رواية زوجتي فوضوية كامله وحصريه بقلم صابرين شعبان

الفصل الأول

كانت تنظر إليه و قد فغرت فاه كأبله لا عقل له، ثم أغلقت فمها و أعتدلت في جلستها و نظرت إليه كأنه مختل قد فقد عقله ،كان ينظر لطفليه و هو يدعي إنشغاله في تعديل وضع جلوسهم علي كرسي الأطفال ، يعطي لكل منهم لعبة يلهو بها و هو يتهرب من عينى زوجته، التي قامت من مجلسها تمسك بذراعي فستانها تشمر عنهما و كأنها تستعد لدخول معركة(خناقه)، التفت حول الطاولة تتقدم من مقعده قائلة

" سمعني كده يا حبيبي بتقول ايه"

أرتبك زوجها من حديثها قائلاً

"يا حبيبتي أهدي و أنا هفهمك"

صرخت فيه بقوة قائلة

"أنت اتجننت يا أحمد عايزني أسيب ولادي الإتنين، لمدة شهرين و هما عمرهم سنتين مع أختي المهفوفة و أخوك أبو دماغ دبش عشان يرجعوا يعيشوا مع بعض تاني،و يحولوا يصلحوا جوازهم إلي خرب بعد سنه ، " صمتت قليلاً ثم عادت تكمل بعد أخذ أنفاسها

" و أن شاء الله بقي عايزني أسيب ولادي مع أتنين زي دول أزاي أنت ناسي إلي عملوه في الولاد قبل كده "

أحمد و هو يحاول تهدءتها قائلاً

"يا حبيبتي أكيد هما دلوقت أتعلموا يعاملوا الولاد أزاي بعد مشافونا معاهم فمش هيكررو غلطتهم القديمةأكيد"

روفيدا و هي تنظر إليه بغيظ لبروده قائلة

"طبعاً مش هيكررو غلطتهم تاني لأنهم هيرتكبوا غلطات تانية أكيد ، واحدة أقولها أعملي رضعة لهيثم تروح تجبلي كوباية لبن ولما أسألها ايه ده تقولي اه نسيت و تجري ع المطبخ تجبلي معلقة و شليمو و تقولي عايزة أنهي فيهم ، على أساس أننا كنا قاعدين تحت شجرة لمون في موعد غرامي أنا و هيثم و هرضعه بالشليمو ، و طبعاً دلوقت بيأكل فأكيد هتأكله سد الحنك و مسقعة" ثم عادت تستكمل حديث ذكرياتها قائلة ..

" و لا لما سابت إنچي في المرجيحه، و جيت لقتها متعلقه من رجليها و وشها أحمر و عندها ديق تنفس و كانت هتموت قولي أسيبهم معاها إزاي "؟؟

لم يتحدث أحمد و تركها تفرغ ما بداخلها حتي يحاول إقناعها بهدوء

نظرت إليه روفيدا و هى تقول

" ولا أخوك العاقل الراسي أستاذ الجامعة لما جاب لهيثم العجلة و هو عنده سنة وسابه عليها وقع و بوقه أتعور و جاب دم دول اءمنهم علي ولادي أزاي " قالتها صارخة في وجه زوجها ..

أحمد و هو يتذكر هذا اليوم فقد كاود يموتون هلعا في ذلك الوقت، علي الطفلة فقد كانت شقيقتها قد أغلفت عنها و هى تلعب في هاتفها ، و بعد أن أطمئنت روفيدا علي الطفلة كادت أن تقتل شقيقتها و هما تتشاجران ، و هو كان يقف بينهما يتلقي ضرباتهم هو نفسه ذلك اليوم الذي أصيب هيثم فيه فكادت تجن منهما ..

