أخر الاخبار

رواية خيبة قاتلة الفصل الخامس 5 بقلم بنوتة الشيخ (اروي طاهر المسلاتي )

  رواية خيبة قاتلة الفصل الخامس 5 بقلم بنوتة الشيخ 






#خيبه_قاتله 5

مروه:خيرك؟😨 في شي؟؟
فؤاد:كنت عند امي و....
مروه:شني؟
فؤاد:خطبتلي !!
مروه:سحبت يدها والدموع في عيونها....من هيا ؟
فؤاد؛مرتبك وملخبط..اءء انا م مم مكانش عندي علم بي الموضوع اليوم تفاجأت و...
مروه:ناقره حواجبها وعيونها دموع...من هيا؟؟؟؟
فؤاد:بنت خالتي 
مروه:اليتيمه صح؟؟
فواد:هز راسه ببطئ وعيونه في الارض 
مروه:ابتسمت بي خيبه💔...هه كنت عارف هكى بيصير 
فؤاد:قام عيونه مستغرب...يعني شنو؟
مروه:مسحت دموعها...ولا شي مبروك عليك وان شاء الله دوق امك يعجبك
فؤاد:خذي نفس عميق....مروه انتي فاهمه كوووويس مكانك وقدرك وحبك كيف كبير عنددي وعارفه ليش بنتزوج
مروه:شافتله بكسرة خاطر...لو كان ربي عطاني النعمه هاذي مستحيل نحرمك منها لكن مش بيدي💔
فؤاد:عارف💔افهمي اني نحبك 
مروه:سيباته وخشت دارها 
فؤاد:رحع قعمز ماسك راسه بيديه مش فاهم كيف يتصرف💔

مروه:خشت لي دارها وهيا تدكر حركات منى (بنت خالته)كيف كانت 
خمحاولتها في جذب فؤاد وقلة ادبهاا ولبسها ومفيش حد وقفها عند حدها لا ام فؤاد ولا خواته !
بلعكس كأنه الجو عاجبهم 💔
كانت منى ديمه تستغل في وضع انها يتيمه 
وحتى او في حد كلمها والحق معاه تقلب عليه الطاوله وتتهمه ان يبي يتحكم فيها لان معندهاش لا ام ولا اب 

____________________

مازن:خش للحوش وللمره الالف مقدرش يمنع نفسه ويخليها بي المنضر هاذا 
قرب عليها 
مازن:خيرك؟...صاير شي ؟
حنين:اول ما شفاته ع طول مسحت دموعها 
مازن:شاف يمين ويسار يحاول يمشي ويخليها لكن رجليه مش قادرين يتحركو من مكانهم 
حنين:قعمزت على الدروج ورجعت تبكي 
مازن:قرب شويه وهوا متوتر....سمعوك كلام زي العاده؟
حنين:هزت راسها بمعنى لا 
مازن:هزبك قدامهم؟
حنين:رحعت هزت راسها بمعنى لا
مازن:امالا شنو صاير؟؟
حنين:تتكلم والعبره في صوتها...بيتزوج عليا💔
بعد كل شي تحملته وسكتت عليه وصنته بياخد عليا 
مازن:سكت في صدمه 
حنين:يلي حارقني اني حرمت روحي من كل شي يفوتو عليا حتى 3سنين مناخدش حوايج لما نطلع هاذا كان طلعت نلبس في نقاب ....والضره يلي جايبها عليا بسيارتها وكل شي محرمه عليا ادير فيه 💔💔💔وكملت بكاها 
مازن:اءءء ام م مم مش عارف في موقف دي هاذا شنو نقولك 
حنين:انتبهت لي نفسها انها كانت تشكي لي ولد اخت عزوزتها ...مسحت دموعها وعيونها حمررر
اسفه صدعتلك راسك اسفه ...وناضت بتركب
مازن:حنين
حنين:تلفتت بدون متتكلم 
مازن:تحبيه؟
حنين؛نصدمت من السؤال...كانت عارفه كويس ان يقصد بي سؤاله ع راجلها ايمن لو كانت تحبه او لا!!...مقدرتش تجاوبه 
اكتفت انها تهرب لي شقتها وبس بدون كلام 
مازن:حط يده ع راسه....افففف شن قاعد نقول انا الزح شن دخلي عيب مرت ولد خالتي حرام ندوى معاها حتى كلمتين النم خيررررك يامازن خيرك ؟

