رواية إلحاد عاطفي كامله وحصريه بقلم رميساء عمرو
١_ البداية.
by Romysaa_Amr
أمسكت بحقيبة سفرها وهي تتسحب خارج شقة والديها ، ترجلت على الدرج بسرعة وهي تقرع باب الشقة التي تبتعد عنهم بطابق
_ أيوة مين ؟
قال مترددًا من خلف الباب؛ فلا أحد سوف يفتح الباب بلا تردد في فجر الجمعة.
_ أنا مِيرال يا لؤي إفتح.
فتح الباب وهو ينظر لها بملامح نائمة غير مستوعبة لما يحدث أو لما ستتفوه به.
_ في إيه يا مِيرال خالي جراله حاجة؟
نفت سريعًا لإتخاذ أفكاره مُنحنى غير ما تأمل به
_ لا لا بابا كويس، أنا كنت عايزة أتكلم معاك.
_ دلوقتِ؟ الساعة تلاتة الفجر؟!
2
خفضت بصرها بتوتر ما لبثت أن نظرت له بجرأة فاجأة.
_ لؤي أنا بحبك وبصراحة مش قادرة أسكت أكتر من كده.
5
ثم أشارت لحقيبتها
_ لميت هدومي وسبت البيت عشان نهرب سوا.
40
هي تهذي، هذا ما قاله داخل عقله ليقترب منها واضعًا يده على جبتهتا في تفحص دقيق؛ لتبتسم بهيام
3
_ مانتِ كويسة ومش سُخنة أهو أومال مالك بقى؟
1
أخرجها من حالة الحب التي قفزت بها لتغضب
_ وهو أنا عشان بحبك يبقى سُخنة ولا جرالي حاجة!
_ لا عشان عيزانا نهرب، هو إيه إلي نهرب واضح إنه الروايات لحست مخك.
وكان مُحقًا كانت تقرأ رواية رومانسية منذ قليل و طرأ في بالها تلك الفكرة المجنونة التي قام بها الأبطال ، سرحت في خيالتها لتفيق على قسوة كلماته
5
_ وبعدين يا مِيرال إنتِ زي أختي .
24
ثم مشطها بنظرات مُشمئزة لهيئتها الرجالية
_ مع إن بمنظرك ده قالبة على أخويا .
36
ابتسمت له بسخرية بينما داخلها يتمزق
_ وماله أخوك أخوك ، بس و حياة أمي يا لؤي ما هسيبك لغيري .
20
ثم صعدت تحت أنظاره المُندهشة لتستمع لصوت الباب وهو يصفعه بشدة
_ جتك رزعة في دماغك يا شيخ لولا أني بحبك بس كنت وريتك إزاي تقفل الباب في وشي كده .
تسحبت لغرفتها ببطئ حتى وجدت شقيقتها الكبرى تخرج وعلى وجهها إمارات الغضب وإنفجرت في وجهها
_ بردو يا مِيرال عملتي إلي في دماغك وعرضتي نفسك عليه ، للدرجة دي إنتِ رخيصة يا مِيرال !
35
لن يتفهم أحد ما يجول بداخلها ولا صراعاتها و حروبها الداخلية ، ردت عليها بثقة وبرود
_ أنا مرخستش نفسي .
_ والله سايبة البيت الفجر و معاكي شنطة هدومك ده بمناسبة إيه بتطمني على صحة معالي ؟
_ إيه إلي بيحصل هنا !
كانت على وشك إخراسها و سبها لكن قاطعهم صوت والدهم ، نظرت شقيقتها لها بتشفى ليستمر الوالد في تسألاته بعدم فهم
_ إنتِ رايحة فين بشنطة هدومك دي يا مِيرال ؟
_ لا يا بابا دي راجعة ، راحت لابن أختك وعرضت عليه يتجوزها وهو رفض فراجعة دلوقتي تتسحب زي الحرامية .
32
صاحت بها الأخرى بغضب وقد أعمتها شيطاينها
_ ما تتلمي بقى أنا سكتالك من الصبح .
_ لا يا أختي اتكلمي اتكلمي يا محترمة يالي بتهربي من بيتك في نِصاص الليالي .
_ إخرسوا إنتوا مش عاملين إحترام لحد .
2
صرخ بهم والدهم ، ثم نظر لمِيرال بنظرات ترغب تكذيبه
_ إلي قالتوا ملك ده صح يا مِيرال ؟
أخفضت بصرها ليستشيط والدها ويشعر بخذلانها له ، ليهوى بكفه على وجهها
_ واضح إني دلعتك زيادة لدرجة أنك عَرتيني ، لأول مرة اتكسف إنك بنتي ، مخك فين ها؟ مخك فين يا عاقلة يا راسية .
11
ملامحها كانت شديدة البرودة بطريقة كفيلة لإستفزازه ليكمل صفعها لتأتي على صوته والدتها بفزع
1
_ في إيه يا محسن عملت إيه مِيرال ؟
حاولت تخليص ابنته الصغيرة من بين يديه ولكنه دفعها
_ سبيني يا سارة أنا هعلمها الأدب .
ظل جسدها يتلقى ضرباته برحب ولا يظهر عليها علامات التألم ، نظرت لهم بتيه أين هي ؟ من هم ؟ لماذا لا تشعر بجسدها ؟ وعلى ذكر جسدها قد هوى أرضاً ومازلت ملامحها متحجرة لا تعلم كيف ذهبت لغرفتها و تكومت على ذاتها غير عابئة بأوجاع جسدها ، أمسكت دوائها المنوم وتجرعت منه قرصين لتغفو خلال دقائق تاركة عالمها بأكمله .
