رواية كذب المنجمون الفصل التاسع 9 بقلم ام مختار
كذب_المنجمون
بقلم_أم_مختار (دنيا غانم)
الجزء التاسع
وجة اخر
استغربت ليش نكطع الخط خفت عليها بس لا لزموها
عذاب _شبيج
عطايا _تهاني جانت تحجي وياي واسمع صوت هوسه يمها و فجأة نكطع الخط
عذاب _يجوز اجه يمها احد
_اي اتوقع
تركت التليفون واصلاََ تهاني ما حطيتها ببالي
اتصلت حنين على امي تكلها
جابين خطابة العطايا
بسمه _هلا بيهم
عطايا _ليش كتيلهم خلي يجون ترى ما تصير
بسمه _شهل تشائم
عطايا _مو تشائم بس شگد اجو بالاخير يرحون
عذاب _سويلج فتح تابعة هههههههههه
عطايا _انا عقلي اكبر من خيره و تابعه هااي نضحك بيها ع الناس يعني دروبنه محد يبيعهن علينه
بسمه _هواي ناس تاخذ خيره و الخيرة مو شي غلط
عطايا _بهل سنين وبهل التطور الي محوطنه
الانسان يكدر يطلع ع هل موضوع دينياََ و فكرياََ
بس يكتبون ع نت الخيرة موجودة ب كتاب مفاتيح الجنان والاستخاره مو بهل شكل الانسان هو الي ياخذها الروحة وهذاا نبينه ولازم نلتزم بتعاليمه
وخيرة الامام علي هي تجي فقط ب نعم او لا
يعني شلووون
يعني انا اريد اشتري هذا البيت
اما نعم شتري بي خير الك
او لا لا تشتري انتهت اما الي انا اسوي والي اغلب الدجاليين يسوو بس حتى نتمكن من عقولهم و نسويلهم الحياة ورديه تنحل ب حجاب ينلبس.
ونسوا كذب المنجمون ولو صدقوا
بسمه _اهوووو
عطايا _الي راح يجون ما راح يوافقون واذا مكتوبه ازوج ازوج وما تكضني لا تابعه ولا أي شي
عذاب _كلامها قنعني
عطايا _ممكن بعض الاحيان الله يبعد عنه الشي علمودنه ممكن ازوج واتأذة واتعب ويطلع مو خوش انسان مو كلشي ما نحصله معناها الله ميحبنه وما عدنه حظ ونيأس
عهود _شهل درر ترى انتي هيج هيج راح اظلين معنسه
عطايا _ كلش عادي انا بعد الي شفته وسمعته من النسوان وشفت الرجل اصلاََ غير مساند الزوجته
اخير همي صار الزواج و الرجل
بسمه _بس ابوج خير مثال
عذاب _بتسامتها نورت شفافها
عطايا _ابوي اخخخ يا ابوي ما يتقارن ابووي
نسمة الهوا مااا تتقارن وي العجاجة
بسمه _ خلي يجون والله كريم
عطايا _الله كريم ربي يقدم البي الخير
عذاب _اجو و عطايا لبست ثوب حلو مرتب و حجاب ما قبلت تخلي شعرها طالع لأن قصير
عذاب _والله عادي
عطايا _ما يحبن يردن شعر الحد حزام الحوض كون مثل شعرج ياا اميرتي
عذاب _لو يصير انطيجيا
عطايا _جااا ما يلوكلي كوه يلوك الهل جمال
خذيت صينية العصير و دخلت الصالة السلام عليكم
كعدت ورى امي
بعد السوالف و التعارف و المجاملة طلعو
بسمه _يارب تصير قسمتج يا. عطايا يا بنت بسمة
عطايا _....
