رواية فتاة القطار الفصل الثامن 8 والاخير كاملة بقلم محمد السبكي
الفصل الثامن الاخير
(في شقه هدير)
ساره.. كملي كلامك يا هدير سكتي ليه
هدير... فلاش باك
هدير خلاص يا نهي انا موافقه ادخل معاكي بس خليكي جنبي
نهي تبتسم بخبث حاضر من عنيا وهو انا هسيبك ابدا
دخلنا سويا اللي الشيخ حسني انا ونهي لنجده جالسا علي مكتبه
منتظرنا
ساره تقاطع كلام هدير اسمه حسني ايه
هدير.. مش متذكره اوي بس تقريبا اسمه حسني عبد الجواد
ساره يعتريها الصدمه :.نعم!!! اسمه ايه!!
خالد:. مالك يا ساره انتي تعرفيه ؟
ساره... ايه....... لا لا معرفوش انا مضطره امشي دلوقتي عشان
ادي لماما الدوا وهكلمك يا هدير عشان اطمن عليكي سلام عليكم
الام ... طب استني يا بنتي اسمعي الحكايه للاخر حتي اتعشي معانا
عايزاكي بس تعرفي اللي حصل
ساره.. لا شكرا يا طنط وبعدين مانتي عارفه اني مصدقه هدير من
قبل ما تحكي
خالد:. طب استني يا ساره هنزل اوصلك
ساره:. لا ياخالد هاخد تاكسي علي البيت على طول
خرجت ساره من الشقه مسرعه او ربما هاربه بينما نحن غارقون ف
الافكار لما تلجلجت ساره حينما سمعت اسم الشيخ اهي تعرفه ام انها تأخرت بالفعل
نظرت الي ساعتي فوجدت ان الوقت قد تأخر فأستأذنت بالرحيل من
والده هدير علي وعد لتكرار المقابله ف الغد حتي نكمل حديثنا
اتصلت بساره اكثر من عشر مرات ولم تجب فاتصلت بهدير لاعرف منها
عنوانها ولكن وانا ف طريقي الي منزلي وكان الشارع شبه خاليا من الناس وجدت فتاه
تتعثر ف حركتها كانت ترتدي عباءه سوداء متسخه للغايه هرولت نحوها سريعا
خالد ... مالك انتي كويسه
البنت بخوف انت مين ابعد عني انتوا كلكم حيوانات
خالد:.. متخافيش انا لقيتك تعبانه وواضح انك عامله
حادثه طب فهميني يمكن اقدر اساعدك
وما ان اسندتها حتي ظهرت امامي سياره ذات انوار عاليه اغمضت
عيني من شده نورها فصدمتني
(في شقه عصام)
يأخذ عصام هاتفه ويتصل بصديقه اسلام
الووو. ايه يا سمسم العمليه اتنفذت وتمام التمام وصحبك اتعلم
عليه
اسلام..عملت ايه يا ابن اللذينه
عصام ... قتلته......
(في المستشفي
)
فتحت عيناي لاجد نفسي ف غرفه بيضاء وامامي طبيب
خالد .. آه انا فين
الطبيب:. اطمن انت بقيت كويس ولاد الحلال لقوك مرمي ف الشارع
واضح ان ف عربيه خبطتك
عمرو ف الم كان ف بنت معايا
الطبيب... لالا كنت لوحدك
خالد.. اه كده فهمت يبقي كانت لعبه ملعوبه عشان اقف والعربيه
تخبطني
الطبيب... المهم دلوقتي انت رجليك الشمال انكسرت وايدك اليمين
بس الحمد لله المخ سليم مفيهوش اي حاجه وجه مندوب من الشرطه عشان يفتحوا محضر
بالحادثه
خالد:. وهو كذلك
(ف شقه ساره)
ساره.. مقولتليش يا ماما بابا مات ازاي
الام ... يوه يا ساره مش ناويه تنسي الموضوع ده ابدا
ساره.. اصل هدير النهارده حكيتلي علي واحد اسمه حسني عبدالجواد
وانه كان شيخ وطلع وسخ وبيغتصب البنات
الام .. بتقولي ايه
قطع حديثهما اتصال من خالد
ساره:. ايوه يا خالد خير
خالد :. في عربيه خبطتني يا ساره وانا دلوقتي في المستشفي
وعايز اشوفك ضروري لان الحادثه متدبره
ساره :. طب يا خالد انا جايالك حالا اسم المستشفي ايه
اممم طب تمام مسافه السكه وجايه سلاام
انهت ساره المكالمه فسألتها الام عما حدث فاخبرتها بالحكايه من
البدايه
فطلبت الام ان تري خالد فاصطحبتها ساره معها الي المستشفي
بعد ساعه انفتح باب غرفتي لأري ساره ولكن كانت مرهقه باكيه
العينين
حمدالله ع سلامتك يا خالد
قالتها ساره وهي شبه باكيه
ميييييييين خالد؟!
