أخر الاخبار

رواية احببته وتزوجت اخيه الجزء العاشر 10 كاملة


رواية احببته وتزوجت اخيه الجزء العاشر 10 كاملة 





يوسف راح عند مصطفى: مينفعش اللى انت بتعمله دا ع فكره ايه مالك كدا اللى يشوف اللى انت بتعمله دا يقول انك بتكرها
مصطفى بخنقه: يعنى مش شايف طريقتها ف الكلام عامله ازاى
يوسف: ع فكره حقها دى طريقه اصلا تتقدملها بيها طريقتك زى الزفت اومال لو مكنتش قصه حب خرافيه بقى وكان نفسك تبقى معاك كنت عملت ايه ، أهدى كدا انت غلط ف طلبك اصلا انتو متفقين اه بس برضو تراعى برضو هى عاوزه ايه مش دى حبيبه القلب ايه بقى مالك كدا
مصطفى بيقول لنفسه: اه لو تعرف اللى انا حاسس بيه مطلعتش حبيبه القلب اقولك ازاى أن صاحبك طلع عبيط وبيضحك عليه
يوسف: ايه سرحان ف ايه بقى ، تعال بقى راضيها مينفعش منك كدا دا صوت عياطها طالع بره الكافيه
مصطفى بتردد وغضب كاتمه جواه: طيب

دخل مصطفى ويوسف الكافيه، حبيبه قاعده ع الكرسى منهاره من العياط ومنى واقفه تهدى فيها
منى: خلاص بقى ى حبيبه علشان خاطر نفسك والله ما تزعلى نفسك كدا هو غلطان وانتى كمان ردك كان سريع
حبيبه بعياط ومش قادره تتكلم : ي..يعنى ..أأنا..قولت.ل..لدا علشان يعمل كدا
مصطفى ويوسف واقفين وراهم وسامعين كلامهم
يوسف بص لمصطفى وهمسله: ايه اتحرك روحلها
مصطفى مش قادر يروح نحيتها شيطانه خلاص غلبه وفهمه انها بتخونه ،صوت جواه لا لازم مش تحسسها بحاجه لحد ما تشوف هتعمل فيها ايه
مصطفى قرب منها وركع ع رجليه ورفع وشها بأيديه : أنا آسف مش قصدى ازعلك انتى عارفه أن انا بحبك ومقدرش ع زعلك بس انت عصبتينى بردك عليا حسيت انك مش عوزانى
حبيبه ومن غير ولا كلمه وبنهنه حضنته جااامد : لا طبعا مش صح اللى قولته دا
يوسف: بص لمنى وقال لنفسه: والنبى نفسى ف حضن زى دا منك بس انتى ممكن تفضحينى فيها بس هانت هههههه
مصطفى : خلاص ى بيبه حصل خير بس انا مش هرجع ف طلبى بس هسيبك تفكرى
حبيبه اتنهدت جااامد وهزت رأسها
يوسف : احم ايه كفايه احضان راعو أن فيه ناس واقفه نفسها ف حضن
منى : اتكلم عن نفسك
يوسف: بس ى بت انتى نفسك اصلا
مصطفى: خلاص بقى بطلو مناقره ف بعض، روح منى ى يوسف وانا هاخد حبيبه واروح

*******
#عند منى ويوسف
منى : لولا بس أن الوقت متأخر مكنتش رضيت اروح معاك نهائي
يوسف : استغفر الله العظيم ، ى بنتى هو انتى لو مطولتيش لسانك تموتى ولا ايه
منى : بعد الشر أن شاله اللى يكرهنى
يوسف بيغمزلها: دا اللى يكرهك بقى
منى بدارى ضحكتها: بس انا عاوزه أسألك ع حاجه
يوسف: ايه الادب دا كله ، أسألى
منى : مؤدبه غصب عنك طبعا ، هو مصطفى مالو كدا متغير اوى مع حبيبه وع طول خناق
يوسف: مش عارف والله بالذات الاجازه دى جاى صعب اوى وشادد أعصابه ع طول
منى : ع فكره كدا حرام هى مش مجبوره تتحمله
يوسف: هقولك ايه مش بتحسى ، مجبوره طبعا عارفه ليه
منى : ليه ى فكيك
يوسف قرب منها وهمسلها جنب ودنها: اصلها بتحبه،عارفه يعنى ايه حب
منى بعدت عنه وبأرتباك ع كسفوف : لا معرفش ومش عاوزه نزلنى بقى خلاص وصلت
يوسف: انزلى ، هقولك ايه البعيده جبله ههههههههه

**********
#عند مصطفى وحبيبه
مصطفى: ى حبيبتى انا شقتى جاهزه وعندى شغلى وانتى كمان هتبقى معايا وهتكملى ايه المانع بقى ف كدا
حبيبه: انا عاوزه اكمل دراستي الاول وبعدين شايفه أنه لسه بدرى
مصطفى بيكلم نفسه خلاص مش محتاجه كلام ومش محتاجه تأكدى ليا كل شويه انا عرفت اللى فيها والله لهتندمى ى حبيبه وهتجوزك غصب عنك
حبيبه: سرحان برضو ومش بترد
مصطفى : اللى فيه الخير يقدمه ربنا
حبيبه : ونعم بالله