عذاب _يومين و سمعت امي تكلهم خيولون وين يلكون احسن منها اذا ابنهم كصير شنسسويلهم
ها يمه
بسمه _يكولون اطول من ابنه اخخ يا ربي
ردت افرحها
عذاب _هيه تدري اصلاََ
بسمه _سكتي لا تحجين بالموضوع
عذاب _اي خليها سكاتي احسن
طلعت من الصالة اباوعلها كاعده يم الحايط وتراسل عطايا تخبل صاحبة بشرة حنطيه وشفايف ممتروسة وعيون سود
و الحواجب مرفوعات بدون حفافة
وشعرها الحد رگبتها بس طولها مخرب عليها
الطول هيبه بس بالعراق يردونها كصيره والمهم اكصر من العريس
عطايا _شبيج صافنه بوجهي خوفتيني
عذاب _ها لا ماكو شي هيج شي بالي مو يمج
عطايا _ هاي البنيه بت مسؤول بالدولة
عذاب _شلون عرفتي
عطايا _جانت حاطته صورته بالوتساب وهيه ويا بس من رديت عليها رأساََ شالتها بس مو عليه قبل لا اراسل دخلت وشفت وسكرنت الصوره
وكلتلي اريد خيره كتلها اريد اسمج واسم امج
وورا شوي كتلها اريد اسم ابوج لأن الخيرة مو واضحة لازم اسم الوالد
عذاب _يمه ولج انتي محراك شر
_اي شعبالج هاي بت المسؤول يا اهلاََ وسهلاََ بيها عيوني الثنين الها
عذاب _راح تجرمين بيها
عطايا _اطلع حق الشعب الميتين والعدلين
عذاب _اي بس شلون عرفتي هو مسؤول
_لج شايفته بالتلفزيون وسويت بحث على كوكل و هم طلعت صورة
عذاب _وشنو تريد
_تريد تزوج من واحد وهوو ما جاي يجي للطريق
تريد جيبه
عذاب _بت مسؤول وما جاااي يجي للطريق جا احنه شنگول
عطايا _يجوز ما يفكر مادياََ
عذاب والله لو انا بمكانه اجي راكع
عطايا _كلامها بي غموض اكو شي ضامته عني اصرارها ع الولد بي ان يجوز ما يحبها يجوز هو مثلنه يكره هل فئة
عذاب _يا كره يا حقد ولج فلوووووس
عطايا _اكو ناس اهم شي عدهم كرامتهم يكلج اتزوجها ويذلني ب فلوسه لا بابا
عذاب _.....
عطايا _ اصبري خلي اكلها اكو شي غامض اكو شي مو واضح خلي نشوفها شنو تكول
ميادة _ ماكو شي والله بس هو ما يريدني
ما جان هيج جان يموت علية و تغير فجأة
عطايا _سويله محبة نعمي الج ما يشوف غيرج
ونسويله عگد اللسان شنو تحجين راح يكلج تدللين وتأمرين
ميادة _ياريت والله تسويلي
عطايا _تدللين بس يكلفج
ميادة _شگد
عطايا _اييي شگد كلتي
عذاب _يمه ضحكتج تخوف
عطايا _ اطلع قهرررر الصار بيه كله
_شگد راح طلبين
_ ٥ مليون
_والله ما تسوي
_يضربها طوووب لا تسوي واخليها مثل الجلب تتوسل ع اعتاب الوتساب
عذاب _وكلتلها ٥ مليون
والبنيه اصلاََ ما فتحت حلكها
بس من حجيها تنوه خاله فدوه كون ينعمي عن كلشي وينسا كلشي ويجيني راكع
حست عطايا اكو شي غلط
عطايا _اذا ضامة عني شي احجيلي ترى بعدين ما يصير الشغل
ميادة _اذا احجيلج امانة الله لا تفضحيني وانا والله مو هيج انا حالي حال البنات وثقت
و صدگت وصار الي صار
عذاب _يعني شنو تقصد
عطايا _يعني تقربلج