قالتها الام متفاجئه
فسألتها ساره قائله :. انتي تعرفيه؟
الام:. مهما حاولت اخبي الماضي مش هقدر هي دايره بتدور مش هنقدر
نكسرها
خالد:. انا مش فاهم حاجه حضرتك تعرفيني
الام :. طبعا يا خالد وكنت اعرف اهلك الله يرحمهم
خالد:. انا مش فاكر حاجه عنهم هو حضرتك تعرفينا ازاي؟
الام :. هقولك يابني
انا اتجوزت ابو ساره وكنت بحبه جدا رغم انه كان من غير شغل
حاولت اساعده كتير بي من غير فايده لدرجه اني نفسي نزلت استغل ..... كان لبه صاحبه
بيشتغل في الدجل وبيإذي ناس كتير وشغله معاه رغم كده فضلت مكمله معاه علي امل انه
يتوب لكن ده محصلش
وكنت خلاص بقي عندي حسام وساره
كان ليا جاره اسمها اماني وكان عندها ولدين
الاول اسمه يوسف والتاني خالد
خالد:. انا؟
الام :. ايوه انت وانا وامك كنا زي الاخوات ربيناكم سوا والبيت
كان دايما مفتوح علي بعضه بيتنا وبيتكم وكنا بنقول انك هتتجوز ساره لما تكبروا
لانكم كنتوا متعلقين ببعض جدا لحد ما في يوم كنت متخانقه مع جوزي كالعاده بسبب
افعاله
وروحت عندكم واخدت ساره وحسام معايا
وكنا قاعدين كلنا فجاه شمينا ريحه غاز مش عارفين جت منين
أمننا علي الشقه ملقيناش في حاجه
فجاه ابتدت الحريقه في الشقه بدون سبب تخيل حريقه تحصل من غير
ما يكون في منفذ ليها اساسا
الشقه اتفحمت ومبقاش فيها شئ سليم وكل اللي فيها ماتوا ما عدا
وساره حتي انت افتكرتك مت
بعد الصدمه ساره حصلها صدمه ونسيت الليله دي بكل اللي حصل
خالد:. طب اهلي مدفونين فين انا عايز اي شئ يحسسني ان ليا اهل
هم فين
الام:. صدقني الشقه بعد ما مسكت فيها النار اتفحمت حتي الحكومه
ملقتش فيها جثث وكانها بلعت كل شئ جواها حتي جثه ابني ملقيتهاش
ساره:. طب وبابا مات ازاي ؟
الام:. زي مانتي ما قولتي يا ساره كان فعلا بيشتغل في الدجل
وكان معاه اكتر من بنت بيشغلهم تحت طوعه
في منهم بفلوس وفي منهم شغالين عشان بس ميفضحهمش
بعد موضوع الحادثه اخدتك وهربت وهو افتكرنا ميتين مع اللي
ماتوا فمسألش بس انا متاكده ان الحادثه دي كانت من تدميره ماهو اكيد البيت مش
هيولع من نفسه
فيما بعد كان بيوصلي اخباره
لحد ما عرفت من كام سنه ان في بنت من البنات اللي كان ماسك
عليهم فيديوهات قالت لاهلها علي كل شئ وقتلوه
مقدرتش اقولك حاجه با ساره محبيتش اكسر قلبك
ساره:. اد ايه انا استحقرت الانسان ده اوي
الام:. يلا يابنتي ربنا يغفرله الشيطان ضحك عليه
خالد:. انسيه يا ساره ونفكر في اللي جاي واظن كده عرفنا ازاي
انقذتيني يا ساره
انتي قولتي انك حلمتي انك في الميه مع حد وكان وشه مشوش
اظن كنت انا الشخص ده
روحك دايما كانت بتحاوط روحي
يوم الحادثه نسينا بعض بس فضلت ارواحنا بتحضن بعض
للسبب ده روحت محطه مصر
للسبب ده اول ما شوفتك مقدرتش ابعد عيوني عنك
للسبب ده اتجرأتي وقعدتي جنبي وكلمتيني كان في حاجه بتحركك
عشان تكلميني
مظنش انها كانت صدفه اللي حصلنا كان سيناريو من ترتيب القدر
