رواية كذب المنجمون الفصل الرابع والعشرين 24 بقلم ام مختار
كذب_المنجمون
بقلم_ام_مختار (دنيا غانم)
الجزء الرابع والعشرون
عطايا _ حساس ما اكدر اوصفه ضجت اي ضجت فرحتلها اي والله يشهد الله فرحتلها لأن انا ام وهم حامل َشعور الضوجة مو منها لا هيج حسيت اكو شي غلط حسيت هاي الدوامه ما راح نطلع منها حساسي غريب عجيب ما اكدر اوصف مجموعة احاسيس بأن واحد فزيت من صفنتي على قفلة الباب وعمتي تبارك التهاني وخواتها ما زالن يهلهلن بالاول ما عرفتهن
أبان كلي هذني خواتها وامها
نظرات أبان الي بوقتها حلوة حسيته مقهور ضايج
عليه متعاطف وياي
عطايا _مبروك تكومين بالسلامه
كملت شر الملابس ودخلت للبيت هيه هم دخلت
وسرى تهلهل وميسلون تبارك حقهم هذا الشي زوجة اخوها وحامل شي طبيعي كلش
عمتي _ وشلون عرفتي حامل
تهاني _ رحت للدكتور و سولي فحص كلي جدار
الرحم جان ٩ ملم شك انا حامل فا كال سوو التحليل سوينا و أبان استلم النتيجة و طلعت حامل
عمتي _يكومولك بالسلامه يا يمه
أبان _رحم الله والديج
ام تهاني _سبحان الله خطية جانت تريد تسوي
تلقيح ورب العالمين رزقها من غير ما تسوووي شي
عطايا _هذا كله انا بغرفتي واسمع الحديث عبالك كاعدين بذاني ويحجون نفتح باب غرفتي أبان شايل عرب ويبوس بأيديه و من منحرة
أبان _ليش كااعدة هنا تعاي يمنه
عطايا _ جنت اشر الملابس وتعبت انطينيا عنك
أبان _ضايجة
عطايا. _لا مو ضايجة بس خايفه
_من شنو
_لو جابت عطايا تنسى عرب مثل حالي و ياها
أبان _ عرب واخوو هنااا بالكلب لا ينسون ولا تتغير معزتهم
عطايا _توعدني ما تفرق بينهم وبين أبن تهاني
أبان _وعد ووعد الحر دين
عطايا _ ابتسمت تمام
أبان _هسا لو وحدة غيرج زعلانه على نفسها
انتي زعلانه على اولادج
عطايا _ مو انا اولادي وخواتي همه كل حياتي
أبان _بدينه بالتنعثل خلي اروح يمهم احسلي
عطايا_ عمتي تريدك
_شتريد
_والله ما اعرف بس گالت من يرجع أبان خلي
يجيني
أبان _تمام
عطايا_ أبان شنو حساسك وتهاني حامل
أبان _ فرحان بس لو هذا الطفل جاي قبل 15 سنه
جان فرحتي غير عن هسا
عطايا _ واخيراََ حب حياتك وطفل منها
أبان _ اخخ ما ادري شگول ما اعرف اذا هيه صدگ
حب حياتي لو لا
عطايا _عافني وطلع
ادري بي يلمح الشي وادري بي يريد يتقرب مني
بس هذا شي صعب يعني انا اتعايش وياه ويوم الي ويوم الها ويجي يتقربلي ويروح يتقربلها الموضوع
يثير اشمئزازي ما اكدر لا اعتراض على حلال الله
بس الانسان طاقة وتحمل وانا هنا مستحيل اكدر اتحمل فا افضل الحياة الانا بيها اكثر من حياة المشاركة
بيان من عرفت اجت ركضت هيه وجلابها على
كولتها
بيان _وشلون حبلتي
تهاني _وشنو شلون حبلت عجبه شنوو الدكتور انطاني ادويه وكلي هذا الشهر اذا ما صار حمل نسوي تلقيح وصار
بيان _وين سويتي الفحص يعني اقصد يا دكتور وعرفتي حامل
تهاني _ ترى اذا شككين بيه أبان جان وياي ليش مقهورات مني لأن حبلت اكيد هاي عطيه توز بيكم
عليه شلون راح يصير عندي طفل
عطايا _ اكو انفجار بغونتناما كالو عطايا يا مصيبه
هل عطايا شدخلني هيه جاي تحجي وياج وبعدين
ترى موضوع حملج مااا يفرق عندي شي انتي
قبل لا تحملين انا تاركة جمل بما حمل هساااا ترديني اغار واوز بالناس عليج والله بطرانه حبيبتي ركزي
بيتج بطفلج بزوجج حتى تفتهمين حياتج اذا انتي حاطتني بالج وكلشي تسوي بس حتى تقهريني