ميادة _اييي
عطايا _يا حلاوة صفكت ب ثنين ايديا هاج هذا النموذج اتعس من النموذج الي ياخذ خيرة ويسوي سحورة تأمن الواحد هو والنعال نفس الشي يكسرها وبعدين يكلها الله وياج اليحب مااا يلمسها يظل يخاف عليها من روحه من روحه يخاااااف
عذاب _وليش معصبه
عطايا _نقهرت عليها صدگ ابوها مسؤول و جلب ابن جلب من غير ما اعرف شنو انجازاته بس نقهرت عليها
عذاب _ دكملي
عطايا _تدللين شنو تردين نسوي ولا تهتمين شهر تكولين خطبني
عذاب _شهرر ما شاء الله بابا نؤيل لتحقيق الاماني
عطايا _اهووو دروحي الشغلج
عذاب _اي و الله عندي شغل اخلي امي تطلع العصر تودي لبنيه يمنه هنا
عطايا _اي عفيه روحي يلا من يمي
وتفقت وياها اللقاء يصير بمكان امي حددته
انطتها الشغل و ستلمت امي خمسه مليون عراقي
والفلوس رأساََ بنينه بيهن وي مساعدة هزيل شفنه البيت يوم عن يوم يرتفع و يقارب ع الانتهاء والفرحة ما واسعة صدورنه
وشتريت تليفون العهود حتى اساعدنه بالشغل
وصرنه تلاثتنه نشتغل بس اكيد انا الاصل وانا صاحبة الافكار وانا الاجيب المبالغ الجبيرة
اما تهاني اختفت اي رساله منها ماكوو
عهود _ سمعو تذكرون البنيه الي خذيت منها كلاده
عبير _الي تحب على زوجها وتريد تطلك منه وتزوج حبيبها
عهود _اييي عليج نور هسا راسلتني اختها بس عايشة ب امريكا
بسمه _اي شتريد
_هم مزوج وتريد تاخذ حبيبها
عطايا _غيري بالحوار كله بس كليلها انتي واختي مربوطات بمصير واحد بسبب امجن
عهود _انتي اصبري لج الاخت ماا تحب واحد من عدنه وبينه
عطايا _يعني شلون
_تحبلها واحد مكسيكي
عطايا _شنوووووو
_اي و الله تكلي احبه وهو هم يحبني بس لأن زوجي بيناتنه عافني وراح الوحدة مكسيكيه و اني جاي اشوفه واموتتت قهر
عذاب _ههههههههه والله هاي العجائب الدنيا السبع
عطايا _واناا جنت استغرب من وحده تحب واحد من محافظه ثانيه هسا اطورنه ظلينه نحب دول
عهود _هسا شلون اخذ خيره ل خوان
عطايا _اسمه خوان
عهود _اي والله
عذاب _ بلحضتها خربنه ضحك هل شغل خلانه نسمع بقصص ما جنه بيوم نتوقعها ولا اصلاََ ممكن تخطر ع بال انسان
عطايا _مثل ما كتلج كليلها امكم مسحوره وهل سحر بسبب الرابط الببنكم وبين امكم ماخذين من نصيبها و حجيلها كلاوات بعد من يمج
عهود _ كتلها مثل ما كتيلي
عطايا _وشنو صار
_تكلي اريد شغل مثل اختي بس لازم الجواز علمود تحول الفلوس
عطايا _منو من عدنه عدها جواز هو احنه كربلاء ونجف بالدفرات نطلع الها
بسمه _ما يصير بالجنسيه
عهود _تگول لازم الاسم بالانكليزي ما اعرف ليش
بسمه _باجر اطلع الدائرة الجوازات واسوي جواز و
من يكمل دزه
عهود _خلي اكلها
عذاب _غابت عهود ورجعتلنه هااا
عهود _تريد الشغل هسا راح دزه الاختها وترحين تستلمين من اختها
_تمام