وصال:مازن؟
مازن:انخلع...هاا؟😨
وصال:شن ادير هنايا؟قدام الدروج تبي شي؟
مازن:لا لا انا ك كنت كنت خاش داخل 
وصال:تنهدت وهيا ماسكه ولدها...مسكينه حنين 
بيجيب عليها ضره 
مازن:ساكت 
وصال:زي الغزاله هيا نعترف مقنينها سلفتي ..الجسم والبيوضه والعوينات الملونات والشعيرات الطوال 
مازن:يسمع في وصال توصل فيها وهوا يدكر في ملامحها 
وصال:نصيب وخلاص ياريتها تطلق منه تتفكى ع الاقل 
مازن:فاق على نفسه...ربي يهدي ان شاء الله 
وصال:بنضرات خبث...اممم ان شاء الله خلي نركب نصبرها 
مازن:هز راسه بمعنى تمام وخش للحوش 
وصال:ضحكت بعد ما فهمت نضرات مازن وارتباكه وعرفت كووويس هوا شن حاس طيلة المده هاذي 

  🔥رِوَايـــــــــات بـــَـنـُـــووتِـــة الشـِــيـــْـخ🔥
    🔥أروى الــــطـــاهــــر المــســلاتــــي🔥

لجين:مدت سفرة القهوا ومبتسمه...تفضل
وسيم:زايد فضلك...وخذي فنجان
لجين:حطت السفره وقعمزت جنبه..اخيرا خوي يطلع وهوا لاصق 
وسيم:ههههه اي رسمى
لجين:ها احكيلي اخر التطورات
وسيم:ولا شي خدمه والامور تمام 
لجين:كويس ربي يعاونك
وسيم:الله يسلمك...خذي رشفه من القهوا وحط الفنجان...اءء انا انا جايك اليوم بنحكى شوي حجات
لجين:ان شاء الله خير؟!
وسيم:عارف امى اتصلت امس وقالت بتجى تحدد العرس
لجين:اي صح ...ضحكت ...لدرجة امس مرقدتش نرقد من الفرح
وسيم:خذي نفس عميق...صراحه جاي اليوم بنتفاهم انا وياك خلي نأجلوه شويه
 لجين:اختفت الضحكه من على وجها...ليش؟
وسيم:حاس ان....
لجين:قاطعاته ...ان اموري مش مرتبه وقاعد حايس يالجين ونبي نتزوجو وانا مرتب حياتي كويس...معندكش عذر تاني؟؟؟
وسيم:اعتقد ان كلامى مفيشى اي عيب!
لجين:تمام تمام اجل زي ميعجبك براحتك مش مشكله 
وسيم:مقتنعه ولا؟
لجين:قامت فيه عيونها...لاااا مش مقتنعه وحاسه ان في شي وربك يستر 
وسيم:قرن حواجبه...شي؟؟شي زي شنو 
لجين:تصبح ع خير وسيم...وناضت من جنبه طلعت 
وسيم:تنهد براحه ..حتى المره هادي قاللها بنأجل العرس ومدارتش مشاكل زعمى العذر الجاي يلي بيستخدمه شنو؟؟؟
لجين:خشت لي دارها تبكي بحررررقه💔كانت عارفه ان في شي قاعد يصير لكن مش فاهمه شنو 
كان قلبها حاس لكن معندهاش دليل!!