فاااا ما راح تفتهمين شي من حياتج
عمتي_ يلااا كافي حجي وانتي بيان شعجب اجيتي صايره مثل الغرب يجيله ساعه ويروح
بيان_ يا يمه ملتهيه بالبيت والاولاد و حسن
عمتي _وشلون هل حسن
بيان _يا يمه داهيه شحلاته يخبل
عطايا _هااا ولج اضمين عليه
بيان _والله ما لحك اسولفلج هاي المدارس و الولاد ماخذه كل وقتي
عطايا_ شو قبل ما جانن ماخذات وقتج كولي حسن ماخذ وقتج اكول صدگ
_ايي والله ابو علي ماخذ كل وقتي
عطايا _الله يدومها عليج حبيبه
أبان _ هااا شكو مجمعات شنو صاير تردن تهجمن
بيت احد اكيددد
بيان _يااااا هيج صارت يا خويه
أبان _ههههههه تعاي لا زعلين اختج وينها ليش
ما تجي
_ملتهيه بعمتها تريد تسوي عمليه تجي هل ايام
ان شاء الله
أبان _ان شاء الله
يمه عطايا كلتلي امس ترديني بس ما فرغت كولي
يا تاج راسي
عمتي _امشي للغرفه
بيان _يا ساتر مدام للغرفه يعني كارثه
عطايا _ هيه امس تكاونت وي محمد يريد يخطب
بنيه مدري شنو وما قبلت
عطايا _وانا احجي اجه بالي قبل شهر سألني على سهاد بت عمي عباس يااا صخام وجهج يا عطايا اذا صدگ
الحد ما طلع أبان منها انا الف حسبة بالي
هاي اذا اجت ويانه تصير كارثه
عطايا _هاا شتريد عمتي
أبان _ سهاد بت عمج الكواد شنو وضعها
عطايا _ استغفر الله شنو يجملون الغرگان غطة
شبيها
إبان _محمد اخوي يحجي وياها
عطايا _ شنوووو
أبان _اي و الله ويروحلها للجامعه
عطايا _وهوه وين شايفها ويمتى هذا صار كله
أبان _يگول من رايح يجيب الاوراق هيه طالعتله
عطايا _.....
أبان _امي كالبه الدنيا بسبب فصولهم
عطايا _اي احسن خليها على رايها
أبان _يعني شنو البنيه مو زينه
عطايا _لا مو هيج بس ما نصير اربعه انا بعد مالي
حمل احد
أبان _ يعني اگول الامي البنيه خوش بنيه
عطايا _ما تگووول الامك هيج أبان انا تعبانه لا تخلي التفكير يموتني شنوو ذنبهم جاي أتمم هل زواجات وبعدين تنهجم بيوت انت ما تحس بيه
أبان _ انا ما احس لج غير يريدها انا شنو ذنبي
فوگ ما اجمع راسين بالحلال
عطايا _ تجمع راسين وبعدين تهدم بيوت مو راسين بس
أبان _ هذا هو لا تنفعلين راح اگول الامي تغض بصر
عطايا _ اي ياريت
عطايا _ما كتفيت بهيج رحت البيت هزيل وكتله
اريد تجيبيلي سهاد اريد اشكرها لأن هي اهتمت
بأبني وقت طيحتي
والولد ما قصر
عطايا _سمعيني سهاد انا اجيت البيتكم وسمعتيني شنووو حجيت على أبان شنووو تتوقعين من محمد
نصدمت بالبداية
عطايا _اي اعرف محمد محاجي عمتي
سهاد _بس والله هوه خوش ولد
عطايا _اي خوش ولد بس باجر شنو يصير بيناتكم يعيرج بأبوج الحرامي
سهاد _.....
عطايا _ باعي سهاد ويشهد الله على كلامي انا مالي دخل بأبوج انا بنيه وانتي بنيه وانا ما اريد اكسر
بختج هوااي شغلات مضمومه اذا طلعت كلنه نروح بيهااا خلينه يا بت عمي نطلع بأقل الخساير
سهاد _يعني شنوو
عطايا _يعني اذا تحبين حياتج وما تردين تنذلين
لااااا توافقين وانا نصحتج هيج الوجهة الله وانتي
حرة ولو ينفع احجي صدگي احجيلج بسس انا البالع الموس وساكت
سهاد _ بس
عطايا _انتي طالبة جامعه وانا اعرف واصله مرحلة
من الوعي والادراك طابقي حجي بالجاي يصير وراح تعرفين
سهاد _بس والله حبيته خوش ولد وردة
عطايا _ يشهد الله محمد مثل نسمه الهوا
بس لو طلع المخبى راح تشوفي وحش يدوس عليج