عهود _وستلمت العشرين ورقه بأيدي شنو نفسي بي سويته وامي متقبل اصلاََ نجمع تكول ونسو روحكم
عطايا _ بعد غياب راسلتني تهاني
تهاني _عرفتيني مو
_ايي اكيد بالي ظل بالي يمج
تهاني _لا ماكوشي بس عمتي انتي تعرفين هيه الوحيدة الما جاي تفك ياخة مني
عطايا _الله يهدها
فدوه اريد شغل الها جددي الشغل
عطايا _نتبهت الشغلة تهاني تكتب وما جاي تغلط تهاني جانت اغلب املائها غلط
نتبهت بس ما خليت الموضوع ببالي
اي عادي اسويلها شغل
تهاني _فدوة احجي بصمات حتى افتهمج
وانا عندي ذهبي وذهبها صندوگ كامل
مالتي ومالت عمتي اريد تسويلي بي شغل
عطايا _تدللين
تهاني _هسا اريدج تاخذيلي خيرة حامل لو لا لأن
متأخرة عليه وخايفه اروح احلل
عطايا _هيه هاي ناقصه يردني اصيرلهن سونار بعدددد
لا حبيبتي هذا شي مو يمي لازم ترحين وتحللين وبشريني
تهاني _لو حامل الج هديه جبيره
عطايا _ان شاء الله حامل هاي اكبر هدية بالنسبة الي
غطت تهاني كم يوم ما بينت خليتها على راحتها ما ارسلها حتى لا تكول انا ذابه روحي عليهن
عذاب _اجتني بنيه تريد شغل يمه
بسمه _اي يمته اتفقتو اخذ عبير ونروح
عذاب _بعدني ما متفقة وياها
عطايا _شنو تريد
عذاب _هاي صورتها شوفيها شحلاتها
عطايا _دزتلج صورتها
عذاب _اي هيه موظفة وتطلع ايفادات الكل الدول وهسا ب اربيل تكول بس ارجع اريد الشغل باعي الجمال ورجلها مزوج عليها وتكول ما يجيني ولا يسأل عني وكل شهر يجي يوكف بالباب اطلعله واحد من الاولاد ينطيهم المصرف ويروح
عطايا _هو هذا الزواج من خرا بي
عذاب _العندة هيج مراة كون يدللها على هل جمال
حتى صورتلي بيتها يلمع لمع
بسمه _ياخذن خيره لو يشكن همهن الجن
عذاب _هيه جاي تحس ب نقص ليش زوج عليها لأن احنه تربينه ب مجتمع اذا الرجال طلع يدور برا بيته او يزوج عليج يعني انتي الغلط يعني انتي بيج غلط بس نسو الرياجيل ما يملى عينهم غير التراب
عطايا _ همزين ما متزوجات خلينه يمج نتونس وانتي اتفقي وياها وامي توديلها الشغل
عذاب _تمام
اتفقت وياها الخميس يوصللها الشغل
بسمه _هذا الحجاب بس اصبري
عذاب _شتردين سوين
جابت امي الخل خففته ب ماي وذبت بي صخرات صغار و جابت عوادين البخور دكتهن بايد الهاون
وجابت من بخور العرب عين الحمام وذبتهن بالبطل هذا تكليلها كل خميس تذب بالماي وتسبح بي وتكليلها كون ما يوصل الماي للبالوعه
عذاب _ووصلها الشغل يومين ووصلني صوره منها
هاي شنو
زوجي نايم يم ولده والله صار سنين ما داخل للبيت اليوم نايم يمنه رحم الله والديج شلون اجازيج
عذاب _الف الحمد لله ايام وتشوفين شلون يجي يمج وينومج بحضنه باذن الله
_صدوگ خاله الله يسمع منج والله احبه واموت عليه وصار سنين تاركني والله شگد يتمنون مني كلمه بس انا اريده هو
عذاب _ربي يحفظه الج
............
