رواية ابن السلطان الفصل الحادي عشر 11 كاملة بقلم روما

ابن السلطان

احمد.. ايه دا مريم

خالد.. ايه دا انتو تعرفو بعض

نظرات الكل بين احمد ومريم فى انتظار رد

مريم.. عن اذنكم انا عند طنط يافرح

،، خرجت مريم خرج أحمد ورائها مسرعا استأذنت فرح من خالد لتذهب لكن أوقفها على،،

على.. لو سمحتى يافرح ممكن تستنى

خالد شعر بغيره من طلب على

خالد.. فى ايه ياعلى

فرح.. ليه

على.. أحمد معجب بجد بصاحبتك وهو جد فى طلبها للجواز اعطيهم فرصة

فرح بصدمه.. هو دا أحمد

خالد.. أنتى تعرفيه منين

فرح.. أبدا مريم حكت عنه،، وجهت نظرها ل على،، انت اللى ممكن تعقل صاحبك وتقوله يبعد عن مريم لان حتى لو هو جد دا عمره ماهيحصل ابدا وانت فاهم كويس ليه

،،اثناء خروج مريم اندفع احمد ورائها،،

أحمد.. استنى يامريم ارجوكى اسمعينى

مريم بغيظ وغضب صوتها من بين اسنانها.. بطل بقى حركاتك دى انت ايه مفيش اى اعتبار لحد ولا لمكان ولا للى قدامك كل اللى يهمك تقف تقول اللى انت عاوزه

،، أحمد ينظر لها بابتسامه كأنه أول مره يرى فتاة ماهذا الجمال ماهذه الأخلاق ولكنه فاق على انصرافها

أحمد.. طب بس هقولك اخر كلام

مريم.. يووووه تانى قول اتفضل

أحمد.. لو رحت قابلت والدك هتوافقى اعطينى بس اى اشاره وانا والله مش بلعب بيكى

مريم.. هو انت مش قادر تفهم مروه دى عندى ايه انت لو أخر راجل فى الدنيا مش هيحصل

احمد.. ياستى أنا مش بحب مروه افهمى

،، قال جملته الأخيره عند اقتراب مروه التى رأتهم اقتربت لتسمع جملته الاخيره فقط،،

مروه.. الله الله ياست مريم هو دا اللى بتنصحينى ابعد عنه علشان تقربى انتى

مريم.. ايه اللى انتى بتقوليه دا

احمد.. مروه ماينفعش كدا اتفضلى دلوقت

مروه بانفعال.. انت تسكت خالص بقى تقول مش بتحبنى علشان تراضيها

مريم.. انتى مش فاهمه حاجه يامروه

،، شعر أحمد بخوف مريم وقلقها وأنها لا تستحق أن تكون فى مثل هذا الموقف،،

أحمد.. مريم اتفضلى انتى امشى

مريم.. وانت مالك أمشى ولا لا مروه تعالى معايا أنا هفهمك

مروه.. ابعدى عنى بقى لسه عاوزه تقولى ايه تانى قعدتى تعملى فيها اختى وصاحبتى وخايفه عليا وتنصحينى أبعد عنه علشان تاخديه انتى اول مره احساسى يطلع صح طول عمرك غيرانه منى وهتموتى وتبقى زيى

،، دموع مريم خانتها وهبطت ولكنها كانت كالسكين فى قلب أحمد ود وقتها لو يستطيع مسح دموعها ومحو مروه من أمامها كان يعلم ما سيجعل مروه تتحرك لذلك نطق

احمد.. مروه خلص الكلام اتفضلى معايا على تحت والا مش هتشوفى وشي تانى

،، كان لابد لمروه أن تركن كرامتها جانبا فأكثر ما تخافه هو خسارة أحمد لذلك تحركت معه اثناء خروج فرح