وما يلتفت اصلاََ
سهاد _ هوه حتى وي ماما حجة وكلها اريد بنتج
عطايا _ هذا مثل اخو متخبل بشهر هل تطورات
دهر صابج يا بت عباس
انا العلية سويته بعدين لا تگولين يا ريت الجرى
ما كان
عرفتها ما قتنعت بكلامي
اكو مثل عراقي يگول يردح حيل الما شايفها
معنى المثل نتلهف للشي بس ما ندري شنوو مضموم
النه
وبعد ما رجعت البيتي اجاني اتصال من رقم غريب ما رديت الحد ما وصلني مسج انا زوجة عمج عباس
استغربت اتصالها هل كائن ما يتصل بس اذا تريد
شي
الوو
_شوفي ولج بت بسمه اذا عبااج اضحكين على
البنيه اجي واهجم بيتج ما ترديها تعيش بالعز الانتي عايشة بي ادري بيجن خبيثات تردن كلشي الجن
عطايا _ كل الهلا بيها انا ماا راح اسعي بزواجها
حتى ابرر روحي امام الله بس انا اكلج الف مبروك
بيها ههههههههه جا هوه الانسان يسعى الدمار نفسه
الف مبروك مقدماََ سديت الخط بوجهة يضربها طوب خلي ترجع العباس مطلكه انا شدخلني عوزني بعد
افكر ببنات الحرامي
خليني ارجع للحلبة وي تهاني افضل هذولي مو مال نصيحة و
بحكم تهاني غرفتها فوگ ولازم تصعد درج ويخافون عليها يوميا الصبح تنزل كل غراضها واظل بالصاله ومن الشهر الاول تهاني لزمت ظهرها
ههههههههههه انا لحضات اصدگ هيه ما فرحانه
بطفلها لا فرحانه هيه جاي تغثني هذااا تفكيرها
متناسية انا عندي عرب الما يطيح بالكاع وحامل
لو دخلت للمطبخ تجي وراي وتلزم ظهرها َاخ واخ وابن أبان تعبني هذا اول شهر بعدنه ما كبرت البطن بعدنه
ما حسينه بالوحام
اطلع للحوش تجي وراي بس بحلمي ظليت ما اشوف تهاني
أبان _هااا شعدجن هنا
عطايا _انا جاي اغسل ملابس وهاي جاي تراويني
حملها
أبان _ههههههههه
تهاني _تخليها تضحك عليه هيييج يا حبيبي
أبان _ لا حبيبتي مو هيج بس شسوين هنا
تهاني _دا اشم هوا
عطايا _من تحجي وياي تحجي جنوبي
ومن انت تجي تحول بغدادي
لا خير البيج الحجي البغدادي يلوگ الاهله و الحجي الجنوبي يلوگ الاهله عوجة الحلگ عليمن
تهاني_ دادا انتي مالج دخل
عطايا _ هيج اريد اركعها بس لازمه اعصابي بالكوه شگد تتمغلج
أبان _شحلاتجن وانتن تتعاركن هسا كملن عركتجن بالمطبخ فرات واختج جايين
تهاني _وانا شدخلني اروح للمطبخ
عطايا _خليج هنا انا اروح اسوي الاختي ما لذة
وطاب
أبان _ ما تردين ترحين للدكتور
تهاني _اي و الله اريد اطمن على وليدنه
أبان _حاضر بس انا جاي احجي وي عطايا
عطايا _اريد اروح وي عهود خطيه تريد تشوف
شنو بيها وانا هم اروح
أبان _خوش دكتوره لو اخذج النفس دكتور تهاني
عطايا _هذيج ظلت تدبج احس بعد شوي تكسر
الكاشية وتعبر ع الصبابة
عطايا _لا دكتورة عهود هم خوش دكتورة بس
انطيني فلوس
تهاني _اكلج
عطايا _كوووولي
تهاني _صدوگ شگد ينطيج أبان مصرف
أبان _وهذا السؤال هسا شنو لزمته
تهاني _ردت اعرف حبيبي شنو بيها
عطايا _ ما ينطيني هوه يسوگلنه دائماََ
تهاني _يووووو اني كل راتبه بأيدي واشتري الي
اريده وما يحجي وياي
عطايا _ بالعافيه الله يزيده حتى تقنعين
دخلت للمطبخ گبل من يمتى أبان عدل
حتى بهاي يعدل بيناتنه
حضرت العشا و خذت قوري جبير و حضرت العصاير
و غسلت الناركيله
وحضرت خشبة الدومنه
ودخلت عذاب بطنها كدامها وتمشي مثل البطريق
فرات _من هسااااااا اكول والحاضر يعلم الجاي
بتيييي ما اطيها الاحد لا الابن أبان ولا الابن مدري