تهاني _خاله انا حامل هساا رجعت من الدكتوره وكلتلي حامل
_الف مبروك حبيبتي
عطايا _يمه البنيه الصارلها ١٣ سنه مدري شگد ما عدها اطفال حامل
بسمه _خطيه الله يكومها بالسلامه
تهاني _ضروري لازم اشوفج و انطيج هديتج وبنفس الوقت انطيج الذهب تشتغلين العمتي
عطايا _ بعد شتريد مووو حامل
تهاني _ما تحبني ما تريدني
عطايا _لا حول اله
ادزلج امي علمود انا اظل بالبيت اشتغل
تهاني _لا لا ضروروي اشوفج اريد اشكر منج
عطايا _وصلتني رساله وويا الرساله فيديو للذهب الي تريد دزه الذهب يخبل وجديد و هواي
عطايا _ماشي بنفس المكان نلتقي
تهاني _لا يم بيت اهلي
عطايا _يمتى
تهاني _باجر الصبح
عطايا _تمام
الساعة ٧ الصبح كعدت ميته جوع سويتلي لكمه والبيت هدوء لو اذب ابرة اسمع صوت رنتها
فتحت الباب اباوع للهيكل مالت بيتنه احس بالامان لو افتح محل بالبيت مالتنه مو احسن
اووو وشنو يطلعلي بالمحل
_بس المهم عيشة مستوره وهنا منطقة شبة مهجوردة حتى محلات ماكو تصيرين انتي اول وحدة عدها محل
_بعد الي عشنا ادور فتافيت فلوس
سديت الباب وغسلت كوب الجاي مالتي و كعدت امي بدلنه وطلعنه
وهيه وياي على اتصال وتكلي استعجلي قبل لا تكعد عمتي
وصلت ع العنوان
الو
تهاني _وين انتي
عطايا _انا بالفرع الكلتي عليه يم السيارة السودة المظلله
تهاني راح اطلع
عطايا _سديت الخط وظليت انتظر تعدت اكثر من ١٠ دقايق خابرتها ما ردت عليه دزتلي مسج عمتي كعدت وما اكدر اطلع عفتها ورجعت للبيت
وتفقت وياي على غير وقت
ونكطعت اخبار تهاني تماماََ
عهود _ اناااا جوعانه مشتهيه خبز تاوة
عطايا _وعليها شكر الله فدوه سويلنه
عهود _ما عدنه طحين وامي نايمه
عذاب _روحي جيبي انتي
عطايا _راح اجيب انا واجي خدري جاي عذاب فدوه
طلعت وادندند طول الطريق عندي هواية هل غناء
شتريت ورجعت واكفه ب دربونتنه سيارة سودة
وين شايفه هاي السيارة ما ادري بس والله تخبل تلمع لمع ومظلله
حطيت الطحين ع الميز ودخلت للحمام طلعت اسمع ضحكهن وامي ترزل ب عهود
عطايا _شصار
بسكه _عبالها خبز التاوه يصير مثل سياح باعي شمسويه بالعجين
عطايا _مسويته مثل الماي ههههههه ثول
ركضت وراي وبأيدها عجين يركضن اسرع مني تلفت شعري
لاااا عهود هذااا مو شقى
عهود _اصبري خلي هنا الزك شوي عجينات
عطايا هيه فوكاتي و لازمة راسي و تمسح بي العجين
باوع ع الكعدة اكو قلم مالت سبورة جريت وخليتها جواي تلفت وجهه بي
بسمه _كاااافي ولجن طلبت دجاج من الولد اليمنه
عطايا _يلا كافي خلص تمام
عهود _تمام
عذاب _ههههههه حرب عالميه هاي وجهة اسود وانتي شعرج كله عجين
عطايا _بين ما دخلت اسبح وصل الاكل
عذاب _يلا يابه فرشو السفره وصل دليفيري
الام _عطوه ماما يلا طلعي من الحمام
عطايا _هساا يمه هسا اطلع اوووف شلون بيج يا ام راس يابس كتلها الف مره لا تشاقين هل شقه الماصخ
عهود _وشدعواج جاي نشاقه وياج
_اكوو واحد يشاقه بالعجين لفيت راسي وانا احجي فتحت الباب مووو لزگ بشعرري يا اختي شقى ماصخ
عهود _عود توبه منعيدها مووو شخبطتي ع وجهي ما حجيت
