أخر الاخبار

رواية فتاة القطار الفصل السابع 7 كاملة بقلم محمد السبكي

رواية فتاة القطار الفصل السابع 7 كاملة بقلم محمد السبكي 





ظللنا ف حاله ذهول انا وهدير وامها بضعه دقايق لم يجرؤ احد منا التفوه بقط كلمه
حتي تجرأت اخيرا وعزمت علي انهاء حاله الصمت المسيطره علينا
خالد:. هتعملي ايه دلوقتي يا هدير
هدير... هعمل ايه خلاص اللي راح راح هو حتي مدانيش فرصه احكيله اخد الكلام من بره وجه اتهمني ف شرفي
ومشي وكل اللي كان همه شبكته كويس انه اخدها
خالد. مقولتليش صح هو بعد ما تقرير الدكتور طلع الشرطه جت ؟
هدير.. اه جت وخوفا من الفضايح منطقتش بكلمه والمحضر اتحفظ خلاص
خالد. انتي هتفضلي تضيعي ف حقك كتير جدا
لحد امتي هتفضلي سلبيه كده!!!
الام.. احنا طول عمرنا ف حالنا يابني لحد يعرف عننا حاجه ولا حد بيسمعلنا صوت
خالد .. بس برضه يا امي لازم تاخد حقها
المهم كملي حكايتك مع نهي والشيخ ده
يدق جرس الباب للمره الثانيه الجميع ينظر تجاه الباب
تفتح الام لتجد ساره هي من علي الباب
تستقبلها الام استقبال طيب فهي اقرب الصديقات لهدير واوفاهم
ساره... ازيك هدير دلوقتي بقيتي كويسه
هدير ... الحمد لله ياساره
ساره ... انا اسفه حقك عليا مكنتش اعرف ان كل ده هيحصل لو اعرف مكنتش وديتك بايدي
هدير... ملكيش ذنب يا ساره مانتي اتفاجئتي زيي
ساره ... وانت ياخالد بتطلعلي ف كل حته كده ايه اللي جابك هناك وايه اللي جايبك هنا وايه علاقتك باسلام وعصام
خالد: . الدكتور عيادته جنب بيتي
واسلام وعصام اصدقائي من سنين والموضوع كله صدفه زي مايكون ربنا قدر اكون جنبكم ف الوقت ده
علي العموم هدير كانت بتحكيلنا كل حاجه عن اللي حصلها زمان وانتي جيتي اهه عشان تسمعي معانا
ساره .... اخير يا هدير هتتكلمي دانا غلبت معاكي عشان افهم الحكايه خصوصا اني عارفه انك مش بتاعت الكلام ده يلا احكي ....
هدير ... حاضر
فلاش باك
نهي .. يلا يا هدير عشان نلحق ميعاد الشيخ
هدير. ... حاضر بس هو الشيخ ليه ساكن ف شارع مقبض كده وشكله يخوف
نهي.. طبعا لازم يكون شارع بعيد عن عين الحكومه عشان الحكومه مش بتحب الشيوخ الروحانيين وهو كويس بس بيحاول يبعد عن الشر يعني
هدير بخوف انتي متأكده يا نهي انه كويس
نهي ... انا بقولك مجرباه هتنبسطي اوي والله
هدير.. هنبسط ازاي ؟!
نهي .. اقصد لما تشوفي اللي انتي عايزاه يعني

في شقه عصام
عصام ... ايه اسلام خلاص انا روحت اخدت شبكتي من هناك بس ايه فضحتهم فضيحه برب السما
اسلام... ايو كده يا شقيق طول عمرك راجل هما فاكرين انهم هيلبسوك في البت ولا ايه بس ايه رايك فيا عرفت الخير جيتلك حذرتك علي طول
عصام .... ياسطي تسلملي اللي غايظني الواد خالد لقيته قاعد معاهم تفتكر هو اللي عمل معاها كده وكان عايز يلبسهالي
اسلام... لا خالد عرفهم صدفه لما شافهم عند الدكتور ولو كان يعرفهم مكانش اتصل بيا
عصام ... طب ايه اللي مقعده ف بيتهم دلوقتي ..
اسلام.... اتقل تاخد حاجه نضيفه هييجي وهقرره علي كل حاجه هو بيثق فيا وهيقولي كل حاجه المهم عملت معاه ايه لما لقيته
عصام :. قفشنا ف بعض

(ف محطه مصر )
المدير .. تعالي يا سيد نقفل حساب النهارده عشان نقفل الورديه
سيد ... حاضر يا مستر ضياء
ضياء ... الفين وتسعمائه وعشره وعشرون تمام الحساب يا سيد الله ينور عليك
سيد .... وعليك يا مستر هو انا ممكن اسئلك سؤال
ضياء.. اسئل يا سيد
سيد... حضرتك تعرفني من كذا سنه وعارف حاجات كتير عني. بس ليه معرفش حاجه عنك يعني متجوز عندك ولاد مفيش حاجه خالص اعرفها
ضياء.. والله انا مش بحب اتكلم ف حياتي الخاصه فمتقلبش عليا المواجع
سيد... انا رأيي تحكي يمكن اقدر افك عنك واشيل معاك الحمل
ضياء... انا زيي زيك كنت متجوز وعندي بنت وكنت بحب مراتي وبنتي جدا وهجرتهم من اكتر من عشر سنين بسبب حماتي الله يلعنها وللاسف سابوا بيتهم ومعرفتش حاجه عنهم لحد دلوقتي
سيد... معقوله ده يكون

تعليقات



حجم الخط
+
16
-
تباعد السطور
+
2
-
close