منو ترى نتخارب
عطايا _وكف بنص البيت وظل يخطب وفرات
سوالفه الحلوة
يعني شنووو جايتلنه بنوته
عذاب _ايي
عطايا _ههههههههههه الف الف مبروك
عذاب _الله يبارك بيج حبييتي
عطايا _يجوز اريدها الابني
فرات _لا عمه تعذريني انا بنتي ما اطيها انا اريد
احسن نسل ابنكم حلو اريد واحد مو حلو نطور من انتاج هل بلد شلون من خبزة الدولمة رضت بيه
هيج اريد نسوي
عطايا _ههههههههههه
أبان _الف مبروك تتربى بعزكم
تهاني _تتربى بعزكم عيني
ام أبان _يمه فدوه للبنات سبعه واگول گليلات
تكوملك بالسلامة يمه
_رحم الله والديج عمه
فرات _بلا زحمه جيبولنه العشا مريتي وبنيتي
جوعانات وانا ما اسمح بهل شي
عطايا _بعيني هسا اجيبلهم احلى عشا
فرشنه السفره وصبينه العشا شفت عرب نايم بحضن
ابوه خذيته من عنده ودخلت للغرفه جاي احطه على جربايتنه لكيت فلوس على الكومدي
وقصاصة صغيره بخط كلشش حلو
((انا مو جنت ما انطيكم مصرف بس جنت اتونس
من اسوگلكم ))
عطايا _شلت القصاص وحسبت الفلوس ٤٠٠ الف
بتسمت حطيتهن بالكنتور وطلعت الهم
عذاب _ عاشت ايدج الاكل طيب
عطايا_ بالعافيه
فرات _ناوي اخذ المرأة التركيا ما تجون ويانه
تهاني _لااااا وين ويتركني مستحيل ما اكدر
عطايا _خجلت من يمي من كلامها
فرات _بكيفكم
أبان _روحو انتو وان شاء الله من يولدن بالسلامه
نروح كلنه سوى
فرات _ان شاء الله
عطايا _ خليت البنات يشيلون السفرة ودخلت الغرفتي اسولف وي عذاب ومثل كل مره يظلون الحد تالي الليل ياله يرحون
رجع أبان يمي
عطايا _هااا
أبان _شنو هااا اليوم هنا انام
عطايا _ هلا بيك
خليك يم عرب بس ابدل واجي
أبان _اذا تجين يمي بدشداشتج اشگها عليج
عطايا _ ليش
أبان _هيج بكيفي
عطايا _الله يحفظلك كيفك
اصلاََ انا ما اكدر انام بيها تخنگني
لبست ثوب قصير بس جوى الركبه و نص اردان ومستوره من الصدر و الظهر فتحت شعري وعطرت ودخلت بالفراش
أبان _ هاي حدود كوريا الشماليه مثلاََ
عطايا _لابس انا احب انام بالطرف
أبان _اي مو شكال انا اتقرب
عطايا _تقرب مني وجرني الحضنه
احس جسمي سطك جمد ما اعرف شنو اسوي انا
شايفه هواي مسلسلات وشايفتهم شلون يتحاضنون
ويتباوسون وافرح من البطل يحضن البطله بس انا احسه شي غريب كل الي يجمعني بيني وبين أبان علاقه حميميه انا ما شايفتها ولا حاستها بالعكس اكضيها ابجي
أبان _ مو جاي احجي وياج
عطايا _ما سمعتك
أبان _ الفلوس لكيتيهن
_اي شكراََ
أبان _ يكفنكم لو قليلات
عطايا _لا اصلاََ هواي
سكت أبان لحضات ورجع يحجي
وبأيده يمسح على بطني
أبان _ دوري وجهج ليش مطيتني ظهرج
عطايا _ كمت ياله كدرت افتر
أبان _ واخيراََ
عطايا _ حضنتك شنوو الستفاديته
أبان _ هيج بس ارتاحيت
عطايا _ راح اشبه علاقتنه بشي وعذرني عليه
بس اريد اوصلك احساسي و حساس تهاني تمام
أبان _تمام
عطايا _شنو حساسك تهاني يوم يمك ويوم يم
طليقها
أبان _ كملي
عطايا _وشنو حساسك من انا يوم يمك ويوم يم شخص ثاني ولو اتوقع هل شي ما يعنيك يعني
اقصد....
أبان _ انتي مستحيل بيوم تكونين يم احد ولو
لحضة وحده ..تهاني راحت وصارت يم غيري
وكدرت تبدلني بس انتي لا
عطايا _وليش لا
أبان _لأن انتي داخلج مو هيج
عطايا _يعني شنو
يعني _الي يريد يبدلني خلي يبدلني انا ما اوكف على احد بس اوكف عليج
عطايا _........