________________________

ساره:طلعت من الحمام لي غرفتها لكن وقفت في مكانها لما شمت شي!!
شي غريب خلاها ترجع تطلع من الدار بسرعه للمطبخ ..شافت طنجره ع النار يطلع منها دخان بكتره رهيبه ..حطت مرفقها على خشمها وهيا تكح قربت شويه شويه لين فتحت الروشن وطلعت الطنجره برا وعيونها دموع....ضحى؟؟احوووو احوووو
ضحى وينك احوووو ...استمرت وهيا تنادي لين رجلها ارتطمت بشي..ولما نزلت عيونها اكتشفت انها ضحى صايخه ع الارض ..نزلت تحاول تفيقها لكن الدخان كان مالي الحوش كللها. ومش قادره تشوف شي ...وبدى صعب عليها التنفس 
طلعت بسرعه من الشقه وطقت على اول باب جي قدامها وهيا تكح وحايسه في روحها 
احمد:فتح الباب...تف...
ساره:قاطعاته...لو سمحت احووو احووو لو سمعت بنت معاي في الشقه مغمى عليها نبي مساعده 
احمد:اءء انا انا 
ساره:ارجوك معش قادره نتنفس 
احمد:خذي نفس عميق وطلع معاها بسررعه وساره وراه 
طلع ضحى قدام الشقه وفتح الرواشن كلهم عشان الدخان يطلع 
جاب اميه وريحه وبدي يحاول يفيقها 
ضحى:احوووو احوووو احووو 
احووو احووو 
ساره:اخيرااا ضحى تسمعي فياا؟؟؟
ضحى:بصوت تاعب...اه انا سمعاكي
ساره:الحمد لله يارب تقدرى تنوض؟
ضحى:اه اه مش مشكله هبوط سكر بس 
ساره:خليك مرتاحه لين الشقه تتهوا من الدخان 
احمد:بتقعد هكي مرميه قدام الباب؟
ساره:شافت لي شقة احمد...صعب منقدرش نردعا داخل وهيا بي الحاله هادي 
احمد:ناض وقف...تمام الف سلامه عليكم 
ساره:بصوت واطي...الله يسلمك 
احمد:ناض خش لي شقته وسكر الباب 
ساره:قلة الذوق مقالش حتى اقعدو في شقتي 😠
ضحى:سبيه يابنتي وخلينا ندخل 
ساره:اسكتي انتي التانيه معندك وين تخشي 
ضحى:ضحكت
ساره:خيرك؟
ضحى:اصل اول مره اشوفك متعصبه 
ساره:🤦🏻‍♀️

_____________________

وصال:لقت الباب مفتوح خشت ...حنين؟
حنين:مقعمزه ع الصالون تبكي ومقدرتش ترد من البكي 
وصال:قعمزت جنبها...الله غالب اهدي حبيبتي 
في النهايه انتى مش اول وحده ياخد عليها راجلها ولا اخر وحده 
حنين:انا غير ياوصال غيرررر ..خذينا بعض على علاقه وحب طويل 
لدرجة مش قادره نشكي لي اهلي لان خذيته غصب عليهم💔
مفهمتش علاش تغير هكي معاي حاولت الف مره ومعرفتش السبب علاش !
وصال:تنهدت...حسبي الله فيهم كله من الحربيات يلي لوطه هاذم يعبوله في قلبه ره!!
حنين:تمسح في دموعها...عارفه ربي ياخد فيهم الحق
وصال:ابتسمت بخبث...لقيته واقف لوطه وواضح من شكله قريب يهبل عليك 
حنين:عقدت حواجبها...ايمن؟
وصال:اضحكي ...لا طبعا مش راجلك حبيبتي اطمني
حنين:على شنو تحكي؟
وصال:نحكي علي مازن ...واقف لوطه شكله شاف حالتك قعد ماشي جاي قدام الدروج 
حنين:خذت كلينكس ومسحت عيونها...والمعنى يعني؟
وصال:شكله الولد حاس بي شي اتج.....
حنين:قاطعتها...استغفر الله وصال شن تقولي 
وصال:خيرني😧
حنين:الكلام يلي تحكى فيه متع وحده مراهقه انا متزوجه 
وصال:وقفت...ع اساس من داخلك حاسه بي انك متزوجه امالا بي راجل العازه هاذا يلي واخديته 
حنين:مهما كان غلط ومهما كان مينفعش حرام نفكر بي حاجه حتى تفكير بس 
وصال:كيفك يا حنين كملي حياتك وانتي مقهوره هكي وتزيد الضره تقهرك لكن لو انا كنت في مكانك وشفت اللمعه يلي في عيون مازن مستحيل نفوت عليا الفرصه هادي...ونزلت 
قعمزت حنين ماسكه راسها بين يديها تحاول تطرد الافكار يلي زرعتها وصال في راسها وتركز على المصيبه يلي هيا فيها وبس!!

