يا أحمد ،صح؟ ازاي توافق ،يعني اي تتنازل عن اسمك وحياتك كلها؟
-عشان تحبني ياعلي ،عشان اقدر اعيش معاها وتحبني وتغفر ذنبي اللي ارتكبته فحق ابنها ولما تحبني وتشوفني بتعذب هي نفسها هتقولي ارجع لحياتك ، عايز اكسب رضاها ياعلي ،تعبت من عذاب الضمير والكوابيس ،أنا من يوم وفاة آدم منمتش مرتاح غير لما دخلت بيتها وسامحتني ، حبيت طعم النوم والله .
-بس شكلها قاسيه اوووي يا أحمد والموضوع هيطول
-بيتهيألك ، قسوتها دي أكبر دليل علي طيبة قلبها ، الشخص القاسي من بره اعرف ان طيبة الدنيا جواه ، بس أنا محتاج مساعدتك ياعلي.
-في أي؟
-مصطفى
-ماله؟
-عايز اعرف تمنه كام؟
-قصدك تمن طلاق ود
-كويس انك فهمتني
-بتحبها اوووي كدا يا أحمد؟
-فوق ماتتصور ياعلي
-طيب سيبلي موضوع مصطفي وانا هعرف أظبطه
-فيه حاجه تاني
-اي كمان؟
نادى علي ملك من بره ، فدخلت بصلها علي بضيق كأنه مش طايقها ولا هي كمان
-دي الانسه ملك بنت عم ود وخطيبة آدم الله يرحمه
-اهلا وسهلا
-ملك هتمسك شغل الشركه مكاني من بكره وأنا فهمتها كل حاجه لأني المول هياخد كل وقتي لحد مايرجع عمر
-اوك يا أحمد
-طيب هنمشي دلوقت وهسيبلك موضوع مصطفى
-اوك متقلقش
-سلام
مشي هو وملك وكملوا كلامهم فالطريق
-اي الخطة التانيه يا أحمد؟
-الخطة التانية هي ود ياملك ، لازم احاول اقربها من مامتها الفترة الجايه ،ود محتاجه حضنها اوووى وده اللي هحاول اعمله
-وموضوع خطوبتنا ده؟
-هتقوليلها انك محتاجه وقت اكتر عشان تعرفيني كويس وفي الوقت ده هنكون حلينا كل شيء ياملك وكمان هتفهميها انك بتنزلي معانا المول كل يوم مش الشركه
-حاضر
-يلا وصلنا ،اطلعي انتي وهحصلك
-اوك
**
#شيماء_عبدالحميد
**
-مش شايفه اننا بعدنا اووووي عن بعض الفترة دي
-انتي اللي بعدتي ياود
-كان لازم تقربي لما تلاقيني ببعد ياحور ،مينفعش احنا الاتنين نفضل نبعد كدا وإلا هنلاقي نفسنا بعدنا اوووي ومش عارفين نرجع تاني ،لازم اي اتنين صحاب يكونوا كدا ،لما واحد يبعد التاني يقرب
حضنتها وفضلت تعيط
-أنا أسفه ،حقك عليا ياود🐽😭
-مالك ياحور ،في اي؟
-وحشني اوووى ياود ،وحشني اووي
-هو مين؟
-عمر
-عمر! ، انتي مش بتحبي أحمد
-عمري ماحبيت أحمد غير كصديق وبس ، افتكرت اني بحبه لكن طلعت غلطانه ،كنت شايفه فيه صفات فارس الاحلام اللي اي بنت بتتمناها فأنجذبت له ، لكن محبتهوش ،اكتشفت اني بحب عمر وبحبه اوووووي كمان
-بجد ياحور؟
-أيوة ياود بجد وقلبي واجعني اووووي علي بعاده
-هيرجع ياحور ،هيرجع لأنه بيحبك ،أنا شوفت ده فعيونه
-بجد هيرجع ياود؟
-هيرجع ياحور
مسحت دموعها وهديت شويه فقامت ود عشان تمشي
-لازم امشي بقا اتأخرت
اتحركت خطوتين فنادت عليها
-علي فكرة ياود أحمد بيحبك اووووي وشوفت ده فعيونه كمان
-عارفه ياحور ،ادعيلي بس اتطلق من مصطفى
-هدعيلك
-يلا سلام
**
- ٣ مليون قصاد طلاق ود
-مش اخلاقك دي ياعلي
-بس طريقتك يامصطفي فخلينا نتعامل بالطريقة اللي تفهمها
-انت فاكر انك تقدر تشتري اي حاجه بالفلوس
-أنا فاهمك يامصطفى وفاهم انك من زمان بتغير مننا عشان الفلوس
اتعصب جامد ووقف
-غلطان يا استاذ علي وفلوسك كلها متشتريش مراتي مني
-نقول ٥ مليون طيب؟
اتفاجأ بالمبلغ وسكت خالص ، ابتسم علي وعرف انه المبلغ اغراه وبدأ يفكر
-هسيبك تفكر براحتك المبلغ حلو وممكن تفتح بيه شركه صغيرة علي قدك وعربية حلوة كمان
فكر وهستنى اسمع منك معاد الطلاق امتى؟
سابه علي وخرج فقعد علي مكتبه وبدأ يفكر وكأنه مذهول من العرض
**
#شيماء_عبدالحميد
**
وصل شركة علي وكان بيحاول يدور عليها فراح للسكرتيرة
-صباح الخير
-صباح الن......... ،استاذ حسام؟
-هو علي موجود؟
-فمكتبه يافندم
-طيب هو فيه هنا واحده اسمها رؤية جاتلي فاجتماع الاسبوع اللي فات
-أيوة يافندم ،حضرتك دي الانسه رؤية تبع قسم الماليات فالشركه
-طيب هي موجودة دلوقت؟
-لأ هي لسه مجتش
-طيب هدخل لعلي
دق الباب ودخل فوقف علي وسلم عليه
-وانا أقول الشركة نورت ليه فجأه.
