رواية كذب المنجمون كامله وحصريه بقلم ام مختار
كذب_المنجمون
بقلم_أم_مختار
(دنيا غانم)
الجزء الأول
ليتنا لم نكبر أبداً.
قد اهلكتنا الحياة بما يكفي وضاعت منًا البراءة
أصبحنا غرباء حتى عن انفسنا اشتقنا لأيام كانت كلها راحة بلا هموم.
عطايا_جدتي تگول القدر صويحبك
مرابطك وتگول المكتوب على الجبين لازم تشوفه العين بس الشافته عيني ٱكبر من كلمة قدر
واكبر من طاقة بشر سؤال مازال الحد هل لحضه يجول ببالي ليش انا ليش انا الي اتحمل كل هل تعب وهل حزن وهل صبر انا انسان وطاقتي وصبري نفذو
عطايا _دراجة ابوي هذا صوت دراجة ابوووي مديت راسي من السطح بناااات ابوي بالباب فتحوله الباب
عهود _ايي دسوي الاشارة طلعتله عبير
عطايا _هذا الفالحة بي انتي جاي اسوي
گاعده بنص السطح وماكو ستارة حجابي على راسي اسوي واير الصحن ست عهود متابعه مسلسل سمعت صوت ابويه ينزل بالمسواگ ويگلهن السمج السمج لا ينمرد
مديت راسي من السطح باااابا
الاب_هاااي شنو شسوين ولج فوگ نزلي الولد منا يطيرون طيور
عطايا _ياااا جاي اسوي الستلايت ولابسه حجاب خطيه عهود متابعه مسلسل
الاب _نزلن باقي المسواگ رايح يم اختجن
عطايا _ سودة عليه ليش صعدت وانت تعبان
_ما شوفين يا بوية ماكو ستارة هساا انتي ليش شالعه كلبج بهذا ستلايت نزلي والعصر اجيب عامل
عطايا _ وانطي فلوس لااا هسا دقايق خلصت بس اضب الواير وتطلع
رتبت الواير ركبته باللاقط هااا عهود
_ضعيفه
عطايا _فريت الصحن
عهود _اييييييي طلعت نزلي نزلي
_نزلت نزلت دخلت للبيتونه وهو وراي بعده بملابس الشغل وايديناته متوصخات من دهن بست ايده الله لا يحرمني منك
_ولا يحرمني منج نزلي باباتي بسمة صدگ جذب مصعده البنيه تسوي الصحن
بسمة _شسويلهن هنه ينكدرن هاي صرعتنه تريد شوف المسلسل وهاي ما تقبل نجيب عامل
عطايا _عامل وننطي عشر الالاف وابوي من صبح يشتغل والشمس ادگ بي لا والله انا العامل وهاي طلعت و عهود جاي شوف
الاب _صدگ ما خلفت ولد بس عندي بدل الواحد اربع ولد
عطايا _والله يا بابا انا عكازتك الحد ماا تنام عيني
الاب _عمركم طويل ان شاء الله
بسمة _عطايا نظفي السمج ابوج جايب سمتي وحطيهن بالمجمدة
_عطايا _عذااب تعاي وياي فدوه
عذاب _وليش احنه نشتغل ليش موو عهود و عبير
عطايا _عوفيهن يباوعن هل مسلسل التافهه وتعاي نسولف و نشتغل
عذاب _اي والله
عطايا _كعدنه انظف بالسمج وعذاب تسولف وخابصتني لا خلت عمامي ولا نسوانهم ولا ولدهم
سطرتني سطر
عذاب _ تدرين شصار ويا مرة خالي عبد الله
عطايا _ولج ما خليتي واحد ما نبشتي كبره هساا درتي على خوالي يبووووووو كومي كومي
عذاب _مو صوجج صوجي انا الاسولفلج
عطايا _امداج وامدة سوالفج
بسمة _يمه عطوة تعاي غسلي ملابس ابوج
عطايا _لا تگليلي عطوة اسمي عطايا
من زين العطاية هسا
ناوشني ابوي بنطرونه ليش هيج تگولين انتي عطايا الرب الي