فرح.. ايه يامريم فى ايه بتعيطى ليه الواد دا ضايقك

،، انهارت مريم فى حضن فرح

،،،، ــــــــــــ،،،، ــــــــــــ،،

خالد.. خلاص فهمت بس الواد دا غبى اوى مش لاقى غير دى بنت بالشخصيه دى هتعتبر نفسها بتخون صاحبتها وحتى لو بتموت فيه مش هتوافق

على.. ما دا اللى قولته له بس تقول ايه بقى غبى

خالد.. طب انا هقوم بقى اروح اخد شاور واغير واجيلك

على بنظرة ترجى.. هتكلمه ياخالد

خالد مبتسما.. ماتقلقش ياعلى هكلمه

،،،، ــــــــــ،،،

مروه..ها يا احمد جينا الكافيه زى ماقولت وشربت الليمون وهديت عاوز تقول ايه

أحمد..احم احم بصى يامروه احنا كنا مرتبطين

مروه.. كنا !!

أحمد..ارجوكى خلينى أكمل انا مكنتش عاوز أخد خطوه رسمى معاكى غير لما اتأكد الأول من حقيقة مشاعرى اتجاهك واتاكدت انك بالنسبه لى اخت او صديقه لكن حب لا

مروه.. طبعا انا اخت او صديقه دلوقت لان طبعا فى حد جديد هيدخل خانة الحب ست مريم هانم عرفت تلعب عليك وتجيبك وفهمتك طبعا انى وحشه وما انفعش تحبنى

.. لا لا مريم ملهاش علاقه بانى اقولك الكلام دا انا مش هنكر انى أعجبت بمريم بس دا اكيد لو بحبك مش هشوف غيرك لكن انا اتاكدت انى مش بحبك غير اخت او صديقه

.. احمد فوق انا مروه انا حبيبتك

.. مروه ارجوكى ماتضغطيش عليا كفايه لو سمحتى

.. احمد انت بتحبنى وانا بحبك سيبك من مريم دى معقده ومش كويسه خالص

.. لو سمحتى يامروه ماتغلطيش فيها

.. يااااه للدرجه دى انا هغرف ازاى اخليك ترجع تانى لحبك الحقيقى انا وهى شغلها معايا

.. مروه انا بحذرك اوعى تغلطى فى مريم او تأذيها

،، انصرفت مروه دون نطق،،،

،،، ــــــــــــــ،،، ــــــــــــــ،،

على باب غرفة سلمى طرقات من خالد

سلمى.. ادخل

خالد.. ممكن نتكلمو شويه

سلمى.. اكيد

،، دخل جلس بجوارها نظراتها كلها حيره وقلق تريد الاطمئنان فهم خالد ما تود قوله نطق دون سؤال منها،،

خالد.. على الحمد لله كويس

تنهدت سلمى.. الحمدلله انا اسفه ان انا جيت المستشفى

خالد.. واضح ان تيته نعمه معاها حق احنا لازم نقرب من بعض اكتر من كدا المفروض انك تقولى جيتى ليه مش تعتذرى انك جيتى ياسلمى

.. انا بس قلقت عليه عامض

.. امممم على اخوكى برضو عامة انا فاتحت بابا واقنعته بفترة خطوبة مؤقته

،،، مر الوقت تعرفت سلمى على فرح و استمرت فى الذهاب لها كل يوم لتطمئن على والدتها وعلى على مر اسبوع كل يوم يتجمع كل من خالد وسلمى وفرح ومريم وعلى احيانا فى غرفة فاديه وعندما ينضم لهم احمد تنصرف مريم سريعا ازداد تعلق احمد بها سريعا وازداد كره مروه لها أما هى كل ما يشغل تفكيرها هى مروه لم تفكر للحظه أن تميل لأحمد وجاء يوم كتب الكتاب،،

خالد.. انتى زعلانه ان احنا هنعمله فى الفيلا

فرح.. لا ابدا مش فارقه

خالد.. احنا كنا هنعمله عندكم بس النهارده خطوبة سلمى كمان قولنا تبقى حفلة واحده

فرح.. ربنا يفرحها وبعدين احنا كدا كدا وضعنا مؤقت مجرد مسلسل بنعمله هى اللى من حقها الفرحه