أبان _ بس لا.... خليني هسااا متونس
عطايا _ تحبني؟
سكت ما جاوبني يعني اقصد كلامك يگول غير
تصرفك
أبان _ احب اليحتويني وانتي هل شي ما مسويته
عطايا _ شلون احتويك وانت ما محتويني يعني
شلون انطيك شي انت ما منطينيا
أبان _ صدگي وكل كلمة راح اكولها انا اعنيها
انا حبيت تهاني حبيتها حب ما توقعت بيوم هل
حب راح يجي مثله حب بس الجاي احسة اتجاهج
أكبر
عطايا _اذن خلينه نرجع للنقطه الاولى شنو شعورك
لو انا يوم يمك ويوم يم غيرك
أبان _ههههههههههههه هذا الشي ما اكدر اتخيله
وجاي اجاهل سؤالج لأن مجرد الفكرره تخليني
هسااا اكوم اكص السانج الج
عطايا _ هذااا الحساس هسااا تهاني عايشته واناااا يوميا اعيشه اي نعم انا ما احس شي اتجاهك بسس مجرد انت زوجي ومفضل غيري عليه حساس يكسر الانسان يكسر المرأة
أبان _ لوووو ما تصرفاتج الرعنه جان هساااااا انا وياج وحدنه وماكوووووو ثالث ويانه
عطايا _ كلام جبير من أبان
هذا الشخص الجاف جاي يحجي كلام جبير
عطايا _ يعني شنوو اجي احضنك ابوسك ولا جن
اكو شييييي ولا جن اكو المصيبه الي بيناتنه
واجاهل الچفة الي جنت معيشني بي
أبان _ ايييي اجاهلي جان داريتي وجعي جان
طيبتي جرحي
انا جنت ماخذ الامور بأنفعال وانا هذااا طبعي من صغري الي براسي اسوي وأذي المقابيلي هاااي
تهانييي لووووو ادوس فوگ راسها تگلي انا تحت طوعك تعرررف تتعامل وياي انتي لاااا
عطايا _ العقد الي بيني وبينك من سيد والعقد الثاني عقد محكمة مو عقد مكاتب خدم
أان _هذاااا حجيج اكرهااااا
عطايا _هاي الحقيقة ليش تقلل من قيمتي بالعكس
انت من تهيني جاي تهين نفسك ورجولتك لأن
انا َوياك سند البعض مووو اذلال واكراه
أبان _اناااا هيج اناااا ملك هل مركب انااااا رئيس هل بيت
عطايا _اصواتنه علت و عرب فز ورجع نام
بعدت نفسي عن حضنه وانا اعتذر اذاا مو اميرة هل بيت ما اقبل فاااا تهاني رئيسة الخدم تفيدك
وخرت من يمه لبست ثوبي وطلعت من الغرفه اناني حقيررررر شنوو احنه مو بشر شنوو تهين بينه
ونسكتلك كلة من تهاني العبدة
حتى رسولنه ما يقبل بهل تصرف تجي انت تريدنه تحت طوووعك لا والف لا لووو تمووووت
عليمن تموت روح ارجع الهاي النايمه بالصاله حبله وتخبلت عليه ناقصتها انا جنها قنينة غاز
صفنت وضحكت ههههههههه قنينه غاز بس بيها بلاء
ظليت ساعة بالحوش ورجعت بس دخلت كامت
ولزمت ظهرها جا شسوين برى شنو أبان ما يريدج
عطايا _ لا انا ما اريدة كتله روح التهاني يكلي
لا اريدج انتي فااا ضجت منه وطلعت شسوي لزگه لازگ بيه
عفتها تلطم هههههههه احب اغثها احب اتلاعب
باعصابها لأن زوج وبسرعه تنغش مثل ما ضحكت عليها قبل اكدر اضحك عليها هسه بس هيه تجبرني
مو عمداََ
رحت وي عهود للدكتورة دخلت هيه قبلي طلعت فرحانه هاااا
عهود _راح اجيبله كرار
عطايا _ تكوميلي بالسلامه
عهود _امين يلا دخلي خلي نشوف وانتي
عطايا _ما اتوقع يبين بعدني
دخلت للدكتوره بعد السلام نمت ع سديه وتغطيت بالجرجف ظلت تلعب بالسونار ع بطني ودوس بدكم الجهاز طمنتني عليه
عطايا _ولد لو بنيه
_هوه ما مبين بس ع الاغلب ولد
عطايا _كلشي من الله نعمة وليد بنيه
صراحة ما جنت اريد بنيه ما اريد يصير بيها مثلنه
الولد يعيش لوو شما يصير بس البنات خطيه منوالهم مثل ما صار بينه من مات ابونه نذلينه و صارت
عيشتنه بالويل ما ردتها تجي ولا سامح الله تعيش
مثلنة
طلعت من دكتوره وعهود متلهفه تعرف شنو بنيه
عطايا _ما مبين
عهود _خير ان شاء الله
عطايا _شو احسج ضايجة
عهود _خاف من اگول العذاب بيه ولد تنقهر
عطايا _اخخخخ شنو هل حجي
عهود _اخاف تنقهر بسببي ما اريدها تضوج واخاف ما اگلها و َتگول لأن بيها ولد ما تحجي والله انا وابني تحت جدامها
عطايا _لا تحجين هيج عذاب طايره بالبنيه و فرات
من اجة جان كلش فرحان لا تفكرين هيج
عهود _ والله البنيه تخبل شوفي هسا احنه بنيات