عطايا _ونعم بالله ارتاح وهسا امي تصبلك الغدا
_خليني اصلي صلاة العصر ما لحگت اصليها و بعدين صبولي غدا
عطايا _تقبل الله مقدماََ
_منه ومنكم صالح الاعمال
عطايا _طلعت الفيته (الفيته =اداة قياس)
طلعت تليفون مكسوره شاشه ركضتله بس لا ندعمت مره ثانيه
الاب _لا ليش
عطايا _شو تليفونك هم مكسور
_يمعوده طاح مني وانا بنص الشارع وطشرت الطماطه وهمزين جابو الي ولد شباب
عطايا _مو كتلك لا تسوگ هواي تصير عليك ثگيله الدراجة
الاب _بعد مريت بالخضارة وسوگت
عطايا _الله يسامحك تخلينه خايفين عليك
_لا تخافون عليه الموت حق وكلنه نموت
عطايا _اسم الله عليك لا تحجي هيج من عمري على عمرك
حطيت ملابسه بالغساله وذبيت عليهن ماي حار
كعدت اباوع للتلفزيون هل مسلسلات الهنديه المايعه تفاعلت وياهم منين طاحت
_من التل
_وهو عباله ماتت
_اي بس هيه فقدة الذاكرة وعمها الحقير ضمها
عطايا _صدگ لو گالو هنود
بسمه _اششش خلني اسمع
عطايا _شسمعين
عمج عباس اتصل على ابوجن اريد اشوف شيريد منه
عطايا _الخميس مسوي ثواب يجوز جاي ينطي البابا خبر
بسمه _منين عرفتي
عطايا _ عمي سعد قبل جم يوم خابره وگله
بسمه _هاا شنو يريد عباس
_عازمنه الخميس مسوي ثواب الاهلي
بسمة _هاا خوش
_تروح
_اي اكيد
بسمه _احنه هم ونجي وياك
الاب _ليش هووانا اكدر اطلع بدونج طبعاََ وياي
عطايا_ بوية سامع بهوا الرية
الاب _اييي
عطايا _هذا الهوا اليترس الرية
بويه انت هيج ما تمرلك مكان اذا ما تترك بي اثر حلو احس ربي خلقگ بس تجبر خواطر
الاب _الحمد لله نعمه من الله هاي
.....
بسمة _شنو البس بنات هاي العباية لو هاي
عطاثا _ثنينهن حلوات عليج
بسمه _اي بس اريد البس شي حلو ماا اريد ام هزيل تعيب ترى اكتلها واجي
عذاب _ليش تكتليها
بسمه _ كل ما نروح هية لابسه الذهب و الاشكال و الالوان والملابس بالجيس وانا هاي العبايه صارر عشر سنين عندي
عهود _ المهم عدنه ملابس موو المهم هيه شنو تحجي غلسي ختولي
بسمة _اخخخ هاي العوبة رجلها دكتور وانا....
عطايا _كاااافي يمه كاااافي لا يسمعج شنوووبيده الحمد لله ع كل حال هذا قدره وهذاا نصيبنة
واحنه افضل من غيرنه
عبير _انا راح البس هذا البنطرون وهذا البدي وفوكهم هاي العبايه
عهود _لااااا انا البس هاي العباية
عذاب _اخذي عبايتي الجديده
عهود _لا بشرفج
عذاب _اي وانا البس من عبي عطايا هاا عطو
عطايا _الي تحبين تلبسيها لبسيها
بسمه _محسستني عندج ميه هنه ثنين
عطايا _كافي شعدنه يوميا طالعين شو بالسنة حسنه والبيت عمي فاضل
نجهز قبل لا نروح بيت عمي عباس لأن هناك الكل يجي كاشخ و مظاهر َسيارات وتليفونات واحنه الوحيدين الحالتنه ضعيفه شماا نسوي نظل اقل منهم همه هيج يحسسونه
بسمة _لبست العباية مالتي و مسحت شحاطتي
وعطرت
عطايا _ابوي لبس الدشداشه المكوية حبيبي فدوة العمره طلع يخبل وامي يمه فدوه الله جنكم عرسان