________________________

نجلاء:اصبري يابنتي اصبررري راهو الصبر كويس مهما كانت مرارته 
مروه:تمسح في دموعها....حاره يا امي حاسه بنار داخلي بنهببببل
نجلاء:سلم بنتي متخربيش حوشك وجيبي راجلك لي صفح خليك ديمه المرا الكامله والكامل الله 
خليك ديما نوراه في حياته مهما كان في هلبا ناس 
تحملي سلم بنتي سيوره كله راجعلك خير 
مروه:كيف يا امي بنجيبه لي صفي كيف وانا عارفه مرته التانيه ام صغاره هيا يلي بتولي التوب 
نجلاء:لالالا سيوره يذوق نعمة الصغار صح ..لكن فيه شي الراجل ديمه يبيه وصعب تلقى المرا تفهمه وتوفره ديمه لي الراجل 
مروه:شن هوا؟
نجلاء:الاهتمام يابنتي ...الراجل كل ما يكبر يبي مرته تهتم بيه كأنه بيبي ميبيش شي ينقصه باش عينه متطلعش برا 
مروه:سمعت صوت الباب...تمام امي تو نهدرزو فؤاد جي 
نجلاء:به به ديري بالك على روحك 
مروه:ان شاء الله...وسكرت الخط 
مسحت دموعها وهيا تفكر في كلام امها ...فؤاد من حقه يشوف صغاره صح!
ومن حقه يتزوج هاذي حاجه ربي محللها 
بس لو قعدت منكده عليه هكى شنو رح تستفيد؟غير ان الراجل بيكره الحوش ومعش يحب يروح!!
بدت مره تفكر في كلام امها بعمق اكتر واكتر 
لين سمعت صوت راجلها❤️
فؤاد:مروتي؟
مروه:قامت عيونها وابتسمت...عيونها 
فؤاد:استغرب من اسلوب مروه رغم ان قبل ما يطلع خلاها بتطربق!!
مروه:تعشيت حبيبي؟؟
فؤاد:مستغرب...لا معنديش نيه حتى امي نادتني على العشي لكن قلت نتعشى معاك 
مروه:تمام ياقلبي خش دوش ما بين درت حاجه خفيفه ❤️
فؤاد:مسكها من يدها وهيا طالعه...مروه انتى كويسه
مروه:بساته على خدته...اي كويسه❤️
ومشت 

خشت للمطبخ دارت بطاطا مقليه واجنحة دجاج مثبله مع سلاطه ومشروب 
دارت سفره بتنسيق قنين وحطتها في وسط الحوش 
وقعمزت هيا وياه ❤️
مروه:في فيلم اليوم قنين بيجي الساعه 2تقعد ساهر؟
فؤاد:😧😧😧اي عادي علاش لا!
مروه:ابتسمت ...به❤️
ذوقها هاذي درت تتبيله جديده 
فؤاد:يسلمو يديك❤️...وباسلها يدها 
مروه:كانت تتصرف عادي وتبان انها مفي شي لكن قلبها محروووووق من داخل🔥🔥🔥