،، كانت تود لو ينطق ويخبرها بأنه ايضا سعيد لكن حديثها لم يعطى له فرصه،،

خالد.. معاكى حق وصلنا خلاص البيوتى سنتر سلمى منتظراكى جوا هروح اجهز واجيلكم بالليل

،،، ـــــــــــ،،، ــــــــــــــ،،،

مريم.. ارجوكى يامروه قومى نروح

مروه.. انتى يابنتى ليه مصممه كل شويه اقولك ابعدى عنى

.. انتى عارفه ان احنا اقرب اتنين لفرح ولازم نكون جنبها

... اطمنى هى مش محتاجه حد جنبها دى وقعت واقفه واهى شدتك معاها اهى وظبطت لك مع احمد

.. بطلى بقى اسلوبك دا قولت لك استحاله ابص له انتى الاقرب لى يامروه اوعى تهدى اللى بينا كله

.. بسسسس انا مش هعيد معاكى نفس الحوار انا هقوم ألبس

.. بجد هتيجر معايا

.. لاء يامريم هروح لوحدى علشان ارجع احمد ليا تانى مش علشانك

مريم بحزن.. اللى يريحك ربنا يهديكى

،،، ــــــــــــــ،،، ــــــــــــــ،،،

على.. وحياة ابوك ياخالد دا شكل بدله احضر فيها خطوبتى

خالد.. مالها يابنى

على.. هو ابوك بيعمل فينا كدا ليه ياعم انا مش عاوز منه هدايا

خالد.. اسكت بدل مايرجع فى كلامه

على.. لا ياعم على ايه

خالد.. ودا ماله دا قاعد زى المطلقه كدا ليه انت يابنى احمد احممممد

احمد.. هاه نعم فى ايه

خالد.. لا انت مش معانا خالص

على.. سيبه فى حاله ياعم

، اقترب خالد منه ووضع يده على كتفه،،

خالد.. خلاص بقى يااحمد مفيش ليك نصيب فيها شوف غيرها

احمد.. ياريت كنت اقدر

على.. لا لا لا مش طالبه نكد النهارده اهى شويه وهتبقى فى الحفله قوم اخطفها ولا اعمل اى حاجه بس ما تقعدش كدا وتنكد عليا

احمد مبتسما.. مبروك ياعلى ربنا يكملكم على خير انتو الاتنين

على.. عقبالك ياابوحميد

خالد.. عقبالك وهخلى ابويا هو اللى يجيب لك بدلة فرحك

،،،ــــــــــــ،،،،ـــــــــ،،،

عند البيوتى سنتر

خالد.. انت رايح فين ياعلى

على.. داخل اجيب سلمى

خالد.. انت خلاص كدا مفيش احترام للكبير

على.. اسفين يا باشا اتفضل

،، دخل خالد لتاخذه المسؤله لسلمى اولا،،

خالد.. ما شاءالله ياسلمى زى القمر ياحبيبتى خساره فى الواد دا

سلمى.. ربنا يخليك ليا ياحبيبى

،، اخذها خالد وخرج بها لعلى،،

على.. ايه دا ايه القمر دا انا بحلم صح

خالد.. خساره فيك

على.. اركن انت دلوقت.