بسمه _بس اكيد اني احلى
عطايا _جلب بجتفها ما يگدر يوگف هواي يتعب اكيد ام بناتي احلى
كدر يضحكها بجملة وحده حسسها هيه مالكة الكون كله اجرلنه تكسي
سمعت ابو العرموط يصيح عرموط حار وطيب ( عرموط =داطلي)
باوعلي ابوي وضحك لو رجعت اشتريلج
عطايا _على راحتك
وصلنه البيت عمي عباس بمنطقة راقية بعد دكتور
نفتحت بوابة البيت من الباب عمي عباس رحب ب ابوي كل عمامي وعماتي جايين همه ثمانية وي بابا وصايرتلك لخة وولدهم ما شاء الله البيت صاير دائرة الاحوال المدنية
سلمت علينه زوجة عمي عباس باوعت الامي وضحكت امي تتخبل منها
زوجة عمي عباس طول الكعده اظل تحجي بالملابس و الفلوس والذهب
اول مكعدنه جابت حلاوة التمر المسمسم بعلبة التقديم كلش حلوة
_شرايكم بيها
زوجة عمي سعد تجنن عاش ذوقج
_لا ههههه مو اني جايبتها
بسمه _تعوج الحلگ
عذاب _هههههه صارت اني
عطايا _ههههه سكتي لج
_حبيبي عباس جابها من اربيل من راح وجاب وياها سيت مواعين يجننون
بسمة _بالعافيه
عطايا _هل جمعات لازم احنه ما نروحلها لأن الكل يتباها بفلوسة وبحياته ومهما جانت درجات الرضى عدنه عالية هم ننقهر
دخلو الولد يسولفون ويضحكون
هادي ابن عمي عباس سلم علينه والولد بيهم ٩ سلمو كلهم
اما هزيل رفع ايده وصعد الغرفته
بسمه _ شلونه هزيل ما تحسن
ام هادي _ما بي شي لو اجة العصبيه لم ملابسة وتوجة للنجف
وما بيدنه غير نسكت وندعيله يروح يزور صاحبة ويرجع
حنين زوجة سعد _ما خذيتو للدكاتره
ما خلينه دكتورر شنو انتو ما تدرون من غير اصدقاء حبيبي عباس
عطايا _بتسمت من كلمة حبيبي هههههه أ حسها زعطوطه تصرفاتها ابدد مو مال انسانه كبيره و جدة
حنين _ الله يشافي
عطايا _دخلو عمامي وابوي وراهم صاح يا الله ياله دخل
سلم على نسوان اخوته وخواته ركضله يبوسن بي ابوي الحنين ابو النفس الطيبه كلها تحبه
عمي مثنى صاح شلونكم
ام هادي _ يا خويه انت حتى بالسلام بخيل ههههه
عباس _اهدي يا مراة
بسمه _اول مرة تحجي شي صدگ
عطايا _هههههههههه
ام هادي _شلونك عيني ابو عطايا
_الحمد لله انتو شلونكم ان شاء الله زينين
ام هادي _الحمد لله بخير شلون شغلك ودراجتك شلونها
_زينه
ام هادي _ ديري بالك على روحك سوق على كيفك
خطيه ابو هادي ذيج المراه من كلوله اخوك مسوي حادث و بالمستشفى مات من الرعب عليك واجاك يركض
عطايا _تتميع بالحجي توتر المقابل
عباس _جا شلون غيرر اخوي
عطايا _هوو قبل كم يوم مو مندعم بس مطيح تليفونه والمسواگ اگله سوق على كيفك بس هوو يعاند
_الاعمار بيد الله
ترخص ابوي ورجع لديوانية الزلم
حسيت ابوي ضاج لو ادري ما حاجيه بسس
اخخ منك اريدك تبطل تسوق سريع
اباوع الخواتي عيونهم على بنات عمامي وعماتي
اخر لبس واحدث تليفونات حقهم
تقربت مني عذاب جاي تشوفين احنه نجي هنا بس نقهر روحنه ونرجع
عطايا _....