  🔥رِوَايـــــــــات بـــَـنـُـــووتِـــة الشـِــيـــْـخ🔥
   🔥أروى الــــطـــاهــــر المــســلاتــــي🔥

معروف ان الليل طويل وطوووويل هلبا على الناس المهمومه 

طويل على حنين وهيا تبكى وراجلها عاطيها بضهر وراقد!
معندهاش وين تمشي ..تذكر لي بوها يلي قاللها يوم عرسها هاذا انتى اخترتيه ردي بالك تجي يوم تشكيلي منه لانك بتروحي معاه وفمك مسكر 
ومع هاذا وافقت وكملت معاه💔
تتخيل في رد فعل الناس لما بيسمعو ان راجلها بياخد عليها وكيف هلبا بيتشمتو فيها ويقولو هاذا يلي كانت ميته عليه وتبيه !
تتخيل في العروس الجديده كيف بيعاملوها زي الاميره وهيا بتزيد المذله ليها 

__________________

وزي مكان طويل على حنين 
بدي طويل حتى على لجين اليوم 💔
لجين يلي بتاتها كله واتي وفرحانه ان عرسها خلاص بيتحدد الاسبوع هاذا!
لكن تالت مره خطيبها يأجله لي اسباب تافها!
كانت فاهمه كويس ان في شي خلاه يأجله مش لسبب هوا قاله 
وكانت عارفه وفاهمه انه متغير اتصالاته نقصت رسايله اختفت كلماته الحلوه خذاها الريح 
لمعت عيونه لما يشوفها بهتت💔💔
كملت ليلها كله تبكى بذات انه متصلش بيها من لما طلع من حوشهم !

_________________________

ومتنسوش انه كان طويل هلبااااااا على مروه !
مروه:كان احساسها اليوم يشبه احساس حنين💔
الضره حاره ...فكرة ان تجي وحده تشاركك في راجلك واعره 
ترقد معاها يحكي معاها نفس الكلام يلي يقولك فيه يضحك معاها على نفس الاسباب يلي ضحك فيها معاك !!
شعور يقتل بدات لما تدفنيه في قلبك وتبيني انه عادي دي مدارت مروه 
مروه اختارت طريق صعببببب مش اي حد يقدر عليه 
اختارت انها تصبر عشان تقعد مع راجلها يلي تحبه وعمره مزعلها بكلمه وحده!
ديمه يحب يفرحها ويشريلها ومينقص عليها شي ويخاف عليها ...اختارت تصبر وتقعد معاه❤️

________________________

ومعروف انه الليل طويل بذكرياته 💔
وبدات لو كانت دكرياته قاسيه علينا وفيها حجات توجعلنا قلوبنا وتبكينا 
الشي هاذا صار مع ساره!!
ساره يلي من بداية روايتنا مش راضيه تحكي قصتها 
تسحابه ان كان سيبت ليبيا بكبرها وعاشت في مكان بعيد رح تنسى!
مدارتش حساب للكوابيس والذكريات يلي مرافقتها طوووول الليل 💔

  🔥رِوَايـــــــــات بـــَـنـُـــووتِـــة الشـِــيـــْـخ🔥
    🔥أروى الــــطـــاهــــر المــســلاتــــي🔥

ثاني يوم:-⛅️⛅️

حنين:مقعمزه في البانيو والميه تصب عليها 
ضامه رجليها بيديها وتفكر !
كلام وصال امس ؟ليش حاولت تعبيلي راسي بي الكلام هاذا؟؟
ولا هيا قالت يلي شفاته من مازن؟!
استغفر الله شن قاعده نقول انا 

طق طق طق 
حنين:نخلعت
ايمن:شنو سكنتي في الحمام؟
حنين:بدت تغسل في شعرها ومردتش عليه