،، اخذها على للسياره وانطلق بهم السائقةللفيلا،،

دخل خالد مره اخرى ليأخذ فرح لكنه عندما رآها لم ينطق ظل ينظر لها مبتسما منبهرا بجمالها ورقة فستانها ورقة ملامحها كادت ان تنصهر فرح خجلا من نظرته فبدأت هى بالحديث،،

فرح...احم ممكن نخرج

خالد.. انتى ازاى كدا

فرح.. كدا اللى هو ايه

،، كان على وشك نطقها انها اجمل من رأى انه لم يشعر بسعاده مثل هذه من قبل ان قلبه لم يدق بهذا الشكل من قبل لكن كالعاده خوفه مما هو قادم ألجمه ليبتسم لها قائلا .. ولا حاجه يلا بينا السواق برا،،

بعد كتب كتاب فرح وخالد ومباركة الكل لهم استمرت الحفله فى حضور الاهل والاصدقاء وساد جو من الالفه لكنه لم يخلو من بعض نظرات الحقد والكره.. مريم بجوار فرح احمد لم يرفع نظره عنها اقتربت مروه منه،،

مروه.. ازيك يااحمد

احمد.. اهلا وسهلا ازيك انتى

مروه.. انا تمام وحشتنى يااحمد

احمد.. هاه اه ربنا يخليكى عن اذنك

مروه محدثة نفسها.. ماشي يااحمد ماشى يامريم انا هوريكى

،، كانت ميار صديقة سلمى تنظر لها بحقد وكره وكان هناك من يتابع نظرتها واقترب منها

ولاء.. ايه يابنتى عينك هتولع فيهم

ميار.. عادى فرحانه لهم

ولاء.. عليا انا الكلام دا دا انا ولاء

ميار.. طول عمر سلمى دى محظوظه مولوده فى بوقها معلقه دهب طول عمرها ابوها مهنيها ومدلعها ويوم ما تتجوز تاخد واحد هيموت عليها وفى كل المواصفات اللى اى بنت تتمناها

ولاء.. اوبااا كل دا وفرحانه لها اومال لو زعلانه كنتى قولتى ايه

ميار.. اطلعى من دماغى عمرك ما هتحسي باللى جوايا

ولاؤ.. انا اكتر واحده تحس بيكى دلوقت انا جوايا وجع يكفى بلاد

ميار.. ليه انتى كمان

ولاء وعيونها على خالد.. النهارده قلبى بيتكسر قدامى مليون حته وجع لا يداويه طب ولا بشر

ميار... لاااااا دا انتى حكايتك حكايه

... ــــــــــــــ،،،، ـــــــــــــــ...

على.. حاسس انى بحلم ياسلمى

سلمى.. متشكره

على.. لا متشكره ايه انا مش خاطب علشان تقولى متشكره

سلمى بخجل.. اومال اقول ايه

على.. قولى اى حاجه قولى بحبك ياعلى مثلا

سلمى.. بص النهارده فرح فهمتنى حاجه مهمه

على.. ايه خير

سلمى.. ان الخطوبه لازم يبقى فيها حدود يعنى ماينفعش نقعد لوحدنا ولا نقول كلام رومانسيه دا ولا نخرج سوا ولا اى حاجه من دى

على... نععععععم

،،،،، ــــــــــــــ،،،، ــــــــــــــ،،،،،

خالد.. مالك مضايقه من ايه

فرح.. ابدا انا بس متوتره وقلقانه وخايفه

خالد.. ايه دا ليه كل دا

فرح.. مش عارفه اوضح فى اسباب كتير ومتلغبطه من جوايا

خالد .. ممكن اقولك حاجه

فرح.. اتفضل

خالد.. مش قادر امنع نفسى من انى اقولك انك زى القمر

،، عيون فرح اتسعت لم تعد تقدر علة المقاومه اكثر انسحبت من امامه سريعا ابتسم خالد لخجلها وذهب ليرى والده،،

،،،، ـــــــــــــــ،،،، ـــــــــــــــــ،،،،

مريم.. معلش بقى يافرح لازم أمشى الوقت اتأخر

فرح.. خلاص ياروحى ولا يهمك انا كويسه ما تقلقيش هتروحى مع مروه ولت رفضت برضو

مريم.. لا رفضت

فرح.. طب خلى بالك من نفسك

انصرفت مريم خارج الفيلا رآها احمد انصرف ورائها لكنه لم يعلم أنه كان مراقب من مروه التى انصرفت خلفهم،،