رواية خيبة قاتلة الفصل الرابع 4 بقلم بنوتة الشيخ
فؤاد:شبحلها
مش فاهم!!
منى:متنساش...انا اليتيمه يعني لو تكلمت وربي نقلب عليك عيله عايله
فؤاد:يشوفلها مش فاهم شي!!
منى:الم......
حليمه:امونه اموونه
منى:نزلت يدها ورجع وجه البرائه...نعم خالتي 🥺
حليمه:تعالي وتي معاي العشي سلم بنتي
منى:حاضر هي...تبعت خالتها بدون ما تشوف لي فؤاد
فؤاد:رغم ان هوا الراجل ...لكن في لحضتها خاف !!
خاف منها الثقه يلي تحكى بيها ومستغله قصة انها يتيمه وااضح انها مش ناويه على خير ابدااا...تعود من الشطان وركب لي مرته❤️❤️
منى:متنساش...انا اليتيمه يعني لو تكلمت وربي نقلب عليك عيله عايله
فؤاد:يشوفلها مش فاهم شي!!
منى:الم......
حليمه:امونه اموونه
منى:نزلت يدها ورجع وجه البرائه...نعم خالتي 🥺
حليمه:تعالي وتي معاي العشي سلم بنتي
منى:حاضر هي...تبعت خالتها بدون ما تشوف لي فؤاد
فؤاد:رغم ان هوا الراجل ...لكن في لحضتها خاف !!
خاف منها الثقه يلي تحكى بيها ومستغله قصة انها يتيمه وااضح انها مش ناويه على خير ابدااا...تعود من الشطان وركب لي مرته❤️❤️
_________________________
ايمن:بدي يعلي في صوته تي اقلبي عليا وجهك يا وجه الفقر هاذا فاش ......
قاطعه مازن بصوت اعلا منه لدرجة كلهم انتبهو
مازن:خلاااااااااص عاد ياسر مصختها
وصال:شافت لي حنين بصدمه
مازن:شن هاذا الزح كل شويه معلي صوتك وتهزب فيها اطلع برا وري
مرجلتك ع التريس مش على مرتك
حنين:وقف كل شي جنبها وعيونها تعلقو بي مازن بس❤️طول فترة زواجها مفيش حد دافع عليها زيه
ايمن:نصدم من ردة فعل مازن لكن حب يمشيها بضحكه...هه خيرك يا ولد
الخاله كبرت الموضوع هما هكى الجنس الوسخ هاذا ميمشيش الا بي العين الحمراء
مازن:جنس وسخ؟؟؟علاش مسمعتكش تهزب في اختك قبل؟ولا خالقها ربي من
تراب القمر؟
ايمن:بدي يبلع في ريقه مش عارف شنو يرد خصوصا ان امه واخته يشبحوله
يبوه يتكلم ...ريحنى ياراجل وتغدى متكبرش المواضيع
مازن:حط الكشيك ع السفره ...طيرت امها النيه بي عياطك زي العيل
...وناض طلع
حنين:قلبها دق❤️❤️لما فات من جنبها ...نست
روحها وتبعاته بي عيونها لين قاطعها نفس الصوت البشع
ايمن....تريحتي هكى؟؟ديمه منكده على العيله كلها اوكبي اقلبي وجهك
مفيش غدي
حنين:رغم الهزايب وحرماني من الغدي يلي تعبت فيه بس ركبت وانا
فرحانه❤️
حسيت بشعور حلو شعور منقدرش نوصفه ابداااا
وصال:كانت تراقب في نضرات مازن لي حنين بي خبث
حست ان الشي يلي قاعد يصير وراه قصه !