_شخبطت مووو بالعجين مسحتي بشعري اضطريت اكص منه منفتح
الام _بطلي هل سوالف عهوده ماماتي
يلا عطوه تعاي
_يمه دخيل الله اسمي عطايا بعد عليمن تصيحيلي عطوه
_اووي اسمج ثكيل
_جااا ليش سميتيني بي عطايا من زين العطايا هو انا حافيه منتفه بالله شنو العندي وانطي
عبير _اووف شكثر تحجن بس يلا تعااي
عطايا جايبين دجاج اي خوش يلا بسم الله
واحنه كاعدين نسولف جريت فخذ دجاجه لفيت لفه الامي
العظام عزلوها ع صفحه
عهود _شسوين بيهن
_مالج شغل العظام عزلوهن ولا تدخلن
الام _مدام عطوه كالت هيج جاي تفكر بسالفه اذن طبقن كلامها
عبير _بس هيه تحبيها
_لااا مو بس هيه احبها هيه ام الخير ام الفكره كلها لو ما هيه جان هسا كاعده تاكلين حصو
عطايا _نفخت روحي عليهن ورفعت صدري منااا ورايح تبوسن ايدي
الام _اي والله منا ورايح بوسن ايدها
عذاب _سكتي لا ادوس بطنج ابوس ايدها على شنوو ابوس ايدج
مثلنه مثلج جاي نسوي شغل وجاي نحصل فلوس على طاري الفلوس يمه وحده بديالى تريد شغل
الام _شتريد
_تريد نفكلها تابعه شعدنه غيرهن هنا يردن قسمه
_اي كملي الشغل وانا وعبيره نركب سياره ونروح
عبير _اووف يمه الى انا
_غير انتي صغيرونتي واخذج وياي
_خووش جااا
عطايا _عندي وحده بكربلاء اذا صارت والله بالفلوس الي راح تطينياها نشتري سياره
الام _اي هذا شغل زين موو انت جيبلي ميه ميه وخمسين
شوفن عطايا كله اجيب ب ملايين
عطايا لا ذبين العظم شكلت خلي هنا يم العظام
عهود _اووو يا عطايا ما تفك من السانج بس عطايا قابل جيب الفلوس
موو انا جبتلج ٢٠ ورقه
الام _بس عطايا جابت اكثر
عطايا مو مهم منو يجيب المهم فلووس
عذاب _صدك ترحين العرس بيت عمي
الام _اييي اكيد اروح واكسر خشمهن هل حيايه
عطايا _كملنه الاكل اخذت العظام غسلتهن
عبير _ولج شسوين بيهن
عطايا _اكسر العظم من جهتين واطكه بالنص والفه بخيط ثخين واخيطله قماشه وعود هذا عظم للمحبه للفراك للكراهيه للزواج للكلشي
عذاب _هههههه هذا عظم دجاج ههههههه
عبير _ولج انتي مصيبه
عهود _شلون فكرتي بيها
الام _وشنو غريبه عليها ما شفتنها شنو سوت بعنك الموزه عطايا عقلها داهيه داهيه
عهود _بعد محراك الشر
عطايا _اباوع الخواتي وامي الي صافنات بالافكار الي اجيبها الي ساعدني بشغلنه
سحارات بس من غير نوع
لا لا مووو سحارات حراميه من غير نوع
اخذت العظام وخليتهن بمكان شمس
بلشنه نحضر العرس ميمونة هم بالقاعة البنات طلبن من النت ووصل الهن انا وامي قررنه نطلع للسوگ نشتري
لبست عبايتي الخليجيه ولفيت شالي وطلعت وي امي واريد نطلع للشارع
وكفت يمنه سيارة سودة
_خالة اوصلكم للشارع
_اي و الله تسويلنة فضل يمه
_لا صدگ جذب صعدو
عطايا _السيارة فخمة
ومن صعدنه السيارة عطرة ملى رئتيني
امي بالصدر وانا وراها
بسمه _يمة اول مره اشوفك هنا
_اي والله خالة اطلب واحد فلوس واجيت اخذهن
بسمه _هااا
عطايا _تبين من الحديث وي امي هو مطلق ويدورلة على عروس
بسمه _الله يرزقك ببنت الحلال
يا.... شنو اسمك يمه
_اسمي ابان
بسمه _يا أبان ابن حواء وادم