"يا حبيبتي حصل خير و البنت بقت كويسة هى بس نسيت تربطلها حزام المرجيحة عشان يثبتها و صلاح كان فاكر أن هيثم كبر و هيعرف يمسك العجلة كويس "

روفيدا و هي تنظر إليه بصدمة لتبرير خطأ شقيقتها و شقيقه الذي كاد أن يودي بحياة الصغيرة و أصابة صغيرها

"بقولك أيه متحولش تقنعني مش هوافق أبدا دول عديمي المسؤولية و أنا مش مستغنية عن ولادي "

أحمد و هو يحاورها ليقنعها

" حبيبتي صلاح واعي و انتي عارفه كده كويس و مش هيكرر غلطو مرتين ، وهو ده إلي أنا عايزه عشان أقدر أقنع صلاح أنهم يفضلوا الشهرين دول مع بعض لحد منرجع من السفر حماية للولاد يعني و بعدين يمكن يراجعوا نفسهم و يرجعوا لبعض"

روفيدا و هي تكتف يديها أمام صدرها برفض و تنظر لولديها الجالسين في مقعدهما و كأنها تفكر

"دا علي أساس أن أخوك مشاء الله يقدر يتحمل مسؤولية أوي يا راجل دا مستحملش مراتة سنه و أنفصلوا و للأسباب تافهة ال ايه بتقلع هدومها في الصالة و هي جاية من بره ، وايه كمان بتقلع الجذمة و تحدفها في أي مكان ، و تخليه يتكعبل فيها و بتأكل في أوضه النوم ، بالذمه دي أسباب تخلي واحد عاقل ينفصل عن مراته بعد سنه دا بدل ميحاول يصلح الأمور بينهم"

أحمد و هو يفكر في أوقات مناقشتةلشقيقه لتركه فدوي متذكرا قوله حيينها ..

"دي مش منظمة خالص يا أحمد أنا بمشي في البيت وراها أصلح و أساوي هو أنا متجوزها ليه عشان أصحى كل يوم الصبح أقع على دماغي عشان أتكعبلت في جذمتها إلي الهانم مش هاين عليها تحطها مكانها ولا أدخل الحمام أتزحلق و أحاول أمسك نفسي لقع كأني بلعب أكروبات ليه عشان الهانم سابت الميه علي أرضية الحمام إلي غرقانه بالشامبو بتعها،

مبتعرفش تطبخ و مقضيها بيض و جبنة ،حاسس أني في سجن مستني تزود كمان الحلاوة و العيش غير قمصاني إلي الأبيض فيها بقي أحمر و أزرق و بنفسجي عشان الهانم بتغسلهم مع ......أسكت يا أحمد سبني ساكت أحسن "

عاد أحمد من ذكرياته علي صوت زوجته

"أنا بقولك أهو أنسي أسيب الولاد معاهم أنا مش مستغنية عنهم "

أحمد بتمهل في الحديث معها

أهدي بس يا حبيبتي مانتي عارفه صلاح مهوس نضافه و نظام و أختك بصراحه كانت نقيضه تماماً لازم نديهم فرصة يحاولوا يصلحوا أمورهم علشان كل الأسباب التافة إلي قولتيها من شويه

"روفيدا بغيظ .." هو أنا حيشاهم ميتصلحلوا بس بعيد عن ولادي "

أحمد بنفاذ صبر قائلاً فهى عنيدة للغاية..

"طب أزاي هنجمهم أزاي و كل واحد منهم رافض الأمر "

" معرفش أتصرف أعمل إلي تعمله "

"مهو أنا عشان كده أقترحت نسيب الولاد بأي حجه الشهرين دول معاهم أهو الولاد يقربوا بينهم فيتعاملوا مع بعض تاني و ترجع الأمور تتصلح "

روفيدا بتفكير قائلة ..

"طب و هتقولهم رايحين فين "

أجابها أحمد و قد شعر باللين من ناحيتها " متشغليش بالك أنتي هنقول مسافرين لأي سبب"

روفيدا بدهشة هاتفة

"هو إحنا هنسافر بجد "

أحمد مفهما بهدوء حتى لا تثور مرة أخرى ..

"لاء طبعا إحنا هنقعد في أي فندق قريب م البيت عشان يكونوا تحت عنينا هنا و الولاد عشان تطمني أكتر"