حنين _ما كو عريس منا منا ماما عطايا
بسمه _يجوها شگد وما تصير
ام هادي _خاف عدها تابعه
عطايا _احدا المواضيع الي لازززم كل مره بكل جمععات الاهل ينفتح وهو ما اجتج خطابه لا والله بجون بس ما اصير ايي بيج تابعه
ويظلن يبدعن بالكلام خاف ملزومه خاف و خاف ويعلمني وصفاتهن شيلي حرز سليمان او حرز الثمانون اية واني اظل بس اهز براسي والخجل يحاوطني
حنين هسا شگد عمرها
بسمه ٢٣ سنه
حنين _جبيره خطبه
عطايا _ يجرحون الشخص بحجة همه خايفين عليه اظل بس اوزع ابتسامات بس بداخلي مقهوره بعدني صغيره بسس همه عدهم ٢٣ سنه وما مزوجة شگد عيب وفشله وحرام بقاموسهم
صبو الغدا وگعدنه كلنه على السفرا وهزيل ما نزل
سما بت عمي مثنى سألت علية
عماتو لعد هزيل وينه
ام هادي _ما ينزل هو يظل بغرفة
مثنى صدگ خويه على طاري هزيل اكو دكتورة بالبصرة صاحبي زوجة بيها حاله نفسيها موديها يگول كلش زينه
عباس _شنو اسمها
مثنى هبه بس نسيت اسم ابوها اذا تريد اجيبلك رقمها وعنوانها
عباس _ياريت والله انا ناوي انزل للبصرة اريد اروح الدكتور عقيل خابرلي الولد وجيبولي عنوانها ورقمها
مثنى _لا يابه هسا اخلص وانطيك الرقم وانت خابر
عباس _هههههه ماشي
ابو عطايا _خويه اخذه هم للزيارة
عباس _كل خميس هو بالزياره وكل ما ضاج وعصب حط ملابسه بالجنطه وهج للنجف
هذا الخميس توسلت بي الخاطركم يظل ولو ادري خاله يروح يظل بهل غرفة
مثنى _عوفو على راحته
عهود _ همست العذاب دضربو ب مية نعال هسا يصير ادمي
عذاب _هههههههه لج هو الولد حاجي شو من يوم الحادث الهسا اخرس ومنصدم بس همه يگولون يابه شوفونه يتفيكون علينه
عطايا _ندستهن من يمي صوتجن عالي
عبير _عطوه انطيني صحن العنب من يمج
_خزرتها اسمي عطايا
هادي _لج عطوة شنو ماكو عريس منا منا
عطايا _ باوعت الامي
الاب _بناتي على راحتهن يمتى ما تجي القسمة ربك يسهل
هادي _هاا عمي ناوي تخليهن يمك
الاب _ياريت يظلن طول العمرر يمي شحلاتهن وشحلات حسهن بالبيت بس اخاف اخاف من الموت لو اجاني وين يرحن
كلحنه گلنه اسم الله عليك
عطايا _طلعة ننغث بيها ونرجع من كل الجوانب و
الختامية بهل جمعات ينطونه الاكل الزايد
بس ابوي ما يقبل ويگلهم خلو الكم اني متسوگلهم كلشي وياخذنه ونطلع
وطول الطريق نرجع نتحسر على الشفنا وعلى العايشينه مو حسد بس الحرمان يخلينه هيج نتحسر
رجعنه للبيت امي ساكته مقهورة بعدها مقهوره
بدلت وراحت يم ابوي نسمع ضحكاتهم امي صدگ تضجور بس عدها ابوي بالدنيا كلها
عبير شفتو تليفونات البنات وملابسهم يبوو تجنن العبي الخليجية تخبل
عذاب _شفتو الذهب اللابساته
عهود _يتفيكن گبالنه شبيج
عطايا _سوار بت عمو مثنى كلش حلو راح اجمع مصروفي واشتري منه
عذاب _ان شاء الله بعد الف سنه ضوئية
عطايا _ميخالف المهم اشتري منه
غذاب _ خطيه هزيل كسر خاطري
عهود _خيولي هل مخبل منطينه اكبر من حجمه
عطايا _غير ابنهم
عبير _هو الولد شبي قابل بس صار اخرس يضربه طوب يجي يوم ويرجع يحجي
عذاب همه مخايفين على صوته خايفين على الصدمة الدخل بيها
عبير _بزر ددلال من جماعة ماما غطيني