شلون سند البعض
عطايا _ ربي يرزق كل محروم
عهود _على طاري محروم شخبار شريجتج
عطايا _ والله ماكو اخبار بس استوطنت الصالة مهجعاََ لها لكي تغيض العدو
عهود _تحجي وتأشر على نفسها هههههه يعني انتي العدو
عطايا _ليش اكو غيري هسااا لو اخوانه الفل+سطينين يسوون الجاي تسوي تهاني بيه الله وكيلج ولا صهي +وني يظل بفلس+ طين بسسس اخخخخ ما يعرفون ب تهاني وطرق كيدها
عهود _ختولي والله لو تعبتي منها خابريني اجي
امسح بيها كاشي بيتكم
عطايا _انا ما اتعب التعب يتعب وانا ما اتعب انااا
عطوة بتسمت من كلتها الله شگد حلوة بلسان امي جانت ربي يرحمها برحمة الواسعه
عهود _ صدگ امس خابرني شار+ون
عطايا _ياااا منو هذا
عهود _ انتي مو جنتي تحجين بالقضيه الفل+ سطينيه
عطايا _ايي
_وشار+ون رئيس ذيج الصفحة المشعوله
عطايا _ههههههههه هساااا منو اتصل
_عباس
_اي شيريد
عهود _جان هزيل ناسي تليفونة بالبيت اتصل عليه اكثر من مرة ما رديت انا كام وتصل على تليفوني
عهود _الو
عباس _وين هزيل
_ طالع يودي مصرف بيت اهل كرار وخطيبته
عباس _لو اجة كليله يجيني البيت سعد
عهود _ان شاء الله
ما سديت الخط لااا سديت النت حتى لا تصيريلي مشكله ومنها فوخت گلبي بي
عطايا _دهر هههههههههههه
بس ما عرفتي شنو يريد
عهود _ اصلاََ ما حجيت الهزيل خيولي
عطايا _يااااااااا
عهود _ووجعه والله خيولي يريد ابنه خلي يرجع
يتصل عليه ههههههه يلا خلي ناخذ العلاج هزيل
ينتظر
عطايا _اباوعلها والله انتي شارو+ن مو عباس
عهود _خيولون حراميه متقاسمين دية ابوي
هههههه ومنطين مثنى اقل واحد ظال يلطم الفكر ابن الفكر
عطايا _نار ان شاء الله بزردومهم هاي الفلوس
خذيت العلاج وطلعت
هزيل _وين صرتن ع سريع صعدن
عهود _شصاير
هزيل _ريحانه بت عمي سعد بالمستشفى
وابوي خابرني
عهود _وشسويلها مثلاََ اطيبها
هزيل _يكولون رجلها كاتلها وضاربها على راسها البنيه فاقدة الوعي
عهود _ درت وجهي العطايا بلشت
هزيل _عهووووود ما بيها شماته هاي السوالف
عهود _لا و الله بيها جااااا من ابوي نداس وخذو
فلوسه وخلونه للشارع والناس تصدق علينه مااا
گالو هذني دمنه ولحمنه والله يارب انااا شامته وانت بعد بكيفك
عطايا _عهود وحجت بعد ما تسكت ظل بالي يم
ريحانه خطيه
رجعت للبيت لكيتها شابجة بين عمتي ومحمد
عمتي _بت عمج لزگت بأبني بعدددد ما تفك ياخة
عطايا _.....
عمتي _ ساسكم الخرااا ما اخذ منه مرأة لو امووت
عطايا _لازم اسكت عمتي ضروري اسكت عنها لأن
هيه الورقه الرابحة بحالتي ما اعرف شنو ممكن
يصير بعدين فا اخليها تحجي وتغلط على راحتها
المهم لو صار شي هيه توكف وياي والاريده يصير
تهاني _شنو طلع بيج
عطايا _سلبوووح استغفر الله ياربي دوخري عني
والله بطرانه دفعتها ودخلت غرفتي
عرفنه من هزيل ريحانه داخلة غيبوبه وعمي سعد مشتكي على زوجها بس لأن ابن واحد مسؤول ما سولهم أي شي بالعكس دزو عليه ناس اذا تحجي انت وعائلتك تنام بصفها
هذا كل الي فهمنا منهم
ظلت بالمستشفى قرابة الاسبوع وصحت بس عيونها
ما شوف بيهم
ما شمتت بس هاي حوبتنه الله يطلعها بالبزر لأن الانسان يحب بزرة اكثر من نفسه
ولحد يتوقع يظلم احد وتمر سلاما سلاما لا مستحيل مدام اكو رب عادل فااا الكل مثل مااا يفكر بالاذيه
خلي يجهز روحة للعقاب
ونشمرت ريحانه وهي بعدها طالبة جامعيه وام الطفل والطفل خذو من عدها
تعدت الاشهر وطلع بيه ولد مثل ما كالت الدكتورة
وولدت عذاب وعهود بنفس الشهر بس وحدة ببدايته ووحدة اخر الشهر
وفرات ما يخلي الناس تشوف بنته من بعيد يكلهم شوفو وانطوني الدلاعة بنتي محد مسموحلة يلمسها
والشيخ يركض ورا يريد يشوف حفيدته بس هو
مصر محد يلزم بنتي هاااي بس الي لحد يلزمها
الشيخ _اجي احط بيك مخزن كاااامل
فرات _بوية اخاف عليهاخااف تلزموها وتحبكم انا اغارر.