وطبيعت وصال كانت متخليش الناس في حالها لاااازم ادور وتقصقص لين
تفهم كل شي ..وتوا بدت قضيتها الشاغله حنين ومازن ليش يدير هكي؟؟
موده:خيره ولد اختك يا امي خيررررره 😡
ربيعه:قارنه حواجبها ...وتسألي زياده؟طبيعي هذيك اللفعه اشبح شن
قايلتله علينا
وصال:بس عيب يعني هيا متزوجه كيف تفتح مواضيع زي هاذي مع حد غريب
؟صراحه تشوه سمعتكم يا عمتي سامحيني فيها
ربيعه:تنهد وهيا متكنطيه...تو نشوفلها حل 😠
وصال:ابتسمت بخبث وهيا تهز بي ولدها الصغير
ربيعه:اتصلي بي اختك وينها لا توا في الجامعه
موده:كنت نتصل بيها سكرت عليا اكيد وصلت
ايمن:سمع الكلمتين هاذم وناض يجرررري قدام الحوش
قعد واقف قدام الحوش ربع ساعه كامله تحت الشمس لين اخته وصلت نزلت
من سيارة صاحبتها وهيا تضحك
ريم:ههههه خيرك وخي واقف برا شمس عليك
ايمن:يبتسم وعيونه في صاحبة اخته...كساد داخل قلت نطلع نتشمس شوي
ريم:ضحكت بصوت عالي هيا وصاحبتها...تتشمس في ها النو
ايمن:خشي واسكتي
ريم:يلا نوره نتلاقو بكرا متنسيش المحاضرات بكري
نوره:تمام...ابتسمت لي ايمن وطلعت بي سيارتها
ايمن:كلمتيها؟؟
ريم:افففف الصبرر الصبررر ايمن قاعده نمهدلها في الطريق
ايمن:مسكها من يدها...صبر شنو درهتيلي كبدي ره!!
ليك اسبوع تام مشحطيني في جرتك
ريم:يافالح موضوعك مش ساهل راك متزووووج افهمها كويس هيااا
ايمن:ام الزواج على ام المدله هيااا
ريم:ابتسمت...بس متخافش اهداا واضح هكي ان عاجبها الجو ❤️❤️
ايمن:تمام تمام نراجو شنو ورانا
🔥رِوَايـــــــــات
بـــَـنـُـــووتِـــة الشـِــيـــْـخ🔥
🔥أروى
الــــطـــاهــــر المــســلاتــــي🔥
فؤاد:قاعده متبيش تتكلمى معاي؟
مروه:لا عادي!
فؤاد:مسك يدها...عارفك تاعبه من العمليه وخاطرك مكسور
مروه:تحاول تكون قويه ومتبكيش ...كويس وانت عارف الشي هاذا كله
ونازل لوطه تضحك وتغير في جوك عادي؟
فؤاد:مش من القلب ..بعدين خواتي كلهم لوطه وهما طلبوني عيب منقعمزش
معاهم شويه ولا شنو رايك؟
مروه:قامت عيونها فيه ❤️...مزبوط صح
فؤاد:ابتسم بحب...نوضي البسي نغيرلك جوك شويه❤️
مروه:سحبت يدها....لا والله مخاطري حاسه نفسي دايخه
فؤاد:لا نوضي توامنبيكش ترقدي اكتر وتزيدي تفشلي هيا نوضي معاي❤️
مروه:حست ان جديات فؤاد طيب خاطرها وحريص على انه يعتني بيها
وميبيش يجرحها ❤️....ابتسمت رغم تعبها ووجها الاصفر ...حاضر
ناضت مروه وفؤاد يلوم في نفسه داخله ..مروه طووول عمرها كانت بنت
اصل وديمه تخدم في حوش العيله وديمه تحنن في قلبه على خواته رغم ان مفيش حد وقف
معاها بس كانت تتعامل بي اصلها ....كيف
رح تكون المرا التانيه يلي بيجيبها ضره عليها؟؟
______________________________
لجين:فاتو عليها يومين من اسعد الايام في حياتها❤️
خطيبها توضف!! في وحده من القناوات المحترمه ❤️
وزياده طلع لي اول مره في التلفزيون وهوا يقدم في نشرة الاخبار
وشارعهم كله يتباها بيه ويقولو هاذا وسيم ولد شارعنا❤️
اما حنين رفعت راسها بيه قدام صاحباتها كلهم !
حنين وخطيبها وسيم كانو الزوز جيران ❤️
والشارع كلهم يحكو بي حبهم الزوز كانو من طبقه متوسطه وعلى قد
حالهم
شباب الشارع طوول عمرهم هازيين على وسيم لانه كان احلامه كلها انه
يولي شخصيه مشهوره ومقدم برامج ...كلهم تهزو عليه ويسحابوه حلمه صعب ومش رح يتحقق
اما بنات الشارع يعرفو ان حنين تصرف على قراية خطيبها وانها بتتقطع
من الخدمه ع خاطره 💔
نفس الشي هازيين عليها ويضحكو عليها ويدوو بيها قدام كل حد!!