_____________________

ساره:الفطور واتي تلقيه على البار ...ديري بالك متفتخيش غاز ولا شي لين نروح مديريش غدي لين نجيك
ضحى:يختي ع الدلع 
ساره:لا دلع ولا شي اصلا مش خايفه عليك خايفه على الشقه تنحرق 😂
ضحى:ضحكت من قلبها 
ساره:خذت مفاتيح الشقه وطلعت للخدمه ..سكرت الباب وجت بتنزل 
احمد:ساره 
ساره:تلفتت
احمد:ساره صح؟
ساره:ان شاء الله اي 
احمد:سكر باب شقته ولحقها...اسف امس مقدرتش نعزمك تقعدو في شقتي انا عايش بروحي و....اوضاعي ملخبطه
ساره:لا عادي متهتمش
احمد:مرتبك...اءءء وين ماشيه؟
ساره:الخدمه..نخدم في مكتب قريب من هنايا 
احمد:نسايرك في الطريق عادي؟
ساره:ابتسمت...ع راحتك
احمد:هي تفضلي قدامي😉

_____________________

وصال:صباح الخير 
حنين:بصوت تاعب...صباح النور 
وصال:نازله اديري في الفطور؟اقسم بالله كان انا دارو فيا هكي ميضوقو حاجه الكلاب 
حنين:لا فطور ولا شي نزلت بناخد ليم راسي مصدع 
وصال:اي اركبي ارتاحي معش تنزلي ربيهم 
مازن:طق ع باب المطبخ ...صباح الخير
وصال:صباح الورد...وتعمدت انها تطلع من المطبخ 
مازن:خش للمطبخ كله عرق من التمرين ..فتح الثلاجه طلع شيشه اميه...كيف حالك اليوم!؟
حنين:تلفتت..الحمد الله
مازن:شاف عيونها منفخااااات وواضح ان وجها تاعب 
حنين:بتطلع من المطبخ 
مازن:حنين!!
حنين :تلفتت ...اسفه مش قادره ندير شي حاسه نفسي مريضه
مازن:لالالا مكنتش بنطلب منك فطور او شي 
حنين:ساكته وتشوفله
مازن:بنقولك بس ...لو تبي شي واحتجتي اي حاجه وملقيتي حد انا قاعد❤️
حنين:ابتسمت...فيك الخير والله صحيت 
مازن:ولوو
حنين:رجعت ركبت 
مازن:تنهد....حرام يلي قاعد يصيرلها مسكينه

_____________________

فؤاد:مقعمز يفطر 
مروه:الصبح نزلت لي عمتي عطيتها حلويات من يلي فاضلات قتلي انها بتزوج منى بنت اختها وهكي 
فؤاد:وقف ماكله وهوا ساكت يشوفلها 
مروه:قالت ان البنت متبيش عرس  قتلها حرام البنت فرحتها وهيا يتيمه وهكي 
قالت لا مسكره راسها تبي تتزوج تنستر وخلاص 
وقالت  بتسكن معاها في دار لوطه 
فؤاد:اي انتى بتقعدي في حوشك مستحيل نطلعك منه 
مروه:حبيبي عادي حتى لو خدت الشقه وقعدت انا جنب امك نخدمها م.....
فؤاد:انا مش متزوجك خدامه وردي باااالك يامروه تحطي في بالك انك بتقعدي خدامه وهيا مرتي ردي بالك!
مروه:ابتسمت...عارفه ان راجلي يحبني❤️
فؤاد:كان فرحان داخله بتصرفها وبي رزانتها ...باس يدها اقسم بالله انتي احلا شي صار في حياتي مستحيل نفكر نبدلك 
مروه:به يا استاذ رومنسي انت القهوا بردت 🤪
فؤاد:❤️❤️