27
___________________
_ البت جاية تقولي يلا نتجوز ونهرب سوا دي إتجننت رسمي يا مراد .
3
صدعت ضحكاته الرجولية من الجانب الآخر
_ واضح ، مش عارفة خالك جراله إيه سايب بنته على حَل شعرها كده ليه برغم إنه ملك محترمة يعني .
28
ظلوا ينمون عليها
9
_ والله يا ابني ما أعرف هي دي إلي عيارها فالت في العيلة ، ده أنت ربنا رحمك إنك سافرت عشان متشوفش منظرها العِكر ينهار أزرق على لبسها يا جدع تقولش صَبي ميكانيكي .
37
تعالت قهقهاته
_ بشوفها يا أخويا ، بتظهرلي صورها على الفيسبوك للأسف نفسي أعملها بلوك بس بنت خالي بردو .
11
تطرق الآخر لسفر أخيه المُبالغ في غيابه تارك سيرة مِيرال و عيوبها التي لا تنتهي
_ المهم إنتَ هتيجي امتى مش كفاية غيبة بقى ؟
1
تنهد تنهيدة مُحملة بالحنين لأرضه و وطنه
_ واللهِ يا لؤي بفكر تعبت خلاص من الغربة ، خاصة وهي مش جايبة همها إدعيلي كده وربنا يسهل .
_ ربنا يرجعك بالسلامة ، بس شَهل شوية عشان عايزة أتجوز .
_ تتجوز ؟ أوعى تكون مِيرال !
قلب وجهه بإشمئزاز لم يبصره الآخر
_ مِيرال إيه وقرف إيه بس ، دي حكاية طويلة يا واد يا مراد ومحتاجة قاعدة على روقان كده .
_ خلصانة نتكلم بليل .
18
____________________
ظلت والدتها تحاول إيقاظها وهي لا تستجيب
_ يا محسن إلحقني البت باينلها قطعت النفس ولا إيه .
نظر لها بعدم إكتراث بينما قلبه يكاد يكون قلقاً على صغيرته
6
_ يلا أحسن يكش تموت ونخلص من قرفها .
صرخت سارة بلوعة ودموعها تنهمر
_ حرام عليك يا محسن متقولش كده .
نهض تاركاً إياها عائدة لغرفة مِيرال تحاول إيقاظها لتلحظ علبة الدواء بجانبها لتشهق بفزع
_ يلاهوي بنتي إنتحرت .
أخذت تولول حتى أتت ملك على صوت صراخها
_ في إيه يا ماما ؟
نظرت لها من بين دموعها
_ أختك إنتحرت .
نظرت الأخرى بفزع لها و للعلبة التي تمسكها والدتها ، ولخبرتها في مجال الصيدلة أدركت ماهية الدواء
_ حرام عليكي يا ماما فزعتيني ده منوم .
3
بدأ دموعها تنحسر وتقاسيمها تنفرج
_ يعني أختك مماتتش ؟
_ لا زي القردة أهي .
5
حمدت الله في سرها على سلامة إبنتها وهي تنهض لتستكمل أعمالها المنزلية ، حتى حل المساء وبدأت مِيرال في الاستيقاظ وقد إقتربت عائلتها على إنهاء يومهم
ذهبت للمرحاض وهي تتجاهل نظراتهم وقفت أمام المرأة تفرش أسنانها وترطب وجهها و إمارات التعب بادية على وجهها لتهمس بفحيح لإنعكاسها
4
_ ولو كسروا عضمي لؤى بتاعي .
85
حبها للإمتلاك أعمى قلبها و بصرها وتصرفاتها تلك ستقودها للهلاك وهي تعلم ولكنها تُكبار
خرجت من المرحاض وملامحها هادئة ثم إنحرفت نحو المطبخ باحثاً عن أي طعام يسد رمقها ويبقيها حية و دلفت غرفتها مرة أخرى مُغلقة الباب خلفها بهدوء ، لينظر محسن لسارة في قلة حيلة
_ غلطانة وقليلة الرباية ومش عاجبها بردو ، هو إحنا كنا فين وبنتك دي بتتربى يا سارة ؟
إنطلقت ضحكة عفوية من ملك لتنهارها والدتها وبالها مشغول بابنتها .
54
________________
_ إتعرفت عليها وأنا رايح مع أمك المستشفى وهي كمان كانت رايحة المستشفى مع أختها وخدنا أرقام بعض وقلت لها إني عايز اتقدملها بس لما إنتَ تيجي من السفر .
تخطى إندهاشه وهو يمازح شقيقه
_ مش بتضيع وقت يواد يا لؤى وكل ده ومتقوليش ماشي يعم ، المهم ألف مبروك يا حبيبي وربنا يتمملك على خير وأنا إن شاء الله أنزل إجازة قريب ونروح نتقدملها .
_ بسرعة الله يكرمك .
5
قالها بنبرة مستعطفة لتثير ضحكات الآخر
_ يا ابني اتقل بقى الله مش كده .
_ أكتر من كده ، مانت مش حاسس بيا يا معقد .
من المفترض أن تحزنه كلمات أخيه لكن ضحكاته تعالت مرة أخرى
_ معقد بس برنس ياض ، بلا محن ستات يعم .
7
ظل الحوار بينهم دائر بود ومرح حتى إستأذن كل منهم متعللاً بعمله .