قطعت الكهربا ففصل التكييف ، فبص علي على التكييف ورجع بص لحسام وضحك
-شوفت من قوة نورك الكهربا قطعت ازاي ،قالت كفايه نور حسام ومليش لزوم
-هههههههههه ،طبعا يابني هو انا شوية
-اي سبب الزيارة اللطيفه دي بقا هي مش رؤيه سلمتك الملف وفهمتك الامور هتمشي أزاي؟
-اي يابني المجنونه اللي باعتهالي دي؟
-مالها؟
-دي أجن مني انا شخصيا ، البنت حد قالها انها رايحه تقابل وحش مش بني آدم
-ههههههه ،يؤسفني اقولك أن ده اللي معروف عنك فشركتي
-ما أنا عرفت واتصدمت
-صحيح ريناد عامله اي؟
-هقولك اي بس ياعلي من وقت ما الزباله ده اتهجم عليها وهي فحالة تانيه خالص ،حالتها النفسيه منهاره وطول الوقت عصبيه
-معلش مع الوقت هتنسى
-اتمني تنسي ،الزباله ده لو اشوفه تاني بس مش هرحمه
-تشوفه اي بس يابني انتي رميته من الرابع ونزل متدشدش
-ياريتني قتلته
-طيب اهدا
-احمد فين صحيح ليا فترة مشفتهوش ووحشني ده غير انه بطل يسأل علي ريناد كمان.
-أحمد في دوامة الدنيا ياصاحبي
-يبقا ندعيله يطلع منها علي خير بقا
-صح
خلصوا كلامهم وخرج حسام وسأل مدام أميرة
-لسه مجتش؟
-لسه يافندم
-طيب ممكن لما تيجي تبلغيها رساله؟
-خير
-بلغيها ان فيه حاجه مهمه ووقعت منها فمكتبي ولازم تيجي تاخدها ضرورى
-تمام يافندم هبلغها
-شكرا
**
كانت قاعدة فالمكتب بتبص لكل شئ باستغراب ،أول مره تقعد في مكان زي ده ،حاسه بالخوف والقلق من المسؤلية بس ده الحل الوحيد عشان تشغل نفسها وتبطل تفكر في كل اللي بيتعبها ،دق باب المكتب فاتخضت
-ادخل ولا مشغولة
-اتفضل يا استاذ علي
-مالك اتخضيتي كدا ليه؟ كنتي سرحانه صح؟
-حاجه زي كدا
-آدم ؟
-ايوة
-كنتي بتحبيه؟
-معرفتش معني كلمة حب غير معاه
-أنا كمان كنت خاطب وكنت بحبها بس مقدرتش الحب ده للاسف ، وكمان متحملتش طبعي ،من طبعي مبعرفش اركز في اي حاجه غير شغلي وبس وتقريبا شغلي واخد كل وقتي
-ده سبب عشان تسيبك؟
-ده بيضايق اي بنت
-لو بتحبك لأ
-يبقا للأسف محبتنيش
-ربنا يعوضك بالاحسن منها
-ياااااارب ،المهم بقا أنا جاي اقولك لو فيه حاجه مش فهماها اطلبيني
-اوك
اتحرك ومشي وبعدها وقف وبصلها
-أنا أسف علي فكرة
-محصلش شيء للأسف
-لأ أنا بعتذر عن اللي حصل امبارح لأني سواء وقعتها او لأ كان المفروض ألمها واعتذر😃
-ولا يهمك وانا كمان اسفه علي اسلوبي
-كدا متساويين 😃
الباب اتفتح فجأه ودخلت ميار
-اي اللطافه اللي نزلت عليك فجأه دي؟
-انتي اي اللي جابك هنا
-كنت جايه اعتذر واقولك نرجع بس واضح اني كنت غلطانه وعينيك هتفضل زايغه
-زايغه ؟ هو أنا كنت ببص عليكي لما هبص علي غيرك يابنتي.