_______________________

لجين:واقفه قدام المصنع....ممكن نفهم من منو؟!
الشاب:منعرفش اختي انا نوصل في الطلبات بس 
لجين:مسكت باقة الورد وهيا فرحانه ...خذت شنطتها وطلعت في تاكسي وصفتله الشركه يلي يخدم فيها خطيبها وهيا مبتسمه طول الوقت !
حطت في بالها ان خطيبها قرر يراضيها بي باقة ورد ❤️
فقررت تفاجأه هيا في مكان خدمته❤️

___________________

ايمن:خيرك منزلتيش؟
حنين:مفيش حد لوطه وحاسه نفسي مريضه 
ايمن:اي طلعو الصبح رفعهم خوي 
حنين:تحرك في الشاهي 
ايمن:احممم اءء طلعو بياخدو الذبله وباقي الذهب 
حنين:نحرقت..كويس
ايمن:خيرك تتكلمي هكي انتي....الاصول اوصول لازم منه الشي هاذا 
حنين:هه ع اساس تفهم هلبا انت وياهم في الاوصول 
ايمن:نعم؟؟؟😠😠
حنين:ناضت متجها بي غرفتها...بعد من قدامي 
ايمن:بدي يعلي في صوته...شنو انتي الاسلوب هاذا الجديد؟
حنين:ايمن انا تاعبه بعد من طريقي وبرا اتزوج ولا انحرق نضم حياتك
ايمن:مسكها من شعرها....ودي بالك تفكري لو خديت وحده تانيه بتقدري اطولي لسانك عليا ردي بااااالك طول عمرك بتقعدي في المكانه هاذي وخشمك هوااااا في التراب
حنين:بعددددد من علياااااا الله لاتربحك لا انت ولا خواتك ولا امك 
ايمن:بدي يضرب فيها وحنين تحاول تفك نفسها لين فجآه.......

____________________

ساره:كملت خدمتها وروحت..داخلها اتمنت لو ان احمد سايرها حتى وهيا مروحه❤️
لان هدرزته وكلامه وحتى دمه الخفيف مخلهاش تحس بغربه نهائي...وصلت للحوش غيرت حوايجها وكانت ضحى راقده
خشت للمطبخ وجى خاطرها ادير غدي قنين 

____________________

الغفير:يشوف لي لجين ولبسها البسيط...تفضلي؟
لجين:لو سمحت انا جايه هنايا للاستاذ وسيم مبروك هوا قاعد؟
الغفير:شاف لي باقة الورد يلي في يدها حط في باله انها وحده من المعجبين وجايبتله ورد...منو انتى
لجين:رفعت يدها بكل ثقه ورتله الذبله..خطيبته 
الغفير:تفاجأ كيف وسيم خاطب؟..تفضلي
لجين:ابتسمت...شكراا
وخشت بسرعه .
ارضيات رخاميه واثاث فخم كميرات تصوير رهيبه وبنات لبسهم ومكياجهم كأنهم ممثلات
بدت تسأل على وسيم لين قالولها انه في غرفة التجهيز لان بيطلع ع الهواء بعد15الدقيقه 
قربت على الغرفه يلي موجود فيها وعيا فرحانه انها بتفاجأه❤️
فتحت الباب وهيا مبتسمه ...لكن بسرعه ما اختفت البسمه لما شفاته💔

____________________

ساره:غطت الصونيه وطلعت لي احمد عشان تعطيه واذوقه اكيد قداش ليه على الاكل الليبي 
تفاجأت ان باب شقته مفتوحه ...طقت وخشت 
ساره :احمممد؟؟
لكن كانت الشقه فاضيه 
ساره:حطت الصوتيه وجت بتطلع لكن لمحت على الطاوله مسدس ونفس القناع يلي كان لابسه الشخص يلي هجم عليها!!
دق الخوف قلبها واختارت انها تطلع بسرعه ومعش تكلمه نهائي ...لكن اول ماتلفتت شفاته قدامها😨....يتبع







تعليقات



حجم الخط
+
16
-
تباعد السطور
+
2
-
close