سلام _حسن أباااان كومو جيبولي هذاااا الصايع
عطايا _حطو دشاديشهم أبطن السروال سووها مثل القميص وركضو ورى فرات
فرات _لااااا هاكم لا اركض وطيح بنيتي اخذوها للشيخ انا متنازل عنها
الشيخ _لااااا اريده هوه
عطايا _لزمو من راسه وكادو
الشيخ _لوو ما حرمتك موجودة وما اريد اقلل من شانك جااا علمتك شلوون ا جيبها
فرات _لا و المسيح الحي انا ردت اجيبها بس انت ما انطيتني مجال
_ههههههههههه جانت ليلة من العمر فرحة غامره صدورنه وعذاب فرحانه ببنيتها
وسموها ياسمين
دلعناها انا وعهوده شحلاتها البنيه تخبل بيضه حمره ومدنفشه
طول الطريق أبان يگول يجبولي هيج بنيه حلوه
تهاني_هسااا اجيبلك الولد وبعدين أجيبلك البنيه
أبان _ كلشي من الله نعمة
تهاني _مو تنساااا باجر وراي دكتور
أبان _لا ما ناسي
عطايا _وراحت تهاني للدكتور وطلع بيها ولد
غير صلخت جلدي وطار يافوخ راسي من حجيها
بعد هيه استقرت بالصالة الطاب والطالع و الرايح والجاي تكله بيه ولد بس كون تسمع عطايا
انااا احاول ما اركز بيها بس هيه تصيحلي ركزي
والحجي البغدادي الي فجأة اطلعه من جيبها
انيييي راح اجيب الولد الابان واني راح اجيب ولي العهد
واني واني
وانا ذابتها ع صامت
وسرى صافه وياها وطول اليوم يحجن فوگ راسي
الحد مااا صرخت كااااااافي والله عرفت ونبي تعبت تعبت اشرد وين ارووح راسي يوجعني بسسس
تحجن كااااااااافي
سرى _يا خيه شبيج ضايجة
عطايا _ انا اطول منهن بحيث من اوكف يمهن يضيعن لزمت سرى من جتف ثوبها باعي ولج انا اريددد
اخلص من تهاني اطلعيلي انتي تر راسي راح
ينبططط بس حجي حجي تردن تحجن روحن
الغرفجن احجن مراسله شنووو هل مصيبه هاااي
عمتي _اي والله راسنه صك من حجيجن كافي هجعن
هچعن =سكتن
عطايا _انا هم عاطت بيه سكتت وكملت شغلي
حطينه العشا محمد ما موجود
يابه وين محمد
عمتي _زعلان مني عوفو يولي من كيفه يرضى ويجي
أبان _ليش زعلان
عمتي _يريد اخطبله ولو تطلع نخله براسه ما اخطب
أبان _.....
نجيب _يمه اذا هوه يريدها خلي ياخذها
عمتي _ خيولي اناا اعرف مصلحته زلمة شطوله
شگده يزعل الخاطر حرمة
أبان _غير يحبها وما يريد غيرها
عمتي _لا و الله يريد غيرها مو انت حبيت وصحت
لو هل مركب لو ما اركب وهل مركبك مال
عطايا _....
تهاني _شنو تقصدين عمه
عمتي _حطي راسج بالسفرة لا انكر هل كصه
بالصحن
عطايا _عمتي مثل المنشار طالع واكل نازل واكل ما عدها لحية مسرحة تحجي ع الكل وما تهتم اذا احد زعل او شال بخاطره المهم تحجي الي تريده
خلصنه العشا صبيت الجاي وخذيت ستكان الجاي لمحمد اكدر ادخل
_فوتي خويه
عطايا _تفضل.
محمد _اي رحم الله والديج راسي راح يطك
عطايا _ووالديك يعني اكدر احجي وياك شوي لو لا
محمد _اي تفضلي ام عرب
عطايا _ انت تريد سهاد؟
محمد _ اي
عطايا _شبسرعة حبيتها
محمد _ والله انتن تنحبن اذا اسأليني انا فاا انا ماعلي عتب سألي ابان الحب 15 سنه لا والله اكثرر
وانتي كدرتي تاخذي الصفحتج
عطايا _عوفك هسا مني بس انت تعرف بالصار
محمد _شما صار وراح يصير ما يهمني المهم تصير
الي
عطايا _ باجر عكبه ما ضوج وتحجي بموضوع
ابوها
محمد _ سهاد ما اكدر ازعلها ولا اكدر اكسر بيها
سهاد قطعه من الجنه هل بنيه
عطايا _.....
محمد _ انا ادري امي راح توافق بالاخير بس خلي
العب عليها هسا شوي انتي لا تفكرين ولا ضوجين
امي ترى رافضتها بس لأن ابوها اذاج
عطايا _لوو تدري ليش رافضتها جان انت هم
رفضت
عفته وطلعت عرفت الولد مصمم و بسبب رفضهم
اصلاََ هوه جاي يصر اكثر على الموضوع
ظلينه ما نشوف محمد حابس روحة بالغرفه
شهر كامل الحد مااا عمتي رضخت وقبلت تروح
تخطبله بس كلتله شنوو يصير انت تتحملة
هو كفل هل موضوع وصارت الخطبه لا انا ولا خواتي رحنه ولا باركنه وعهود فرحانه تگول اذا صار شي
علينه فاا بت عباس ويانه
عطايا _ولج شلون بيج حرام هيج خطيه بنيه شنو
ذنبها ليش تتعاقب على افعالنه
عهود _لا والله مو على افعالنه على افعال ابوها احنه شدخلنه
عطايا _ الله اليستر منج شگد حقودة
عهود _ احسن ياله اكدر اعيش وي شار. ون
عطايا _وشلون هزيل وي كرار
عهود _يبووو ولج ياخذ اجازه زمنيه ويجي يشوفة
يكلي صاحبت المدير بس حتى ارجع واشوف ابني
عطايا _هههههههه الله يدومها علية
أبان _ باجر الصبح عندي طلعه للعمارة ضروري
تكعديني من وكت
عطايا _ ان شاء الله بس تهاني وين
_بيت اهلها رايحة اجهز ملابس الطفل
_خير ان شاء الله تدلل
أبان _ما تجين تنامين بحضني
عطايا _ انام يمك اي بس بحضنك لا ترى كلش ثگيله بس تدنالي اختنگ انفجرر
أبان _ مو شكال المهم يمي
عطايا _....