#ف بيت حبيبه

حبيبه :بس ى ماما دا اللى حصل
امينه : انا مستغرابه والله ليه مستعجل كدا لسه انتو الاتنين بتدرسو
حبيبه: مش عارفه ى ماما ، انا بقيت استغربه اوى ى ماما اتغير اوووى مش عارفه ليه كدا
امينه : يمكن من ضغط الكليه وكدا معلشى ى حبيبتى مدام بتحبيه لازم تتحمليه صح ولا ايه
حبيبه: صح انا هنام بقى علشان عندى محاضرات بدرى

*********
#تانى يوم ف الكليه
الدكتور : مفهوم ى باش مهندسين اللى عنده حد بقى ف المجال دا يقدر يستشيره وطبعا كل فريق مع بعضه

التيم بتاع حبيبه

: ها ى جماعه حد فيكو يعرف حد يقدر ينفعنا ف الموضوع دا
حبيبه: انا اعرف شخص واكيد مش هيتأخر عن مساعدتنا
: خلاص تمام تكلميه ولو امكن ييجى بكره هنا ويقعد معانا يفهمنا كلنا
فون حبيبه بيرن :بعد اذنكو ، الو حبيبى
مصطفى: اومال انتى فين كدا ،
حبيبه: انا ف الكليه وشويه وهخرج
مصطفى: طب اعدى عليكى نخرج
حبيبه: معلشى ى حبيبى بس مشغوله ورايا مش ضرورى
مصطفى بشك: طب تمام ، وقفل هيكون وراها ايه
حبيبه: ايوه ى ماما معلشى تعرفى تجبيلى رقم احمد ابن طنط خديجه عوزاه ضرورى
امينه : اه كان معايا مامته كانت كلمتنى منه هبعتهولك
حبيبه: والله انت احلى ماما ف الدنيا

#بعد نص ساعه

خرجت حبيبه من الكليه وطبعا مصطفى كان بيراقبها وصلت لكافيه وأحمد كان منتظرها دخلت وسلمت عليه وقعدت
مصطفى طبعا واقف وشايف كل حاجه : وصلت بيكى لكدا تخونينى ع الملأ حتى مش همك وجودى
مصطفى كان ف قمه غضبه وحيات امى لاوريكى مشى بعربيته لحد ما وصل البيت

مصطفى بصوت عالى: ماما انتى فين
خديجه: ايه ى مصطفى صوتك عالى كدا ليه
مصطفى: ماما انا عاوز اتجوز
خديجه: تتجوز مره واحده ههههههه
مصطفى : انا مبهزرش ى ماما انا عاوز اتجوز
احمد دخل ع كلامهم : ايه خير صوتك عالى ليه
خديجه : مصطفى عاوز يتجوز ى احمد
احمد: هههههههه والله عال هتتجوز قبلى
مصطفى : والله مش مشكلتى انك عاوز تقضيها مقابلات
احمد باستغراب: قصدك ايه
مصطفى : لا متشغلش بالك ، بص لاحمد ورفع حاجبه وقال
ماما انا عاوز اتجوز حبيبه بنت عم محمد جارنا
خديجه : بنت محترمه واهلها من احسن الناس بس ليه مستعجل كدا عارفه ى ابنى انك جاهز والشقه موجوده بس لسه بتدرس تخطب حتى ع اما تخلص الكليه
مصطفى : والله دى مشكلتى انا
احمد: اتكلم مع امك كويس
مصطفى: وانت مالك متعصب ليه كدا أهدى كدا
احمد: انت بتتكلم كدا ليه وكل كلامك حاسس انك بتلقح ع حاجه
مصطفى مسك ايدين مامته وبعدها: انا اسف انا بس مخنوق شويه ممكن يعنى نروح ونتقدم واللى فيه الخير يقدمه ربنا
خديجه: انا عمرى ما ازعل منك ى حبيبى ابدااا ، ع العموم الف مبروك مقدما
مصطفى باس ايدين مامته: الله يبارك فيكى ى خوخه

خديجه بتكلم امينه : بكره باذن الله عرفى الاستاذ محمد هنييجى نقعد معاكو كدا قاعده حلوه
امينه تنورى ى حبيبتى ف اى وقت

#تانى يوم ف بيت حبيبه
الباب بيخبط
محمد: ى اهلا ى اهلا اتفضلو
دخلو وقعدو، منورين والله ازيك ى احمد عامل ايه ف شغلك
احمد: الحمدلله والله ى عم محمد
محمد : منور ى حضره الظابط ليك وحشه الكليه اخدتك مننا
مصطفى: هههههه دا نورك ى عمى معلشى بقى حظى كدا
حبيبه وأمينه دخلو وقعدو
مصطفى: تتكلمى ى ماما ولا اتكلم انا
خديجه : ههههههههههه لا أتكلم انت ى حبيبى
كلهم مستغربين هو ف ايه بالظبط وى ترى الزياره دى وراها ايه
حبيبه قلبها دق جاااامد ومكنتش عارفه فيه ايه
مصطفى : عم محمد انا عاوز اتجوز بنتك حبيبه
حبيبه رفعت عيونها بصدمه وبصت لمصطفى وكأنها عاوزه تقوله :




تعليقات



حجم الخط
+
16
-
تباعد السطور
+
2
-
close