_______________________
ضحى:قعمز ع الصالون جنب ساره بعد ما حطت زوز اكواب نسكافي
....مالك؟؟
ساره:فاقت من السرحان...لا ولا شي
ضحى:هوا انتي شيفاني عبيطه ولا اي ؟؟؟اتكلمي يابنتي مالك
ساره:رجعت خصلة شعرها ورا ودنها وهيا متوتره...امس صار شي غريب في
الليل واعتقد انك كنتي راقده
ضحى:عقدت حواجبها....شي غريب؟؟؟ايه؟حصل اي
ساره:خشيت للمطبخ بندير قهوا سمعت صوت يطق ع الباب بشويه
فتحت الباب خش واحد ملثم سكرلي فمي
ضحى:يا لهووووووي😨😨😨....عمل فيكي اي ؟؟
عملتو العيب 😧😧😧؟ها عملتوه فين ؟في المطبخ؟؟
ساره:لوحت عليها المخده...مصحك شن هوا يلي في المطبخ خيره دماغك
خامر؟
ضحى:اسفه من كتر ما اتفرج على الافلام وكده😂😂المهم كملي
ساره:سكرلي فمي قعد شويه وطلع كأن هارب من شي ولا مفهمتش
ضحى:شربت من النسكافي ...احمدي ربك بأه ان جت لعند كده
ساره:شن قصدك؟؟
ضحى:دول ياحبيتي الدواعش ...او تقدري تقولي انهم متشددين
جيين يأتلو الكفره الفجره يلي في الكبريهات
ساره:كبريهات؟؟؟
ضحى:اه انتو تسموهم البارات وكده
ساره:وانا شن دخلي؟علاش تهجم عليا في الشقه يعني ؟
ضحى:صارت معاي كتير ...دول مطلوبين وبيهربو من الحكومه
ساره:لو شفت حد في الجديد بنبلغ عليهم
ضحى:لاااااا إصحي يابت انتي بتودينا في داهيا ولا ايه ؟
ساره:شن قصدك؟
ضحى:لو مسكو حد فيهم وتكوني انتي السبب مستحيل يسيبوكي يعني حتشوفي
العجايب
ساره:خذت نفس ...تمام بس في الجديد لو سمعنا حاجه زي هكي مدخلنا في
حد مفيش داعي الباب ينفتح
ضحى:حاضر ...متفكي بئه وتشربي النسكافي عملاه بي ايدي
ساره:ضحكت وخدت الكوب وعيونها في التلفزيون
🔥رِوَايـــــــــات
بـــَـنـُـــووتِـــة الشـِــيـــْـخ🔥
🔥أروى
الــــطـــاهــــر المــســلاتــــي🔥
مازن:قعمز في سيارته متوتر بسبب الموقف يلي صار !!
كيف متحملش الهزايب في حنين من راجلها
حط يده على راسها واتكى ع الكرسي وبدي يحكى مع نفسه....شن ادير يا
مازن !!
غلط يلي صار هاذا راجلها ...معش تدخل غلط
فجآه جت صورة حنين بين عيونه ❤️
ابتسم وهوا يحكي ...الزح قنينه البنت حرام يصير فيها هكي
حط يديه الزوز على وجها....افففف شن قاعد نقول انا استغفر الله
وخلاص
ايمن:فرحان لان خدي رقم نوره(صاحبت اخته)بعد ما وافقت ان ياخده
ويتصل بيها !...طلع قدام الحوش شاف مازن في السياره
ايمن:طق على الروشن ...مازن انزل خيرك مقعمز بروحك ؟؟
مازن:استغرب كيف مشى الوضع عادي !...مكانش يسحابه ان فرحان لدرجة
انه نسي المشكله ...فتح باب السياره ونزل
ايمن:ماشي لي الجماعه بنلعبو شوط كارطه تمشي معاي ؟؟
مازن:لالا معنديش على السهور نرقد بكري
ايمن:به براحتك هي نتلاقو
مازن:سلام ....وخش للحوش
اما ايمن ولع دخانه وركب سيارته وطلع .
مازن:واقف يحكى بي التالفون...بخير يا امي وربي بخير وحالي كويس
نعمه:به الحمد الله كلمتها خالتك انا قتلها وكليه كويس راهو ميدورش
في روحه
مازن:ابتسم ...به يا امي تمام
نعمه:امتى تكمل المشكله هاذي ع خير وترجع
مازن:تنهد....قريب ان شاء الله قريب
نعمه:به به دير بالك على روحك ....