عطايا _ههههه هاي منين سمعتيها
عبير _امس الولد هنا يلعبون بالشارع وسمعتها منهم ههههههههه
عطايا _همه صدگ بزر دلال بس هم صعبه واحد يكتلون صاحبة گبال عينه
عبير لو يكتلوجن اربعتجن گبال عيني هم ما انخلس
عذاب _انتي لو يكصون السانج هم يطلع مره ثانيه ام السان
عهود _بس صدگ خطيه امي تگول جان ما يفارك كاله
عبير ديلا اكو واحد اسمه كاله هنوب منقهر عليه
عطايا _هو ما اسمه كاله تعلوكته (تعلوكته = اسم الدلع)
كاله الولد جان اسمه كرار
عذاب _الله يرحمة
عبير صدگ ناس مجهوله كتلته ضربه وموته
عطايا _جا شنو ما تملون الف مره حاجين بهل قصة كل ما نرجع من بيت عمي نحجي بيها
عذاب _اي خلينه نسولف ايي طالع يطلب القاط من هزيل وكتلو
عهود _يگولون خطيبة الحد هسا ما زوجت
عبير _هاي هم عالنه حداد
عهود درت على بطني اي ولج يگولون تموت عليه وتروحله للزياره وهم الناس ما تخطبها لأن يدرون جانت عدها علاقه ب كاله الله يرحمه
عطايا _الله يصبرها فراگ شخص تحبه صعبه مو هنوب بالليله الحنه يعني لو ظالين جان هسا عدهم وليدات
عهود _الله يرحمه
عطايا _نبشتو كبورهم هنوب الله يرحمهم
عبير _هسا خلونه نرجع الهزيل وهذا الخبل لأن نكتل صاحبة كدامه دخل بحالة نفسيه
عطايا _ جان يمووت على كاله هو الراح خطبله وهزيل الساعدة بالغرفة و بالمهر كاله خطيه جان حالته مادية ضعيفة وهزيل صاحب صاحبة اجه يطلب منه القاط وخطيه بنفس الوقت مجموعة مسلحة تركض ورى واحد ودخل بالدربونه و كتلو اليركضون ورا و كتلو كاله
عذاب _انا لو بمكانه الى اتخبل والله
عطايا_ ولكم ربك ستر ما مات هو هم
عبير _لو ميت اخيرله ولا هل شوفة الحال
عذاب _دهر صابج الولد شفتي شو بس رفع ايده وصعد الغرفته بعد ما شفنا وهاي من ٢٠٠٧ الهسا هذا حالة
عبير _مزعوجة منه بكيفي
عهود _خبله ههههههه
عطايا _حطو روسهم على مخادهم متلفلفين بالبطانية ومكملين حديثهم ساعة عن البنات وساعة عن الثواب يحجون وساعة عن هزيل المسكين الحد مااا نامو وانا ظليت كاعده ما يجيني النوم الحد ماا سمعت اذان الفجر الصوت بعيد اسمع صدى صوت بس سمعت باب غرفة ابوي نفتح اذن گام ابوي للصلاه
صباح الخير
_صباح الورد الجوري
عطايا _اصلي واسويلك كوب جاي وجبن وخبيزه حاره على الهيتر شرايك
_اي والله ياريت
_غالي وطلب رخيص
صليت فرضي بكل طهارة روح
حطيت الجاي يتهدر على النار وطلعت الخبزه حطيتها على الهيتر واگلب بيها
وابوي بيده السبحة طلعت امي من شافتني يم ابوي صبحت علية ورجعت للغرفه
ريگته و لبس ملابسة وكلاوة الدنيا شتا
فتحتله الباب على مصراعيه حتى يطلع دراجته الله وياك حبيبي دير بالك على روحك مو تسوق سريع
_الله وياج بويه عطايا بروني الذمة
عطايا _عكدت حواجبي على شنو بويه
_على كلشي بويه على كلشي يلا في امان الله بويه
عطايا _في امان الله
سديت الباب رحعت سديت باب الصاله بس حطيت راسي على المخدة غطيت بنوم عميق
اسمع صوت خواتي يسولف وامي تصيح عليهن حتى يشتغلن بس النوم سلطان ما اكدر اقاوم
كملت نومتي الحد ما فززتني امي ولج كعدييي
عطايا _شكو شصاير
_يگولون ابوج داعمة لوري