أبان _ليش هيج ملامحج تصير فجأة
عطايا _ مو ما متعودة عليك حنين
أبان _ هههههه انا ابو الحنيه بس جيب اليحس
عطايا _ صدوگ
أبان _هههههههههههههه تقلدينها
عطايا _موو هيه فجأة تتحول تعلمت منها
أبان _ هاي الابتسامة صرت اكرهااا
عطايا _يااا ليش
أبان _من تبتسمين وجناتج يرفعن يصيرن مثل المشمشات مال اكل
عطايا _ انا رايحة اغسل ملابس تريد شي
_ههههههههه لا روحي
عطايا _ مشمشات يمه راح يموت هذا
لا لا معوز حنان َتهاني مو هنا اجه ياكل بعقلي حلاوة هههههه
جاي افتح الباب وحسيت بحرارة الماي
أبااااااااان
أبان _شصارررررر
عطايا _ طك ماي الراس اخخخخ
ما لحگت اوصل للمستشفى ولدت بالسيارة والحمد لله عمتي وياي هيه عرفت تصرف وأبان يصرخ على
الوادم يريدهم يفتحوله طريق
عطايا _لا تستعجل ما متوجعه
عمتي _بس لا يصير بيج شي بس خلي يكصون هذا السر لا تموتووون
عطايا _ أبان دخل السيارة للمستشفى وركضلهم جابو السدية و الدكتورة كصت الحبل السري
وجبت سلام الصغير جانت سنة حافلة بالولادات
وختمتها تهاني و جابت أمير
وشلون أمير يخبل يخبل يمووووت مستحيل بيوم اشوف طفل مثله
توسلت بيها امها اظل يمها حتى تعتني بالولد ما قبلت
عمتي كلتلها ظلي يمي بالغرفه انا اداري الج الحد ما تتعلمين
تهاني _شنو وانا صغيرة
عمتي _لا مو صغيره بس اكيد ما تعرفيله لازم نسبحة ولازم نداري هل 10 ايام الاولى
عطايا _قفلت تهاني تريد تنام بالصالة
بحجة ما تكدر تصعد ونزلت كل غراضها وغراض
الطفل وامها بس اول يوم باتت يمها وثاني يوم
راحت البيتها حقها اكو واحد ينام بالصالة...
نظام البيت الصالة الكل يمر بيها بيت نجيب واحنه وعمتي ومحمد رغم نومه مزعجة وما بيها أي خصوصة بس هيه جانت مصرة اظل بالصالة أبان تركها على راحتها
لو مديت راسي من باب غرفتي صاحت يمه وليدي يخبل وليدي شحلات وليدي رحت فدوة البولة
وليدي هاي جانت كلمتها الي اسمعها باليوم الف مرة
أبان _ گولي التهاني اريد انام خلي تنصي حسها مو نسطرت
عطايا _ مالي دخل روح انت كلها هسا تگول انا ما اريدها تحجي
حطيت ابني بكاروكة درت على يسار الجربايه غطيت عرب
أبان _الووو
تهاني _هاا حبيبي
عطايا _ اسمعها من التليفون ومن الصالة
أان _نصي صوتج اروحلج فدوه انتي وأمير اريد
اناااام راسي راسييي
_تدلل حبيبي تدلل
عطايا _نام أبان وانا ظليت محتارة طول الليل عرب
كل شوي يذب الغطا انا انزل من جربايتي اغطي
وارجع انام ظل يمي يومين تعذبت نشلع گلبي
بيهم و عمتي من ولدت تهاني ثاني يوم راحت الغير محافظه وي الشيخ ميت واحد من جماعتهم وراحت وظليت وحدي محد يساعدني بالجهال تخبلت بحيث بالليل اذب روحي مثل الميته
ثالث يوم ولادتها طلعت للحمام من دخلت الولد احسة ازرگ ويعصر هواي سألتها خاف بطنه توجعه اكو اكلات ما يصير تاكليها مو زين علية
تهاني _ماااا بي شي لا تفاولين على ابني ادري بيج تكرهي
عطايا _ نهدت بيه انا هم عفتها ودخلت
غيرت ملابسي وذبيت روحي بفراشي مثل الميته بحيث سمعت صوت رسائل الوتساب لا كمت سديته
ولا شفته منو راسلني
اقل الساعة
وفزيت على صوت صرخة انا من تعب عبالي البيت
طاح علينه جريت ولدي الحضني
واردد اشهد ان لا اله الا الله
الخامس والعشرين من هنا