مازن:ان شاء الله حاضر ...وسكر الخط تلفت شاف حنين واقفه كأنها
تراجي فيه يكمل المكالمه
مازن:توتر
حنين:اسفه لو خوفتك بس كنت ننشر في الحوايج وريتك واقف بروحك
مازن:ابتسم ...ربي يعاونك
حنين:الله يسامك ...اءءء انا ك كنت كنت نبي نشكرك ...بنشكرك هلبا
على وقفتك معاي اليوم
مازن:لا شنو درت انا ...مدرت شي لكن استفزني الموقف وتكلمت بس لا
اكتر
حنين:ممكن يكون هكي حسب رايك لكن انا شفتها كبيره منك بجديات شكرا
مره تانيه ❤️
مازن:يتجاهل النضر في عيونها كأنه عارف انه بيطيح والطيحه هاذي
غلللللط💔...تستاهلي كل خير و .....
حنين:نزلت راسها ع جنب....وشنو؟
مازن:وضع احسن من هكي
حنين:الحمد الله على كل حال...يالله تبي شي؟
مازن:سلامتك
حنين:ابتسمتله اخر مره ومشت
مازن:سكر عيونه وهوا يردد في كلام داخله ...غلط غللط غلط غلط غلط
هاذا راجلهاااااااااا
__________________________
وسيم:روح من الشركه وهوا فرحان اول مره يطلع ع التلفزيون !
مصدوم من الناس يلي شافها❤️
مصدوم من البنات يلي شافهم لبس وجسم ومكياج
وشعر🔥🔥
ابدا مش نفس لجين يلي ديمه وجها اصفر وضوافرها مكسرات من الخدمه !!
غمض عيونه دقايق وهوا مبتسم كأنه يتخايل في حياته الجايه نجحاته
الجايه ومخططاته❤️...قاطع احلامه الورديه رنة تالفون
وسيم:ايوا يا حب
لجين:اها عيوني...وينك
وسيم:والله مروح تاااااعب موت
لجين:ارتاح ارتاح حقك يا مديعنا😂
وسيم:ياعيون الموديع انتي 😂❤️
لجين:تمام حبيبي ارتاح توا وبعدين نهدرزو اوكي؟
وسيم:تمام
لجين:سكرت الخط وهيا فرحانه ❤️
________________________
زي ما ايمن الليله هاذي فرحان بي رقم نوره
وزي ما حنين فرحانه بي دفاع مازن عليها
وزي ما لجن فرحانه بي خطيبها يلي بدي يحقق حلمه
وزي ما وسيم فرحان بي طلعته ع التلفزيون لاول مره
وزي ما ساره فرحانه ان قبلوها في خدمتها
كانت حتى مروه فرحانه❤️
لان راجلها الليله هاذي حاول بكللل الطرق يسعدها ويغيرلها جوها❤️وفهمها كويس انها حبه الاول والاخير هيا ❤️
🔥رِوَايـــــــــات
بـــَـنـُـــووتِـــة الشـِــيـــْـخ🔥
🔥أروى
الــــطـــاهــــر المــســلاتــــي🔥
الاوضاع تغيرت عند كل الشخصيات ونقلبت من فرح لي صدمه بينهم!!
حنين:كانت تسمع في حماواتها (موده،ريم)يوشوشو ونضراتهم لبعض غريبه
شويه !
كأنهم يخططو لي شي وفي حاجه ميبوش حد يعرفها وحنين حست بي الشي
هاذا!
وصال:اطيب في القهوا في مطبخ العيله ...حاسه يلي حاساته؟
حنين:ترتب اللحم في الفريز....ع شنو تحكي؟
وصال:العقربات الزوز يخططو لي شي ولازم نعرفه
حنين:مالك ومالهم فكينا خليهم في حالهم مش ناقصين
وصال:سكتت وكملت خدمتها
مازن: زي العاده خش للمطبخ...صباخ الخير
حنين:ابتسمت...صباح الورد
مازن:شرب عصير....بالله احسبينا في قهوا وصال
وصال:حاضر ..تبي نحطلك فطور؟
مازن:لالا مستعجل صحيتو وربي يعاونكم
حنين:عيونها في الفريز ترتب
وصال:الله يسلمك......كانت وصال تراقب كويس في مازن ونضراته يلي
مكانتش طبيعيه انجاه حنين!!
اسبوع كامل وهوا يخطف في نضرات ليها حتى لو كانت مقعمزه جنب العيله
...عيونه يلمعو لما يشوفلها ❤️
كان واضح في شي رغم ان حنين مش منتبها لكن وصال فهمت نضراته كويس !
___________________________
رؤى:لجين لجيييين ..ياطرشه
لجين:هااااا ها صوت الماكينات عالي منسمعش فيك
رؤى:متسمعيش فيا ولا مضايقه ها اليومين
لجين:تبي الحق ولا ولد عمه؟😥
رؤى:ربعت يديها ...احكي احكي
لجين:خطيبي
رؤى:خيره؟؟
لجين:منعرفش حساته مش زي قبل !...بدي24ساعه مش فاضيلي ومعش يحكي
معاي زي قبل
رؤى:طبيعي يا بنتي هاذا اعلامي توا وتصوير وغيره يعني مش وح يفضى
لجين:عارفه لكن!