بصت لملك بشكل وقح
-ودي السلعه الجديدة اللي هتشتريها بعد ود ،صح؟
فقد أعصابه ، ومسكها من دراعها وشدها لبره المكتب
-اطلعي بره ،يلا براااه
رجع وشاف ملك بتبكي طلع منديل من جيب الجاكت بتاعه ومديهولها
-انا اسف جدا علي اللي حصل
-أنا مش سلعه بتشترى يا استاذ علي ولا ود كمان كدا
-أنا عارف والله ود من افضل الناس اللي كانت بتشتغل هنا وواضح ان حضرتك في نفس اخلاقها أنا اسف بجد
-هي دي خطيبتك؟
-للأسف
-علي فكرة انت ربنا بيحبك عشان سبتها
-ههههههه واضح جدا
**
بدأ يحاول يجمع بين ود ووالدتها ويقربهم من بعض وبدأ يستخدم حيله وخططه وملك كانت بتساعده ،بيقضوا طول اليوم شغل فالمول هو وود وحور وملك بتكون فالشركه بيستنوها وبيرجعوا البيت سوا عشان الام متحسش بحاجه
-امي
-نعم ياحبيبي
-مش شايفه ان طريقتك مع ود حاده شويه
-شايفه
-طيب اي السبب؟
عشان مش عيزاها تعيش اللي أنا عشته يابني
-مش فاهم
-امي كانت بتحبني اووووى وكانت طول الوقت بتدلعني وحنينه عليا والنتيجه اني بقيت ضعيفه مش قادرة أواجه الدنيا ولا اقف في وشها ،جوزوني غصب عني وانا صغيرة ، شوفت معاه العذاب ،كل يوم ضرب وأهانه واللي كان مصبرني ولادي أنت وود ، قررت انها متدقش اللي انا دوقته قررت ابقا قاسيه معاها عشان تطلع قوية وتقف قدام الدنيا ومتخفش ،عشان تعيش صلبه ومتسبش الزمن يحنيها ،قررت أبعدها عن حضني عشان تقسي علي الكل ،الحضن بيزرع الطيبة والحنيه والضعف وانا كنت ببعدها عنه عشان ميتزرعش جواها غير القوة وبس ،فضلت ابعدها عن حضني عشان كدا ،اللي أنا دوقته مع ابوها مكنش سهل
ومكنتش بقدر أرفع صوتي وأقف قصاده ، قررت ازرع جواها القسوة عشان مفيش راجل يكسرها وتقدر تقف قصاد الكل ومتتهانش ولا تتكسر
-طب وآدم؟
-أنت آدم
-قصدي ليه حضنك كان ليا وبس ،ليه عاملتيني بعكس ود؟
-عشان متمنتش ست تدوق اللي أنا دوقته ، خدتك في حضني عشان يتزرع جواك الحب والحنيه وتكون حنين مع مراتك ومتقساش عليها ولا تكسرها ، كنت بزرع جواك اللي اتمنيت يكون فأبوك .
-بس أنتي كدا فاهمه الحياة غلط
-لأن الحياة متتفهمش غير كدا يا آدم
-بالعكس يا أمي ،البنت هي اللي لازم يتزرع جواها كل ده عشان تزرعه فولادها ، مش معني أن قدرك وقعك في واحد بالشكل ده يبقا كل الرجاله بالشكل ده وتحاولي تفهمي بنتك كدا .
أنتي حرمتيها من أكتر شيء هي محتجاه ،حضنك ،معني انها تفقد حضنك انها فقدت الأمان ومعني انها فقدت الأمان يبقا خسرت راحتها ومش هتعرف تنام يوم وهي مستريحه ،أسأليني أنا جربت كل ده ، انتي القدر ظلمك فمتظلميش غيرك.
-أنا ظالمه يا آدم؟
اتعصبت فجأه فقام من جمبها
-مين الكلب اللي قال كدا ،دا انتي أعدل واحدة شوفتها في حياتي برضو ده كلام يتقال