رؤى:لكن شنو؟
لجين:بدي يأجل في العرس بحجج تافها ويتجنب حتى يحكى معاي
رؤى:لا مدام هكي فيه إنا معناها
لجين:حسيت حتى انا حسيت
رؤى:كاني مكانك نلبس ونمشيله مكان خدمته نشوفه شن يدير
لجين:نمشيله؟؟🤔🤔
رؤى:اي مش تعرفي مكان خدمته ولا؟؟
اجين:اي نعرف
رؤى:اي خلاص بري
لجين:سكتت وهيا تفكر !
فرح:لجينن لجيننن
لجين:نعم
فرح:في راجل برا طلبك بي الاسم
لجين:فرحت وشافت لي رؤى ...اكيد هوا خطيبي جاي يشوفني 🥰
رؤى:ضحكت...طيري تحركيي 😂
طلعت لجين وهيا ترتب في نفسها لين نصدمت ان مكانش خطيبها💔
لجين:عقدت حواجبها....تفضل؟
معاذ:اهلين كيف الحال؟
لجين:بخير مني؟
معاد:معرفتينيش اكيد...قبل اسبوع كنت داخل في المصنع ونخبطت فيك
طاحت كل البضاعه يلي كنتي ماسكتيها
لجين:شافت لي حوايجه يلي كانو متسخات....اي اذكرتك ان شاء الله خير
معاد:انا توضفت اليوم عندكم هنايا وجيت نعتدر منك ع يلي صار نفتحو
صفحه جديده يعني بنواو زملاء وهكي 😅
لجين:لا والله؟؟يعني انت ضميرك قعد يأنب فيك اسبوع تااااام؟؟؟
معاد:يتكلم بي كل رقي انا ...
لجين:شوف يا بابا الحركات هيا متمشيش معاي بتفتح معاي دوا ونبدا
الجو متعك هنايا لاااااا رد بالك مش من النوعيه هيا انا
معاد:بس انا مكانش ق.....
لجين:تحرك سلم ولدي طير من علياا....ورجعت لي شغلها
معاد:يتكلم بصوت واطي..انا صاحب المصنع يادراه 🤦🏻♀️🤦🏻♀️وجاي ع خاطرك
_______________________
مروه:حبيبي استنى نحطلك الغدي بعدين نمشو
فؤاد:خش معاها للمطبخ ووجها مرتبك ...نحى من يديها كل شي وقعمزها
على الكرسي
قعمز جنبها وماسك يدها ويشوف للارض
مروه:خيرك؟😨 في شي؟؟
فؤاد:كنت عند امي و....
مروه:شني؟
فؤاد:خطبتلي !!
مروه:سحبت يدها والدموع في عيونها....من هيا ؟
فؤاد؛
______________________
حنين:ههههههههه
وصال؛اقسم بالله ضحكت بدموعي مبكري
موده:قعمزت وهيا تبتسم بي استفزاز....مبروك ياروحي
ربيعه:شافت لي بنتها وتبتسم
حنين:انا؟؟
موده:انتي امالا منو؟
حنين:ع شنو تحكي ؟!
ايمن:ررررريم ريييم حطي بناكل
ريم:من المطبخ...بااااهي
موده:مبروك عليك الضره يا عيوني بكرا بنخطبو لي ايمن بنت عيله وناس
ومن قدرنا
حنين:شافت لي ايمن بصدمه...تكدب صح؟؟
ايمن:حشاهم خواتي من الكدب
حنين:نهااااااارت💔....جتها حاله هستيريه تبكييييي ....حسبي الله فيكم زي ما خربتولي
حووووشي 😭😭😭😭😭😭
انتم يلي عبيتوله راسه عليااااا حرام عليكم الله لا تسامحكم💔💔💔💔💔
ايمن:وقف ضربها كف....كيف تتجري يا حيوانه شن دخلهم
الشرع محلل4ولا بتكفري
موده:تمثل شاده خوها....خليها حرام عليك متضربهاش
حنين:طلعت من حوش العيله تبكي بحرررررقه وقفت جنب الدروج
مازن:هش للحوش وللمره الالف مقدرش يمنع نفسه ويخليها بي المنضر
هاذا
قرب عليها
مازن:خيرك؟...صاير شي ؟
